ନୂଆଦିଲ୍ଲୀ : ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ଅଧ୍ୟକ୍ଷା ତଥା ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତିଙ୍କର ପୁଣି ଜାଗି ଉଠିଛି ପାକିସ୍ତାନ ପ୍ରେମ। ମୁଫତି ପାକିସ୍ତାନ ପ୍ରଧାନମନ୍ତ୍ରୀଙ୍କ ଜାମ୍ମୁ କାଶ୍ମୀର ପ୍ରସଙ୍ଗରେ କଥାବାର୍ତ୍ତାକୁ ଯଥାର୍ଥ ବୋଲି କହିଛନ୍ତି। ସେ କହିଛନ୍ତି ଯେ ଉଭୟ ଦେଶ କାଶ୍ମୀର ବିଷୟରେ ଆଲୋଚନା କରିବା ଉଚିତ୍। ଯଦି ଏହା ଘଟେ, ତେବେ ସେନା ପାଇଁ ଖର୍ଚ୍ଚ ହୋଇଥିବା ଅର୍ଥ ଲୋକଙ୍କ ସମସ୍ୟା ଦୂର କରିବାରେ ବ୍ୟବହୃତ ହୋଇପାରିବ।

ମେହବୁବା କହିଛନ୍ତି ଯେ ଏହି ସମସ୍ୟା ବହୁ ବର୍ଷ ଧରି ବିଚାରାଧୀନ ଅଛି। ବର୍ତ୍ତମାନ ଏହାର ଶୀଘ୍ର ସମାଧାନ ହେବା ଉଚିତ୍ | କିଛି ଦିନ ପୂର୍ବରୁ ସେ ଉଲେମାଙ୍କ ଗିରଫଦାରୀକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ। ଏହି ଟୁଇଟରେ କୁହାଯାଇଛି ଯେ ଧାର୍ମିକ ବିଦ୍ୱାନମାନଙ୍କୁ କାରାଗାରରେ ରଖିବା, ଜାମା ମସଜିଦ ବନ୍ଦ କରିବା ଏବଂ ଏଠାରେ ସ୍କୁଲ ପିଲାମାନଙ୍କୁ ହିନ୍ଦୁ ଭଜନ ଗାଇବା ପାଇଁ ନିର୍ଦ୍ଦେଶ ଦେବା କାଶ୍ମୀରରେ ଭାରତ ସରକାରଙ୍କ ପ୍ରକୃତ ହିନ୍ଦୁତ୍ୱ ଏଜେଣ୍ଡାକୁ ପ୍ରକାଶ କରିଥାଏ। ଏହି ନିର୍ଦ୍ଦେଶଗୁଡ଼ିକୁ ପ୍ରତ୍ୟାଖ୍ୟାନ କରିବା PSA ଏବଂ UAPA କୁ ଆମନ୍ତ୍ରଣ କରେ। ଏହି ତଥାକଥିତ ପରିବର୍ତ୍ତନ ଜାମ୍ମୁ କାଶ୍ମୀର ପାଇଁ ଆମେ ଏହି ମୂଲ୍ୟ ଦେଉଛୁ । ବାସ୍ତବରେ, ସରକାରୀ ହାଇସ୍କୁଲ ନାଗମ୍ (କୁଲଗାମ) ର ଭାଇରାଲ୍ ଭିଡିଓ ସହିତ ମେହବୁବାଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଆସିଥିଲା ​​ଯେଉଁଥିରେ ଶିକ୍ଷକମାନେ ମହାତ୍ମା ଗାନ୍ଧୀଙ୍କ ଲୋକପ୍ରିୟ ଭଜନ ରଘୁପତି ରାଜା ରାମ ପିଲାମାନଙ୍କୁ ଶିକ୍ଷା ଦେଉଥିଲେ।

ଟ୍ୱିଟରେ ପୋଷ୍ଟ କରି ମୁଫତୀ ଲେଖିଥିଲେ, ‘ଧାର୍ମିକ ଗୁରୁଙ୍କୁ ଜେଲରେ ବନ୍ଦ କରିବା, ଜାମା ମସଜିଦ୍ ଉପରେ ତାଲା ଏବଂ ସ୍କୁଲରେ ପିଲାଙ୍କୁ ହିନ୍ଦୁ ଭଜନ ଶିକ୍ଷା ଦେବା ଏହା ଦର୍ଶାଉଛି ଯେ, ଭାରତ ସରକାର କାଶ୍ମୀରରେ ହିନ୍ଦୁତ୍ୱର ଏଜେଣ୍ଡା ଚଲାଉଛନ୍ତି। ଆମେ ବଦଳୁଥିବା ଜାମ୍ମୁ କାଶ୍ମୀରର କ୍ଷତି ସହୁଛୁ’। ଉଲ୍ଲେଖଯୋଗ୍ୟ, ମେହବୁବା ମୁଫତୀ ୧୦୫ ସେକେଣ୍ଡର ଭିଡିଓ ସେୟାର କରିଛନ୍ତି। ଏହା ଦକ୍ଷିଣ କାଶ୍ମୀରର କୁଲଗାମର ଏକ ସ୍କୁଲର ଭିଡିଓ।ଉଲ୍ଲେଖଯୋଗ୍ୟ ଯେ, ଏହା ପୂର୍ବରୁ ଶୁକ୍ରବାର କାଶ୍ମୀର ପୋଲିସ ଦୁଇ ମୌଲାନା ଅବଦୁଲ ରାଶିଦ ରାଉଦୀ ଏବଂ ମୁସ୍ତାକ ଅହମଦ ବୀରୀଙ୍କୁ ପବ୍ଲିକ ସେଫ୍ଟୀ ଆକ୍ଟରେ ଗିରଫ କରାଯାଇଥିଲା।

ମେହବୁବା ମୁଫତି ଆହୁରି ମଧ୍ୟ କହିଛନ୍ତି ଯେ ଆମେ ଭଜନକୁ ସମ୍ମାନ କରୁ। କିନ୍ତୁ ମୁସଲମାନ ପିଲାମାନଙ୍କୁ ଭଜନ ଗାଇବା ପାଇଁ କହିବା କେତେ ଠିକ୍‌। ଏପରି ଯେଉଁମାନେ କରୁଛନ୍ତି ସେମାନଙ୍କ ପାଇଁ ମୋର ପ୍ରଶ୍ନ ହେଉଛି ସେମାନେ କଣ କରିବାକୁ ଚାହୁଁଛନ୍ତି । ସେ କହିଥିଲେ ଯେ ତୁମେମାନେ ଗାନ୍ଧିଜୀଙ୍କୁ ହତ୍ୟା କରିଥିବା ଗଡସେଙ୍କୁ ପୂଜା କର। ତୁମେ ଆମକୁ ଗାନ୍ଧିଜୀଙ୍କ ଶିକ୍ଷା କାହିଁକି ଦେଉଛ? ଆମେ ଗାନ୍ଧିଜୀଙ୍କୁ ଜାଣୁ ଏବଂ ବିଶ୍ବାସ କରୁ ।

ନୂଆଦିଲ୍ଲୀ : ଯେଉଁ ତ୍ରିରଙ୍ଗାକୁ ଭାରତୀୟମାନେ ଗର୍ବର ସହିତ ଉଡାଉଛନ୍ତି ତାହାକୁ ବଦଳାଇ ଗୈରିକ ପତାକା ଆଣିବେ ବିଜେପି। ଯେଉଁଭଳି ଭାବେ ଜମ୍ମୁକଶ୍ମୀରର ସମ୍ବିଧାନ ଏବଂ ପତାକାକୁ ଛଡ଼ାଇ ନିଆଯାଇଥିଲା, ସେହିପରି ଏହି ଦେଶର ପତାକାକୁ ବିଜେପି ବଦଳାଇ ଦେବ ବୋଲି କହିଛନ୍ତି ମେହବୁବା ମୁଫତି। ପୁଣିଥରେ ବିଜେପିକୁ ଟାର୍ଗେଟ କରିି ଆଜି ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ଅଧ୍ୟକ୍ଷା ମେହବୁବା ମୁଫତି କହିଛନ୍ତି ଆଗାମୀ ଦିନରେ ବିଜେପି ସମ୍ବିଧାନ ଏବଂ ଧର୍ମନିରପେକ୍ଷତାର ମୂଳଦୁଆକୁ ଧ୍ୱଂସ କରିବ। ଯେଉଁ ଧର୍ମନିରପେକ୍ଷତାର ମୂଳଦୁଆ ଉପରେ ଦେଶ ଛିଡା ହୋଇଛି ତାହାକୁ ବିଜେପି ଭାଙ୍ଗିଦେବ। ସେମାନେ ଭାରତକୁ ଏକ ଧାର୍ମିକ ଦେଶ କରିବେ ବୋଲି କହିଛନ୍ତି ମୁଫତି ।

ମେହବୁବା ଆହୁରି ମଧ୍ୟ କହିଛନ୍ତି ଯେଉଁ ତ୍ରିରଙ୍ଗାକୁ ତୁମେ ଗର୍ବର ସହିତ ଉଡାଉଛ ତାହାକୁ ବଦଳାଇ ଗୈରିକ ପତାକା ଆଣିବେ । ସେ କହିଛନ୍ତି ଯେ ଜମ୍ମୁକଶ୍ମୀରର ସମ୍ବିଧାନ ଏବଂ ପତାକାକୁ ଯେଭଳି ଭାବେ ଛଡ଼ାଇ ନିଆଯାଇଥିଲା, ସେହିପରି ଏହି ଦେଶର ପତାକା ବଦଳାଇବେ।“ଆମେ ଶପଥ ନେଇଛୁ ଯେ ଆମେ ଆମର ପତାକା ଏବଂ ସମ୍ବିଧାନ ଫେରାଇ ଆଣିବୁ। କଶ୍ମୀରର ସମସ୍ୟାର ସମାଧାନ ପାଇଁ ମଧ୍ୟ ଆମେ ସେମାନଙ୍କୁ ବାଧ୍ୟ କରିବୁ, ଯେଉଁଥିପାଇଁ ଲକ୍ଷ ଲକ୍ଷ ଲୋକ ନିଜ ଜୀବନ ବଳିଦାନ ଦେଇଛନ୍ତି।” ଏହାପୂର୍ବରୁ ମେହବୁବା ମୁଫତି ବୁଧବାର ତାଙ୍କ ଟ୍ୱିଟର ଆକାଉଣ୍ଟରେ ଏକ ଫଟୋ ରଖିଥିଲେ, ଯେଉଁଥିରେ ତାଙ୍କ ପିତା ମୁଫତି ମହମ୍ମଦ ସୟିଦ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକାଠି ବସିଥିବାର ଦେଖାଯାଉଛି ଏବଂ ସେମାନଙ୍କ ସମ୍ମୁଖରେ ବର୍ତ୍ତମାନ ଅମାନ୍ୟ ହୋଇଥିବା ଜମ୍ମୁକଶ୍ମୀରର ପତାକା ଦେଖିବାକୁ ମିଳିଛି।

Changed my dp since a flag is a matter of joy & pride.For us our state flag was irreversibly linked to the Indian flag. It was snatched thus breaking away the link. You may have robbed us of our flag but cant erase it from our collective conscience. pic.twitter.com/HZxQROn3fK

— Mehbooba Mufti (@MehboobaMufti) August 3, 2022

ଅନ୍ୟପଟେ ମେହବୁବା ମୁଫତି ଟ୍ୱିଟ୍ କରି ଲେଖିଥିଲେ ଯେ ମୁଁ ମୋର ଡିପି ବଦଳାଇଲି, କାରଣ ପତାକା ଖୁସି ଏବଂ ଗର୍ବର ପ୍ରତୀକ ହୋଇଥିବାବେଳେ ଆମ ରାଜ୍ୟର ପତାକା ଭାରତୀୟ ପତାକା ସହିତ ସଂଯୁକ୍ତ ଥିଲା, ଯାହାକୁ ପରିବର୍ତ୍ତନ କରାଯାଇପାରିବ ନାହିଁ । ଆମ ପତାକା ଛଡ଼ାଇ ନେଇପାରିବେ, କିନ୍ତୁ ଏହା ଆମର ସାମୂହିକ ଚେତନାରୁ ଲିଭାଯାଇପାରିବ ନାହିଁ।

ଜମ୍ମୁକାଶ୍ମୀର : ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ମୁଖ୍ୟ ମେହବୁବା ମୁଫତି ବିଜେପି ଏବଂ ଆରଏସ୍‌ଏସ୍‌ ଉପରେ ଖୁବ୍‌ ବର୍ଷିଛନ୍ତି। ଶନିବାର ପିଡିପି ମୁଖ୍ୟ ମେହବୁବା ମୁଫତି ଜାମ୍ମୁରେ ପାର୍ଟି କାର୍ଯ୍ୟାଳୟରେ ପହଞ୍ଚିଥିଲେ। ସେଠାରେ ଆୟୋଜିତ ଏକ ସଭାରେ ମେହବୁବା ବିଜେପି ଏବଂ ଆରଏସ୍‌ଏସ୍‌ ଧର୍ମ ନାମରେ ହିଂସା ବିସ୍ତାର କରୁଥିବା କହିବା ସହ  କଂଗ୍ରେସ ନେତା ସଲମାନ୍‌ ଖୁର୍ସିଦ୍‌ଙ୍କ ପୁସ୍ତକକୁ ନେଇ ଚାଲିଥିବା ବିବାଦ ସମ୍ପର୍କରେ ନିଜର ପ୍ରତିକ୍ରିୟା ରଖିଥିଲେ।

ମେହବୁବା କହିଛନ୍ତି ଯେ ଉଭୟ ବିଜେପି ଏବଂ ଆରଏସ୍‌ଏସ୍‌ ସାମ୍ପ୍ରଦାୟିକ ସଂଗଠନ। ଏମାନେ ହିନ୍ଦୁ ଏବଂ ମୁସଲମାନମାନଙ୍କ ମଧ୍ୟରେ ଝଗଡା କରାଇ ଦେଶରେ ରାଜନୀତି କରୁଛନ୍ତି। ବିଜେପି ଏବଂ ଆରଏସ୍‌ଏସ୍‌ ଉଭୟ ହିନ୍ଦୁତ୍ୱ ଏବଂ ହିନ୍ଦୁ ଧର୍ମକୁ ଅପହରଣ କରିଛନ୍ତି। ହିନ୍ଦୁ ଏବଂ ମୁସଲମାନମାନଙ୍କ ମଧ୍ୟରେ ଏମାନେ ସର୍ବଦା ବିବାଦ ଚାହାନ୍ତି। କାରଣ ସେମାନେ ଧର୍ମ ନାମରେ ଲୋକଙ୍କୁ ହତ୍ୟା କରନ୍ତି ଆଉ ସେଥିରେ ରାଜନୀତି କରନ୍ତି।

ଅନ୍ୟପଟେ ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ମୁଖ୍ୟ ମେହବୁବା ମୁଫତିଙ୍କ ଜାମ୍ମୁ ଆଗମନ ବିଷୟରେ ସୂଚନା ପାଇବା ପରେ ବଜରଙ୍ଗ ଦଳ କର୍ମୀମାନେ ସେଠାରେ ପହଞ୍ଚି ମେହବୁବା ମୁଫତିଙ୍କ ବିରୋଧରେ  ସ୍ଲୋଗାନ ପ୍ରଦର୍ଶନ କରିବା ସହ ତାଙ୍କୁ ବିରୋଧ ପଦର୍ଶନ କରିଥିଲେ। ବଜରଙ୍ଗ ଦଳ କହିଛନ୍ତି ଯେ ମେହବୁବା ମୁଫତି ଆତଙ୍କବାଦୀ ଏବଂ ପାକିସ୍ତାନର ସମର୍ଥକ। ତାଙ୍କୁ ଜେଲରେ ରଖିବା କାଶ୍ମୀରରେ ସମ୍ପୂର୍ଣ୍ଣ ଶାନ୍ତି ଫେରାଇ ଆଣିବାରେ ବହୁ ଦୂର ଯିବ।

ସୂଚନାଯୋଗ୍ୟ କଂଗ୍ରେସ ନେତା ସଲମାନ୍‌ ଖୁର୍ସିଦ୍‌ଙ୍କ ଦ୍ବାରା ରଚିତ ଇଂରାଜୀ ପୁସ୍ତକ ’ସନ୍‌ରାଇଜ୍‌ ଓଭର ଅଯୋଧ୍ୟା: ନାସନହୁଡ୍‌ ଇନ୍‌ ଆୱାର ଟାଇମ୍ସ’କୁ ନେଇ ଏବେ ବିବାଦ ତିବ୍ରହେବାରେ ଲାଗିଛି। ସଲମାନ ଏହି ପୁସ୍ତକରେ ହିନ୍ଦୁତ୍ବକୁ ଇସଲାମିକ୍‌ ଆତଙ୍କୀ ସଙ୍ଗଠନ ଆଇଏସଆଇଏସ୍‌ ଏବଂ ବୋକୋ ହାରାମ ସହ ତୁଳନା କରିଛନ୍ତି। ଯାହାକୁ ବିଜେପି ସମେତ ବିଭିନ୍ନ ମହଲରୁ ବିରୋଧ କରାଯାଉଛି।

ଶ୍ରୀନଗର: ଜମ୍ମୁକଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତି ତାଲିବାନର ଉଦାହରଣ ଦେଇ ମୋଦୀ ସରକାରଙ୍କୁ ଚେତାବନୀ ଦେଇଛନ୍ତି। ଧୈର୍ଯ୍ୟର ବନ୍ଧ ଭାଙ୍ଗିଗଲେ ଧ୍ୱଂସ କରିଦେବାର ଧମକ ଦେଇ ମେହବୁବା ମୁଫତି କହିଛନ୍ତି ଯେ ମୋଦୀ ସରକାର ଅଟଳ ବିହାରୀ ବାଜପେୟୀଙ୍କ ପରି ପାକିସ୍ତାନ ଏବଂ କାଶ୍ମୀରବାସୀଙ୍କ ସହ କଥା ହେବା ଉଚିତ। ଜମ୍ମୁ କାଶ୍ମୀରକୁ ସ୍ୱତନ୍ତ୍ର ରାଜ୍ୟର ମାନ୍ୟତା ପୁଣିଥରେ ଦିଆଯାଉ ବୋଲି କହିଛନ୍ତି ମେହବୁବା । ମୁଫତି ଏହା ମଧ୍ୟ କହିଛନ୍ତିଯେ, ତାଲିବାନ ଆମେରିକାକୁ ସେଠାରୁ ଚାଲିଯିବାକୁ ବାଧ୍ୟ କଲା । ଆମ ପ୍ରତୀକ୍ଷାର ପରୀକ୍ଷା ନିଅନାହିଁ । ଯେଉଁଦିନ ପ୍ରତୀକ୍ଷା ଶେଷ ହୋଇଯିବ, ସେଦିନ ଆପଣ ମଧ୍ୟ ରହିବେନି । ଯଦି କେନ୍ଦ୍ର ସରକାର ଜମ୍ମୁ କାଶ୍ମୀରରେ ଶାନ୍ତି ସୁନିଶ୍ଚିତ କରିବାକୁ ଚାହୁଁଛନ୍ତି,ତେବେ ଧାରା ୩୭୦କୁ ପୁଣିଥରେ ଲାଗୁ କରିବାକୁ ପଡ଼ିବ ଏବଂ ଆଲୋଚନା ମାଧ୍ୟମରେ ଜମ୍ମୁ କାଶ୍ମୀରର ସମସ୍ୟା ଦୂର କରିବାକୁ ପଡ଼ିବ ।

କୁଲଗାମରେ ସଭାକୁ ସମ୍ବଦ୍ଧିତ କରି ମେହବୁବା ମୁଫ୍ତି କହିଛନ୍ତିଯେ, ଆଫଗାନିସ୍ତାନରୁ ଆମେରିକା ସୈନ୍ୟମାନଙ୍କୁ ବିଦା କରିବା ପାଇଁ ବାଧ୍ୟ କରିଥିଲା ତାଲିବାନ । କିନ୍ତୁ ତାଲିବାନ ଉପରେ ଏବେ ସାରା ବିଶ୍ବ ନଜର ରଖିଛି । ତାଲିବାନକୁ ଅପିଲ କରି ମେହବୁବା ମୁଫତୀ କହିଛନ୍ତି, ସେମାନେ ଏଭଳି କୌଣସି କାଣ୍ଡ ନଘଟାନ୍ତୁ ଯାହା ଫଳରେ ବିଶ୍ବ ସମୁଦାୟ ତାଙ୍କ ବିରୁଦ୍ଧରେ ଯିବେ । ତାଲିବାନୀମାନଙ୍କର ବନ୍ଧୁକ ଯୁଗ ଶେଷ ହୋଇଛି ଏବଂ ବିଶ୍ବ ସମୁଦାୟ ଦେଖୁଛନ୍ତି ଯେ, ସେମାନେ ଏବେ ସେଠାକାର ଲୋକମାନଙ୍କ ସହିତ କିଭଳି ଭାବେ ବ୍ୟବହାର କରୁଛନ୍ତି ।

ସେ ଆହୁରି ମଧ୍ୟ କହିଛନ୍ତି ଯେ କେନ୍ଦ୍ର ସରକାର ଧାରା ୩୭୦ ହଟାଇବା ଏବଂ ଜମ୍ମୁକଶ୍ମୀରରୁ ଲଦାଖକୁ ଅଲଗା କରିବା ନିଷ୍ପତ୍ତି ସମ୍ପର୍କରେ ମେହବୁବା କହିଛନ୍ତି, ଆପଣ ଯାହା ବେଆଇନ ଭାବେ କରିଛନ୍ତି ତାହା ଅସାମ୍ବିଧାନିକ ଢଙ୍ଗରେ ଜମ୍ମୁକାଶ୍ମୀରର କ୍ଷତି । ଜମ୍ମୁକାଶ୍ମୀରକୁ ଯେଭଳି ଖଣ୍ଡ ଖଣ୍ଡ କରିଦେଇଛନ୍ତି, ଏହାକୁ ପୁରୁଣା ଅବସ୍ଥାକୁ ଫେରାଇଦିଅନ୍ତୁ ନଚେତ୍ ବହୁତ ବିଳମ୍ବ ହୋଇଯିବ । ତାଲିବାନ କିପରି ଆମେରିକୀୟଙ୍କୁ ଦେଶରୁ ତଡିଲେ ତାହା ଭଲ କରି ହୃଦୟଙ୍ଗମ କର । ଯେଉଁ ଦିନ ଏଠାକାର ଲୋକେ ବିଗିଡିଯିବେ ଅଶାନ୍ତିକର ପରିସ୍ଥିତି ସୃଷ୍ଟି ହେବ । ଆର୍ଟିକିଲି ୩୭୦ ହଟିବା ପରେ ଏଠାକାର ଲୋକଙ୍କ ମନରେ ଅସନ୍ତୋଷ ଭାବ ରହିଛି ବୋଲି ସେ କହିଛନ୍ତି ।

ତେବେ ମୁଫତିଙ୍କ ଏହି ବୟାନ ପରେ ବିଜେପି ରାଜ୍ୟ ସଭାପତି ରବିନ୍ଦ୍ର ରାଇନା ମେହବୁବା ମୁଫତିଙ୍କୁ ଦେଶଦ୍ରୋହୀ ବୋଲି କହିଛନ୍ତି । ସେ କହିଛନ୍ତି ଯେ ମୁଫତି ଜମ୍ମୁକଶ୍ମୀରରେ ତାଲିବାନ ଶାସନ କରିବାକୁ ଚାହୁଁଛନ୍ତି। ରାଇନା କହିଛନ୍ତି, ଭାରତ ଏକ ଶକ୍ତିଶାଳୀ ଦେଶ ଏବଂ ଆମ ଦେଶର ପ୍ରଧାନମନ୍ତ୍ରୀ ହେଉଛନ୍ତି ମୋଦୀ । ତାଲିବାନ, ଅଲକାଏଦା, ଜୈସ ହେଉ କିମ୍ବା ହିଜବୁଲ, ଯିଏ ଭାରତର ଏକତା ଏବଂ ଅଖଣ୍ଡତା ବିରୁଦ୍ଧରେ ଷଡଯନ୍ତ୍ର କରିବ ସେ ତାଙ୍କୁ ମାଟିରେ ମିଶାଇ ଦେବେ ।

ନୂଆଦିଲ୍ଲୀ : ଏକ ମନି ଲଣ୍ଡରିଂ ମାମଲାରେ ଜାମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫ୍ତିଙ୍କୁ ଶୁକ୍ରବାର ସମନ ଜାରି କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)। ଏକ ବର୍ଷରୁ ଅଧିକ ସମୟ ଗୃହବନ୍ଦୀ ରହିବା ପରେ ଗତ ବର୍ଷ ମୁକୁଳିଥିବ ମୁଫ୍ତିଙ୍କୁ ଆସନ୍ତା ୧୫ ତାରିଖରେ ଦିଲ୍ଲୀ ସ୍ଥିତ ଇଡି ମୁଖ୍ୟାଳୟରେ ହାଜର ହେବା ପାଇଁ କୁହାଯାଇଛି।

ଜାମ୍ମୁ-କାଶ୍ମୀର କ୍ରିକେଟ ଆସୋସିଏସନ ଦୁର୍ନୀତି ମାମଲାରେ ଇଡି ଗତ ବର୍ଷ ପୂର୍ବତନ ମୁଖ୍ୟମନ୍ତ୍ରୀ ତଥା ଗୁପକାର ଘୋଷଣାନାମା (ପିଏଜିଡି)ର ଅଧ୍ୟକ୍ଷ ଫାରୁକ ଅବଦୁଲ୍ଲାଙ୍କ ୧୨ କୋଟି ଟଙ୍କାର ସମ୍ପତ୍ତି ଜବତ କରିଥିଲା। ଏଜେନ୍ସି ମନି ଲଣ୍ଡରିଂ ନିରୋଧି ଆଇନ ଅନୁଯାୟୀ ଏହି କାର୍ଯ୍ୟାନୁଷ୍ଠାନ ନେଇଥିଲା। ଶ୍ରୀନଗରର ଗୁପକାର ରୋଡ ସ୍ଥିତ ବାସଭବନ, ତନମାର୍ଗର କଟିପୁରା ତହସିଲ ଏବଂ ଜାମ୍ମୁରେ ଥିବା ସମ୍ପତ୍ତିକୁ ଇଡି ଜବତ କରିଥିଲା।