ଆପଲ୍ (Apple) ସ୍ମାର୍ଟଫୋନ୍ ଏବଂ ସ୍ମାର୍ଟୱାଚ୍ ବ୍ୟବହାର କରୁଥିବା ଗ୍ରାହକଙ୍କ ପାଇଁ ଏକ ବଡ଼ ଖବର। ଭାରତ ସରକାରଙ୍କ ସାଇବର ସୁରକ୍ଷା ଏଜେନ୍ସି CERT-In (Indian Computer Emergency Response Team) ପକ୍ଷରୁ ଆପଲ୍ ୟୁଜର୍ସଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ସତର୍କ ସୂଚନା ଜାରି କରାଯାଇଛି। ଆଇଫୋନ୍, ଆଇପ୍ୟାଡ୍, ମ୍ୟାକ୍ ଏବଂ ଆପଲ୍ ୱାଚରେ ଥିବା କିଛି ଗୁରୁତ୍ୱପୂର୍ଣ୍ଣ ସୁରକ୍ଷା ତ୍ରୁଟିକୁ ନେଇ ଏହି ହାଇ-ସିଭିୟରିଟି (High-Severity) ଆଲର୍ଟ ଜାରି କରାଯାଇଛି। ସାଇବର ଆକ୍ରମଣରୁ ବର୍ତ୍ତିବା ପାଇଁ ତୁରନ୍ତ ନିଜ ଡିଭାଇସକୁ ଲାଟେଷ୍ଟ ଭର୍ସନରେ ଅପଡେଟ୍ କରିବାକୁ ପରାମର୍ଶ ଦିଆଯାଇଛି।

କାହିଁକି ଜାରି ହେଲା ଏହି ସତର୍କ ସୂଚନା?

ରିପୋର୍ଟ ଅନୁଯାୟୀ, ଆପଲ୍ ଅପରେଟିଂ ସିଷ୍ଟମର ବିଭିନ୍ନ କମ୍ପୋନେଣ୍ଟରେ ଏକାଧିକ ସୁରକ୍ଷା ତ୍ରୁଟି (Vulnerabilities) ଦେଖିବାକୁ ମିଳିଛି। ଏହି ତ୍ରୁଟିର ଫାଇଦା ଉଠାଇ ହ୍ୟାକର୍ସମାନେ ସହଜରେ ୟୁଜର୍ସଙ୍କ ବ୍ୟକ୍ତିଗତ ତଥ୍ୟ ଚୋରି କରିପାରିବେ କିମ୍ବା ଡିଭାଇସ୍ ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ହାସଲ କରିପାରିବେ। ଏହାବ୍ୟତୀତ, ରିମୋଟ୍ କୋଡ୍ ଏକ୍ସିକ୍ୟୁସନ୍ ଜରିଆରେ ବିନା ଅନୁମତିରେ ଅନେକ ମାଲୱେର୍ ଇନଷ୍ଟଲ୍ କରିବାର ଆଶଙ୍କା ରହିଥିବା CERT-In ପକ୍ଷରୁ ସୂଚନା ଦିଆଯାଇଛି।

କେଉଁ ସବୁ ଡିଭାଇସ୍ ଉପରେ ରହିଛି ବିପଦ?

କେବଳ ଆଇଫୋନ୍ (iPhone) ନୁହେଁ, ବରଂ ଆଇପ୍ୟାଡ୍ (iPad), ମ୍ୟାକ୍ ଲାପଟପ୍ (Mac), ଆପଲ୍ ୱାଚ୍ (Apple Watch) ଏବଂ ଭିଜନ୍ ପ୍ରୋ (Vision Pro) ଭଳି ଡିଭାଇସରେ ମଧ୍ୟ ଏହି ସମସ୍ୟା ଦେଖାଦେଇଛି। ବିଶେଷ କରି ଯେଉଁମାନେ ପୁରୁଣା ସଫ୍ଟୱେର୍ ଭର୍ସନ୍ (ଯେପରିକି ପୁରୁଣା iOS କିମ୍ବା macOS) ବ୍ୟବହାର କରୁଛନ୍ତି, ସେମାନଙ୍କ ଡିଭାଇସ୍ ଅଧିକ ବିପଦରେ ରହିଛି। ଆପଲ୍ ପକ୍ଷରୁ ମଧ୍ୟ ପୁରୁଣା ଅପରେଟିଂ ସିଷ୍ଟମ୍ ବ୍ୟବହାରକାରୀଙ୍କୁ ୱେବ୍-ଆଧାରିତ ଆକ୍ରମଣ ନେଇ ପୂର୍ବରୁ ସତର୍କ କରାଯାଇଥିଲା।

କିପରି ରହିବେ ସୁରକ୍ଷିତ?

ସୁରକ୍ଷା ଦୃଷ୍ଟିରୁ CERT-In ଏବଂ ସାଇବର ବିଶେଷଜ୍ଞଙ୍କ ପକ୍ଷରୁ କିଛି ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିବାକୁ ପରାମର୍ଶ ଦିଆଯାଇଛି:

* ସର୍ବପ୍ରଥମେ ନିଜ ଆପଲ୍ ଡିଭାଇସର ସେଟିଂସକୁ ଯାଇ ସଫ୍ଟୱେର୍ ଅପଡେଟ୍ (Software Update) ଚେକ୍ କରନ୍ତୁ ଏବଂ ତୁରନ୍ତ ନୂଆ ଭର୍ସନକୁ ଅପଡେଟ୍ କରନ୍ତୁ।

* କୌଣସି ଅଜଣା ବ୍ୟକ୍ତିଙ୍କ ପକ୍ଷରୁ ଆସିଥିବା ସନ୍ଦେହଜନକ ଲିଙ୍କରେ କ୍ଲିକ୍ କରନ୍ତୁ ନାହିଁ କିମ୍ବା ଅସୁରକ୍ଷିତ ୱେବସାଇଟ୍ ଭିଜିଟ୍ କରନ୍ତୁ ନାହିଁ।

* କେବଳ ଆପଲ୍ ଆପ୍ ଷ୍ଟୋରରୁ ହିଁ ବିଶ୍ୱସ୍ତ ଆପ୍ଲିକେସନ୍ ଡାଉନଲୋଡ୍ କରନ୍ତୁ ଏବଂ ନିୟମିତ ଭାବେ ନିଜ ଡାଟାକୁ ବ୍ୟାକ୍ଅପ୍ (Backup) ରଖନ୍ତୁ।

ଆପଲ୍ ପକ୍ଷରୁ ଏହି ସମସ୍ୟାର ସମାଧାନ ପାଇଁ ଇତିମଧ୍ୟରେ ନୂଆ ସିକ୍ୟୁରିଟି ପ୍ୟାଚ୍ ଜାରି କରାଯାଇସାରିଛି, ତେଣୁ ବିଳମ୍ବ ନକରି ଯଥାଶୀଘ୍ର ଡିଭାଇସ୍ ଅପଡେଟ୍ କରିବା ନିହାତି ଆବଶ୍ୟକ।

ନୂଆଦିଲ୍ଲୀ : ଟେକ୍ କମ୍ପାନୀ ଆପଲ୍ ଖୁବ୍ ଶୀଘ୍ର ଭାରତରେ ଏହାର ପ୍ରଥମ କ୍ରେଡିଟ୍ କାର୍ଡ ‘ଆପଲ୍ କାର୍ଡ’ର ଶୁଭାରମ୍ଭ କରିବ। କମ୍ପାନୀ ଭାରତରେ ଏହାର କ୍ରେଡିଟ୍ କାର୍ଡ ପ୍ରବର୍ତ୍ତନ ପାଇଁ ଏଚ୍‌ଡିଏଫ୍‌ସି ବ୍ୟାଙ୍କ ସହ ସହଭାଗୀ ହେବାକୁ ଯୋଜନା କରୁଛି। ଏହା କମ୍ପାନୀର ସହ-ବ୍ରାଣ୍ଡେଡ୍ କ୍ରେଡିଟ୍ କାର୍ଡ ହେବ। ତେବେ ଏ ପର୍ଯ୍ୟନ୍ତ ଆପଲ୍ କିମ୍ବା ଏଚ୍‌ଡିଏଫ୍‌ସି ବ୍ୟାଙ୍କ ଦ୍ୱାରା କୌଣସି ସରକାରୀ ସୂଚନା ଦିଆଯାଇନାହିଁ।

ରିପୋର୍ଟ ଅନୁଯାୟୀ, ଆପଲ୍ ସିଇଓ ଟିମ୍ କୁକ୍ ଏପ୍ରିଲରେ ଭାରତ ଗସ୍ତ କରିବା ସମୟରେ ଏଚ୍‌ଡିଏଫ୍‌ସି ବ୍ୟାଙ୍କର ସିଇଓ ତଥା ଏମଡି ଶଶିଧର ଜଗଦୀଶନଙ୍କୁ ଭେଟିଥିଲେ। ଯୁକ୍ତରାଷ୍ଟ୍ରରେ, କମ୍ପାନୀ ବିଳମ୍ବରେ ଦେୟ ଦେବା ପାଇଁ କାର୍ଡଧାରୀଙ୍କଠାରୁ ବିଳମ୍ବ ଚାର୍ଜ ଆଦାୟ କରେନାହିଁ। କୁହାଯାଉଛି ଯେ ଭାରତରେ ମଧ୍ୟ କମ୍ପାନୀ ବିଳମ୍ବିତ ଦେୟ ପାଇଁ ଚାର୍ଜ ଆଦାୟ କରିବନାହିଁ।

ନୂଆଦିଲ୍ଲୀ: ଭାରତର ମୋବାଇଲ ଫୋନ ରପ୍ତାନୀ କ୍ଷେତ୍ରରେ ଏବେ ଆପଲ କମ୍ପାନୀ ନିର୍ମିତ ସ୍ମାଟଫୋନର ଅଂଶ ବଢିବାରେ ଲାଗିଛି। ଗତ ଏପ୍ରିଲରୁ ଅକ୍ଟୋବର ମଧ୍ୟରେ ଭାରତର ମୋବାଇଲ ଫୋନ ରପ୍ତାନି କ୍ଷେତ୍ରର ଅଧିକାଂଶ ଭାଗ ଆପଲ ହାସଲ କରିଛି। ଏହି ସମୟରେ ଭାରତର ସର୍ବବୃହତ ଉଦ୍ୟୋଗ ଭାବେ ସାମସଙ୍ଗ ୨.୮ ବିଲିୟନ ଡଲାରର ରପ୍ତାନି କରିଥିଲାବେଳେ ଆପଲ ଅଂଶ ୨.୨ ବିଲିୟନ ଡଲାର ରହିଛି। ତେବେ ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ମୋବାଇଲ ରପ୍ତାନି କ୍ଷେତ୍ରରେ ଆପଲ କମ୍ପାନୀ ସାମସଙ୍ଗକୁ ଅତିକ୍ରମ କରିବ ବୋଲି କୁହାଯାଇଛି।

ଏପରିକି ୨୦୨୫ ସୁଦ୍ଧା ଭାରତରେ ପ୍ରସ୍ତୁତ ହେଉଥିବା ୪ଟି ମୋବାଇଲ ଫୋନ ମଧ୍ୟରେ ଗୋଟିଏ ଆପଲ ଫୋନ ରହିବ ବୋଲି ଆକଳନ କରାଯାଇଛି। ବର୍ତ୍ତମାନ ଅଧିକ ଉତ୍ପାଦନ କରିବା ଯୋଜନା ଉପରେ ଏହି କମ୍ପାନୀ କାର୍ଯ୍ୟ କରୁଛି। କମ୍ପାନୀର ପ୍ରିମିୟର ସ୍ମାର୍ଟଫୋନ ଆଇଫୋନ ୧୪ ପ୍ରୋ’ର ଯୋଗାଣ ଶୃଙ୍ଖଳାରେ ଅଭାବ ରହିଥିବା ଜଣାପଡ଼ିବା ପରେ କମ୍ପାନୀ ଉତ୍ପାଦନ ସଂଖ୍ୟା ବୃଦ୍ଧି କରିଛି। ଚଳିତ ଆର୍ଥିକ ବର୍ଷର ତୃତୀୟ ତ୍ରୈମାସରେ ୭୦ରୁ ୭୫ ନିୟୁତ ୟୁନିଟ୍ ଆଇଫୋନ ବିଦେଶକୁ ପଠାଯାଇଥିଲା ବେଳେ ଭାରତରୁ ୪୦ରୁ ୪୫ ପ୍ରତଶିତ ଆଇଫୋନ ରପ୍ତାନି ନେଇ ଆପଲ ଯୋଜନା କରୁଛି । ଭାରତରେ ଆଇଫୋନର ଉତ୍ପାଦନ ୨୦୨୧ ମସିହାରେ ୭ ନିୟୁତ ରହିଥିଲା, ଯାହା ୨୦୨୨ରେ ୧୨ରୁ ୧୩ ନିୟୁତରେ ପହଞ୍ଚିଛି।

ନୂଆଦିଲ୍ଲୀ : ଆପଲ ନିଜର ଅନେକ କନଟ୍ରାକ୍ଟ ମ୍ୟାନୁଫାକଚରରଙ୍କୁ ନିର୍ଦ୍ଦେଶ ଜାରି କରି ଚୀନ ବାହାରେ ଉତ୍ପାଦନ ବୃଦ୍ଧି କରିବାକୁ ପରାମର୍ଶ ଦେଇଛି। ୱାଲ ଷ୍ଟ୍ରିଟ୍ ଜର୍ଣ୍ଣାଲର ରିପୋର୍ଟ ଅନୁସାରେ ଭାରତ ଏବଂ ଭିଏତନାମ ସେହି ଦେଶଗୁଡିକ ମଧ୍ୟରେ ଅଛନ୍ତି, ଯାହାକୁ କମ୍ପାନୀ ଚୀନର ବିକଳ୍ପ ରୂପେ ଦେଖୁଛି। ବର୍ତ୍ତମାନ ଆପଲର ବୈଶ୍ୱିକ ଉତ୍ପାଦନରେ ଏହି ଦେଶ ଗୁଡିକର ଯୋଗଦାନ ସାଧାରଣ ରହିଛି । ଏକ ଆକଳନ ଅନୁସାରେ ଇଣ୍ଡିପେଣ୍ଡେଣ୍ଟ କନଟ୍ରାକ୍ଟର ୯୦ ପ୍ରତିଶତରୁ ଅଧିକ ଆପଲ ଉତ୍ପାଦ ଆଇଫୋନ୍‌ସ, ଅାଇପ୍ୟାଡ୍ସ ଏବଂ ମ୍ୟାକ୍‌ବୁକ୍‌କମ୍ପ୍ୟୁଟର ନିର୍ମାଣର ଚୀନରେ ହୋଇଥାଏ। ବିଶେଷଜ୍ଞଙ୍କ ଅନୁସାରେ, ଚୀନ ଉପରେ ଆପଲର ନିର୍ଭରତା ସମ୍ଭବତ ଏକ ବଡ଼ ବିପଦ ହୋଇପାରେ। ଏହା ପଛରେ ବେଜିଂର ଦମନକାରୀ କମ୍ୟୁନିଷ୍ଟ ଶାସନ ଏବଂ ଆମେରିକା ସହ ଏହାର ବିବାଦ ମୁଖ୍ୟ କାରଣ। ତେବେ, ଏହି ମାମଲା ଉପରେ ଆପଲ ପକ୍ଷକୁ କୌଣସି ଅନୁଷ୍ଠାନିକ ବୟାନ ଆସିନାହିଁ।

ଆପଲର ନିର୍ମାଣ ଯୋଜନା ସହ ଜଡିତ ସୂତ୍ର ଅନୁସାରେ, କମ୍ପାନୀ ବଡ ଜନସଂଖ୍ୟା ଏବଂ କମ ଖର୍ଚ୍ଚ କାରଣରୁ ଭାରତକୁ ଚୀନର ବିକଳ୍ପ ରୂପେ ଦେଖୁଛି। ଏପ୍ରିଲରେ ଆପଲ ସିଇଓ ଟିମ କୁକ୍‌ କହିଥିଲେ, ଆମର ଯୋଗାଣ ଶୃଙ୍ଖଳା ବାସ୍ତବରେ ବୈଶ୍ୱକ ଅଟେ। ଏଥିପାଇଁ ସବୁ ଜାଗାରେ ଉତ୍ପାଦ ନିର୍ମାଣ କରାଯାଉଛି। ୨୦୨୦ର ଆରମ୍ଭରେ କରୋନା ସାରା ବିଶ୍ୱରେ ବ୍ୟାପିବା ପୂର୍ବରୁ ଆପଲ ଚୀନ୍‌ଠାରୁ ନିଜକୁ ଦୂରେଇବାକୁ ପ୍ରସାୟ କରୁଥିଲା, କିନ୍ତୁ ମହାମାରୀ କମ୍ପାନୀର ଏହି ଇଚ୍ଛା ଉପରେ ରୋକ ଲଗାଇଥିଲା। ଅନ୍ୟପଟେ କରୋନା ଯୋଗୁଁ ଚୀନ୍‌ ଲାଗୁ କରିଥିବା ପ୍ରତିବନ୍ଧକ ପାଇଁ କମ୍ପାନୀ ଗତ ଦୁଇ ବର୍ଷରେ କେବଳ କିଛି ଅଧିକାରୀ ଏବଂ ଇଞ୍ଜିନିୟର୍ସଙ୍କୁ ସେଠାକୁ ପଠାଇ ପାରିଛି ।ଏହାପରେ ୨୦୨୧ରେ ବିଜୁଳି କାଟ୍ ଚୀନର ଉପରେ କମ୍ପାନୀର ନିର୍ଭରତାକୁ ଅଧିକ ଖରାପ କରିଛି।

ନୂଆଦିଲ୍ଲୀ : ଭାରତରେ ଚାଇନା ନିର୍ମିତ ସ୍ମାର୍ଟଫୋନ୍ ବେଶ ଲୋକପ୍ରିୟ। ଜିଆଓମି, ଓପୋ, ରିଅଲ୍‌ମି ଏବଂ ଭିଭୋ ହେଉଛି ଭାରତରେ ସବୁଠାରୁ ଅଧିକ ବ୍ୟବହାର କରାଯାଉଥିବା ଶ୍ରେଷ୍ଠ ସ୍ମାର୍ଟଫୋନ୍‌। କିନ୍ତୁ ସବୁଠାରୁ କୌତୂହଳର ବିଷୟ ହେଉଛି ଯେଉଁ ଦେଶରେ ଏହି ସ୍ମାର୍ଟଫୋନ୍‌ ବ୍ରାଣ୍ଡଗୁଡ଼ିକ ପ୍ରସ୍ତୁତ କରାଯାଉଛି ସେଠାକାର ଲୋକେ ଏହି ସବୁ ବ୍ରାଣ୍ଡ୍‌କୁ ପସନ୍ଦ କରୁନାହାନ୍ତିଁ। ଅର୍ଥାତ୍‌ ଚାଇନାର ଲୋକେ ଉପରୋକ୍ତ ବ୍ରାଣ୍ଡ୍‌ଗୁଡିକର ସ୍ମାର୍ଟଫୋନ୍‌ କିଣିବାକୁ ପସନ୍ଦ କରନ୍ତିନାହିଁ। ଏହା ପରିବର୍ତ୍ତେ ସେମାନେ ଆଇଫୋନ୍ ୧୩ ସିରିଜ୍ ବ୍ୟବହାର କରିବାକୁ ପାଗଳ ପ୍ରାୟ। ତେଣୁ ଚାଇନାରେ ଆପଲ୍ ହେଉଛି ଏକ ନମ୍ବର ସ୍ମାର୍ଟଫୋନ୍ ବ୍ରାଣ୍ଡ।

ଅକ୍ଟୋବର ୨୦୨୧ର ରିପୋର୍ଟ ଅନୁଯାୟୀ, ଓପୋକୁ ପଛରେ ଛାଡି ଆପଲ୍ ଚାଇନାରେ ଟପ୍ ସ୍ମାର୍ଟଫୋନ୍ ବ୍ରାଣ୍ଡରେ ପରିଣତ ହୋଇଛି। ଚାଇନାରେ ଆପଲ୍‌ ଆଇଫୋନ୍ ଅଧିକ ବ୍ୟବହାର କରୁଥିବା ସ୍ମାର୍ଟଫୋନ୍‌ ହୋଇଛି। ଅନୁସନ୍ଧାନକାରୀ ସଂସ୍ଥା କାଉଣ୍ଟର ପଏଣ୍ଟର ଏକ ରିପୋର୍ଟ ଅନୁଯାୟୀ, ଅକ୍ଟୋବରରେ ଆଇଫୋନ୍ ୧୩ ସିରିଜ୍ ସ୍ମାର୍ଟଫୋନରେ ପୂର୍ବ ମାସ ତୁଳନାରେ ୪୬ ପ୍ରତିଶତ ଅଭିବୃଦ୍ଧି ଘଟିଛି। ଏଥିସହିତ ଚାଇନାର ସର୍ବୋଚ୍ଚ ଟେକ୍ନୋଲୋଜି କମ୍ପାନୀ ହ୍ବେଇ, ଭିଭୋ, ଓପୋ ସେଠାକାର ଶ୍ରେଷ୍ଠ ସ୍ମାର୍ଟଫୋନ୍ ବ୍ରାଣ୍ଡ ହେବାରେ ପଛରେ ପଡିଯାଇଛନ୍ତି। ଚଳିତବର୍ଷ ମାର୍ଚ୍ଚରେ ଓପୋ ଚାଇନାର ସବୁଠୁ ବଡ ସ୍ମାର୍ଟଫୋନ୍ କମ୍ପାନୀ ଭାବରେ ଉଭା ହୋଇଥିଲା। କିନ୍ତୁ ମାର୍ଚ୍ଚ ୨୦୨୧ରେ ଭିଭୋ ଏଥିରେ ଆଗରେ ରହିବାରେ ସଫଳ ହୋଇଥିଲା। କିନ୍ତୁ ଅକ୍ଟୋବରରେ, ଆପଲ୍ ଏହି ସବୁ କମ୍ପାନୀକୁ ପଛରେ ଛାଡି ଚାଇନାର ଅଗ୍ରଣୀ ସ୍ମାର୍ଟଫୋନ୍ କମ୍ପାନୀ ହୋଇପାରିଛି। ଡିସେମ୍ବର ୨୦୧୫ ପରଠାରୁ ପ୍ରଥମ ଥର ପାଇଁ ଆପଲ୍‌ ଚାଇନାର ସ୍ମାର୍ଟଫୋନ୍ ବ୍ରାଣ୍ଡ ଭାବରେ ଉଭାହୋଇଛି।

ରିପୋର୍ଟ ଅନୁଯାୟୀ, ହ୍ବେଇ କିଛି ସମୟ ପାଇଁ ପ୍ରିମିୟମ ସ୍ମାର୍ଟଫୋନ୍ ବଜାରରୁ ବାହାରି ଯାଇଛି। ଗତ ୫ରୁ ୬ ମାସ ମଧ୍ୟରେ ହ୍ବେଇର ବଜାର ବୃହତ୍‌ ହ୍ରାସ ଘଟିଛି, ଯାହାର ସିଧାସଳଖ ଲାଭ ଆପଲ୍ ପାଇଛି। ଜୁଲାଇରୁ ସେପ୍ଟେମ୍ବର ମଧ୍ୟରେ ଅର୍ଥାତ୍ ତୃତୀୟ ତ୍ରୈମାସ ମଧ୍ୟରେ, ଜିଓମି ଭାରତରେ ସର୍ବାଧିକ ସଂଖ୍ୟକ ସ୍ମାର୍ଟଫୋନ୍ ବିକ୍ରି କରିଛି। ୧୨ ନିୟୁତ ସ୍ମାର୍ଟଫୋନ୍ ବିକ୍ରୟ ସହିତ ୨୦୨୧ର ତୃତୀୟ ତ୍ରୈମାସରେ ଜିଓମି ଆଗରେ ରହିଛି। ଆଇଡିସିର ଏକ ରିପୋର୍ଟ ଅନୁଯାୟୀ, ୨୦୨୧ର ତୃତୀୟ ତ୍ରୈମାସରେ ଭାରତୀୟ ସ୍ମାର୍ଟଫୋନ୍ ବଜାରରେ ୧୨ ପ୍ରତିଶତ ହ୍ରାସ ଘଟିଛି। ଏହି ସମୟରେ ଭାରତକୁ ୪୮ ନିୟୁତ ସ୍ମାର୍ଟଫୋନ୍ ଆସିଥିଲା। ଯେତେବେଳେ କି ଗତ ବର୍ଷ ଅର୍ଥାତ୍‌ ୨୦୨୦ରେ ଭାରତରେ ୫.୪୨ କୋଟି ସ୍ମାର୍ଟଫୋନ୍ ବିକ୍ରି ହୋଇଥିଲା। ଏଥିରେ ଭିଭୋ ୯ କୋଟି ବିକ୍ରି ସହିତ ଆଗରେ ରହିଥିଲା। ଭାରତୀୟ ସ୍ମାର୍ଟଫୋନ୍ ବଜାରରେ ଏହା ପ୍ରଥମ ଘଟଣା ଥିଲା ଯେତେବେଳେ କି ସ୍ମାର୍ଟଫୋନ୍‌ ବଜାରରେ ୧୨ ପ୍ରତିଶତ ହ୍ରାସ ଘଟିଥିଲା। ଏହା ପୂର୍ବରୁ କ୍ରମାଗତ ୪ଟି ତ୍ରୈମାସରେ ସ୍ମାର୍ଟଫୋନ୍‌ ବିକ୍ରିରେ କେବଳ ଅଭିବୃଦ୍ଧି ରେକର୍ଡ କରାଯାଇଥିଲା। ତେବେ ଚିପ୍‌ର ଅଭାବ ସ୍ମାର୍ଟଫୋନ୍‌ ବିକ୍ରିରେ ହ୍ରାସର ମୁଖ୍ୟ କାରଣ ବୋଲି କୁହାଯାଉଛି। ଏହାର କାରଣ ଲକଡାଉନରେ ଚିପ୍ସର ଅଭାବ ବୋଲି ବିଶ୍ୱାସ କରାଯାଏ।

ନୂଆଦିଲ୍ଲୀ : ଗୁଗୁଲ୍ ଓ ଆପଲ୍ ନିଜ ଆପ ଷ୍ଟୋରରୁ ଲକ୍ଷାଧିକ ବିପଦଜନକ ଆପକୁ ହଟାଇ ଦେଇଛନ୍ତି। ଏହା ପରେ ଉପଭୋକ୍ତାମାନେ ଏହି ଆପ୍ ବ୍ୟବହାର କରିବାକୁ ଆଉ ସମର୍ଥ ହେବେ ନାହିଁ । ଗୁଗୁଲ୍ ପ୍ଲେ ଷ୍ଟୋର ଏବଂ ଆପଲ୍ ଆପ୍ ଷ୍ଟୋର୍‌ରରୁ ୮ ଲକ୍ଷ ୧୩ ହଜାରରୁ ଅଧିକ ଆପ୍ ଉପକୁ ହଟାଇ ଦିଆଯାଇଥିବା ସୂଚନା ।

H1 ୨୦୨୧ ତାଲିକାଭୁକ୍ତ ମୋବାଇଲ୍ ଆପ୍ ରିପୋର୍ଟରେ ଦର୍ଶାଯାଇଛି ଯେ, ୨୦୨୧ ମସିହାର ପ୍ରଥମାର୍ଦ୍ଧରେ ଗୁଗୁଲ୍ ଏବଂ ଆପଲ୍ ସେମାନଙ୍କ ଷ୍ଟୋରରୁ ଲକ୍ଷଲକ୍ଷ ଆପକୁ ହଟାଇ ଦେଇଛନ୍ତି। ରିପୋର୍ଟରେ କୁହାଯାଇଛି ଯେ, ଗୁଗୁଲ୍ ପ୍ଲେ ଷ୍ଟୋର ଏବଂ ଆପଲ୍ ଆପ୍ ଷ୍ଟୋରରୁ ମୋଟ ୮ ଲକ୍ଷ ୧୩ ହଜାର ଆପ୍ ଡିଲିଟ କରାଯାଇଛି। ଏହି ଆପ ଗୁଡିକ ଉପଭୋକ୍ତାମାନେ ଆଉ ବ୍ୟବହାର କରିପାରିବେ ନାହିଁ। ଏହା ମଧ୍ୟ କୁହାଯାଇଛି ଯେ, ଗୁଗୁଲ୍ ପ୍ଲେ ଷ୍ଟୋରରୁ ହଟାଯାଇଥିବା ଆପଗୁଡିକ ୯ ବିଲିୟନ ଥର ଡାଉନଲୋଡ୍ ହୋଇଥିଲା। ସେହି ସମୟରେ, ଆପଲ୍ ଆପ୍ ଷ୍ଟୋରରୁ ଅପସାରିତ ହୋଇଥିବା ଆପଗୁଡିକୁ  ୨.୧  ମିଲିୟନ୍ ଉପଭୋକ୍ତାଙ୍କର ରେଟିଙ୍ଗ ମିଳିଥିଲା । ଆପ ଷ୍ଟୋରରୁ ଏହି ଆପକୁ ହଟାଯିବା ପରେ ମଧ୍ୟ ୟୁଜର୍ସଙ୍କ ସ୍ମାର୍ଟଫୋନରେ ଏହା ଉପଲବ୍ଧ ଥିବା ଅନୁମାନ କରାଯାଉଛି।

ଆପ୍ ନିଷେଧ କରିବାର କାରଣ:
ରିପୋର୍ଟ ଅନୁଯାୟୀ, ଗୁଗୁଲ ପ୍ଲେ ଷ୍ଟୋରରେ ଉପସ୍ଥିତ ଥିବା ଏହି ଆପଗୁଡ଼ିକ ବ୍ୟବହାରକାରୀଙ୍କ ପାଇଁ ବିପଦଜନକ ପ୍ରମାଣିତ ହୋଇପାରେ। ଆପ ଗୁଡିକ ଚାଲିବା ପାଇଁ ବିଭିନ୍ନ ପ୍ରକାର ଅନୁମିତି( ପରମିଶନ) ମାଗିଥାଏ। ଏହାକୁ  ବିପଜ୍ଜନକ ମନେକରି ଗୁଗଲ ଓ ଆପଲ ନିଜ ଆପ ଷ୍ଟୋରରୁ ଲକ୍ଷଲକ୍ଷ ଆପ ଉପରେ ପ୍ରତିବନ୍ଧକ ଲଗାଇଛନ୍ତି । ଏହି ନୁମିତି( ପରମିଶନ) କାରଣରୁ, ଉପଭୋକ୍ତାମାନଙ୍କର ବ୍ୟକ୍ତିଗତ ତଥ୍ୟ ଚୋରି ହେବାର ସମ୍ଭାବନା ରହିଥାଏ।  କେବଳ ଏତିକି ନୁହେଁ, ଏହି ଆପ୍ ମଧ୍ଯମରେ ହ୍ଯାକରମାନେ  ବ୍ୟବହାରକାରୀଙ୍କ କ୍ୟାମେରା ପର୍ଯ୍ଯନ୍ତ ପ୍ରବେଶ କରିପାରୁଥିବା ଜଣାପଡ଼ିଛି ​। ଏଭଳି ପରିସ୍ଥିତିରେ ବ୍ୟବହାରକାରୀଙ୍କ ଫଟୋ ଏବଂ ଭିଡିଓ ମଧ୍ୟ ସୁରକ୍ଷିତ ନଥିଲା। ଏହି ସବୁ କାରଣରୁ ଉକ୍ତ ଆପଗୁଡିକ ଉପରେ ପ୍ରତିବନ୍ଧକ ଲଗାଯାଇଛି।