ନୂଆଦିଲ୍ଲୀ: ବାହାନଗା ଷ୍ଟାଇଲରେ ସ୍ପେନରେ ଭୟଙ୍କର ଟ୍ରେନ୍ ଦୁର୍ଘଟଣା । ରବିବାର ସନ୍ଧ୍ୟାରେ ଦକ୍ଷିଣ ସ୍ପେନର କର୍ଡୋବା ସହର ନିକଟରେ ଘଟିଛି ଏହି ଭୟଙ୍କର ଟ୍ରେନ୍ ଦୁର୍ଘଟଣା। ଦୁଇଟି ଦ୍ରୁତଗାମୀ ଟ୍ରେନ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି ।ଏହି ଟ୍ରେନ ଦୁର୍ଘଟଣାରେ ବର୍ତ୍ତମାନ ସୁଦ୍ଧା ଅତିକମରେ ୩୯ ଜଣଙ୍କର ମୃତ୍ୟୁ ଘଟିଥିବା ବେଳେ ୭୫ ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି। ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ମୃତଦେହ ଗୁଡିକୁ ଉଦ୍ଧାର କରିବା ସହ ଆହତମାନଙ୍କୁ ଡାକ୍ତରଖାନା ପଠାଇଛନ୍ତି। 

ରେଳ ଅପରେଟର Adif ର ସୂଚନା ଅନୁଯାୟୀ, ରବିବାର ସନ୍ଧ୍ୟା ପ୍ରାୟ ୭:୪୫ ସମୟରେ କର୍ଡୋବା ନିକଟରେ ଏହି ଦୁର୍ଘଟଣା ଘଟିଥିଲା। ମାଲାଗାରୁ ମାଦ୍ରିଦ ଅଭିମୁଖେ ଯାଉଥିବା ଏକ ଟ୍ରେନ୍‌ର ପଛ ଭାଗ ଧାରଣାରୁ ବିଚ୍ୟୁତ ହୋଇଯାଇଥିଲା। ଏହି ସମୟରେ ମାଦ୍ରିଦରୁ ହୁଏଲଭା ଆସୁଥିବା ଅନ୍ୟ ଏକ ଟ୍ରେନ୍ ସହ ଏହାର ଜୋରଦାର ଧକ୍କା ହୋଇଥିଲା। ଘଟଣା ସମୟରେ ଟ୍ରେନ୍‌ରେ ପ୍ରାୟ ୩୦୦ରୁ ଉର୍ଦ୍ଧ୍ୱ ଯାତ୍ରୀ ଯାତ୍ରା କରୁଥିଲେ।

ଦୁର୍ଘଟଣାଟି ଏତେ ଭୟଙ୍କର ଥିଲା ଯେ ଟ୍ରେନ୍‌ର ବଗିଗୁଡିକ ଦୋମଡା ମୋଚଡା ହୋଇଯାଇଛି। କର୍ଡୋବା ଅଗ୍ନିଶମ ବାହିନୀର ମୁଖ୍ୟ ଫ୍ରାନ୍ସିସ୍କୋ କାର୍ମୋନା କହିଛନ୍ତି ଯେ, ଧାତବ ପାତ ଗୁଡିକ ବଙ୍କା ହୋଇଯାଇଥିବାରୁ ଏହା ଭିତରୁ ଲୋକଙ୍କୁ ବାହାର କରିବା କଷ୍ଟକର ହୋଇପଡିଛି। ବର୍ତ୍ତମାନ ସୁଦ୍ଧା ୭୫ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ସୋସିଆଲ ମିଡିଆରେ ଭାଇରାଲ ହେଉଥିବା ଚିତ୍ର ଏବଂ ଭିଡିଓରେ ଦୁର୍ଘଟଣାର ଭୟାବହତା ଦେଖିବାକୁ ମିଳିଛି। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଧକ୍କା ଏତେ ଜୋରରେ ହୋଇଥିଲା ଯେ ଏହା ଏକ ଭୂକମ୍ପ ଭଳି ଅନୁଭବ ହୋଇଥିଲା। ଟ୍ରେନ୍ ଭିତରେ ଧୂଆଁ ବାହାରିବା ଆରମ୍ଭ ହେବା ପରେ ଯାତ୍ରୀମାନେ ଜୀବନ ବଞ୍ଚାଇବା ପାଇଁ ଝରକା ଭାଙ୍ଗି ବାହାରକୁ ବାହାରିଥିଲେ। ଉଦ୍ଧାର କାର୍ଯ୍ୟ ଜାରି ରହିଛି ଏବଂ ମୃତ୍ୟୁ ସଂଖ୍ୟା ଆହୁରି ବଢିବାର ଆଶଙ୍କା କରାଯାଉଛି। ଟ୍ରେନ ଲାଇନଚ୍ୟୁତ ହେବାର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ ।

ଏହି ଦୁର୍ଘଟଣା ପରେ ମାଦ୍ରିଦ୍ ଏବଂ ଆଣ୍ଡାଲୁସିଆ ମଧ୍ୟରେ ହାଇସ୍ପିଡ୍ ଟ୍ରେନ୍ ସେବାକୁ ସୋମବାର ପାଇଁ ସ୍ଥଗିତ ରଖାଯାଇଛି। ସ୍ପେନର ପ୍ରଧାନମନ୍ତ୍ରୀ ପେଡ୍ରୋ ସାଞ୍ଚେଜ୍ ଏହି ଘଟଣାରେ ଗଭୀର ଶୋକ ପ୍ରକାଶ କରିବା ସହ ମୃତକଙ୍କ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି। ୨୦୧୩ ମସିହା ପରେ ସ୍ପେନରେ ଏହା ଅନ୍ୟତମ ବଡ଼ ରେଳ ଦୁର୍ଘଟଣା ବୋଲି କୁହାଯାଉଛି।

ବଲିଉଡ୍‌ର କିଙ୍ଗ୍‌ ଖାନ୍‌ ଶାହାରୁଖ୍, ଜନ୍‌ ଆବ୍ରାହମ୍‌ ଓ ଦୀପିକା ପାଦ୍ୟୁକୋନ୍‌ଙ୍କ ଅଭିନୀତ ‘ପଠାନ୍’ ଉପରେ ଏବେ ଦର୍ଶକଙ୍କ ନଜର ରହିଛି। ଦର୍ଶକେ ଏହାର ରିଲିଜ୍‌ ଡେଟ୍‌କୁ ବେଶ୍‌ ଉତ୍କଣ୍ଠାର ସହ ଅପେକ୍ଷା କରିଛନ୍ତି। ଶାହାରୁଖ୍ ଚାରି ବର୍ଷ ପରେ ବଡ଼ ପରଦାକୁ ଫେରୁଥିବାରୁ ତାଙ୍କ ପ୍ରଶଂସକଙ୍କ ଗହଣରେ ଖୁସିର ଲହରି ଖେଳିଯାଇଛି। ଏହାର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ। ମାର୍ଚ୍ଚ ମାସରେ ପୂରା ଟିମ୍‌ ସ୍ପେନ୍‌ ଯିବା ପାଇଁ ପ୍ରସ୍ତୁତ ହେଉଛନ୍ତି। ଏହାର ଏକ ରୋମାଣ୍ଟିକ୍‌ ଗୀତର ସୁଟିଂ ମଲୋର୍କାରେ କରାଯିବ। ଏହି ସ୍ଥାନର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ଦେଶ ବିଦେଶର ଲକ୍ଷ ଲକ୍ଷ ପର୍ଯ୍ୟଟକ ଏଠାକୁ ନିୟମିତ ଆସିଥାନ୍ତି। କେବଳ ସେତିକି ନୁହେଁ ୧୭ ଦିନର ଏହି ସୁଟିଂରେ ଏହି ତିନି କଳାକାର କିଛି ଆକ୍ସନ୍‌ ସିନ୍‌ର ମଧ୍ୟ ସେଠି ସୁଟିଂ କରିବେ। ଫିଲ୍ମର ସୁଟିଂରେ ବିଳମ୍ବ ଯୋଗୁଁ ଏହା ୨୦୨୩ରେ ରିଲିଜ୍‌ ହେବ ବୋଲି ଏବେ ଚର୍ଚ୍ଚା ହେଉଛି।

ବିଜ୍ଞାନର ଦ୍ରୁତ ବିକାଶ ଯୋଗୁଁ ପୂର୍ବ ଅପେକ୍ଷା ଏବେ ଆମ ସମସ୍ତଙ୍କ ଜୀବନଧାରଣର ମାନ ଉନ୍ନତ ହେବାରେ ଲାଗିଛି। ଆଜି ପର୍ଯ୍ୟନ୍ତ ଆମେ କୋଇଲା, ପାଣି, ପବନ ଓ ସୂର୍ଯ୍ୟକିରଣର ସାହାଯ୍ୟରେ ବିଦ୍ୟୁତ ଶକ୍ତି ଉତ୍ପାଦନର କଥା ଶୁଣିଥିଲେ । କିନ୍ତୁ ଆଗାମୀ ଦିନରେ ଆମକୁ କମଳା ରସରୁ ମଧ୍ୟ ବିଦ୍ୟୁତ୍ ଶକ୍ତି ମିଳିପାରିବ । ଆଜିକାଲି ବିଦ୍ୟୁତ୍ ଶକ୍ତିର ବ୍ୟବହାର ବଢିଚାଲିଥିବାବେଳେ ଏହାର ଉତ୍ପାଦନ ହ୍ରାସ ପାଇବାକୁ ଲାଗିଛି । ଏହାକୁ ଲକ୍ଷ୍ୟ କରି କିଭଳି ଭାବରେ ଅନ୍ୟ ଉତ୍ସରୁ ବିଦ୍ୟୁତ୍ ଶକ୍ତି ଉତ୍ପନ୍ନ ହୋଇପାରିବ, ସେ କ୍ଷେତ୍ରରେ ବୈଜ୍ଞାନିକମାନେ ଗବେଷଣା ଚଳାଇଛନ୍ତି ଏବଂ ବିଭିନ୍ନ ଉପାୟ ଅବଲମ୍ବନ କରାଯାଉଛି । ଏବେ କମଳା ରସରୁ ବିଜୁଳିର ଉତ୍ପାଦନ କରାଯିବ ବୋଲି ସୂଚନା ମିଳିଛି। ସ୍ପେନ୍‌ର ସବିଲ୍ ସହରରେ ଅଧିକ ସଂଖ୍ୟାରେ କମଳା ଉତ୍ପାଦନ କରାଯାଏ | ଏହାକୁ ଦୃଷ୍ଟିରେ ରଖି ସବିଲ୍‌ସ୍ଥିତ ୱାଟର୍‌ କମ୍ପାନୀ ‘ଏମାସେସା’ ପ୍ରସ୍ତାବ ଦେଇଛି ଯେ, ଯେଉଁ କମଳାଗୁଡ଼ିକ ପଚିଶଢି ନଷ୍ଟ ହୋଇଯାଉଛି, ସେଗୁଡ଼ିକୁ ବ୍ୟବହାର କରି ବିଦ୍ୟୁତ୍ ଶକ୍ତି ଉତ୍ପନ୍ନ କରାଯାଇପାରିବ । ଏଥିପାଇଁ କମ୍ ଖର୍ଚ୍ଚ ମଧ୍ୟ ହେବ। ସହରର ସଡକରେ, ମାର୍କେଟ୍ ଓ କ୍ଷେତରେ ପଡ଼ିଥିବା ଖରାପ କମଳାଗୁଡ଼ିକର ରସ ବାହାର କରାଯିବ ଏବଂ ବାକି ଅଂଶକୁ କମ୍ପୋଷ୍ଟ ଭାବେ କ୍ଷେତରେ ପ୍ରୟୋଗ କରାଯିବ । କମଳା ରସକୁ ୱାଟର ଟ୍ରିଟମେଣ୍ଟ୍‌ ପ୍ଲାଣ୍ଟକୁ ପଠାଯିବା ପରେ ସେଠାରେ ବାୟୋଫୁଏଲ୍‌ରେ ପରିଣତ କରି ସେଥିରୁ ବିଦ୍ୟୁତ୍ ଉତ୍ପାଦନ ହେବ । କମଳାରସରୁ ୧୫୦୦ କିଲୋୱାଟ୍‌ର ବିଦ୍ୟୁତ୍ ଉତ୍ପାଦନ ହୋଇପାରିବ।