ନନ୍ଦନକାନନ: ନନ୍ଦନକାନନରେ ଅଚଳ ହୋଇ ପଡ଼ିଥିବା ଶିଶୁ ରେଳଗାଡ଼ି ପୁନର୍ବାର ଚାଲିବା ନେଇ କର୍ତ୍ତୃପକ୍ଷ ବାରମ୍ବାର ପ୍ରତିଶ୍ରୁତି ଦେବା ପରେ ତାହା ବିଫଳ ହୋଇଥିଲା । ଏବେ ପୁଣିଥରେ କଣ୍ଟ ଦେଇଛନ୍ତି କର୍ତ୍ତୃପକ୍ଷ । ଚଳିତ ମାସ ୧୬ ତାରିଖ ଅର୍ଥାତ ଆଜିଠାରୁ ନନ୍ଦନକାନନରେ ଶିଶୁ ରେଳଗାଡ଼ି ଚାଲିବା ନେଇ ନନ୍ଦନକାନନ ଉପନିର୍ଦ୍ଦେଶକ ଡ. ସଞ୍ଜିତ କୁମାର ସୂଚନା ଦେଇଛନ୍ତି । ରାଇଟ୍ସ ସଂସ୍ଥା ପକ୍ଷରୁ ଗାଡ଼ି ମରାମତି କାର୍ଯ୍ୟ ଶେଷ ହୋଇଥିବାବେଳେ ଚଳାଚଳ ପାଇଁ ପରୀକ୍ଷା ନିରୀକ୍ଷା ପରେ ଶିଶୁ ରେଳଗାଡ଼ି ଚଳାଚଳ ପାଇଁ ସବୁଜ ସଙ୍କେତ ଦିଆଯାଇଛି। ପ୍ରଥମେ ଏହାକୁ ଦିନକୁ ୬ଥର ଚଲାଯିବ । ପ୍ରତି ଟ୍ରିପ୍‌ରେ ଏକଘଣ୍ଟା କରି ପର୍ଯ୍ୟଟକ ମଜା ପାଇପାରିବେ । ପ୍ରଥମ ଟ୍ରିପ୍ ୧୦ଟାରୁ ଆରମ୍ଭ ହୋଇ ଅପରାହ୍ନ ୪ଟାରେ ବନ୍ଦ ହେବ। ପ୍ରଥମ ପର୍ଯ୍ୟାୟରେ ୧୦ଟା, ୧୧ଟା, ୧୨ଟା ଓ ଦ୍ବିତୀୟ ପର୍ଯ୍ୟାୟରେ ୨ଟା, ୩ଟା, ୪ଟାରେ ଏହିଭଳି ଦିନକୁ ୬ଥର ଗାଡ଼ି ଚଳାଚଳ କରିବ। ପ୍ରତ୍ୟେକ ଟ୍ରିପ୍‌ର ଅଧଘଣ୍ଟା ପୂର୍ବରୁ ପର୍ଯ୍ୟଟକ ଟିକେଟ୍ କାଟିବେ। ପ୍ରଥମରୁ ଟିକେଟ୍ କାଟିଥିବା ଅନୁସାରେ ପ୍ରତି ଟ୍ରିପ୍‌ରେ ୭୨ ଜଣ ପର୍ଯ୍ୟଟକ ଶିଶୁ ରେଳଗାଡ଼ି ସବାରୀ କରିବେ। ମଙ୍ଗଳବାରଠାରୁ ଗୁରୁବାର ପର୍ଯ୍ୟନ୍ତ ୬ ଟ୍ରିପ୍ କରି ଗାଡ଼ି ଚଳାଚଳ କରିବ | ଏହି ସମୟ ମଧ୍ୟରେ ଗାଡ଼ି ଚଳାଚଳର ଅବସ୍ଥାକୁ ମୂଲ୍ୟାଙ୍କନ କରାଯିବ । ଯଦି ସବୁକିଛି ଠିକ୍‌ଠାକ ଚାଲିଲା ତେବେ ଆସନ୍ତା ଶୁକ୍ରବାରଠାରୁ ଧୀରେ ଧୀରେ ଟ୍ରିପ ବଢ଼ାଯିବ ବୋଲି ସୂଚନା ଦିଆଯାଇଛି।

ଭୁବନେଶ୍ୱର: ପର୍ଯ୍ୟଟକଙ୍କ ପାଇଁ ଖୁସି ଖବର । ଆଜିଠୁ ପୁଣି ଥରେ ନନ୍ଦନକାନନରେ ଟଏ ଟ୍ରେନରେ ବସି ଚିଡିଆଖାନା ବୁଲିବାର ମଜା ନେଇପାରିବେ ପର୍ଯ୍ୟଟକ । ୭ ବର୍ଷ ପରେ ଟ୍ରାକରେ ଗଡ଼ିବ ଟଏ ଟ୍ରେନ୍। ୭୬-ତମ ରାଜ୍ୟସ୍ତରୀୟ ବନ୍ୟପ୍ରାଣୀ ସପ୍ତାହ ସମାରୋହ ଅବସରରେ ଆଜି ଉଦଘାଟିତ ହେବ ଟଏଟ୍ରେନ । ୨୦୧୪ମସିହା ଠାରୁ ବନ୍ଦ ପଡିଥିବା ଟଏଟ୍ରେନ ପର୍ଯ୍ୟଟକ ମାନଙ୍କ ପାଇଁ ଆଜିଠୁ ପୁଣି ଆରମ୍ଭ ହେଉଛି । ୫-ଟି ବଗି ବିଶିଷ୍ଟ ୭୨-ସିଟରେରେ ପଯ୍ୟଟକମାନେ ୧.୬୨ କି.ମି କୋଡିଏ ମିନିଟ ଭିତରେ ବୁଲିପାରିବେ ।ପ୍ରତିଦିନ ସକାଳ ୯ଟାରୁ ଅପରାହ୍ଣ ୫ଟା ଯାଏ ପର୍ଯ୍ୟଟକ ଟଏ ଟ୍ରେନରେ ବୁଲିବାର ମଜା ନେଇପାରିବେ ।

NANDANKANAN waiting for 8th Oct For the inauguration of Toy train and Foundation stone of Ropeway on the eve of state level Wildlife Week Celebration. @CZA_Delhi @ForestDeptt @waza @CMO_Odisha @odishawildlife @PCCFWL_Odisha @pccfodisha @IPR_Odisha @TourismDptt pic.twitter.com/P79TBGNC9P

— NANDANKANAN ZOOLOGICAL PARK (@ddnandankanan) October 7, 2021

ଏଥି ସହିତ ଆଜି ନୂଆ ରୋପ୍ ଓ୍ୱେର ଶିଳାନ୍ୟାସ ହେବ । ଏଥିପାଇଁ ୧୩ କୋଟିର ବ୍ୟୟ ଅଟକଳ ହୋଇଛି । ପିପିପି ମୋଡରେ ନିର୍ମାଣ ହେବା ଏହି ରୋପ୍ ଓ୍ୱେ । ୨୦୧୧ମସିହା ଠାରୁ ବନ୍ଦ ପଡ଼ିଥିବା ରେପ-ୱେ’ର  ୧୮ମାସ ଭିତରେ  କାର୍ଯ୍ୟସାରିବା ପାଇଁ ସମୟସୀମା ଧାର୍ଯ୍ୟ କରାଯାଇଛି । ନନ୍ଦନକାନନରୁ କାଞ୍ଜିଆ ଲେକ୍‌ ଉପର ଦେଇ ବଟନିକାଲ ଗାଡେନ୍‌ ପର୍ଯ୍ୟନ୍ତ ଯାଇପାରିବେ ପଯ୍ୟଟକ । ଆଜି ଏହି କାର୍ଯ୍ୟକ୍ରମର ଶୁଭ ଉଦ୍‌ଘାଟନ କରିବେ ଜଙ୍ଗଲ ଓ ପରିବେଶ ବିଭାଗ ମନ୍ତ୍ରୀ ବିକ୍ରମ କେଶରୀ ଆରୁଖ, ଜଟଣୀ ବିଧାୟକ ସୁରେଶ କୁମାର ରାଉତରାୟ, ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ, ଜଙ୍ଗଲ ବିଭାଗ ଅତିରିକ୍ତ ସଚିବ ଡ଼ଃ ମୋନା ଶର୍ମା, ଓଡିଶା ବନସରକ୍ଷକ ଶିଶିର କୁମାର ରଥ, ପି. ସି. ସି ଏଫ ଶଶୀ ପଲ ସମ୍ମାନୀତ ଅତିଥିଭାବେ ଯୋଗଦେବେ ।