ରାଇରଙ୍ଗପୁର: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜୁନ ୧୯ ଓ ୨୦ ତାରିଖରେ ରାଇରଙ୍ଗପୁର ଗସ୍ତ କାର୍ଯ୍ୟକ୍ରମ ରହିଛି। ଯାହାକୁ ନେଇ ପ୍ରଶାସନିକ ଚଳଚଞ୍ଚଳତା ପ୍ରକାଶ ପାଇଥିବା ବେଳେ ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଯୋଗେଶ ବାହାଦୁର ଖୁରାନିଆ ସୁରକ୍ଷା ବ୍ୟବସ୍ଥା ସମୀକ୍ଷା କରିଛନ୍ତି। ଗୁରୁବାର ରାଇରଙ୍ଗପୁର ଗସ୍ତରେ ଆସି ପ୍ରତି କାର୍ଯ୍ୟକ୍ରମ ସ୍ଥାନ ଗୁଡ଼ିକ ଯାଇ ନିଜେ ସ୍ଥିତି ଅନୁଧ୍ୟାନ କରିଛନ୍ତି। ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଶ୍ରୀ ଖୁରାନିଆଙ୍କ ସମେତ ସାଂସଦ ନବ ଚରଣ ମାଝି, ରାଇରଙ୍ଗପୁର ବିଧାୟକ ଜଳେନ ନାଏକ, ପୂର୍ବାଞ୍ଚଳ ଡିଆଇଜି ପିନାକ ମିଶ୍ର, ଜିଲ୍ଲାପାଳ ବିନୀତ ଭରଦ୍ୱାଜ, ଏସପି ବରୁଣ ଗୁଣ୍ଠୁପାଲି, ଅତିରିକ୍ତ ଜିଲ୍ଲାପାଳ ଅଜିତ କୁମାର, ଅତିରିକ୍ତ ଏସପି ଯଦୁନାଥ ଜେନା, ଏସଡିପିଓ ବିରେନ୍ଦ୍ର କୁମାର ସେନାପତି ପ୍ରମୁଖ ଉପସ୍ଥିତ ରହି ସ୍ଥିତି ଅନୁଧ୍ୟାନ କରିଛନ୍ତି। 

ରାଷ୍ଟ୍ରପତି ଜୁନ ୧୯ ତାରିଖ ଓ ୨୦ ତାରିଖରେ ଦୁଇ ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଇରଙ୍ଗପୁରରେ ପହଞ୍ଚିବେ। ଗସ୍ତ ଅବସରରେ ପ୍ରଧାନମନ୍ତ୍ରୀ ଶ୍ରୀ ମୋଦି ରାଷ୍ଟ୍ରପତିଙ୍କ ବାଦାମପାହାଡ ନିକଟସ୍ଥ ଉପରବେଡା, ପାହାଡପୁର ଗ୍ରାମ ପରିଦର୍ଶନ କରିବା କାର୍ଯ୍ୟକ୍ରମ ରହିଛି। ସେଠାରେ ରାଷ୍ଟ୍ରପତିଙ୍କ ସ୍ବର୍ଗତ ସ୍ୱାମୀ ଓ ଦୁଇ ପୁଅଙ୍କ ସ୍ମୃତିରେ ନିର୍ମିତ ଏସଏଲଏସ ସ୍ମାରକୀ ଆବାସିକ ବିଦ୍ୟାଳୟକୁ ଯିବେ। ଏହାସହିତ ଦକ୍ଷତା ବିକାଶ କେନ୍ଦ୍ର ପରିଦର୍ଶନ କରିବେ। ଏହି ଅବସରରେ ଗ୍ରାମବାସୀ, ଛାତ୍ରଛାତ୍ରୀ ଓ ଯୁବକ/ଯୁବତୀ ମାନଙ୍କ ସହ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ଭାବ ବିନିମୟ କରିବାର ସୂଚନା ମିଳିଛି। ରାଷ୍ଟ୍ରପତିଙ୍କ ଗ୍ରାମ ପରିଦର୍ଶନ କରିବା ପରେ ରାଇରଙ୍ଗପୁରରେ ଆୟୋଜିତ ସାଧାରଣ ସଭାରେ ବିଭିନ୍ନ ପ୍ରକଳ୍ପର ଉଦଘାଟନ କରିବାର କାର୍ଯ୍ୟକ୍ରମ ରହିଛି। 

ଯାହାକୁ ନେଇ ଶ୍ରୀ ଖୁରାନିଆ ଉପରବେଡା, ପାହାଡପୁର ଗ୍ରାମ ସମେତ ରାଇରଙ୍ଗପୁର ସ୍ଥିତ ଦାଣ୍ଡବୋଷ ଏୟାରଷ୍ଟ୍ରିପ ଅନୁଧ୍ୟାନ କରିଛନ୍ତି। ଏହି ଅବସରରେ ରାଷ୍ଟ୍ରପତି, ପ୍ରଧାନମନ୍ତ୍ରୀ ସମେତ ମୂଖ୍ୟମନ୍ତ୍ରୀ, ରାଜ୍ୟପାଳ ଆଦି ରାଇରଙ୍ଗପୁର ଗସ୍ତରେ ଆସିବେ। ଯାହାକୁ ନେଇ ୧୨ଟି ହେଲିକାପ୍ଟର ଆସିବ। ତେଣୁକରି ହ୍ୟାଲିପ୍ୟାଡ ନିର୍ମାଣକୁ ଗୁରୁତ୍ୱ ପ୍ରଦାନ କରାଯାଇଛି। ସଭାସ୍ଥଳ, ହେଲିପ୍ୟାଡ଼, ପାର୍କିଂ, ଟ୍ରାଫିକ ବ୍ୟବସ୍ଥା, ଗସ୍ତ ମାର୍ଗ, ଭିଡ଼ ନିୟନ୍ତ୍ରଣ, ସିସିଟିଭି ଆଦି ତଦାରଖ କରିଛନ୍ତି। ଗସ୍ତକୁ ଦୃଷ୍ଟିରେ ରଖି ରାଇରଙ୍ଗପୁରରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି। ସହରର ପ୍ରମୁଖ ପ୍ରବେଶ ପଥରେ ନାକାବନ୍ଦୀ ଜୋରଦାର କରାଯାଇଛି ଏବଂ ସନ୍ଦେହାସ୍ପଦ ବ୍ୟକ୍ତି ଓ ଯାନବାହନ ଉପରେ କଡା ନଜର ରଖାଯାଉଛି। 

ଗସ୍ତକୁ ନେଇ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା ବାବଦରେ ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଶ୍ରୀ ଖୁରାନିଆ ସମୀକ୍ଷା କରିଛନ୍ତି। ସୁରକ୍ଷା ବ୍ୟବସ୍ଥା କଡାକଡି କରିବା ସହ କୌଣସି ଅବହେଳା ସହ୍ୟ ହେବ ନାହିଁ ବୋଲି ପୋଲିସ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି। ସୁରକ୍ଷା ବ୍ୟବସ୍ଥାରେ ପୋଲିସ ଫୋର୍ସ ମୁତୟନ ନେଇ ଅନୁଧ୍ୟାନ କରିଛନ୍ତି। ଗସ୍ତ କାର୍ଯ୍ୟକ୍ରମକୁ ତ୍ରୁଟିଶୂନ୍ୟ କରିବା ପାଇଁ ଜୋରଦାର ପ୍ରସ୍ତୁତି ଜାରି ରହିଛି। କାର୍ଯ୍ୟ ତଦାରଖ କରି ଆବଶ୍ୟକ ବ୍ୟବସ୍ଥା ସମ୍ପାଦନା କରିବାକୁ ନିର୍ଦ୍ଦେଶ ଦେଇଛନ୍ତି।

ବଲାଙ୍ଗୀର: ସତ ଲେଖିବାରୁ ଜୀବନରୁ ମାରିଦେବାକୁ ଷଡ଼ଯନ୍ତ୍ର। ଭାଇାରାଲ୍ ହେଲା ସାମ୍ବାଦିକଙ୍କୁ ହତ୍ୟା ପାଇଁ ଜେଲରଙ୍କ ଷଡଯନ୍ତ୍ରର ଅଡିଓ। ଜଣେ ଓ୍ବେବ୍ ସାମ୍ବାଦିକଙ୍କ ସହ କଣ୍ଟାବାଞ୍ଜି ଉପକାରାଗାର ଜେଲରଙ୍କ ଅଡିଓ ଭାଇରାଲ୍ ହେଉଛି। ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଧାମନଡଙ୍ଗା ଗାଁରେ ରହିଛି କଣ୍ଟାବାଞ୍ଜି ଉପକାରାଗାର । ବାହାରୁ ନିଶାଦ୍ରବ୍ୟ ଓ ଖାଦ୍ୟ ସାମଗ୍ରୀ ଜେଲ୍ ଭିତରକୁ କେମିତି ଯାଉଛି, ସେନେଇ ଖବର କରିଥିଲେ ସକାଳ ଖବରକାଗଜର କଣ୍ଟାବାଞ୍ଜି ପ୍ରତିନିଧି ରୋହନ ଅମାତ୍। ଖବରକାଗଜରେ ଖବର ପ୍ରକାଶନ ପରେ ଜେଲର ସିସିଟିଭି ଫୁଟେଜ୍ ଯାଞ୍ଚ ପାଇଁ ଦାବି ହୋଇଥିଲା ।

ଏହାକୁ ନେଇ ଅଗ୍ନିଶର୍ମା ହୋଇଥିଲେ ଜେଲର ବିକାଶଲତା ବାରୁ। ଆଉ ବଦଲା ନେବା ପାଇଁ କରିଥିଲେ ପ୍ଲାନ୍। ବାରୁ ମ୍ୟାଡାମଙ୍କ ଘନିଷ୍ଠ ୱେବ ପୋର୍ଟାଲ ସାମ୍ବାଦିକ ପ୍ରମୋଦ ବେହେରାଙ୍କୁ ସକାଳ ପ୍ରତିନିଧିଙ୍କୁ ହତ୍ୟା କରିବାକୁ କହିଛନ୍ତି । ଭାଇରାଲ୍ ଅଡିଓରେ ଜୀବିତ ନଚେତ ମୃତ ସାମ୍ବାଦିକର ମୁଣ୍ଡ ଦରକାର ବୋଲି କହୁଛନ୍ତି । ପୂର୍ବରୁ ମଧ୍ୟ ଜେଲର ବିକାଶଲତା ବାରୁଙ୍କ କାର୍ଯ୍ୟକଳାପ ସନ୍ଦେହଜନକ ରହିଛି । ମମିତା ମେହେରଙ୍କ ହତ୍ୟାକାରୀ ଗୋବିନ୍ଦ ସାହୁଙ୍କ ସନ୍ଦେହଜନକ ମୃତ୍ୟୁକୁ ନେଇ ତାଙ୍କ ଭୂମିକା ସନ୍ଦେହ ଘେରକୁ ଆସିଥିଲା। ଭାଇାରାଲ୍ ଅଡିଓରେ ଜେଲର ଓ ୱାବପୋର୍ଟାଲ ସାମ୍ବାଦିକଙ୍କ ନିବିଡ଼ତା ବି ସ୍ପଷ୍ଟ ବାରି ହେଉଛନ୍ତି ।  ସାମ୍ବାଦିକଙ୍କୁ ହତ୍ୟା ପାଇଁ କେମିତି ଷଡ଼ଯନ୍ତ୍ର କରିଥିଲେ କଣ୍ଟାବାଞ୍ଜି ଉପକାରାଗାର ଜେଲର ବିକାଶଲତା ବାରୁ ଉକ୍ତ ଅଡିଓଟି ଏବା ଭାଇରାଲ ହେବାରେ ଲାଗିଛି । ଭାଇରା ଅଡିଓର ସେ କହିଛନ୍ତି ଯେ, ଜୀବିତ ହେଉ କି ମୃତ ମୁଣ୍ଡ ଦରକାର । ଇଏ ହେଉଛି ଜଣେ ଜେଲରଙ୍କ ମୁହଁର ଭାଷା। ଆଉ ଯାହା ପାଇଁ ବାରୁ ମ୍ୟାଡାମ୍ ଏକଥା କହୁଛନ୍ତି, ତାଙ୍କର ଏକ ମାତ୍ର ଭୁଲ୍, ସତ ଦେଖାଇବା ।

ତେବେ ପ୍ରଶ୍ନ, ଗଣତନ୍ତ୍ରର ଚତୁର୍ଥ ସ୍ତମ୍ଭକୁ ନାଲିଆଖି କାହିଁକି? ସମାଜ ଓ ଶାସନ ବ୍ୟବସ୍ଥାର ଜାଗ୍ରତ ପ୍ରହରୀ ଭାବେ ସତ ଦେଖାଇବା କଣ ଭୁଲ୍ ? ସତ ସାମନାକୁ ଆଣିବାକୁ କଣ ସାମ୍ବାଦିକଙ୍କୁ ଜୀବନ ଦେବାକୁ ପଡ଼ିବ? ଆଇନଶୃଙ୍ଖଳା ଜଗୁଥିବା ପୋଲିସ ଅଧିକାରୀ ଯଦି ଏଭଳି ସଂଗୀନ ଅପରାଧ ପାଇଁ ଷଡ଼ଯନ୍ତ୍ର କରିବେ, ତାହାଲେ ସାଧାରଣ ଲୋକଙ୍କୁ ନ୍ୟାୟ ଦେବ କିଏ?

କୋରାପୁଟ/ସୁନାବେଡା: ପୁଲିସ ମହା ନିର୍ଦ୍ଦେଶକ ସୁନିଲ ବଂଶଲ୍ ଶନିବାର କୋରାପୁଟ ଜିଲ୍ଲା ଗସ୍ତରେ ଆସି ମାଓ ସ୍ଥିତି ଓ ଆଇନ ଶୃଙ୍ଖଳା ପରିସ୍ଥିତିର ସମୀକ୍ଷା କରିଛନ୍ତି । ଶନିବାର ପୂର୍ବାହ୍ନ ୧୦ଟା ରେ ସ୍ବତନ୍ତ୍ର ବିମାନରେ ସୁନାବେଡ଼ା ଏନ୍ ଏ ସି ସ୍ଥିତ ଟିଟିଏସ ପଡ଼ିଆରେ ଓହ୍ଲାଇବା ପରେ ଜିଲ୍ଲା ପୁଲିସ ପକ୍ଷରୁ ଗାର୍ଡ ଅଫ ଅନର ଦିଆ ଯାଇଥିଲା । ପରେ ପୁଲିସ ମହା ନିର୍ଦ୍ଦେଶକ ଟିଟିଏସ ସମ୍ମିଳନୀ କକ୍ଷରେ ଜିଲ୍ଲା ପୁଲିସ ଏବଂ ସୀମା ସୁରକ୍ଷା ବଳ ( ବି ଏସ ଏଫ୍) ଅଧିକାରୀଙ୍କୁ ନେଇ ସମୀକ୍ଷା ବୈଠକ କରିବା ସହ ମାଓ ମୁକାବିଲା ଓ ଆଇନ ଶୃଙ୍ଖଳା ରକ୍ଷା ଦିଗରେ ସତର୍କତାର ସହ ପଦକ୍ଷେପ ନେବାକୁ ପରାମର୍ଶ ଦେଇଥିଲେ। ଡିଜିପି ଶ୍ରୀ ବଂସଲଙ୍କ ସହ ଗୁଇନ୍ଦା ନିର୍ଦ୍ଦେଶକ ସଞ୍ଜୀବ ପଣ୍ଡା, ଦକ୍ଷିଣାଞ୍ଚଳ ରେଞ୍ଜ ପୁଲିସ ମହା ନୀରିକ୍ଷକ ସତ୍ୟବ୍ରତ ଭୋଇ ଗସ୍ତରେ ଆସିଥିବା ବେଳେ ଦକ୍ଷିଣ ପଶ୍ଚିମାଞ୍ଚଳ ରେଞ୍ଜ ଡି ଆଇ ଜି ରାଜେଶ ପଣ୍ଡିତ, ସୀମା ସୁରକ୍ଷା ବଳ ଡି ଆଇ ଜି ଶୈଳେଶ କୁମାର, କୋରାପୁଟ ଏସ ପି ଅଭିନବ ଶୋନକାର, କନ୍ଧମାଳ ଏସ ପି ଶୁଭେନ୍ଦୁ ପାତ୍ର ସମୀକ୍ଷା ବୈଠକରେ ଉପସ୍ଥିତ ଥିଲେ।

ମାଲକାନଗିରି: ଆଜି ମାଲକାନଗିରିରେ କନଷ୍ଟେବଳ (ସିଭିଲ୍) ନିଯୁକ୍ତି ପରୀକ୍ଷା ପାଇଁ ହାଜର ହୋଇଥିବା ଜଣେ ପ୍ରାର୍ଥୀ ଯେତେବେଳେ ପରୀକ୍ଷାରେ ଦେଉଥିଲେ। ସେହି ସମୟରେ ସେଠାରେ ସୁରକ୍ଷା ବ୍ୟବସ୍ଥା ପାଇଁ ନିୟୋଜିତ ଥିବା ମହିଳା କନଷ୍ଟେବଳ ବାସନ୍ତୀ ଚୌଧୁରୀ ତାଙ୍କ ଶିଶୁ ଶିଶୁର ଯତ୍ନ ନେଇ ମାନବିକତାର ପରିଚୟ ଦେଇଥିଲେ। ତେବେ ପରୀକ୍ଷାର୍ଥୀ ଜଣଙ୍କ ନିଜ ଛୋଟ ଶିଶୁକୁ ନେଇ ତାଙ୍କ ପକ୍ଷରେ ପରୀକ୍ଷା ଦେବା କଷ୍ଟକର ହୋଇପଡିଥିବା ବେଳେ କନେଷ୍ଟବଳ ଜଣଙ୍କ ଏହା ଦେଖି ତାଙ୍କ କୁନି ଶିଶୁକୁ କୋଳେଇ ନେଇଥିଲେ । ଦୀର୍ଘ ସମୟ ଧରି ପରୀକ୍ଷା ଚାଲିଥିବା ବେଳେ ବାହାରେ ଉପସ୍ଥିତ ରହି ବାସନ୍ତୀ ଛୁଆଟିର ଯତ୍ନ ନେଇ ମାନବିକତାର ପରିଚିୟ ଦେଇଥିଲେ । ତେବେ ତାଙ୍କର ଏଭଳି କାର୍ଯ୍ଯକୁ ସାଧାରଣରେ ବେଶ ପ୍ରଶଂସା କରାଯାଇଥିବା ବେଳେ ମାଲକାନଗିରି ଏସପି ନିତେସ ୱାଧୱାନି ମଧ୍ୟ ଟ୍ବିଟ କରି ବାସନ୍ତୀଙ୍କୁ ପ୍ରଶଂସା କରିଛନ୍ତି।

ଚିତ୍ରକୋଣ୍ଡା: ଆନ୍ଧ୍ର ଓଡିଶା ସୀମାନ୍ତ ଆଦିବାସୀ ବହୁଳ ମାଓ ପ୍ରବଣ ମାଲକାନଗିରି ଜିଲା ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ଲାଲଗଡ ଘନବେଢା ବିଏସଏଫ କ୍ୟାମ୍ପକୁ ଆଜି ମାଓ ଦମନ ତଥା ଉକ୍ତ ଅଞ୍ଚଳକୁ ମାଓ କବଳରୁ ମୁକ୍ତ କରିବାକୁ ବିମାନ ଯୋଗେ ପହଞ୍ଚିଛନ୍ତି ଓଡିଶା ଡିଜି ପୁଲିସ ଅଭୟ । ତାଙ୍କ ସହିତ ଆଇଜିପି ଅପରେସନ ଅମିତାଭ ଠାକୁର, ଆଇଜି ଇଣ୍ଟିଲଜେନସ ଲଳିତ ଦାସ , ବିଏସଏଫ ଡିଆଇଜି ସଞ୍ଜୟ କୁମାର ସିଙ୍ଗ ଓ ମାଲକାନଗିରି ଏସପି ପ୍ରହଲ୍ଲାଦ ସହାୟି ମିନା ପହଞ୍ଚିବା ସହ ମାଓଗଡ଼ ସ୍ଥିତି ସମୀକ୍ଷା କରିଛନ୍ତି।

DGP being accorded traditional welcome by the villagers of #SwabhimanAnchal. This is stamp of approval for the developmental works by Govt of #Odisha. pic.twitter.com/H0TddqPqsW

— Odisha Police (@odisha_police) December 12, 2021

ଡିଜିପିଙ୍କ କହିବା ଅନୁଯାୟୀ, ନକ୍ସଲ ବ୍ୟାକ୍ ଫୁଟରେ ଅଛନ୍ତି, ଜନସାଧାରଣ ତାଙ୍କୁ ଆଉ ସହଯୋଗ କରୁନାହାନ୍ତି । ଜନସାଧାରଣ ନକ୍ସଲକୁ ଆକ୍ରମଣ କରିବା ଆରମ୍ଭ କରିଦେଇଛନ୍ତି । ମାଓବାଦୀ ମାନେ ବାଟ ନ ପାଇ ଆମ ଯବାନ ଆକ୍ରମଣ କରିବାକୁ ଚେଷ୍ଟା କରୁଛନ୍ତି ।  ଆମ ଯବାନ ମାନେ କଡା ଜବାବ ଦେଉଛନ୍ତି । ମାଓବାଦୀ ମାନଙ୍କ ପାଇଁ ବାର୍ତ୍ତା ସେମାନଙ୍କ ରାସ୍ତା ତାଙ୍କର ପ୍ରଭାବ ନାହିଁ ସେମାନେ ହିଂଶା ଛାଡ଼ି ମୁଖ୍ୟ ଶ୍ରୋତରେ ସାମିଲ ହୁଅନ୍ତୁ । ଲୋକଙ୍କୁ ସୁରକ୍ଷା ଦେବା ଏବଂ ଉକ୍ତ ଅଞ୍ଚଳରେ ଉନ୍ନୟନ ମୂଳକ କାମକୁ ଆଗେଇ ନେଇ ଅଞ୍ଚଳ ପ୍ରଗତି ପଥରେ ପୁଲିସ କାମ କରିଆସୁଛି। ଅଳ୍ପ କିଛି ଦୁର୍ଗମ ଅଞ୍ଚଳରେ ମାଓବାଦୀ ମାନେ ଲୁଚିଛପି ବୁଲୁଛନ୍ତି । ଖୁବ ଶୀଘ୍ର ଓଡିଶା ପୁଲିସ ଉକ୍ତ ଅଞ୍ଚଳ ମାଓମୁକ୍ତ କରିବାକୁ ରଣନୀତି ପ୍ରସ୍ତୁତ କରି ସାରିଛି। ଯବାନଙ୍କ ସହ ମିଶି ମନବଳ ବୃଦ୍ଧି କରିବା ସହ ମାଓ ଦମନ ନେଇ ଉଛ ସ୍ତରୀୟ ଅଧିକାରୀଙ୍କ ସମୀକ୍ଷା ସହ ଉକ୍ତ ଅଞ୍ଚଳରେ ଶାନ୍ତିପୂର୍ଣ ପଞ୍ଚାୟତ ନିର୍ବାଚନ ହେବ କୌଣସି ଅସୁବିଧା ହେବନାହିଁ। ଓଡିଶାାରେ ମାଓ ଦମନ କ୍ଷେତ୍ରରେ ଓଡିଶା ପୁଲିସ ଭଲ କାମ ପଦର୍ଶନ କରି ଦ୍ରୁତ ଗତିରେ ଆଗେଇ ଚାଲିଛି। ଉକ୍ତ ଅଞ୍ଚର ଶହ ଶହ ଜନସାଧାରଣ ମଧ୍ୟ ଆସି କ୍ୟାମ୍ପ ହେବା ଦ୍ଵାରା ଆମେ ନିଜକୁ ସୁରକ୍ଷିତ ମନେ କରୁଛନ୍ତି ଏବଂ ଆନନ୍ଦ ଅନୁଭବ କରିଥିଲେ।