ଚେନ୍ନଇ: ଏସିଆନ ଚାମ୍ପିଅନ୍ସ ଟ୍ରଫିର ସପ୍ତମ ସଂସ୍କରଣରେ ଆୟୋଜକ ଭାରତ ଏଥର ଚାମ୍ପିଅନ ହୋଇଛି। ସ୍ଥାନୀୟ ମେୟର ରାଧାକ୍ରିଷ୍ଣନ ଷ୍ଟାଡିୟମରେ ଶନିବାର ଅନୁଷ୍ଠିତ ଟୁର୍ଣ୍ଣାମେଣ୍ଟର କଡ଼ା ସଂଘର୍ଷପୂର୍ଣ୍ଣ ଫାଇନାଲ ମୁକାବିଲାରେ ଭାରତ ୪-୩ ଗୋଲରେ ମାଲେସିଆକୁ ପରାସ୍ତ କରି ସର୍ବାଧିକ ଚତୁର୍ଥଥର ପାଇଁ ଟାଇଟଲ ହାସଲ କରିଛି। ଏଥିସହ ଏହି ଟୁର୍ଣ୍ଣାମେଣ୍ଟରେ ଭାରତ ପାକିସ୍ତାନ (୩ ଟାଇଟଲ)କୁ ପଛରେ ପକାଇ ସଫଳତମ ଦଳ ବିବେଚିତ ହୋଇଛି। ଭାରତ ୩-୧ ଗୋଲରେ ପଛରେ ଥାଇ ପ୍ରତ୍ୟାବର୍ତ୍ତନ କରିବା ସହ ଶେଷରେ ନାଟକୀୟ ଢଙ୍ଗରେ ବାଜି ମାରିଛି। ଏଥିସହ ସାରା ଟୁର୍ଣ୍ଣାମେଣ୍ଟରେ ଭାରତ ଅପରାଜେୟ ରହିଛି।

ପ୍ରଥମାର୍ଦ୍ଧ ଶେଷ ସୁଦ୍ଧା ମାଲେସିଆ ୩-୧ ଗୋଲରେ ଅଗ୍ରଣୀ ହୋଇଥିଲା। ପ୍ରଥମ କ୍ୱାର୍ଟରରେ ଦୁଇଦଳ ଆକ୍ରମଣାତ୍ମକ ଖେଳ ପ୍ରଦର୍ଶନ କରି ଏକାଧିକ ସୁଯୋଗ ସୃଷ୍ଟି କରିଥିଲେ। ୯ମ ମିନିଟ୍‌‌ରେ ଭାରତ ପ୍ରଥମ ଗୋଲ ସ୍କୋର କରିଥିଲା। ଯୁଗରାଜ ସିଂ ପେନାଲ୍ଟିକର୍ଣ୍ଣରକୁ ଗୋଲରେ ପରିଣତ କରି ଭାରତକୁ ଅଗ୍ରଣୀ କରାଇଥିଲେ। କିନ୍ତୁ ପରବର୍ତ୍ତୀ ୨୩ ମିନିଟ୍‌‌ରେ ମାଲେସିଆ ୩ଟି ଗୋଲ ଦେଇଥିଲା। ୧୪ତମ ମିନି୍‌‌ଟରେ ଅବୁ କମାଲ ଅଜରାଇ ଗୋଲ ଦେଇ ମ୍ୟାଚ୍‌‌କୁ ବରାବର ସ୍ଥିତିକୁ ଆଣିଥିଲେ। ଏହାପରେ ଦ୍ୱିତୀୟ କ୍ୱାର୍ଟରରେ ମାଲେସିଆ ପ୍ରଭାବ ବିସ୍ତାର କରି ଖେଳି ପେନାଲ୍ଟି କର୍ଣ୍ଣର ଜରିଆରେ ୨ଟି ଗୋଲ ଦେଇ ଭାରତକୁ ବ୍ୟାକ୍‌‌ଫୁଟକୁ ନେଇଯାଇଥିଲା। ମାଲେସିଆ ପାଇଁ ୧୮ତମ ମିନିଟ୍‌‌ରେ ରାଜି ରହିମ ଓ ୨୮ତମ ମିନିଟ୍‌‌ରେ ମହମ୍ମଦ ଅମିନୁଦ୍ଦିନ ଗୋଲ ଦେଇଥିଲେ।

ତୃତୀୟ କ୍ୱାର୍ଟରରେ ଭାରତର ପ୍ରତ୍ୟାବର୍ତ୍ତନ
ଦ୍ୱିତୀୟାର୍ଦ୍ଧାରେ ଭାରତ ଗୋଲ ପରିଶୋଧ କରିବାକୁ ପ୍ରାଣପଣେ ଚେଷ୍ଟା କରିଥିଲା ଓ ସଫଳ ମଧ୍ୟ ହୋଇଥିଲା। ଭାରତ ତୃତୀୟ କ୍ୱାର୍ଟର ଅନ୍ତିମ ମିନିଟ୍‌‌ ଅର୍ଥାତ ୪୫ତମ ମିନିଟ୍‌‌ରେ ଦୁଇଟି ଗୋଲ ଦେଇ ମ୍ୟାଚ୍‌‌ରେ ରୋମାଞ୍ଚ ଭରିଥିଲା। ଅଧିନାୟକ ହରମନପ୍ରିତ ସିଂ ପେନାଲ୍ଟି ଷ୍ଟ୍ରୋକ୍‌‌ ଜରିଆରେ ଓ ଗୁରଜନ୍ତ ସିଂ ଭାରତ ପାଇଁ ପ୍ରଥମ ଫିଲ୍ଡ ଗୋଲ ଦେଇଥିଲେ। ଏହାପରେ ଚତୁର୍ଥ କ୍ୱାର୍ଟରରେ ଜବରଦସ୍ତ ସଂଘର୍ଷ ଦେଖାଦେଇଥିଲା। ୫୬ତମ ମିନିଟ୍‌‌ରେ ଆକାଶଦୀପ ସିଂ ଏକ ସୁନ୍ଦର ଫିଲ୍ଡ ଗୋଲ ଦେଇ ଭାରତକୁ ୪-୩ ଅଗ୍ରଣୀ କରାଇଥିଲେ। ମାଲେସିଆ ଗୋଲ ପରିଶୋଧ କରିପାରି ନଥିଲା ଓ ଶେଷରେ ଭାରତ ବିଜୟୀ ହୋଇଥିଲା।

ଦକ୍ଷିଣ କୋରିଆକୁ ହରାଇ ଜାପାନ ତୃତୀୟ
ଏଥର ଜାପାନ ତୃତୀୟ ସ୍ଥାନ ଅଧିକାର କରି ଅଭିଯାନ ଶେଷ କରିଛି। ଶନିବାର ତୃତୀୟ ସ୍ଥାନ ପାଇଁ ଖେଳାଯାଇଥିବା ମୁକାବିଲାରେ ଜାପାନ ୫-୩ ଗୋଲରେ ଗତଥରର ଚାମ୍ପିଅନ ଦକ୍ଷିଣ କୋରିଆକୁ ପରାସ୍ତ କରିଛି। ଜାପାନ ତରଫରୁ ଉକା ରିଓମା, ରେ‍୍ୟାସେଇ କୋଟୋ, କେନ୍ତେରା ଫୁକୁଡା, ଶୋଟା ୟାମାଡା ଓ କେନ ନାଗାୟୋସି ଗୋଲ ସ୍କୋର କରିଥିଲେ। ଦକ୍ଷିଣ କୋରିଆ ତରଫରୁ ୧୫ ଓ ୩୩ତମ ମିନିଟ୍‌‌ରେ ଅଧିନାୟକ ଜୋଙ୍ଗହ୍ୟୁନ୍‌‌ ଜାଙ୍ଗ ପେନାଲ୍ଟି ଜରିଆରେ ଦୁଇଟି ଗୋଲ ଏବଂ ୨୬ତମ ମିନିଟ୍‌‌ରେ ଚେଓଲିଓନ ପାର୍କ ଫିଲ୍ଡ ଗୋଲ ଦେଇଥିଲେ।

ପ୍ରତ୍ୟେକ ଖେଳାଳିଙ୍କୁ ୩ ଲକ୍ଷ ଟଙ୍କା ପୁରସ୍କାର
ଏସିଆନ ଚାମ୍ପିଅନ୍ସ ଟ୍ରଫି ଟାଇଟଲ ହାସଲ କରିଥିବା ଭାରତୀୟ ହକି ଦଳର ପ୍ରତ୍ୟେକ ସଦସ୍ୟଙ୍କୁ ୩ ଲକ୍ଷ ଟଙ୍କା ପୁରସ୍କାର ଦେବାକୁ ହକି ଇଣ୍ଡିଆ ଘୋଷଣା କରିଛି। ସେହିପରି ପ୍ରତ୍ୟେକ ସପୋର୍ଟ ଷ୍ଟାଫ୍‌‌ଙ୍କୁ ପୁରସ୍କାର ବାବଦରେ ଦେଢ଼ ଲକ୍ଷ ଟଙ୍କା ପୁରସ୍କାର ଦେବାକୁ କୁହାଯାଇଛି।

ଟୋକିଓ: ପ୍ରଥମ ଥର ପାଇଁ ଏସିଆ କପ୍ ଜୁନିଅର ମହିଳା ହକିରେ ଚାମ୍ପିଅନ ହୋଇଛି ଭାରତ । ଫାଇନାଲରେ ଭାରତ ଚାରିଥରର ଚାମ୍ପିଅନ ଦକ୍ଷିଣ କୋରିଆକୁ ୨-୧ ଗୋଲରେ ହରାଇ ଟାଇଟଲ ହାସଲ କରିଛି। ସମଗ୍ର ପ୍ରତିଯୋଗିତାରେ ଅପରାଜେୟ ରହି ଚାମ୍ପିଅନ ହୋଇଛି ଭାରତ ।

ଜାପାନର କାକାମିଗହାରା ସହରରେ ଆୟୋଜିତ ଏହି ଟୁର୍ଣ୍ଣାମେଣ୍ଟର ଫାଇନାଲ ମୁକାବିଲାରେ ଭାରତ ଏବଂ ଦକ୍ଷିଣ କୋରିଆ ପ୍ରଥମ ହାଫରେ ବରାବର ସ୍ଥିତିରେ ଥିଲେ । ଉଭୟ ଟିମ୍ ପ୍ରଥମ ହାଫରେ ଗୋଟିଏ ଲେଖାଏଁ ଗୋଲ୍ କରିଥିଲେ । ଭାରତ ପାଇଁ ପ୍ରଥମ ଗୋଲ୍ ଅନ୍ନୁ (୨୨ ମିନିଟ) ଏବଂ ଦ୍ୱିତୀୟ ଗୋଲ (୪୧ମିନିଟ) କରିଥିଲେ ।

ସେମିଫାଇନାଲରେ ଭାରତ, ଜାପାନକୁ ହରାଇ ଏ ବର୍ଷ ଶେଷ ଆଡକୁ ଚିଲିର ସାଣ୍ଟିଆଗୋରେ ହେବାକୁ ଥିବା ଜୁନିଅର ବିଶ୍ୱକପ ହକି ପାଇଁ ଯୋଗ୍ୟତା ହାସଲ କରିଥିଲା । ଭାରତୀୟ ଦଳର ଏହି ଐତିହାସିକ ସଫଳତା ପାଇଁ ହକି ଇଣ୍ଡିଆ ପ୍ରତ୍ୟେକ ଖେଳାଳିଙ୍କ ପାଇଁ ୨ ଲକ୍ଷ ଟଙ୍କା ଲେଖାଏଁ ଅର୍ଥ ପୁରସ୍କାର ଘୋଷଣା କରିଛି । ଦଳର ସପୋର୍ଟ ଷ୍ଟାଫ୍ ଏକ ଲକ୍ଷ ଟଙ୍କା ଲେଖାଏଁ ପୁରସ୍କାର ପାଇବେ । କିଛି ଦିନ ତଳେ ଭାରତୀୟ ଜୁନିଅର ପୁରୁଷ ଦଳ ମଧ୍ୟ ଏସିଆ କପ୍ ଚାମ୍ପିଅନ ହୋଇଥିଲା ।

ଭୁବନେଶ୍ବର: କଳିଙ୍ଗ ଷ୍ଟାଡିୟମରେ ଖେଳାଯାଉଥିବା ପୁରୁଷ ହକି ବିଶ୍ୱକପର ଆଜିର ମ୍ୟାଚରେ ଭାରତ-ୱେଲ୍ସ  ମଧ୍ଯରେ କଡ଼ା ଟକ୍କର ଦେଖିବାକୁ ମିଳିଥିଲା । ଭାରତ ସମଶେର ସିଂହ ଓ ଆକାଶଦୀପ ସିଂହ ଗୋଲ ବଳରେ ୨- ୦ରେ ଆଗୁଆ ରହିଥିଲା । ପରେ ୱେଲ୍ସ  କ୍ରମାଗତ ୨ଟି ଗୋଲ କରି ମ୍ୟାଚକୁ କମ ବ୍ଯାକ କରିଥିଲା । ଫଳରେ ୨-୨ରେ ସମାନ ସ୍ଥିତିରେ ଉଭୟ ଦଳ ରହିଥିଲେ। ପରେ ୪ର୍ଥ କ୍ବାଟରରେ ଭରତ ପକ୍ଷରୁ ଆକାଶଦୀପ ସିଂହ ଆଉ ଗୋଟିଏ ଗୋଲ ଦେଇଥିଲେ। ମ୍ୟାଚର ଶେଷ ମମୟରେ ହରମନପ୍ରୀତ ସିଂହ ଆଉ ଗୋଟିଏ ଗୋଲ ଦେଇଥିଲେ। ଫଳରେ ଭାରତ ୪ -୨ ରେ ୱେଲ୍ସ ଠାରୁ ଆଗୁଆ ରହି ଏହି ମ୍ୟାଚକୁ ଜିତି ନେଇଛି।

ଭୁବନେଶ୍ୱର: ଆଜିଠୁ ଆରମ୍ଭ ହୋଇଥିବା ହକି ବିଶ୍ଵକପର ପ୍ରଥମ ମ୍ୟାଚ୍ ଶେଷ ହୋଇଛି । ଆଜିର ପ୍ରଥମ ମ୍ୟାଚରେ ଶେଷ ହୋଇଥିଲେ ଆର୍ଜେଣ୍ଟିନା ଓ ସାଉଥ୍ ଆଫ୍ରିକା ଟିମ୍ । ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ଏହି ପ୍ରଥମ ମ୍ୟାଚରେ ଆର୍ଜେଣ୍ଟିନା ୧-୦ ଗୋଲରେ ଜିତିଛି । ଉଭୟ ଦଳ ମଧ୍ୟରେ କଡା ଟକ୍କର ହେଇଥିଲେ ବି ତୃତୀୟ ହାଫରେ ଆର୍ଜେଣ୍ଟିନା ଦଳ ସାଉଥ୍ ଆଫ୍ରିକାକୁ ଗୋଟିଏ ଗୋଲ ଦେଇଥିଲା। ‘ହକି ବିଶ୍ୱକପ ୨୦୨୩’ର ପ୍ରଥମ ମ୍ୟାଚ ଜିତି ଆର୍ଜେଣ୍ଟିନା ତା’ର ବିଜୟ ଅଭିଯାନ ଆରମ୍ଭ କରିଛି ।

ପରବର୍ତୀ ମ୍ୟାଚ ଅଷ୍ଟ୍ରେଲିଆ ଏବଂ ଫ୍ରାନ୍ସ ମଧ୍ୟରେ ଅନୁଷ୍ଠିତ ହେବ। ବିଶ୍ୱକପ ଇତିହାସରେ ଅଷ୍ଟ୍ରେଲିଆ ୩ ଥର ବିଶ୍ୱ ବିଜୟୀ ହୋଇସାରିଛି। ହକି ମହାକୁମ୍ଭର ଦମଦାର ଉଦଘାଟନୀ ଉତ୍ସବ ପରେ ଆଜିଠୁ ଆରମ୍ଭ ହୋଇଛି ଏହି ମେଗା ଟୁର୍ଣ୍ଣାମେଣ୍ଟ। ଅନ୍ୟପଟେ ଆଜି ସନ୍ଧ୍ୟା ୭ଟାରେ ରାଉରକେଲାର ନୂଆ ସର୍ବବୃହତ ଅନ୍ତର୍ଜାତୀୟ ହକି ଷ୍ଟାଡିୟମରେ ଭାରତ- ସ୍ପେନ ମ୍ୟାଚ୍‌ ଥିବାରୁ ଖେଳ ଦେଖିବାକୁ ସହରବାସୀଙ୍କ ମଧ୍ୟରେ ରହିଛି ନାହିଁ ନଥିବା ଉତ୍କଣ୍ଠା। ଖେଳକୁ ଶାନ୍ତିଶୃଙ୍ଖଳାର ସହ ଶେଷ କରିବାକୁ ଜିଲ୍ଲା ଓ ପୁଲିସ ପ୍ରଶାସନ ପକ୍ଷରୁ ଚାଲିଥିବା ସମସ୍ତ ପ୍ରସ୍ତୁତି ମଧ୍ୟ ଶେଷ ‌ହୋଇଛି। ଦର୍ଶକଙ୍କ ସୁରକ୍ଷା, ଟ୍ରାଫିକ୍‌ ନିୟନ୍ତ୍ରଣ ସହ ଅନ୍ୟାନ୍ୟ ବ୍ୟବସ୍ଥାକୁ ଜିଲ୍ଲା ପୁଲିସ ଗୁରୁତ୍ବ ଦେଇଛି।

ନୂଆଦିଲ୍ଲୀ: ଆଜି ଜାତୀୟ କ୍ରୀଡା ପୁରସ୍କାର ୨୦୨୨ ଘୋଷଣା କରାଯାଇଛି । ବିଭିନ୍ନ କ୍ରୀଡ଼ାରେ ଉଲ୍ଲେଖନୀୟ ପ୍ରଦର୍ଶନ ପାଇଁ ପୁରସ୍କାର ପାଇବାକୁ ଥିବା ଖେଳାଳି ଓ କୋଚଙ୍କ ନାଁ ଘୋଷଣା କରିଛି କେନ୍ଦ୍ର କ୍ରୀଡା ମନ୍ତ୍ରାଳୟ । ନଭେମ୍ବର ୩୦ ତାରିଖରେ ରାଷ୍ଟ୍ରୀୟ ଖେଳ ପୁରସ୍କାର ସମାରୋହ ଅବସରରେ ତାଙ୍କୁ ଏହି ସମ୍ମାନରେ ସମ୍ମାନୀତ କରାଯିବ । ମୋଟ ୨୫ ଜଣଙ୍କୁ ଅର୍ଜୁନ ପୁରସ୍କାର ପ୍ରଦାନ କରାଯିବ । ଅର୍ଜୁନ ପୁରସ୍କାର ସହ ଦ୍ରୋଣାଚାର୍ଯ୍ୟ ପୁରସ୍କାର, ଧ୍ୟାନଚାନ୍ଦ ପୁରସ୍କାର ପାଇଁ ଖେଳାଳିଙ୍କ ନାଁ ଘୋଷଣା ହୋଇଛି । ଏହା ସହିତ କ୍ରୀଡ଼ାବିତ୍‌କୁ ମାର୍ଗଦର୍ଶନ ଦେଉଥିବା ୪ ଜଣ କୋଚଙ୍କୁ ଦ୍ରୋଣାଚାର୍ଯ୍ୟ ସମ୍ମାନ ଓ ଲାଇଫ ଟାଇମ କ୍ୟାଟାଗୋରୀ ସମ୍ମାନରେ ୩ ଜଣଙ୍କୁ ସମ୍ମାନୀତ କରାଯିବ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ସମସ୍ତ ଖେଳାଳିଙ୍କୁ ଏହି ସମ୍ମାନଜନକ ପୁରସ୍କାର ପ୍ରଦାନ କରିବେ । ଦେଶର ଷ୍ଟାର ତଥା ଭେଟରାନ ଟେବୁଲ ଟେନିସ ଖେଳାଳି ଶରତ କମଲ ଅଚନ୍ତାଙ୍କୁ ଖେଳରତ୍ନ ପୁରସ୍କାର ପାଇଁ ମନୋନୀତ କରାଯାଇଛି।

ସେହିପରି ଓଡ଼ିଶା ଝିଅ ତଥା ଆନ୍ତର୍ଜାତିକ ଖ୍ୟାତିସମ୍ପନ୍ନ ହକି ଖେଳାଳି ଦୀପଗ୍ରେସ ଏକ୍କାଙ୍କୁ ଅର୍ଜୁନ ପୁରସ୍କାର ମିଳିବ। ଏନେଇ ଆଜି କେନ୍ଦ୍ର କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ଘୋଷଣା କରାଯାଇଛି। ଆସନ୍ତା ୩୦ରେ ରାଷ୍ଟ୍ରପତି ଭବନରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ଜାତୀୟ କ୍ରୀଡା ପୁରସ୍କାର ବିଜେତାଙ୍କୁ ସମ୍ମାନିତ କରାଯିବ।

ଜାତୀୟ କ୍ରୀଡା ପୁରସ୍କାର ଚୟନ କମିଟି ଜାତୀୟ ମହିଳା ହକି ଦଳର ଅଭିଜ୍ଞ ଡିଫେଣ୍ଡର ଦୀପଗ୍ରେସ ଏକ୍କାଙ୍କ ନାମ ଅର୍ଜୁନ ପୁରସ୍କାର ପାଇଁ ସୁପାରିଶ କରିଥିଲେ । ସୁନ୍ଦରଗଡ଼ ଜିଲ୍ଲାରେ ଜନ୍ମିତ ଦୀପଗ୍ରେସ ଏକ୍କା ୨୦୧୧ ମସିହାରୁ ହକି ଖେଳି ଆସୁଛନ୍ତି । ଭାରତର ଜୁନିଅର ଟିମରେ ସେ ପ୍ରଥମେ ସ୍ଥାନ ପାଇଥିଲେ । ଏ ଯାଏଁ ଦୀପଗ୍ରେସ ୨୪୦ଟି ହକି ମ୍ୟାଚ ଖେଳିଛନ୍ତି। ଏ ବର୍ଷ ବର୍ମିଂହାମ ରାଜ୍ୟ ଗୋଷ୍ଠୀ କ୍ରୀଡାରେ ବ୍ରୋଞ୍ଜ ବିଜୟୀ ଭାରତୀୟ ଦଳର ସଦସ୍ୟ ଥିଲେ ଦୀପଗ୍ରେସ । ୨୦୧୪ ଓ ୨୦୧୮ ଏସୀୟ କ୍ରୀଡ଼ା ହକିରେ ପଦକ ଜିତିଥିବା ଭାରତୀୟ ଦଳରେ ବି ସେ ପ୍ରତିନିଧିତ୍ଵ କରିଥିଲେ । ୨୦୧୬ରେ ମହିଳା ଏସିଆନ ଚାମ୍ପିଅନସ ଟ୍ରଫି ଓ ୨୦୧୭ରେ ଏସିଆ କପ୍ ହକିରେ ଚାମ୍ପିଅନ ହୋଇଥିବା ଭାରତୀୟ ଦଳର ସଦସ୍ୟ ଥିଲେ ଦୀପଗ୍ରେସ । ଜାତୀୟ ସ୍ତରରେ ବର୍ତ୍ତମାନ ସେ ରେଳବାଇ ପକ୍ଷରୁ ପ୍ରତିନିଧିତ୍ବ କରୁଛନ୍ତି।

ଭୁବନେଶ୍ୱର: ଅର୍ଜୁନ ପୁରସ୍କାର ପାଇଁ ଓଡ଼ିଶାର ଆନ୍ତର୍ଜାତିକ ମହିଳା ହକି ତାରକା ଦୀପଗ୍ରେସ ଏକ୍କାଙ୍କ ନାମ ସୁପାରିଶ କରାଯାଇଛି । ଜାତୀୟ କ୍ରୀଡା ପୁରସ୍କାର ଚୟନ କମିଟି ଜାତୀୟ ମହିଳା ହକି ଦଳର ଅଭିଜ୍ଞ ଡିଫେଣ୍ଡର ଦୀପଗ୍ରେସ ଏକ୍କାଙ୍କ ନାମ ଅର୍ଜୁନ ପୁରସ୍କାର ପାଇଁ ସୁପାରିଶ କରିଛି । ସୁନ୍ଦରଗଡ଼ ଜିଲ୍ଲାରେ ଜନ୍ମିତ ଦୀପଗ୍ରେସ ଏକ୍କା ୨୦୧୧ ମସିହାରୁ ହକି ଖେଳିବା ଆରମ୍ଭ କରିଥିଲେ। ଭାରତର ଜୁନିଅର ଟିମରେ ସେ ପ୍ରଥମେ ସ୍ଥାନ ପାଇଥିଲେ । ଏ ଯାଏଁ ଦୀପଗ୍ରେସ ୨୪୦ଟି ହକି ମ୍ୟାଚ ଖେଳିଛନ୍ତି। ଏ ବର୍ଷ ବର୍ମିଂହାମ ରାଜ୍ୟ ଗୋଷ୍ଠୀ କ୍ରୀଡାରେ ବ୍ରୋଞ୍ଜ ବିଜୟୀ ଭାରତୀୟ ଦଳର ସଦସ୍ୟ ଥିଲେ ଦୀପଗ୍ରେସ । ୨୦୧୪ ଓ ୨୦୧୮ ଏସୀୟ କ୍ରୀଡ଼ା ହକିରେ ପଦକ ଜିତିଥିବା ଭାରତୀୟ ଦଳରେ ବି ସେ ପ୍ରତିନିଧିତ୍ଵ କରିଥିଲେ । ୨୦୧୬ରେ ମହିଳା ଏସିଆନ ଚାମ୍ପିଅନସ ଟ୍ରଫି ଓ ୨୦୧୭ରେ ଏସିଆ କପ୍ ହକିରେ ଚାମ୍ପିଅନ ହୋଇଥିବା ଭାରତୀୟ ଦଳର ସଦସ୍ୟ ଥିଲେ ଦୀପଗ୍ରେସ । ଜାତୀୟ ସ୍ତରରେ ବର୍ତ୍ତମାନ ସେ ରେଳବାଇ ପକ୍ଷରୁ ପ୍ରତିନିଧିତ୍ବ କରୁଛନ୍ତି।

ଅଚନ୍ତ ଶରଥ କମଲ ପାଇବେ ଧ୍ୟାନଚାନ୍ଦ ଖେଳରତ୍ନ ସମ୍ମାନ । ସେହିପରି ଲକ୍ଷ୍ୟ ସେନ ଓ ଅଂଶୁ ମଲ୍ଲିକଙ୍କୁ ଅର୍ଜୁନ ପୁରସ୍କାର ପାଇବା ନେଇ ନାମ ଘୋଷମା ହୋଇଛି । ଏହି ସମସ୍ତ ନାଁ ସିଲେକ୍ସନ କମିଟି ଦ୍ୱାରା ଘୋଷଣା କରାଯାଇଛି ।

ନୂଆଦିଲ୍ଲୀ: ଷ୍ଟାର୍‌‌ ଭାରତୀୟ ଡିଫେଣ୍ଡର ହର୍‌‌ମନପ୍ରୀତ୍‌‌ ସିଂହ ୨୦୨୧-୨୨ ବର୍ଷ ଲାଗି ବିଶ୍ୱ ହକିର ସର୍ବୋଚ୍ଚ ସଂସ୍ଥା ଏଫ୍‌‌ଆଇଏଚ୍‌‌ର ଶ୍ରେଷ୍ଠ ପୁରୁଷ ଖେଳାଳି ବିବେଚିତ ହୋଇଛନ୍ତି। କ୍ରମାଗତ ଦ୍ୱିତୀୟଥର ଲାଗି ହର୍‌‌ମନପ୍ରୀତ୍‌‌ ଏହି ସମ୍ମାନଜନକ ପୁରସ୍କାର ଜିତିବାର ସୌଭାଗ୍ୟ ଲାଭ କରିଛନ୍ତି। ଏଥିସହ ବିଶ୍ୱର ଚତୁର୍ଥ ହକି ଖେଳାଳି (ପୁରୁଷ ବିଭାଗ) ଭାବେ ୨୬ ବର୍ଷୀୟ ଏହି ଅମୃତସର ତାରକା କ୍ରମାଗତ ୨ୟଥର ଲାଗି ଏଫ୍‌‌ଆଇଏଚ୍‌‌ ଶ୍ରେଷ୍ଠ ପୁରୁଷ ହକି ପୁରସ୍କାର ହାସଲ କରିବେ। ହର୍‌‌ମନପ୍ରୀତ୍‌‌ଙ୍କ ପୂର୍ବରୁ ନେଦରଲାଣ୍ଡର ତେଉନ ଡେ ନୋଇଜର, ଅଷ୍ଟ୍ରେଲିଆର ଜେମି ଡୱେର ଓ ବେଲ୍‌‌ଜିୟମର ଅର୍ଥର ଭାନ ଡୋରେନ କ୍ରମାଗତ ୨ଥର ଲେଖାଏ ଏହି ପୁରସ୍କାର ଜିତିଥିଲେ। ‘ହର୍‌‌ମନପ୍ରୀତ୍‌‌ ଆଧୁନିକ ହକି ଯୁଗର ସୁପର୍‌‌ ଷ୍ଟାର୍‌‌। ସେ ଜଣେ ଚମତ୍କାର ଡିଫେଣ୍ଡର। ତାଙ୍କର ଡ୍ରିବଲିଂ ଦକ୍ଷତା ଚମତ୍କାର।ସେ ଦେଶ ପାଇଁ ବହୁ ଗୋଲ୍‌‌ସ୍କୋର କରିଛନ୍ତି’ ବୋଲି ଅନ୍ତର୍ଜାତୀୟ ହକି ମହାସଂଘ (ଏଫ୍‌‌ଆଇଏଚ୍‌‌) ପକ୍ଷରୁ ଏକ ବିବୃତିରେ କୁହାଯାଇଛି। ହର୍‌‌ମନପ୍ରୀତ୍‌‌ଙ୍କୁ ମୋଟ୍‌‌ ୨୯.୪ ପଏଣ୍ଟ ମିଳିଛି। ସେ ନେଦରଲାଣ୍ଡ୍‌‌ସର ଥିଏରୀ ବ୍ରିଙ୍କମ୍ୟାନ୍ନ (୨୩.୬ ପଏଣ୍ଟ) ଓ ବେଲ୍‌‌ଜିୟମର ଟମ୍‌‌ ବୁନ (୨୩.୪ ପଏଣ୍ଟ)ଙ୍କୁ ପଛରେ ପକାଇ ଏହି ପୁରସ୍କାର ହାତେଇ ନେଇଛନ୍ତି।

ଭାରତୀୟ ହକିର ଅନ୍ୟତମ ଶ୍ରେଷ୍ଠ ଖେଳାଳି ବିବେଚିତ ହେଉଥିବା ହର୍‌‌ମନପ୍ରୀତ୍‌‌ ଜାତୀୟ ଦଳ ପକ୍ଷରୁ ୧୫୫ ମ୍ୟାଚ୍‌‌ ପ୍ରତିନିଧିତ୍ୱ କରିସାରିଛନ୍ତି। ଯେଉଁଥିରେ ସେ ୧୧୫ ଗୋଲ୍‌‌ସ୍କୋର କରିଛନ୍ତି। ୨୦୨୧-୨୨ ସିଜନରେ ସେ ୧୬ ମ୍ୟାଚ୍‌‌ ଖେଳି ୧୮ ଗୋଲ୍‌‌ ଦେଇଛନ୍ତି। ଯେଉଁଥିରେ ୨ଟି ହ୍ୟାଟ୍ରିକ ଅନ୍ତର୍ଭୁକ୍ତ ରହିଛି। ଏହି ସମୟ ମଧ୍ୟରେ ସେ ଭାରତର ଶ୍ରେଷ୍ଠ ଗୋଲ୍‌‌ସ୍କୋରର ରହିଥିଲେ। ସେହିଭଳି ହକି ପ୍ରୋ ଲିଗ୍‌‌ର ଗୋଟିଏ ସିଜନରେ ସର୍ବାଧିକ ଗୋଲ୍‌‌ ସ୍କୋର କରିବାର ରେକର୍ଡ ମଧ୍ୟ ତାଙ୍କ ନାମରେ ରହିଛି। ବର୍ମିଂହାମ ରାଜ୍ୟଗୋଷ୍ଠୀ କ୍ରୀଡ଼ାରେ ରୌପ୍ୟ ପଦକ ବିଜୟୀ ଭାରତୀୟ ଦଳର ସେ ପ୍ରମୁଖ ଖେଳାଳି ରହିଥିଲେ। ‘ଏଫ୍‌‌ଆଇଏଚ୍‌‌ ବର୍ଷର ଶ୍ରେଷ୍ଠ ଖେଳାଳି ପୁରସ୍କାର ପାଇ ମୁଁ ବହୁତ ଖୁସି। ଏହା ମୋ କ୍ୟାରିୟରର ଶ୍ରେଷ୍ଠ ମୁହୂର୍ତ୍ତ। ଏହା ଏକ ବ୍ୟକ୍ତିଗତ ପୁରସ୍କାର ହୋଇପାରେ। କିନ୍ତୁ ଏହି ପୁରସ୍କାର ମୋର ଏକୁଟିଆ ନୁହେଁ। ସାଥୀ ଖେଳାଳିଙ୍କ ସହଯୋଗ ଓ ସମର୍ଥନ ବିନା ଏହା ସମ୍ଭବ ହୋଇପାରି ନ ଥାନ୍ତା’ ବୋଲି ହର୍‌‌ମନପ୍ରୀତ୍‌‌ ତାଙ୍କ ପ୍ରତିକ୍ରିୟାରେ କହିଛନ୍ତି।

ଅପରପକ୍ଷରେ ନେଦରଲାଣ୍ଡ୍‌‌ସର ଫେଲିସେ ଆଲବର୍ସ ୨୦୨୧-୨୨ ସିଜନ ଲାଗି ଏଫ୍‌‌ଆଇଏଚ୍‌‌ର ଶ୍ରେଷ୍ଠ ମହିଳା ଖେଳାଳି ବିବେଚିତ ହୋଇଛନ୍ତି। ୨୨ ବର୍ଷୀୟା ଫେଲିସେ ସର୍ବକନିଷ୍ଠା ଖେଳାଳି (ମହିଳା ବିଭାଗରେ) ଭାବେ ଏହି ପୁରସ୍କାର ହାସଲ କରିବେ।

ଭୁବନେଶ୍ୱର: ଜାତୀୟ ମହିଳା ସିନିଅର ହକିରେ ଓଡ଼ିଶା ଟିମର ବାଜିମାତ୍ । ପ୍ରଥମ ଥର ପାଇଁ ଚାମ୍ପିଅନ୍ ହୋଇଛି ଓଡ଼ିଶା ଦଳ। ଭୋପାଳରେ ଖେଳା ଯାଇଥିବା ଫାଇନାଲ ମ୍ୟାଚରେ କର୍ଣ୍ଣାଟକକୁ ହରାଇ ବିଜୟୀ ହୋଇଛି ଓଡ଼ିଶା । ୨-୦ ଗୋଲରେ ବିଜୟୀ ହୋଇ ଟାଇଟଲ୍ ହାସଲ କରିଛି ଅସ୍ମିତା ବାର୍ଲାଙ୍କ ନେତୃତ୍ୱାଧିନ ଓଡ଼ିଶା ଟିମ୍ । ଦଳ ପକ୍ଷରୁ ପୁନମ ବାର୍ଲା ଓ କାଞ୍ଚନ ବାର୍ଲା ଗୋଲ୍ ସ୍କୋର କରିଥିଲେ । ଦୁଇଟି ଯାକ ଗୋଲ୍ ଫିଲ୍ଡ ଗୋଲ୍ ଥିଲା ।

ମ୍ୟାଚର ୩୪ତମ ମିନିଟରେ ପୁନମ ବାର୍ଲା ପ୍ରଥମ ଗୋଲ୍ ଦେଇ ଓଡ଼ିଶାକୁ ଆଗୁଆ କରିଥିଲେ । ମ୍ୟାଚର ୫୯ତମ ମିନିଟରେ କାଞ୍ଚନ ବାର୍ଲା ଦଳ ପାଇଁ ଦ୍ୱିତୀୟ ଗୋଲ୍ ସ୍କୋର କରିଥିଲେ । ସମଗ୍ର ଟୁର୍ଣ୍ଣାମେଣ୍ଟରେ ଓଡ଼ିଶା ଉଚ୍ଚକୋଟୀର ପ୍ରଦର୍ଶନ କରିଛି । ସେମିଫାଇନାଲରେ ଓଡ଼ିଶା, ଶକ୍ତିଶାଳୀ ଝାଡ଼ଖଣ୍ଡକୁ ୫-୦ ଗୋଲରେ ହରାଇଥିଲା ।

ଭୁବନେଶ୍ବର : ଭାରତୀୟ ହକି ଟିମ୍ରୁ ଅବସର ଘୋଷଣା କରିଛନ୍ତି ଓଡ଼ିଆ ପୁଅ ବୀରେନ୍ଦ୍ର ଲାକ୍ରା। ଟିମ୍‌ ଇଣ୍ଡିଆର ଷ୍ଟାର ଡିଫେଣ୍ଡର ବୀରେନ୍ଦ୍ର ଲାକ୍ରା ଗୁରୁବାର ହକିରୁ ଅବସର ନେଇ ହକି ଇଣ୍ଡିଆକୁ ଜଣାଇଥିଲେ। ଏହାପରେ  ହକି ଇଣ୍ଡିଆ ପକ୍ଷରୁ ଟ୍ବିଟ୍‌ କରି ଏହି ସୂଚନା ଦିଆଯାଇଛି । ଟିମ୍ ଇଣ୍ଡିଆ ପାଇଁ ୨୦୧ଟି ମ୍ୟାଚ୍ ଖେଳିଥିବା ବୀରେନ୍ଦ୍ର ଟୋକିଓ ଅଲିମ୍ପିକ୍ସରେ ଭାରତୀୟ ହକି ଦଳର ଉପ-ଅଧିନାୟକ ରହିଥିଲେ । ଭାରତୀୟ ହକି ଟିମର ଷ୍ଟାର୍ ଡିଫେଣ୍ଡର ଥିବା ଓଡ଼ିଆ ପୁଅ ବୀରେନ୍ଦ୍ର ଲାକ୍ରା  ଦୁଇଥର ଭାରତ ପକ୍ଷରୁ ଅଲିମ୍ପିକ୍ସରେ ପ୍ରତିନିଧିତ୍ୱ କରିଛନ୍ତି।

2️⃣0️⃣1️⃣ Caps
🥉 Olympic Bronze Medallist

A solid defender and one of the most influential Indian Men's Hockey Team figures, the Odisha star has announced his retirement from the Indian national team.

Happy Retirement, Birendra Lakra. 🙌#IndiaKaGame pic.twitter.com/p8m8KkWDb4

— Hockey India (@TheHockeyIndia) September 30, 2021

ବୀରେନ୍ଦ୍ର ୨୦୦୭ରେ ଭାରତୀୟ ଜୁନିୟର ହକି ଟିମରେ ଡେବ୍ୟୁ କରିଥିଲେ । ଆଉ ଏହାପରେ ପଛକୁ ଫେରି ଚାହିଁନଥିଲେ ବୀରେନ୍ଦ୍ର । ଲଗାତାର ମ୍ୟାଚ୍ ଖେଳିବା ସହ ଦଳର ନିର୍ଭରଯୋଗ୍ୟ ଖେଳାଳୀ ଭାବେ ପରିଚିତ ଥିଲେ ବୀରେନ୍ଦ୍ର । ବୀରେନ୍ଦ୍ର ଲାକ୍ରା  ୨୦୧୨  ମସିହାରେ ଦକ୍ଷିଣ ଆଫ୍ରିକା ବିପକ୍ଷରେ ଭାରତୀୟ ପୁରୁଷ ହକିରେ ଡେବ୍ୟୁ କରିଥିଲେ । ସେହି ବର୍ଷ ହିଁ ହକି ଚମ୍ପିଆନସିପ୍‌ର ସେମି ଫାଇନାଲ୍‌ରେ ଦମଦାର ଖେଳ ପ୍ରଦର୍ଶନ ସହ ଅଲମ୍ପିକ୍‌ ଯୋଗ୍ୟତା ପର୍ଯ୍ୟା ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚରେ ମଧ୍ୟ ଫ୍ରାନ୍ସ ବିପକ୍ଷରେ ଲଢ଼ୁଆ ଖେଳ ପ୍ରଦର୍ଶନ କରିଥିଲେ। ଏହାପରେ ୨୦୧୨ ଲଣ୍ଡନ ଅଲିମ୍ପିକ୍ସରେ ଭାରତୀୟ ଦଳ ପାଇଁ ଖେଳିଥିଲେ ବୀରେନ୍ଦ୍ର। ଏହାପରେ ୨୦୧୪ ଏସିଆନ ଗେମ୍ସରେ ଭାରତୀୟ ଦଳ ରୌପ୍ୟ ପଦକ ହାସଲ କରିଥିଲା । ଏହି ଦଳର ସଦସ୍ୟ ଥିଲେ ବୀରେନ୍ଦ୍ର । ଏହାପରେ ୨୦୧୫ କମନୱେଲ୍‌ଥ ଗେମ୍‌ସରେ ମଧ୍ୟ ଭାରତୀୟ ଦଳ ଯେତେବେଳେ କାଂସ୍ୟ ଜିତିଥିଲା, ସେ ଦଳର ସଦସ୍ୟ ଥିଲେ।

ଏହାପରେ ୨୦୧୬ ରେ ଅଲିମ୍ପିକ୍ସ ପାଇଁ ଚୟନ ହୋଇଥିଲେ ହେଁ ଆଣ୍ଠୁରେ ଆଘାତ ସମସ୍ୟାଯୋଗୁଁ ଖେଳିପାରିନଥିଲେ। ଯାହା ଫଳରେ ସେ ୮ ମାସ ଧରି ଦଳରୁ ବାଦ୍‌ ପଡ଼ିଥିଲେ । ୨୦୧୭ରେ ସେ ପୁନଃ ଟିମ୍‌କୁ ପ୍ରତ୍ୟାବର୍ତ୍ତନ କରିଥିଲେ। ତେବେ ୨୦୨୧ ଟୋକିଓ ଅଲିମ୍ପିକ୍ସ ପାଇଁ ତାଙ୍କୁ ଭାରତୀୟ ଦଳରେ ସାମିଲ୍‌ କରାଯାଇଥିଲା। ଆଉ ଦୀର୍ଘ ୪୧ ବର୍ଷ ପରେ ଟୋକିଓ ଅଲିମ୍ପିକ୍ସରେ ଭାରତୀୟ ହକି ଦଳ ବ୍ରୋଞ୍ଜ ମେଡାଲ ବିଜୟୀ ହୋଇଥିଲା । ଟୋକିଓରେ ପଦକ ବିଜୟୀ ହେବା ପରେ ବୀରେନ୍ଦ୍ରଙ୍କୁ ରାଜ୍ୟ ସରକାରଙ୍କ ପକ୍ଷରୁ ସମ୍ମାନିତ କରାଯାଇଥିଲା । ରାଜ୍ୟ ସରକାର ପୂର୍ବ ଘୋଷଣା ମୁତାବକ ଆର୍ଥିକ ସହାୟତା ସହ ପୁଲିସ ବିଭାଗରେ ଡିଏସପି ନିଯୁକ୍ତି ଦେଇଥିଲେ।

2️⃣2️⃣3️⃣ Caps
1️⃣1️⃣9️⃣ Goals
🥉 Olympic Bronze Medallist

Indian Hockey Team Defender and one of the best drag-flickers of this generation draws curtains on an exceptional career. 👏

Wishing you a Happy Retirement, Rupinder Pal Singh👏#IndiaKaGame pic.twitter.com/kXsVoYlUql

— Hockey India (@TheHockeyIndia) September 30, 2021

ଏହାପୂର୍ବରୁ ଆଜି ଭାରତୀୟ ହକି ଦଳର ଡ୍ରାଗ ଫ୍ଲିକର ରୂପିନ୍ଦର ପାଲ ସିଂ ମଧ୍ୟ ଅନ୍ତର୍ଜାତୀୟ ହକିରୁ ଅବସର ଘୋଷଣା କରିଥିଲେ ।ରୂପିନ୍ଦର ମଧ୍ୟ ଅଲିମ୍ପିକ୍ସ ମେଡାଲ ବିଜେତା ଭାରତୀୟ ହକି ଟିମର ସଦସ୍ୟ ରହିଥିଲେ । ଅବସରକାଳୀନ ବାର୍ତ୍ତାରେ ରୁପିନ୍ଦର ଲେଖିଛନ୍ତି, “ଭାରତୀୟ ହକି ଟିମରୁ ଅବସର ଘୋଷଣା କରୁଛି । ଗତ କିଛି ମାସର ସମୟ ଜୀବନର ଶ୍ରେଷ୍ଠ ଓ ସ୍ମରଣୀୟ ଦିନ ହୋଇରହିବ । ସାଥୀ ଖେଳାଳିଙ୍କ ସହିତ ଟୋକିଓ ଅଲମ୍ପିକ୍‌ର ପଦକ ପୋଡିୟମରେ ଠିଆହେବାର ମୁହୂର୍ତ୍ତ ଜୀବନର ଅଦ୍ଭୁତ ଅନୁଭୂତି ଓ ସବୁଦିନ ପାଇଁ ଏହା ଅଭୁଲା ହୋଇ ରହିବ । ସମୟ ଆସିଛି ଯୁବ ପ୍ରତିଭାବାନ ଖେଳାଳିଙ୍କ ପାଇଁ ପଥ ପରିଷ୍କାର କରିବାର । ଗତ ୧୩ ବର୍ଷ ଧରି ଭାରତକୁ ପ୍ରତିନିଧିତ୍ବ କରିପାରିଥିବାରୁ ଗର୍ବିତ ଓ ଏହା ଏକ ନିଆରା ଉପଲବ୍ଧି । ୨୨୩ଟି ମ୍ୟାଚ୍‌ରେ ଭାରତୀୟ ଜର୍ସି ପିନ୍ଧିବାର ସୁଯୋଗ ମିଳିଥିବାରୁ ଅତ୍ୟନ୍ତ ସୌଭାଗ୍ୟବାନ ମନେକରୁଛି । ପ୍ରତ୍ୟେକ ମ୍ୟାଚ୍‌ ସ୍ବତନ୍ତ୍ର ଓ ଖେଳକୁ ଭଲପାଉଥିବା ମହାନ ଦେଶ ଭାରତ ପକ୍ଷରୁ ଖେଳିବାର ସୁଯୋଗ ପାଇଥିବାରୁ ନିଜକୁ ଧନ୍ୟ ମନେକରୁଛି ।”