ଭୁବନେଶ୍ୱର: ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ୍ ମାମଲାରେ ନିର୍ଦ୍ଦୋଷରେ ଖଲାସ ହେଲା ଲୁଟେରା ସ୍ପାଇଡର୍ ସତୀଶ ରେଡ୍ଡି । ସାକ୍ଷ୍ୟ ପ୍ରମାଣ ଅଭାବରୁ ଅଭିଯୁକ୍ତ ସତୀଶ ରେଡ୍ଡିକୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ। ଭୁବନେଶ୍ଵର JMFC ୩ କୋର୍ଟ ପକ୍ଷରୁ ସ୍ପାଇଡର ସତୀଶକୁ ନଟ୍ ଫାଉଣ୍ଡ ଗିଲ୍ଟି କରି ନିର୍ଦ୍ଦୋଷରେ ଖଲାସ କରାଯାଇଛି । 

୨୦୨୫ ମସିହା ଜାନୁଆରୀ ୨୬ ତାରିଖରେ ନିରଞ୍ଜନଙ୍କ ନୟାପଲ୍ଲୀ ସ୍ଥିତ ଘରୁ ଚୋରି ହୋଇଥିଲା । ସୁନା ଗହଣା ସହ କିଛି ନଗଦ ଅର୍ଥ ଚୋରି ହୋଇଥିବା ନେଇ ଅଭିଯୋଗ ହୋଇଥିଲା । କମିଶନରଟେ ପୋଲିସ ତଦନ୍ତର ଦିଗ ଆଗକୁ ବଢାଇବା ସହ ସିସିଟିଭି ଫୁଟେଜ ଯାଞ୍ଚ ଆଧାରରେ ସ୍ପାଇଡର୍ ସତୀଶ ରେଡ୍ଡିକୁ ଗିରଫ କରିଥିଲା । ତେବେ ଉପଯୁକ୍ତ ସାକ୍ଷ୍ୟ ପ୍ରମାଣ ଅଭାବରୁ ସ୍ପାଇଡର ସତୀକୁ ଆଜି ଭୁବନେଶ୍ବର ଜେଏମଏଫସି କୋର୍ଟ-୩ ଦୋଷମୁକ୍ତ କରିଛନ୍ତି ।

ଗତବର୍ଷ ଏପ୍ରିଲ ୨୫ରେ ଚାର୍ଜସିଟ ଦାଖଲ ହୋଇଥିଲା। ସତୀଶ ବିରୋଧରେ ୩୪ଟି କେସ ଥିବା ସେତେବେଳେ କୁହାଯାଇଥିଲା । କିନ୍ତୁ ଫିଲ୍ମ ଷ୍ଟାଇଲରେ ଚିତ୍ରଣ କରାଯାଇଥିବା ଏହି କେସ ଗୁଡିକର ପ୍ରମାଣ କୋର୍ଟଙ୍କ ନିକଟରେ ଦାଖଲ କରିପାରିନଥିଲା ପୋଲିସ। ଯେଉଁଥିପାଇଁ ପୋଲିସର ତଦନ୍ତ ପ୍ରକ୍ରିୟାକୁ ଭର୍ତ୍ସନା କରିଛନ୍ତି କୋର୍ଟ। 

ଭୁବନେଶ୍ୱର: ଏଥର ରଥଯାତ୍ରାର ଆୟୋଜନ ଅନ୍ୟ ବର୍ଷ ଅପେକ୍ଷା ଅଧିକ ଭଲ ହୋଇଥିଲା। ତା’ ସତ୍ତ୍ୱେ ରଥ ଚାଲିଲା ନାହିଁ। ମୁଁ ଜଣେ ଜଗନ୍ନାଥ ବିଶ୍ଵାସୀ ଭକ୍ତ। ମୋର ଜେତ ଦୂର ଧାରଣା ଗତ ୫୦/୬୦ ବର୍ଷ ଭିତରେ ରଥ ଚାଲିବାରେ ଏ ବର୍ଷ ପରି ଦୃଷ୍ଟାନ୍ତ ନାହିଁ। କାହିଁକି ପ୍ରଭୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କର ଏ ଲୀଳା ? ଟି.ଭି ରେ ପଣ୍ଡିତ ମାନେ କହୁଛନ୍ତି ସାଲବେଗ ବା ଯାଜପୁରର ୧୨ ବର୍ଷର ବାଳକକୁ ଜଗନ୍ନାଥ ଅପେକ୍ଷା କରିଥିଲେ। ମୁଁ ଗୋଟିଏ ଦୁର୍ବଳମନା ବ୍ୟକ୍ତି। ମୋ ମନରେ ବହୁତ ଦ୍ବନ୍ଦ ଓ ଆଶଙ୍କା ଆସୁଛି। ତା ଭିତରେ ଗତ ବର୍ଷର ରଥଯାତ୍ରାରେ ଘଟିଥିବା ଘଟଣା ଆନ୍ଦୋଳିତ କରୁଛି। ଗତ ବର୍ଷ ବଳଭଦ୍ରଙ୍କୁ ପହଣ୍ଡିବେଳେ ଯେପରି ଅବହେଳା ପ୍ରଦର୍ଶନ କରାଗଲା, ସେଥିପାଇଁ କୌଣସି ପଦକ୍ଷେପ ନିଆଗଲା ନାହିଁ। ଏପରି ଅବହେଳା ପାଇଁ ଚତୁର୍ଦ୍ଧାମୂର୍ତ୍ତିଙ୍କର କଣ ଅସନ୍ତୋଷ ଅଛି କି ? ମୋର ଅନୁରୋଧ ଆମର ଭୁଲ ପାଇଁ ଆମ ରାଜ୍ୟପାଳ, ମୁଖ୍ୟମନ୍ତ୍ରୀ କିମ୍ବା ଗଜପତି ପ୍ରଭୁଙ୍କ ପାଖରେ କ୍ଷମା ମାଗି ଓଡିଶା ବାସୀଙ୍କୁ ଅଧିକ କ୍ଷତିରୁ ରକ୍ଷା କରନ୍ତୁ।

ଭୁବନେଶ୍ବର: ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ ଘଟଣା । ୩ ଜଣଙ୍କ ପଲିଗ୍ରାଫ ଟେଷ୍ଟ ସାରିଛି ପୋଲିସ ନିରଞ୍ଜନଙ୍କ ଘରେ କାମ କରୁଥିବା ୩ କର୍ମଚାରୀ ଓ ଡ୍ରାଇଭରଙ୍କ ପଲିଗ୍ରାଫ ଟେଷ୍ଟ ହୋଇଛି। ସେପଟେ ୨ଟି ରାଜ୍ୟରେ ଚଢ଼ାଉ ଜାରି ରଖିଛି ସ୍ପେଶାଲ ଟିମ ।  ଚୋରି ଦିନ ଲୁଟେରା ଏକ ଅଟୋରେ ଆସିଥିବା ଜାଣିବାକୁ ପାଇଛି ପୁଲିସ । ନୟାପଲ୍ଲୀରେ ଅଟୋରୁ ଓହ୍ଲାଇବା ପରେ ଚାଲି ଚାଲି ନିରଞ୍ଜନଙ୍କ ଘର ନିକଟକୁ ଯାଇଥିଲା । ପୂର୍ବରୁ ଏହି ଲୁଟେରା ଜଣଙ୍କ ପ୍ରଭାବଶାଳୀ ଠିକାଦାରଙ୍କ ଘରୁ ଚୋରି କରିଥିଲା । ଲୁଟେରା ସହ ନିରଞ୍ଜନଙ୍କ କର୍ମଚାରୀଙ୍କ ସମ୍ପର୍କ ଥିବା ବିଶ୍ୱସ୍ତ ସୂତ୍ରରୁ ଜଣାପଡ଼ିଛି।

ଏ ନେଇ ସୂଚନା ପାଇବା ପରେ ପଲିଗ୍ରାଫ ଟେଷ୍ଟ କରିଛି ପୁଲିସ ।ଗତ ୨୫ ତାରିଖ ବିଳମ୍ବିତ ରାତିରେ ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ ହୋଇଥିଲା ୧୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ହୀରା, ସୁନା ଗହଣା ଓ ଅଢେଇ ଲକ୍ଷ ନଗଦ ଟଙ୍କା ଲୁଟ ହୋଇଥିଲା ।  ସାଧାରଣତନ୍ତ୍ର ଦିବସ ପୂର୍ବ ରାତିରେ ଏଭଳି ଲୁଟ ନେଇ ବଦନାମ ମୁଣ୍ଡାଇଥିଲା ପୁଲିସ । ନିରଞ୍ଜନ ମଧ୍ୟ ବିପର୍ଯ୍ୟସ୍ତ ଆଇନଶୃଙ୍ଖଳା ନେଇ ପ୍ରଶ୍ନ ଉଠାଇଥିଲେ । ହତ୍ୟା, ଅପହରଣ, ଲୁଟ, ଚୋରି ବଢିବା ନେଇ କ୍ଷୋଭ ପ୍ରକାଶ ମଧ୍ୟ କରିଥିଲେ। ପୁଲିସର ଅପାରଗତା ନେଇ ସବୁ ମହଲରୁ ନିନ୍ଦା କରାଯାଇଥିଲା ।  ଘଟଣାକୁ ୧୦ ଦିନ ବିତିଯାଇଥିଲେ ମଧ୍ୟ ଏଯାଏଁ ଅଭିଯୁକ୍ତକୁ ଧରିପାରିନାହିଁ ପୁଲିସଆଗକୁ ପାଲିଗ୍ରାଫ ଟେଷ୍ଟ ଜରିଆରେ ଅଭିଯୁକ୍ତକୁ ଧରାଯିବ ବୋଲି ଆଶା ରଖିଛି ପୁଲିସ।

ଭୁବନେଶ୍ବର: ଅସୁରକ୍ଷିତ ହୋଇପଡ଼ିଛି ରାଜଧାନୀ ଭୁବନେଶ୍ଵର। ଚୋରି, ରାହାଜାନୀ, ଛିନତାଇ ବଢ଼ିଛି। ଆଇନଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ । ଭୁବନେଶ୍ବରର ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇଛନ୍ତି ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ ।

ସେ ନିଜ ସୋସିଆଲ ମଡିଆ ‘ଏକ୍ସ’ରେ ଲେଖିଛନ୍ତି ଯେ, ପ୍ରତିଦିନ ଖବରକାଗଜରେ ଭୁବନେଶ୍ବରରେ ବଢ଼ୁଥିବା ଅପରାଧ ଏବଂ ଡକାୟତିର ଖବର ଦେଖୁବାକୁ ମିଳୁଛି। ମୋ ଘରେ ଡକାୟତି ଘଟି ୧୦ ଦିନ ହୋଇଗଲାଣି, କିନ୍ତୁ ଏପର୍ଯ୍ୟନ୍ତ ପୁଲିସ୍ ଅପରାଧୀଙ୍କୁ ଧରିପାରିନାହାନ୍ତି। ଏହି ଘଟଣା କେବଳ ମୋ ପାଇଁ ନୁହେଁ, ଆମ ସମଗ୍ର ଓଡ଼ିଶା ପାଇଁ ଏକ ଗଭୀର ଚିନ୍ତାର ବିଷୟ। ରାଜ୍ୟରେ, ବିଶେଷକରି ଭୁବନେଶ୍ବରରେ ଅପରାଧ କାହିଁକି ଏତେ ବଢ଼ୁଛି ବୋଲି ସେ ପ୍ରଶ୍ନ କରିଛନ୍ତି। ବେକାରି ସମସ୍ୟା, ଡ୍ରଗ୍ସ ଏବଂ ମଦପାନର ଅତ୍ୟଧିକ ବ୍ୟବହାର ଅପରାଧକୁ ବଢ଼ାଇବାରେ ସହାୟକ ହେଉଛି ବୋଲି ସେ କହିଛନ୍ତି

ଏହି ଅବସ୍ଥା ଦୂର କରିବା ପାଇଁ ଓଡ଼ିଶା ସରକାର ତୁରନ୍ତ ପଦକ୍ଷେପ ନେବା ଆବଶ୍ୟକ। ପୁଲିସ ବିଭାଗକୁ ଆଧୁନିକ ତଥା ଉନ୍ନତ ପ୍ରଯୁକ୍ତିର ସହାୟତା ଦେଇ ସୁଦୃଢ଼ କରିବା ଉଚିତ। ନିରାପତ୍ତା ପ୍ରତ୍ୟେକ ନାଗରିକଙ୍କ ଅଧିକାର। ଅପରାଧର ମୁକାବିଲା ପାଇଁ ପ୍ରଶାସନ ଦୃଢ଼ ହେବା ସହ ସକ୍ରିୟ ପଦକ୍ଷେପ ନେଉ। ମୁଁ ସମସ୍ତ ନାଗରିକଙ୍କୁ ଅନୁରୋଧ କରୁଛି–ସତର୍କ ରହନ୍ତୁ, ନିଜେ ନିଜକୁ ରକ୍ଷା କରନ୍ତୁ ବୋଲି ସେ ସୋସିଆଲ ମଡିଆରେ କହିଛନ୍ତି।

ଭୁବନେଶ୍ବର: ଛାତ୍ର କଂଗ୍ରେସ ନେତା ଓ କର୍ମକର୍ତ୍ତାଙ୍କୁ ଅପରାଧୀ ଭଳି ଥାନାରେ ଅଟକ ଘଟଣାରେ ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ପ୍ରତିକ୍ରିୟା। ରାଜ୍ୟରେ ଆଉ ଗଣତନ୍ତ୍ର ନ ଥିବା କଥା କ୍ଷୋଭର ସହ କହିଛନ୍ତି ନିରଞ୍ଜନ। କଳା ପତାକା ପ୍ରଦର୍ଶନର ଅଧିକାର ସମସ୍ତଙ୍କର ରହିଛି। ଗତକାଲି ଆରଏସଏସ ନେତା ମୋହନ ଭଗବତଙ୍କ ଗସ୍ତ ବେଳେ କଳା ପତାକା ଦେଖାଇଥିଲା ଛାତ୍ର କଂଗ୍ରେସ। ଗଣତନ୍ତ୍ରରେ ଏହା ଗ୍ରହଣୀୟ ନୁହେଁ ବୋଲି ସେ କହିଛନ୍ତି। କିନ୍ତୁ ବର୍ତ୍ତମାନର ସରକାର ଅସହିଷ୍ଣୁ ହୋଇପଡିଛି। ଏହାକୁ ଗ୍ରହଣ କରିବା ଅବସ୍ଥାରେ ନାହିଁ। ଯାହାକି ଅତ୍ୟନ୍ତ ନିନ୍ଦନୀୟ ବୋଲି କହିଛନ୍ତି ନିରଞ୍ଜନ।

ସେପଟେ, ସହରରେ ବଢୁଥିବା ଆଇନଶୃଙ୍ଖଳା ପରିସ୍ଥିତିକୁ ନେଇ ମଧ୍ୟ ପ୍ରବଳ ବର୍ଷିଛନ୍ତି ନିରଞ୍ଜନ। ଭରତପୁର ଥାନାରେ ମେଜର ଓ ତାଙ୍କ ବାନ୍ଧବୀଙ୍କୁ ଦୁର୍ବ୍ୟବହାର, ସାମନ୍ତରାପୁରରୁ ଏଟିଏମ ତାଡି ଲୁଟ, ସହଦେବ ନାୟକଙ୍କୁ ହତ୍ୟା, ଆପାର୍ଟମେଣ୍ଟରୁ ଲୁଟ ସହ ତାଙ୍କ ଘରୁ ଲୁଟେରା କଳାକନା ବୁଲାଇଦେଇଥିବା ଘଟଣାରେ ପୁଲିସର ପାରିବାପଣିଆକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ବୋଲି କହିଛନ୍ତି ନିରଞ୍ଜନ। ଦକ୍ଷ ପୁଲିସ ଅଫିସରଙ୍କ ଆବଶ୍ୟକତା , ତଦନ୍ତ ପ୍ରକ୍ରିୟାରେ ଉନ୍ନତ ଜ୍ଞାନ କୌଶଳର ଆବଶ୍ୟକତାର ଆବଶ୍ୟକତା ଥିବା କହିଛନ୍ତି ବରିଷ୍ଠ କଂଗ୍ରେସ ନେତା। କେବଳ ଭୁବନେଶ୍ୱର ନୁହେଁ, ଗତ କିଛି ଦିନ ହେଲା ସାରା ରାଜ୍ୟ ଅପରାଧୀଙ୍କ ଚରା ଭୂଇଁ ପାଲଟିଥିବା କ୍ଷୋଭର ସହ କହିଛନ୍ତି ନିରଞ୍ଜନ।

ଭୁବନେଶ୍ବର: ଅସୁରକ୍ଷିତ ହୋଇପଡ଼ିଛି ରାଜଧାନୀ ଭୁବନେଶ୍ଵର। ଚୋରି, ରାହାଜାନୀ, ଛିନତାଇ ବଢ଼ିଛି। ଆଇନଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ । ଭୁବନେଶ୍ବରର ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠାଇଲେ ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ । ନିରଞ୍ଜନ ପଟ୍ଟନାୟକଙ୍କ ଭୁବନେଶ୍ଵର ଘରୁ ଚୋରି ପରେ ସୁରକ୍ଷା ବ୍ୟବସ୍ଥାକୁ ନେଇ ସେ ପ୍ରଶ୍ନ ଉଠାଇଛନ୍ତି । ସୋସିଆଲ ମିଡିଆରେ ସେ ପୋଷ୍ଟ କରିଛନ୍ତି- ଏହି ଘଟଣା କେବଳ ମୋର ପରିବାର ପାଇଁ ନୁହେଁ । ସମସ୍ତ ଭୁବନେଶ୍ୱରବାସୀଙ୍କ ସୁରକ୍ଷାକୁ ନେଇ ଚିନ୍ତିତ। ସରକାର ଓ ଆଇନଶୃଙ୍ଖଳାର ଅବହେଳା କାରଣରୁ ଲୋକଙ୍କ ଘର, ସାହି ଏବଂ ସମ୍ପଦ ବିପଦରେ ପଡ଼ିଛି । ଓଡ଼ିଶା ପୋଲିସ ଜନତାଙ୍କ ସୁରକ୍ଷା ନିଶ୍ଚିତ କରନ୍ତୁ । ଲୋକଙ୍କ ସୁରକ୍ଷା ବିଜେପି ସରକାରଙ୍କ ସର୍ବପ୍ରଥମ ପ୍ରାଥମିକତା ହେବା ଉଚିତ ବୋଲି ସୋସିଆଲ୍ ମିଡିଆରେ ପୋଷ୍ଟ କରି କହିଛନ୍ତି ନିରଞ୍ଜନ ।

ସେପଟେ ବିଜେଡି ବିଧାୟକ କଳିକେଶ ସିଂହଦେଓ ମଧ୍ୟ କଡ଼ା ସମାଲୋଚନା କରି କହିଛନ୍ତି, ଡବଲ ଇଂଜିନ ସରକାରରରେ ଆଇନ ଶୃଙ୍ଖଳା ବୋଲି କିଛି ନାହିଁ। ଡବଲ ଇଞ୍ଜିନରେ ପୂର୍ବରୁ ଗୋଟେ ଇଂଜନ ଫେଲ୍ ହୋଇଯାଇଥିଲା । ଏବେ ଦୁଇଟା ଯାକ ଇଞ୍ଜିନ ଫେଲ । ଭୁବନେଶ୍ଵରରୁ ବଲାଙ୍ଗିର ଯାଏ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ । ବରିଷ୍ଠ କଂଗ୍ରେସ ନେତାଙ୍କ ଘରୁ ଚୋରି ହୋଇଛି। ହେଲେ ସରକାର ଯେପରି ପଦକ୍ଷେପ ନେବା କଥା, ନେଉ ନାହାନ୍ତି। ଆଇନ ଶୃଙ୍ଖଳା ବିପର୍ଯ୍ୟସ୍ତ, ତା ଉପରେ ସରକାର ଧ୍ୟାନ ଦିଅନ୍ତୁ। ଚୋରି, ଡକାୟତି ବଢିଛି, ହତ୍ୟା ବି ବଢ଼ିଛି । ଲୋକେ କିପରି ସୁରକ୍ଷିତ ରହିବେ ବୋଲି ପ୍ରଶ୍ନ କରିଛନ୍ତି କଳିକେଶ ସିଂହଦେଓ।

ସେପଟେ ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଘଟଣା ନେଇ ଭୁବନେଶ୍ୱର ଡିସିପି ପିନାକ ମିଶ୍ର କହିଛନ୍ତି, ଏତଲା କରାଯାଇଛି। ସମସ୍ତ ସିସିଟିଭି ଯାଞ୍ଚ କରାଯାଇଛି । ନିରଞ୍ଜନଙ୍କ ପରିବାର ସଦସ୍ୟଙ୍କ ସହଯୋଗରେ ତଦନ୍ତ ଚାଲିଛି । ତଦନ୍ତ ବେଳେ କିଛି ଗୁରୁତ୍ୱପୂର୍ଣ୍ଣ ସୁରାଗ ମିଳିଛି। ସେହି ତଥ୍ୟ ଆଧାରରେ ଛାନଭିନ ଚାଲିଛି । ଖୁବ ଶୀଘ୍ର ଅଭିଯୁକ୍ତ ପାଖେ ପହଞ୍ଚିବ କମିଶନରେଟ ପୋଲିସ।

ଭୁବନେଶ୍ବର : ବରିଷ୍ଠ କଂଗ୍ରେସ ନେତା ଶରତ ପଟ୍ଟନାୟକ ଓଡ଼ିଶା ପ୍ରଦେଶ କଂଗ୍ରେସ କମିଟିର ନୂତନ ସଭାପତି ଭାବେ ନିଯୁକ୍ତ ହୋଇଛନ୍ତି। ଏଆଇସିସି ଅଧ୍ୟକ୍ଷା ସୋନିଆ ଗାନ୍ଧୀଙ୍କ କାର୍ଯ୍ୟାଳୟରୁ ଜାରି ବିଜ୍ଞପ୍ତିରେ ଶରତ ପଟ୍ଟନାୟକଙ୍କୁ ନବ ନିଯୁକ୍ତ ପିସିସି ସଭାପତି ବୋଲି ଘୋଷଣା କରାଯାଇଛି। ଏଥି ସହିତ ଦୀର୍ଘ ଦିନ ଧରି ପିସିସି ସଭାପତି କିଏ ହେବ ଏ ନେଇ ଯେଉଁ କଳ୍ପନା ଜଳ୍ପନା ଚାଲିଥିଲା ତାର ଅନ୍ତ ଘଟିଛି। ଏଆଇସିସି ଆଜି ପିସିସି ସଭାପତି ଥିବା ନିରଞ୍ଜନ ପଟ୍ଟନାୟକ ଦେଇଥିବା ଇସ୍ତଫା ପତ୍ରକୁ ଗ୍ରହଣ କରିବା ସହ ଶରତ ପଟ୍ଟନାୟକଙ୍କ ନାଁ ନୂତନ ପିପିସି ସଭାପତି ଭାବେ ଘୋଷଣା କରିବା ପରେ ବିଦାୟୀ ପିସିସି ସଭାପତି ନିରଞ୍ଜନ ପଟ୍ଟନାୟକ ପ୍ରେସମିଟ୍ କରିଛନ୍ତି ।

ପ୍ରେସମିଟ୍ କରି ବିଦାୟୀ ପିସିସି ସଭାପତି ନିରଞ୍ଜନ ପଟ୍ଟନାୟକ ସୋନିଆ ଓ ରାହୁଲଙ୍କୁ ଧନ୍ୟବାଦ ଦେବା ସହ କାମକରିବା ପାଇଁ ସୁଯୋଗ ପାଇଁ କୃତଜ୍ଞତା ଜଣାଇଛନ୍ତି। ଓଡ଼ିଶା କଂଗ୍ରେସର ଅଧ୍ୟକ୍ଷ ଭାବେ କଂଗ୍ରେସ ଦଳର ସେବା କରିବା ମୋ ପାଇଁ ଗର୍ବ ଓ ଗୌରବର ବିଷୟ ଅଟେ। ସେ କହିଛନ୍ତି, ମୋ ଦେହ ଖରାପ ଥିବାରୁ ମୁଁ ଇସ୍ତଫା ଦେଇଥିଲି, ଏଆଇସିସି  ଆଜି ଏହାକୁ ଗ୍ରହଣ କରିଛି । ଏହାସହ ସେ  ଆଶାପ୍ରକାଶ କରିଛନ୍ତି ଯେ  ଶରତ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା କଂଗ୍ରେସ ନିଶ୍ଚିତ ଭଲ ପ୍ରଦର୍ଶନ କରିବ । ଶରତ ପଟ୍ଟନାୟକଙ୍କୁ ସେ ସବୁବେଳେ ସହଯୋଗ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ପିସିସି ସଭାପତି ଦାୟିତ୍ବ ନେବା ତାଙ୍କ ପାଇଁ ଏକ ଗୌରବର କଥା ଥିଲା । ତାଙ୍କ ଉପରେ ବିଶ୍ୱାସ ରଖି ଦାୟିତ୍ୱ ଦେଇଥିବାରୁ ସେ ଏଆଇସିସି ସଭାନେତ୍ରୀ ସୋନିଆ ଗାନ୍ଧୀ, ରାହୁଲ ଗାନ୍ଧୀ ଓ ସହଯୋଗ ହାତ ବଢାଇଥିବା ଓଡ଼ିଶା ପ୍ରଭାରୀ ଚେଲା କୁମାର ଓ କେସି ବେଣି ଗୋପାଲଙ୍କୁ ଧନ୍ୟବାଦ ଜଣାଇଛନ୍ତି ।

ବରିଷ୍ଟ କଂଗ୍ରେସ ନେତା ନିରଞ୍ଜନ ପଟ୍ଟନାୟକ ଆହୁରି ମଧ୍ୟ କହିଛନ୍ତି ଯେ ସମୟ ଆଜିଛି କଂଗ୍ରେସର କର୍ମୀଙ୍କୁ ଏକାଠି ହେବାକୁ ପଡିବ। ବର୍ତ୍ତମାନ କଂଗ୍ରେସର ଭାଇମାନଙ୍କୁ ଏକାଠି କରିବାର ସମୟ ଆସିଛି। କେନ୍ଦ୍ର ସରକାରଙ୍କ ଜନମାରଣା ନୀତି ବିରୋଧରେ ସ୍ୱର ଉଠାଇବା ଦରକାର । କଂଗ୍ରେସର ବିଚାରଧାରାକୁ ମଧ୍ୟ ସାଧାରଣ ଲୋକଙ୍କ ପାଖରେ ପହଁଚାଇବାର ଆବଶ୍ୟତା ରହିଛି, ତେବେ ଯାଇଁ ଦଳ ଆଗକୁ ବଢିବ ବୋଲି କହିଛନ୍ତି ନିରଞ୍ଜନ । ଏଥି ସହିତ ନୂଅ ପିସିସି ସଭାପତି ଶରତ ପଟ୍ଟନାୟକଙ୍କୁ ସ୍ୱାଗତ କରିବା ସହ କହିଛନ୍ତି, ସେ ବୟସରେ ସାନ ହୋଇଥିଲେ ବି ଆଗରୁ କାମ କରିବାର ଅଭିଜ୍ଞତା ରହିଛି ।ମୋର ବିଶ୍ୱାସ ଶରତ କଂଗ୍ରେସ ଦଳକୁ ମଜବୁତ କରିବେ ଓ ଆଗେଇ ନେବେ। କିନ୍ତୁ ମୋର ଗୋଟେ ଅବଶୋଷ ରହିଗଲା ଯେପରି ଭାବେ କଂଗ୍ରେସକୁ ସୁଦୃଢ କରି କାମ କରିବା କଥା କରିହେଲାନି । ବର୍ତ୍ତମାନ ଦଳରେ ଶୃଙ୍ଖଳାର ଆବଶ୍ୟକତା ରହିଛି । କିଛିଦିନ ଧରି କଂଗ୍ରେସ ଭିତରେ ଯେଉଁ ଏକତା ଓ ଶୃଙ୍ଖଳା ଯେପରି ରହିବ କଥା ସେଟା ରହିଲା ନାହିଁ। ବର୍ତ୍ତମାନ ଏକଜୁଟ୍‌, ଏକମନ ହୋଇ କାମ କରିବାର ଆବଶ୍ୟକତା ଅଛି । ମୁଁ ଚାହୁଁଥିଲି ଅବ୍ୟାହତି ନେବାକୁ, ଏବେ ଖୁସି ଅଛି ମୋତେ ସେହି ଦାୟିତ୍ୱରୁ ମୁକ୍ତି ମିଳିଛି । ଅବ୍ୟାହତି ନେଲେ ବି ରାଜ୍ୟର ସ୍ୱାର୍ଥ ପାଇଁ ନିଶ୍ଚୟ ଲଢିବି ବୋଲି ନିରଞ୍ଜନ ପଟ୍ଟନାୟକ କହିଛନ୍ତି।

ଭୁବନେଶ୍ୱର : ସାମାନ୍ୟ ଅସୁସ୍ଥ ହୋଇପାରିବା କାରଣରୁ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସୋମବାର ସନ୍ଧ୍ୟାରେ ତାଙ୍କୁ ଭୁବନେଶ୍ୱର ସ୍ଥିତ ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଛି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଅଛି ବୋଲି ପିସିସି ଗଣମାଧ୍ୟମ ସଂଯୋଜକ ଦୀପକ ମହାପାତ୍ର ସୂଚନା ଦେଇଛନ୍ତି।

ଭୁବନେଶ୍ୱର : ପିସିସି ସଭାପତି ପଦରୁ ଇସ୍ତଫା ନେଇ ଗୁରୁବାର ପ୍ରତିକ୍ରିୟା ରଖିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ। ପିସିସି ସଭାପତି ଚିରସ୍ଥାୟୀ ନୁହଁ ବୋଲି ସେ କହିଛନ୍ତି । ସଭାପତି ରହିବା ନରହିବା ହାଇକମାଣ୍ଡଙ୍କ ଉପରେ ନିର୍ଭର କରେ ବୋଲି ସେ ପ୍ରତିକ୍ରିୟା ରଖିଛନ୍ତି । ମୁଁ ବହୁତ ଦିନ ହେଲା ରହିସାରିଲିଣି ସଭାପତି । ତାଙ୍କ ପରେ ମଧ୍ୟ ଦଳର ସଭାପତି ପଦ ସମ୍ଭାଳିବା ପାଇଁ ଅନେକ ଲୋକ ଅଛନ୍ତି । ଏ ନେଇ ଏଆଇସିସି ପଚାରିଲେ ସେ ଉତର ଦେବେ ।  ପାର୍ଟି ଅନ୍ତଃର୍ନିହିତ କଥାକୁ କାହାକୁ କହିବାକୁ ସେ ପସନ୍ଦ କରନ୍ତି ନାହିଁ ବୋଲି କହିଛନ୍ତି । ଗଣମାଧ୍ୟମକୁ ପ୍ରତିକ୍ରିୟା ଦେଇ ସେ ଏପରି କହିଛନ୍ତି।

ନିରଞ୍ଜନ ପଟ୍ଟନାୟକ ପିସିସି ସଭାପତି ପଦରୁ ଇସ୍ତଫା ଦେବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ । ସେ କହିଛନ୍ତି ନିରଞ୍ଜନ ଯଦି ଇସ୍ତଫା ଦେଇଛନ୍ତି ତେବେ ସେ ସ୍ପଷ୍ଟ କରନ୍ତୁ । ଯଦି ରାହୁଲ ଓ ସୋନିଆ ଗାନ୍ଧୀ ନିରଞ୍ଜନଙ୍କୁ ସଭାପତି ପଦରେ ରଖିବା କଥା ରଖିବେ, ଯଦି କାଢିବା କଥା କାଢିବେ । କ’ଣ ପଦକ୍ଷେପ ନେବେ ସ୍ପଷ୍ଟ କରନ୍ତୁ । ଏମିତି ହେଲେ ଦଳର ଛବି ଖରାପ ହେଉଛି ।

ସେପଟେ କଂଗ୍ରେସ ନେତା ଶରତ ରାଉତ କହିଛନ୍ତି, ମିଡିଆରେ ତ ଚର୍ଚ୍ଚା ହେଉଛି ହେଲେ ଇସ୍ତଫା ଦେଇଛନ୍ତି କି ନାହିଁ, ସେ କଥା କେବଳ ନିରଞ୍ଜନ ହିଁ କହିପାରିବେ। କର୍ମୀଙ୍କ ମନରେ ଅନିଶ୍ଚିତତା ଦଳର କ୍ଷତି କରୁଛି ବୋଲି ଶରତ ରାଉତ କହିଛନ୍ତି ।