ସୋସିଆଲ୍ ମିଡିଆରେ ଏବେ ଏକ ଖବର ଖୁବ୍ ଜୋରରେ ଭାଇରାଲ୍ ହେବାରେ ଲାଗିଛି। ଦାବି କରାଯାଉଛି ଯେ ଇରାନ ଯୁଦ୍ଧ ମଧ୍ୟରେ ତେହେରାନ ସ୍ଥିତ ଉତ୍ତର କୋରିଆ ଦୂତାବାସ ଉପରେ ଇସ୍ରାଏଲ୍ ମିସାଇଲ୍ ମାଡ଼ କରିଛି। ଏହା ପରେ ଉତ୍ତର କୋରିଆର ଶାସକ କିମ୍ ଜୋଙ୍ଗ୍ ଉନ୍ ଇସ୍ରାଏଲକୁ ଏହା ଏକ 'ବଡ଼ ଭୁଲ୍' ବୋଲି ଚେତାବନୀ ଦେଇଛନ୍ତି।

ସୋସିଆଲ୍ ମିଡିଆରେ ଭାଇରାଲ୍ ଦାବି

ଏକ୍ସ (X) ସମେତ ବିଭିନ୍ନ ସୋସିଆଲ୍ ମିଡିଆ ପ୍ଲାଟଫର୍ମରେ ୟୁଜରମାନେ ଦାବି କରୁଛନ୍ତି ଯେ ଇସ୍ରାଏଲର ଆକ୍ରମଣ ପରେ କିମ୍ ଜୋଙ୍ଗ୍ ଉନ୍ ଏକ କଡ଼ା ଚେତାବନୀ ଜାରି କରିଛନ୍ତି। ସୂଚନାଯୋଗ୍ୟ ଯେ, ଆମେରିକା ଏବଂ ଇସ୍ରାଏଲର ମିଳିତ ଆକ୍ରମଣରେ ଇରାନର ସର୍ବୋଚ୍ଚ ନେତା ଆୟାତୁଲ୍ଲା ଖାମେନୀଙ୍କ ନିହତ ହେବା ଖବର ପରେ ତିନି ଦେଶ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଏହା ପରେ ଉଭୟ ଇସ୍ରାଏଲ୍ ଏବଂ ଇରାନ ପରସ୍ପରର ଶକ୍ତି ଭିତ୍ତିଭୂମି ସମେତ ପ୍ରମୁଖ ସ୍ଥାନଗୁଡ଼ିକୁ ଟାର୍ଗେଟ୍ କରି ଆକ୍ରମଣ ଜାରି ରଖିଛନ୍ତି।

ଖବରର ସତ୍ୟତା

ତେବେ ତେହେରାନରେ ଥିବା ଉତ୍ତର କୋରିଆ ଦୂତାବାସକୁ ଟାର୍ଗେଟ୍ କରାଯାଇଥିବା ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ। ଏଆଇ ଚାଟବଟ୍ ଗ୍ରୋକ୍ (Grok) ମଧ୍ୟ ଏହି ଖବରର ଫ୍ୟାକ୍ଟ-ଚେକ୍ କରି ଏହାକୁ ଏକ 'ଅପ୍ରମାଣିତ ଗୁଜବ' ବୋଲି ବର୍ଣ୍ଣନା କରିଛି। ରଏଟର୍ସ, ଏନକେ ନ୍ୟୁଜ୍ କିମ୍ବା ଉତ୍ତର କୋରିଆର ରାଷ୍ଟ୍ରୀୟ ଗଣମାଧ୍ୟମ କେସିଏନଏ (KCNA) ପରି ପ୍ରମୁଖ ଗଣମାଧ୍ୟମ ପକ୍ଷରୁ ଏନେଇ କୌଣସି ପୃଷ୍ଟିକରଣ ଦିଆଯାଇନାହିଁ।

ଇରାନକୁ ଉତ୍ତର କୋରିଆର ସମର୍ଥନ

ଗୁଜବ ମିଥ୍ୟା ହୋଇଥିଲେ ମଧ୍ୟ, ଇରାନରେ ଆମେରିକା ଓ ଇସ୍ରାଏଲର ଆକ୍ରମଣକୁ ଉତ୍ତର କୋରିଆ 'ବେଆଇନ ଆକ୍ରମଣ' କହି ନିନ୍ଦା କରିଛି। ଆଲ୍ ଜଜିରା (Al Jazeera) ରିପୋର୍ଟ ଅନୁଯାୟୀ, ଇରାନର ନୂତନ ସର୍ବୋଚ୍ଚ ନେତା ଭାବରେ ମୋଜତାବା ଖାମେନୀଙ୍କ ଚୟନକୁ ଉତ୍ତର କୋରିଆ ସମର୍ଥନ ଜଣାଇଛି। ଦେଶର ବୈଦେଶିକ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ ସେମାନେ ଇରାନବାସୀଙ୍କ ନିଷ୍ପତ୍ତିକୁ ସମ୍ମାନ ଜଣାଉଛନ୍ତି। ଏଥିସହ ଆମେରିକା ଓ ଇସ୍ରାଏଲର କାର୍ଯ୍ୟକଳାପ ଆଞ୍ଚଳିକ ଶାନ୍ତି ଓ ସୁରକ୍ଷା ପ୍ରତି ବିପଦ ସୃଷ୍ଟି କରୁଛି ବୋଲି ମଧ୍ୟ ଅଭିଯୋଗ କରାଯାଇଛି।

ସିଓଲ(ଏଜେନ୍ସି): ଉତ୍ତର କୋରିଆର ଏକଛତ୍ରଶାସକ କିମ୍‌ ଜୋଙ୍ଗ-ଉନ୍‌ ନୂଆ ନିର୍ଦ୍ଦେଶ ଜାରି କରିଛନ୍ତି। ସେ ଦେଶରେ ଶିଶୁଙ୍କ ଭଲ ନାମ ନ ରଖିବାକୁ କହିଛନ୍ତି। ଏହା ପ୍ରତି ବଦଳରେ ବନ୍ଧୁକ କିମ୍ବା ବୋମା ରଖିବାକୁ ଅଭିଭାବକଙ୍କୁ ନିର୍ଦ୍ଦେଶ ଦେଇଛନ୍ତି। ବଡ଼ ଲୋକଙ୍କର ନାମ ପରିବର୍ତ୍ତନ କରିବାକୁ ମଧ୍ୟ କହିଛନ୍ତି। କିମ୍‌ ଜୋଙ୍ଗ ଏ ନେଇ ମାର୍ଗଦର୍ଶିକା ମଧ୍ୟ ଜାରି କରିଛନ୍ତି। ଏହି ନାମରେ ଦେଶଭକ୍ତିର ଭାବନା ରହିଥିବା ସେ ମନେ କରୁଛନ୍ତି।

କିମ୍‌ଙ୍କ ଅନୁଯାୟୀ ଦକ୍ଷିଣ କୋରିଆରେ ମଧୁର ଏବଂ କୋମଳ ନାମ ରଖିବାର ସଂସ୍କୃତି ରହିଛି। ଏହା ଏବେ ପାଶ୍ଚାତ୍ୟ ସଂସ୍କୃତିର ପ୍ରତୀକ ପାଲଟି ଯାଇଛି। ଚଳିତ ବର୍ଷ ଶେଷ ସୁଦ୍ଧା ନୂଆ ନାମ ନ ରଖିଲେ ଜରିମାନା ଦେବାକୁ ପଡିବ। ନଚେତ୍‌ ଖରାପ ସ୍ଥିତିର ସାମ୍‌ନା କରିବାକୁ ହେବ। ଲୋକେ ଏହାକୁ ବିରୋଧ କରୁଥିବା କୁହାଯାଉଛି।

ପ୍ରଥମେ ଦେଶର ଜନସାଧାରଣଙ୍କ ପୋଷାକ ଏବଂ ହେୟାର ଷ୍ଟାଇଲ ଏବଂ ଏବେ ପିଲାମାନଙ୍କ ନାମ ଚୟନରେ ହସ୍ତକ୍ଷେପ କରିବା ଆରମ୍ଭ କରିଛନ୍ତି ଏକଛତ୍ରବାଦୀ ଶାସକ କିମ ଜୋଙ୍ଗ ଉନ । ଲୋକମାନଙ୍କୁ କୁହାଯାଇଛି ଯେ ପିଲାମାନଙ୍କର ସରଳ ନାମ ବଦଳରେ ସେମାନେ ଟିକେ କଠିନ ଏବଂ ଦେଶପ୍ରେମୀ ନାମ ରଖିବା ଉଚିତ୍ । ଉତ୍ତର କୋରିଆର ଲୋକମାନେ ସେମାନଙ୍କ ପିଲାମାନଙ୍କ ନାମ ବୋମା ଏବଂ ବନ୍ଧୁକ ଏବଂ ସାଟେଲାଇଟ୍ ରଖିବାକୁ କୁହାଯାଇଛି । ଏକଛତ୍ରବାଦୀ ଶାସକ କିମ ଜୋଙ୍ଗ ଉନଙ୍କ ନିର୍ଦ୍ଦେଶରେ ଏହା କରାଯାଉଛି । ଏହା କରିବା ଦ୍ବାରା ଦେଶଭକ୍ତିର ଆତ୍ମା ​​ପିଲାମାନଙ୍କ ନାମରେ ପ୍ରତିଫଳିତ ହେବ ବୋଲି କୁହାଯାଇଛି ।

ନୂଆଦିଲ୍ଲୀ : ଉତ୍ତର କୋରିଆରେ କରୋନା ବିସ୍ଫୋରଣ । ଗୋଟିଏ ଦିନରେ ୨ ଲକ୍ଷ ୯୬ ହଜାର ସଂକ୍ରମିତ ଚିହ୍ନଟ ହୋଇଛନ୍ତି । ଗତ ଗୁରୁବାର ଉତ୍ତର କୋରିଆରେ ପ୍ରଥମ ଲହର ଘୋଷଣା ହୋଇଥିଲା । ଏହା ପରେ ଏହି ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୮.୨୦ ଲକ୍ଷକୁ ବୃଦ୍ଧି ପାଇଛି । ସେହିପରି ଗତ ୨୪ ଘଣ୍ଟାରେ ଉତ୍ତରକୋରିଆରେ ଆଇ ୧୫ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଫଳରେ ଦେଶରେ କରୋନା ମୃତ୍ୟୁ ସଂଖ୍ୟା ୪୨ରୁ ବଢିଛି । ମାତ୍ର ୩ ଦିନ ମଧ୍ୟରେ କରୋନା ପ୍ରକୋପରେ ଏବେ ଦେଶବାସୀ ଆତଙ୍କିତ ହୋଇପଡିଛନ୍ତି ।

ହଠାତ ଏପରି ସ୍ଥିତି ଦେଖି ଚିନ୍ତାରେ ଉତ୍ତର କୋରିଆର ତାନାଶାହ ଶାସକ ରାଷ୍ଟ୍ରପତି କିମ୍ ଜଙ୍ଗ୍ ଉନ୍ ଚିନ୍ତାରେ ପଡିଯାଇଛନ୍ତି। କରୋନା ଭାଇରସର ଦ୍ରୁତ ଗତିରେ ବୃଦ୍ଧି ହେତୁ ଉତ୍ତର କୋରିଆରେ ଔଷଧ ଯୋଗାଣ କରାଯାଇ ପାରୁନାହିଁ। ଲୋକଙ୍କ ପାଖରେ ଔଷଧ ଯୋଗାଣରେ ଅଧିକାରୀ ବିଫଳ ହେବାପରେ ତାନାଶାହ ଶାସକ କିମ୍ ଜଙ୍ଗ୍ ଉନ୍ ଏଥିରେ ସେନାକୁ ନିୟୋଜନ କରିବାକୁ ନିର୍ଦେଶ ଦେଇଛନ୍ତି।

ଉତ୍ତର କୋରିଆରେ ବ୍ୟାପୁଥିବା କରୋନା ସଂକ୍ରମିତଙ୍କ ମଧ୍ୟରେ ଅଧିକାଂଶଙ୍କ ପାଖରେ ଓମିକ୍ରନ ଭ୍ୟାରିଆଂଟ ଚିହ୍ନଟ ହୋଇଛି । କରୋନା ମୁକାବିଲା ପାଇଁ ଉତ୍ତର କୋରିଆର ରାଷ୍ଟ୍ରପତି କିମ୍ ଜଙ୍ଗ୍ ଉନ୍ ଜରୁରୀକାଳୀନ ବୈଠକ ଡାକିଛନ୍ତି ବୋଲି କୋରିଆନ ସେଣ୍ଟ୍ରାଲ୍ ନ୍ୟୁଜ ଏଜେନ୍ସି ଘୋଷଣା କରିଛି । ଦୁଇ ବର୍ଷ ପୂର୍ବେ ଚୀନ୍, ଭାରତ ସମେତ ଅନେକ ଦେଶରେ କରୋନା ସଂକ୍ରମଣ ବ୍ୟାପିଥିଲା । ଏହି ସମୟରେ ଅନ୍ୟ ଦେଶର ଲୋକଙ୍କୁ ନିଜ ଦେଶର ନପୂରାଇ ଦେବାକୁ ଉତ୍ତର କୋରିଆ କଡା କଟକଣା ଲଗାଇଥିଲା । ଏବେ କିନ୍ତୁ କରୋନା ସଂକ୍ରମଣର ଶିକାର ହୋଇଛି ଉତ୍ତର କୋରିଆ ।

ପୋଙ୍ଗୟାଙ୍ଗ : ଉତ୍ତର କୋରିଆରେ ଖାଦ୍ୟ ସଙ୍କଟ ଦେଖାଦେଇଛି। ଏହି ଦିନକୁ ଦିନକୁ ଅଧିକ ଭୟଙ୍କର ହେବାରେ ଲାଗିଛି । ଲୋକେ ଖାଦ୍ୟପାଇଁ ଡହଳବିକଳ ହେଉଛନ୍ତି। ଏପରି ସମୟରେ ଲୋକମାନଙ୍କ ପାଇଁ ତୋଗଲି ନିର୍ଦ୍ଦେଶ ଜାରି କରିଛନ୍ତି ଉତ୍ତରକୋରିଆର ଏକଛତ୍ର ଶାସକ କିମ-ଜୋଙ୍ଗ-ଉନ୍‌। ୨୦୨୫ ପର୍ଯ୍ୟନ୍ତ କମ୍‌ ଖାଦ୍ୟ ଖାଇବାକୁ ସେ ଲୋକଙ୍କୁ ନିର୍ଦ୍ଦେଶ ଦେଇଛନ୍ତି। ସେ ଏହା ମାଧ୍ୟମରେ ଦେଶର ଖାଦ୍ୟ ସଙ୍କଟକୁ କମ୍‌ କରିବାକୁ ଚାହିଁଛନ୍ତି। ଉତ୍ତର କୋରିଆକୁ ଖାଦ୍ୟ ସାମଗ୍ରୀ ଯୋଗାଣ କମ୍‌ ହେଉଥିବାରୁ ଖାଦ୍ୟ ପଦାର୍ଥର ମୂଲ୍ୟ ଅହେତୁକ ବୃଦ୍ଧି ପାଇଛି। ସ୍ଥିତି ଏପରି ହୋଇଯାଇଛି ଯେ ଲୋକଙ୍କ ଚାହିଦା ପୂରଣ ହୋଇପାରୁ ନାହିଁ।

କିମ୍-ଜୋଙ୍ଗ-ଉନ୍‌ ଖାଦ୍ୟ ସଙ୍କଟ ପାଇଁ ଅନେକ କାରଣକୁ ଦର୍ଶାଇଛନ୍ତି। ସେ କହିଛନ୍ତି ଯେ ଖାଦ୍ୟ ସଙ୍କଟ ବହୁତ ଚିନ୍ତାଜନକ ହୋଇଯାଇଛି। କାରଣ କୃଷି କ୍ଷେତ୍ରରେ ଖାଦ୍ୟ ଉତ୍ପାଦନ ଯୋଜନା ବିଫଳ ହୋଇଛି। ଦେଶ ଉପରେ ଅନେକ ଅନ୍ତର୍ଜାତୀୟ କଟକଣା ଲାଗିଛି। ଏହା ସମସ୍ୟାକୁ ଅତ୍ୟନ୍ତ ଗମ୍ଭୀର କରିଦେଇଛି। କରୋନା କଟକଣା ଏବଂ କିଛି ଦିନ ତଳେ ଆସିଥିବା ସାମୁଦ୍ରିକ ଝଡ ପାଇଁ ମଧ୍ୟ ଏପରି ହୋଇଛି। ଦେଶ ଏବେ ଖରାପ ସ୍ଥିତି ଦେଇ ଗତି କରୁଛି। ୨୦୨୫ ପର୍ଯ୍ୟନ୍ତ ଏହି ସ୍ଥିତି ଲାଗି ରହିବାର ଆଶଙ୍କା ଥିବାରୁ ଲୋକଙ୍କୁ କମ୍‌ ଖାଇବା ପାଇଁ ସେ ନିର୍ଦ୍ଦେଶ ଦେଇଛନ୍ତି।