ଭାରତୀୟ ବାୟୁସେନା (IAF) ର ହିରୋ ତଥା ଗ୍ରୁପ୍ କ୍ୟାପଟେନ୍ ଅଭିନନ୍ଦନ ବର୍ଦ୍ଧମାନ ସାମରିକ ସେବାରୁ ଅବସର ନେଇଛନ୍ତି। ୨୦୧୯ ମସିହାରେ ପାକିସ୍ତାନର F-16 ଫାଇଟର ଜେଟ୍ କୁ ଖସାଇ ଚର୍ଚ୍ଚାକୁ ଆସିଥିବା ଏହି ସାହସୀ ଯୋଦ୍ଧା ଏବେ ବେସାମରିକ ବିମାନ ଚଳାଚଳ କ୍ଷେତ୍ରରେ ନିଜର ନୂତନ ଯାତ୍ରା ଆରମ୍ଭ କରିଛନ୍ତି। ମିଳିଥିବା ସୂଚନା ଅନୁଯାୟୀ, ସେ ଗୋଆ ଭିତ୍ତିକ ଘରୋଇ ଆଞ୍ଚଳିକ ଏୟାରଲାଇନ୍ସ FLY91 ରେ ଜଣେ ବାଣିଜ୍ୟିକ ପାଇଲଟ୍ ଭାବରେ ଯୋଗ ଦେଇଛନ୍ତି।

ପ୍ରାୟ ୨୨ ବର୍ଷ ଧରି ଭାରତୀୟ ବାୟୁସେନାରେ ସେବା ପ୍ରଦାନ କରିବା ପରେ ସେ ଚଳିତ ବର୍ଷ ମାର୍ଚ୍ଚ ୩୧ ତାରିଖରେ ଅବସର ଗ୍ରହଣ କରିଥିଲେ। ପ୍ରତିରକ୍ଷା ମନ୍ତ୍ରଣାଳୟ ଠାରୁ ଆବଶ୍ୟକୀୟ ଏନଓସି (NOC) ପାଇବା ପରେ ସେ ଗତ ଅଗଷ୍ଟ ମାସରେ ଏହି ପ୍ରାଇଭେଟ୍ ଏୟାରଲାଇନ୍ସରେ ସାମିଲ ହୋଇଥିଲେ। FLY91 ଏକ ନୂତନ ବିମାନ ସେବା କମ୍ପାନୀ, ଯାହାକି ମୁଖ୍ୟତଃ ATR 72-600 ବିମାନ ବ୍ୟବହାର କରି ଭାରତର ଟାୟାର-୨ ଏବଂ ଟାୟାର-୩ ସହରଗୁଡ଼ିକୁ ଆକାଶମାର୍ଗରେ ସଂଯୋଗ କରିଥାଏ।

୨୦୧୯ ବାଲାକୋଟ୍ ଏୟାର ଷ୍ଟ୍ରାଇକ୍ ଏବଂ ଅପୂର୍ବ ବୀରତ୍ୱ

ଫେବୃଆରୀ ୧୪, ୨୦୧୯ ରେ ହୋଇଥିବା ପୁଲୱାମା ଆକ୍ରମଣର ଜବାବରେ ଭାରତୀୟ ବାୟୁସେନା ପାକିସ୍ତାନର ବାଲାକୋଟ୍ ଠାରେ ଐତିହାସିକ ଏୟାର ଷ୍ଟ୍ରାଇକ୍ କରିଥିଲା। ଏହାର ପରଦିନ ଅର୍ଥାତ୍ ଫେବୃଆରୀ ୨୭ ରେ ପାକିସ୍ତାନୀ ବାୟୁସେନା ଭାରତୀୟ ଆକାଶସୀମାରେ ଅନୁପ୍ରବେଶ କରିବାକୁ ଉଦ୍ୟମ କରିଥିଲା। ସେହି ସମୟରେ ୱିଙ୍ଗ୍ କମାଣ୍ଡର ଥିବା ଅଭିନନ୍ଦନ ବର୍ଦ୍ଧମାନ ନିଜର ପୁରୁଣା ପିଢ଼ିର MiG-21 Bison ଯୁଦ୍ଧବିମାନରେ ପାକିସ୍ତାନର ଅତ୍ୟାଧୁନିକ F-16 କୁ ଗୋଡ଼ାଇ ଖସାଇ ଦେଇଥିଲେ।

ଏହି ସାହସିକ ଲଢ଼େଇ ସମୟରେ ତାଙ୍କ ବିମାନଟି ମଧ୍ୟ କ୍ଷତିଗ୍ରସ୍ତ ହୋଇଥିଲା ଏବଂ ତାଙ୍କୁ ପାକିସ୍ତାନ ଅଧିକୃତ କାଶ୍ମୀରରେ (PoK) ଓହ୍ଲାଇବାକୁ ପଡ଼ିଥିଲା। ପାକିସ୍ତାନ ସେନା ତାଙ୍କୁ ବନ୍ଦୀ କରି ରଖିଥିଲେ ମଧ୍ୟ ଭାରତ ଏବଂ ଆନ୍ତର୍ଜାତୀୟ ଚାପ ଫଳରେ ମାତ୍ର ୬୦ ଘଣ୍ଟା ପରେ ମାର୍ଚ୍ଚ ୧, ୨୦୧୯ ରେ ତାଙ୍କୁ ସସମ୍ମାନେ ଭାରତକୁ ଫେରାଇ ଦେବାକୁ ପାକିସ୍ତାନ ବାଧ୍ୟ ହୋଇଥିଲା। ଏହି ଘଟଣା ପରେ ସେ ସମଗ୍ର ଦେଶରେ ଜଣେ ପ୍ରକୃତ ହିରୋ ଭାବେ ଉଭା ହୋଇଥିଲେ।

ବୀର ଚକ୍ର ସମ୍ମାନ ଏବଂ ନୂଆ ଇନିଂସ

ଶତ୍ରୁ ପକ୍ଷର ବିମାନକୁ ନଷ୍ଟ କରିବା ଏବଂ ଅସାଧାରଣ ସାହସିକତା ପ୍ରଦର୍ଶନ କରିଥିବାରୁ ଭାରତ ସରକାର ତାଙ୍କୁ ୨୦୨୧ ମସିହାରେ ଦେଶର ତୃତୀୟ ସର୍ବୋଚ୍ଚ ଯୁଦ୍ଧକାଳୀନ ସାହସିକତା ପୁରସ୍କାର ବୀର ଚକ୍ର (Vir Chakra) ରେ ସମ୍ମାନିତ କରିଥିଲେ। ପରବର୍ତ୍ତୀ ସମୟରେ ତାଙ୍କୁ ଗ୍ରୁପ୍ କ୍ୟାପଟେନ୍ ପଦବୀକୁ ପଦୋନ୍ନତି ମିଳିଥିଲା।

ବର୍ତ୍ତମାନ ସେ ବେସାମରିକ ବିମାନ ଚଳାଚଳ କ୍ଷେତ୍ରରେ ନିଜର ଦ୍ୱିତୀୟ ଇନିଂସ ଆରମ୍ଭ କରିବାକୁ ଯାଉଛନ୍ତି। ଅବଶ୍ୟ ତାଙ୍କର ନୂତନ ଭୂମିକା ଏବଂ ଦାୟିତ୍ୱ ସମ୍ପର୍କରେ FLY91 କମ୍ପାନୀ ପକ୍ଷରୁ ବିଶେଷ କିଛି ତଥ୍ୟ ସାର୍ବଜନୀନ କରାଯାଇନାହିଁ। କର୍ମଚାରୀଙ୍କ ବ୍ୟକ୍ତିଗତ ଗୋପନୀୟତାକୁ ଦୃଷ୍ଟିରେ ରଖି କମ୍ପାନୀର ମୁଖପାତ୍ର ଏହି ବିଷୟରେ ଅଧିକ ଟିପ୍ପଣୀ ଦେବାକୁ ମନା କରିଦେଇଛନ୍ତି। ତେବେ ଜଣେ ଯୁଦ୍ଧବିମାନ ପାଇଲଟ୍ ରୁ ବାଣିଜ୍ୟିକ ପାଇଲଟ୍ ଭାବରେ ତାଙ୍କର ଏହି ନୂଆ ଯାତ୍ରା ପାଇଁ ବିଭିନ୍ନ ମହଲରୁ ଶୁଭେଚ୍ଛା ମିଳୁଛି।

ନୂଆଦିଲ୍ଲୀ: ବାୟୁସନୋ ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ଆଜି ‘ବୀର ଚକ୍ର’ ସମ୍ମାନରେ ସମ୍ମାନିତ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ଏହି କାର୍ଯ୍ଯକ୍ରମ ରାଷ୍ଟ୍ରପତି ଭବନରେ ଆୟୋଜିତ  ହୋଇଥିଲା । ବିଭିନ୍ନ ପରିସ୍ଥିତିରେ ସାହସିକତାର ସହ ମୁକାବିଲା କରିଥିବା ଭାରତୀୟଙ୍କୁ ସମ୍ମାନିତ କରୁଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।

Delhi: Wing Commander (now Group Captain) Abhinandan Varthaman being accorded the Vir Chakra by President Ram Nath Kovind, for shooting down a Pakistani F-16 fighter aircraft during aerial combat on February 27, 2019. pic.twitter.com/CsDC0cYqds

— ANI (@ANI) November 22, 2021

ସମାରୋହରେ ଓଡ଼ିଆ ବାୟୁସନୋ ଅଧିକାରୀ ସମ୍ମାନିତ ହୋଇଛନ୍ତି । ବାୟୁସେନାର ଭାଇସ୍ ମାର୍ସାଲ ଦିଲ୍ଲୀପ ପଟ୍ଟନାୟକଙ୍କୁ ଅତି ବିଶିଷ୍ଟ ସେବା ମଡେଲରେ ସମ୍ମାନିତ କରିଛନ୍ତି ରାଷ୍ଟ୍ରପତି । ବୀରଚକ୍ର ସମ୍ମାନରେ ସମ୍ମାନିତ ହୋଇଥିବା ଅଭିନନ୍ଦନ ବର୍ଦ୍ଧମାନ ୨୦୧୯ରେ ପାକିସ୍ତାନର ଯୁଦ୍ଧବିମାନ ଏଫ୍-୧୬ କୁ ନଷ୍ଟ କରିଥିଲେ । ମିଗ୍-୨୧ରେ ପାକିସ୍ତାନର  ଏଫ୍-୧୬ ଯୁଦ୍ଧ ବିମାନକୁ ଧ୍ୱଂସ କରିଦେଇଥିଲେ । ଏହାପରେ ସେ ପିଓକେରେ ପହଞ୍ଚି ଯାଇଥିବାରୁ ପାକିସ୍ତାନୀ ସନୋ ତାଙ୍କୁ ଗିରଫ କରିନେଇଥିଲା ।

ପ୍ରାୟ ୬୦ ଘଣ୍ଟା ପରେ ପାକିସ୍ତାନ ଅଭିନନ୍ଦନଙ୍କୁ ଛାଡ଼ିଥିଲା । ଅଭିନନ୍ଦନଙ୍କ ଧୈର୍ଯ୍ଯ, ସାହସ, ପରାକ୍ରମ ଓ ଦେଶଭକ୍ତିକୁ ପୁରା ଦେଶ ସାଲ୍ୟୁଟ କରୁଥିବା ବଳେେ ତାଙ୍କୁ ବୀର ଚକ୍ର ସମ୍ମାନରେ ସମ୍ମାନିତ କରିଛନ୍ତି ରାଷ୍ଟ୍ରପତି । ଏୟାର ମାର୍ସଲ ହରଜିତ ସିଂ ଆରୋଡାଙ୍କୁ ଅତି ବିଶିଷ୍ଟ ସେବା ସମ୍ମାନରେ ସମ୍ମାନିତ କରାଯାଇଛି । ପାକିସ୍ତାନ ବାୟୁସନୋର ବିମାନ ଆକ୍ରମଣକୁ ରୋକିବାରେ ଉଲ୍ଲେଖନୀୟ ସଫଳତା ପାଇଁ ଅଭିନନ୍ଦନଙ୍କ ୟୁନିଟ୍ ୫୧ ସ୍କ୍ୱାର୍ଡନକୁ ମଧ୍ୟ ସମ୍ମାନିତ କରାଯାଇଛି ।

ନୂଆଦିଲ୍ଲୀ : ଭାରତୀୟ ବାୟୁସେନା ପାଇଲଟ ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ସେନା ପକ୍ଷରୁ ଦିୱାଲୀ ଉପହାର ଦିଆଯାଇଛି। ଭାରତୀୟ ବାୟୁସେନାର ଓ୍ଵିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ମିଳିଛି ପଦନ୍ନୋତି। ଏବେ ତାଙ୍କୁ ଗ୍ରୁପ କ୍ୟାପଟେନ୍‌ ପଦରେ ନିଯୁକ୍ତି ଦିଆଯାଇଛି। ଗ୍ରୁପ୍ କ୍ୟାପ୍ଟେନର ପଦବୀ ଭାରତୀୟ ସ୍ଥଳ ସେନାରେ କର୍ଣ୍ଣେଲ ପଦବୀ ସହିତ ସମାନ।

୨୦୧୯ ବାଲାକୋଟ ଏୟାର ଷ୍ଟ୍ରାଇକ୍‌ ପରେ ପାକିସ୍ତାନର ପାଲଟା ଆକ୍ରମଣର ଦୃଢ଼ ଜବାବ ଦେଇଥିବା ଭାରତୀୟ ବାୟୁସେନାର ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନ। ଅଭିନନ୍ଦନ ଏକମାତ୍ର ପାଇଲଟ ଯିଏ ଭାରତର ମିଗ-୨୬ ଯୁଦ୍ଧ ବିମାନ ଦ୍ୱାରା ପାକିସ୍ତାନର ଏଫ-୧୬କୁ ଖସାଇ ଦେବାକୁ ସକ୍ଷମ ହୋଇଥିଲେ।

ଫେବୃଆରୀ ୨୦୧୯ ରେ ଆତଙ୍କବାଦୀମାନେ ଜାମ୍ମୁକାଶ୍ମୀର ପୁଲୱାମାରେ ସୁରକ୍ଷା ବାହିନୀ ଯାଉଥିବା ଏକ ଗାଡିକୁ  ଆତ୍ମଘାତୀ ବିସ୍ଫୋରଣରେ ଉଡାଇଦେଇଥିଲେ। ଏଥିରେ ୪୦ ଜଣ ଭାରତୀୟ ଯବାନ ସହିଦ ହୋଇଥିଲେ। ଏହା ପରେ ଭାରତୀୟ ସେନା ପାକିସ୍ତାନରେ ଏୟାର ଷ୍ଟ୍ରାଇକ୍ କରିଥିଲା। ଏହାର ଦିନକ ପରେ ଅର୍ଥାତ ୨୦୧୯ ମସିହା ଫେବୃଆରୀ ୨୭ରେ ପାକିସ୍ତାନ ଏଫ-୧୬ ଯୁଦ୍ଧ ବିମାନ ଦ୍ୱାରା ଭାରତ ଉପରେ ହମଲା କରିବାକୁ ଚେଷ୍ଟା କରିଥିଲା। କିନ୍ତୁ ଭାରତ ପକ୍ଷରୁ ଆକାଶ ପଥରେ ହିଁ ପାକିସ୍ତାନକୁ ଦୃଢ଼ ଜବାବ ଦିଆଯାଇଥିଲା। ଏହି ଲଢ଼େଇ ସମୟରେ ଅଭିନନ୍ଦନ ମିଗ୍‌-୨୧ ବିମାନ ଦ୍ୱାରା ପିଓକେରେ ପ୍ରବେଶ କରି ପାକ୍‌ର ଏଫ-୧୬ ଯୁଦ୍ଧ ବିମାନକୁ ଖସାଇ ଦେଇଥିଲେ। ଏହି ସମୟରେ ତାଙ୍କର MiG-21 ବିମାନ ପାକିସ୍ତାନ ଅଧିକୃତ କାଶ୍ମୀର(ପିଓକେ)ରେ  ଦୁର୍ଘଟଣାଗ୍ରସ୍ତ ହୋଇଥିଲା।  ଅଭିନନ୍ଦନ ପିଓକେ ଏକ ଗାଁରେ ପାରାଚ୍ୟୁଟ୍ ଦ୍ୱାରା ଅବତରଣ କରିଥିଲେ। ସେଠାରେ ତାଙ୍କୁ ପାକିସ୍ତାନୀ ସୁରକ୍ଷା ବାହିନୀ ବନ୍ଦୀ କରି ନେଇଥିଲେ। ଏହା ପରେ ଭାରତର ପ୍ରବଳ ଚାପ ଯୋଗୁଁ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ ଅଭିନନ୍ଦନଙ୍କୁ ମୁକ୍ତ କରିଥିଲେ।

୨୦୧୯ ସୀମାରେ ପରାକ୍ରମ ଦେଖାଇଥିବାରୁ ଅଭିନନ୍ଦନଙ୍କୁ ପୂର୍ବରୁ  ସୂର୍ଯ୍ୟ ଚକ୍ରରେ ମଧ୍ୟ ସମ୍ମାନୀତ କରାଯାଇଥିଲା। ବର୍ତ୍ତମାନ ତାଙ୍କ ସାହାସିକତା ଏବଂ ପରାକ୍ରମ ପାଇଁ ଭାରତୀୟ ବାୟୁସେନାର ଓ୍ଵିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ଗ୍ରୁପ୍ କ୍ୟାପ୍ଟେନର ପଦବୀକୁ ପ୍ରମୋସନ କରାଯାଇଛି।