ଭୁବନେଶ୍ୱର : ଆସନ୍ତା ଜାନୁଆରୀ ୧୨ ତାରିଖରେ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ଦକ୍ଷତା ପରୀକ୍ଷା(ଓଏସଏସଟିଇଟି) ଏବଂ କେନ୍ଦ୍ରୀୟ ଶିକ୍ଷକ ଦକ୍ଷତା ପରୀକ୍ଷା(ସିଟିଇଟି) ଅନୁଷ୍ଠିତ ହେବ। ଗୋଟିଏ ଦିନରେ ଦୁଇଟି ପରୀକ୍ଷା ଥିବାରୁ ଉଭୟ ପରୀକ୍ଷା ପାଇଁ ଆବେଦନ କରିଥିବା ପିଲାଙ୍କ ଚିନ୍ତା ବଢ଼଼ିଛି। ୧୨ ତାରିଖରେ ଅନେକ ଛାତ୍ରଛାତ୍ରୀଙ୍କ ସିଟିଇଟି ଓ ଓଏସଏସଟିଇଟି ପରୀକ୍ଷା ରହିଥିବାବେଳେ ସେମାନେ କିପରି ପରୀକ୍ଷା ଦେବେ ତାହା ସେମାନଙ୍କ ଦ୍ୱନ୍ଦ୍ୱ ବଢ଼଼ାଇଛି। ତେଣୁ ପରୀକ୍ଷା ତାରିଖ ଘୁଞ୍ଚାଇବା ପାଇଁ ଛାତ୍ରଛାତ୍ରୀମାନେ ଦାବି କରିଛନ୍ତି।

ଅନ୍ତତଃପକ୍ଷେ କୌଣସି ଗୋଟିଏ ପରୀକ୍ଷାକୁ ଘୁଞ୍ଚାଇବା ଲାଗି ଆଶାୟୀମାନେ ଦାବି କରିଛନ୍ତି। ଏନେଇ ଛାତ୍ରଛାତ୍ରୀମାନେ ରାଜ୍ୟ ମାଧ୍ୟମିକ ଶିକ୍ଷା ବୋର୍ଡ଼ ନିକଟରେ ସେମାନଙ୍କ ମଧ୍ୟ ଦାବି ଉପସ୍ଥାପନ କରିଛନ୍ତି। ସୂଚନାଥାଉକି ସିଟିସଟି ପରୀକ୍ଷା ସିବିଏସଇ ବୋର୍ଡ଼ ପରିଚାଳନା କରୁଥିବାବେଳେ ଓଏସଏସଟିଇଟି ବିଏସଇ ବୋର୍ଡ଼ ପରିଚାଳନା କରୁଛି। ତେଣୁ ଯେକୌଣସି ଗୋଟିଏ ବୋର୍ଡ଼ ପରୀକ୍ଷା ତାରିଖ ପରିବର୍ତ୍ତନ କରିବାର ଆବଶ୍ୟକତା ରହିଛି ବୋଲି ସେମାନେ ମତ ପୋଷଣ କରିଛନ୍ତି।

ଭୁବନେଶ୍ୱର: ଆସନ୍ତା ଡିସେମ୍ବର ୧୬ରୁ ଜାନୁଆରୀ ୧୩ ତାରିଖ ମଧ୍ୟରେ ସିଟିଇଟି(କେନ୍ଦ୍ରୀୟ ଶିକ୍ଷକ ଯୋଗ୍ୟତା ପରୀକ୍ଷା)ପରୀକ୍ଷା ହେବ। ପରୀକ୍ଷା ପାଇଁ ସିବିଏସଇ(କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ) ପକ୍ଷରୁ ଆଡ଼ମିଟ୍‍ କାର୍ଡ଼ ଉପଲବ୍ଧ ହୋଇଛି। ଛାତ୍ରଛାତ୍ରୀଙ୍କ ପରୀକ୍ଷା ଦୈନିକ ଦୁଇଟି ସିଫ୍ଟରେ ହେବ। ପେପର୍‍-୧ ପାଇଁ ପରୀକ୍ଷା ସକାଳ ୯.୩୦ରୁ ୧୨ଟା ମଧ୍ୟରେ ହେବାକୁ ଥିବାବେଳେ ପେପର୍‍-୨ ପରୀକ୍ଷା ଅପରାହ୍ଣ ୨ଟା ୩୦ରୁ ୫ଟା ଯାଏଁ ହେବ। ଛାତ୍ରଛାତ୍ରୀ ପରୀକ୍ଷା ସମ୍ପର୍କିତ ସମସ୍ତ ତଥ୍ୟ ବିଭାଗର ୱେବ୍‍ ସାଇଟ୍‍ www.ctet.nic.in ମାଧ୍ୟମରେ ପାଇ ପାରିବେ ବୋଲି ସିବିଏସଇ ଦର୍ଶାଇଛି। ସେହିପରି ପରୀକ୍ଷାର୍ଥୀ ମଧ୍ୟ ସେମାନଙ୍କ ଅଡ଼ମିଟ୍‍ କାର୍ଡ଼ ବିଭାଗର ୱେବ ସାଇଟ୍‍ରେ ପାଇବ ପାରିବେ ବୋଲି ସିଟିଇଟି କହିଛି।