ସାଧାରଣତଃ ଖରାଦିନେ ତରଭୁଜର ଚାହିଦା ଅଧିକ । ଜଳୀୟାଂଶରେ ଭରପୂର ଏହି ଫଳ ଶରୀରକୁ ହାଇଡ୍ରେଟ୍‌ ରଖିବା ସହ ତ୍ବଚାକୁ ମଧ୍ୟ ଉଜ୍ଜ୍ବଳ ରଖେ। ଖରାଦିନେ ତରଭୁଜ ପ୍ୟାକ୍‌ର ବିବିଧ ଉପଯୋଗିତା ସମ୍ପର୍କରେ ଜାଣନ୍ତୁ।

-ତରଭୁଜକୁ ଚକଟି ସେଥିରେ ବେସନ ମିଶାନ୍ତୁ।

-ଏହାକୁ ୧୫ ମିନିଟ୍ ପର୍ଯ୍ୟନ୍ତ ମୁହଁରେ ଲଗାଇ ରଖନ୍ତୁ ।

-ଏହା ପରେ ଅଳ୍ପ ପାଣିରେ ଏହାକୁ ମସାଜ୍ କରି ମୁହଁ ଧୋଇ ଦିଅନ୍ତୁ ।

-ସେହିପରି ତରଭୁଜ ରସକୁ ମୁହଁରେ ୧୦ ମିନିଟ୍ ଲଗାଇ ରଖିବା ପରେ ଧୋଇ ଦିଅନ୍ତୁ ।

ନିତିଦିନ ବ୍ୟବହାର କରିବା ପରେ ତ୍ବଚା କୋମଳ ଓ ଉଜ୍ଜଳ ଦେଖାଯାଏ ।

ତ୍ବଚାକୁ ପ୍ରାକୃତିକ ଚମକ ପ୍ରଦାନ କରିଥାଏ ମୁଲତାନି ମାଟି। ଏହାର ବ୍ୟବହାର ଦ୍ବାରା ସନବର୍ଣ୍ଣ, ବ୍ରଣ ତଥା ମୃତ କୋଷିକା ଆଦି ସମସ୍ୟା ଦୂର ହୋଇଥାଏ। ସୁସ୍ଥ ତଥା ସୁନ୍ଦର ତ୍ବଚା ଲାଗି ଏହାର ରହିଛି ବିବିଧ ଉପଯୋଗିତା।

-ଗୋଟିଏ ପାତ୍ରରେ ମୁଲତାନି ମାଟି, ହଳଦୀ, ଚନ୍ଦନ ପାଉଡର ଓ ପାଣି ମିଶାଇ ଏକ ପ୍ୟାକ୍‌ ପ୍ରସ୍ତୁତ କରନ୍ତୁ। ତାହାକୁ ମୁହଁରେ ଲଗାଇ ୨୦ ମିନିଟ୍‌ ରଖନ୍ତୁ। ଏହାପରେ ମୁହଁକୁ ଧୋଇ ଦିଅନ୍ତୁ। ଏହାକୁ ଲଗାଇଲେ ବିଭିନ୍ନ ଦାଗ ଆଦି ସମସ୍ୟା ଦୂର ହୁଏ।

-ମୁଲତାନି ମାଟିରେ ଦହି ଓ ଗୋଲାପ ଜଳ ମିଶାଇ ମୁହଁରେ ଲଗାନ୍ତୁ। ଅଧ ଘଣ୍ଟା ପରେ ମୁହଁକୁ ଧୋଇ ଦିଅନ୍ତୁ। ୧୫ ଦିନରେ ଥରେ ଏହି ଫେସ୍‌ପ୍ୟାକ୍‌କୁ ବ୍ୟବହାର କରିବା ଉଚିତ।

-ପାଚିଲା ଅମୃତଭଣ୍ଡାକୁ ଭଲଭାବେ ଚକଟି ଦିଅନ୍ତୁ। ସେଥିରେ ମୁଲତାନି ମାଟି ଓ ଅଳ୍ପ ଗୋଲାପ ଜଳ ମିଶାଇ ଫେସ୍‌ ପ୍ୟାକ୍‌ ତିଆରି କରନ୍ତୁ। ଏହାକୁ ମୁହଁରେ ୧୫-୨୦ ମିନିଟ୍ ରଖିବା ପରେ ଧୋଇ ଦିଅନ୍ତୁ। କିଛିଦିନ ବ୍ୟବହାର କରିବା ପରେ ତ୍ବଚାରେ ନୂତନତା ଅନୁଭବ କରିବେ।

-ମୁଲତାନି ମାଟିକୁ ଅଣ୍ଡାର ଧଳା ଅଂଶ ସହ ମିଶାଇ ଏକ ପ୍ୟାକ୍‌ ପ୍ରସ୍ତୁତ କରନ୍ତୁ। ତାହାକୁ ମୁହଁରେ ଲଗାନ୍ତୁ। ଏହା ଦ୍ବାରା ଏଜିଂ ସମସ୍ୟା କମ୍ ହୋଇଥାଏ।

-ଚନ୍ଦନ ପାଉଡରରେ ମୁଲତାନି ମାଟି, କ୍ଷୀର ଓ ନଡ଼ିଆ ତେଲ ମିଶାଇ ମୁହଁରେ ଲଗାନ୍ତୁ।

-ମୁଲତାନି ମାଟିରେ ଘିକୁଅଁାରୀ ମିଶାଇ ଲଗାଇଲେ ତାହା ମଏଶ୍ଚରାଇଜର ଭଳି କାମ କରିଥାଏ।

-ମୁଲତାନି ମାଟିରେ ଗ୍ଲିସେରିନ୍, ଲେମ୍ବୁ ରସ ଓ ଗୋଲାପ ଜଳ ମିଶାଇ ଲଗାନ୍ତୁ। ଏହା ମୁହଁର ଔଜଲ୍ୟ ବୃଦ୍ଧି କରେ।

କହୁଣିର କଳା ଦାଗ ମଧ୍ୟ ଶରୀରର ସୌନ୍ଦର୍ଯ୍ୟ ଉପରେ ପ୍ରଭାବ ପକାଏ। ଶୀତ ଦିନେ ଏହା ଅଧିକ ରୁକ୍ଷ ଓ କଳା ଦେଖାଯାଏ। ସେଥିପାଇଁ କହୁଣିର ମଧ୍ୟ ଉଚିତ୍ ଯତ୍ନ ନେବା ଦରକାର। ଘରୋଇ ଉପାୟରେ ମଧ୍ୟ ସହଜରେ କହୁଣିର କଳାଦାଗକୁ ଦୂର କରାଯାଇପାରିବ।

-କହୁଣିରେ ଲେମ୍ବୁ ଘଷିଲେ ଏହି ସମସ୍ୟା ଦୂର ହୁଏ।

-ଚାଉଳ ଚୂନା, ହଳଦୀ ଓ ଦହି ମିଶାଇ ଏକ ପ୍ୟାକ୍‌ ପ୍ରସ୍ତୁତ କରନ୍ତୁ। ତାହାକୁ କହୁଣିରେ କିଛି ସମୟ ପାଇଁ ସ୍କ୍ରବ୍ କରନ୍ତୁ। ସପ୍ତାହକୁ ଦୁଇ ଥର ଏହାକୁ ବ୍ୟବହାର କରିବା ଦ୍ବାରା କହୁଣି କଳାପଣ ଭଲ ହୋଇଯାଏ।

-ବାଦାମ ତେଲକୁ ସୂର୍ଯ୍ୟମୁଖୀ ତେଲ ସହ ମିଶାନ୍ତୁ। ସେଥିରେ ଚନ୍ଦନ ତେଲ ମଧ୍ୟ ମିଶାଇ ଲଗାନ୍ତୁ। କହୁଣିର ରୁକ୍ଷ ପଣ ଦୂର ହୁଏ।

-ସେହିପରି ରାତିରେ ମୁଗ ଡାଲିକୁ ବତୁରାଇ ରଖନ୍ତୁ। ସକାଳେ କ୍ଷୀର ସହ ମିଶାଇ ତାହାକୁ ବାଟି ଦିଅନ୍ତୁ। ସେହି ପେଷ୍ଟ୍‌କୁ କହୁଣିରେ କିଛି ସମୟ ଲଗାଇ ରଖିଲେ କଳା ଦାଗ ସମସ୍ୟାରୁ ମୁକ୍ତି ମିଳିଥାଏ।

ଆଇରନ୍‌, ଭିଟାମିନ୍‌, କ୍ୟାଲସିୟମ୍‌, ପଟାସିୟମ୍‌ ଆଦି ପୋଷକତତ୍ତ୍ବ ଖଜୁରିରେ ଅଛି। ତେଣୁ ଖଜୁରି ଶରୀରକୁ ତୁରନ୍ତ ଶକ୍ତି ଯୋଗାଇଥାଏ। ସେହିପରି ସ୍ବାସ୍ଥ୍ୟ ସହ ସୌନ୍ଦର୍ଯ୍ୟ ଲାଗି ମଧ୍ୟ ଏହା ଉପକାରୀ। ଏହାକୁ ତ୍ବଚାରେ ଫେସ୍‌ପ୍ୟାକ ଭାବେ ମଧ୍ୟ ବ୍ୟବହାର କରାଯାଇପାରିବ।

– ଖଜୁରିକୁ ଭଲଭାବେ ଧୋଇ ଗ୍ରାଇଣ୍ଡିଂ କରନ୍ତୁ। ସେହି ପେଷ୍ଟ୍‌ରେ କ୍ଷୀର ଓ ହଳଦୀ ମିଶାଇ ଏକ ପ୍ୟାକ୍‌ ପ୍ରସ୍ତୁତ କରନ୍ତୁ। ତାହାକୁ ମୁହଁରେ ଲଗାଇ ୨୦ ମିନିଟ୍ ରଖିବା ପରେ ମୁହଁ ଧୋଇ ଦିଅନ୍ତୁ। ଏହା ଦ୍ବରା ତ୍ବଚା ଉଜ୍ଜ୍ବଳ ଦିଶିବ।

-ଖଜୁରିକୁ କ୍ଷୀରରେ ଭିଜାଇ କିଛି ଘଣ୍ଟା ରଖନ୍ତୁ। ଏହା ପରେ କ୍ଷୀର ସହ ମିଶାଇ ତାହାକୁ ଗ୍ରାଇଣ୍ଡିଂ କରନ୍ତୁ। ସେହି ପେଷ୍ଟ୍‌ରେ କିଛି ଘିକୁଆଁରୀ ରସ ମିଶାଇ ମୁହଁରେ ଲଗାନ୍ତୁ। କିଛି ସମୟ ରଖିବା ପରେ ମୁହଁକୁ ଧୋଇ ଦିଅନ୍ତୁ। ଏହାକୁ ଲଗାଇବା ଦ୍ବାରା ତ୍ବଚା ହଗହୀନ ଓ କୋମଳ ରହିଥାଏ।

-ଖଜୁରିକୁ ରାତି ସାରା ପାଣିରେ ବତୁରାଇ ରଖନ୍ତୁ। ସକାଳେ ତାହାକୁ କ୍ଷୀର ଓ ସରରେ ମିଶାଇ ବାଟି ଦିଅନ୍ତୁ। ସେହି ପେଷ୍ଟ୍‌ରେ କିଛି ବୁନ୍ଦା ଲେମ୍ବୁ ରସ ମିଶାଇ ମୁହଁରେ ଲଗାନ୍ତୁ। ସପ୍ତାହକୁ ଦୁଇଥର ଏହି ପ୍ୟାକ୍‌କୁ ବ୍ୟବହାର କରିପାରିବେ।