ନୂଆଦିଲ୍ଲୀ: ବେଆଇନ ବେଟିଂ ଆପ ସହ ଜଡିତ ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଏକ ବଡ଼ କାର୍ଯ୍ୟାନୁଷ୍ଠାନ ଆରମ୍ଭ କରିଛି। ଏହି ମାମଲାରେ ପଚରାଉଚରା ପାଇଁ ଅନେକ ବଡ଼ ବଡ଼ ବ୍ୟକ୍ତିଙ୍କୁ ସମନ କରାଯାଇଛି। ED ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂହଙ୍କୁ ସେପ୍ଟେମ୍ବର ୨୩ରେ ଦିଲ୍ଲୀ ମୁଖ୍ୟାଳୟରେ ହାଜର ହେବାକୁ ସମନ କରିଛି। ସେହି ସମୟରେ, ଅଭିନେତା ସୋନୁ ସୁଦଙ୍କୁ ସେପ୍ଟେମ୍ବର ୨୪ରେ ପଚରାଉଚରା ପାଇଁ ଡକାଯାଇଛି। କ୍ରିକେଟର ରବିନ ଉଥାପ୍ପାଙ୍କୁ ମଧ୍ୟ ସେପ୍ଟେମ୍ବର ୨୨ରେ ସମନ କରାଯାଇଛି।

ଏହି ମାମଲାରେ କ୍ରିକେଟର ସୁରେଶ ରାଇନା ଏବଂ ଶିଖର ଧାୱନଙ୍କୁ ମଧ୍ୟ ପଚରାଉଚରା କରାଯାଇଛି। ସେହି ସମୟରେ, ବଙ୍ଗୀୟ ଅଭିନେତା ଅଙ୍କୁଶ ହାଜରା ED କାର୍ଯ୍ୟାଳୟରେ ପହଞ୍ଚିଛନ୍ତି ଏବଂ ଏଜେନ୍ସି ପୂର୍ବତନ ଟଇଏମସି ଏମପି ମିମି ଚକ୍ରବର୍ତ୍ତୀଙ୍କୁ ମଧ୍ୟ ପଚରାଉଚରା କରିଛି। ସୂତ୍ର ଅନୁସାରେ, ଅଭିନେତ୍ରୀ ଉର୍ବଶୀ ରାଉତେଲା ଏପର୍ଯ୍ୟନ୍ତ ED କୁ ସ୍ପଷ୍ଟ କରିନାହାଁନ୍ତି ଯେ ସେ ତଦନ୍ତରେ ଯୋଗଦେବେ କି ନାହିଁ। ଏଜେନ୍ସି ବର୍ତ୍ତମାନ ତାଙ୍କ ପକ୍ଷ ଅପେକ୍ଷା କରିଛି।

ନୂଆଦିଲ୍ଲୀ: ପୁଣି ଥରେ କିକ୍ରେଟ ମଇଦାନକୁ ଫେରିବା ନେଇ ପୂର୍ବତନ ଭାରତୀୟ ଅଲରାଉଣ୍ଡର ଯୁବରାଜ ସିଂହ ଦର୍ଶକଙ୍କୁ ଆଭାସ ଦେଇଛନ୍ତି । ଏହି ସୂଚନା ପରେ ସବୁ କ୍ରିକେଟ ପ୍ରେମୀଙ୍କ ଦିଲ୍‌ର ଧଡ଼କନ ବଢିବାରେ ଲାଗିଛି। ମଙ୍ଗଳବାର ଟ୍ଵିଟରରେ ଏକ ଭିଡିଓ ଜାରି କରି ନିଜର ଅନୁଗାମୀଙ୍କୁ ବଡ ସରପ୍ରାଇଜ ପାଇଁ ପ୍ରସ୍ତୁତ ରହିବାକୁ କହିଛନ୍ତି।

ଏହି ଟ୍ବିଟର  ଭିଡିଓ କ୍ୟାପସନରେ ଯୁବରାଜ ଲେଖିଛନ୍ତି  ଯେ, ବର୍ଷର ଏ ହେଉଛି ସେହି ସମୟ, କଣ ଆପଣ ଏଥିପାଇଁ ପ୍ରସ୍ତୁତ ଅଛନ୍ତି ? ଏହି ସବୁ ପାଇଁ ଯାହା ସବୁ ଦରକାର ହୋଇଥାଏ କଣ ଆପଣଙ୍କ ପାଖରେ ସେହି ଉତ୍ସାହ ରହିଛି କି ? ଆପଣଙ୍କ ପାଇଁ ଏକ ବଡ ସରପ୍ରାଇଜ୍ ରହିଛି ଦୋସ୍ତ ! ସାଙ୍ଗରେ ଥାଆନ୍ତୁ !

It's that time of the year. Are you ready? Do you have what it takes? Have a big surprise for all you guys! Stay tuned! pic.twitter.com/xR0Zch1HtU

— Yuvraj Singh (@YUVSTRONG12) December 7, 2021

ଏହି ଭିଡିଓରେ ଦେଖିବାକୁ ମିଳିଛି ଯେ, ଯୁବରାଜ ନିଜ ଘରେ ବଲ୍ ଧରି ଚାଲୁଛନ୍ତି। ଛାୟା ବ୍ୟାଟିଂ ମଧ୍ୟ କରୁଛନ୍ତି। ଏଥିସହ ପଚ୍ଛଦପଟ୍ଟରେ କିଛି ପୁରୁଣା ମ୍ୟାଚ୍‌ର କମେଣ୍ଟ୍ରି ଚାଲୁଛି। ଏଥିରେ ଇଂଲଣ୍ଡ ବିପକ୍ଷ ୨୦୦୭ ବିଶ୍ଵ କପ୍ ଟି-୨୦ରେ ଏକ ଓଭରରେ ଲଗାଇଥିବା ଛଅ ଛକାର କମେଣ୍ଟ୍ରି ମଧ୍ୟ ସାମିଲ୍।

ଯୁବରାଜ ୨୦୧୯ରେ ଅନ୍ତର୍ଜାତୀୟ କ୍ରିକେଟ୍‌ରୁ ଅବସର ନେଇ ସାରିଥିଲେ। ମାତ୍ର ଏହା ପରେ ଆବୁଧାବିରେ ଟି-୧୦ ଲିଗ୍‌ରେ ସେ ଖେଳିଛନ୍ତି। ସଚିନ ତେନ୍ଦୁଲକର, ବ୍ରାଏନ ଲାରା ଏବଂ ବୀରେନ୍ଦ୍ର ସେହ୍ଵାଗଙ୍କ ପରି କ୍ରିକେଟ୍ ଖେଳାଳିଙ୍କ ସହିତ ରୋଡ୍ ସେଫଟୀ ସିରିଜ୍ ମଧ୍ୟ ଖେଳିଛନ୍ତି।

ସୂଚନା ଅନୁଯାୟୀ, କିଛି ଦିନ ପୂର୍ବେ ଆସନ୍ତା ୨୦୨୨ ଫେବ୍ରୁଆରୀ ମାସରେ କ୍ରିକେଟ ମଇଦାନକୁ ଫେରିବେ ବୋଲି ଯୁବରାଜ ଘୋଷଣା କରିଥିଲେ । ଇନଷ୍ଟଗ୍ରାମରେ ପୋଷ୍ଟରେ ଯୁବରାଜ ଲେଖିଥିଲେ ଯେ, ‘ ଭଗବାନ ତୁମର ଭାଗ୍ୟ ନିଦ୍ଧାରଣ କରନ୍ତି ! ଆପଣମାନଙ୍କ ଇଚ୍ଛା ପାଇଁ ଆସନ୍ତା ଫେବ୍ରୂୁଆରୀ ମାସରେ ମୁଁ ପଡିଆକୁ ଫେରିବି ବୋଲି ଆଶାବାଦୀ ଅଛି ।ଆପଣମାନଙ୍କ ଭଲ ପାଇବା ଓ ସୁଭେଚ୍ଛା ପାଇଁ ଧନ୍ୟବାଦ । ଏହା ମୋ ପାଇଁ ବହୁତ ମୂଲ୍ୟବାନ। ଇଣ୍ଡିଆକୁ ସମର୍ଥନ ଜାରି ରଖନ୍ତୁ । ଏହା ଆମର ଟିମ୍ ଏବଂ ଜଣେ ପ୍ରକୃତ ପ୍ରଶସଂକ ଖରାପ ସମୟରେ ମଧ୍ୟ ସମର୍ଥନ ଜାରି ରଖେ’।

View this post on Instagram

A post shared by Yuvraj Singh (@yuvisofficial)

ନୂଆଦିଲ୍ଲୀ : ପୁଣି କିକ୍ରେଟ ମଇଦାନକୁ ଫେରିବେ ଭାରତର ପୂର୍ବତନ ବିସ୍ଫୋରକ ଅଲରାଉଣ୍ଡର ଯୁବରାଜ ସିଂ । ପୁଣି କିକ୍ରେଟ ମଇଦାନ ଦେଖିବାକୁ ମିଳିବ ଜର୍ସି ନଂ ୧୨ । ଷ୍ଟାଇଲିସ୍‌ ସଟ୍ ସହ ପୁଣିଥରେ କିଙ୍ଗ ଅଫ ଦି ସିକ୍ସଙ୍କ ଦମ୍‌ଦାର ଇଂନିସକୁ ଅନାଇବସିଛନ୍ତି କ୍ରୀଡାପ୍ରେମୀ। କାରଣ ପୁଣି କ୍ରିକେଟ ମଇଦାନକୁ ଓହ୍ଲାଇବା ସହ ଭାରତ ପାଇଁ ଖେଳିବେ ବୋଲି ନିଜ ସୋସିଆଲ ମିଡ଼ିଆରେ ଯୁବରାଜ ନିଜେ ଘୋଷଣା କରିଛନ୍ତି ।

ଆସନ୍ତା ୨୦୨୨ ଫେବ୍ରୁଆରୀ ମାସରେ କ୍ରିକେଟ ମଇଦାନକୁ ଫେରିବେ ବୋଲି ଯୁବରାଜ ଘୋଷଣା କରିଛନ୍ତି । ଇନଷ୍ଟଗ୍ରାମରେ ପୋଷ୍ଟରେ ଯୁବରାଜ ଲେଖିଛନ୍ତି, ‘ ଭଗବାନ ତୁମର ଭାଗ୍ୟ ନିଦ୍ଧାରଣ କରନ୍ତି ! ଆପଣମାନଙ୍କ ଇଚ୍ଛା ପାଇଁ ଆସନ୍ତା ଫେବ୍ରୂୁଆରୀ ମାସରେ ମୁଁ ପଡିଆକୁ ଫେରିବି ବୋଲି ଆଶାବାଦୀ ଅଛି ।ଆପଣମାନଙ୍କ ଭଲ ପାଇବା ଓ ସୁଭେଚ୍ଛା ପାଇଁ ଧନ୍ୟବାଦ । ଏହା ମୋ ପାଇଁ ବହୁତ ମୂଲ୍ୟବାନ । ଇଣ୍ଡିଆକୁ ସମର୍ଥନ ଜାରି ରଖନ୍ତୁ । ଏହା ଆମର ଟିମ୍ ଏବଂ ଜଣେ ପ୍ରକୃତ ପ୍ରଶସଂକ ଖରାପ ସମୟରେ ମଧ୍ୟ ସମର୍ଥନ ଜାରି ରଖେ’।

View this post on Instagram

A post shared by Yuvraj Singh (@yuvisofficial)

ସାମାଜିକ ଗଣମାଧ୍ୟମରେ ନିଜେ ଯୁବରାଜ ଏହି ଘୋଷଣା କରିବା ପରେ ସବୁ କ୍ରିକେଟ ପ୍ରେମୀଙ୍କ ଦିଲ୍‌ର ଧଡ଼କନ ବଢିବାରେ ଲାଗିଛି । ପୁଣି ଷ୍ଟାଡିୟମରେ ଯୁବରାଜଙ୍କ ଧମାକାଦାର ବ୍ୟାଟିଂ ଦେଖିବାର ସୁଯୋଗ ପାଇବେ ଦର୍ଶକ। ଯାହାକୁ ନେଇ ବର୍ତ୍ତମାନ ବେଶ ଆଲୋଚନା ହେଉଛି। ସଦ୍ୟ ଟି୨୦ ବିଶ୍ୱକପରେ ଭାରତୀୟ ଦଳର ଶୋଚନୀୟ ପରାସ୍ତ ପରେ ଅନେକ କ୍ରିକେଟ୍ ପ୍ରେମୀ ଯୁବରାଜଙ୍କୁ କମବ୍ୟାକ୍ କରିବା ଲାଗି ଅନୁରୋଧ କରିଥିଲେ । ଖାସ ସେମାନଙ୍କ ଅନୁରୋଧ ରକ୍ଷା କରିବାକୁ ଯାଇ ଯୁବରାଜ ପୁଣିଥରେ ମଇଦାନକୁ ଫେରିବା ଲାଗି ପ୍ରସ୍ତୁତ ହେଉଛନ୍ତି। ସେ ଆସନ୍ତା ୨୦୨୨ ମସିହା ଫେବୃଆରୀ ମାସରେ ପୁଣି ଭାରତ ପାଇଁ କ୍ରିକେଟ ଖେଳିବେ ବୋଲି ନିଜ ସୋସିଆଲ ମିଡ଼ିଆ ଘୋଷଣା କରିଛନ୍ତି।

ଚଣ୍ଡିଗଡ଼: ସ୍ପିନର ଯୁଜବେନ୍ଦ୍ର ଚହଲଙ୍କୁ ନେଇ ଜାତିଆଣା ମନ୍ତବ୍ୟ ଦେଇଥିବା ମାମଲାରେ ଭାରତୀୟ କ୍ରିକେଟ୍ ଦଳର ପ୍ରାକ୍ତନ ତାରକା ଅଲ୍‌ରାଉଣ୍ଡର ଯୁବରାଜ ସିଂହଙ୍କୁ ରବିବାର ହରିୟାଣାର ହିସାରା ପୁଲିସ ଗିରଫ କରିଛି। ତେବେ ଗିରଫ କରିବାର ପରେ ତାଙ୍କୁ ଜାମିନ ମିଳିଯାଇଛି। ଜାମିନ ମିଳିବା ପୂର୍ବରୁ ଯୁବରାଜଙ୍କୁ ୩ ଘଣ୍ଟା ପାଖାପାଖୁ ପଚରାଉଚରା କରାଯାଇଥିଲା ବୋଲି ଜଣାପଡ଼ିଛି।

ରିପୋର୍ଟ ମୁତାବକ, ଗତବର୍ଷ ସାମାଜିକ ଗଣମାଧ୍ୟମ ସାଇଟ୍ ଇନ୍‌ଷ୍ଟାଗ୍ରାମରେ ରୋହିତ୍ ଶର୍ମାଙ୍କ ବାର୍ତ୍ତାଳାପ ସମୟରେ ଚହଲଙ୍କୁ ନେଇ ଯୁବରାଜ କିଛି ଜାତିଆଣ ମନ୍ତବ୍ୟ ଦେଇଥିଲେ। ଏହି ଘଟଣା ଗତ ଫେବୃଆରୀରେ ହିସାରାର ଜଣେ ଓକିଲ ହାନସି ପୁଲିସ୍ ଷ୍ଟେସନରେ ଏସ୍‌ସି ଏସ୍‌ଟି ଆକ୍ଟରେ ଏଫ୍‌ଆଇଆର୍ ରୁଜୁ କରାଯାଇଥିଲା। ରୋହିତଙ୍କ ସହ ଏହି ବାର୍ତ୍ତାଳାପ ସମୟରେ ଦଳିତ ସମାଜ ବିରୋଧରେ ‘ଘୃଣ୍ୟ’ ଓ ‘ଅସମ୍ମାନଜନକ ମନ୍ତବ୍ୟ ଦେଇଥିବା ଅଭିଯୋଗ ହୋଇଥିଲା। ହାନସି ପୁଲିସ ଅଧିକ୍ଷକ ନିତିକା ଗେହଲଟ୍‌ କହିଛନ୍ତି, ‘ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଯୁବରାଜ ଅନୁସନ୍ଧାନକାରୀ ଅଧିକାରୀଙ୍କ ନିକଟରେ ହାଜର ହୋଇଥିଲେ। ପଚରାଉଚରା ପରେ ତାଙ୍କୁ ଗିରଫ କରାଯାଇଥିଲା। ଗିରଫ ପରେ ଯୁବରାଜଙ୍କୁ ମଧ୍ୟବର୍ତ୍ତୀକାଳୀନ ଜାମିନ ମିଳିଛି।’