ନୂଆଦିଲ୍ଲୀ: ଦେଶର ଦ୍ରୁତ ଗତିରେ ବଢ଼ୁଥିବା ଗିଗ୍ ଅର୍ଥନୀତିକୁ ମିଳିବ ଆଇନଗତ ସୁରକ୍ଷା। ନୂତନ ସାମାଜିକ ସୁରକ୍ଷା ସଂହିତାରେ ଗିଗ୍‌ ୱାର୍କର, ଯେପରିକି ଜୋମାଟୋ, ସ୍ୱିଗି ଏବଂ ବ୍ଲିଙ୍କିଟ୍ ସମେତ ଅନ୍ୟାନ୍ୟ କମ୍ପାନୀର ଡେଲିଭରି ବୟ ଏବଂ କ୍ୟାବ୍ ଡ୍ରାଇଭରମାନଙ୍କୁ ସାମାଜିକ ସୁରକ୍ଷା ପରିସରଭୁକ୍ତ କରାଯାଇଛି। ସେମାନଙ୍କୁ ଏଣିକି ଜୀବନ ବୀମା, ସ୍ବାସ୍ଥ୍ୟ ବୀମା ଏବଂ ଦୂର୍ଘଟଣାଜନିତ ବୀମା କଭର ମିଳିବ। ସରକାର ଏଥିପାଇଁ ଚିଠା ନିୟମ ଜାରି କରିଛନ୍ତି। ଏହି ନିୟମ ଅନୁଯାୟୀ, ସାମାଜିକ ସୁରକ୍ଷା ଲାଭ ପାଇବା ପାଇଁ ଯୋଗ୍ୟ ହେବା ନିମନ୍ତେ ଗୋଟିଏ କମ୍ପାନୀ (ଏଗ୍ରିଗେଟର) ସହିତ ଜଡିତ କର୍ମଚାରୀମାନଙ୍କୁ ସେହି କମ୍ପାନୀରେ ବର୍ଷରେ ଅତି କମ୍‌ରେ ୯୦ ଦିନ କାମ କରିଥିବା ଜରୁରୀ। ଏକାଧିକ ପ୍ଲାଟଫର୍ମରେ କାମ କରୁଥିବା ବ୍ୟକ୍ତିଙ୍କ ପାଇଁ ଏହି ସୀମା ୧୨୦ ଦିନ ରଖାଯାଇଛି। 

ଯଦି ଜଣେ ବ୍ୟକ୍ତି ଗୋଟିଏ ଦିନରେ ତିନୋଟି ଭିନ୍ନ କମ୍ପାନୀରେ କାମ କରନ୍ତି, ତେବେ ଏହାକୁ ତିନି ଦିନ ଗଣନା କରାଯିବ, ଯାହା ୧୨୦ ଦିନର କୋଟା ପୂରଣ କରିବା ସହଜ କରିବ। ଏହି ପ୍ରକ୍ରିୟାକୁ ସ୍ୱଚ୍ଛ କରିବା ପାଇଁ ସରକାର ପଞ୍ଜୀକରଣକୁ ବାଧ୍ୟତାମୂଳକ କରିଛନ୍ତି। ୧୬ ବର୍ଷରୁ ଅଧିକ ବୟସର ପ୍ରତ୍ୟେକ ଗିଗ୍‌ କର୍ମଚାରୀଙ୍କୁ ପଞ୍ଜୀକରଣ କରିବାକୁ ପଡିବ, ଯାହା ସେମାନଙ୍କର ଆଧାର କାର୍ଡ ସହିତ ଲିଙ୍କ୍ ହେବ। ଶ୍ରମିକଙ୍କ ତଥ୍ୟ ଇ-ଶ୍ରମ ପୋର୍ଟାଲରେ ରେକର୍ଡ କରାଯିବ। ଯେପରି ପିଏଫ୍ କଟୁଥିବା କର୍ମଚାରୀମାନଙ୍କର ଏକ ସ୍ଥାୟୀ ନମ୍ବର ଥାଏ, ସେହିପରି ଗିଗ୍ କର୍ମୀଚାରୀଙ୍କୁ ମଧ୍ୟ ଏକ ଅନନ୍ୟ ପରିଚୟ ନମ୍ବର ଦିଆଯିବ। ପ୍ରତ୍ୟେକ ପଞ୍ଜିକୃତ କର୍ମଚାରୀ ଏକ ଡିଜିଟାଲ୍ ପରିଚୟ ପତ୍ର ପାଇବେ, ଯାହା ସାରା ଦେଶରେ ସେମାନଙ୍କର ପରିଚୟ ଏବଂ ଯୋଗ୍ୟତା ପ୍ରମାଣିତ କରିବ।

ଭୁବନେଶ୍ୱର: ରାଜ୍ୟ ସରକାର ସାମ୍ବାଦିକଙ୍କ କଲ୍ୟାଣ ପାଇଁ ସର୍ବଦା ଚେଷ୍ଟିତ ଅଛନ୍ତି। ଆଗାମୀ ଦିନରେ ରାଜ୍ୟରେ ସାମ୍ବାଦିକମାନଙ୍କ ସାମାଜିକ ନିରାପତ୍ତା ସମ୍ପର୍କିତ ପଦକ୍ଷେପକୁ ତ୍ୱରାନ୍ୱିତ କରାଯାଇ କାର୍ଯ୍ୟକାରୀ କରାଯିବ। ଏହି ପ୍ରରିପେକ୍ଷୀରେ କାର୍ଯ୍ୟକାରୀ ହେଉଥିବା ସ୍ୱାସ୍ଥ୍ୟ ବୀମାରାଶିର ପରିମାଣକୁ ୨ଲକ୍ଷ ଟଙ୍କାରୁ ୫ଲକ୍ଷକୁ ବୃଦ୍ଧି କରାଯିବା ସହ ପେନ୍‍ସନ୍‍ ଓ ଅନ୍ୟାନ୍ୟ କଲ୍ୟାଣମୂଳକ ଯୋଜନାକୁ କାର୍ଯ୍ୟକାରୀ କରିବା ପାଇଁ ପ୍ରକ୍ରିୟା ଆରମ୍ଭ କରାଯାଇଛି ବୋଲି ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ସୂଚନା ଦେଇଛନ୍ତି।

ସମାରୋହରେ ମୁଖ୍ୟ ଅତିଥି ବାବେ ଯୋଗଦେଇ ଶ୍ରୀ ମଙ୍ଗରାଜ କହିଥିଲେ ଯେ, ରାଜ୍ୟ ସରକାର ସାମ୍ବାଦିକମାନଙ୍କ କଲ୍ୟାଣ ଯୋଜନାର କାର୍ଯ୍ୟକାରିତା ଉପରେ ଅଧିକ ଗୁରୁତ୍ୱ ଦେଉଛନ୍ତି। ଓୟୁଜେ ପକ୍ଷରୁ ଉଠାଯାଇଥିବା ଦାବି ଉପରେ ପଦକ୍ଷେପ ଗ୍ରହଣ ପ୍ରକ୍ରିୟା ଆରମ୍ଭ ହୋଇଛି। ଖୁବ୍‍ଶୀଘ୍ର ବୀମା ରାଶିର ପରିମାଣକୁ ୫ଲକ୍ଷ ଟଙ୍କାକୁ ବୃଦ୍ଧି କରାଯିବା ସହ ପେନ୍‍ସନ୍‍ ବ୍ୟବସ୍ଥା ଲାଗୁ ନେଇ ପଦକ୍ଷେପ ନିଆଯିବ। ଏନେଇ ଆମେ ଦୁଇଟା ରାଜ୍ୟର ରିପୋର୍ଟକୁ ଅନୁଧ୍ୟାନ କରୁଛୁ। ଖାଲି ପେନ୍‍ସନ୍‍ ନୁହେଁ ବରଂ ଅନ୍ୟାନ୍ୟ କଲ୍ୟାଣମୂଳକ ଯୋଜନା କାର୍ଯ୍ୟକାରୀ କରିବାକୁ ପ୍ରୟାସ କରାଯିବ। ସାମ୍ବାଦିକଙ୍କ ଯେଉଁ ଦାବି ହେଉଛି ସେହି ବାବଦରେ ବିଭିନ୍ନ ରାଜ୍ୟ ଗସ୍ତକରି ସେଠାରେ କାର୍ଯ୍ୟକାରୀ ହେଉଥିବା ଯୋଜନାକୁ ଅନୁଧ୍ୟାନ କରିବା ସହ ରାଜ୍ୟ ସରକାରଙ୍କୁ ରିପୋର୍ଟ ପ୍ରଦାନ କରିବା ପାଇଁ ତିନୋଟି ପ୍ରତିନିଧି ଦଳଙ୍କୁ ପଠାଯିବ। ରିପୋର୍ଟ ମିଳିବା ପରେ ଏ ବାବଦରେ ସରକାର ତୁରନ୍ତ ପଦକ୍ଷେପ ଗ୍ରହଣ କରିବେ ବୋଲି ସେ ସୂଚନା ଦେଇଥିଲେ। ସେହିପରି ଡିଜିଟାଲ ମିଡିଆ ବାବଦରେ ଖୁବ୍‍ଶୀଘ୍ର ଏକ ନୀତି ପ୍ରଣୟନ କରାଯିବ ବୋଲି ସେ କହିବା ସହ ଅଧିସ୍ୱୀକୃତି କମିଟି ବାବଦରେ ଖୁବ୍‍ଶୀଘ୍ର ରାଜ୍ୟ ସରକାର ନିଷ୍ପତ୍ତି ନେବେ ବୋଲି କହିଥିଲେ। ମାଲକାନଗିରି ଜିଲ୍ଲାରେ ସାମ୍ବାଦିକମାନଙ୍କ ଗିରଫଦାରୀ ପ୍ରସଙ୍ଗରେ ସୂଚନା ଦେଇ ସେ କହିଥିଲେ ଯେ ରାଜ୍ୟ ସରକାର ଏ ବାବଦରେ ଏକ ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେବାକୁ ଯାଉଛନ୍ତି। ତଦନ୍ତ ରିପୋର୍ଟ ମିଳିବାପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଅନ୍ୟପକ୍ଷରେ ଯେଉଁ ସାମ୍ବାଦିକଙ୍କର ବ୍ୟକ୍ତିଗତ ଗୁରୁତର ସ୍ୱାସ୍ଥ୍ୟଗତ ସମସ୍ୟା ରହୁଛି ସେମାନଙ୍କୁ ତ୍ୱରିତ୍‍ ସହାୟତା ପ୍ରଦାନ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ସେହି ଅନୁଯାୟୀ ପଦକ୍ଷେପ ନିଆଯାଉଥିବା ଶ୍ରୀ ମଙ୍ଗରାଜ ସୂଚନା ଦେଇଥିଲେ। ବର୍ତ୍ତମାନ କରୋନାର ସମ୍ଭାବ୍ୟ ତୃତୀୟ ଲହର ଆଶଙ୍କା ଦେଖାଦେଇଥିବା ବେଳେ ସାମ୍ବାଦିକ ବନ୍ଧୁମାନେ ସତର୍କ ରହି ସରକାରଙ୍କ ଗାଇଡଲାଇନକୁ ଅନୁପାଳନ କରି ନିଜ କାମ କରିବାକୁ ସେ ପରାମର୍ଶ ଦେଇଥିଲେ।

ନୂଆଦିଲ୍ଲୀ: ଆଜିର ଯୁଗରେ ଯଦିଓ ମୁଦ୍ରାସ୍ଫୀତି ଆକାଶଛୁଆଁ ହେବାରେ ଲାଗିଛି,ତଥାପି ଲୋକମାନେ ବୀମା କରିବାରେ ପଛରେ ନାହାଁନ୍ତି। ପ୍ରାୟ ସମସ୍ତେ ବୀମା କରୁଛନ୍ତି। ଲୋକମାନେ ଜୀବନ ବୀମାଠାରୁ ଆରମ୍ଭ କରି ସ୍ବାସ୍ଥ୍ୟ ବୀମା ଏବଂ ଯାତ୍ରା ବୀମା ଅପାଣାଉଛନ୍ତି। ଏଥିପାଇଁ ସେମାନଙ୍କୁ ପ୍ରିମିୟମ ଦେବାକୁ ପଡିବ । ଏମିତିକି ପ୍ରିମିୟମ୍ ପରିମାଣ ବହୁତ କମ୍‌ ହୋଇ ନ ଥାଏ । ଅନେକ ସମୟରେ ଲୋକମାନେ କିସ୍ତିରେ ବୀମା ପ୍ରିମିୟମ ଦିଅନ୍ତି। ଏଥପାଇଁ ବୀମା କମ୍ପାନୀଗୁଡିକ ଏକ ମାସରେ, ତିନି ମାସରେ, ଛଅ ମାସରେ କିମ୍ବା ବର୍ଷରେ ଥରେ ପ୍ରିମିୟମ ଦେବାର ବିକଳ୍ପ ଦିଅନ୍ତି। ଆପଣ କ୍ରେଡିଟ୍‌ କାର୍ଡ ମାଧ୍ୟମରେ ବୀମା ପ୍ରିମିୟମ୍ ମଧ୍ୟ ଦେଇପାରିବେ, କିନ୍ତୁ ଏଥିପାଇଁ ଅତିରିକ୍ତ ଚାର୍ଜ ଦେବାକୁ ପଡିବ। ତଥାପି ଆମେ ଆପଣଙ୍କୁ ଏପରି ଏକ କଥା କହିବାକୁ ଯାଉଛୁ, ଯାହା ଆପଣଙ୍କ ପାଇଁ ବହୁତ ଉପଯୋଗୀ ହୋଇପାରେ। ଆପଣ ମାତ୍ର ୩୫ ପଇସା ଦେଇ ୧୦ ଲକ୍ଷ ଟଙ୍କା ବୀମା କଭର ପାଇପାରିବେ । ଏଥିପାଇଁ ଆପଣଙ୍କୁ କୌଣସି ବୀମା ଏଜେଣ୍ଟକୁ ଯିବାକୁ ମଧ୍ୟ ପଡିବ ନାହିଁ । ଯଦି ଆପଣ ଟ୍ରେନରେ ଯାତ୍ରା କରନ୍ତି ତେବେ ଆପଣ ଏହି ବୀମା କଭର ପାଇପାରିବେ । ଭାରତୀୟ ରେଳବାଇ ପାଇଁ ଟିକେଟ ପ୍ରଦାନ କରୁଥିବା ଭାରତୀୟ ରେଳ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ (ଆଇଆରସିଟିସି) ରୁ ୩୫ ପଇସା ଦେଇ ଆପଣ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ବୀମା କଭର ପାଇପାରିବେ।

ଆମେ ଆପଣଙ୍କୁ କହିବୁ ଯେ ଆଇଆରସିଟିସି ୱେବସାଇଟ୍- (ଆ ଇ ଆ ର ସି ଟି ସି ଡ ଟ୍ କ। ଡଟ୍ ଇନ୍) ମାଧ୍ୟମରେ ରେଳ ଟିକେଟ୍ ବୁକିଂ କରିବା ସମୟରେ ରେଳ ଯାତ୍ରୀଙ୍କ ପାଖରେ ‘ଟ୍ରାଭେଲ ଇସ୍ୟୁରାନ୍ସ’ ଚୟନ କରିବାର ବିକଳ୍ପ ରହିଛି। ଟିକେଟ୍ ବୁକ୍ କରିବା ସମୟରେ ଯଦି ଆପଣ ଏହି ବିକଳ୍ପକୁ ଗ୍ରହଣ କରନ୍ତି, ତେବେ ଆପଣ ନିଜକୁ ୩୫ ପଇସା ପାଇଁ ବୀମା କରନ୍ତି। ଏଥିରେ ଆପଣ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଏକ ବୀମା କଭର ପାଇବେ। ଯଦି ସମାନ ଟିକେଟରେ ଏକରୁ ଅଧିକ ବ୍ୟକ୍ତି ଯାତ୍ରା କରୁଛନ୍ତି ଯଥା ଗୋଟିଏ ପିଏନ୍‌ଆର୍ ଅଧୀନରେ ଟିକେଟ୍ ବୁକିଂ କରନ୍ତି, ତେବେ ସମସ୍ତ ଯାତ୍ରୀଙ୍କ ପାଇଁ ଯାତ୍ରା ବୀମା ପ୍ରଯୁଜ୍ୟ ହେବ । ଯେତେବେଳେ ଆପଣ ଆଇଆରସିଟିସି ୱେବସାଇଟ୍ କିମ୍ବା ମୋବାଇଲ୍ ଆପ୍ ମାଧ୍ୟମରେ ଟିକେଟ୍ ବୁକିଂ କରିବେ ସେତେବେଳେ ଆପଣ ଏହି ଅତି ଶସ୍ତା ବୀମା କଭର ପାଇବାକୁ ସକ୍ଷମ ହେବେ। ଏହି ସୁବିଧା କେବଳ ଭାରତୀୟ ନାଗରିକଙ୍କ ପାଇଁ ଆଇଆରସିଟିସି ଏହାର ୱେବସାଇଟ୍‌ରେ ପ୍ରକାଶ କରିଛି।

ଏହି ପଲିସିରେ ଟ୍ରେନ୍ ଯାତ୍ରା ସମୟରେ ମୃତ୍ୟୁ, ସ୍ଥାୟୀଭାବେ ସମ୍ପୂର୍ଣ୍ଣ ଅକ୍ଷମତା, ସ୍ଥାୟୀ ଆଂଶିକ ଅକ୍ଷମତା ଏବଂ ଆଘାତ ଏବଂ ମୃତ ଦେହ ପରିବହନ ପାଇଁ ଡାକ୍ତରଖାନାରେ ଭର୍ତ୍ତି ଖର୍ଚ୍ଚକୁ ଅନ୍ତର୍ଭୁକ୍ତ କରାଯାଇଛି।

ବୀମାରେ କ’ଣ ଉପଲବ୍ଧ

ଯଦି ଆପଣ ଆଇଆରସିଟିସିରୁ ଟିକଟ୍ ବୁକିଂ କରିବା ସମୟରେ ବୀମା ବିକଳ୍ପ ବାଛିଛନ୍ତି, ତେବେ ଆପଣ ଏହି ପଲିସି ଅଧୀନରେ ସର୍ବାଧିକ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ବୀମା କଭର ପାଇବେ। ରେଳ ଦୁର୍ଘଟଣା କିମ୍ବା କୌଣସି ଅଘଟଣ ଘଟଣାରେ ପଲିସି ନେଉଥିବା ବ୍ୟକ୍ତି ହିଁ ମୃତ୍ୟୁବରଣ କରନ୍ତି । ସ୍ଥାୟୀ ସମ୍ପ୍ରଦାୟ ଅକ୍ଷମତା କ୍ଷେତ୍ରରେ ମଧ୍ୟ ବୀମାଭୁକ୍ତ ବ୍ୟକ୍ତି ସମାନ ପରିମାଣ ଅର୍ଥାତ୍ ୧୦ ଲକ୍ଷ ଟଙ୍କା ପାଇଥା’ନ୍ତି। ଯଦି ବ୍ୟକ୍ତି ଆଂଶିକ ଅକ୍ଷମ ହୋଇଯାଏ, ତେବେ ସେ ୭୫ ଲକ୍ଷ ଟଙ୍କା ପର୍ଯ୍ୟନ୍ତ କଭରେଜ୍ ପାଇଥାଏ। ଯଦି ଦୁର୍ଘଟଣା ଆଦିରେ ଆଘାତ ଲାଗିଥାଏ ତେବେ ଡାକ୍ତରଖାନାରେ ଭର୍ତ୍ତି ହେବା ପାଇଁ ୨ ଲକ୍ଷ ଟଙ୍କା ମିଳିଥାଏ। ଏହି ବୀମା ମୃତକଙ୍କ ମୃତଦେହକୁ ବହନ କରିବା ପାଇଁ ୧୦,୦୦୦ ଟଙ୍କା ପର୍ଯ୍ୟନ୍ତ କଭରେଜ ପ୍ରଦାନ କରିଥାଏ।