‘ମାନିକେ ମାଗେ ହିତେ’ ଗୀତ ଗାଇ ଶ୍ରୀଲଙ୍କା ଗାୟିକା ୟୋହାନି ଡି ସିଲଭା ରାତାରାତି ସୋସିଆଲ ମିଡିଆରେ ଷ୍ଟାର୍ ହୋଇ ଯାଇଥିଲେ। ତାଙ୍କର ଏହି ଗୀତ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି । ୟୋହାନିଙ୍କର ଏହି ଗୀତ ଏବେ କୋଣ ଅନୁକୋଣରେ ପ୍ରଶଂସା ସାଉଁଟୁଛି । ପିଲାଙ୍କ ଠାରୁ ଆରମ୍ଭ କରି ଯୁବକ, ସମସ୍ତଙ୍କ ମୁହଁରେ ଏହି ଗୀତ। ଭାରତରେ ବଲିଉଡ୍ ସେଲିବ୍ରିଟିଠାରୁ ଆରମ୍ଭ କରି ସାଧାରଣ ଲୋକେ ମଧ୍ୟ ତାଙ୍କର ଏହି ଗୀତକୁ ପସନ୍ଦ କରିଛନ୍ତି। ନିକଟରେ ୟୋହାନୀ ବିଗବସ୍ ଶୋ’ରେ ମଧ୍ୟ ନିଜର ଆସିଥିଲେ । ଖୁବ୍ ଶୀଘ୍ର ୟୋହାନି ବଲିଉଡ୍‌ରେ ମଧ୍ୟ ପ୍ରବେଶ କରିବାକୁ ଯାଉଛନ୍ତି । ଇନ୍ଦ୍ର କୁମାରଙ୍କ ନିର୍ଦ୍ଦେଶିତ ଏବଂ ଅଜୟ ଦେବଗନ, ସିଦ୍ଧାର୍ଥ ମାଲହୋତ୍ରା ଏବଂ ରକୁଲ ପ୍ରୀତ ସିଂହଙ୍କ ଅଭିନୀତ ଫିଲ୍ମ ‘ଥ୍ୟାଙ୍କ୍ ଗଡ଼’ରେ ସେ ‘ମାନିକେ ମାଗେ ହିତେ’ ଟ୍ରାକକୁ ହିନ୍ଦୀ ଭର୍ସନରେ ଗାଇବେ ବୋଲି ଜଣାପଡିଛି । ଯୋହାନିଙ୍କ ଏହି ଗୀତରେ ଅଭିନେତା ସିଦ୍ଧାର୍ଥ ମାଲହୋତ୍ରା ବଲିଉଡ୍‌ର ଡ୍ୟାନସିଂ କୁଇନ୍ ନୋରା ଫତେହିଙ୍କ ସହ ନଜର ଆସିବେ। ନୋରା କେବଳ ପିଲ୍ମର ଏହି ଗୀତରେ ହିଁ ଦେଖାଯିବେ। ଏହାପୂର୍ବରୁ ମଧ୍ୟ ସିଦ୍ଧାର୍ଥ-ନୋରା ‘ମରଜାବା’ ଫିଲ୍ମର ଏକ ଆଇଟମ୍ ଗୀତରେ ନଜର ଆସିଥିଲେ।