ଇସଲାମାବାଦ : କ୍ଷମତାରୁ ହଟିବା ପରେ ପୁଣିଥରେ ପାକିସ୍ତାନ ସରକାରଙ୍କୁ ଟାର୍ଗେଟ କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌। ତାଙ୍କୁ କ୍ଷମତାରୁ ହଟାଇବା ପାଇଁ ବିଦେଶୀ ଷଡଯନ୍ତ୍ର ହୋଇଥିବା ନେଇ ଅଭିଯୋଗ କରିଆସୁଥିବା ଇମ୍ରାନ କହିଛନ୍ତି ଯେ ତାଙ୍କୁ କ୍ଷମତାକୁ ହଟାଇବା ପାଇଁ ସେ ଆଉ ଆମେରିକା ପ୍ରଶାସନକୁ ଦାୟୀ କରୁନାହାଁନ୍ତି। ଆମେରିକା ସହିତ ଆମର ସମ୍ପର୍କ ଚାକର ଓ ମାଲିକ ଭଳି ରହିଛି।ପାକିସ୍ତାନକୁ ଭଡ଼ା ବନ୍ଧୁକ ଭାବେ ବ୍ୟବହାର କରାଯାଉଛ॥ ଆଉ ଏଥିପାଇଁ ଆମ ପାକିସ୍ତାନ ସରକାର ହିଁ ଦାୟୀ ବୋଲି ଇମ୍ରାନ କହିଛନ୍ତି।

ଫାଇନାନ୍ସିଆଲ୍ ଟାଇମ୍ସକୁ ଦେଇଥିବା ଏକ ସାକ୍ଷାତକାରରେ ସେ କହିଛନ୍ତି ଯେ ସେ ଓ୍ବାଶିଂଟନ୍ ଓ ଇସଲାମାବାଦ ଭିତରେ ଏକ ‘ଗାରିମାପୂର୍ଣ୍ଣ’ ସମ୍ପର୍କ ଚାହାନ୍ତି। ପୂର୍ବରୁ ତାଙ୍କୁ ଗାଦିରୁ ହଟାଇବା ପାଇଁ କରାଯାଇଥିବା ଷଡଯନ୍ତ୍ରରେ ଆମେରିକାର ଭୂମିକା ଉପରେ ନିଜର ପୁରୁଣା ଟିପ୍ପଣୀ ନେଇ ଇମ୍ରାନ୍ କହିଛନ୍ତି, ଯେଉଁ ପର୍ଯ୍ୟନ୍ତ ମୋର ପ୍ରଶ୍ନ,ଏହା ଶେଷ ହୋଇଯାଇଛି, ଏହା ମୋ ପାଇଁ ଏବେ ପୁରୁଣା କଥା।’ ଇମାନ୍ କହିଛନ୍ତି,ଆମେରିକା ସହିତ ଆମର ସମ୍ପର୍କ ମାଲିକ ଓ ଚାକର ଭଳି ରହିଛି। ଆମକୁ ଭଡାରେ ବନ୍ଧୁକ ଭଳି ବ୍ୟବହାର କରାଯାଇଛି। କିନ୍ତୁ ଏଥିପାଇଁ ମୁଁ ଆମେରିକାଠାରୁ ଅଧିକ ନିଜର ସରକାରଙ୍କୁ ଦାୟୀ କରୁଛି।’ ରୁଷ ପକ୍ଷରୁ ୟୁକ୍ରେନ୍ ଉପରେ ଆକ୍ରମଣ କରିବାର ପୂର୍ବ ସନ୍ଧ୍ୟାରେ ଇମ୍ରାନ୍ ଖାନ୍ ମସ୍କୋ ଯାତ୍ରା କରିଥିଲେ। ଇମ୍ରାନଙ୍କ ମସ୍କୋ ଗସ୍ତକୁ ଯୁଦ୍ଧ ସହିତ ଯୋଡା ଯିବାପରେ ଇମ୍ରାନ୍ ଖାନ୍ କହିଛନ୍ତି, ଏହା ଲଜ୍ୟାଜନକ ଥିଲା। କାରଣ ମାସକ ପୂର୍ବରୁ ତାଙ୍କର ଯାତ୍ରା ଧାର୍ଯ୍ୟ ହୋଇସାରିଥିଲା।

ଇମ୍ରାନ୍ ଖାନ୍ ଏହା ମଧ୍ୟ କହିଛନ୍ତି ଯେ, ସେନା ପାକିସ୍ତାନ ପାଇଁ ତାଙ୍କର ଭବିଷ୍ୟତ ଯୋଜନାରେ ରଚନାତ୍ମକ ଭୂମିକା ଗ୍ରହଣ କରିପାରେ। ନାଗରିକ ଓ ସେନା ସମ୍ପର୍କରେ ସନ୍ତୁଳନ ନେଇ ଇମ୍ରାନ୍ କହିଛନ୍ତି, ଆପଣଙ୍କ ପାଖରେ ଏବେ ଏକ ନିର୍ବାଚନ ସରକାର ନାହାନ୍ତି। ଏଭଳି ସମୟରେ ସେନା ପାଖରେ ଲୋକଙ୍କର ବଡ ଦାୟିତ୍ବ ରହିଛି। ନଓ୍ବାଜ ସରିଫଙ୍କ ବିଷୟରେ ଇମ୍ରାନ୍ କହିଛନ୍ତି, ଏହା ପୁରା ପାକିସ୍ତାନ ପାଇଁ ଚିନ୍ତାର ବିଷୟ ଯେ, ସୁପ୍ରିମକୋର୍ଟଙ୍କ ଦ୍ବାରା ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍ତି ପାକିସ୍ତାନର ଭବିଷ୍ୟତ ବିଷୟରେ ନିଷ୍ପତ୍ତି ନେବା ପାଇଁ ପ୍ରସ୍ତୁତ ଅଛନ୍ତି,ଯେଉଁଥିରେ ନୂଆ ସେନା ମୁଖ୍ୟଙ୍କ ନିଯୁକ୍ତି ମଧ୍ୟ ରହିଛି।

ଇସଲାମାବାଦ:  ପାକିସ୍ତାନର ମୌଳବାଦୀ ସଂଗଠନ ତେହରିକ୍‌-ଇ-ଳବାଇକ(ଟିଏଲପି) ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ନିଦ ହଜାଇ ଦେଇଛି। ଏହି ସଂଗଠନ ଜରିଆରେ ବିକ୍ଷୋଭ କରି ନୱାଜ୍‌ ସରିଫ ସରକାରକୁ ଗାଦିଚ୍ୟୁତ କରିବା ସହିତ ଇମ୍ରାନ କ୍ଷମତାସୀନ ହୋଇଥିଲା ବେଳେ ଏବେ ଖୋଦ ନିଜେ ଏହି ଫାଶରେ ପଡିଛନ୍ତି। ଯେଉଁଥିପାଇଁ ଟିଏଲପି ଇମ୍ରାନଙ୍କ ପାଇଁ ଭସ୍ମାସୁର ପାଲଟିଛି। ଏହି ସଂଗଠନ ସହ ହାତ ମିଳାଇଥିବା ଇମ୍ରାନ ଏକଦା ଟିଏଲପିକୁ ସମର୍ଥନ ଦେଇଆସିଥିଲା ବେଳେ ଏବେ ଏହାକୁ ଆତଙ୍କୀ ସଂଗଠନ ବୋଲି କହିଛନ୍ତି।

ଯାହାକୁ ନେଇ ଟିଏଲପି ଇମ୍ରାନଙ୍କୁ ଗାଦିଚ୍ୟୁତ କରିବାକୁ ଅଣ୍ଟା ଭହିଛି। ଗତ ଏପ୍ରିଲରେ ଟିଏଲପି ନେତା ସାଦ୍‌ ରିଜଭିଙ୍କୁ ପାକିସ୍ତାନ ସରକାର ଗିରଫ କରିଥିଲା ବେଳେ ତାଙ୍କୁ ତୁରନ୍ତ ମୁକ୍ତି କରିବା, ଫ୍ରାନ୍ସ ସହ ସମସ୍ତ କୂଟନୈତିକ ସମ୍ପର୍କ ଛିନ୍ନ କରିବା ଏବଂ ତାହାର ସମସ୍ତ ସାମଗ୍ରୀ ବର୍ଜନ କରିବାକୁ ଟିଏଲପି ସରକାରଙ୍କ ଉପରେ ଚାପ ପକାଇବା ସହିତ ଗତ ୨୨ ତାରିଖରୁ ଆନ୍ଦୋଳନ ଜାରି ରଖିଛି। ଲାହୋରରୁ ହଜାର ହଜାର ଟିଏଲପି ସମର୍ଥକ ବାହାରି ବିଭିନ୍ନ ସହରରେ ହଙ୍ଗାମା କରିବା ସହିତ ଦେଶର ସମସ୍ତ ଜାତୀୟ ରାଜପଥକୁ ବନ୍ଦ କରି ଦେଇଛନ୍ତି। ସ୍ଥିତି ଏଭଳି ହୋଇଛି ଯେ, ପାକିସ୍ତାନ ଗୃହମନ୍ତ୍ରର ଶେଖ ରସିଦ ବିଭିନ୍ନ ସହରରେ ସେନା ମୁତୟନ କରିବାକୁ ବାଧ୍ୟ ହୋଇଛନ୍ତି।

ବର୍ତ୍ତମାନ ସୁଦ୍ଧା ବିଭିନ୍ନ ସ୍ଥାନରେ ହିଂସାକାଣ୍ଡ ସହିତ ଉଭୟ ପକ୍ଷ ମୁହାଁମୁହିଁ ହୋଇଥିବା ବେଳେ ୫ ଜଣ ପୁଲିସ ନିହତ ହୋଇଛନ୍ତି ଏବଂ ଶତାଧିକ ଲୋକ ଆହତ ହୋଇଛନ୍ତି। ଯାହାକୁ ନେଇ ପାକିସ୍ତାନରେ ଗୃହଯୁଦ୍ଧ ପରିସ୍ଥିତି ସୃଷ୍ଟି ହୋଇଛି। ଗୋଟିଏ ପଟେ ଅର୍ଥାଭାବ ଏବଂ ଦରବୃଦ୍ଧିକୁ ନେଇ ଇମ୍ରାନ ସରକାର ସାଧାରଣ ଲୋକଙ୍କ ବିଶ୍ବାସ ହାରାଇଥିବା ବେଳେ ଏବେ ଟିଏଲପି ଇମ୍ରାନଙ୍କ ନିଦ ହଜାଇ ଦେଇଛି। ସେପଟେ ତେହରିକ୍‌-ଇ- ତାଲିବାନ ମଧ୍ୟ ପଶ୍ଚିମ ସୀମାରେ ଯୁଦ୍ଧର ତାଣ୍ଡବ ଚଳାଇଛି। ତେବେ ଟିଏଲପି ଇସଲାମାବାଦ ପହଞ୍ଚିବା ପୂର୍ବରୁ ଏହି ସଂଗଠନ ସହ ପାକିସ୍ତାନ ସରକାର ସୋମବାର ବୁଝାମଣା କରିଥିବା କୁହାଯାଇଛି।