ନୂଆଦିଲ୍ଲୀ: ଦେଶରେ ତୈଳ ଦର ଦିନକୁ ଦିନ ଯେତିକି ମହଙ୍ଗା ହେବାରେ ଲାଗିଛି ଇଲେକ୍‌ଟ୍ରିକ୍ କାର (ଇଭି)ର ଚାହିଦା ସେହିଭଳି ଭାବେ ବୃଦ୍ଧି ପାଇବାରେ ଲାଗିଛି। ତେଣୁ ନୂଆ ନୂଆ କମ୍ପାନୀ ଏହି କ୍ଷେତ୍ରରେ ପ୍ରବେଶ କରିବାରେ ଲାଗିଛନ୍ତି । ଉଚ୍ଚ ତେଲ ଦରକୁ ନଜରରେ ରଖି ଲୋକେ ଏବେ ପେଟ୍ରୋଲ ଡିଜେଲ ଚାଳିତ ଗାଡ଼ି ଚଳାଇବାକୁ ପସନ୍ଦ କରୁନାହାନ୍ତି। ଏହା ମଧ୍ୟରେ ପ୍ରଦୂଷଣ ମଧ୍ୟ ଏକ ପ୍ରମୁଖ ସମସ୍ୟା ଭାବେ ଉଭା ହୋଇଛି। ତେଣୁ ବର୍ତ୍ତମାନ ଇ-ଯାନର ଚାହିଦା ଦିନକୁ ଦିନ ବଢ଼ିବାରେ ଲାଗିଛି। ଗ୍ରାହକ ମଧ୍ୟ ଏହାକୁ ଧିରେ ଧୂରେ କିଣିବା ଆରମ୍ଭ କଲେଣି। ଏହି ଅନୁକ୍ରମରେ ସ୍ମାର୍ଟଫୋନ ନିର୍ମାଣକାରୀ କମ୍ପାନୀଗୁଡ଼ିକ ଖୁବଶୀଘ୍ର ଇ-ଯାନ ବଜାରକୁ ଛାଡିବାକୁ ଯୋଜନାରେ ଅଛନ୍ତି।

ଖବର ଅନୁସାରେ, ସ୍ମାର୍ଟଫୋନ କମ୍ପାନୀ ଓପୋ ଖୁବ୍ ଶୀଘ୍ର ଭାରତରେ ଇଲେକ୍ଟ୍ରୋନିକ କାର ବଜାରକୁ ଛାଡିବାକୁ ଯାଉଛି।ପ୍ରକାଶିତ ଏକ ରିପୋର୍ଟ ଅନୁଯାୟୀ, କମ୍ପାନୀ ଏଥିପାଇଁ ଯୋଜନା ପ୍ରସ୍ତୁତ କରିଛି। କୁହାଯାଉଛି କମ୍ପାନୀ ଭାରତ ପାଇଁ ଏକ ଇଲେକ୍ଟ୍ରୋନିକ କାରର ଡିଜାଇନ କରିବା ସହ ୨୦୨୪ରେ ଏହି କାରକୁ ବଜାରକୁ ଛାଡିବାକୁ ଯୋଜନା ରଖିଛି।

୨୦୨୪ରେ ସ୍ମାର୍ଟଫୋନ୍‌ ନିର୍ମାତା ଓପୋର ଇ-ଯାନ ବଜାରକୁ ଆସିବ। ତେବେ ଏହି କାରରେ କ’ଣ ସବୁ ବୈଶିଷ୍ଟ ରହିବ ସେ ନେଇ କମ୍ପାନୀ କୌଣସି ସ୍ପଷ୍ଟ ସୂଚନା ଦେଇନାହିଁ । ଗଣମାଧ୍ୟମର  ଏକ ରିପୋର୍ଟ ଅନୁସାରେ ବିବିକେ

ଇଲେକ୍ଟ୍ରୋନିକ୍ସର ସ୍ମାର୍ଟଫୋନ ବ୍ରାଣ୍ଡ ଯଥା ଓପୋ, ରିଅଲ ମି ଏବଂ ୱାନ ପ୍ଲସ ଏବେ ଭାରତରେ ଇଲେକ୍ଟ୍ରୋନିକ ଭେଇକଲକୁ ଉନ୍ନତ କରି ବଜାରକୁ ଆଣିବାର ଯୋଜନାରେ ରହିଛନ୍ତି। ନାମୀଦାମୀ କମ୍ପାନୀ ଆପଲ ଏହାର ଇ-କାର ଅଣିବାର ଯୋଜନା ରଖିଛି। କିନ୍ତୁ ଏହି କାର ସ୍ମାର୍ଟ ଫିଚର ସହ ଉପଲବ୍ଧ ହେବାକୁ ଯାଉଛି। ଏହା ଚାଳକ ବିହୀନ ହେବା ସହ ସମ୍ପୂର୍ଣ ଭାବେ ସେନ୍ସର ସହ ଜଡ଼ିତ ରହିବ। କାରରେ ବସୁଥିବା ଲୋକ ଏହାକୁ ସ୍ମାର୍ଟଫୋନ ଦ୍ବାରା ଅପରେଟ କରିପାରିବେ । ଏହି କାର ମୋଡ ବଦଳାଇବା ବେଳେ ଷ୍ଟିୟରିଂର ମଧ୍ୟ ଆବଶ୍ୟକତା ପଡିବନାହିଁ। ଅପରପକ୍ଷେ ହେଇ ଚଳିତ ମାସରେ ଅବତାର-୧୧ ନାମକ ଏକ ଇ-କାରର ବଜାର ପ୍ରବେଶ କରିବାକୁ ଯାଉଥିବା ଜଣାଯାଇଛି।

ଏହାର ସବୁଠୁ ଭଲ ବୈଶିଷ୍ଟ୍ୟ ହେଉଛି ଯେ, ଏହି କାରକୁ ଥରେ ଚାର୍ଜ କଲେ ଏହା ୭୦୦ କି.ମି. ପର୍ଯ୍ୟନ୍ତ ଚାଲିବ। ଏଥିରେ ୨୦୦ କେଡବ୍ଲ୍ୟୁଏଚ୍ ସୁପର ଚାର୍ଜେବଲ ବ୍ୟାଟେରୀ ଦିଆଯାଇଛି । ଏଥିରେ ଅଲଗା ଅଲଗା ପ୍ରକାରର ୪୦୦ଟି ଡ୍ରାଇଙ୍ଗି ବୈଶିଷ୍ଟ୍ୟ ମଧ୍ୟ ଉପଲବ୍ଧ। ଏହି କାର ୨୦୨୨ର ଦ୍ବିତୀୟ ତ୍ରୈମାସରେ ବଜାରକୁ ଆସିପାରେ। ଚାଇନା ସ୍ମାର୍ଟଫୋନ କମ୍ପାନୀ ସାଓମିର ସିଇଓ ଲେଇ ଯୁନ କହିଛନ୍ତି ଯେ, ତାଙ୍କ କମ୍ପାନୀ ୨୦୨୪ରେ ବହୁମାତ୍ରାରେ ଇ-କାର ଉତ୍ପାଦନ କରିବାକୁ ଯାଉଛି।

ଭୁବନେଶ୍ୱର : ଡିସେମ୍ବର ମାସ ସୁଦ୍ଧା ରାଜଧାନୀରେ କାର୍ଯ୍ୟକ୍ଷମ ହେବ ବିଦ୍ୟୁତ୍‍ଚାଳିତ ଗାଡ଼ି ଚାର୍ଜିଂ ଷ୍ଟେସନ୍‍। ଭୁବନେଶ୍ୱର ସ୍ମାର୍ଟସିଟି ଲିମିଟେଡ୍‍ (ବିଏସ୍‍ସିଏଲ୍‍) ପକ୍ଷରୁ ଏ ନେଇ ଜୋରଦାର ପ୍ରୟାସ କରାଯାଉଛି। ପ୍ରଥମ ପର୍ଯ୍ୟାୟରେ ରାଜଧାନୀର ୭ ଟି ସ୍ଥାନରେ ନିର୍ମାଣ ହେବାକୁ ଥିବା ଚାର୍ଜିଂ ଷ୍ଟେସନ ପାଇଁ ବିଏସ୍‍ସିଏଲ୍‍ ପକ୍ଷରୁ ଟେଣ୍ଡର ଆହ୍ୱାନ କରାଯାଇଛି। ପ୍ରଥମଥର ପାଇଁ ଭୁବନେଶ୍ୱରରେ ୭ଟି ଚାର୍ଜିଂ ଷ୍ଟେସନ୍‍ ପ୍ରତିଷ୍ଠା କରାଯିବ। ଏହା ପରେ ବିଏସ୍‍ସିଏଲ୍‍ ନିଜର ମଲ୍ଟିଲେଭଲ କାର୍‍ ପାର୍କିଂ ସମେତ ପ୍ରାୟ ୫୦ ଟି ସ୍ଥାନରେ ଏହି ଚାର୍ଜିଂ ଷ୍ଟେସନ ପ୍ରତିଷ୍ଠା କରିବା ପାଇଁ ଯୋଜନା ରଖିଛି। ତେବେ ପ୍ରାଥମିକ ପର୍ଯ୍ୟାୟରେ ଏହି ୭ଟି ଷ୍ଟେସନ୍‍ର ପ୍ରତିଷ୍ଠାନ, ପରିଚାଳନା ଓ ରକ୍ଷାଣବେକ୍ଷଣ ପାଇଁ ଟେଣ୍ଡର ଆହ୍ୱାନ କରାଯାଇଥିବା ବେଳେ ଷ୍ଟେସନ୍‍ ନିର୍ମାଣ ପାଇଁ ଜାଗ ଚିହ୍ନଟ ପ୍ରକ୍ରିୟା ଶେଷ ହୋଇଛି।

ସ୍ମାର୍ଟସିଟି ପକ୍ଷରୁ ମିଳିଥିବା ସୂଚନା ଅନୁଯାୟୀ ପ୍ରଥମ ପର୍ଯ୍ୟାୟରେ ନିର୍ମାଣ ହେବାକୁ ଥିବା ୭ଟି ଚାର୍ଜିଂ ଷ୍ଟେସନ୍‍ ମଧ୍ୟରୁ ୫ ଟି ଧିମା (ସ୍ଲୋ) ଓ ୨ ଟି ଦ୍ରୁତ (ଫାଷ୍ଟ) ଚାର୍ଜିଂ ଷ୍ଟେସନ ନିର୍ମାଣ କରାଯିବ। ଏହି ୭ ଟି ଷ୍ଟେସନ୍‍ରେ ୨୮ ଟି ଚାର୍ଜର ପ୍ଲଗ୍‍ ରହିବ। ୭ ଟା ସ୍ଥାନ ଯଥା କିଟ୍‍ ବିଶ୍ୱବିଦ୍ୟାଳୟ ନିକଟରେ ଗୋଟିଏ ଦ୍ରୁତ ଚାର୍ଜିଂ ଓ ଏକ ଧୀମା ଚାର୍ଜିଂ ଷ୍ଟେସନ୍‍ ସ୍ଥାପନ ହେବାକୁ ଥିବା ବେଳେ ସମ୍‍ ହସ୍ପିଟାଲ (ଧୀମା ଚାର୍ଜିଂ), ରସୁଲଗଡ଼଼ ନିକଟସ୍ଥ ଏସପ୍ଲାନେଡ୍‍ ମଲ୍‍ (୧ ଦ୍ରୁତ ଚାର୍ଜର, ୧ ଧୀମା ଚାର୍ଜର), ଡିଏନ୍‍ ରେଗାଲିଆ (ଧୀମା ଚାର୍ଜିଂ), ସିଆର୍‍ପି ସ୍ଥିତ କ୍ରିଷ୍ଣା ପ୍ଲାଜା (ଧୀମା ଚାର୍ଜର)ରେ ଚାର୍ଜିଂ ଷ୍ଟେସନ୍‍ ସ୍ଥାପନ କରାଯିବ। ଏନେଇ ସମ୍ପୃକ୍ତ ସଂସ୍ଥାଗୁଡ଼ିକଠାରୁ ଜମି ଲିଜ୍‍ରେ ନିଆଯିବାକୁ ସ୍ଥିର ହୋଇଛି। ସ୍ମାର୍ଟିସିଟିର ଜଣେ ବରିଷ୍ଠ ଅଧିକାରୀଙ୍କ କହିବା ଅନୁଯାୟୀ ଟେଣ୍ଡରରେ ସାଢ଼େ ୭ ପ୍ରତିଶତ୍‍ କମିସନ ବେସ୍‍ ପ୍ରାଇସ୍‍ ରଖାଯାଇଛି। ଏହାଠାରୁ ଯେଉଁ ସଂସ୍ଥା ଅଧିକ କମିସନ ଦେବାକୁ ରାଜି ହେବ ସେହି ସଂସ୍ଥା ଟେଣ୍ଡର ପାଇବାକୁ ଯୋଗ୍ୟ ହେବ। ବର୍ତ୍ତମାନ ଏହି ଚାର୍ଜିଂ ଷ୍ଟେସନ୍‍ ଦୁଇଟି ସ୍ମାର୍ଟସିଟି ଇନ୍ଦୋର ଓ ଜୟପୁରରେ କାର୍ଯ୍ୟକ୍ଷମ ହୋଇଛି। ଏହି ଦୁଇ ସହର ଢାଞ୍ଚାରେ ଭୁବନେଶ୍ୱରରେ ଚାର୍ଜିଂ ଷ୍ଟେସନ୍‍ଗୁଡ଼ିକ କାର୍ଯ୍ୟକ୍ଷମ ହେବ। ୭ ଟି ସ୍ଥାନରେ ହେବାକୁ ଥିବା ଷ୍ଟେସନ୍‍ ପାଇଁ ଜାଗା ଲିଜ୍‍ରେ ନିଆଯାଇଛି। ସେଠାରେ ଟେଣ୍ଡର ପାଇବା କମ୍ପାନୀ ଷ୍ଟେସନ୍‍ ନିର୍ମାଣ କରିବା ସହିତ ରକ୍ଷଣାବେକ୍ଷଣ ଓ ପରିଚାଳନା କରିବ। ଏଥିପାଇଁ ସମ୍ପୃକ୍ତ ସଂସ୍ଥା ସ୍ମାର୍ଟସିଟିକୁ କମିସନ ଆକାରରେ ଅର୍ଥ ଦେବ ବୋଲି ସେ କହିଛନ୍ତି।

ଆଗାମୀ ଦିନରେ କ୍ରୁଟ୍‍ ପକ୍ଷରୁ ପର୍ଯ୍ୟାୟକ୍ରମେ ୨୦୦ ବିଦ୍ୟୁତଚାଳିତ ବସ୍‍ ଚଳାଇବା ପାଇଁ ଲକ୍ଷ୍ୟ ରହିଛି। ଏହାକୁ ଆଧାର କରି ମାଷ୍ଟର କ୍ୟାଣ୍ଟିନ ସମେତ ଦୁଇଟି ବସ୍‍ ଡୋପରେ ବସ୍‍ ଚାର୍ଜିଂ ପାଇଁ ଷ୍ଟେସନ୍‍ ନିର୍ମାଣ କରାଯିବ। ସେହିପରି ଓଡ଼ିଶାରେ ଚଳାଚଳ କରୁଥିବା ଯାନବାହାନ ମଧ୍ୟରୁ ବିଦ୍ୟୁତଚାଳିତ ଯାନ ପରିମାଣ ୧ ପ୍ରତିଶତରୁ କମ୍‍ ରହିଛି। କିନ୍ତୁ ବର୍ଦ୍ଧିତ ଇନ୍ଧନ ମୂଲ୍ୟ ହେତୁ ବିଦ୍ୟୁତ୍‍ ଚାଳିତ ଯାନ ପ୍ରତି ଗ୍ରାହକ ଆକୃଷ୍ଠ ହେଉଛନ୍ତି। ସମ୍ପ୍ରତି ଓଡ଼ିଶାରେ ପ୍ରାୟ ୧୨ରୁ ଅଧିକ କମ୍ପାନୀର ବିଦ୍ୟୁତ ଚାଳିତ ଦୁଇ ଚକିଆ ଯାନ ବିକ୍ରି ହେଉଛି ଏବଂ ଗ୍ରାହକଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଇଭି ପଲିସୀ-୨୦୨୧ରେ ନୂଆ ଗାଡ଼ି କିଣିବା ଓ ପୁରୁଣା ଇନ୍ଧନ ଚାଳିତ ଗାଡ଼ି ସ୍କ୍ରାପ୍‍ (ହଟାଇବା) ପାଇଁ ରାଜ୍ୟ ସରକାର ଆର୍ଥିକ ପ୍ରୋତ୍ସାହନ ବ୍ୟବସ୍ଥା କରିଛନ୍ତି।

ଗାଡ଼ି ଓ ବ୍ୟାଟେରି ଚାର୍ଜିଂ ପାଇଁ ରହିବ ବ୍ୟବସ୍ଥା

୭ଟି ଚାର୍ଜିଂ ଷ୍ଟେସନ୍‍ରେ ଦୁଇ ପ୍ରକାର ସୁବିଧା ରହିବ। ଲୋକେ ଚାହିଁଲେ ସେମାନଙ୍କ ଗାଡ଼ି ନେଇ ସେଠାରେ ଚାର୍ଜିଂ କରିବେ ନଚେତ୍‍ କେବଳ ବ୍ୟାଟେରି ମଧ୍ୟ ଚାର୍ଜିଂ କରାଇପାରିବେ। ଫାଷ୍ଟ ଚାର୍ଜିଂରେ ସ୍ଲୋ ଚାର୍ଜିଂ ଅପେକ୍ଷା ଦର ଅଧିକ ରହିବ। ବର୍ତ୍ତାମାନ ପର୍ଯ୍ୟନ୍ତ ଚାର୍ଜିଂ ଦର ନିର୍ଦ୍ଧାରଣ ହୋଇ ନ ଥିବା ବେଳେ କେତେ ବିଦ୍ୟୁତ୍‍ ବ୍ୟବହାର ହେଉଛି ତାହାକୁ ଆଧାର କରି ଦର ନିର୍ଦ୍ଧାରଣ କରାଯିବ। ଫାଷ୍ଟ ଚାର୍ଜିଂରେ ଗୋଟିଏ ଗାଡ଼ି କିମ୍ବା ବ୍ୟାଟେରି ପାଇଁ ମାତ୍ର ଦୁଇ ଘଣ୍ଟା ସମୟ ଆବଶ୍ୟକ ହେଉଥିବା ବେଳେ ସ୍ଲୋ ଚାର୍ଜିଂରେ ଗୋଟିଏ ଗାଡ଼ି ପାଇଁ ୫ ଘଣ୍ଟା ସମୟ ଆବଶ୍ୟକ ହେବ। ତେବେ ଥରେ ଚାର୍ଜଂ କଲେ ଗୋଟିଏ ଗାଡ଼ି ପାଖାପାଖି ୩୦୦ କିମି ପର୍ଯ୍ୟନ୍ତ ଗଡ଼଼ିପାରିବ ବୋଲି ଜଣାପଡ଼ିଛି। ଭୁବନେଶ୍ୱରରେ ହେବାକୁ ଥିବା ଏହି ଚାର୍ଜିଂ ଷ୍ଟେସନ୍‍ଗୁଡ଼ିକରେ କେବଳ ଦୁଇଚକିଆ ଓ ଚାରିଚକିଆ ଯାନ ପାଇଁ ଚାର୍ଜିଂ ବ୍ୟବସ୍ଥା ରହିଥିବା ବେଳେ ପରବର୍ତ୍ତୀ ସମୟରେ ଭୁବନେଶ୍ୱରର ବିଭିନ୍ନ ସ୍ଥାନରେ ବସ୍‍ଗୁଡ଼ିକ ଚାର୍ଜିଂ ପାଇଁ ମଧ୍ୟ ଷ୍ଟେସନ୍‍ ନିର୍ମାଣ କରାଯିବ। ଆଗାମୀ ଦିନରେ ହେବାକୁ ଥିବା ଷ୍ଟେସନ୍‍ଗୁଡ଼ିକ ମଧ୍ୟ ସପିଂ ମଲ୍‍, ପାର୍କିଂ ସ୍ଥଳ, ହୋଟେଲ୍‍, ଆବାସିକ ଅଞ୍ଚଳ, ଅଧିକ କାର୍ଯ୍ୟାଳୟ ଓ ବ୍ୟବସାୟ କେନ୍ଦ୍ର ଥିବା ସ୍ଥାନ ତଥା ଜାତୀୟ ରାଜପଥ କଡ଼ରେ କରାଯିବ। ଏହିସବୁ ସ୍ଥାନରେ ଲୋକମାନଙ୍କ ଗାଡ଼ି ରଖିବା ପାଇଁ ମଧ୍ୟ ପର୍ଯ୍ୟାପ୍ତ ପରିମାଣରେ ସ୍ଥାନ ସଂରକ୍ଷିତ ରଖାଯିବ।

ପରିବେଶ ପ୍ରଦୂଷଣ ସମଗ୍ର ବିଶ୍ବ ପାଇଁ ଚିନ୍ତାର କାରଣ ପାଲଟିଛି । ଜନସଂଖ୍ୟା ବୃଦ୍ଧି ସାଙ୍ଗକୁ ଇଞ୍ଜିନ୍ ଚାଳିତ ଗାଡ଼ି ମଟରର ବ୍ୟବହାର ମଧ୍ୟ ବହୁଳ ମାତ୍ରାରେ ବଢ଼ିଯାଇଛି। ଏହା ପରିବେଶ ପ୍ରଦୁଷଣ ଏକ ପ୍ରମୁଖ କାରଣ କହିଲେ ଅତ୍ୟୁକ୍ତି ହେବନାହିଁ । ଏହାକୁ ରୋକିବା ପାଇଁ ସଚେତନତା ସାଙ୍ଗକୁ ବିଭିନ୍ନ ପଦକ୍ଷେପମାନ ଗ୍ରହଣ କରାଯାଉଛି। ଏହି କ୍ରମରେ କେରଳର ଥୁଅନନ୍ତପୁରମ୍‌ର ଇଞ୍ଜିନିୟରିଂ ଛାତ୍ରମାନେ ବିଶ୍ବର ପ୍ରଥମ ଶତପ୍ରତିଶତ ଏକ ପରିବେଶ ଅନୁକୂଳ ଇଲେଟ୍ରିକ୍ କାର୍ ତିଆରି କରିଛନ୍ତି। ଏହାକୁ ବାଉଁଶ ଓ ଇଲେକ୍ଟ୍ରିରେ ନିର୍ମାଣ କରାଯାଇଛି। ବାଉଁଶରୁ କାର ତିଆରି କରିବାର କଳ୍ପନା କଲେଜ ପ୍ରଫେସର ଡ ଅନିଶ କେ. ଜନ୍‌ଙ୍କର ଥିଲା, ଯାହାକୁ ଛାତ୍ରମାନେ ବାସ୍ତବ ରୂପ ଦେଇଛନ୍ତି । ଇକୋ-ମାରାଥନ୍ ପ୍ରତିଯୋଗିତାରେ ଭାଗ ନେବାକୁ ଛାତ୍ରମାନେ ଏହି କାର୍ ତିଆରି କରିଥିଲେ । ଏହି ପ୍ରତିଯୋଗିତା ଛାତ୍ରମାନଙ୍କୁ ନୂତନ ଉଦ୍ଭାବନ କରିବାକୁ ଉତ୍ସାହିତ କରେ। ବାର୍ଟନ ହିଲ୍ ସରକାରୀ ଇଂଜିନିୟରିଂ କଲେଜର ଛାତ୍ରମାନଙ୍କୁ ଏହି ପରିବେଶ ଅନୁକୂଳ କାର୍ ପାଇଁ ସର୍କୁଲାର ଏକାଡେମୀ ପୁରସ୍କାରରେ ସମ୍ମାନିତ କରାଯାଇଛି।

ଉକ୍ତ କାର୍‌ଟି ଏକ ପରିବେଶ ଅନୁକୂଳ ମଡେଲ୍‌ର ଏକ ପ୍ରୋଟୋଟାଇପ୍ ଅଟେ। ଅନୁସନ୍ଧାନକାରୀ ଦଳ କହିଛନ୍ତି ଯେ, ବର୍ତ୍ତମାନ କାର୍ ଚେଚିସ୍‌ ର ଉନ୍ନତି ପାଇଁ ଉଦ୍ୟମ କରାଯାଉଛି । ଆଧୁନିକ ଶୈଳୀରେ ଏହି କାର୍‌ଟିକୁ ନିର୍ମାଣ କରାଯିବ। ଦୁଇ ସିଟ୍ ବିଶିଷ୍ଟ ବାଉଁଶ କାର ତିଆରି କରାଯାଇ ଏଥିରେ ବାଉଁଶ କପଡ଼ା ଓ ଚେଚିସ୍‌ ବ୍ୟବହାର କରାଯିବ। ଅନୁସନ୍ଧାନ ଦଳର ସଦସ୍ୟ ଅର୍ଜୁନ କୁହନ୍ତି, ଏହି କାର ଅଟୋମୋବାଇଲ୍ କ୍ଷେତ୍ରରେ ସର୍ବୋତ୍ତମ ନୁହେଁ, କିନ୍ତୁ ଏହା ଏକ ଉଦାହରଣ ଯେ ପରିବେଶ ଅନୁକୂଳ କାର୍ ମଧ୍ୟ ତିଆରି କରାଯାଇପାରିବ । ଏହି ପରିବେଶ ଅନୁକୂଳ କାର୍‌ରେ ୩୫ ସିସି ଆଇସି ଇଞ୍ଜିନ୍ ବ୍ୟବହାର କରାଯାଇଛି।ଏହାଦ୍ୱାରା ଇନ୍ଧନ ସଞ୍ଚୟ କରିହେବ। ଏହାକୁ ନିର୍ମାତା ଦଳର ସଦସ୍ୟ କେଭିନ ଫେଲିସିୟସ କହିଛନ୍ତି ଯେ, ଏହି ପରିବେଶ ଅନୁକୂଳ କାର ବଡ଼ କାର କମ୍ପାନୀଗୁଡ଼ିକୁ ପ୍ରେରଣା ଯୋଗାଇବ।