ଜାତୀୟ ତଦନ୍ତକାରୀ ସଂସ୍ଥା (NIA) ପକ୍ଷରୁ ସୋମବାର ଦିନ ଲସ୍କର-ଇ-ତୋଇବା (LeT) ମୁଖ୍ୟ ହାଫିଜ୍ ସୟିଦ୍ ବିରୋଧରେ ଏକ ଅତିରିକ୍ତ ଚାର୍ଜସିଟ୍ ଦାଖଲ କରାଯାଇଛି। ଗତ ବର୍ଷ ଜମ୍ମୁ-କାଶ୍ମୀରର ପହଲଗାମ ସ୍ଥିତ ବୈସରନ୍ ଘାସପଡ଼ିଆରେ ହୋଇଥିବା ଭୟାବହ ଆତଙ୍କବାଦୀ ଆକ୍ରମଣରେ ପାକିସ୍ତାନର ଭୂମିକା ସମ୍ପର୍କରେ ଏହି ଚାର୍ଜସିଟ୍‌ରେ ବିସ୍ତୃତ ତଥ୍ୟ ପ୍ରଦାନ କରାଯାଇଛି।

ଏହି ଘାତକ ଆକ୍ରମଣରେ ୨୫ ଜଣ ପର୍ଯ୍ୟଟକ ଏବଂ ଜଣେ ଘୋଡ଼ା ଚାଳକଙ୍କର ପ୍ରାଣହାନି ଘଟିଥିଲା। ଏହି ଘଟଣା ପରେ ଭାରତ ଏବଂ ପାକିସ୍ତାନ ମଧ୍ୟରେ ଲଗାତାର ୪ ଦିନ ଧରି ସଶସ୍ତ୍ର ସଂଘର୍ଷ ଲାଗି ରହିଥିଲା। ଜମ୍ମୁର ଏକ ସ୍ୱତନ୍ତ୍ର କୋର୍ଟରେ ଦାଖଲ ହୋଇଥିବା ଏହି ଅତିରିକ୍ତ ଚାର୍ଜସିଟ୍‌ରେ ଭାରତର ମୋଷ୍ଟ ୱାଣ୍ଟେଡ୍ ଆତଙ୍କବାଦୀ ହାଫିଜ୍ ସୟିଦ୍କୁ ମୁଖ୍ୟ ଷଡ଼ଯନ୍ତ୍ରକାରୀ ଭାବେ ଦର୍ଶାଯାଇଛି।

ପାକିସ୍ତାନର ଷଡ଼ଯନ୍ତ୍ର ଏବଂ ସୀମାପାର୍ ଆତଙ୍କବାଦ

ଏନ୍ଆଇଏ (NIA) ନିଜ ତଦନ୍ତରେ ସ୍ପଷ୍ଟ କରିଛି ଯେ ଏହି ଆକ୍ରମଣର ସମ୍ପୂର୍ଣ୍ଣ ରୂପରେଖ ପାକିସ୍ତାନରେ ପ୍ରସ୍ତୁତ କରାଯାଇଥିଲା। ଲସ୍କର-ଇ-ତୋଇବା ଏବଂ ଏହାର ଛାୟା ସଂଗଠନ ଦି ରେଜିଷ୍ଟାନ୍ସ ଫ୍ରଣ୍ଟ (TRF) ପାକିସ୍ତାନୀ ହ୍ୟାଣ୍ଡଲର୍ ସାଜିଦ୍ ଜଟ୍ଟ ମାଧ୍ୟମରେ ଏହି ଆକ୍ରମଣକୁ କାର୍ଯ୍ୟକାରୀ କରିଥିଲେ। ଆତଙ୍କବାଦୀମାନଙ୍କ ଗତିବିଧି, ଡ୍ରୋନ୍ ଯୋଗେ ଅସ୍ତ୍ରଶସ୍ତ୍ର ଯୋଗାଣ ଏବଂ ଯୋଗାଯୋଗ ପାଇଁ ପାକିସ୍ତାନରୁ ଅଣାଯାଇଥିବା ମୋବାଇଲ୍ ଫୋନ୍ ବ୍ୟବହାର କରାଯାଇଥିଲା ବୋଲି ଚାର୍ଜସିଟ୍‌ରେ ଉଲ୍ଲେଖ ରହିଛି।

ଡିଜିଟାଲ୍ ପ୍ରମାଣ ଏବଂ ଦେଶଦ୍ରୋହ ମାମଲା ରୁଜୁ

ଆକ୍ରମଣକାରୀଙ୍କ ଠାରୁ ଜବତ ହୋଇଥିବା ଦୁଇଟି ସାଓମି (Xiaomi) ଫୋନ୍‌ରୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଛି। ତଦନ୍ତରୁ ଜଣାପଡ଼ିଛି ଯେ ଆତଙ୍କବାଦୀମାନେ 'ଆଲପାଇନ୍ କ୍ୱେଷ୍ଟ୍' ଆପ୍ ମାଧ୍ୟମରେ ଲୋକେସନ୍ ଟ୍ରାକ୍ କରିଥିଲେ। ଆକ୍ରମଣ ପୂର୍ବରୁ ସେମାନେ ବୈସରନ୍ ଘାସପଡ଼ିଆ ବାହାରେ ମଧ୍ୟାହ୍ନ ଭୋଜନ କରିଥିଲେ ଏବଂ ହତ୍ୟାକାଣ୍ଡ ପରେ ଉତ୍ସବ ମନାଇବା ପାଇଁ ଫାୟାରିଂ ମଧ୍ୟ କରିଥିଲେ। ଏହି ସାଂଘାତିକ ଅପରାଧ ପାଇଁ ହାଫିଜ୍ ସୟିଦ୍ ବିରୋଧରେ ବେଆଇନ କାର୍ଯ୍ୟକଳାପ ନିବାରଣ ଆଇନ (UAPA) ଏବଂ ଭାରତୀୟ ନ୍ୟାୟ ସଂହିତା (BNS) ଆଧାରରେ ଦେଶ ବିରୋଧରେ ଯୁଦ୍ଧ ଘୋଷଣା କରିବା ଅଭିଯୋଗରେ ମାମଲା ରୁଜୁ କରାଯାଇଛି।

ଭୁବନେଶ୍ୱର: ଏୟାରଫିଲ୍ଡ ଥାନା ଆଜାଦ ନଗରରେ ବୋମା ବିସ୍ଫୋରଣ ମାମଲାରେ ଏୟାରଫିଲ୍ଡ ଥାନାରେ  NIA ଟିମ୍। ଜବତ ହେଇଥିବ ସ୍କୁଟିକୁ ଯାଞ୍ଚ କରୁଛି NIA ଟିମ୍।  ସ୍କୁଟିରେ କିଛି ବୋମା ତିଆରି ପାଇଁ ସାମଗ୍ରୀ ଆସିଥିଲା କି, କିଛି ନମୁନା ଅଛି କି ସେ ସବୁକୁ ନେଇ ତଦନ୍ତ ଚାଲିଛି।  NIA ଟିମ୍  ସାଇଣ୍ଟଫିକ ଟିମର ତନାଘନା । ସେହନେବାଜ ସହ ସମ୍ପର୍କ ଥିବା ଦୁଇ ଯୁବକକୁ ପଚରାଉଚରା ପରେ ମିଳିଛି ତଥ୍ୟ । ଯେଉଁମାନେ କି ବିସ୍ଫୋରଣ ଦିନ ସେମାନଙ୍କୁ ହସ୍ପିଟାଲ ନେଇ ଯାଇଥିଲେ । ସେମାନଙ୍କୁ ପଚରାଉଚରା ପରେ ସୁରକ ପାଇଛି NIA । 

ସୂଚନାଯୋଗ୍ୟ, ଏୟାରଫିଲ୍ଡ ଥାନା ଆଜାଦ ନଗରରେ ଜାନୁଆରୀ ୨୭ରେ ଭଡ଼ା ଘରେ ବୋମା ବିସ୍ଫୋରଣ ହେଇଥିଲା । ବୋମା ବିସ୍ଫୋରଣରେ ମୁଖ୍ୟ ଅଭିଯୁକ୍ତ ସେହେନବାଜ ମଲ୍ଲିକ ସହ  ତା' ମା ମୃତ୍ୟୁଁ ବରଣ କରିଥିଲେ । ସାଙ୍ଗ ଅମିୟ ମଲ୍ଲିକ ଓ ସେହେନବାଜଙ୍କ ବାନ୍ଧବି ଘରୋଇ ହସ୍ପିଟାଲ ରେ ଚିକିତ୍ସିତ ହେଉଠିଲେ । ପ୍ରଥମେ ଏୟାରଫିଲ୍ଡ ଥାନା ପୋଲିସ ତଦନ୍ତ କରୁଥିବା ବେଳେ ପରେ NIA ନିଜ ହାତକୁ ମାମଲା ନେଇଥିଲା।

ଭାରତରେ ଅବୈଧ ବାଂଲାଦେଶୀ ଅନୁପ୍ରବେଶକାରୀଙ୍କ ପ୍ରବେଶ କରାଇବା ଅଭିଯୋଗରେ ଗିରଫ ହୋଇଥିବା ଜଣେ ବ୍ୟକ୍ତିଙ୍କୁ ସୁପ୍ରିମକୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି। ତଦନ୍ତ ବେଳେ ଅଭିଯୁକ୍ତଙ୍କର କୌଣସି ଆତଙ୍କବାଦୀ ସଙ୍ଗଠନ ସହ ସମ୍ପୃକ୍ତି ଥିବାର ପ୍ରମାଣ ମିଳିନାହିଁ ବୋଲି ଅଦାଲତ ସ୍ପଷ୍ଟ କରିଛନ୍ତି।

ଆତଙ୍କବାଦୀ ଲିଙ୍କର ନାହିଁ ପ୍ରମାଣ

ଏହି ମାମଲାର ଶୁଣାଣି କରି ଜଷ୍ଟିସ୍ ବାଗଚୀ କହିଛନ୍ତି ଯେ, ସୀମା ପାର୍ ହୋଇ ଆତଯାତ ହେବା ବେଆଇନ କାର୍ଯ୍ୟକଳାପ ଆଡ଼କୁ ଇଙ୍ଗିତ କରିପାରେ, କିନ୍ତୁ କେବଳ ଏହି କାରଣରୁ ଏହାକୁ କୌଣସି ଆତଙ୍କବାଦୀ ଗୋଷ୍ଠୀ ସହ ଜଡ଼ିତ ବୋଲି ଦାବି କରାଯାଇପାରିବ ନାହିଁ। ଅଭିଯୁକ୍ତ ଜଣକ ଗତ ୧୦ ବର୍ଷରୁ ଅଧିକ ସମୟ ଧରି ବେଙ୍ଗାଲୁରୁରେ ବସବାସ କରି ଆସୁଥିଲେ ଏବଂ ତାଙ୍କର କୌଣସି ଆତଙ୍କବାଦୀ ଲିଙ୍କ୍ ମିଳିନାହିଁ।

ମାନବ ଚାଲାଣ ନେଟୱାର୍କର ଥିଲା ଅଭିଯୋଗ

ଆବେଦନକାରୀ ନିଜେ ଜଣେ ବାଂଲାଦେଶୀ ନାଗରିକ ଏବଂ ସେ ବାଂଲାଦେଶ ତଥା ମିଆଁମାରରୁ ଭାରତକୁ ମାନବ ଚାଲାଣ କରୁଥିବା ଏକ ଅନ୍ତର୍ଜାତୀୟ ଗ୍ୟାଙ୍ଗର ସଦସ୍ୟ ବୋଲି ତାଙ୍କ ନାମରେ ଅଭିଯୋଗ ରହିଛି। ତାଙ୍କୁ ଗତ ୭ ନଭେମ୍ବର ୨୦୨୩ରେ ଗିରଫ କରାଯାଇଥିଲା ଏବଂ ସେବେଠାରୁ ସେ ଜେଲରେ ଥିଲେ। ଏହି ମାମଲାରେ ଅନ୍ୟ ଜଣେ ସହ-ଅଭିଯୁକ୍ତଙ୍କୁ ମଧ୍ୟ ମେ ୨୦୨୫ରେ ସୁପ୍ରିମକୋର୍ଟରୁ ଜାମିନ ମିଳିସାରିଛି।

କଡ଼ା ସର୍ତ୍ତ ସହ ମିଳିଲା ଜାମିନ

ପ୍ରଧାନ ବିଚାରପତି ଏହି ପ୍ରସଙ୍ଗରେ ମତ ରଖି କହିଛନ୍ତି ଯେ, ଅଭିଯୁକ୍ତଙ୍କ କାର୍ଯ୍ୟକଳାପ ଉପରେ କଟକଣା ଲଗାଯିବ, କିନ୍ତୁ ତାଙ୍କୁ ଜାମିନ ପ୍ରଦାନ କରାଯିବ। ଭାରତରେ ଆବେଦନକାରୀଙ୍କର କୌଣସି ସ୍ଥାୟୀ ବାସସ୍ଥାନ ନଥିବାରୁ ତାଙ୍କୁ କିଛି କଡ଼ା ସର୍ତ୍ତ ସହ ଜାମିନ ଦିଆଯାଇଛି।

ସର୍ତ୍ତ ଅନୁଯାୟୀ, ଆବେଦନକାରୀଙ୍କୁ ନିଜର ବର୍ତ୍ତମାନର ଠିକଣା ସ୍ଥାନୀୟ ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) ଅଫିସରେ ଜମା କରିବାକୁ ପଡ଼ିବ। ଏନଆଇଏ ଏହି ଠିକଣା ଯାଞ୍ଚ କରିବା ସହ ଘର ମାଲିକଙ୍କ ବୟାନ ରେକର୍ଡ କରିବ। ଏହା ସହିତ ପ୍ରତି ଶନିବାର ଅଭିଯୁକ୍ତଙ୍କୁ ଏନଆଇଏ କାର୍ଯ୍ୟାଳୟରେ ହାଜରା ପକାଇବାକୁ ପଡ଼ିବ। କେବଳ ବେଙ୍ଗାଲୁରୁରେ ଥିବା ଏନଆଇଏର ସର୍ବୋଚ୍ଚ ଅଧିକାରୀ ତାଙ୍କୁ ଏହି ହାଜରାରୁ ଛାଡ଼ ଦେଇପାରିବେ ବୋଲି ଅଦାଲତ ନିର୍ଦ୍ଦେଶ ଦେଇଛନ୍ତି।

ଭୁବନେଶ୍ୱର: କ୍ରାଇମ ସ୍ପଟରେ NIA ଟିମ । ରାଜଧାନୀ ଭୁବନେଶ୍ୱର ଆଜାଦନଗର ବିସ୍ଫୋରଣ ଘଟଣାରେ ସୁନ୍ଦର ପଦା ଆଜାଦନଗରରେ ପହଁଚିଲା NIA ଟିମ । ବିସ୍ଫୋରଣ ଘଟଣା, ଅପରାଧିକ ଲିଙ୍କ, ଆତଙ୍କି ହମଲା ସମ୍ପର୍କିତ ତଦନ୍ତ କରୁଛି NIA । ଗତ ଜାନୁଆରୀ ୨୭ ତାରିଖରେ ସୁନ୍ଦରପଦା ଆଜାଦ ନଗରରେ ହୋଇଥିଲା ଭୟାଙ୍କର ବିସ୍ଫୋରଣ । ମୁଖ୍ୟ ଅଭିଯୁକ୍ତ ସେହେନୱାଜ ମଲ୍ଲିକ ଓରଫ ମଫି ଓ ତା' ମା'ଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । NIA ଏ ନେଇ କେସ ନମ୍ବର ୧ / ୨୦୨୬ ରେ ଏକ ମାମଲା ରୁଜୁ କରିବା ସହ ତଦନ୍ତର ପୂର୍ଣ୍ଣ ଭାର କମିଶନରେଟ ପୋଲିସ ଠାରୁ ହାତକୁ ନେଇଛି । 

ଏହି ତଦନ୍ତ ପ୍ରକ୍ରିୟା ବେଳେ ଜବତ ହୋଇଥିବା ବିସ୍ଫୋରକ RDX ର ବ୍ୟବହାର, ମଫିର ଆନ୍ତରାଜ୍ୟ ଲିଙ୍କ, ପୂର୍ବର ଅପରାଧିକ ମାମଲା ସମ୍ପର୍କରେ ହୋଇପାରେ ଅଧିକ ଖୋଳତାଡ଼। ଠିକ ସେହିପରି ଏତେ ପରିମାଣର RDX କେଉଁଠାରେ ବ୍ୟବହାର ହୋଇଥାନ୍ତା ଏ ସମ୍ପର୍କରେ ଅଧିକ ଖୋଳତାଡ଼ କରିବା ପାଇଁ ଏକାଧିକ ଲୋକଙ୍କୁ ପଚରାଉଚରା ଜାରି ରଖିଛି NIA । ଏପରିକି ମୁଖ୍ୟ ଅଭିଯୁକ୍ତ ତଥା ମୃତ ମଫିର ଗାର୍ଲଫ୍ରେଣ୍ଡକୁ ଅଧିକ ପଚରାଉଚରା କରୁଛି NIA ।

ଭୁବନେଶ୍ୱର: ରାଜଧାନୀ ଭୁବନେଶ୍ୱର ଆଜାଦନଗର ବିସ୍ଫୋରଣ ଘଟଣାରେ ବଡ଼ ଅପଡେଟ । ବିସ୍ଫୋରଣ ଘଟଣା, ଅପରାଧିକ ଲିଙ୍କ, ଆତଙ୍କି ହମଲା ସମ୍ପର୍କିତ ତଦନ୍ତ କରିବ NIA । ଗତ ଜାନୁଆରୀ ୨୭ ତାରିଖରେ ସୁନ୍ଦରପଦା ଆଜାଦ ନଗରରେ ହୋଇଥିଲା ଭୟାଙ୍କର ବିସ୍ଫୋରଣ । ମୁଖ୍ୟ ଅଭିଯୁକ୍ତ ସେହେନୱାଜ ମଲ୍ଲିକ ଓରଫ ମଫି ଓ ତାଙ୍କ ମା'ଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । NIA ଏ ନେଇ କେସ ନମ୍ବର ୧ / ୨୦୨୬ ରେ ଏକ ମାମଲା ରୁଜୁ କରିବା ସହ ତଦନ୍ତର ପୂର୍ଣ୍ଣ ଭାର କମିଶନରେଟ ପୋଲିସ ଠାରୁ ହାତକୁ ନେଇଛି । 

ଏହି ତଦନ୍ତ ପ୍ରକ୍ରିୟା ବେଳେ ଜବତ ହୋଇଥିବା ବିସ୍ଫୋରକ RDX ର ବ୍ୟବହାର, ମଫିର ଆନ୍ତରାଜ୍ୟ ଲିଙ୍କ, ପୂର୍ବର ଅପରାଧିକ ମାମଲା ସମ୍ପର୍କରେ ଅଧିକ ଖୋଳତାଡ଼ କରିପାରେ NIA । ଠିକ ସେହିପରି ଏତେ ପରିମାଣର RDX କେଉଁଠାରେ ବ୍ୟବହାର ହୋଇଥାନ୍ତା, ଏ ସମ୍ପର୍କରେ ଅଧିକ ଖୋଳତାଡ଼ କରିବା ପାଇଁ ଏକାଧିକ ଲୋକଙ୍କୁ ପଚରାଉଚରା ଜାରି ରଖିଛି NIA । ଏପରିକି ମୁଖ୍ୟ ଅଭିଯୁକ୍ତ ତଥା ମୃତ ମଫିର ଗାର୍ଲଫ୍ରେଣ୍ଡ କୁ ଅଧିକ ପଚରାଉଚରା କରୁଛି NIA । 

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ବୋମା ବିସ୍ଫୋରଣ ଘଟଣାର ତଦନ୍ତ କରିବ NIA । ସୁନ୍ଦରପଦା ନିକଟ ନ୍ୟୁ ଆଜାଦ ନଗରରେ ପହଞ୍ଚି ବୋମା ବିସ୍ଫୋରଣ ଘଟଣାର ତଦନ୍ତ କରିବ ନ୍ୟାସନାଲ ଇନଭେଷ୍ଟିଗେସନ ଏଜେନ୍ସି-NIA । ପାରିପାର୍ଶ୍ବିକ ପରିସ୍ଥିତି ଯାଞ୍ଚ ସହ ବୋମା ବିସ୍ଫୋରଣର କାରଣ ନେଇ ହୋଇପାରେ ଯାଞ୍ଚ। ପୂର୍ବରୁ ମଞ୍ଚେଶ୍ୱର ଥାନା କେନ୍ଦ୍ରୀୟ ବିଦ୍ୟାଳୟ ନିକଟ ବୋମାମାଡ଼ ଘଟଣାରେ ମଧ୍ୟ ତଦନ୍ତ କରିଥିଲା NIA ।

ଗତକାଲି ଭୁବନେଶ୍ବର ଏୟାରଫିଲଡ ଥାନା ଅନ୍ତର୍ଗତ ସୁନ୍ଦରପଦା ଆଜାଦ ନଗରରେ ବୋମା ବିସ୍ଫୋରଣରେ ୪ଜଣ ଗୁରୁତର ହୋଇଥିଲେ । ତିନିମହଲା କୋଠା ଉପରେ ବୋମା ଭିଡୁଥିବା ବେଳେ ବିସ୍ଫୋରଣ ହୋଇଥିଲା । ଏଥିରେ ପେଶାଦାର ଅପରାଧୀ ସେହନବାଜ ମଲ୍ଲିକ ସମେତ ୪ଜଣ ଗୁରୁତର ହୋଇଥିଲେ । ସୋହନବାଜ ମଲ୍ଲିକ ନାଁରେ ବିଭିନ୍ନ ଥାନାରେ ୭ଟି ମାମଲା ରହିଛି । ବିସ୍ଫୋରଣରେ ସୋହନବାଜଙ୍କ ମା ଓ ଜଣେ ବାନ୍ଧବୀ ଓ ସହଯୋଗୀ ମଧ୍ୟ ଗୁରୁତର ହୋଇଛନ୍ତି । ଏହି ମାମଲାରେ ଆଜି ଘଟଣାସ୍ଥଳରେ ପହଞ୍ଚି ଏନଆଇଏ ତଦନ୍ତ କରିବ ।

ନୂଆଦିଲ୍ଲୀ: ଆମେରିକାରୁ ଭାରତ ଆସିଲା ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ସାନ ଭାଇ ଅନମୋଲ ବିଷ୍ଣୋୟୀ । ଅନମୋଲକୁ ଆମେରିକାରୁ ଭାରତ ଆଣିଲା ଏନଆଇଏ । ଅନମୋଲ ବିଷ୍ଣୋଇକୁ ପ୍ରତ୍ୟର୍ପଣ କରିଛି ଆମେରିକା । ଏନସିପି ନେତା ବାବା ସିଦ୍ଦିକୀଙ୍କ ହତ୍ୟା ଘଟଣାରେ ସମ୍ପୃକ୍ତ ଥିବା କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସର ଭାଇ ଅନମୋଲକୁ ବହିଷ୍କାର କରିଥିଲା ଆମେରିକା। ଦିଲ୍ଲୀରେ ପହଞ୍ଚିବା ପରେ ତାକୁ ବିଧିବଦ୍ଧ ଗିରଫ କରିଛି ଏନଆଇଏ। ପରେ ତାକୁ ଦିଲ୍ଲୀ ପଟିଆଲା ହାଉସ କୋର୍ଟରେ ହାଜର କରାଯାଇଥିଲା। ବାବା ସିଦ୍ଦିକୀ ମର୍ଡର, ପଞ୍ଜାବୀ ଗାୟକ ସିଦ୍ଧୁ ମୋସେୱାଲା, ବଲିଉଡ ଅଭିନେତା ସଲମାନ ଖାଁଙ୍କ ବାସଭବନ ସମ୍ମୁଖରେ ଗୁଳିମାଡ ଘଟଣାରେ ଭାରତ ପକ୍ଷରୁ ୱାଣ୍ଟେଡ ଥିଲା ଅନମୋଲ। ଗତବର୍ଷ ନଭେମ୍ବରରେ ଆମେରିକାରେ ଗିରଫ ହୋଇଥିଲା ଅନମୋଲ। ପରେ ଭାରତ ପକ୍ଷରୁ ଆରମ୍ଭ ହୋଇଥିଲା ପ୍ରତ୍ୟର୍ପଣ ପ୍ରକ୍ରିୟା।

ତା ନାମରେ ଜାରି ହୋଇଥିଲା ରେଡ କର୍ଣ୍ଣର ନୋଟିସ। ତା ନାମରେ ଏନଆଇଏ ୧୦ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲା। ଅନମୋଲ ନାମରେ ୧୮ଟି ମାମଲା ରହିଛି। ଗତ ବର୍ଷ ଅକ୍ଟୋବର ୧୨ରେ ମୁମ୍ବାଇର ନୀଲମନଗର ଇଲାକାରେ ପୁଅ ଜିସାନ ସିଦ୍ଦିକୀଙ୍କ ଘର ସମ୍ମୁଖରେ ବାବା ସିଦ୍ଦିକୀଙ୍କୁ ହତ୍ୟା କରିଥିଲେ ୩ ଦୁର୍ବୃତ୍ତ। ବାବା ସିଦ୍ଦିକୀଙ୍କୁ ଶିବ କୁମାର ଗୌତମ ୬ ରାଉଣ୍ଡ ଫାୟାର କରିଥିବାବେଳେ ସେଥିରୁ ୩ ଟି ଗୁଳି ସିଦ୍ଦିକୀଙ୍କ ଶରୀର ଭେଦ କରିଥିଲା। ଶିବକୁମାରକୁ ସହଯୋଗ କରିଥିଲେ ହରିଆଣାର ଗୁରୁମେଲ ସିଂ ଓ ଉତ୍ତରପ୍ରଦେଶର ଧର୍ମରାଜ କାଶ୍ୟପ। ଏହି ଘଟଣାରେ ଶିବକୁ ଧରିଥିଲା ମୁମ୍ବାଇ କ୍ରାଇମ ବ୍ରାଞ୍ଚ। ବର୍ତ୍ତମାନ ବିଷ୍ଣୋଇ କ୍ରାଇମ ସିଣ୍ଡିକେଟର ମୁଖ୍ୟ ଲରେନ୍ସ ବିଷ୍ଣୋଇ ଅହମ୍ମଦାବାଦ ସାବରମତୀ ସେଣ୍ଟ୍ରାଲ ଜେଲରେ ରହିଛି।

ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣର ତଦନ୍ତ କରୁଛି ଏନଆଇଏ। ଏହାରି ମଧ୍ୟରେ ଏନଆଇଏ ଆକ୍ରମଣ ସମୟରେ ପହଲଗାମରେ ଥିବା ସମସ୍ତ ପର୍ୟ୍ୟଟକ ଏବଂ ସ୍ଥାନୀୟ ଲୋକଙ୍କୁ ଏକ ଅପିଲ କରିଛି। ପହଲଗାମରେ ପର୍ଯ୍ୟଟକଙ୍କ ଉପରେ ହୋଇଥିବା ଆତଙ୍କବାଦୀ ଆକ୍ରମଣ ସହିତ ଜଡିତ କୌଣସି ସୂଚନା, ଫଟୋଗ୍ରାଫ୍ କିମ୍ବା ଭିଡିଓ ଥିଲେ ତୁରନ୍ତ ଏଜେନ୍ସି ସହିତ ଯୋଗାଯୋଗ କରିବାକୁ ଅପିଲ୍ କରିଛି ଏନଆଇଏ। ଏ ସମ୍ପର୍କରେ ସୂଚନା ପ୍ରଦାନ କରିବା ପାଇଁ ଜାରି ହୋଇଛି ମୋବାଇଲ୍ ଏବଂ ଫୋନ୍ ନମ୍ବର । ଜାରି ହୋଇଥିବା ମୋବାଇଲ ନମ୍ବର- 9654958816 ଓ ଲ୍ୟାଣ୍ଡଲାଇନ ନମ୍ବର- 011-24368800।

ନୂଆଦିଲ୍ଲୀ: ପହଲଗାମ ଆକ୍ରମଣ ପାଇଁ ପାକିସ୍ତାନ ନିଜର ସବୁ ତନ୍ତ୍ରକୁ ଲଗାଇ ଦେଇଥିଲା। ଆତଙ୍କବାଦୀ ପଠାଇ ଏହି ଆତଙ୍କୀ ରାଷ୍ଟ୍ର ଜମ୍ମୁ-କଶ୍ମୀରର ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ବୈସରନରେ ୨୬ ନିରୀହଙ୍କ ଜୀବନ ନେଇଥିଲା। ହିନ୍ଦୁଙ୍କ ରକ୍ତରେ ହୋଲି ଖେଳି ଘାଟୀକୁ ଅଶାନ୍ତ କରିବା ପାଇଁ ପାକିସ୍ତାନ ସେନା ଯୋଜନାବଦ୍ଧ ଷଡ଼ଯନ୍ତ୍ର କରିଥିଲା। ଏଥିପାଇଁ ପାକିସ୍ତାନୀ ଆତଙ୍କବାଦୀ ସଂଗଠନ ଲସ୍କର-ଇ-ତୋଏବା (ଏଲଇଟି)ସହାୟତା ନେଇଥିଲା। ପାକିସ୍ତାନ ଗୁଇନ୍ଦା ଏଜେନ୍ସି ଇଣ୍ଟର-ସର୍ଭିସ ଇଣ୍ଟେଲିଜେନ୍ସ (ଆଇଏସଆଇ) ଏହି ଆତଙ୍କବାଦୀ ସଂଗଠନକୁ ସହଯୋଗ କରିଥିଲା। ପାକିସ୍ତାନ ସେନା, ଆଇଏସଆଇ ଏବଂ ଏଲଇ୍‌ଟି ମିଳିତ ଷଡ଼ଯନ୍ତ୍ର କରି ପହଲଗାମରେ ଆତଙ୍କ ସୃଷ୍ଟି କରିଥିଲେ। ଏହି ଆକ୍ରମଣର ତଦନ୍ତ କରୁଥିବା ଏନ୍‌ଆଇଏର ପ୍ରାରମ୍ଭିକ ଯାଞ୍ଚ ରିପୋର୍ଟ ଏହି ସୂଚନା (ସୂତ୍ରରୁ) ସୂଚନା ମିଳିଛି। ଏହି ଆକ୍ରମଣରେ ସାମିଲ ଆତଙ୍କବାଦୀଙ୍କୁ ଘାଟୀରେ ଲଜିଷ୍ଟିକ ସହାୟତା ଦେଇଥିବା ତୃଣମୂଳସ୍ତରର (ଓଜିଡବ୍ଲ୍ୟୁ)ର ୨୦ କର୍ମୀଙ୍କୁ ଏନଆଇଏ ଚିହ୍ନଟ କରିଛି। ଏମାନଙ୍କୁ ଏବେ ଜେରା କରାଯାଉଛି।

ପ୍ରମୁଖ ୨ ଓଜିଡବ୍ଲ୍ୟୁ ନିସାର ଅହମ୍ମଦ ଓରଫ ହାଜି ଏବଂ ମୁସ୍ତାକ ହୁସୈନକୁ ଗିରଫ କରି ଜମ୍ମୁର କୋଟ ଭଲୱାଲ ଜେଲ୍‌ରେ ରଖାଯାଇଛି। ଏଠାରେ ଉଭୟଙ୍କୁ ଜେରା କରାଯାଉଛି। ଅଧିକାରୀଙ୍କ ସୂଚନା ଅନୁଯାୟୀ ଏହି ଦୁଇ ଜଣ ଆତଙ୍କବାଦୀ ସଂଗଠନ ଏଲଇଟିର ସହଯୋଗୀ। ପୂର୍ବରୁ ୨୦୨୩ରେ ଭଟା ଧୁରିଆନ ଏବଂ ଟୋଟାଗଲିରେ ସେନା କନଭୟେ ଉପରେ ଆକ୍ରମଣ ମାମଲାରେ ଉଭୟଙ୍କୁ ଗିରଫ କରାଯାଇଥିଲା। ଏନ୍‌ଆଇଏ ତଦନ୍ତରୁ ଜଣାପଡ଼ିଛି ଯେ ଆଇଏସଆଇ, ସେନା ସହିତ ପାକିସ୍ତାନୀ ନେତଙ୍କ ନିର୍ଦ୍ଦେଶ ଏବଂ ସହଯୋଗରେ ଏଲ୍‌ଇଟି ଏହି ଆତଙ୍କବାଦୀ ଆକ୍ରମଣର ପାଇଁ ଷଡ଼ଯନ୍ତ୍ର କରିଥିଲା। ପହଲଗାମ ଆକ୍ରମଣର ଦୁଇ ପ୍ରମୁଖ ସନ୍ଦିଗ୍ଧ ହସିମ ମୁସା ଓରଫ ଅଲିଅସ ସୁଲେମାନ ଏବଂ ଅଲି ଭାଇ ଓରଫ ତଲ୍ହା ଭାଇ ପାକିସ୍ତାନୀ ନାଗରିକ ବୋଲି ଜଣାପଡ଼ିଛି। ଏହି ଦୁଇ ଜଣ ପାକିସ୍ତାନ ସହ ଯୋଗାଯୋଗରେ ଥିଲେ। ସୀମା ଆର ପଟୁ ଏହି ଆତଙ୍କବାଦଙ୍କୁ ସବୁ ନିର୍ଦ୍ଦେଶ ମିଳୁଥିଲା। ଲଜିଷ୍ଟିକ, ସମୟ ଏବଂ ଆକ୍ରମଣ ବିଷୟରେ ସବୁ ସୂଚନା ମିଳୁଥିଲା।

ସୂଚନା ଅନୁଯାୟୀ, ଆକ୍ରମଣରେ ସାମିଲ ଆତଙ୍କବାଦୀ ସପ୍ତାହେ ତଳେ ଭାରତୀୟ ସୀମାରେ ଅନୁପ୍ରବେଶ କରିଥିଲେ। ଓଜିଡବ୍ଲ୍ୟୁଙ୍କ ଏକ ନେଟୱର୍କ ଏହି ଆତଙ୍କବାଦୀଙ୍କୁ ଆଶ୍ରୟସହିତ ଯୋଗାଯୋଗରେ ସହାୟତା ଏବଂ ଅନ୍ୟ ସବୁର ସୂଚନା ଦେଇଥିଲା। ଏହି ଆତଙ୍କବାଦୀ ଗତ ୧୫ ତାରିଖରେ ପହଲଗାମରେ ପହଞ୍ଚି ଥିଲେ। ପରେ ବୈସରନ, ଅରୁ, ବିତାବ ଉପତ୍ୟକା ଏବଂ ଏକ ସ୍ଥାନୀୟ ପାର୍କ ବୁଲି ତଲାସୀ ନେଇଥିଲେ। ସୁରକ୍ଷା ନ ଥିବାରୁ ସେମାନେ ବୈସରନକୁ ଆକ୍ରମଣ ପାଇଁ ଧରିଥିଲେ। ଏନ୍‌ଆଇଏ ଆକ୍ରମଣସ୍ଥଳରୁ ୪୦ କ୍ୟାଟ୍ରିଜ ଜବତ କରିଛି। ବାଲିଷ୍ଟିକ ଏବଂ କେମିକାଲ ବିଶ୍ଳେଷଣ ପାଇଁ ଏହାକୁ ପଠାଇ ଦିଆଯାଇଛି। ସେହିପରି ପହଲଗାମର ୩ଡି ମ୍ୟାପିଂ ମଧ୍ୟ କରାଯାଇଛି। ନିକଟସ୍ତ ମୋବାଇଲ ଟାୱାରର ‘ଡମ୍ପ ଡାଟା’ ଯାଞ୍ଚ କରାଯାଉଛି। ଆକ୍ରମଣ ଦିନ ବୈସରନ ଅଞ୍ଚଳରେ ତିନୋଟି ସାଟେଲାଇଟ ଫୋନ୍‌ ସକ୍ରିୟ ଥିଲା ବୋଲି ମଧ୍ୟ ସୂଚନା ମିଳିଛି। ଏଥିରୁ ୨ଟି ସିଗ୍‌ନାଲର ବିଶ୍ଳେଷଣ କରାଯାଇଛି। ଏ ପର୍ଯ୍ୟନ୍ତ ଆକ୍ରମଣକୁ ନେଇ ୨୮୦୦ ଜଣଙ୍କୁ ଜେରା କରାଗଲାଣି। ୧୫୦ ଜଣଙ୍କୁ ହେପାଜତକୁ ନିଆଯାଇଛି। ଏମାନଙ୍କ ମଧ୍ୟରେ ଜମାତ-ଇ-ଇସଲାମି ଏବଂ ହୁରିୟତର ସଦସ୍ୟ ସାମିଲ ଅଛନ୍ତି। ପହଲଗାମ ଆକ୍ରମଣ ଏବଂ ରାଜୋରି-ପୁଞ୍ଚ କନଭୟ ଉପରେ ଗୁଳିମାଡ଼ ମଧ୍ୟରେ ସମ୍ବନ୍ଧ ରହିଛି ବୋଲି ଅଧିକାରୀ ଆଶଙ୍କା କରୁଛନ୍ତି। ଅନ୍ୟପଟେ ଆତଙ୍କବାଦୀଙ୍କୁ ଧରିବା ପାଇଁ ୧୦ ଦିନ ହେଲା କଶ୍ମୀର ଜଙ୍ଗଲରେ ସେନା ଅଭିଯାନ ଜାରି ରଖିଛି।

ନୂଆଦିଲ୍ଲୀ: ୭ ଦିନ ଧରି ପହଲଗାମରେ ଲୁଚିଥିଲେ ଆତଙ୍କବାଦୀ। ଏପ୍ରିଲ ୧୫ରୁ ଆସି ସେମାନେ ଆସି ଲୁଚିଥିଲେ। ଆକ୍ରମଣ ଆଗରୁ ପହଲଗାମର ପ୍ରମୁଖ ପର୍ଯ୍ୟଟନସ୍ଥଳୀର ରେକି କରିଥିଲେ। ଏନଆଇଏର ତଦନ୍ତରୁ ଏହା ଜଣାପଡ଼ିଛ। NIA ତଦନ୍ତରୁ ଏହା ଜଣାପଡ଼ିଛି। ଅନେକ OGW ଙ୍କୁ ପଚରା ଉଚରା କରିବା ପରେ ଏନଆଇଏ ଏହା ଜାଣିପାରିଛି। ପହଲଗାମ ଆକ୍ରମଣର ସପ୍ତାହେ ପୂର୍ବରୁ ଜମ୍ମୁ-କାଶ୍ମୀରରେ ପହଞ୍ଚିଥିଲେ ଆତଙ୍କବାଦୀ। ବୈସାରଣ ଉପତ୍ୟକାକୁ ସେମାନେ ଟାର୍ଗେଟ ଭାବରେ ବାଛିଥିଲେ। ଅନେକ ପର୍ଯ୍ୟଟନ ସ୍ଥଳର ରେକି କରିବା ପରେ ପହଲଗାମର ‘ବୈସାରଣ ଉପତ୍ୟକା’ ରେ ଆକ୍ରମଣ ପାଇଁ ସେମାନେ ଟାର୍ଗେଟ କରିଥିଲେ। ବର୍ତ୍ତମାନ ଏହାର ଖୁଲାସା ହୋଇଛି।

ଆତଙ୍କବାଦୀମାନେ ପୂର୍ବରୁ ପହଲଗାମର ସମସ୍ତ ପ୍ରମୁଖ ପର୍ଯ୍ୟଟନ ସ୍ଥଳ ଯେପରିକି ଆରୁ ଭ୍ୟାଲି, ବେତାବ ଭ୍ୟାଲି ଏବଂ ବୈସାରନକୁ ବୁଲି ଦେଖିଥିଲେ। ଏହି ରେକିରେ ସାମିଲ ଥିଲେ ଦୁଇ ଜଣ ସ୍ଥାନୀୟ ଆତଙ୍କବାଦୀ ଏବଂ ପାଞ୍ଚ ଜଣ ଓଭର ଗ୍ରାଉଣ୍ଡ ୱାର୍କର (OGW)। ସେମାନେ ପ୍ରାୟ ଏକ ସପ୍ତାହ ଧରି ପହଲଗାମର ଜଙ୍ଗଲରେ ଘୂରି ବୁଲୁଥିବା ଦେଖିବାକୁ ମିଳିଥିଲା।

କୁହାଯାଉଛି, ଆତଙ୍କବାଦୀମାନେ ବେତାବ ଉପତ୍ୟକାକୁ ଟାର୍ଗେଟ କରିବାକୁ ପ୍ରଥମେ ଯୋଜନା କରିଥିଲେ। ଶେଷ ମୁହୂର୍ତ୍ତରେ, ଯୋଜନା ପରିବର୍ତ୍ତନ କରାଯାଇଥିଲା, ଏବଂ ବୈସାରନରେ ଆକ୍ରମଣ  କରିଥିଲେ। କାରଣ ଆକ୍ରମଣ ପରେ ଏଠାରୁ ଖସିଯିବା ସହଜ ଥିଲା। କେବଳ କିଛି OGW, ପାକିସ୍ତାନୀ ହ୍ୟାଣ୍ଡଲର୍ ଏବଂ ଦୁଇ ପାକିସ୍ତାନୀ ଆତଙ୍କବାଦୀ ଏହା ଜାଣିଥିଲେ।

ଏପ୍ରିଲ ୨୦ରେ ସେମାନେ ବୈସାରନ ଅଭିମୁଖେ  ବାହାରିଥିଲେ। ୨ ଦିନ ପଦଯାତ୍ରା ପରେ ବୈସାରନରେ ପହଞ୍ଚିଥିଲେ। ସେମାନେ ସ୍ଥାନୀୟ ଆତଙ୍କବାଦୀମାନଙ୍କୁ ଭେଟିଥିଲେ। ୨୨ ଏପ୍ରିଲ୍ ସକାଳେ, OGW ମାନଙ୍କୁ ସୂଚନା ଦିଆଯାଇଥିଲା ଯେ ଆକ୍ରମଣ ଏବେ ବୈସାରଣରେ ହେବ। ଏହା ଅପରାହ୍ନରେ କରାଯିବ ଯାହା ଦ୍ଵାରା ଅନ୍ଧାର ଶୀଘ୍ର ହୋଇଯିବ। ଫଳରେ ଆକ୍ରମଣକାରୀମାନେ ରାତିରେ ଜଙ୍ଗଲ ଭିତରକୁ ପଳାଇଯିବା ସହଜ ହେବ। ସେହି ଷଡ଼ଯନ୍ତ୍ର ଅନୁସାରେ ୨୨ ତାରିଖରେ ପର୍ଯ୍ୟଟକଙ୍କୁ ଟାର୍ଗେଟ କରିଥିଲେ ଆତଙ୍କବାଦୀ। ଏପର୍ଯ୍ୟନ୍ତ ପ୍ରାୟ ୨୫୦୦ ଲୋକଙ୍କୁ ପଚରା ଉଚରା କରିଛି ଏନଆଇଏ। ପ୍ରାୟ ୨୦୦ ଲୋକଙ୍କୁ ଅଟକ ରଖାଯାଇଛି।

ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣ ତଦନ୍ତରେ ଏକ ବଡ଼ ଖବର ସାମ୍ନାକୁ ଆସିଛି। ଜାତୀୟ ତଦନ୍ତକାରୀ ସଂସ୍ଥା (NIA) ସୂତ୍ରରୁ ଜଣାପଡ଼ିଛି ଯେ, ଏହି ଆକ୍ରମଣରେ ସାମିଲଥିବା ଆତଙ୍କୀମାନେ ଯୋଗାଯୋଗ  ଓ କଥାବର୍ତ୍ତା ପାଇଁ ଚୀନ୍ ମେସେଜିଂ ଆପ୍ ବ୍ୟବହାର କରିଥିଲେ। ଏହି ଆପ୍ ଏନକ୍ରିପ୍ଟେଡ୍ । ଏଥିରେ କଥା ହୋଇଥିବା ବାର୍ତ୍ତା ଜାଣିବା କଷ୍ଟକର। ଏହି ଆପକୁ ୨୦୨୦ ମସିହାରୁ ଭାରତରେ ବ୍ୟାନ କରାଯାଇଛି। ଆହୁରି ମଧ୍ଯ ଜଣା ପଡ଼ିଛି ଯେ, ଆକ୍ରମଣ ଘଟିଥିବା ସ୍ଥଳରେ ଚାଇନିଜ ସାଟେଲାଇଟ ଫୋନ ବ୍ୟବହାର କରାଯାଇଛି। ବର୍ତ୍ତମାନ ଏହି ଆଧାରରେ ପହଲଗାମରେ ହୋଇଥିବା ବର୍ବର କାଣ୍ଡର ଷଡ଼ଯନ୍ତ୍ରକୁ ଧରିବା ପାଇଁ ତଦନ୍ତକାରୀ ସଂସ୍ଥା ତନାଘନା ଆରମ୍ଭ କରିଦେଇଛି।

ଏହି ଡିଭାଇସ କିପରି କାମ କରିଥାଏ-

ବର୍ତ୍ତମାନ ଏହି ଡିଭାଇସ  ଆତଙ୍କବାଦୀ ଗୋଷ୍ଠୀମାନେ ମଧ୍ଯ ବ୍ୟବହାର କରୁଛନ୍ତି। ଯୋଗାଯୋଗ ଉପକରଣଗୁଡ଼ିକ ଏନକ୍ରିପ୍ଟେଡ୍। ଅର୍ଥାତ ଆପଣଙ୍କର ସମସ୍ତ ଡାଟାକୁ ରିକୋଭରି କରିବାକୁ ଚାହଁଲେ ତାହା କ୍ଷଣିକ ମଧ୍ଯରେ ନଷ୍ଟ ହୋଇଯିବ। ଏହା ଫଳରେ ବିଭିନ୍ନ ଛାନଭିନରୁ କିଛି ସୁରାକ ମିଲି ନ ଥାଏ।

ଏହି ଡିଭାଇସ ବ୍ୟବହାର କରାଯାଉଥିବା ଟେକ୍ନୋଲୋଜି

-ଏଣ୍ଡ-ଟୁ-ଏଣ୍ଡ ଏନକ୍ରିପ୍ସନ୍ (E2EE): ମେସେଜଗୁଡ଼ିକୁ ଏପରି କରାଯାଇଥାଏ ଯେ କେବଳ ପ୍ରେରକ ଏବଂ ଗ୍ରହଣକାରୀ ସେଗୁଡ଼ିକୁ ଡିକୋଡ୍ କରିପାରିବେ।

-କ୍ୱାଣ୍ଟମ୍-ପ୍ରତିରୋଧୀ ଆଲଗୋରିଦମ୍: ଉନ୍ନତ ଏନକ୍ରିପ୍ସନ୍ ଯାହାକୁ କ୍ୱାଣ୍ଟମ୍ କମ୍ପ୍ୟୁଟର୍ ମଧ୍ୟ କ୍ରାକ୍ କରିପାରିବ ନାହିଁ।

-ଷ୍ଟେଗାନୋଗ୍ରାଫି: ଚିତ୍ର , ଭିଡିଓ ଭଳି ନିର୍ଦ୍ଦିଷ୍ଟ ଫାଇଲର ବାର୍ତ୍ତା ଗୁଡ଼ିକ ମଧ୍ୟ ଲୁଚାଇବାରେ ସାହାଯ୍ୟ କରିଥାଏ…

କୋଲକାତା: ଟିଏମସି ନେତାଙ୍କୁ ବାନ୍ଧିବାକୁ ଯାଇ ଆକ୍ରମଣର ଶିକାର ହେଲେ ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ର ଏକ ଟିମ୍। ପଶ୍ଚିମବଙ୍ଗର ପୂର୍ବ ମେଦିନୀପୁର ଜିଲ୍ଲାରେ ୨୦୨୨ ମସିହା ବିସ୍ଫୋରଣ ମାମଲାରେ ତୃଣମୂଳ କଂଗ୍ରେସ ନେତା ମନବେନ୍ଦ୍ର ଜାନାଙ୍କୁ ବାନ୍ଧିବାକୁ ଆଜି ଭୋରରୁ ଯାଇଥିବା (ଏନ୍ଆଇଏ) ଟିମ୍‌ ଉପରେ ହୋଇଛି ଆଖିବୁଜା ପଥର ମାଡ଼ । ଏହି ମାମଲାରେ ମନବେନ୍ଦ୍ର ଜାନାଙ୍କ ସମ୍ପୃକ୍ତି ନେଇ ଏନ୍ଆଇଏ ହାତରେ ପ୍ରମାଣ ଲାଗିଥିଲା। ଏହି ମାମଲାରେ ତାଙ୍କୁ ବାନ୍ଧିବାକୁ ଆଜି ଭୋରରୁ ଭୂପତିନଗରରେ ପହଞ୍ଚିଥିଲା ଏନ୍ଆଇଏ ଟିମ୍‌ । ମାତ୍ର ସେଠାରେ ଉପସ୍ଥିତ ଶତାଧିକ ଲୋକେ ଏନ୍ଆଇଏ ଟିମ୍‌ ଉପରକୁ ପଥର ମାଡ଼ କରଥିଲେ। ଏଥିରେ ଟିମ୍‌ ସଦସ୍ୟଙ୍କ କାର୍ କ୍ଷତିଗ୍ରସ୍ତ ହୋଇଥିବା ବେଳେ ସେମାନେ ଅଳ୍ପକେ ବର୍ତ୍ତି ଯାଇଥିବା ଜଣାଯାଇଛି।

ଖବର ଅନୁଯାୟୀ, ୨୦୨୨ ମସିହା ଡିସେମ୍ବର ୩ ତାରିଖରେ ଭୂପତିନଗରରେ ଏକ ବିସ୍ଫୋରଣ ଘଟଣାରେ ଏକ ଘର ଧ୍ୱସଂ ହୋଇ ଯାଇଥିବା ବେଳେ ୩ ଜଣଙ୍କ ମୃତ୍ୟୁ ହୋଇଥିଲା।