ଭୁବନେଶ୍ଵର: ସଶକ୍ତିକରଣ ସେତେବେଳେ ସଫଳ ହୋଇଥାଏ ଯେତେବେଳେ ଏହା ଶିକ୍ଷା, ଆତ୍ମବିଶ୍ୱାସ-ନିର୍ମାଣ ଏବଂ ନିଜ ଘର ନିକଟରେ କ୍ୟାରିୟର ଗଢ଼ିବାର ସୁଯୋଗ ତୃଣମୂଳ ସ୍ତରରୁ ଆରମ୍ଭ ହୋଇଥାଏ। ବେଦାନ୍ତ ଆଲୁମିନିୟମ ଲାଞ୍ଜିଗଡ଼ରେ ଶିକ୍ଷା କ୍ଷେତ୍ରରେ ନିବେଶ ସହିତ ଘର ନିକଟରେ ନିଯୁକ୍ତି ସୁଯୋଗ ସୃଷ୍ଟି ଲାଗି କାର୍ଯ୍ୟ କରୁଛି। ଗୁଣାତ୍ମକ ଶିକ୍ଷା ପ୍ରଦାନ କରିବା ଏବଂ ଶିଳ୍ପ ଆବଶ୍ୟକତା ମୁତାବକ ଦକ୍ଷତା ବିକାଶ ରାସ୍ତା ଖୋଲିବା ଦ୍ୱାରା, କମ୍ପାନୀ ଏହି ଅଞ୍ଚଳର ଯୁବତୀମାନଙ୍କ ପାଇଁ କଷ୍ଟକର ବୋଲି କୁହାଯାଉଥିବା କ୍ୟାରିୟରରେ ଗଠନରେ ସକ୍ଷମ କରୁଛି। 

ପ୍ରିୟଙ୍କା ମହାକୁଡଙ୍କ ଯାତ୍ରା ଏହାର ଏକ ଉଦାହରଣ। ଲାଞ୍ଜିଗଡ଼ରେ ଜନ୍ମଗ୍ରହଣ କରି ବଢ଼ିଥିବା ପ୍ରିୟଙ୍କା ବେଦାନ୍ତ ଡିଏଭି ଇଣ୍ଟରନ୍ୟାସନାଲ ସ୍କୁଲରେ ଅଧ୍ୟୟନ କରିଥିଲେ, ଯାହା ଏହି ଅଞ୍ଚଳର ପ୍ରଥମ ଇଂରାଜୀ ମାଧ୍ୟମ ବିଦ୍ୟାଳୟ । ଏକ ସମୟରେ ଯେତେବେଳେ ଇଂରାଜୀ-ମାଧ୍ୟମ ଶିକ୍ଷା ସ୍ଥାନୀୟ ଅଞ୍ଚଳବାସୀଙ୍କ ପାଇଁ ଅପହଞ୍ଚ ଥିଲା ସେତେବେଳେ ଏହି ବିଦ୍ୟାଳୟ ବ୍ୟାପକ ଶିକ୍ଷା ଅଭିବୃଦ୍ଧିର ଏକ ପ୍ରବେଶ ଦ୍ୱାର ହୋଇଥିଲା।

ପ୍ରିୟଙ୍କା ବି.ଏସ୍.ସି. ଶେଷ କରିବା ପରେ ଭୁବନେଶ୍ୱରର ମହର୍ଷି ମହାବିଦ୍ୟାଳୟରୁ ପ୍ରାଣୀ ବିଜ୍ଞାନ (ସମ୍ମାନ) ରେ ତାଙ୍କ ଶିକ୍ଷାର ଯାତ୍ରା ଜାରି ରଖିଥିଲେ ଏବଂ ବର୍ତ୍ତମାନ ଦୂର ନିରନ୍ତର ଶିକ୍ଷା ମାଧ୍ୟମରେ ବାୟୋଟେକ୍ନୋଲୋଜିରେ ସ୍ନାତକୋତ୍ତର କରୁଛନ୍ତି।।  ବର୍ଷ ବର୍ଷ ଧରି ଏହି ଅନୁଷ୍ଠାନ ଶିକ୍ଷାଦାନ କ୍ଷେତ୍ରରେ ଉଲ୍ଲେଖନୀୟ ଅଭିବୃଦ୍ଧି କରିଛି, ଯାହା ଏହି ଅଞ୍ଚଳର ଲୋକଙ୍କ ପାଇଁ ଗୁଣାତ୍ମକ ଶିକ୍ଷା ଦାନର ଏକ ମାଧ୍ୟମ ହୋଇପାରିଛି ।  ପ୍ରିୟଙ୍କାଙ୍କ ପାଇଁ, ଏହା କେବଳ ଉଚ୍ଚ ଶିକ୍ଷା ନୁହେଁ ବରଂ ବୃତ୍ତିଗତ ମହତ୍ୱାକାଂକ୍ଷା ପାଇଁ ମଧ୍ୟ ମୂଳଦୁଆ ପକାଇଥିଲା। ଇଂରାଜୀ ମାଧ୍ୟମ ବିଦ୍ୟାଳୟରେ ପଢ଼ିବାରେ ସେ ତାଙ୍କ ପରିବାରର ପ୍ରଥମ ବ୍ୟକ୍ତି ହୋଇଥିଲେ, ଯାହା ତାଙ୍କ ପରିବାର ସହିତ ଏହି ଅଞ୍ଚଳରେ ଶିକ୍ଷାର ଗୁରୁତ୍ୱକୁ ବଢାଇ ଥିଲା ଆଜି ତାଙ୍କ ଭଉଣୀ କଟକରେ ଆଇନ ପାଠ ପଢୁଛନ୍ତି ଏବଂ ତାଙ୍କ ଭାଇ ଭୁବନେଶ୍ୱରରେ ଇଞ୍ଜିନିୟରିଂ ପଢୁଛନ୍ତି । 

ସେ ବର୍ତ୍ତମାନ ବେଦାନ୍ତର ଆଲୁମିନା ରିଫାଇନାରୀର ସବୁଠାରୁ ଗୁରୁତ୍ୱପୂର୍ଣ୍ଣ କ୍ଷେତ୍ରଗୁଡ଼ିକ ମଧ୍ୟରୁ ଗୋଟିଏ, ଡିଷ୍ଟ୍ରିବ୍ୟୁଟେଡ୍ କଣ୍ଟ୍ରୋଲ୍ ସିଷ୍ଟମ୍ (ଡିସିଏସ) ରେ କାର୍ଯ୍ୟ କରନ୍ତି, ଯାହାକୁ କାରଖାନାର ସ୍ନାୟୁ କେନ୍ଦ୍ର ଭାବରେ ବିବେଚନା କରାଯାଏ। ଜଣେ କଣ୍ଟ୍ରୋଲ୍ ରୁମ୍ ଅପରେଟର ଭାବରେ, ପ୍ରିୟଙ୍କା ରିଅଲ୍-ଟାଇମ୍ ଡିଜିଟାଲ୍ ସିଷ୍ଟମ ମାଧ୍ୟମରେ ତାପମାତ୍ରା, ଚାପ, ପ୍ରବାହ ଏବଂ ସ୍ତର ଭଳି ଗୁରୁତ୍ୱପୂର୍ଣ୍ଣ ପାରାମିଟରଗୁଡ଼ିକୁ ନିରନ୍ତର ନିରୀକ୍ଷଣ କରନ୍ତି। ସେ ସତର୍କ ସୂଚନା ଉପରେ ନଜର ରଖିବା ସହିତ ଶୂନ୍ୟ ଓଭରଫ୍ଲୋ ଏବଂ ଶୂନ୍ୟ ଟ୍ରିପ୍ ଅବସ୍ଥା ବଜାୟ ରଖିବା ପାଇଁ କାର୍ଯ୍ୟ କରନ୍ତି ଏବଂ କୌଣସି ଭୁଲ୍ ହେବା ପୂର୍ବରୁ ପ୍ରତିରୋଧକ ଏବଂ ସଂଶୋଧନାତ୍ମକ ପଦକ୍ଷେପ ଗ୍ରହଣ କରନ୍ତି। ଏହି ଭୂମିକା ପାଇଁ ସଠିକତା, ବିଶ୍ଳେଷଣାତ୍ମକ ଚିନ୍ତାଧାରା, ଶୀଘ୍ର ନିଷ୍ପତ୍ତି ନେବା ଏବଂ କ୍ଷେତ୍ର ଅପରେଟର ଏବଂ ନିୟନ୍ତ୍ରକମାନଙ୍କ ସହିତ ଘନିଷ୍ଠ ସମନ୍ୱୟ ଆବଶ୍ୟକ, ବିଶେଷକରି ଆରମ୍ଭହେବା, ବନ୍ଦହେବା ଏବଂ ଜରୁରୀକାଳୀନ ପରିସ୍ଥିତି ସମୟରେ। ଏକ ମୁଖ୍ୟ ଉତ୍ପାଦନ କଣ୍ଟ୍ରୋଲ୍ ରୁମରେ ତାଙ୍କର ଉପସ୍ଥିତି ଏକ ଶାନ୍ତ କିନ୍ତୁ ଗୁରୁତ୍ୱପୂର୍ଣ୍ଣ ପରିବର୍ତ୍ତନକୁ ପ୍ରତିଫଳିତ କରେ । ପାରମ୍ପରିକ ଭାବେ ପୁରୁଷଙ୍କ ପ୍ରାଧାନ୍ୟ ଥିବା କାର୍ଯ୍ୟରେ ସ୍ଥାନୀୟ ସମ୍ପ୍ରଦାୟର ଅଧିକରୁ ଅଧିକ ମହିଳା ଶିକ୍ଷା, ତାଲିମ ଏବଂ ସୁଯୋଗ ଦ୍ୱାରା ସମର୍ଥିତ ଉଚ୍ଚ-ଦାୟିତ୍ୱ ପରିଚାଳନା ଭୂମିକାରେ ପାଦ ଦେଉଛନ୍ତି।

ପ୍ରିୟଙ୍କାଙ୍କ କାହାଣୀ ଦର୍ଶାଏ ଯେ ବିଦ୍ୟାଳୟ ଶିକ୍ଷା ଏବଂ ଦକ୍ଷତା ବିକାଶରେ ନିରନ୍ତର ନିବେଶ କିପରି ସମାନ ପରିବେଶ ମଧ୍ୟରେ ଅର୍ଥପୂର୍ଣ୍ଣ କ୍ୟାରିଅରରେ ରୂପାନ୍ତରିତ ହୋଇପାରିବ। ଲାଞ୍ଜିଗଡ଼ର ପ୍ରଥମ ଇଂରାଜୀ ମାଧ୍ୟମ ବିଦ୍ୟାଳୟର ଜଣେ ଛାତ୍ରୀ ଠାରୁ ଆରମ୍ଭ କରି ବିଶୋଧନାଗାରର କେନ୍ଦ୍ରୀୟ ନିୟନ୍ତ୍ରଣ ପ୍ରଣାଳୀ ପରିଚାଳନା ପର୍ଯ୍ୟନ୍ତ, ତାଙ୍କର ଯାତ୍ରା ଦର୍ଶାଏ ଯେ ସ୍ଥାନୀୟ ଅଞ୍ଚଳରେ ସୁଯୋଗ ସୃଷ୍ଟି ହେଲେ ସୁଯୋଗ ସୃଷ୍ଟି ହେଲେ ନାରୀମାନେ ଶିଳ୍ପ ଉନ୍ନତି ଓ ସମୁଦାୟ ପ୍ରଗତିରେ ସିଧାସଳଖ ଭାବେ ଅବଦାନ କରିପାରିବେ ।

ଶିକ୍ଷା ଏବଂ ସମାବେଶୀ ନିଯୁକ୍ତି ଉପରେ ନିରନ୍ତର ଧ୍ୟାନ ଦେଇ, ବେଦାନ୍ତ ଆଲୁମିନିୟମ ଏହା ସୁନିଶ୍ଚିତ କରିବାରେ ସାହାଯ୍ୟ କରୁଛି ଯେ ଲାଞ୍ଜିଗଡ଼ର ଯୁବତୀମାନେ କେବଳ ସୁଯୋଗର ସ୍ୱପ୍ନ ଦେଖନ୍ତି ନାହିଁ, ବରଂ ସେମାନେ ଏହାର ନେତୃତ୍ୱ ନେବାକୁ ପ୍ରସ୍ତୁତ ।

ଭୁବନେଶ୍ୱର: ଲାଞ୍ଜିଗଡ଼ ବକ୍ସାଇଟ୍ ଖଣି ପାଇଁ ତୁରନ୍ତ ଏକ ଗ୍ରାମସଭା ଆୟୋଜନ କରିବାକୁ ଆଦିବାସୀ ଗୋଷ୍ଠୀ ଏବଂ କଳାହାଣ୍ଡି ବାସିନ୍ଦା ଆଜି ରାଜଧାନୀରେ ଶୋଭାଯାତ୍ରା କରିବା ସହିତ ମୁଖ୍ୟମନ୍ତ୍ରୀଙ୍କୁ ଭେଟି ଦାବିପତ୍ର ଦେଇଛନ୍ତି । ସେମାନଙ୍କ ଅଞ୍ଚଳରେ ସାମାଜିକ-ଅର୍ଥନୈତିକ ବିକାଶର ଆବଶ୍ୟକତାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଏଥିରେ ହସ୍ତକ୍ଷେପ କରିବାକୁ କହିଛନ୍ତି ।

ଲାଞ୍ଜିଗଡ଼ ଅଞ୍ଚଳର ବିକାଶ ପାଇଁ ପ୍ରତିଶ୍ରୁତିବଦ୍ଧ ସ୍ଥାନୀୟ ସଂଗଠନ ଲାଞ୍ଜିଗଡ଼ ଆଞ୍ଚଳିକ ବିକାଶ ପରିଷଦର ଏକ ଉଚ୍ଚସ୍ତରୀୟ ପ୍ରତିନିଧି ଦଳ ଆଜି ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଏକ ସ୍ମାରକପତ୍ର ପ୍ରଦାନ କରି ଦୀର୍ଘ ଦିନ ଧରି ପଡ଼ିରହିଥିବା ଏହି ପ୍ରସଙ୍ଗରେ ତୁରନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରିଛନ୍ତି ।

ପ୍ରତିନିଧିଦଳ ଦର୍ଶାଇଥିଲେ ଯେ, କଳାହାଣ୍ଡି ଜିଲ୍ଲାରେ ବିଶ୍ୱର କେତେକ ସର୍ବୋତ୍ତମ ବକ୍ସାଇଟ୍ ଭଣ୍ଡାର ରହିଛି, ତଥାପି ଏହି ଅଞ୍ଚଳ ନିଜର ବିକାଶ ଦେଖିବାରେ ବିଫଳ ହୋଇଛି । ଶିଳ୍ପର ଅଭାବ, ବିଶେଷ କରି କାଲାହାଣ୍ଡିର ତ୍ରିଲୋଚନପୁର ଅଞ୍ଚଳରେ, ପର୍ୟ୍ୟାପ୍ତ ଭିତ୍ତିଭୂମି ଅଭାବ ଏବଂ ସୀମିତ ଅର୍ଥନୈତିକ ଅଭିବୃଦ୍ଧି ଘଟାଇଛି ।

ଏହାର ସମ୍ପୂର୍ଣ୍ଣ ଅପରପାଶ୍ୱର୍ରେ ଥିବା ରାୟଗଡା଼ ଏବଂ କାଲାହାଣ୍ଡିର ପଡ଼ୋଶୀ ଅଞ୍ଚଳ, ଯେଉଁଠାରେ ଶିଳ୍ପ ପ୍ରତିଷ୍ଠା ହୋଇଛି, ସେଠାରେ ଜୀବନଧାରଣ ମାନ, ଭିତ୍ତିଭୂମି ଏବଂ ସାମଗ୍ରିକ ଅର୍ଥନୈତିକ ଉନ୍ନତିରେ ଯଥେଷ୍ଟ ଉନ୍ନତି ଘଟିଛି । ତେବେ, ଲାଞ୍ଜିଗଡ଼ ବକ୍ସାଇଟ୍ ଖଣିର କାର୍ୟ୍ୟକ୍ଷମ ନହେବା କାରଣରୁ ବକ୍ସାଇଟ୍ ସମୃଦ୍ଧ କାଲାହାଣ୍ଡି ଅଞ୍ଚଳ ଏବେ ବି ପଛରେ ରହିଛିା

ଦୀର୍ଘ ୨୧ ବର୍ଷ ଧରି ଲାଞ୍ଜିଗଡ଼ ବକ୍ସାଇଟ୍ ଖଣି ପାଇଁ ଗ୍ରାମ ସଭା ବିଚାରାଧୀନ ରହିଛି, ଯାହା ଏହି ଅଞ୍ଚଳର ଅର୍ଥନୈତିକ ଏବଂ ସାମାଜିକ ପ୍ରଗତିରେ ଉଲ୍ଲେଖନୀୟ ଭାବରେ ବାଧା ସୃଷ୍ଟି କରିଛି । ଖଣି କାର୍ୟ୍ୟର ଅନୁପସ୍ଥିତି ୫ ପ୍ରତିଶତ ବିକାଶ ପାଣ୍ଠିକୁ ପ୍ରତ୍ୟାଖ୍ୟାନ କରିଛି, ଯାହା ଭିତ୍ତିଭୂମି, ସ୍ୱାସ୍ଥ୍ୟସେବା ଏବଂ ଶିକ୍ଷାର ଉନ୍ନତି ପାଇଁ ବ୍ୟବହୃତ ହୋଇପାରେ ଡୋଙ୍ଗରିଆ ଏବଂ କୋଟିଆ କନ୍ଧ ସମ୍ପ୍ରଦାୟ ସମେତ ହଜାର ହଜାର ସ୍ୱଦେଶୀ ଲୋକ ନିଯୁକ୍ତି ସୁଯୋଗରୁ ବଞ୍ଚିତ ହୋଇଛନ୍ତି, ଯାହାଫଳରେ ଅଧିକ ଦାରିଦ୍ର‌୍ୟ ସୃଷ୍ଟି ହୋଇଛି ।
ଏହି ପ୍ରତିନିଧି ଦଳ ଗଭୀର ଉଦବଗେ ପ୍ରକାଶ କରିଥିଲେ ଯେ କଳାହାଣ୍ଡି ବକ୍ସାଇଟ୍ ସମ୍ବଳ ସମୃଦ୍ଧ ହେବା ସତ୍ତ୍ୱେ, ଏହା ଓଡ଼ିଶାର ସବୁଠାରୁ ଅନୁନ୍ନତ ଅଞ୍ଚଳ ମଧ୍ୟରୁ ଗୋଟିଏ ହୋଇ ରହିଛି । ଗତ ତିନି ଦଶନ୍ଧି ଧରି, ଲାଞ୍ଜିଗଡ଼ ବକ୍ସାଇଟ୍ ଖଣିର କାର୍ୟ୍ୟକ୍ଷମ ନ ହେବା ଏହି ଅଞ୍ଚଳର ପ୍ରଗତିକୁ ବାଧା ଦେଇଛି । ଇତି ମଧ୍ୟରେ, ସକ୍ରିୟ ବକ୍ସାଇଟ୍ ଖନନ କାରଣରୁ ରାୟଗଡ଼ ଏବଂ କୋରାପୁଟ ଭଳି ପଡ଼ୋଶୀ ଜିଲ୍ଲାଗୁଡ଼ିକରେ ଯଥେଷ୍ଟ ଶିଳ୍ପ ଅଭିବୃଦ୍ଧି, ଭିତ୍ତିଭୂମି ବିକାଶ ଏବଂ ନିଯୁକ୍ତି ସୃଷ୍ଟି ହୋଇଛି, ଯେତେବେଳେ କି କଳାହାଣ୍ଡି ଏହାର ପ୍ରାକୃତିକ ସମ୍ବଳର ଲାଭରୁ ବଞ୍ଚିତ ହେଉଛି ।

ବିକଶିତ ଓଡ଼ିଶାର ପରିକଳ୍ପନା ଏବଂ ନୂତନ ଡବଲ୍ ଇଞ୍ଜିନ୍ ପ୍ରଗତିଶୀଳ ସରକାରଙ୍କ ନେତୃତ୍ୱରେ, ଆଦିବାସୀ ସମ୍ପ୍ରଦାୟ ଏବଂ କଳାହାଣ୍ଡି ଅଧିବାସୀମାନେ ସମାବେଶୀ ବିକାଶ ପ୍ରତି ସରକାରଙ୍କ ପ୍ରତିବଦ୍ଧତା ଉପରେ ବିଶ୍ୱାସ ପ୍ରକଟ କରିଛନ୍ତି । ସେମାନେ ଆଉ ବିଳମ୍ବ ନକରି ଲାଞ୍ଜିଗଡ଼ ବକ୍ସାଇଟ୍ ଖଣି ପାଇଁ ଗ୍ରାମସଭା ଡକାଇବା ପାଇଁ ଏକ ର୍ନିଣ୍ଣାୟକ ପଦକ୍ଷେପକୁ ଉତ୍ସାହର ସହିତ ଅପେକ୍ଷା କରିଛନ୍ତି । ଖଣି ଖନନ କାର୍ୟ୍ୟ ଆରମ୍ଭ ହେବା ଦ୍ୱାରା ଦୀର୍ଘ ଦିନ ଧରି ଅବହେଳିତ ଥିବା କଳାହାଣ୍ଡି ଅଞ୍ଚଳ ପାଇଁ ନିଯୁକ୍ତି, ଭିତ୍ତିଭୂମି ବିକାଶ ଏବଂ ସାମଗ୍ରିକ ଆର୍ଥିକ ସମୃଦ୍ଧି ସୁନିଶ୍ଚିତ ହେବ, ଯାହା ଶେଷରେ ଏହାକୁ ଅଭିବୃଦ୍ଧି ଏବଂ ପ୍ରଗତି ପଥରେ ପହଞ୍ଚାଇବ । ଏଥିପାଇଁ ମାନ୍ୟବର ମୁଖ୍ୟମନ୍ତ୍ରୀ ତୁରନ୍ତ ଏଥିରେ ହସ୍ତକ୍ଷେପ କରିବା ସହିତ କଳାହାଣ୍ଡିର ବିକାଶକୁ ଅଗ୍ରାଧିକାର ଦେବାକୁ ପ୍ରତିନିଧିଦଳ ଦାବି କରିଛନ୍ତି ।

ଲାଞ୍ଜିଗଡ: ବ୍ୟାପକ ତାଲିମ ଏବଂ ବର୍ଦ୍ଧିତ ନିଯୁକ୍ତି ସୁଯୋଗ ସହିତ ନିଯୁକ୍ତି ସାମର୍ଥ୍ୟ ବୃଦ୍ଧି କରି ବେଦାନ୍ତ ଲାଞ୍ଜିଗଡ଼ (ଭାରତର ଅଗ୍ରଣୀ ସ୍ମେଲଟର-ଗ୍ରେଡ୍‌ ଆଲୁମିନା ଉତ୍ପାଦନକାରୀ ଏବଂ ବେଦାନ୍ତ ଆଲୁମିନିୟମର ସହାୟକ କମ୍ପାନୀ) ର ଉଚ୍ଚାଭିଳାଷୀ ଦକ୍ଷତା ବିକାଶ କାର୍ଯ୍ୟକ୍ରମ (ଏସଡିପି) ଓଡ଼ିଶାର କଳାହାଣ୍ଡି ଜିଲ୍ଲାର ଆଦିବାସୀ ଅଞ୍ଚଳରେ ଦକ୍ଷତା ତାଲିମ ପଦକ୍ଷେପ ମାଧ୍ୟମରେ ଯୁବକମାନଙ୍କୁ ସଶକ୍ତ କରି ଏକ ପରିବର୍ତ୍ତନ ଆଣୁଛି।

ବେଦାନ୍ତର ପ୍ରୋତ୍ସାହନ ପଦକ୍ଷେପ ଏସ୍‌ଡିପି ଗ୍ରାମୀଣ ଜୀବିକା ବୃଦ୍ଧି ଏବଂ କେନ୍ଦ୍ର ସରକାର ବିକଶିତ ଭାରତ ମିଶନ ସହିତ ଆର୍ଥିକ ବିକାଶକୁ ଆଗେଇ ନେଇ ସମ୍ପ୍ରଦାୟର ଉନ୍ନତି ପାଇଁ ପ୍ରତିଶ୍ରୁତି ପ୍ରଦାନ କରିଛି। ଏସ୍‌ଡିପିର ଗୁରୁତ୍ୱ ବିଷୟରେ ବିସ୍ତୃତ ଭାବେ ବର୍ଣ୍ଣନା କରି ବେଦାନ୍ତ ଆଲୁମିନା ବିଜନେସ୍‌ ର ସିଇଓ ପ୍ରଣବ କୁମାର ଭଟ୍ଟାଚାର୍ଯ୍ୟ କହିଛନ୍ତି ଯେ ବେଦାନ୍ତରେ ଆମର ଲକ୍ଷ୍ୟ ହେଉଛି ସ୍ଥାନୀୟ ଯୁବକମାନଙ୍କ ସାମର୍ଥ୍ୟ, ଆମର ଲାଭାଂଶ, ସେମାନଙ୍କୁ ବ୍ୟାପକ ଶିଳ୍ପ-ସଂକ୍ରାନ୍ତୀୟ ତାଲିମ ପ୍ରଦାନ କରିବା।

ଆମର ଏହି ପଦକ୍ଷେପର ଉଦ୍ଦେଶ୍ୟ ହେଉଛି ସ୍ଥାନୀୟ ଯୁବକମାନଙ୍କୁ ସାମାଜିକ-ଅର୍ଥନୈତିକ ମୁଖ୍ୟଧାରାରେ ସାମିଲ କରି ଆଶାଜନକ କ୍ୟାରିଅର୍‌ ପ୍ରଦାନ କରିବା। ଏହି ପରିବର୍ତ୍ତନଶୀଳ କାର୍ଯ୍ୟକ୍ରମ ଆମେ ପରିଚାଳନା କରୁଥିବା ଅଞ୍ଚଳରେ ଏକ କୁଶଳୀ ଏବଂ ଆତ୍ମର୍ନିଭରଶୀଳ ମାନବସମ୍ବଳ ସୃଷ୍ଟି ପାଇଁ ଆମର ପ୍ରତିବଦ୍ଧତାର ଉଦାହରଣ ଅଟେ।

ଉଲ୍ଲେଖଯୋଗ୍ୟ ଯେ ବେଦାନ୍ତର ଏସଡିପି ସିଧାସଳଖ ମିଳିତ ଜାତିସଂଘର ଏସଡିଜି ଲକ୍ଷ୍ୟ ୧- ଦାରିଦ୍ର୍ୟ ମୁକ୍ତ ଏବଂ ମିଳିତ ଜାତିସଂଘର ଏସଡିଜି ଲକ୍ଷ୍ୟ ୮- ଉତ୍ତମ କାର୍ଯ୍ୟ ଏବଂ ଅର୍ଥନୈତିକ ଅଭିବୃଦ୍ଧି ସହିତ ମେଳ ଖାଉଛି। ଏହି ପଦକ୍ଷେପର ଉଦ୍ଦେଶ୍ୟ ହେଉଛି ତିନି ବର୍ଷ ମଧ୍ୟରେ ୧୨୦୦ ରୁ ଅଧିକ ଗ୍ରାମୀଣ ଯୁବକମାନଙ୍କୁ ଏକ ତାଲିମ ଦେବା-ଉଭୟ ତାଲିମ ସହିତ ଉଦ୍ୟୋଗୀ ଏବଂ ନିଯୁକ୍ତି ସୁଯୋଗ ପ୍ରଦାନ କରିବା।

ଓଡ଼ିଶା ଦକ୍ଷତା ବିକାଶ ପ୍ରାଧିକରଣ (ଓଏସ୍‌ଡିଏ) ଏବଂ ନାବାର୍ଡ ସହଯୋଗରେ ଆତ୍ମର୍ନିଭର ଭାରତର ପରିକଳ୍ପନା ସହିତ ତାଳମେଳ ରଖି ଏହି ଗୁରୁତ୍ୱପୂର୍ଣ୍ଣ ପଦକ୍ଷେପ ଦ୍ୱାରା ୧୫ଟି ବ୍ୟାଚ୍‌ ଛାତ୍ରଛାତ୍ରୀଙ୍କୁ ଖାଦ୍ୟ ଏବଂ ପାନୀୟ ବ୍ୟବସାୟରେ ସଫଳତାର ସହ ତାଲିମ ଦିଆଯାଇଛି। ଏଗାରଟି ରାଜ୍ୟରେ ୧୨ରୁ ଅଧିକ ନିଯୁକ୍ତି ଅଂଶୀଦାରଙ୍କ ଏକ ବ୍ୟାପକ ନେଟୱାର୍କ ଦ୍ୱାରା ୬୩୨ ଜଣ ତାଲିମପ୍ରାପ୍ତ ଯୁବକମାନଙ୍କ ମଧ୍ୟରୁ ୪୭୫ ଜଣ ସଫଳ ଭାବରେ ପ୍ରତିଷ୍ଠିତ ସଂସ୍ଥା ଅବସୋଲ୍ୟୁଟ୍‌ ବାର୍ବେକ୍ୟୁ ନେସନ୍‌, ଗଲ୍ଫ କ୍ଲବ୍‌, କ୍ଲବ୍‌ ମହିନ୍ଦ୍ରା, ବେଲଜିୟମ୍‌ ୱାଫଲ୍‌ ଇତ୍ୟାଦିରେ ସ୍ଥାନ ପାଇଛନ୍ତି। ହାରାହାରି ୧.୨୦ ଲକ୍ଷ ଟଙ୍କାର ବାର୍ଷିକ ପ୍ୟାକେଜର ଜୀବିକା ସୁରକ୍ଷିତ କରିବାରେ ସେମାନଙ୍କୁ ସାହାଯ୍ୟ କରି, ଏହି ନିଯୁକ୍ତି ସେମାନଙ୍କୁ ସାମାଜିକ-ଅର୍ଥନୈତିକ ମୁଖ୍ୟଧାରାରେ ସାମିଲ ସହିତ ସେମାନଙ୍କ ପାରିବାରିକ ଆୟରେ ଉଲ୍ଲେଖନୀୟ ବୃଦ୍ଧି କରିଛି।

କଳାହାଣ୍ଡି: ହାତ ଛାଡ଼ିଲେ କଂଗ୍ରେସର ଆଉ ଜଣେ ପୂର୍ବତନ ବିଧାୟକ। ତାଙ୍କ ନାମ ଶିବାଜୀ ମାଝୀ । ପିସିସି ସଭାପତିଙ୍କୁ ସେ ତାଙ୍କ ଇସ୍ତଫା ପତ୍ର ଇ-ମେଲ୍ ଯୋଗେ ପଠାଇ ଦେଇଛନ୍ତି। ୨୦୦୭ରେ ଶିବାଜୀ କଂଗ୍ରେସରେ ଯୋଗ ଦେଇଥିଲେ । ୨୦୦୯ରୁ ୨୦୧୪ ପର୍ଯ୍ୟନ୍ତ କଂଗ୍ରେସର ବିଧାୟକ ଥିଲେ । ଦଳର ଅଣଦେଖା ଯୋଗୁଁ କଂଗ୍ରେସରୁ ଇସ୍ତଫା ଦେଇଛନ୍ତି ଶିବାଜୀ ମାଝୀ ।

ଶିବାଜୀ ମାଝୀ ୨୦୦୯ରେ କଂଗ୍ରେସ ଟିକେଟ୍‌ରେ ଲାଞ୍ଜିଗଡ଼ରୁ ବିଧାନସଭାକୁ ନିର୍ବାଚିତ ହୋଇଥିଲେ। ୨୦୧୯ ନିର୍ବାଚନରେ ସେ ପୁଣି ଏହି ଆସନରୁ କଂଗ୍ରେସ ଟିକେଟ୍‌ରେ ପ୍ରାର୍ଥୀ ହୋଇଥିଲେ ମଧ୍ୟ ହାରି ଯାଇଥିଲେ। ଶ୍ରୀ ମାଝୀ କେଉଁ ଦଳକୁ ଯିବେ, ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ସୂଚନା ଯୋଗ୍ୟ ଯେ, ପୂର୍ବରୁ କଂଗ୍ରେସ ନେତା ତଥା ପୂର୍ବତନ ସାଂସଦ ପ୍ରଦୀପ ମାଝି ମଧ୍ୟ କଂଗ୍ରେସରୁ ଇସ୍ତଫା ଦେଇଥିବା ବେଳେ ଆଜି ବିଜୁ ଜନତା ଦଳରେ ଯୋଗଦେଇଛନ୍ତି । ଏକ ବିରାଟ ରାଲିରେ ସମର୍ଥକଙ୍କ ସହ ଆସିବା ସହ ବିଜେଡିରେ ମିଶିଛନ୍ତି ପ୍ରଦୀପ ମାଝୀ । ନବରଙ୍ଗପୁର ଚାଉଁରିଆଗୁଡ଼ାରେ ଆୟୋଜିତ ସ୍ୱତନ୍ତ୍ର ମିଶ୍ରଣ ପର୍ବରେ ଶଙ୍ଖ ଧରିଛନ୍ତି ପ୍ରଦୀପ ।