ମେକ୍ସିକୋ ସିଟି: ଭିକ୍ଟୋରିଆ ଜାଏର ଥେଇଲଭିଗ୍‌ ବିଶ୍ବ ସୁନ୍ଦରୀ ହୋଇଛନ୍ତି। ୧୨୫ ଜଣ ପ୍ରତିଯୋଗୀଙ୍କୁ ପଛରେ ପକାଇ ମେକ୍ସିକୋରେ ଶନିବାର ଅନୁଷ୍ଠିତ ୭୩ତମ ବିଶ୍ବ ସୁନ୍ଦରୀ ଟାଇଟଲ୍‌କୁ ୨୧ ବର୍ଷୀୟ ଜାଏର ନିଜ ନାମରେ କରିଛନ୍ତି। ଡେନ୍‌ମାର୍କର ପ୍ରଥମ ମହିଳା ଭାବେ ସେ ଏହି ସଫଳତା ହାସଲ କରିଛନ୍ତି। ଏହି ପ୍ରତିଯୋଗିତାରେ ଭାରତର ରିଆ ସିଙ୍ଘା ମଧ୍ୟ ସାମିଲ ହୋଇଥିଲେ। ତେବେ ସେ ପ୍ରଥମ ୫ ଜଣଙ୍କ ମଧ୍ୟରେ ସ୍ଥାନ ପାଇପାରି ନ ଥିଲେ। ନାଇଜେରିଆର ଚିଡିମା ଆଡେଟ୍ସହିନା ପ୍ରଥମ ଏବଂ ମେକ୍ସିକୋ ସୁନ୍ଦରୀ ମାରିଆ ଫ୍ରେନାନ୍‌ଡା ବେଲ୍‌ଟ୍ରାନ ଦ୍ବିତୀୟ ରନର୍ସ-ଅପ୍‌ ହୋଇଛନ୍ତି।

ବିଶ୍ବ ସୁନ୍ଦରୀ ଭିକ୍ଟୋରିଆ ଉଦ୍ୟୋଗପତି ଏବଂ ନୃତ୍ୟଶିଳ୍ପୀ ଭାବେ ମଧ୍ୟ ନାମ କମାଇଛନ୍ତି। ୨୦୦୪ରେ ଡେନ୍‌ମାର୍କରେ ଜନ୍ମିତ ଏହି ବିଶ୍ବ ସୁନ୍ଦରୀ ‘ବିଜ୍‌ନେସ୍‌ ଆଣ୍ଡ ମାର୍କେଟିଂ’ରେ ଗ୍ରାଜୁଏଟ ହୋଇଥିଲେ। ସେ ନିଜ ଦକ୍ଷତାକୁ ଅଳଙ୍କାର ଉଦ୍ୟୋଗରେ ପ୍ରତିପାଦନ କରିଛନ୍ତି। ହୀରା ବ୍ୟବସାୟରେ ସଫଳ ହୋଇଛନ୍ତି। ଏବେ ସେ ଓକିଲ ହେବାକୁ ଚାହୁଁଛନ୍ତି। ମାନସିକ ସ୍ବାସ୍ଥ୍ୟ, ପଶୁପକ୍ଷୀଙ୍କ ସୁରକ୍ଷାକୁ ପ୍ରୋତ୍ସାହନ ମଧ୍ୟ ଦେଉଛନ୍ତି। ସେ ପ୍ରଥମେ ସୁନ୍ଦରୀ ପ୍ରତିଯୋଗିତାରେ ଭାଗ ନେଇ ମିସ୍‌ ଡେନ୍‌ମାର୍କ ହୋଇଥିଲେ। ପରେ ଭିକ୍ଟୋରିଆ ଆଉ ପଛକୁ ଫେରି ନ ଥିଲେ। ୨୦୨୨ରେ ‘ମିସ୍‌ ଗ୍ରାଣ୍ଡ ଇଣ୍ଟରନ୍ୟାସନାଲ’ ପ୍ରତିଯୋଗିତାରେ ପ୍ରମୁଖ ୨୦ ପ୍ରତିଯୋଗୀଙ୍କ ମଧ୍ୟରେ ସାମିଲ ହୋଇଥିଲେ।

ମୁମ୍ବାଇ : ଅଡୁଆରେ ବିଶ୍ବ ସୁନ୍ଦରୀ ହରନାଜ କୌର ସନ୍ଧୁ । ନିଜର ସୁନ୍ଦରତାକୁ ନେଇ ସାରା ବିଶ୍ୱରୁ ଚର୍ଚ୍ଚା ସାଉଣ୍ଟିଥିବା ବିଶ୍ୱସୁନ୍ଦରୀ ହରନାଜ ସନ୍ଧୁଙ୍କ ବିରୋଧରରେ ଜଣେ ସିନେମା ନିର୍ମାତା ଥାନାରେ ମାମଲା ରୁଜୁ କରିଛନ୍ତି। ‘ଦି କପିଲ ଶର୍ମା’ ସୋ’ର ‘ବୁଆ’ ଭୂମିକାରେ ଅଭିନୟ କରୁଥିବା ଉପସାନା ସିଂ ଚଣ୍ଡିଗଡ଼ର ଏକ ସ୍ଥାନୀୟ କୋର୍ଟରେ ହାଜର ହୋଇଛନ୍ତି। ଉପସାନା ହରନାଜଙ୍କୁ ତାଙ୍କ ପ୍ରଡକ୍ସନ୍ ଫିଲ୍ମ ସମ୍ପର୍କରେ ଚୁକ୍ତି ଭଙ୍ଗ କରିଥିବା ଅଭିଯୋଗ କରିଛନ୍ତି। ଚୁକ୍ତିନାମା ଉଲ୍ଲଂଘନ ଅଭିଯୋଗରେ ହରନାଜଙ୍କୁ ମଧ୍ୟ କ୍ଷତିପୂରଣ ମାଗାଯାଇଛି। ଗୁରୁବାର ଦିନ ଉପାସନା ଚଣ୍ଡିଗଡ଼ ଜିଲ୍ଲା କୋର୍ଟରେ ସିଭିଲ ମକଦ୍ଦମା ଦାୟର କରିଛନ୍ତି।

ଉପାସନାଙ୍କ ଅଭିଯୋଗ ମୁତାବକ ହରନାଜ ଚୁକ୍ତି ଖିଲାପ କରିଛନ୍ତି । ଉପାସନା ସିଂଙ୍କ ପଞ୍ଜାବୀ ସିନେମା ‘ବାଇ ଜୀ କୁଟ୍ଟାଙ୍ଗ’ ରେ ହରନାଜ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ହେଲେ ସିନେମାର ପ୍ରମୋଶନ ପାଇଁ ସେ ଚୁକ୍ତି କରିଥିଲେ ବି ସମୟ ଦେଉ ନଥିବା କଥା କହିଛନ୍ତି ଉପାସନା । ଏହି ଫିଲ୍ମ ନିର୍ମାତା କହିଛନ୍ତି କି ହରନାଜ ୨୦୨୧ ମସିହାରେ ସନ୍ତୋଷ ଏଣ୍ଟରଟେନମେଣ୍ଟ ଷ୍ଟୁଡିଓ ଏଲଏଲପି ସହିତ ଏକ ଚୁକ୍ତି କରିଥିଲେ । ଏହି ଚୁକ୍ତି ମୁତାବକ ସିନେମାର ପ୍ରମୋଶନ ଓ ପ୍ରଚାର ପାଇଁ ଉପାସନା ସମୟ ଦେବାର ଥିଲା । ହେଲେ ଏବେ ସିନେମାର ପ୍ରମୋଶନ ପାଇଁ ସେ ସମୟ ଦେବାକୁ ରାଜି ହେଉ ନାହାଁନ୍ତି । ଏହି ସିନେମା ପାଇଁ ଉପାସନା ବହୁଗୁଡିଏ ଅର୍ଥ ଖର୍ଚ୍ଚ କରିଥିବାରୁ ଏହାକୁ ନେଇ ଚିନ୍ତା ପ୍ରକଟ କରିଛନ୍ତି ।

ନିର୍ମାତା ଆହୁରି କହିଛନ୍ତି, ‘ଯେତେବେଳେ ସେ ମିସ୍ ୟୁନିଭର୍ସ ନଥିଲେ ସେହି ସମୟରେ ମୁଁ ତାଙ୍କୁ ଏକ ସୁଯୋଗ ଦେଇଥିଲି । ଏହା ଏକ ଛୋଟ ବଜେଟ୍ ଚଳଚ୍ଚିତ୍ର ନୁହେଁ । ଏଥିପାଇଁ ବିପୁଳ ପରିମାଣର ଖର୍ଚ୍ଚ ହୋଇଛି। ”ସେ କହିଛନ୍ତି ଯେ ଏହି ଫିଲ୍ମ ମେ ୨୭ ରେ ରିଲିଜ ହେବ କିନ୍ତୁ ହରନାଜ୍‌ଙ୍କ ଅନୁପସ୍ଥିତି ଯୋଗୁଁ ଏହାର ରିଲିଜକୁ ଅଗଷ୍ଟ ୧୯ ପର୍ଯ୍ୟନ୍ତ ସ୍ଥଗିତ ରଖିବାକୁ ପଡିବ।

ଏଠାରେ ଉଲ୍ଲେଖଯୋଗ୍ୟ ୨୦୨୧ ଡିସେମ୍ବର ମାସରେ ଇସ୍ରାଇଲରେ ଆୟୋଜିତ ମିସ୍ ୟୁନିଭର୍ସ ପ୍ରତିଯୋଗିତାରେ ମିସ୍ ୟୁନିଭର୍ସ ଟାଇଟଲ ଜିତିଥିଲେ ହରନାଜ କୌର ସନ୍ଧୁ। ଦୀର୍ଘ ୨୧ ବର୍ଷ ପରେ ଭାରତ ଜିତିଥିଲା ମିସ୍ ୟୁନିଭର୍ସ ଟାଇଟଲ । ପଞ୍ଜାବ ଚଣ୍ଡୀଗଡ଼ର ୨୧ ବର୍ଷ ବୟସ୍କା ହରନାଜ କୌର ସନ୍ଧୁ ଦୀର୍ଘ ଦୁଇ ଦଶନ୍ଧି ଅପେକ୍ଷାର ଅନ୍ତ ଘଟାଇ ଏହି ମୁକୁଟ ଜିତି ଭାରତକୁ ଗୌରବାନ୍ଵିତ କରିଥିଲେ। ତୃତୀୟ ଭାରତୀୟ ଭାବେ ହରନାଜ କୌର ସନ୍ଧୁ ଏହି ଟାଇଟଲ ଜିତିଥିଲେ । ଇସ୍ରାଏଲର ଅନୁଷ୍ଠିତ ୭୦ତମ ମିସ୍‌ ୟୁନିଭର୍ସରେ ହରନାଜ ପ୍ରାୟ ୮୦ ଜଣ ପ୍ରତିଯୋଗୀଙ୍କୁ ପଛରେ ପକାଇ ଏହି କୀର୍ତ୍ତିମାନ ସ୍ଥାପନ କରିଥିଲେ। ହରନାଜଙ୍କ ପୂର୍ବରୁ ୨୦୦୦ ମସିହାରେ ଭାରତର ଲାରା ଦତ୍ତ ଶେଷଥର ପାଇଁ ମିସ୍ ୟୁନିଭର୍ସ ତାଜ୍ ପିନ୍ଧିଥିଲେ । ସନ୍ଧୁଙ୍କ ପୂର୍ବରୁ କେବଳ ୨ ଜଣ ଭାରତୀୟ ଏହି ଗୌରବ ଦେଶ ପାଇଁ ଆଣିଛନ୍ତି । ୧୯୯୪ରେ ଅଭିନେତ୍ରୀ ସୁସ୍ମିତା ସେନ୍ ଓ ୨୦୦୦ ମସିହାରେ ଲାରା ଦତ୍ତ ମିସ୍ ୟୁନିଭର୍ସ ମୁକୁଟ୍ ପିନ୍ଧିଥିଲେ।

ନୂଆଦିଲ୍ଲୀ: ଦୀର୍ଘ ୨୧ ବର୍ଷ ପରେ ଭାରତ ଜିତିଲା ମିସ୍ ୟୁନିଭର୍ସ ଟାଇଟଲ ୨୦୨୧ । ପଞ୍ଜାବ ଚଣ୍ଡୀଗଡ଼ର ୨୧ ବର୍ଷ ବୟସ୍କା ହରନାଜ କୌର ସନ୍ଧୁ ଦୀର୍ଘ ଦୁଇ ଦଶନ୍ଧି ଅପେକ୍ଷାର ଅନ୍ତ ଘଟାଇ ଏହି ମୁକୁଟ ଜିତି ଭାରତକୁ ଗୌରବାନ୍ଵିତ କରିଛନ୍ତି । ୭୦ ତମ ମିସ୍ ୟୁନିଭର୍ସ ପ୍ରତିଯୋଗିତା ଇଜ୍ରାଏଲର ଇଲିୟଟରେ ଆୟୋଜିତ ହୋଇଥିଲା । ତୃତୀୟ ଭାରତୀୟ ଭାବେ ହରନାଜ କୌର ସନ୍ଧୁ ଏହି ଟାଇଟଲ ଜିତିଛନ୍ତି । ଇସ୍ରାଏଲର ଅନୁଷ୍ଠିତ ୭୦ତମ ମିସ୍‌ ୟୁନିଭର୍ସରେ ହରନାଜ ପ୍ରାୟ ୮୦ ଜଣ ପ୍ରତିଯୋଗୀଙ୍କୁ ପଛରେ ପକାଇ ଏହି କୀର୍ତ୍ତିମାନ ସ୍ଥାପନ କରିଛନ୍ତି। ହରନାଜଙ୍କ ପୂର୍ବରୁ ୨୦୦୦ ମସିହାରେ ଭାରତର ଲାରା ଦତ୍ତ ଶେଷଥର ପାଇଁ ମିସ୍ ୟୁନିଭର୍ସ ତାଜ୍ ପିନ୍ଧିଥିଲେ । ସନ୍ଧୁଙ୍କ ପୂର୍ବରୁ କେବଳ ୨ ଜଣ ଭାରତୀୟ ଏହି ଗୌରବ ଦେଶ ପାଇଁ ଆଣିଛନ୍ତି । ୧୯୯୪ରେ ଅଭିନେତ୍ରୀ ସୁସ୍ମିତା ସେନ୍ ଓ ୨୦୦୦ ମସିହାରେ ଲାରା ଦତ୍ତ ମିସ୍ ୟୁନିଭର୍ସ ମୁକୁଟ୍ ପିନ୍ଧିଥିଲେ ।

ପଞ୍ଜାବର ଚଣ୍ଡିଗଡ଼ରେ ରୁହନ୍ତି ହରନାଜ କୌର ସନ୍ଧୁ । ପେଶାର ଜଣେ ମଡେଲ୍ ହେଉଛନ୍ତି ହରନାଜ୍ । ସେ ସାଧାରଣ ପ୍ରଶାସନରେ ଏମ.ଏ କରିଛନ୍ତି । ହରନାଜ ମିସ୍ ୟୁନିଭର୍ସ ହୋଇଥିବା ବେଳେ ପାରାଗୁଏର ୨୨ ବର୍ଷୀୟ ନାଦିଆ ଫରେରା ଦ୍ୱିତୀୟ ସ୍ଥାନରେ ରହିଥିବା ବେଳେ ଦକ୍ଷିଣ ଆଫ୍ରିକାର ୨୪ ବର୍ଷୀୟ ଲାଲେଲା ମସୱାନେ ତୃତୀୟ ସ୍ଥାନରେ ରହିଛନ୍ତି ।