ଏଣିକି ଆପଣଙ୍କ ଫୋନରେ ରଖାଯାଇଥିବା ଫଟୋଗୁଡ଼ିକ ଅଧିକ ସୁରକ୍ଷିତ ରହିବ। କାରଣ ଗୁଗୁଲ ଏଥିପାଇଁ ଏକ ଫଟୋ ଫୋଲ୍ଡର ଲକ୍ ବୈଶିଷ୍ଟ୍ୟର ଶୁଭାରମ୍ଭ କରାଇଛି। ଯେଉଁଥିରେ ଆପଣ ଫଟୋ ଆପ୍‌ରେ ଲକ୍ ହୋଇଥିବା ଫୋଲ୍ଡରର ସେବା ପାଇପାରିବେ। ଏହା ଆପଣଙ୍କର ଫଟୋ ଏବଂ ଭିଡିଓଗୁଡ଼ିକୁ କାହା ହାତରେ ପଡ଼ିବାଠାରୁ ରକ୍ଷା କରିଥାଏ। ଗୁଗୁଲ୍ ଫଟୋ ଲକ୍ ଫୋଲ୍ଡର ବୈଶିଷ୍ଟ୍ୟ ନୂତନ ଗୁଗୁଲ ପିକ୍ସେଲ ଫୋନ୍ ପାଇଁ ଜୁନ୍ ମାସରେ ଛଡାଯାଇଥିଲା।

ସର୍ଚ୍ଚ ଇଞ୍ଜିନ୍ କମ୍ପାନୀ ଗୁଗୁଲ ପିକ୍ସେଲ
ବ୍ୟବହାରକାରୀଙ୍କ ବ୍ୟତୀତ ଆଣ୍ଡ୍ରଏଡ ବ୍ୟବହାରକାରୀଙ୍କ ପାଇଁ ଲକ୍ ହୋଇଥିବା ଫୋଲ୍ଡର ବୈଶିଷ୍ଟ୍ୟ ଲାଗୁ କରିବା ଆରମ୍ଭ କରିଛି। ଗୁଗୁଲ୍ ପୂର୍ବରୁ ସେପ୍ଟେମ୍ବରରେ ଘୋଷଣା କରିଥିଲା ​​ଯେ, ଏହି ସେବା ଖୁବ୍ ଶୀଘ୍ର ଅନ୍ୟ ଆଣ୍ଡ୍ରଏଡ୍ ଫୋନ୍ଗୁଡିକ ପାଇଁ ଉପଲବ୍ଧ ହେବ ଏବଂ ବର୍ତ୍ତମାନ କିଛି ସାମସଙ୍ଗ ଏବଂ ୱାନପ୍ଲସ୍ ଡିଭାଇସ୍‌ରେ ଏହା ଦେଖାଇବା ଆରମ୍ଭ କରିଛି। ସୂଚନା ଅନୁଯାୟୀ, ଫୋନରେ ଫଟୋ ଲକ୍ ଫୋଲ୍ଡରର ବୈଶିଷ୍ଟ୍ୟ ଖୁବ ଶୀଘ୍ର ଆଣ୍ଡ୍ରଏଡ୍ ୬.୦ ଏବଂ ତଦୂର୍ଦ୍ଧ୍ୱରେ ଉପଲବ୍ଧ ହେବ। ଥରେ ଏହି ବୈଶିଷ୍ଟ୍ୟ ଆସିବା ପରେ ଉପଭୋକ୍ତାମାନେ ଗୁଗୁଲରୁ ଏହାର ବିଜ୍ଞପ୍ତି ପାଇବେ।
ଲକ୍ ଫୋଲଡର୍ କିପରି କାମ କରିବ
ଗୁଗୁଲ୍ ଫଟୋ ଲକ୍ ହୋଇଥିବା ଫୋଲଡର ପ୍ରୟୋଗ ଆପଣଙ୍କୁ ଫୋନରେ ଫଟୋ ଏବଂ ଭିଡିଓ ଲୁଚାଇବାକୁ ସାହାଯ୍ୟ କରେ। ଏହି ଫଟୋଗୁଡ଼ିକ ବ୍ୟାକଅପ୍ କିମ୍ବା ସେୟାର ହେବ ନାହିଁ ଏବଂ ଏହି ଫଟୋଗୁଡ଼ିକୁ ଏଣ୍ଟ୍ରି କରାଇବାକୁ ଏକ ଡିଭାଇସ୍ ସ୍କ୍ରିନ୍ ଲକ୍ ଆବଶ୍ୟକ। ଏପରିକି ଉପଭୋକ୍ତାମାନେ ଏହି ଲକ୍ ହୋଇଥିବା ଫୋଲଡରଗୁଡ଼ିକରେ ରହିଥିବା ଫଟୋଗୁଡ଼ିକର ସ୍କ୍ରିନ୍‌ସଟ୍‌ ନେବାକୁ ସକ୍ଷମ ହେବେ ନାହିଁ । ଗୁଗୁଲ୍ ଏହାର ଏକ ଟ୍ୱିଟ୍‌ରେ କହିଛି ଯେ, ଗୁଗୁଲ୍ ଫଟୋରେ ଏକ ଲକ୍ ହୋଇଥିବା ଫୋଲଡରରେ ପାସକୋଡ୍ ସହିତ ଆପଣ ନିଜର ଫଟୋକୁ ସୁରକ୍ଷିତ ରଖିପାରିବେ ଏବଂ ଏହା ବ୍ୟବହାରକାରୀଙ୍କ ଆପ୍‌ରେ ସ୍କ୍ରୋଲ୍ କରିବା ସମୟରେ ଦୃଶ୍ୟମାନ ହେବ ନାହିଁ । ପ୍ରଥମେ ଗୁଗୁଲ୍ ପିକ୍ସେଲରେ ଲକ୍ ଫୋଲଡର୍ ଶୁଭାରମ୍ଭ କରାଯାଉଛି, ଯାହା ପରେ ଏହି ସେବା ଅନ୍ୟ ଆଣ୍ଡ୍ରଏଡ୍ ଡିଭାଇସରେ ଦିଆଯିବ।
ଏହାକୁ କିପରି ବ୍ୟବହାର କରିବେ
ବ୍ୟବହାରକାରୀ ଗୁଗୁଲ୍ ଫଟୋ ଆପ୍ଲିକେସନ୍‌କୁ ଯାଇ ଲାଇବ୍ରେରୀ ଭିତରେ ଥିବା ୟୁଟିଲିଟିରେ ଲକ୍ ଫୋଲଡର୍ ଅପ୍‌ସନ୍ ପାଇପାରିବେ, ଯେଉଁଠାରେ ଉପଭୋକ୍ତା ନିଜ ପାଇଁ ଲକ୍ ହୋଇଥିବା ଫୋଲଡର୍ ସେଟ୍ କରିପାରିବେ।