କୋଲକାତା: ଆଜି ଆଇପିଏଲରେ ମୁହାଁମୁହିଁ ହେବେ କୋଲକାତା ନାଇଟ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର। କୋଲକାତାର ଇଡେନ ଗାର୍ଡେନରେ ଖେଳାଯିବ ଏହି ମ୍ୟାଚ୍ ନାଇଟ୍‌ ରାଇଡର୍ସ: ନୀତୀଶ ରାଣା (ଅଧିନାୟକ), ରହମନୁଲ୍ଲା ଗୁର୍ବାଜ, ଭେଙ୍କଟେଶ ଆୟର, ଆନ୍ଦ୍ରେ ରସେଲ, ସୁନିଲ ନାରାୟଣ, ଶାର୍ଦୁଲ ଠାକୁର, ଲୋକି ଫର୍ଗୁସନ, ଉମେଶ ଯାଦବ, ଟିମ ସାଉଦି, ହର୍ଷିତ ରାଣା, ବରୁଣ ଚକ୍ରବର୍ତ୍ତି, ଅନୁକୁଳ ରୟ, ରିଙ୍କୁ ସିଂହ, ଏନ ଜଗଦୀସାନ, ବେଭବ ଆରୋରା, ସୁୟାଶ ଶର୍ମା, ଡେଭିଡ ୱିଜ, କୁଲବନ୍ତ ଖେଜ୍ରୋଲିୟା, ଲିଟନ ଦାସ, ମନଦୀପ ସିଂହ।

ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର: ଫାଫ ଡୁ’ପ୍ଲେସିସ (ଅଧିନାୟକ), ବିରାଟ କୋହଲି, ସୁୟାଶ ପ୍ରଭୂଦେଶାଇ, ଦୀନେଶ କାର୍ତ୍ତିକ, ଅନୁଜ ରାୱତ, ଫିନ ଆଲିନ, ଗ୍ଲେନ ମ୍ୟାକ୍ସୱେଲ, ୱାନିନ୍ଦୁ ହସରଙ୍ଗା, ଶାହବାଜ ଅହମଦ, ହର୍ଷଲ ପଟେଲ, ଡେଭିଡ ୱିଲି, କର୍ଣ୍ଣ ଶର୍ମା, ମହିପାଲ ଲୋମରୋର, ମହମ୍ମଦ ସିରାଜ, ଜୋସ ହାଜଲେଉଡ, ସିଦ୍ଧାର୍ଥ କେଲ, ଅକାଶ ଦୀପ, ରିସି ଟପ୍ଲେ, ହିମାଂଶୁ ଶର୍ମା, ମିଚେଲ ବ୍ରେସୱେଲ।

ଆବୁଧାବି: ଇଣ୍ଡିଆନ୍ ପ୍ରିମିୟର୍ ଲିଗ୍ (ଆଇପିଏଲ୍)ର ୧୪ଶ ସଂସ୍କରଣ ଦ୍ୱିତୀୟ ପର୍ଯ୍ଯାୟ ଆରମ୍ଭ ହୋଇଯାଇଛି। ଆଜିର ମ୍ଯାଚ କୋଲ୍‌କାତା ନାଇଟ୍ ରାଇଡର୍ସ (କେକେଆର୍‌)  ଓ  ରୟାଲ ଚାଲେଞ୍ଜର୍ସ ବାଙ୍ଗାଲୋର (ଆର୍‌ସିବି) ମଧ୍ଯରେ ଆବୁଧାବିରେ ଖେଳାଯିବ।ଏହି ୧୪ଶ ସଂସ୍କରଣର ପ୍ରଥମ ପର୍ଯ୍ଯାୟରେ କେକେଆର୍‌ ଆଶାଜନକ ପ୍ରଦର୍ଶନ କରି ପାରିନଥିଲା। ସେଥିପାଇଁ ଦ୍ବିତୀୟ ପର୍ଯ୍ଯାୟରେ ଭଲ ପ୍ରଦର୍ଶନ କରିବ ବୋଲି ଆଶା କରାଯାଉଛି।

ପ୍ରଥମପ ର୍ଯ୍ଯାୟରେ ଖେଳିଥିବା ୭ ମ୍ୟାଚ୍‌ରୁ ୧୦ ପଏଣ୍ଟ ଅର୍ଜନ କରି ଆରସିବି ତାଲିକାର ତୃତୀୟ ସ୍ଥାନରେ ରହିଛି। ଅନ୍ୟପକ୍ଷରେ ପ୍ରଥମ ପର୍ଯ୍ଯାୟରେ ସେହି ୭ ମୁକାବିଲାରୁ କେକେଆର୍ ମାତ୍ର ଦୁଇଟି ବିଜୟ ହାସଲ କରି ସପ୍ତମ ସ୍ଥାନରେ ଅଛି। ଏଣୁ ୨୦୧୪ ସଂସ୍କରଣ ଭଳି କେକେଆର୍‌ ଏଥର ବି ଧମାକାଦାର ପ୍ରତ୍ୟାବର୍ତ୍ତନ ଲକ୍ଷ୍ୟରେ ରହିଛି। ୨୦୧୪ ମସିହାରେ ପ୍ରଥମ କିଛି ମ୍ୟାଚ୍‌ରେ ଅତ୍ୟନ୍ତ ଖରାପ ପ୍ରଦର୍ଶନ କରିବା ପରେ ଲଗାତାର ୯ ବିଜୟ ହାସଲ କରି କେକେଆର୍‌ ଶେଷରେ ବିଜେତା ଆଖ୍ୟା ଅର୍ଜନ କରିଥିଲା।

କୋଲ୍‌କାତା ନାଇଟ୍ ରାଇଡର୍ସକୁ ପ୍ଲେ ଅଫ୍ ଖେଳିବା ଆଶାକୁ ଉଜ୍ଜୀବିତ ରଖିବାକୁ ହେଲେ ଅଧିନାୟକ ମୋର୍ଗାନଙ୍କ ସହ ପୂର୍ବତନ ଅଧିନାୟକ ଦୀନେଶ କାର୍ତ୍ତିକ, ବିସ୍ଫୋରକ ଆନ୍ଦ୍ରେ ରସେଲ, ରାହୁଲ ତ୍ରିପାଠୀ ଓ ଅଲରାଉଣ୍ଡର ସକିବ-ଅଲ୍-ହାସନଙ୍କୁ ଭଲ ପ୍ରଦର୍ଶନ କରିବାକୁ ହେବ। ବୋଲିଂ ବିଭାଗରେ ପ୍ୟାଟ୍ କମିନ୍ସଙ୍କ ସ୍ଥାନ ନେଇଥିବା ଟିମ୍ ସାଉଦିଙ୍କ ଉପରେ ଦଳର ଢେର ଆଶା ରହିବ।

ଅନ୍ୟପକ୍ଷରେ ଅଷ୍ଟ୍ରେଲିଆର ଦୁର୍ଦ୍ଧର୍ଷ ଅଲରାଉଣ୍ଡର୍‌ ଗ୍ଲେନ୍ ମ୍ୟାକ୍ସୱେଲ୍ ଆସିବା ପରେ ଆର୍‌ସିବିର ବ୍ୟାଟିଂ ଆହୁରି ଶକ୍ତିଶଳୀ ହୋଇଛି। ଏବି ଡି’ଭିଲିୟର୍ସ , ଅଧିନାୟକ କୋହଲି ଏବଂ ଦେବିଦତ୍ତ ପଡ଼ିକଲ (୧୯୮ ରନ୍, ୭ ମ୍ୟାଚ୍) ଭଲ ଫର୍ମରେ ଅଛନ୍ତି। ମହମ୍ମଦ ସିରାଜ, କାଇଲ ଜାମିସନ୍‌ଙ୍କ ଉପସ୍ଥିତି ସହ ହର୍ଷଲ ପଟେଲ, ନଭଦୀପ ସୈନି ଓ ୟୁଜବେନ୍ଦ୍ର ଚହଲଙ୍କ ଭଳି ବୋଲରଙ୍କ ଉପସ୍ଥିତି ପାଇଁ ଆର୍‌ସିବି ବୋଲିଂକ୍ରମ ଯେକୌଣସି ପ୍ରତିପକ୍ଷକୁ ଘାଇଲା କରିବାକୁ ପୂରା ସକ୍ଷମ। ଶ୍ରୀଲଙ୍କା ସ୍ପିନର ୱ‌ାନିନ୍ଦୁ ହସରଙ୍ଗା ଓ ଦୁଷ୍ମଥ ଚାମିରା (ଆଦାମ ଜାମ୍ପା‌ ଓ କେନ୍ ରିଚାର୍ଡସନଙ୍କ ବଦଳରେ ଆସିଥିବା‌)ଙ୍କ ଉପସ୍ଥିତି ପାଇଁ ଏହି ଦଳର ବୋଲିଂ ବିବିଧତା ବି ଯଥେଷ୍ଟ ବଢ଼ିଛି।