ନୂଆଦିଲ୍ଲୀ : ଗତ ଡିସେମ୍ବର ୮ ତାରିଖରେ ତାମିଲନାଡୁ କୁନ୍ନୁରରେ ବାୟୁସେନା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଯେଉଁ ବିମାନରେ ସିଡିଏସ ବିପିନ ରାୱତ ଓ ତାଙ୍କ ପତ୍ନୀ  ମଧୁଲିକା ରାୱତଙ୍କ ସମେତ ସମେତ ୧୪ ଜଣ ଯବାନ ଯାତ୍ରା କରୁଥିଲେ। ଯେଉଁ ବାୟୁସେନାର ଏମଆଇ-୧୭ଭି୫ ହେଲିକପ୍ଟର ଦୁର୍ଘଟଣାରେ  ସିଡିଏସ୍‌ ରାୱତ ଓ ତାଙ୍କ ପତ୍ନୀ ମଧୁଲିକାଙ୍କ ସମେତ ୧୪ ଜଣ ପ୍ରାଣ ହରାଥିଲେ। ତେବେ ସେହି ଦିନଠାରୁ ପ୍ରତ୍ୟେକ ଭାରତୀୟଙ୍କ ମନରେ ଗୋଟିଏ ପ୍ରଶ୍ନ ଆସୁଥିବା କିପରି ଘଟିଲା ଏତେ ବଡ ଦୁର୍ଘଟଣା। ଭାରତୀୟ ସେନାର ସବୁଠୁ ବଡ ଉଚ୍ଚପଦସ୍ତ ଅଫିସର ସିଡିଏସ୍‌ ରାୱତଙ୍କୁ ନେଇ ଯାଉଥିବା ସୁରକ୍ଷିତ ହେଲିକପ୍ଟର କିପରି ଏବଂ କାହିଁକି ଦୁର୍ଘଟଣାର ଶିକାର ହେଲା। ଏହାର ଉତ୍ତର ଜାଣିବାକୁ ସମସ୍ତେ ଅନାଇ ବସିଥିଲେ। କେହି କେହି ଏହି ଦୁର୍ଘଟଣା ପଛରେ ପଡୋଶୀ ପାକିସ୍ତାନ ଏବଂ ଚୀନର ହାତ ଥିବା ମଧ୍ୟ କହିଥିଲେ।

ତେବେ ଏସବୁ ପରେ ଭାରତୀୟ ସେନା ପକ୍ଷରୁ ସିଡିଏସ୍‌ ଦମ୍ପତି ଏବଂ ୧୨ ବୀର ଯବାନଙ୍କ ମୃତ୍ୟୁର କାରଣ ଜାଣିବାକୁ  କୋର୍ଟ ଅଫ ଇନକ୍ୱାରୀ ଆଦେଶ ଦିଆଯାଇଥିଲା। ତିନି ସେନା (ଜଳ,ସ୍ଥଳ ଏବଂ ବାୟୁ) ସେନାର ଉଚ୍ଚ ପଦସ୍ତ ଅଧିକାରୀ ଏହାର ତଦନ୍ତ କରୁଥିଲେ। ଏହିସହିତ ଦୁର୍ଘଟଣା ଗ୍ରସ୍ତ ହେଲିପ୍ଟରର ବ୍ଲକ ବକ୍ସକୁ ମଧ୍ୟ ତଦନ୍ତ ପକ୍ରିୟାରେ ସାମିଲ କରାଯାଇଥିଲା। ଆଜି ସେହି ତଦନ୍ତ ରିପୋର୍ଟ ଆସିଛି। ବାୟୁସେନା ପକ୍ଷରୁ ପ୍ରଦାନ କରାଯାଇଥିବା ପ୍ରାଥମିକ ତଦନ୍ତ ରିପୋର୍ଟରେ ଖରାପ ପାଗ ହିଁ ଦୁର୍ଘଟଣାର ମୁଖ୍ୟ କାରଣ ବୋଲି କୁହାଯାଇଛି। ରିପୋର୍ଟରେ ଯାନ୍ତ୍ରିକ ତ୍ରୁଟି, ଅସାବଧାନତା କିମ୍ବା ଷଡ଼ଯନ୍ତ୍ର ଅଭିଯୋଗକୁ ଖଣ୍ଡନ କରାଯାଇଛି।

ରିପୋର୍ଟରେ କୁହାଯାଇଛି ଯେ ହଠାତ୍‌ ପାଗରେ ପରବର୍ତ୍ତନ ଆସିବାରୁ ହେଲିକପ୍ଟରଟି ମେଘ ଖଣ୍ଡ ମଧ୍ୟରେ ପ୍ରବେଶ କରି ଯାଇଥିଲା। ମେଘ ଖଣ୍ଡ ଯୋଗୁ ପାଇଲଟ ଜଣଙ୍କ ଆଉ କିଛି ଦେଖିପାରି ନଥିଲେ। ଫଳରେ ସେ ସଂପୂର୍ଣ୍ଣ ଭାବେ ହଡ଼ବଡ଼େଇ ଯାଇଥିଲେ।ଏଥିସହ ହେଲିକପ୍ଟର ଉପରୁ ନିୟନ୍ତ୍ରଣ ହରାଇ ବସିଥିଲେ। ଏହାପରେ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିଲା। ତିନି ସେନା ସ୍ତରୀୟ ତଦନ୍ତ ବେଳେ ହେଲିକପ୍ଟର ଡାଟା ରେକର୍ଡ ଓ କକପିଟ୍‌ ଭଏସ୍ ରେକର୍ଡର ତର୍ଜମା କରାଯାଇଥିଲା। ହେଲିକପ୍ଟର ଦୁର୍ଘଟଣା ପଛରେ କୌଣସି ଯାନ୍ତ୍ରିକ ତ୍ରୁଟି, ଷଡ଼ଯନ୍ତ୍ର କିମ୍ବା ଅବହେଳା ନାହିଁ।

ଅନୁସନ୍ଧାନ କମିଟି ବାୟୁସେନା ଏବଂ ସେନାର ସମ୍ପୃକ୍ତ ଅଧିକାରୀଙ୍କ ବିବୃତ୍ତି ରେକର୍ଡ କରିଛି। ଏହା ସହିତ ସେ ସ୍ଥାନୀୟ ଲୋକଙ୍କ ସହ ମଧ୍ୟ କଥା ହୋଇଛନ୍ତି ଯେଉଁମାନେ ଏହି ଦୁର୍ଘଟଣାର ପ୍ରତ୍ୟକ୍ଷଦର୍ଶୀ ଥିଲେ । ଦୁର୍ଘଟଣା ପୂର୍ବରୁ ତୁରନ୍ତ ଯେଉଁ ଭିଡିଓଟି ସୁଟ୍ କରାଯାଇଥିଲା ସେହି ମୋବାଇଲ୍ ଫୋନ୍ ମଧ୍ୟ ଯାଞ୍ଚ କରାଯାଇଛି। ଘଟଣାସ୍ଥଳରୁ ଦୁର୍ଘଟଣାଗ୍ରସ୍ତ ହେଲିକପ୍ଟରର ଯେଉଁ ବ୍ଲାକ ବକ୍ସ ବା ଫ୍ଲାଇଟ୍ ଡାଟା ରେକର୍ଡର୍ ଉଦ୍ଧାର କରାଯାଇଥିଲା ତାର ରିପୋର୍ଟକୁ ମଧ୍ୟ ରିପୋର୍ଟରେ ଅନ୍ତର୍ଭୁକ୍ତ କରାଯାଇଛି। ବାୟୁସେନାର ଟ୍ରେନିଂ କମାଣ୍ଡର କମାଣ୍ଡିଂ-ଇନ୍-ଚିଫ୍ ଏୟାର ମାର୍ଶଲ ମନଭେନ୍ଦ୍ର ସିଂଙ୍କ ନେତୃତ୍ୱରେ ପ୍ରତିରକ୍ଷା ମନ୍ତ୍ରଣାଳୟ ଦୁର୍ଘଟଣାର କାରଣ ସମ୍ପର୍କରେ ତ୍ରି-ସେବା ତଦନ୍ତ ନିର୍ଦ୍ଦେଶ ଦେଇଥିଲେ।

ତାଳଚେର : ପଞ୍ଚଭୂତରେ ବିଲୀନ ହେଲେ  ବୀର ଓଡ଼ିଆ ପୁଅ ରାଣାପ୍ରତାପ ଦାସ । ଜନ୍ମମାଟି ତାଳଚେରର କୃଷ୍ଣଚନ୍ଦ୍ରପୁରରେ ତାଙ୍କର ଶେଷକୃତ୍ୟ ସଂପନ୍ନ ହୋଇଛି । ରାଣାପ୍ରତାପଙ୍କୁ ମୁଖାଗ୍ନି ଦେଇଛନ୍ତି ପୁତୁରା ଆତିସ ଦାସ। ରାଷ୍ଟ୍ରୀୟ ମର୍ଯ୍ୟାଦା ସହ ଗନ୍ ସାଲ୍ୟୁଟ ପରେ ସେ ପଞ୍ଚଭୂତରେ ବିଲୀନ ହୋଇଛନ୍ତି । ବୀର ଓଡ଼ିଆ ପୁଅ ରାଣାପ୍ରତାପଙ୍କ ଅନ୍ତିମ ବିଦାୟ ପାଇଁ ଶ୍ମଶାନଘାଟ ଲୋକାରଣ୍ୟ ହୋଇଥିବା ବେଳେ ସମସ୍ତଙ୍କ ଆଖି ଛଳ ଛଳ ହୋଇ ପଡିଥିଲା । ରାଣାପ୍ରତାପ ଅମର ରହେ ଧ୍ୱନିରେ ପ୍ରକମ୍ପିତ ହୋଇପଡିଥିଲା ସମଗ୍ର ପରିବେଶ ।

ବୀର ଯବାନ ରାଣାପ୍ରତାପ ଦାସଙ୍କ ମରଶରୀରକୁ ସ୍ୱତନ୍ତ୍ର ବିମାନରେ ଭୁବନେଶ୍ୱର ଅଣାଯାଇଥିଲା। ଦିନ ୧୨ଟା ସମୟରେ ଭୁବନେଶ୍ୱର ବିମାନ ବନ୍ଦରରେ ରାଣାପ୍ରତାପ ଦାସଙ୍କ ପାର୍ଥିବ ଶରୀର ପହଞ୍ଚିବା ପରେ ଦିଆଯାଇଥିଲା ଗାର୍ଡ ଅଫ୍ ଅନର। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ମନ୍ତ୍ରିମଣ୍ଡଳର ଅନେକ ମନ୍ତ୍ରୀ ପହଞ୍ଚି ତାଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ। ତା’ପରେ ତାଙ୍କ ମରଶରୀରକୁ ଜନ୍ମମାଟି ଅନୁଗୋଳ ଜିଲ୍ଲା ତାଳଚେରର କୃଷ୍ଣଚନ୍ଦ୍ରପୁରକୁ ନିଆଯାଇଥିଲା। ଗଲା ବେଳେ ରାସ୍ତାରେ ବିଭିନ୍ନ ସ୍ଥାନରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ ଲୋକେ। ଜନ୍ମମାଟି ତାଳଚେର କଣ୍ଢାଳ ପଞ୍ଚାୟତର କୃଷ୍ଣଚନ୍ଦ୍ରପୁରରେ  ପାର୍ଥିବ ଶରୀର ପହଞ୍ଚିବା ପରେ ଗାଁ ପରିକ୍ରମା କରାଯିବା ପରେ ଗାଁ  ଶ୍ମଶାନ ଘାଟରେ ରାଷ୍ଟ୍ରୀୟ ମର୍ଯ୍ୟାଦା ସହ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି ।

ସୂଚନାଯୋଗ୍ୟ ଗତ ବୁଧବାର ସିଡିଏସ୍ ବିପିନ ରାୱତ ତାମିଲନାଡୁର ୱେଲିଂଟନ ଥିବା ଡିଫେନ୍ସ ଷ୍ଟାଫ୍ କଲେଜରେ ଏକ କାର୍ୟ୍ୟକ୍ରମରେ ଯୋଗ ଦେବାକୁ ଯାଉଥିଲେ। ସେ ସୁଲୁର ଏୟାର ବେସ୍‌ରୁ ହେଲିକପ୍ଟରରେ ଯାଉଥିବା ବେଳେ ଦୁର୍ଘଟଣା ଘଟିଥିଲା। ହେଲିକପ୍ଟରରେ ବିପିନ ରାୱତଙ୍କ ସହିତ ତାଙ୍କ ପତ୍ନୀ ଓ ଅନ୍ୟ ସେନାଧିକାରୀ ଥିଲେ। ସେମାନଙ୍କ ମଧ୍ୟରେ ରାଣାପ୍ରତାପ ଦାସ ମଧ୍ୟ ଥିଲେ। ସେ ବାୟୁସେନାର ଜୁନିଅର ଓ୍ୱାରେଣ୍ଟ ଅଫିସର ଭାବେ କାର୍ଯ୍ୟ କରୁଥିଲେ। ଗ୍ରୁପ୍ କ୍ୟାପ୍ଟେନ୍ ବରୁଣ ସିଂହଙ୍କ ବ୍ୟତୀତ ଏହି ହେଲିକପ୍ଟରରେ ଥିବା ଅନ୍ୟ ସମସ୍ତ (ମୋଟ ୧୩ ଜଣ)ଙ୍କ ମୃତ୍ୟୁ ଘଟିଥିଲା।

ନୂଆଦିଲ୍ଲୀ: ପଞ୍ଚଭୂତରେ ଲୀନ ହେଲେ ସିଡିଏସ୍‍ ବିପିନ ରାୱତ ଓ ତାଙ୍କ ପତ୍ନୀ ମଧୁଲିକା । ଶେଷକୃତ୍ୟ କ୍ରିୟା ସମ୍ପନ୍ନ କରିଛନ୍ତି ୨ ଝିଅ  କ୍ରିତିକା ଓ ତାରିଣୀ ।

Delhi: #CDSGeneralBipinRawat laid to final rest with full military honours. His last rites were performed along with his wife Madhulika Rawat, who too lost her life in #TamilNaduChopperCrash.

Their daughters Kritika and Tarini performed their last rites. pic.twitter.com/ijQbEx9m51

— ANI (@ANI) December 10, 2021

ଶେଷ ସମ୍ମାନ ଭାବେ ୧୭ ତୋପ ସଲାମୀ ଦିଆଯାଇଛି।

#WATCH | Delhi: #CDSGeneralBipinRawat laid to final rest with full military honours, 17-gun salute. His last rites were performed along with his wife Madhulika Rawat, who too lost her life in #TamilNaduChopperCrash.

Their daughters Kritika and Tarini performed their last rites. pic.twitter.com/uTECZlIhI0

— ANI (@ANI) December 10, 2021

ସିଡିଏସ୍‌ ବିପିନ ରାୱତଙ୍କ ଅନ୍ତିମ ସଂସ୍କାରରେ ଶ୍ରୀଲଙ୍କା ସେନାର ସିଡିଏସ୍‌ ତଥା କମାଣ୍ଡର ଜେନେରାଲ ଶଭେନ୍ଦ୍ର ସିଲ୍‌ଭା ଓ ପୂର୍ବତନ ସିଡିଏସ୍‌ ଆଦାମ ରବି ୱିଜେଗୁଣରତ୍ନେ ସାମିଲ ହୋଇଥିଲେ । ୱିଜେଗୁଣରତ୍ନେ ଭାରତର ନ୍ୟାସନାଲ ଡିଫେନ୍ସ କଲେଜରେ ଥିଲେ ସିଡିଏସ୍‌ ଜେନେରାଲ ରାୱତଙ୍କ ସହପାଠୀ । ସେହିଭଳି ଭୂଟାନ ସେନାର ଦ୍ୱିତୀୟ ସର୍ବୋଚ୍ଚ କମାଣ୍ଡର ବ୍ରିଗେଡିୟର ଦୋର୍ଜି ରିନଚେନ ଏବଂ ନେପାଳ ସେନାର ଉପମୁଖ୍ୟ ଲେଫ୍ଟନାଣ୍ଟ ଜେନେରାଲ ବାଲକ୍ରିଷ୍ଣା କାର୍କି ମଧ୍ୟ ରାୱତଙ୍କ ଅନ୍ତିମ ସଂସ୍କାରରେ ଯୋଗଦେଇଥିଲେ।

ସୂଚନା ଅନୁଯାୟୀ, ଗୁରୁବାର ସନ୍ଧ୍ୟାରେ ସିଡିଏସ ବିପିନ ରାଓ୍ୱତଙ୍କ ସହ ସମସ୍ତ ୧୩ ଜଣଙ୍କ ପାର୍ଥିବ ଶରୀର ପାଲମ ଏୟାରବେସରେ ପହଞ୍ଚିବା ପରେ ସେଠାରେ ଏକ ଶ୍ରଦ୍ଧାଞ୍ଜଳି ସମାରୋହ ଅନୁଷ୍ଠିତ ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡେଭାଲ ଓ ତିନି ସେନାର ମୁଖ୍ୟ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଏହାପରେ ଆଜି(ଶୁକ୍ରବାର) ସକାଳୁ ଦିଲ୍ଲୀ କାମରାଜସ୍ଥିତ ବାସଭବନରେ ଚିଫ୍‌ ଡିଫେନ୍ସ ଷ୍ଟାଫ୍ ଜେନେରାଲ୍ ବିପିନ୍ ରାୱତଙ୍କୁ ଅନେକ ବିଶିଷ୍ଟ ବ୍ୟକ୍ତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସକାଳୁ ଦେଶର ବୀର ପୁତ୍ର ରାଓ୍ୱତଙ୍କୁ ଶେଷ ଶ୍ରଦ୍ଧାଞ୍ଜଳି ଦେବା ପାଇଁ ତାଙ୍କ ବାସଭବନରେ ଭିଡ ଜମିଥିଲା । ରାଜନେତାଙ୍କଠାରୁ ସାଧାରଣ ଜନତାଙ୍କ ପର୍ଯ୍ୟନ୍ତ ସମସ୍ତେ ଦେଇଥିଲେ ଶେଷ ଶ୍ରଦ୍ଧାଞ୍ଜଳି । ଜେନେରାଲ ରାଓ୍ୱତଙ୍କ ବାସଭବନରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇବାକୁ ଗୃହ ମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀଓ୍ୱାଲ, ହରିଆଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର, କଂଗ୍ରେସ ନେତା ରାହୁଲ ଗାନ୍ଧୀ, NSA ଅଜିତ ଡୋଭାଲ ଓ ତିନି ସେନାର ମୁଖ୍ୟଙ୍କ ସହ ବହୁ ମାନ୍ୟଗଣ୍ୟ ବ୍ୟକ୍ତି ଶେଷ ଶ୍ରଦ୍ଧାଞ୍ଜଳି ଦେବା ପାଇଁ ବିପିନ ରାଓ୍ୱତଙ୍କ ବାସ ଭବନରେ ପହଞ୍ଚିଥିଲେ ।

ସୂଚନାଯୋଗ୍ୟ, ବୁଧବାର ଜେନେରାଲ ରାୱତ, ତାଙ୍କ ପତ୍ନୀ ମଧୁଲିକା ଓ ଅନ୍ୟ ୧୨ ଜଣ ବାୟୁସେନାର ସ୍ୱତନ୍ତ୍ର ହେଲିକପ୍ଟର୍‌ରେ ତାମିଲନାଡୁର ୱେଲିଂଟନ ସ୍ଥିତ ଗୋଟିଏ କଲେଜକୁ ଯାଉଥିଲେ। ତେବେ କୁନ୍ନୁର ନିକଟରେ ତାଙ୍କ ହେଲିକପ୍ଟର କ୍ରାଶ ହୋଇଯାଇଥିଲା। ଏଥିରେ ଜେନେରାଲ ରାୱତ ଓ ମଧୁଲିକାଙ୍କ ସମେତ ୧୩ ଜଣଙ୍କ ମୃତ୍ୟୁ ଘଟିଛି। ଏବେ ଗ୍ରୁପ କ୍ୟାପ୍ଟେନ ବରୁଣ ସିଂହ ଜୀବନ ଯୁଦ୍ଧରେ ଲଢ଼େଇ କରୁଛନ୍ତି।

ନୂଆଦିଲ୍ଲୀ : ଅନ୍ତିମ ଯାତ୍ରାରେ ଭାରତର ପ୍ରଥମ ସିଡିଏସ୍‌ ବିପିନ ରାୱତ। ଅପରାହ୍ନ ୨ଟାରେ ଦିଲ୍ଲୀ କାମରାଜସ୍ଥିତ ବାସଭବନକୁ ଚିଫ୍‌ ଡିଫେନ୍ସ ଷ୍ଟାଫ୍ ଜେନେରାଲ୍ ବିପିନ୍ ରାୱତ ଓ ତାଙ୍କ ପତ୍ନୀ ମଧୁଲିକା ରାୱତଙ୍କ ପାର୍ଥବ ଶରୀରକୁ ଅନ୍ତିମ ସଂସ୍କାର ପାଇଁ ଦିଲ୍ଲୀ କ୍ୟାଣ୍ଟନମେଣ୍ଟ୍ର ବରାର ସ୍କୋୟାରରେ ସମାଧିସ୍ଥଳକୁ ନିଆଯାଉଛି। ସେଠାରେ ସନ୍ଧ୍ୟା ୫ ଟାରେ ପୂର୍ଣ୍ଣ ସାମରିକ ମର୍ଯ୍ୟାଦା ସହ ସେମାନଙ୍କର ଶବ ସଂସ୍କାର କରାଯିବ। ପ୍ରୋଟକଲ୍‌ ଅନୁସାରେ, ଜେନେରାଲ୍‌ ରାୱତ୍‌ଙ୍କୁ ୧୭ ତୋପ ସଲାମୀ ଦିଆଯିବ ଏବଂ ୮୦୦ ସେନା କର୍ମଚାରୀ ଶବ ସଂସ୍କାରରେ ଯୋଗ ଦେବେ। ତାଙ୍କ ପରିବାର ଲୋକେ ଚିତାରେ ଅଗ୍ନି ସଂଯୋଗ କରିବେ। ତାଙ୍କର ଶବ ସଂସ୍କାର ବ୍ୟବସ୍ଥା କରୁଛନ୍ତି ୫/୧୧ ଗୋର୍ଖା ରାଇଫଲ୍‌। ପ୍ରଥମେ ଜେନେରାଲ୍‌ ରାୱତ୍‌ ଏହି ୟୁନିଟ୍‌ରେ ସାମିଲ ହୋଇଥିଲେ।

Delhi: A crowd joins the funeral procession of #CDSGeneralBipinRawat as it proceeds to Brar Square crematorium in Delhi Cantonment. pic.twitter.com/qRaVoJdW9D

— ANI (@ANI) December 10, 2021

ସିଡିଏସ୍‌ ବିପିନ ରାୱତଙ୍କ ଅନ୍ତିମ ସଂସ୍କାରରେ ଶ୍ରୀଲଙ୍କା ସେନାର ସିଡିଏସ୍‌ ତଥା କମାଣ୍ଡର ଜେନେରାଲ ଶଭେନ୍ଦ୍ର ସିଲ୍‌ଭା ଓ ପୂର୍ବତନ ସିଡିଏସ୍‌ ଆଦାମ ରବି ୱିଜେଗୁଣରତ୍ନେ ସାମିଲ ହେବେ । ୱିଜେଗୁଣରତ୍ନେ ଭାରତର ନ୍ୟାସନାଲ ଡିଫେନ୍ସ କଲେଜରେ ଥିଲେ ସିଡିଏସ୍‌ ଜେନେରାଲ ରାୱତଙ୍କ ସହପାଠୀ । ସେହିଭଳି ଭୂଟାନ ସେନାର ଦ୍ୱିତୀୟ ସର୍ବୋଚ୍ଚ କମାଣ୍ଡର ବ୍ରିଗେଡିୟର ଦୋର୍ଜି ରିନଚେନ ଏବଂ ନେପାଳ ସେନାର ଉପମୁଖ୍ୟ ଲେଫ୍ଟନାଣ୍ଟ ଜେନେରାଲ ବାଲକ୍ରିଷ୍ଣା କାର୍କି ମଧ୍ୟ ରାୱତଙ୍କ ଅନ୍ତିମ ସଂସ୍କାରରେ ଯୋଗଦେବେ ।

#WATCH | Delhi: The funeral procession of #CDSGeneralBipinRawat leaves from his residence to Brar Square crematorium in Delhi Cantonment pic.twitter.com/ysWIGSEjDk

— ANI (@ANI) December 10, 2021

ଗୁରୁବାର ସନ୍ଧ୍ୟାରେ ସିଡିଏସ ବିପିନ ରାଓ୍ୱତଙ୍କ ସହ ସମସ୍ତ ୧୩ ଜଣଙ୍କ ପାର୍ଥିବ ଶରୀର ପାଲମ ଏୟାରବେସରେ ପହଞ୍ଚିବା ପରେ ସେଠାରେ ଏକ ଶ୍ରଦ୍ଧାଞ୍ଜଳି ସମାରୋହ ଅନୁଷ୍ଠିତ ହୋଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡେଭାଲ ଓ ତିନି ସେନାର ମୁଖ୍ୟ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଏହାପରେ ଆଜି(ଶୁକ୍ରବାର) ସକାଳୁ ଦିଲ୍ଲୀ କାମରାଜସ୍ଥିତ ବାସଭବନରେ ଚିଫ୍‌ ଡିଫେନ୍ସ ଷ୍ଟାଫ୍ ଜେନେରାଲ୍ ବିପିନ୍ ରାୱତଙ୍କୁ ଅନେକ ବିଶିଷ୍ଟ ବ୍ୟକ୍ତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସକାଳୁ ଦେଶର ବୀର ପୁତ୍ର ରାଓ୍ୱତଙ୍କୁ ଶେଷ ଶ୍ରଦ୍ଧାଞ୍ଜଳି ଦେବା ପାଇଁ ତାଙ୍କ ବାସଭବନରେ ଭିଡ ଜମିଥିଲା । ରାଜନେତାଙ୍କଠାରୁ ସାଧାରଣ ଜନତାଙ୍କ ପର୍ଯ୍ୟନ୍ତ ସମସ୍ତେ ଦେଇଥିଲେ ଶେଷ ଶ୍ରଦ୍ଧାଞ୍ଜଳି । ଜେନେରାଲ ରାଓ୍ୱତଙ୍କ ବାସଭବନରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇବାକୁ ଗୃହ ମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀଓ୍ୱାଲ, ହରିଆଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର, କଂଗ୍ରେସ ନେତା ରାହୁଲ ଗାନ୍ଧୀ, NSA ଅଜିତ ଡୋଭାଲ ଓ ତିନି ସେନାର ମୁଖ୍ୟଙ୍କ ସହ ବହୁ ମାନ୍ୟଗଣ୍ୟ ବ୍ୟକ୍ତି ଶେଷ ଶ୍ରଦ୍ଧାଞ୍ଜଳି ଦେବା ପାଇଁ ବିପିନ ରାଓ୍ୱତଙ୍କ ବାସ ଭବନରେ ପହଞ୍ଚିଥିଲେ ।

Delhi: The three service chiefs – Army Chief Gen MM Naravane, IAF chief Air Chief Marshal VR Chaudhari & Navy Chief Admiral R Hari Kumar pay tribute to #CDSGeneralBipinRawat. pic.twitter.com/syQv17b79F

— ANI (@ANI) December 10, 2021

ଆଉ କିଛି ସମୟ ମଧ୍ୟରେ ସିଡିଏସ୍‌ ବିପିନ ରାୱତ ପାର୍ଥିବ ଶରୀର ଅନ୍ତିମ ଶୋଭାଯାତ୍ରା ମଧ୍ୟରେ ଶ୍ମଶାନରେ ପହଞ୍ଚିବ। ଦିନ ୩.୩୦ରୁ ୪ ଘଟିକା ମଧ୍ୟରେ ତାଙ୍କୁ ଶ୍ରଦ୍ଧାଞ୍ଜଳି ଦିଆଯିବ । ସେହିପରି ୪-୪.୧୫ ମଧ୍ୟରେ ଭିଭିଆଇପି ବିପିନ ରାଓ୍ୱତଙ୍କୁ ଶେଷ ଶ୍ରଦ୍ଧାଞ୍ଜଳି ଜ୍ଞାପନ କରିବେ । ୪.୧୫ରୁ ୪.୩୦ ପର୍ଯ୍ୟନ୍ତ ଅନ୍ତିମ ସଂସ୍କାର ପାଇଁ ପାରିବାରିକ ରିତୀନୀତି ଅନୁଷ୍ଠିତ ହେବ । ୫ଟାରେ ଜେନେରାଲଙ୍କ ଅନ୍ତିମ ସଂସ୍କାର ହେବ ।

Funeral procession of CDS Gen Bipin Rawat begins from his residence to Brar Square crematorium in Delhi Cantonment pic.twitter.com/s38AQq74mh

— ANI (@ANI) December 10, 2021

ସୂଚନାଯୋଗ୍ୟ, ବୁଧବାର ଜେନେରାଲ ରାୱତ, ତାଙ୍କ ପତ୍ନୀ ମଧୁଲିକା ଓ ଅନ୍ୟ ୧୨ ଜଣ ବାୟୁସେନାର ସ୍ୱତନ୍ତ୍ର ହେଲିକପ୍ଟର୍‌ରେ ତାମିଲନାଡୁର ୱେଲିଂଟନ ସ୍ଥିତ ଗୋଟିଏ କଲେଜକୁ ଯାଉଥିଲେ। ତେବେ କୁନ୍ନୁର ନିକଟରେ ତାଙ୍କ ହେଲିକପ୍ଟର କ୍ରାଶ ହୋଇଯାଇଥିଲା। ଏଥିରେ ଜେନେରାଲ ରାୱତ ଓ ମଧୁଲିକାଙ୍କ ସମେତ ୧୩ ଜଣଙ୍କ ମୃତ୍ୟୁ ଘଟିଛି। ଏବେ ଗ୍ରୁପ କ୍ୟାପ୍ଟେନ ବରୁଣ ସିଂହ ଜୀବନ ଯୁଦ୍ଧରେ ଲଢ଼େଇ କରୁଛନ୍ତି।

ନୂଆଦିଲ୍ଲୀ : ବୁଧବାର ବାୟୁସେନା ହେଲିକପ୍ଟର ଦୁର୍ଘଟଣାରେ ସିଡିଏସ ବିପିନ ରାୱତଙ୍କ ସମେତ ତାଙ୍କ ପତ୍ନୀ ଏବଂ ୧୧ ଅନ୍ୟ ସେନାଧିକାରୀଙ୍କ ଶୋଚନୀୟ ମୃତ୍ୟୁ ସାରା ଦେଶକୁ ସ୍ତବ୍ଧ କରି ଦେଇଥିଲା ବେଳେ ଦୁର୍ଘଟଣାର କାରଣ ଜାଣିବାକୁ ଏବେ ଦେଶବାସୀଙ୍କ ଉତ୍କଣ୍ଠା ବଢିଛି। ବିଶ୍ବର ଅନ୍ୟତମ ସୁରକ୍ଷିତ ହେଲିକପ୍ଟର ଏମଆଇ-୧୭ରେ ଯାତ୍ରା ଏତେ ଅସୁରକ୍ଷିତ କିଭଳି ହେଲା ତାହାକୁ ନେଇ ବିଭିନ୍ନ ମହଲରେ ତର୍ଜମା ଚାଲିଛି। ବିଶେଷକରି ଜଣେ ଅଭିଜ୍ଞ ଏବଂ ସୁଦକ୍ଷ ପାଇଲଟ ଏହାର ଉଡାଣ କରୁଥିଲେ ଏବଂ ଆନୁଷଙ୍ଗିକ ଯାଞ୍ଚ ପରେ ଏହି ହେଲିକପ୍ଟର ବାୟୁସେନା ଘାଟୀରୁ ଯାତ୍ରା ଆରମ୍ଭ କରିଥିଲେ ହେଁ ଗନ୍ତବ୍ୟସ୍ତଳର ମାତ୍ର କିଛି ଦୂର ପୂର୍ବରୁ ଏଭଳି ଭୟାନକ ଘଟଣା କାହିଁକି ହେଲା ତାହା ସାଧାରଣ ଲୋକଙ୍କ ଠାରୁ ଆରମ୍ଭ କରି ବିଶେଷଜ୍ଞ ମହଲକୁ ଚିନ୍ତିତ କରିଛି।

Gen. Rawat's death has an eerie parallel with the helicopter crash in early 2020 that killed Taiwan's chief of general staff, Gen. Shen Yi-ming, and seven others, including two major generals. Each helicopter crash eliminated a key figure in the defense against PRC's aggression.

— Brahma Chellaney (@Chellaney) December 8, 2021

ବିଶେଷକରି ଖରାପ ପାଣିପାଗ କିମ୍ବା ଯାନ୍ତ୍ରିକ ତ୍ରୁଟି ଦୁର୍ଘଟଣାର ମୁଖ୍ୟ କାରଣ ହୋଇପାରେ ବୋଲି କୁହାଯାଉଥିବା ବେଳେ ଏହି ଘଟଣା ପଛରେ ବାହ୍ୟିକ ଶକ୍ତିର ଷଡ଼ଯନ୍ତ୍ରକୁ ମଧ୍ୟ କିଛି ମହଲ ଏଡ଼େଇ ଦେଇପାରି ନାହାନ୍ତି। ଏହିକ୍ରମ ରେ ଏକ ନୂଆ ମୋଡ ସୃଷ୍ଟି ହେବା ସହିତ ଚୀନ ଭଳି ଆମର ଶତ୍ରୁ ରାଷ୍ଟ୍ରକୁ ନେଇ ସନ୍ଦେହ ଘନୀଭୂତ ହେବାରେ ଲାଗିଛି। ବୁଧବାର ଦୁର୍ଘଟଣାର କିଛି ସମୟ ପରେ ସ୍ବନାମଧନ୍ୟ ପ୍ରତିରକ୍ଷା ବିଶେଷଜ୍ଞ ବ୍ରହ୍ମା ଚେଲାନୀ ଏକ ଟ୍ବିଟ କରିବା ପରେ ଏହି ଟ୍ବିଟ୍‌କୁ ଆଧାର କରି ଚୀନ୍‌ର ସରକାରୀ ମୁଖପତ୍ର ଗ୍ଲୋବାଲ ଟାଇମ୍ସ ଯେଉଁ ପ୍ରତିକ୍ରିୟା ରଖିଛି ତାହାକୁ ନେଇ ଚୀନ୍‌ର ଭୂମିକା ପ୍ରତି ସନ୍ଦେହ ବଢିବାରେ ଲାଗିଛି।

#COMMENT
This view is like suspecting the US played a role in the crash because India and Russia are moving forward with the delivery of a Russian S-400 missile defense system, which the US strongly opposed. @Chellaney pic.twitter.com/cGgEhNrukT

— Global Times (@globaltimesnews) December 8, 2021

ସିଡିଏସ୍ ରାୱତଙ୍କ ହେଲିକପ୍ଟର ଦୁର୍ଘଟଣା ପରେ ପ୍ରଫେସର ଚେଲାନୀ ତାଙ୍କ ଟ୍ୱିଟ୍‌ ହ୍ୟାଣ୍ଡଲରେ ଲଗାତାର ଟ୍ୱିଟ୍‌ କରିଥିଲେ। ଯେଉଁଥିରେ ସେ ସିଡିଏସ୍‌ ରାୱତଙ୍କ ହେଲିକପ୍ଟର ଦୁର୍ଘଟଣା ତାଇୱାନ ସେନାମୁଖ୍ୟଙ୍କ ହେଲିକପ୍ଟର ଦୁର୍ଘଟଣା ସହ ସାମଞ୍ଜସ୍ୟ ରଖୁଥିବା ଉଲ୍ଲେଖ କରିଥିଲେ। ୨୦୨୦ ମସିହାରେ ତାଇୱାନର ଜେନେରାଲ ସେନ –ୟି- ମିଙ୍ଗ ଏବଂ ତାଙ୍କ ସହ ଅନ୍ୟ ୭ ବରିଷ୍ଠ ସେନା ଅଧିକାରୀ ଏକ ହେଲିକପ୍ଟର ଦୁର୍ଘଟଣାରେ ପ୍ରାଣ ହରାଇଥିଲେ। ଏଥିରେ ଦୁଇ ଜଣ ମେଜର ଜେନେରାଲ ମଧ୍ୟ ସାମିଲ ଥିଲେ। ହେଲେ ସବୁଠୁ ବଡ଼ କଥା ହେଲା ସିଡିଏସ୍ ବିପିନ ରାୱତ ଏବଂ ଜେନେରାଲ ମିଙ୍ଗଙ୍କ ଆଭିମୁଖ୍ୟ ଚୀନ୍‌ ବିରୋଧୀ ଥିଲା। ନିକଟରେ ଚୀନ୍‌ ଆମର ବଡ଼ ଶତ୍ରୁ ବୋଲି ସିଡିଏସ ବିପିନ ରାୱତ କହିଥିଲା ବେଳେ ଜେନେରାଲ ମିଙ୍ଗଙ୍କ ଆଭିମୁଖ୍ୟ ମଧ୍ୟ ସମାନ ରହିଥିଲା। ତେଣୁ ଏହି ଦୁଇ ସେନାମୁଖ୍ୟଙ୍କ ହେଲିକପ୍ଟର ଦୁର୍ଘଟଣାରେ ମୃତ୍ୟୁ ହେବାର ଅଜବ ସାମଞ୍ଜସ୍ୟ ରହିଥିବା ପ୍ରଫେସର ଚେଲାନୀ ତାଙ୍କ ଟ୍ୱିଟ୍‌ରେ ଉଲ୍ଲେଖ କରିଛନ୍ତି। ଉଭୟ ହେଲିକପ୍ଟର ଦୁର୍ଘଟଣାରେ ସେଭଳି ସେନାଧିକାରୀ ପ୍ରାଣ ହରାଇଛନ୍ତି ଯେଉଁମାନେ ଚୀନ୍‌ର ଆକ୍ରମକତା ବିରୋଧରେ ପ୍ରତିବନ୍ଧକ ଥିଲେ ବୋଲି ସେ ଉଲ୍ଲେଖ କରିଛନ୍ତି।

Clearheaded and plainspoken, Gen. Rawat became India's public face on China's aggression. While the political leadership has been reticent to even utter the word "China," one could always count on Gen. Rawat to name names and call a spade a spade. Filling the void won't be easy.

— Brahma Chellaney (@Chellaney) December 9, 2021

ହେଲେ ପ୍ରଫେସର ଚେଲାନୀଙ୍କ ଟ୍ୱିଟ୍‌କୁ ନେଇ ଗ୍ଲୋବାଲ ଟାଇମ୍ସ ଯେଉଁ ପ୍ରତିକ୍ରିୟା ପ୍ରକାଶ କରିଛି ତାହା ମଧ୍ୟ ଅଜବ ଏବଂ ସନ୍ଦେହଜନକ। ଏଭଳି ଘଟଣା ପଛରେ ଆମେରିକାର କାହିଁକି ହାତ ନଥିବା ବୋଲି ଗ୍ଲୋବାଲ ଟାଇମ୍ସ ପ୍ରଶ୍ନ ଉଠାଇଛି। ବିଶେଷକରି ଭାରତ ଏବେ ରୁଷିଆରୁ ଏସ ୪୦୦ ଏୟାର ଡିଫେନ୍ସ ସଷ୍ଟମ କିଣିଥିବାରୁ ଆମେରିକା ଏଥିପାଇଁ ପରୋକ୍ଷରେ ଏଭଳି କାର୍ଯ୍ୟ ପାଇଁ ଭୂମିକା ଗ୍ରହଣ କରିଥାଇପାରେ ବୋଲି କୁହାଯାଇଛି। ହେଲେ ପ୍ରଫେସର ପ୍ରତ୍ୟକ୍ଷ ଭାବେ ଚୀନର ନାମ ନେଇ ନଥିବା ବେଳେ ସାଧାରଣ ଟ୍ବିଟକୁ ନେଇ ଚୀନ ସରକାରୀ ମୁଖପତ୍ରରେ ଏଭଳି ପ୍ରତିକ୍ରିୟା ପ୍ରକାଶ ପାଇବା ଏହି ସନ୍ଦେହକୁ ଅଧିକ ଦୃଢୀଭୂତ କରୁଥିବା ବିଭିନ୍ନ ମହଲରେ ଚର୍ଚ୍ଚା ହେଉଛି।

ନୂଆଦିଲ୍ଲୀ : ବାୟୁସେନା ହେଲିକପ୍ଟର ଦୁର୍ଘଟଣାରେ ମୃତ ସିଡିଏସ ବିପିନ ରାୱତ ଏବଂ ତାଙ୍କ ପତ୍ନୀଙ୍କ ସମେତ ଅନ୍ୟ ଅଧିକାରୀଙ୍କୁ ଗୁରୁବାର ରାତିରେ ପାଲାମ ବାୟୁସେନା ଘାଟୀରେ ଶ୍ରଦ୍ଧାଜ୍ଞଳି ଦିଆଯାଇଛି। ସମସ୍ତ ମୃତକଙ୍କ ମରଶରୀରକୁ ତାମିଲନାଡୁର ୱେଲିଙ୍ଗଟନସ୍ଥିତ ମାଡ୍ରାସ ରେଜିମେଣ୍ଟ ସେଣ୍ଟରରୁ ସୁଲୁର ବାୟୁସେନା ଘାଟୀକୁ ଅଣାଯିବା ପରେ ସେଠାରୁ ଏକ ସ୍ବତନ୍ତ୍ର ବିମାନ ଯୋଗେ ଦିଲ୍ଲୀ ଅଣାଯାଇଥିଲା। ରାତି ପ୍ରାୟ ୮ଟା ବେଳେ ଏହି ବିମାନ ପାଲାମ ବିମାନ ବନ୍ଦରରେ ପହଞ୍ଚିବା ପରେ ସେଠାରେ ଆୟୋଜିତ ଏକ ବିଶେଷ କାର୍ଯ୍ୟକ୍ରମରେ ସିଡିଏସ ବିପିନ ରାୱତଙ୍କ ସମେତ ସମସ୍ତ ବୀର ଯୋଦ୍ଧାଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପାଲାମ ବିମାନ ବନ୍ଦରରେ ପହଞ୍ଚିବା ପରେ ପ୍ରଥମେ ସିଡିଏସ ବିପିନ ରାୱତଙ୍କ ମର ଶରୀର ନିକଟରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏହାପରେ ଅନ୍ୟ ସମସ୍ତ ମର ଶରୀର ନିକଟରେ ପୁଷ୍ପାଞ୍ଜଳି ଦେଇ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ତିନି ସେନା ମୁଖ୍ୟମାନେ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହି ସମସ୍ତ ଦିବଂଗତ ଯୋଦ୍ଧାଙ୍କ ମର ଶରୀର ନିକଟରେ ଶ୍ରଦ୍ଧାଞ୍ଜଳି ଦେଇଥିଲେ। ଅନ୍ୟମାନଙ୍କ ମଧ୍ୟରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଏବଂ ପ୍ରତିରକ୍ଷା ବିଭାଗର ବହୁ ବରିଷ୍ଠ ଅଧିକାରୀ ଶ୍ରଦ୍ଧାଞ୍ଜଳି ଦେଇଥିଲେ। ସିଡିଏସ୍‌ ବିପିନ ରାୱତଙ୍କ ପରିବାର ସଦସ୍ୟଙ୍କ ବ୍ୟତୀତ ଅନ୍ୟ ଦିବଂଗତ ଯୋଦ୍ଧାଙ୍କ ପରିବାର ସଦସ୍ୟ ମଧ୍ୟ ଏଠାରେ ଉପସ୍ଥିତ ରହି ଶେଷ ଶ୍ରଦ୍ଧାଞ୍ଜଳି ଦେଇଥିଲେ।

ପ୍ରଧାନମନ୍ତ୍ରୀ ମୋଦୀ ଏହି ପରିବାରର ସଦସ୍ୟମାନଙ୍କୁ ଭେଟି ସମବେଦନା ଜଣାଇଥିଲେ। ଏହାପରେ ସିଡିଏସ ବିପିନ ରାୱତଙ୍କ ମରଶରୀରକୁ ସିଡିଏସ କରାଜ ମାର୍ଗସ୍ଥିତ ତାଙ୍କ ବାସଭବନକୁ ନିଆଯାଇଛି। ସେଠାରେ ଆସନ୍ତାକାଲି ସର୍ବସାଧାରଣଙ୍କ ସମେତ ସେନା ଅଧିକାରୀମାନେ ତାଙ୍କୁ ଶ୍ରଦ୍ଧାଞ୍ଜଳି ଦେବାର କାର୍ଯ୍ୟକ୍ରମ ରହିଛି। ଏହାପରେ ଦିଲ୍ଲୀ କ୍ୟାଣ୍ଟନମେଣ୍ଟ ପରିସରରେ ସିଡିଏସ ରାୱତ ଏବଂ ତାଙ୍କ ପତ୍ନୀ ମଧୁଲିକା ରାୱତଙ୍କ ଅନ୍ତିମ ସଂସ୍କାର କରାଯିବ। ଏହାବ୍ୟତୀତ ବ୍ରିଗେଡିୟର ଏଲ ଏସ ଲିଡରଙ୍କ ଶେଷକୃତ୍ୟ ମଧ୍ୟ ଦିଲ୍ଲୀ କାଣ୍ଟନମେଣ୍ଟରେ ଅନୁଷ୍ଠିତ ହେବ। ସିଡିଏସ ବିପିନ ରାୱତଙ୍କ ଅନ୍ତିମ ସଂସ୍କାର ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦା ସହ କରିବାକୁ ସେନା ପକ୍ଷରୁ ପ୍ରସ୍ତୁତି ହୋଇସାରିଛି।

ନୂଆଦିଲ୍ଲୀ : କୁନ୍ନୁରରେ ସେନା ହେଲିକପ୍ଟର  ଦୁର୍ଘଟଣାଗ୍ରସ୍ତ ନେଇ ସଂସଦରେ ପ୍ରତିରକ୍ଷା ମନ୍ତ୍ରୀଙ୍କ ବିବୃତି । ଉଭୟ ଗୃହରେ ବିବୃତି ରଖିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ। ସିଡିଏସ୍‌’ ଜେନେରାଲ୍‌ ବିପିନ ରାୱତ୍‌ ଏବଂ ଆଉ ୧୨ଜଣଙ୍କ ଆକସ୍ମିକ ମୃତ୍ୟୁ ଯୋଗୁଁ ଦୁଃଖ ବ୍ୟକ୍ତ କରି ରାଜନାଥ ସିଂହ ସେମାନଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି।

Indian Air Force (IAF) has ordered a tri-service inquiry into the military chopper crash. The investigation will be led by Air Marshal Manavendra Singh. The inquiry team reached Wellington yesterday itself and started the investigation: Defence Minister Rajnath Singh Lok Sabha pic.twitter.com/l6zE4Kboy6

— ANI (@ANI) December 9, 2021

ରାଜନାଥ ସିଂ କହିଛନ୍ତି, ୮ ଡିସେମ୍ବରରେ ଭାରତୀୟ ବାୟୁସେନାର ହେଲିକପ୍ଟର ଯେଉଁଥିରେ ସିଡିଏସ ବିପିନ୍ ରାୱତ ଥିଲେ ତାହା ଦୁର୍ଘଟଣାର ଶିକାର ହୋଇଛି । ବିପିନ୍ ରାୱତଙ୍କ ସମେତ ତାଙ୍କ ପତ୍ନୀ ମଧୁଲିକା ରାୱତ ଏବଂ ଅନ୍ୟ ୧୧ ଜଣ ବାୟୁସେନା ସଦସ୍ୟ ଏହି ଦୁର୍ଘଟଣାରେ ମୃତ୍ୟୁ ହୋଇଛି। ସୁଲୁର ଏୟାରବେସ୍ରୁ ସିଡିଏସ୍‌ ବିପିନ ରାଓ୍ବତ ଓ ଅନ୍ୟମାନଙ୍କୁ ନେଇ ୧୧ ଟା ୪୮ ମିନିଟରେ ଉଡାଣ ଭରିଥିଲା ହେଲିକପ୍ଟର । ୧୨ଟା ବାଜି ୮ମିନିଟରେ ହେଲିକପ୍ଟର ସହ ଏଟିସିର ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା । ଲ୍ୟାଣ୍ଡିଂ କରିବାର ମାତ୍ର ୭ମିନିଟ ପୂର୍ବରୁ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାରେ ହେଲିକପ୍ଟରରେ ଥିବା ୧୪ଜଣଙ୍କ ମଧ୍ୟରୁ ୧୩ଜଣଙ୍କର ମୃତ୍ୟୁ ହୋଇଛି । ଗ୍ରୁପ କ୍ୟପଟେନ ବରୁଣ ସିଂ ଗୁରୁତର ଅବସ୍ଥାରେ ଓ୍ବେଲିଂଟନ ସେନା ହସ୍ପିଟାଲରେ ଚିକିତ୍ସିତ ହେଉଛନ୍ତି। ସେ ଏବେ ଲାଇଫ୍ ସପୋର୍ଟ ସିଷ୍ଟମରେ ରହିଛନ୍ତି। ତାଙ୍କ ଚିକିତ୍ସା ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି।

The last rites of CDS General Bipin Rawat will be performed with full military honours. The last rites of other military personnel will be performed with appropriate military honour: Defence Minister Rajnath Singh in his statement in LS on the military chopper crash in Tamil Nadu pic.twitter.com/LfWHDrVaIc

— ANI (@ANI) December 9, 2021

ଆଜି ସନ୍ଧ୍ୟା ସୁଦ୍ଧା ସମସ୍ତ ମୃତକଙ୍କ ପ୍ରାର୍ଥିବ ଶରୀର ଦିଲ୍ଲୀଠାରେ ପହଞ୍ଚିବ ବୋଲି ରାଜନାଥ ସୂଚନା ଦେଇଛନ୍ତି। IAFର ସ୍ବତନ୍ତ୍ର ବିମାନରେ ମରଶରୀରକୁ ଦିଲ୍ଲୀ ଅଣାଯିବ ।ସମ୍ପୂର୍ଣ୍ଣ ସାମରିକ ମର୍ଯ୍ୟାଦା ସହ ତାମିଲନାଡୁର କୁନୁର୍‌ ନିକଟରେ ‘ଏମ୍‌ଆଇ-୧୭ଭି୫’ ହେଲିକପ୍ଟର୍‌ ଦୁର୍ଘଟଣାରେ ପ୍ରାଣ ହରାଇଥିବା ‘ସିଡିଏସ୍’ ବିପିନ ରାୱତ୍‌ ଏବଂ ଅନ୍ୟମାନର ଶେଷକୃତ୍ୟ ସମାପନ କରାଯିବ ବୋଲି ଆଜି ଲୋକସଭାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି।

Lok Sabha observes two-minute silence on the demise of Chief of Defence Staff General Bipin Rawat, his wife, and other personnel in a military helicopter crash near Coonoor, Tamil Nadu

Image Source: Sansad TV pic.twitter.com/nSr9LGllbd

— ANI (@ANI) December 9, 2021

ଅନ୍ୟପଟେ ପୁରା ଘଟଣାର ତଦନ୍ତ ପାଇଁ ଭାରତୀୟ ବାୟୁସେନା ପକ୍ଷରୁ ନିର୍ଦ୍ଦେଶ ଦିଆଯାଇଛି । ଘଟଣାରେ ତିନି ବାହିନୀ ପକ୍ଷରୁ ମିଳିତ ତଦନ୍ତ କରାଯିବ । ଏୟାର ମାର୍ସାଲ ମାନବେନ୍ଦ୍ର ସିଂହଙ୍କ ଅଧ୍ୟକ୍ଷତାରେ ଏକ ଯାଞ୍ଚ ଟିମ୍ ଗଠନ ହୋଇଛି ବୋଲି ପ୍ରତିରକ୍ଷା ମନ୍ତ୍ରୀ ବିବୃତି ରଖିଛନ୍ତି । ପ୍ରତିରକ୍ଷା ମନ୍ତ୍ରୀଙ୍କ ବିବୃତ୍ତି ପରେ ଉଭୟ ଗୃହରେ ବୀର ଯୋଦ୍ଧାଙ୍କ ଉଦ୍ଦେଶ୍ୟରେ ଦୁଇ ମିନିଟ୍‌ ନିରବ ପ୍ରାର୍ଥନା କରାଯାଇଥିଲା ।

ନୂଆଦିଲ୍ଲୀ : ବୁଧବାର ତାମିଲନାଡୁ ଠାରେ ହୋଇଥିବା ସେନା ଦ୍ୱାରା ବ୍ୟବହୃତ Mi-17V-5 ହେଲିକପ୍ଟର ଦୁର୍ଘଟଣା ପଛରେ କାରଣ କ’ଣ ରହିଛି ତାହା ଏବେ ସବୁଠାରୁ ବଡ଼ ପ୍ରଶ୍ନ ଭାବେ ଉଭା ହୋଇଛି। ଯାନ୍ତ୍ରିକ ସମସ୍ୟା ନା ଖରାପ ପାଗ କାରଣରୁ ହେଲିକ୍ୟାପ୍ଟର ଦୁର୍ଘଟଣାଗ୍ରସ୍ତ ହେଲା ତାହା ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ତେବେ ସିଡିଏସ୍ ଜେନେରାଲ୍ ବିପିନ ରାୱତଙ୍କ ହେଲିକପ୍ଟର ଦୁର୍ଘଟଣାର ଆଉ ଏକ ନୂଆ ଭିଡିଓ ସାମ୍ନାକୁ ଆସିଛି।ନୀଳଗିରି ଜଙ୍ଗଲରେ ଜଣେ ପର୍ଯ୍ୟଟକଙ୍କ ମୋବାଇଲରେ କଏଦ ହୋଇଛି ଦୁର୍ଘଟଣା ପୂର୍ବର ଲୋମହର୍ଷଣକାରୀ ମୁହୂର୍ତ୍ତ। ହେଲିକପ୍ଟରଟି କୁହୁଡି ବଳୟରେ ଖୁବ୍ ତଳେ ଉଡୁଥିବା ନେଇ ଉକ୍ତ ଭିଡ଼ିଓରେ  ଦେଖିବାକୁ ମିଳୁଛି। ଭିଡିଓଟି ଅଳ୍ପ କେଇ ସେକେଣ୍ଡର ହୋଇଥିବା ବେଳେ କିଛି ସମୟ ମଧ୍ୟରେ ହେଲିକପ୍ଟରଟି ଜୋର ଶବ୍ଦ କରିଥିଲା। ଏହାପରେ ଜଣେ ପ୍ରତ୍ୟକ୍ଷଦର୍ଶୀ ପଚାରୁଛନ୍ତି: କ’ଣ ହେଲା? ପଡ଼ିଗଲା ନା କ୍ରାସ୍‌ ହୋଇଗଲା। ଅନ୍ୟ ଜଣେ କହୁଛନ୍ତି: ହଁ।

#WATCH | Final moments of Mi-17 chopper carrying CDS Bipin Rawat and 13 others before it crashed near Coonoor, Tamil Nadu yesterday

(Video Source: Locals present near accident spot) pic.twitter.com/jzdf0lGU5L

— ANI (@ANI) December 9, 2021

ସ୍ଥାନୀୟ ବାସିନ୍ଦାଙ୍କ ଠାରୁ ମିଳିଥିବା ଉକ୍ତ ଭିଡିଓକୁ ସମ୍ବାଦ ସରବରାହ ସଂସ୍ଥା ‘ଏଏନ୍‌ଆଇ’ ଟୁଇଟ୍‌ କରିଛି। ଭାରତୀୟ ବାୟୁସେନାର ‘Mi-17V-5’ ହେଲିକପ୍ଟର୍‌ଟି ଗତ ଅପରାହ୍ଣରେ ଦୁର୍ଘଟଣାଗ୍ରସ୍ତ ହୋଇ ପାହାଡ଼ ଉପରେ ଖସିପଡ଼ିବାର ଠିକ୍‌ ପୂର୍ବରୁ ଉକ୍ତ ଭିଡିଓଟିକୁ ଶୁଟ୍‌ କରାଯାଇଥିବା ଭଳି ମନେହେଉଛି। ତେବେ ବାୟୁସେନା ତରଫରୁ କିଛି ଏହି ଭିଡିଓକୁ ନେଇ କୌଣସି ପ୍ରତିକ୍ରିୟା ମିଳିନାହିଁ।

ଅନ୍ୟପଟେ ଏହି ଦୁର୍ଘଟଣା ଅନେକ ପୂର୍ବତନ ସେନା ଅଧିକାରୀଙ୍କୁ ଆଚମ୍ବିତ କରି ପକାଇଛି। ଭାରତୀୟ ବାୟୁସେନାର ପୂର୍ବତନ ମୁଖ୍ୟ ଏୟାର୍‌ ଚିଫ୍ ମାର୍ସାଲ୍‌ ଫଲି ଏଚ୍‌. ମେଜର୍‌ କହନ୍ତି, ସୁଲୁର ରୁ ୱେଲିଙ୍ଗ୍‌ଟନ୍‌କୁ ବିମାନଯାତ୍ରା ସମୟ ଅବଧି ମାତ୍ର ୨୦ ରୁ ୨୫ ମିନିଟ୍‌। ଏତେ ସ୍ବଳ୍ପ ସମୟ ମଧ୍ୟରେ କି ତ୍ରୁଟି ହେଲା ତାହା ନିର୍ଦ୍ଧାରଣ କରିବା କଷ୍ଟକର ବ୍ୟାପାର। କେଉଁ କାରଣରୁ ଦୁର୍ଘଟଣା ଘଟିଲା ତାହାର ତଦନ୍ତ ଚାଲିଥିବା ବେଳେ ଆଜି ଏୟାର୍‌ ଚିଫ୍‌ ମାର୍ସାଲ୍‌ ଭି.ଆର୍‌. ଚୌଧୁରୀ ଦୁର୍ଘଟଣାସ୍ଥଳ ପରିଦର୍ଶନ କରିଛନ୍ତି।

ଅପରପକ୍ଷେ ସଂସଦରେ ଘଟଣା ସମ୍ପର୍କରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସଂସଦରେ ସୂଚନା ଦେଇଛନ୍ତି। ସେ କହିଛନ୍ତି ଯେ ତାମିଲନାଡୁର କୁନ୍ନୁର ଅଞ୍ଚଳରେ ବୁଧବାର ଦ୍ୱିପ୍ରହର ୧୨ଟା ୮ମି. ସମୟରେ ରାୱତଙ୍କ ହେଲିକପ୍ଟର ସହ ଏଟିସିର ସମ୍ପର୍କ ସ୍ଥାପନା ବିଚ୍ଛିନ୍ନ ହୋଇଥିଲା। ଦୁର୍ଘଟଣା ସମ୍ପର୍କରେ ଖବର ପାଇ ସ୍ଥାନୀୟ ଲୋକମାନେ ଘଟଣାସ୍ଥଳରେ ପହଞ୍ଚିବା ବେଳକୁ ହେଲିକପ୍ଟରରେ ନିଆଁ ଲାଗିଥିବା ଦେଖିବାକୁ ମିଳିଥିଲା। ତୁରନ୍ତ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଉଦ୍ଧାର କରାଯାଇଥିଲା। ଏହି ଘଟଣାରେ ୧୩ ଜଣଙ୍କର ମୃତ୍ୟୁ ଘଟିଥିବା ବେଳେ କେବଳ ଜଣେ ମାତ୍ର ଯବାନ ଗ୍ରୁପ୍ କ୍ୟାପଟେନ୍ ବରୁଣ ସିଂ ୱେଲିଂଟନ୍ ହସ୍ପିଟାଲରେ ଲାଇଫ୍ ସପୋର୍ଟରେ ଅଛନ୍ତି।

ନୂଆଦିଲ୍ଲୀ : ବୁଧବାର ତାମିଲନାଡୁର କୁନୁର ନିକଟରେ ଏକ ଦୁର୍ଘଟଣାରେ ସିଡିଏସ୍ ଜେନେରାଲ୍ ବିପିନ ରାୱତ, ତାଙ୍କ ପତ୍ନୀ ମଦୁଲିକା ଓ ହେଲିକାପ୍ଟରେ ଥିବା ୧୪ ଜଣ ଲୋକଙ୍କ ମଧ୍ୟରୁ ୧୩ ଜଣଙ୍କର ମୃତ୍ୟୁ ଘଟିଛି। ଦେଶ ତାର ଜଣେ ବୀର ପୁତ୍ରକୁ ହରାଇଛି। ସମଗ୍ର ଦେଶରେ ଶୋକର ଲହରୀ ଖେଳିଯାଇଛି।ସ୍ଥଳସେନା, ବାୟୁସେନା ଏବଂ ନୌସେନା ମଧ୍ୟରେ ଯୋଗସୂତ୍ର ରକ୍ଷା ଭଳି ଗୁରୁ ଦାୟିତ୍ୱ ତୁଲାଉଥିବା ଜେନେରାଲଙ୍କ ରାୱତ୍‌ଙ୍କର ଏହି ଅକାଳ ବିୟୋଗରେ ସେନା ଏବଂ ସମଗ୍ର ଦେଶ ସ୍ତବ୍ଧ ହୋଇଯାଇଛି ।

ଦେଶ ଜଣେ ପରାକ୍ରମୀ ଏବଂ ଲଢୁଆ ବୀରଙ୍କ ହାରାଇଥିବା ବେଳେ ଉତ୍ତରାଖଣ୍ଡର ପୌଡି ଜିଲ୍ଲାର ଦ୍ଵାରିଖାଲ ବ୍ଲକ ଅନ୍ତର୍ଗତ ସୈଣା ଗାଁ ନିଜ ବୀର ସନ୍ତାନକୁ ହରାଇ ଦୁଃଖରେ ଡୁବି ଯାଇଛି। କାଣ୍ଡାଖାଲ ଟାଉନଠୁ କିଛି ଦୂରରେ ରହିଛି ଦିବଙ୍ଗତ ଜେନେରାଲ ବିପିନ ରାଓ୍ଵତଙ୍କ ପୈତୃକ ଗାଁ ସୈଣା। ଏଠାରେ ରୁହନ୍ତି କକା ଭରତ ସିଂହ ରାଓ୍ଵତ ଓ ତାଙ୍କ ପରିବାର। ଦିବଙ୍ଗତ ଚିଫ୍‌ ସେନା ଅଧ୍ୟକ୍ଷ ଜେନରାଲ ବିପିନ୍‌ ରାୱତଙ୍କ ଉତ୍ତରାଖଣ୍ଡ ସ୍ଥିତ ପୌତୃକ ଗାଁ ସାଇନାରେ ରହୁଥିବା ତାଙ୍କ ଦାଦା ଭରତ ସିଂହ ତାଙ୍କ ମୃତ୍ୟୁକୁ ନେଇ ଶୋକ ପ୍ରକାଶ କରିଛନ୍ତି। ଆସନ୍ତା ବର୍ଷ ଏପ୍ରିଲ ମାସରେ ନିଜ ପୌତୃକ ଗାଁକୁ ଯାଇ ଘର ତିଆରି କରିବା ପାଇଁ ଆଶା ରଖିଥିଲେ ବିପିନ ରାୱତ। ହେଲେ ତାଙ୍କର ଏହି ସ୍ୱପ୍ନ ଅଧୁରା ରହିଗଲା ବୋଲି କହିଛନ୍ତି ବିପିନ୍‌ ରାୱତଙ୍କ ଦାଦା।

ଜେନେରାଲ ରାୱତଙ୍କ କକା ଭରତ ସିଂହ ଏହା କହିଛନ୍ତି ଯେ ଜେନେରାଲ ରାୱତଙ୍କୁ ତାଙ୍କ ଗାଁ ଏବଂ ଘର ପ୍ରତି ଅଧିକ ଦୁର୍ବଳତା ଥିଲା। ସମୟ ସମୟରେ ସେ ମଧ୍ୟ ଫୋନରେ ସେମାନଙ୍କ ସହ କଥା ହେଉଥିଲେ। ଜେନେରାଲ୍ ରାୱତ ତାଙ୍କ ଦାଦାଙ୍କୁ କହିଥିଲେ ଯେ, ସେ ଏପ୍ରିଲ୍ ୨୦୨୨ ରେ ଗାଁକୁ ଫେରିବେ। ଏଥିସହ ପୌତୃକ ଗାଁରେ ଏକ ଘର ତିଆରି କରିବେ। ହେଲେ ତାଙ୍କର ଏହି ସ୍ୱପ୍ନ ପୂରଣ ହେବ ନାହିଁ ବୋଲି କିଏ ଜାଣିଥିଲା। ହଠାତ୍‌ ସେ ଆମକୁ ଏଭଳି ଛାଡି ଚାଲିଯିବେ ବୋଲି ଆଶା ନଥିଲା।’

ସେ ନିଜ ପୈତୃକ ଜମିରେ ଘର ତିଆରି କରିବାକୁ ଚିନ୍ତା କରିଥିଲେ। ଜାନୁଆରୀରେ ଅବସର ନେବା ପରେ ଗାଁରେ ଘର କରି ରହିବାକୁ ଚାହୁଁଥିଲେ। କିନ୍ତୁ ଏହି ଇଚ୍ଛା ଏବେ ଅଧୁରା ରହିଯାଇଛି। ବିପିନ ଗରିବଙ୍କ ପ୍ରତି ଦୟାଭାବ ରଖିଥିଲେ। ଅବସର ପରେ ଗରିବଙ୍କ ଆର୍ଥିକ ସ୍ଥିତିରେ ଉନ୍ନତି ଆଣିବା ଲାଗି କିଛି କରିବାକୁ କହିଥିଲେ କିନ୍ତୁ ତାଙ୍କର ସେ ସବୁ ସ୍ବପ୍ନ ଅଧାରେ ରହିଗଲା ବୋଲି କୋହ ଭରା କଣ୍ଠରେ କହିଛନ୍ତି ଜେନେରାଲ ରାୱତଙ୍କ କକା ଭରତ ସିଂହ।

ନୂଆଦିଲ୍ଲୀ : ଦେଶର ପ୍ରଥମ ସିଡିଏସ୍ ଜେନେରାଲ୍ ବିପିନ ରାଓ୍ୱତଙ୍କ ଅକାଳ ବିୟୋଗରେ ସମଗ୍ର ଦେଶ ସ୍ତବ୍ଧ ହୋଇଯାଇଛି। ବୁଧବାର ତାମିଲନାଡୁର କୁନ୍ନୁରରେ ହେଲିକପ୍ଟର ଦୁର୍ଘଟଣାରେ ଦେଶର ପ୍ରଥମ ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ (ସିଡିଏସ୍‌) ଜେନେରାଲ୍‌ ବିପିନ ରାୱତ୍‌ (୬୩)ଙ୍କ ଜୀବନ ଯାଇଛି । ଏହି ଭୟାବହ ଦୁର୍ଘଟଣାରେ ରାୱତ୍‌ଙ୍କ ପତ୍ନୀ ମଧୁଲିକାଙ୍କ ସମେତ ମୋଟ ୧୩ ଜଣ ପ୍ରାଣ ହରାଇଛନ୍ତି । ସ୍ଥଳସେନା, ବାୟୁସେନା ଏବଂ ନୌସେନା ମଧ୍ୟରେ ଯୋଗସୂତ୍ର ରକ୍ଷା ଭଳି ଗୁରୁ ଦାୟିତ୍ୱ ତୁଲାଉଥିବା ଜେନେରାଲଙ୍କ ରାୱତ୍‌ଙ୍କର ଏହି ଅକାଳ ବିୟୋଗରେ ସେନା ଏବଂ ସମଗ୍ର ଦେଶ ସ୍ତବ୍ଧ ହୋଇଯାଇଛି । ଦେଶବିଦେଶର ସେନା ମୁଖ୍ୟ ଓ ରାଜନେତାମାନେ ଗଭୀର ଶୋକ ପ୍ରକାଶ କରିଛନ୍ତି ।

କୁନ୍ନୁରର ଜଙ୍ଗଲରେ ବୁଧବାର ପ୍ରାୟ ୧୨.୨୦ ମିନିଟ୍‌ରେ ଏମ୍‌ଆଇ-୧୭ଭି-୫ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା । ସେଥିରେ ସିଡିଏସ୍‌ ରାୱତ୍‌, ତାଙ୍କ ପତ୍ନୀ ମଧୁଲିକା ଓ ସେନାର ୧୨ ଜଣ ଅଧିକାରୀ ଥିଲେ । ଘନ ଜଙ୍ଗଲରେ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହେବା ପରେ ସେଥିରେ ନିଆଁ ଲାଗିଯାଇଥିଲା । ଏହାଯୋଗୁ ୧୩ ଜଣଙ୍କ ମୃତ୍ୟୁ ଘଟିଛି । ଗ୍ରୁପ୍‌ କ୍ୟାପଟେନ୍‌ ବରୁଣ ସିଂହ ଗୁରୁତର ଆହତ ଅବସ୍ଥାରେ ଉଦ୍ଧାର ହୋଇଛନ୍ତି । ଉଦ୍ଧାର ହୋଇଥିବା ମୃତଦେହଗୁଡ଼ିକର ୯୫% ପୋଡ଼ିଯାଇଥିବାରୁ ଡିଏନ୍‌ଏ ପରୀକ୍ଷା ମାଧ୍ୟମରେ ହିଁ ସେମାନଙ୍କୁ ଚିହ୍ନଟ କରାଯିବ । ୧୦ ତାରିଖ (ଶୁକ୍ରବାର)ରେ ଜେନେରାଲ ରାୱତ୍‌ ଓ ପତ୍ନୀଙ୍କ ଶେଷକୃତ୍ୟ ଦିଲ୍ଲୀରେ ସମ୍ପନ୍ନ ହେବ । ଗୁରୁବାର ସନ୍ଧ୍ୟା ସୁଦ୍ଧା ସେମାନଙ୍କ ମରଶରୀର ସେନା ବିମାନ ଯୋଗେ ରାଜଧାନୀରେ ପହଞ୍ଚିବ ।

ତେବେ ଏସବୁ ମଧ୍ୟରେ ସମସ୍ତଙ୍କ ମନର ଗୋଟିଏ ପ୍ରଶ୍ନ ଉଙ୍କି ମାରୁଛି କେମିତି ହେଲା ଏପରି ଭୟଙ୍କର ଦୁର୍ଘଟଣା। ବାୟୁସେନାର ସବୁଠୁ ସୁରକ୍ଷିତ ଏମ୍‌ଆଇ-୧୭ଭି-୫ ହେଲିକପ୍ଟର କିପରି ଦୁର୍ଘଟଣା ଗ୍ରସ୍ତ ହେଲା। MI-17V-5 ହେଲିକପ୍ଟର ଦୁନିଆର ସବୁଠାରୁ ଉନ୍ନତ ପରିବହନ ହେଲିକପ୍ଟର । ଏହି ହେଲିକପ୍ଟର ସାହାର୍ଯ୍ୟରେ ସୈନ୍ୟବାହିନୀ, ଅସ୍ତ୍ରଶସ୍ତ୍ର ପରିବହନ, ଅଗ୍ନି ସହାୟତା, ଗାର୍ଡ ପାଟ୍ରୋଲିଂ ଏବଂ ସର୍ଚ୍ଚ ଏବଂ ଉଦ୍ଧାର ମିଶନରେ ଏହା ନିୟୋଜିତ ହୋଇପାରିବ । MI-17V-5 ହେଲିକପ୍ଟର ମଧ୍ୟ ମାଲ୍ ପରିବହନ ପାଇଁ ଡିଜାଇନ ହୋଇଛି । ଏହି ହେଲିକପ୍ଟର ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗତିବିଧିରେ ବ୍ୟବହୃତ ହୋଇଥାଏ । ଅର୍ଥାତ ଏହି ହେଲିକପ୍ଟର ଭିଭିଆଇପି ଗତିବିଧିଠାରୁ ଆରମ୍ଭ କରି ସେନା ଅପରେସନ ପର୍ଯ୍ୟନ୍ତ ଏହା ବ୍ୟବହୃତ ହୋଇଥାଏ । ତେବେ ଏହା କିପରି ଦୁର୍ଘଟଣା ଗ୍ରସ୍ତ ହେଲା ସେନେଇ ଲାଗିରହିଥିବା ଶଙ୍କା ମଧ୍ୟରେ ମିଳିଛି ଦୁର୍ଘଟଣାଗ୍ରସ୍ତ ହେଲିକପ୍ଟର ବ୍ଲାକ ବକ୍ସ। ଯାହା କିପରି ଦୁର୍ଘଟଣା ଘଟିଛି ତାର ପର୍ଦାଫାଶ କରିବ।

Flight Data Recorder and Cockpit Voice Recorder of the Mi-17V5 chopper that crashed yesterday with CDS Gen Bipin Rawat has been recovered from the site: Sources pic.twitter.com/MV3DFpQ6kP

— ANI (@ANI) December 9, 2021

ଗତକାଲି ଦୁର୍ଘଟଣା ପରେ ଉଦ୍ଧାର କାର୍ଯ୍ୟକୁ ପ୍ରାଧାନ୍ୟ ଦିଆଯାଇଥିଲା। କିପରି ଦୁର୍ଘଟଣାରେ ଶିକାର ସମସ୍ତ ଯବାନଙ୍କୁ ଉଦ୍ଧାର କରାଯିବ ଏବଂ ମେଡିକାଲରେ ଭର୍ତ୍ତି କରାଯିବ ସେନେଇ ସମସ୍ତ କାର୍ଯ୍ୟ କରାଯାଇଥିଲା। ତେବେ ଆଜି ସକାଳୁ ୱିଙ୍ଗ୍ କମାଣ୍ଡର ଆର. ଭରଦ୍ୱାଜଙ୍କ ନେତୃତ୍ୱରେ ବାୟୁସେନା ଅଧିକାରୀଙ୍କ ୨୫ ଟି ବିଶେଷ ଦଳ ହେଲିକପ୍ଟରର ବ୍ଲାକ ବକ୍ସ ଖୋଜୁଥିଲେ। ଘଞ୍ଚ ଜଙ୍ଗଲ ମଧ୍ୟରେ ଏହି ବ୍ଲାକ ବକ୍ସକୁ  ଉଦ୍ଧାର କରାଯାଇଛି। ବର୍ତ୍ତମାନ ଏଥିରୁ ସୂଚନାକୁ ଅପେକ୍ଷା କରାଯାଇଛି, ଯାହା ଦ୍ବାରା ଏହା ଜଣାପଡିବ ଯେ  ଏହି ଦୁର୍ଘଟଣା କିପରି ଘଟିଲା ।

ଏହି ବ୍ଲାକ ବକ୍ସରୁ ହେଲିକପ୍ଟରର ଅନ୍ତିମ ଉଡ଼ାଣ ସ୍ଥିତି ଏବଂ ଅନ୍ୟାନ୍ୟ ଦିଗ ବିଷୟରେ ଜଣାପଡିବ।  ଏହି ବାକ୍ସ ଫ୍ଲାଇଟ୍ ଡାଟା ଏବଂ କକ୍ପିଟ୍ ବାର୍ତ୍ତାଳାପକୁ ରେକର୍ଡ ରହିଥାଏ। ଅନ୍ୟପଟେ ହେଲିକପ୍ଟରର ଅବଶେଷର ଫୋରେନସିକ୍ ପରୀକ୍ଷା କରାଯିବ ଯାହା ଦ୍ବାରା ମଧ୍ୟ ଦୁର୍ଘଟଣାର ବାହ୍ୟ କାରଣ ଅଛି କି ନାହିଁ ତାହା ଜଣାପଡିବ।

ନୂଆଦିଲ୍ଲୀ: ତାମିଲନାଡୁ କୁନ୍ନୁରରେ ସେନା ହେଲିକପ୍ଟର ଦୁର୍ଘଟଣାରେ  ସିଡିଏସ୍ ଜେନେରାଲ୍ ବିପିନ୍ ରାୱତଙ୍କ ସହ ୧୩ଜଣଙ୍କ ମୃତ୍ୟୁ ହୋଇଛି। ଏମାନଙ୍କ ଭିତରେ ଅଛନ୍ତି ଜଣେ ଓଡ଼ିଆ ଯବାନ। ସହିଦ ଯବାନ ହେଉଛନ୍ତି ଅନୁଗୁଳ ତାଳଚେରର ରାଣା ପ୍ରତାପ ଦାସ। ସେ ଜୁନିଅର ୱରେଣ୍ଟ ଅଫିସର ଭାବେ କାର୍ୟ୍ୟରତ ଥିଲେ। ଏନେଇ ତାଙ୍କ ତାଙ୍କ ଭିଣୋଇ ସଂକଳ୍ପ ଦାସ ସୂଚନା ଦେଇଛନ୍ତି। ତାଙ୍କର ମୃତ୍ୟୁ ନେଇ ତାଙ୍କର ଭିଣୋଇ କହିଛନ୍ତି ଯେ, ସେ ଦୀର୍ଘ ୧୫ ବର୍ଷ ହେବ ବାୟୁସେନାରେ କାର୍ୟ୍ୟରତ ଥିଲେ। ସେ ପରିବାରର ଏକାମାତ୍ର ପୁଅ ଥିଲେ।

ଅନ୍ୟପଟେ ରାଣାପ୍ରତାପଙ୍କ ମୃତ୍ୟୁ ନେଇ ଜିଲ୍ଲା ପ୍ରଶାସନ ତରଫରୁ କୌଣସି ସୂଚନା ପ୍ରଦାନ କରାଯାଇନି। ରାଣାପ୍ରତାପଙ୍କ ମୃତ୍ୟୁ ଖବର ଗତକାଲି ତାଙ୍କ ପତ୍ନୀ ପରିବାର ଲୋକଙ୍କୁ ଜଣାଇଥିଲେ। ଆଜି ରାତିରେ ମୃତଦେହ ତାଳଚେରରେ ପହଞ୍ଚିବ ବୋଲି ଜଣାଯାଇଛି । ରାଣାପ୍ରତାପ ପତ୍ନୀ ଓ ଏକ ବର୍ଷର ଶିଶୁପୁତ୍ର ସହ ଦିଲ୍ଲୀରେ ରହୁଥିଲେ। ତାଙ୍କ ବାପାମା ଗାଁରେ ରହୁଛନ୍ତି।

ସୂଚନାଯୋଗ୍ୟ ଗତକାଲି ତାମିଲନାଡୁ କୁନ୍ନୁରରେ ସେନାର Mi-17V5 ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଗତକାଲି ମଧ୍ୟାହ୍ନରେ ସିଡିଏସ୍ ବିପିନ ରାୱତ, ତାଙ୍କ ପତ୍ନୀଙ୍କ ସମେତ ୯ ଜଣ ସଦସ୍ୟ ଓ ୪ ଜଣ କ୍ରିଉ ମେମ୍ବର ୱେଲିଂଟନ୍ ଯାଉଥିବା ବେଳେ ହେଲିକପ୍ଟରଟି କ୍ରାସ୍ ହୋଇ ଯାଇଥିଲା । ୧୪ ଜଣଙ୍କ ମଧ୍ୟରୁ ୧୩ ଜଣଙ୍କ ମୃତ୍ୟୁ ହୋଇଥିବା ନେଇ ବାୟୁ ସେନା ଟ୍ୱିଟ୍ କରି ସୂଚନା ଦେଇଥିଲା।ତେବେ ଏହି ହେଲିକପ୍ଟରରେ ଚିଫ୍ ଡିଫେନ୍ସ ଷ୍ଟାଫ ବିପିନ୍ ରାଓ୍ୱତଙ୍କ ସହ ତାଙ୍କ ପତ୍ନୀ ମଧୁଲିକା ରାଓ୍ୱତ, ବ୍ରିଗେଡିଅର ଏଲଏସ ଲିଦର, ଲେପ୍ଟନାଣ୍ଟ କର୍ଣ୍ଣେଲ ହରଜିନ୍ଦର ସିଂ, ନାୟକ ଗୁରୁସେବକ ସିଂହ, ନାୟକ ଜିତେନ୍ଦ୍ର କୁମାର, ଲାନ୍‌ସ ନାୟକ ବିବେକ କୁମାର, ଲାନ୍‌ସ ନାୟକ ବି. ସାଇତେଜା ଏବଂ ହାବିଲଦାର ସତପାଲ ଥିଲେ । ଏମାନଙ୍କ ବ୍ୟତୀତ ଦୁଇ ଜଣ ପାଇଲଟ ଏବଂ ହେଲିକପ୍ଟରର ଟେକ୍ନିକାଲ ଷ୍ଟାଫ୍ ଉପସ୍ଥିତି ଥିଲେ। ଦେଶର ପ୍ରଥମ ସିଡିଏସ୍ ଜେନେରାଲ୍ ବିପିନ ରାଓ୍ୱତଙ୍କ ଅକାଳ ବିୟୋଗରେ ସ୍ତବ୍ଧ ହୋଇ ପଡିଛି ସାରା ଦେଶ। ଆସନ୍ତାକାଲି ହେବ ଜେନେରାଲ ବିପିନ ରାଓ୍ୱତଙ୍କ ଅନ୍ତିମ ସଂସ୍କାର। ଦିଲ୍ଲୀ କ୍ୟାଣ୍ଟନମେଣ୍ଟରେ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବିପିନ ରାଓ୍ୱତଙ୍କ ଶେଷକୃତ୍ୟ ସମ୍ପନ୍ନ ହେବ।