The Sakala RSS Feed Generator Cyclonic - The Sakala https://www.thesakala.in/tag/3759/rss Cyclonic RSS Feed ଦକ୍ଷିଣ ଆଣ୍ଡାମାନ ସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ, ୬ରେ ଘନୀଭୂତ ହେବ ଲଘୁଚାପ

ଭୁବନେଶ୍ୱର : ଯାହା ଆଶଙ୍କା କରାଯାଉଥିଲା ତାହା ହେଲା। ଦକ୍ଷିଣ ଆଣ୍ଡାମାନ ସାଗର ଓ ଏହାର ଆଖପାଖ ଅଞ୍ଚଳରେ ସୃଷ୍ଟିହେଲା ଘୂର୍ଣ୍ଣିବଳୟ । ସକାଳ ୫ଟା ୩୦ରେ ଘୁର୍ଣ୍ଣିବଳୟ ସୃଷ୍ଟି ନେଇ ଟ୍ୱିଟ୍ କରି ସୂଚନା ଦେଲା ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର । ଏହି ଘୁର୍ଣ୍ଣିବଳୟ ବାୟୁମଣ୍ଡଳର ମଧ୍ୟ ଭାଗ ଯାଏଁ ବ୍ୟାପିଛି । ଏହାର ପ୍ରଭାବରେ ସମାନ ଅଂଚଳରେ ୬ତାରିଖରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି। ପରବର୍ତ୍ତୀ ୨୪ଘଣ୍ଟାରେ ଏହା ଆହୁରି ଘନୀଭୂତ ହେବାର ସମ୍ଭାବନା ଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି।

ଦକ୍ଷିଣ ଆଣ୍ଡାମାନ ସାଗର ଓ ଏହାର ଆଖପାଖ ଅଞ୍ଚଳରେ ସୃଷ୍ଟିହୋଇଥିବା ଘୂର୍ଣ୍ଣିବଳୟ ପ୍ରଭାବରେ ଆସନ୍ତା ୬ ତାରିଖ ସୁଦ୍ଧା ସମାନ ଅଞ୍ଚଳରେ ଲଘୁଚାପ ସୃଷ୍ଟି ହେବ। ବର୍ତ୍ତମାନ ପର୍ଯ୍ୟନ୍ତ ଆଇଏମଡି ପକ୍ଷରୁ  ଲଘୁଚାପ ସମ୍ପର୍କରେ ସ୍ପଷ୍ଟ କରାଯାଇଥିବା ବେଳେ ପରବର୍ତ୍ତୀ ୨୪ ଘଣ୍ଟା ମଧ୍ୟରେ ଏହା ଆହୁରି ଘନୀଭୂତ ହେବ ବୋଲି କୁହାଯାଇଛି। ଅନ୍ୟପଟେ ମଙ୍ଗଳବାର ଆଇଏମ୍‍ଡି ପକ୍ଷରୁ ଉତ୍ତର ଭାରତ ମହାସାଗରର ଗତିବିଧି ସମ୍ପର୍କରେ ପ୍ରକାଶ ପାଇଥିବା ଆନ୍ତର୍ଜାତିକ ବୁଲେଟିନ୍‍ରେ ଅବପାତ ହେବା ସମ୍ପର୍କରେ ଆଶଙ୍କା କରାଯାଇଛି। ଏଥିରେ ଦର୍ଶାଯାଇଛି ଯେ ୬ ତାରିଖରେ ଲଘୁଚାପ ସୃଷ୍ଟି ହୋଇ ପରବର୍ତ୍ତୀ ୨୪ ଘଣ୍ଟାରେ ଆହୁରି ଶକ୍ତିଶାଳୀ ହେବ ଓ ୭-୮ ତାରିଖ ମଧ୍ୟରେ ଏହା ଅବପାତରେ ପରିଣତ ହେବାନେଇ ଯଥେଷ୍ଟ ଆଶଙ୍କା ରହିଛି। ଅନ୍ୟପଟେ ବିଭାଗ ପକ୍ଷରୁ ଜାରି ହୋଇଥିବା ସାଟେଲାଇଟ୍‍ ଚିତ୍ରରେ ଆଣ୍ଡାମାନ ସାଗର ଅଞ୍ଚଳରେ ମେଘଖଣ୍ଡ ଏକତ୍ରିତ ହେଉଥିବା ଦେଖିବାକୁ ମିଳିଛି। ଯାହାକି ଆଗାମୀ ଦିନେ ଦୁଇ ଦିନ ମଧ୍ୟରେ ସମୁଦ୍ରରେ ପ୍ରବଳ ବର୍ଷା ସାଙ୍ଗକୁ ପବନର ବେଗ ବୃଦ୍ଧି ହେବା ନେଇ ବିଭାଗ କରିଥିବା ଆକଳନକୁ ବଳ ଯୋଗାଇଛି।ସମୟ ଗଡ଼଼ିବା ସହିତ ସ୍ଥିତି ମଧ୍ୟ ବଦଳିବାରେ ଲାଗିଛି।

ମଙ୍ଗଳବାର ଆଇଏମଡି କହିଛି ଯେ ସମ୍ଭାବ୍ୟ ପାଣିପାଗ ଜନିତ ସ୍ଥିତି ପାଇଁ ୪ ଓ ୫ ତାରିଖରେ ନିକୋବର ଦ୍ୱୀପପୁଞ୍ଜରେ ପ୍ରବଳରୁ ଅତିପ୍ରବଳ ବର୍ଷା ହେବ। ସେହିପରି ୬ ଓ ୭ ତାରିଖରେ ଆଣ୍ଡାମାନ ଦ୍ୱୀପପୁଞ୍ଜରେ ବର୍ଷାର ପ୍ରକୋପ ଅଧିକ ରହିବ। ତେବେ ୪ ଓ ୫ ତାରିଖରୁ ପବନର ବେଗ ବୃଦ୍ଧି ପାଇବ। ଦକ୍ଷିଣ ଆଣ୍ଡାମାନସାଗର ଓ ଏହାର ସଂଲଗ୍ନ ଦକ୍ଷିଣପୂର୍ବ ବଙ୍ଗୋପସାଗରରେ ଏହି ଦୁଇ ଦିନ ପବନର ବେଗ ୪୦-୫୦ କିମି ପହଞ୍ଚିବା ସହିତ ଏହାର ଝଟକା ୬୦ କିମି ଛୁଇଁବ। ୬ ତାରିଖରୁ ପୁଣି ପବନର ବେଗ ବଢ଼଼ି ଆଣ୍ଡାମାନସାଗର ଓ ସଂଲଗ୍ନ ଦକ୍ଷିଣପୂର୍ବ ଏବଂ ପୂର୍ବକେନ୍ଦ୍ରୀୟ ବଙ୍ଗୋପସାଗରରେ ୫୦-୫୦ କିମି ବେଗରେ ପବନ ବହିବ। ବେଳେ ବେଳେ ଏହା ୭୦ କିମି ପହଞ୍ଚିବ। ୭ ତାରିଖରେ ଲଘୁଚାପ ଶକ୍ତିଶାଳୀ ହେବା ସହିତ ପବନର ବେଗ ୬୦-୭୦ କିମି ଓ ଏହାର ଝଟକା ୮୦ କିମି ପହଞ୍ଚିବ। ସେହିଦିନ ମୁଖ୍ୟତଃ ପୂର୍ବକେନ୍ଦ୍ରୀୟ ବଙ୍ଗୋପସାଗର ଓ ଉତ୍ତର ଆଣ୍ଡାମାନସାଗରରେ ପବନର ସର୍ବାଧିକ ପ୍ରଭାବ ରହିବ। ତେଣୁ ଏବେଠାରୁ ସମ୍ପୃକ୍ତ ଅଞ୍ଚଳକ ଯିବା ପାଇଁ ମତ୍ସ୍ୟଜୀବୀମାନଙ୍କୁ ପାଣିପାଗ କେନ୍ଦ୍ର ପକ୍ଷରୁ ବାରଣ କରାଯାଇଛି।

ଅନ୍ୟପଟେ ସମୟ ପାଖେଇ ଆସୁଥିବାରୁ ବିଭିନ୍ନ ବିଭିନ୍ନ ବିଦେଶୀ ମଡେଲ୍‍ଙ୍କ ମଧ୍ୟରେ ଧୀରେ ଧୀରେ ସହମତି ଆସୁଛି। ପ୍ରାୟ ସମସ୍ତ ମଡେଲ୍‍ ବାତ୍ୟା ଆଶଙ୍କାକୁ ପକ୍କା କରି ସାରିଥିବା ବେଳେ କିଛି କିଛି ମଡେଲ୍‍ ବାତ୍ୟାର ଗତିପଥକୁ ନେଇ ଭିନ୍ନ ଭିନ୍ନ ମତ ଦେଉଛନ୍ତି। ଆଇଏମ୍‍ଡି ପକ୍ଷରୁ ଶେଷ ୫ ଦିନକୁ ଆକଳନ ପରିଧି ମଧ୍ୟରେ ନିଆଯାଉଥିବାରୁ ସମ୍ଭବତଃ ୬ ତାରିଖ ସୁଦ୍ଧା ସମସ୍ତ ଆକଳନ ଜାରି କରାଯିବାର ସମ୍ଭାବନା ରହିଛି। ଅନ୍ୟପଟେ ବିଭାଗ ମଧ୍ୟ ଏହି ପାଣିପାଗ ଜନିତ ସ୍ଥିତି (ସିଷ୍ଟମ)କୁ ଗୁରୁତ୍ୱର ସହ ନେଇ ଟୁଇଟ୍‍ ଯୋଟେ ଟିକିନିକ୍‍ ତଥ୍ୟ ପ୍ରଦାନ କରୁଛି। ପ୍ରାଥମିକ ସ୍ତରରେ ଯେଉଁ ସତର୍କତା ଅବଲମ୍ବନ କରିବା କଥା ତାହା ବିଭାଗ ଆଗୁଆ ସୂଚନା ଦେଉଥିବା ବେଳେ ଶେଷ ସମୟ ପର୍ଯ୍ୟନ୍ତ ଅପେକ୍ଷା କରାଯାଇଛି।

]]> ଓଡ଼ିଶା ବଡ ଖବର https://www.thesakala.in/latest-odisha-news/imd-issues-cyclone-warning/article-11273 https://www.thesakala.in/latest-odisha-news/imd-issues-cyclone-warning/article-11273 Wed, 04 May 2022 11:25:04 +0530 ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୨୬ରୁ ରାଜ୍ୟରେ ପ୍ରବଳ ବର୍ଷିବ

ଭୁବନେଶ୍ବର : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ । ଯାହା ଫଳରେ ୨୬ରୁ ରାଜ୍ୟର ଅଧିକାଂଶ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ରହିଛି । ୨୫ରେ ପୂର୍ବ-କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହେବ ଘୂର୍ଣ୍ଣିବଳୟ । ଉତ୍ତର-ପୂର୍ବ ବଙ୍ଗୋପସାଗର ଅଞ୍ଚଳରେ ଘୁର୍ଣ୍ଣିବଳୟର ପ୍ରଭାବ ବଢିବ । ଘନିଭୂତ ହୋଇ ୪୮ ଘଣ୍ଟା ପରେ ପଶ୍ଚିମ-ଉତ୍ତର-ପଶ୍ଚିମ ଦିଗରେ ଗତି କରିବ । ପରେ ଉପକୂଳ ଓଡିଶା ଆଡ଼କୁ ମୁହାଁଇବ । ଏହାର ପ୍ରଭାବରେ ୨୬ ତାରିଖରୁ ରାଜ୍ୟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏହି ସମୟରେ ସମୁଦ୍ର ଅଶାନ୍ତ ରହିବ। ତେଣୁ ସମୁଦ୍ର ଭିତରକୁ ନଯିବା ପାଇଁ ମତ୍ସ୍ୟଜୀବୀମାନଙ୍କୁ ପରାମର୍ଶ ଦିଆଯାଇଛି। ଏନେଇ ସତର୍କ ସୂଚନା ଜାରି କରିଛି ଭୁବନେଶ୍ୱର ପାଣିପାଗ ବିଜ୍ଞାନ କେନ୍ଦ୍ର।


ଏଥି ସହିତ ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟର ୧୦ରୁ ଉର୍ଦ୍ଧ୍ବ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ରହିଛି। ଭୁବନେଶ୍ୱର ପାଣିପାଗ ବିଜ୍ଞାନ କେନ୍ଦ୍ର ସୂଚନା ଅନୁସାରେ ଗତକାଲି ଅର୍ଥାତ  ରବିବାର ଯେଉଁ ଘୁର୍ଣ୍ଣିବଳୟ ସୃଷ୍ଟି ହୋଇଥିଲା ଏହା ଗାଙ୍ଗେୟ ପଶ୍ଚିମବଙ୍ଗ ଉପତ୍ୟକାରେ ସକ୍ରିୟ ରହିଛି । ଏହା ସମୁଦ୍ର ପତନଠାରୁ ୫.୮ କିଲୋମିଟର ପର୍ଯ୍ୟନ୍ତ ବ୍ୟାପିଛି । ଏହାପ୍ରଭାବରେ ଆଗାମୀ ୨୪ ଘଣ୍ଟା ମଧ୍ୟରେ ଓଡିଶାରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି । ଏନେଇ ୧୨ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।ଏହି ଜିଲ୍ଲାଗୁଡ଼ିକ ମଧ୍ୟରେ ବାଲେଶ୍ବର, ମୟୂରଭଞ୍ଜ, କେନ୍ଦୁଝର, ସୁନ୍ଦରଗଡ଼, ଝାରସୁଗୁଡ଼ା, ନୂଆପଡ଼ା, ବଲାଙ୍ଗୀର, ନବରଙ୍ଗପୁର, କଳାହାଣ୍ଡି, କୋରାପୁଟ ଓ ମାଲକାନଗିରି ଆଦି ରହିଛି। ଏହି ଜିଲ୍ଲାଗୁଡ଼ିକର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି।

]]> ଓଡ଼ିଶା ବଡ ଖବର https://www.thesakala.in/latest-odisha-news/another-low-pressure-in-bay-of-bengal-heavy-rainfall-in-odisha/article-5526 https://www.thesakala.in/latest-odisha-news/another-low-pressure-in-bay-of-bengal-heavy-rainfall-in-odisha/article-5526 Mon, 20 Sep 2021 19:58:38 +0530