ଆଇପିଏଲ୍ (IPL) ୨୦୨୬ ଆରମ୍ଭ ହେବାକୁ ଆଉ ମାତ୍ର କିଛି ଦିନ ବାକି ଅଛି। ଏହି ସମୟରେ ରାଜସ୍ଥାନ ରୟାଲ୍ସର ଯୁବ ତାରକା ବୈଭବ ସୂର୍ଯ୍ୟବଂଶୀଙ୍କୁ ନେଇ କ୍ରିକେଟ୍ ପ୍ରେମୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି। ତେବେ ଟୁର୍ଣ୍ଣାମେଣ୍ଟ ପୂର୍ବରୁ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ର ୱିକେଟ୍ କିପର-ବ୍ୟାଟର ଜିତେଶ ଶର୍ମା ଏହି ୧୪ ବର୍ଷୀୟ ଖେଳାଳିଙ୍କୁ ନେଇ ଏକ ବଡ଼ ବୟାନ ଦେଇଛନ୍ତି। ବୈଭବଙ୍କ କ୍ରିକେଟ୍ ପ୍ରତିଭାକୁ ପ୍ରଶଂସା କରିବା ସହ ତାଙ୍କୁ 'ଅନ୍-ପ୍ରୋଫେସନାଲ୍' ବୋଲି ମଧ୍ୟ କହିଛନ୍ତି ଜିତେଶ।

ଏବି ଡିଭିଲିୟର୍ସ ଓ ଜିତେଶ ଶର୍ମାଙ୍କ ମଧ୍ୟରେ ଆଲୋଚନା

ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ତଥା କିମ୍ବଦନ୍ତୀ କ୍ରିକେଟର ଏବି ଡିଭିଲିୟର୍ସଙ୍କ ୟୁଟ୍ୟୁବ୍ ଚ୍ୟାନେଲରେ ଏକ ସାକ୍ଷାତକାର ସମୟରେ ଜିତେଶ ଶର୍ମା ବୈଭବଙ୍କୁ ନେଇ ଏହି ମନ୍ତବ୍ୟ ଦେଇଛନ୍ତି। ଆଲୋଚନା ବେଳେ ଡିଭିଲିୟର୍ସ ବୈଭବଙ୍କୁ ଖୁବ୍ ପ୍ରଶଂସା କରିଥିଲେ। ସେ କହିଥିଲେ ଯେ, ଆଇପିଏଲ୍ ଏବଂ ଅଣ୍ଡର-୧୯ ବିଶ୍ୱକପରେ ବୈଭବଙ୍କ ଖେଳ ଦେଖି ସେ ବହୁତ ପ୍ରଭାବିତ ହୋଇଛନ୍ତି। ବୟସ କମ୍ ହେଲେ ମଧ୍ୟ ସେ ପଡ଼ିଆରେ ଜଣେ ପରିପକ୍ୱ ଏବଂ 'ପ୍ରୋଫେସନାଲ୍' ଖେଳାଳିଙ୍କ ଭଳି ପ୍ରଦର୍ଶନ କରୁଛନ୍ତି।

'ଅଫ୍ ଦି ଫିଲ୍ଡ ପ୍ରୋଫେସନାଲ୍ ନୁହଁନ୍ତି ବୈଭବ'

ଡିଭିଲିୟର୍ସଙ୍କ ମନ୍ତବ୍ୟ ଉପରେ ହସି ହସି ପ୍ରତିକ୍ରିୟା ରଖିଥିଲେ ଜିତେଶ ଶର୍ମା। ସେ କହିଥିଲେ, "ମୁଁ କହିପାରେ ଯେ ସେ ଆଦୌ ପ୍ରୋଫେସନାଲ୍ ନୁହଁନ୍ତି। ସମସ୍ତେ ତାଙ୍କୁ ପ୍ରୋଫେସନାଲ୍ କରିବାକୁ ଚେଷ୍ଟା କରୁଛନ୍ତି, କିନ୍ତୁ ମୋତେ ଲାଗୁନି ସେ କେବେ ହୋଇପାରିବେ, ବିଶେଷ କରି ପଡ଼ିଆ ବାହାରେ। ପଡ଼ିଆ ଭିତରେ ହୁଏତ ସେ ଭଲ ପ୍ରଦର୍ଶନ କରୁଛନ୍ତି। ମୁଁ ତାଙ୍କୁ ରାତିରେ ଆଇସ୍-କ୍ରିମ୍ ଖାଇବାକୁ ବାରଣ କରେ, କିନ୍ତୁ ସେ କେବେ ବି ମୋ କଥା ଶୁଣନ୍ତି ନାହିଁ।" ଅବଶ୍ୟ ଏହି ମଜାଳିଆ କଥା ସହ ଜିତେଶ ବୈଭବଙ୍କ ପ୍ରତିଭାକୁ ମଧ୍ୟ ସ୍ୱୀକାର କରିଥିଲେ। ସେ କହିଥିଲେ ଯେ ବୈଭବ ଆଗାମୀ ଦିନରେ ବିଶ୍ୱ କ୍ରିକେଟରେ ରାଜ୍ କରିବେ ଏବଂ ତାଙ୍କ ପାଖରେ ଅଦ୍ଭୁତ କ୍ଷମତା ରହିଛି।

ଆଇପିଏଲ୍ ଓ ଅନ୍ତର୍ଜାତୀୟ ସ୍ତରରେ ବୈଭବଙ୍କ ଦବଦବା

ମାତ୍ର ୧୪ ବର୍ଷ ବୟସରେ ବୈଭବ ସୂର୍ଯ୍ୟବଂଶୀ ଆଇପିଏଲ୍ (IPL) ରେ ଏକ ବଡ଼ ନାମ ପାଲଟିଛନ୍ତି। ଗତବର୍ଷ ଆଇପିଏଲରେ ରାଜସ୍ଥାନ ରୟାଲ୍ସ ପକ୍ଷରୁ ଖେଳି ସେ ମାତ୍ର ୩୫ ବଲରେ ଶତକ ହାସଲ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ। ଏହାବ୍ୟତୀତ ନିକଟରେ ଶେଷ ହୋଇଥିବା ଅଣ୍ଡର-୧୯ ବିଶ୍ୱକପ୍ ଫାଇନାଲରେ ଇଂଲଣ୍ଡ ବିପକ୍ଷରେ ସେ ୧୭୫ ରନର ଐତିହାସିକ ଇନିଂସ ଖେଳି ଭାରତକୁ ଟାଇଟଲ୍ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଏବେ ଆଗାମୀ ଆଇପିଏଲ୍ ୨୦୨୬ ସିଜିନରେ ତାଙ୍କ ଉପରେ ସମସ୍ତଙ୍କ ନଜର ରହିବ।

ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏବି ଡି ଭିଲିୟର୍ସ କ୍ରିକେଟର ସବୁ ଫର୍ମାଟରୁ ଅବସର ନେଇଛନ୍ତି । ଏ ନେଇ ସେ ନିଜେ ଟ୍ବିଟ କରି ଜଣାଇଛନ୍ତି। ଏବି ଡି ଭିଲିୟର୍ସ ବହୁ ପୂର୍ବରୁ ଅନ୍ତର୍ଜାତୀୟ କ୍ରିକେଟ୍‌ରୁ ବିଦାୟ ନେଇଥିଲେ । ହେଲେ ଏବେ ସେ ଇଣ୍ଡିଆନ୍ ପ୍ରିମିୟର ଲିଗ୍ ଯଥା ଆଇପିଏଲ୍ ଭଳି ଟୁର୍ଣ୍ଣାମେଣ୍ଟରେ ଖେଳିବେ ନାହିଁ । ଫଳରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଅର୍ଥାତ୍ ଆରସିବି ପାଇଁ ଆଉ ଖେଳିବେ ନାହିଁ।

It has been an incredible journey, but I have decided to retire from all cricket.

Ever since the back yard matches with my older brothers, I have played the game with pure enjoyment and unbridled enthusiasm. Now, at the age of 37, that flame no longer burns so brightly. pic.twitter.com/W1Z41wFeli

— AB de Villiers (@ABdeVilliers17) November 19, 2021

ଏବି ଡି ଭିଲିୟର୍ସ ନିଜେ ଏହି ଟ୍ବିଟ କରି କହିଛନ୍ତି ଯେ, “ଏହା ଏକ ଅବିଶ୍ୱସନୀୟ ଯାତ୍ରା, କିନ୍ତୁ ମୁଁ ସମସ୍ତ କ୍ରିକେଟ୍ ରୁ ଅବସର ନେବାକୁ ନିଷ୍ପତ୍ତି ନେଇଛି । ଯେହେତୁ ମୁଁ ପଡ଼ିଆରେ ଖେଳିବା ଆରମ୍ଭ କରିଥିଲି, ମୋର ବଡ଼ ଭାଇମାନଙ୍କ ସହିତ ମୁଁ ପ୍ରତିଟି ମୂହୂର୍ତ୍ତକୁ ଉପଭୋଗ କରିଥିଲି । କେବଳ ସେତିକି ନୁହେଁ ଉତ୍ସାହର ସହିତ କ୍ରିକେଟ୍ ମଧ୍ୟ ଖେଳିଥିଲି । ବର୍ତ୍ତମାନ ୩୭ ବର୍ଷ ବୟସରେ ଆଉ ଖେଲିବାରେ ସେହି ଯୋଶ ନାହିଁ । ସେଥିପାଇଁ, ମୁଁ ମୋର ଅବସର ଘୋଷଣା କରୁଛି” ।

ସେ ଆହୁରି ମଧ୍ୟ ତାଙ୍କ ଟ୍ୱିଟରେ ଲେଖିଛନ୍ତି ଯେ ‘ ଏହା ବାସ୍ତବତା ଯାହା ମୋତେ ଗ୍ରହଣ କରିବାକୁ ପଡିବ । ସେ ଆଇପିଏ ହେଉ ଅବା ଦେଶ ପାଇଁ ସବୁ ଖେଳ ମୋତେ କଳ୍ପନା ଯୋଗ୍ୟ ଅନୁଭୂତି ଏବଂ ସୁଯୋଗ ଦେଇଛି। ସେଥିପାଇଁ ମୁଁ ସର୍ବଦା କୃତଜ୍ଞ ରହିବି ।