ମୁମ୍ବାଇ: ୨୦୦୮ରେ ହୋଇଥିବା ମୁମ୍ବାଇରେ ଆତଙ୍କବାଦୀ ଆକ୍ରମଣକୁ ଇତିମଧ୍ୟରେ ୧୩ ବର୍ଷ ପୂରିଛି। ଏହି ଅବସରରେ ଭାରତୀୟ ତଟରକ୍ଷୀ ବାହିନୀ ପକ୍ଷରୁ ଗୁରୁବାର ଅନୁସନ୍ଧାନ ଏବଂ ସୁରକ୍ଷାଜନିତ ୩୦୦ ଅଭ୍ୟାସ କରାଯାଇଛି।’ କୋଷ୍ଟାଲ ଷ୍ଟେଟ ଅଥରିଟି’ ଏବଂ ତଟରକ୍ଷୀ ବାହିନୀର ମିଳିତ ସହଯୋଗରେ ପୂରିଲା ୧୩ ବର୍ଷ ସୁରକ୍ଷାକୁ ନେଇ ସଚେତନତା ସୃଷ୍ଟି କରାଯାଇଛି। ବିଶେଷକରି ସାମୁଦ୍ରିକ ବେଳଭୂମିକୁ ଆତଙ୍କବାଦୀଙ୍କ ଠାରୁ ସୁରକ୍ଷିତ ରଖିବା ଦିଗରେ ବିଭିନ୍ନ କୌଶଳ ଅବଲମ୍ବନ କରିବା ଦିଗରେ ଏହି ଅଭ୍ୟାସ କରାଯାଇଛି। ୨୦୦୮ ନଭେମ୍ବର ୨୬ ତାରିଖରେ ମୁମ୍ବାଇର ତାଜ୍ ହୋଟେଲରେ ଆତଙ୍କବାଦୀ ଆକ୍ରମଣ ହୋଇଥିଲା ବେଳେ ଏଥିରେ ୨୦ଜଣ ସୁରକ୍ଷା କର୍ମୀ ଏବଂ ୨୬ ଜଣ ବିଦେଶୀଙ୍କ ସମେତ ମୋଟ ୧୭୪ ଜଣଙ୍କ ମୃତ୍ୟୁ ହୋଇଥିଲେ।