ନୂଆଦିଲ୍ଲୀ: ବଜାଜ ଅଟୋ ମଙ୍ଗଳବାର ପ୍ଲାଟିନାର ନୂତନ ସିରିଜ  ପ୍ଲାଟିନା- ୧୦୦ ଇଲେକ୍ଟ୍ରିକ୍ ଷ୍ଟାର୍ଟ (ଇଏସ୍) ଲଞ୍ଚ କରିଛି। ଏହି ବାଇକ୍ ପ୍ଲାଟିନା ବ୍ରାଣ୍ଡର ‘କମ୍ଫଟେକ୍ ଟେକ୍ନୋଲୋଜି’ରେ ନିର୍ମିତ। ଏହି ବାଇକ୍ ଭାରତର ସମସ୍ତ ପ୍ରାଧିକୃତ ବାଜା ଅଟୋ ଡିଲରସିପରେ ଉପଲବ୍ଧ ଅଟେ।

ନୂତନ ପ୍ଲାଟିନାରେ ଯାତ୍ରା ସମୟରେ ଅଧିକ ଆରାମଦାୟକ ବୋଲି କୁହାଯାଇଛି। ଏହି ବାଇକରେ ଟ୍ୟୁବଲେସ୍ ଟାୟାର  ମଧ୍ଯ ଦିଆଯାଇଛି। ବଜାରରେ ଏହାର ଚାହିଦା ରହିବ ବୋଲି କମ୍ପାନୀ ପକ୍ଷରୁ କୁହାଯାଇଛି।

ଏହି ନୂତନ ପ୍ଲାଟିନାଟି ୧୦୨ ସିସିର । ୪-ଷ୍ଟ୍ରୋକ, ସିଙ୍ଗଲ୍ ସିଲିଣ୍ଡର,  ଏୟାର-କୁଲ୍ଡ ଇଞ୍ଜିନ୍ ପ୍ରଦାନ କରାଯାଇଛି। ଏଥିରେ ୪ଟି ଗିୟର ମଧ୍ଯ ଅଛି।

ବାଇକର ଲୁକ୍ ବିଷୟରେ କହିବାକୁ ଗଲେ, ବାଇକରେ ରିଅରଭ୍ୟୁ ଦର୍ପଣ ଦିଆଯାଇଛି। ଏହା ଦେଖିବା ପାଇଁ ଆରୋହୀଙ୍କୁ ଅଧିକ ଆରାମଦାୟକ କରିବ। ଏହା ସହ ବାଇକର ଲୁକ୍ ମଧ୍ଯ ପ୍ରିମିୟମ ରହିିଛି। ଏହି ବାଇକ ବର୍ତ୍ତମାନ ବଜାରର ଦୁଇଟି ରଙ୍ଗରେ ଉପଲବ୍ଧ।