ବାଲିମେଳା :ମାଲକାନଗିରି ଜିଲ୍ଲା ବାଲିମେଳା ପୋଟେରୁ ଜଳ ସେଚନ ପ୍ରକଳ୍ପର ସୋଲୁକୋଣ୍ଡା ବ୍ୟାରେଜ ଓ ମେଘା ଲିଫ୍ଟକୁ ଅଚାନକ ଗ୍ରସ୍ତ କରିଛନ୍ତି ଜଳସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ। ଆଜି ପୂର୍ବାହ୍ନ ୧୧.୩୦ ସମୟରେ ଜଳସମ୍ପଦ, ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ ଅଚାନକ ଗ୍ରସ୍ତ କରି ପୋଟେରୁ ଜଳସେଚନର ସୋଲକୋଣ୍ଡା ବ୍ୟରେଜକୁ ଯାଇ ସେଠାରେ ଥିବା ଦୁଇଟି କେନାଲ ଗମ୍ଫାକୋଣ୍ଡା ଓ ତମସା କେନାଲର ଅନୁଧ୍ୟାନ କରିଥିଲେ। ଏହି ସମୟରେ ପୋଟେରୁ ଜଳ ସେଚନ ବିଭାଗର ବିଭାଗୀୟ ଜନ୍ତ୍ରୀ ମାନଙ୍କ ସହ ଜଳ ସେଚନ ଓ ଚାଷୀଙ୍କ ଫସଲ ଉତପାଦନ ଉପରେ ଆଲୋଚନା କରିଥିଲେ ଆଲୋଚନା ମଧ୍ୟରେ ମନ୍ତ୍ରୀ ବିଭାଗୀୟ ଅଧିକାରୀଙ୍କୁ ମଧ୍ୟ ପଚାରିଥିଲେ ଯେ କେଉଁ ସବୁ ଅଞ୍ଚଳ ଗୁଡିକୁ ଜଳ ସେଚନ କରାଯାଉଛି ଓ କିଭଳି ସମସ୍ୟା ଅଛି ଏହା ଉପରେ ଆଲୋକପାତ କରିଥିଲେ।

ଏଥିସହ ମେଘାଲିଫ୍ଟ ଅଧିକାରୀଙ୍କ ସହ ପୁଙ୍ଖାନୁପୁଙ୍ଖ ଆଲୋଚନା କରିବା ସହ ଅଧିକାରୀ ମନ୍ତ୍ରୀଙ୍କୁ ଜଣାଇ ଥିଲେ ଯେ ଏହି ପ୍ରକଳ୍ପ ମାଧ୍ୟମରେ ୨୮ ଟି ଗ୍ରାମ ଯଥା ୫୨୦୦ ହେକ୍ଟର ଚାଷଜମି ରେ ଉଠା ଜଳ ସେଚନ ହୋଇପାରିବ ବା ୨୮ ଗ୍ରାମର ଚାଷୀ ଉପକୃତ ହୋଇପାରିବେ। ଏଥିସହିତ ଉଠା ଜଳସେଚନ ପ୍ରକଳ୍ପ କାର୍ଯ୍ୟ ବୁଲି ଦେଖିଥିଲେ। ଏହାପରେ ବାଲିମେଳ ସ୍ଥିତ ୮୮ ବାଟାଲିୟନ ସୀମାସୁରକ୍ଷା ବାହିନୀର କମାଣ୍ଡେଣ୍ଟ ଭିନୋଦ ସାରିନ ମନ୍ତ୍ରୀଙ୍କୁ ଜାଣିଥିଲେ ଯେ ଚିତ୍ରକୋଣ୍ଡାର ସ୍ଵାଭିମାନ ଅଞ୍ଚଳରେ ପେଟ୍ରୋଲିଂ ନିମନ୍ତେ ବାଲିମେଳା ଜଳଭଣ୍ଡାରରେ ମଟର ବୋଟର ଅବଶ୍ୟକତାକୁ ଜଣାଇଥିଲେ ଏବଂ ବାଲିମେଳା ବାସିନ୍ଦାଙ୍କ ଦ୍ଵାରା ବାଲିମେଳାରୁ କଟକ ଭାୟା ରାୟଗଡା ଓ ଗଞ୍ଜାମର ଭଞ୍ଜନଗର ଏବଂ ଆସିକା ନିମନ୍ତେ ହାଇଟେକ ବସର ଅବଶ୍ୟକ ବୋଲି କହି ଏକ ଦାବିପତ୍ର ଦେଇଥିଲେ।

ଏହି ଗ୍ରସ୍ତ ସମୟରେ ମାଲକାନଗିରି ଜିଲାପାଲ ବିଶାଳ ସିଂ ,ପୋଟେରୁ ଜଳ ସେଚନ ପ୍ରକଳ୍ପର ମୁଖ୍ୟ ନିର୍ମାଣ ଜନ୍ତ୍ରୀ ଚନ୍ଦ୍ର ଶେଖର ମିଶ୍ର, ପୋଟେରୁ ଅଧିକ୍ଷଣ ଜନ୍ତ୍ରୀ ଅଭିରାମ ବେହୁରିୟା ଓ ଅନ୍ୟ ବିଭାଜନର ଜନ୍ତ୍ରୀ ସ୍ଥାନୀୟ ଜନ୍ତ୍ରୀ ଉପସ୍ଥିତ ଥିଲେ । ଏଥିସହ ଉଠା ଜଳସେଚନନ ପ୍ରକଳ୍ପର ନିର୍ବାହୀ ଜନ୍ତ୍ରୀ ବିକାଶ ପ୍ରଧାନ ଓ ତାଙ୍କ କର୍ମଚାରୀ ଉପସ୍ଥିତ ଥିଲେ। ସୁରକ୍ଷାକୁ ଦୃଷ୍ଟିରେ ରଖି ଚିତ୍ରକୋଣ୍ଡା ଉପଖଣ୍ଡ ଆରକ୍ଷୀ ଅଧିକାରୀ ଆଲେକ୍ସିଅସ କିସପୋଟାଙ୍କ ନିରୀକ୍ଷଣରେ ସୁରକ୍ଷା କଡାକଡି କରଯାଇଥିଲା ।

ବାଲିମେଳା : କାର୍ଯ୍ୟ ନିର୍ବାହୀ ଅଧିକାରୀଙ୍କ ବାସଭବନ ଉପରେ ମରଣାନ୍ତକ ଆକ୍ରମଣ। ଆଜି ଏପରି ଏକ ଅଭାବନୀୟ ଘଟଣା ମାଲକାନଗିରି ଜିଲ୍ଲା ବାଲିମେଳା ଏନଏସି ରେ ଦେଖିବାକୁ ମିଳିଛି। ତେବେ ଗତ କିଛିଦିନ ଧରି ବାଲିମେଳା କୁ ଆସିଥିବା ବିକାଶ ମୂଳକ କାର୍ଯ୍ୟ ତଥା ଇଣ୍ଡୋର ଷ୍ଟାଡିୟମ ଏବଂ ଅର୍ବାନ ମେଡିକାଲ ନିମନ୍ତେ ଜାଗା ଅଧିଗ୍ରହଣ ସହ ଲୋକମାନଙ୍କ ଘର ଭଙ୍ଗା ଯାଉଥିବା ହେତୁ ଏପରି ହିଂସାତ୍ମକ ଆକ୍ରମଣ ରଚା ଯାଇଥିବା ଅନୁମାନ କରାଯାଉଛି। ଗତ ମଧ୍ୟରାତ୍ରିରେ ପାଖାପାଖି ୨.୩୦ ସମୟରେ କାର୍ଯ୍ୟ ନିର୍ବାହୀ ଅଧିକାରୀ କୃଷ୍ଣଚନ୍ଦ୍ର ରଥ ଙ୍କ ବାସଭବନ ପଛ ପଟୁ କିଛି ଦୁର୍ବୁତ୍ତ ଆସି ପେଟ୍ରୋଲ ପକାଇ ଘରକୁ ଜାଳିବାକୁ ଉଦ୍ୟମ କରୁଥିଲେ।

ଏହି ସମୟରେ ଅଧିକାରୀ ଙ୍କ ଝିଅଙ୍କର ହଠାତ ନିଦ ଭାଙ୍ଗିବାରୁ ସେ ଧୂଆଁ ବାହାରୁଥିବା ଦେଖିଥିଲେ। ପରେ ଅଧିକାରୀ ଏବଂ ତାଙ୍କ ଝିଅ ବାହାରକୁ ଆସି ଦେଖିଲା ବେଳକୁ ଘର ଚାରି କଡରେ ନିଆଁ ହୁତୁହୁତୁ ହୋଇ ଜଳୁଥିବା ଦେଖିଥିଲେ। ପରେ ଫୋନ ଯୋଗେ ଯୋଗାଯୋଗ କରିବା ପରେ ଏନଏସି କିଛି କର୍ମଚାରୀ ଏବଂ ଅଧ୍ୟକ୍ଷ ପ୍ରଦୀପ କୁମାର ନାୟକ ତାଙ୍କ ବାସଭବନ ରେ ପହଞ୍ଚି ନିଆଁ କୁ ଆୟତ୍ତ କରିବାରେ ସକ୍ଷମ ହୋଇଥିଲେ। ବର୍ତ୍ତମାନ ଓର୍କେଲ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ଜଣାପଡିଛି।

ବାଲିମେଳା: ୟୁଟ୍ୟୁବ ରୁ ଶିଖି ଫେକ ବିଦ୍ୟୁତ ବିଲ ତିଆରି କରୁଥିଲେ ଯୁବକ, ଏପରି ଦୀର୍ଘ ଦିନ ଧରି ଠକି ଆସୁଥିଲେ ନିରୀହ ଗରିବ ଆଦିବାସୀଙ୍କୁ। ତେବେ ଆଜି ଏପରି ଘଟଣା ମାଲକାନଗିରି ଜିଲ୍ଲା ଓରକେଲ ଥାନା ଅନ୍ତର୍ଗତ କୋରୁକୋଣ୍ଡା ବ୍ଲକ ର କିଛି ଗ୍ରାମରେ ହେଉଥିବା ଦେଖିବାକୁ ମିଳିଛି। ଓରକେଲ ଥାନା ଅନ୍ତର୍ଗତ ଏମଭି-୩୦ ଗ୍ରାମର ନବ କିଶୋର ବିଶ୍ୱାସ ନାମକ ଯୁବକ(୨୫), ଟାଟା କମ୍ପାନୀ ବିଲିଂ ନିମନ୍ତେ ହସ୍ତାନ୍ତର କରିଥିବା ସାଇ କମ୍ପ୍ୟୁଟର ନାମକ କମ୍ପାନୀ ଅଧୀନରେ ବିଦ୍ୟୁତ ବିଲିଂ ଆଦାୟ କର୍ମଚାରୀ ଭାବେ କାମ କରି ଆସୁଥିଲେ। କିନ୍ତୁ କିଛି ମାସ ପୂର୍ବେ ସେ ନିଜର ମୁଣ୍ଡ ଖର୍ଚ୍ଚ କରି ୟୁଟ୍ୟୁବ ରୁ କିପରି ଫେକ ବିଦ୍ୟୁତ ବିଲ ତିଆରି କରାଯିବ ତାହା ଶିଖିଥିଲେ। ଏବଂ ସେହି କୌଶଳ ସେ ପ୍ରୟୋଗ କରି ଫେକ ବିଦ୍ୟୁତ ବିଲ ବନେଇବାରେ ସକ୍ଷମ ହୋଇଥିଲେ। ତେବେ ନବଙ୍କ ଡ୍ୟୁଟି କୋରୁକୋଣ୍ଡା ବ୍ଲକ ର ସୋମନାଥପୁର ପଞ୍ଚାୟତ ଏବଂ ଚିତାପାରି-୩ ପଞ୍ଚାୟତ ର କିଛି ଗ୍ରାମ ରହିଥିବା ବେଳେ ସେ ଆଜକୁ ଦୀର୍ଘ ୩ ମାସ ଧରି ଏପରି ଗ୍ରାହକଙ୍କଠାରୁ ଲୁଟୁଥିବା ଘଟଣା ପଦାରେ ପଡିଛି। ତେବେ ନିଜ ନିଜର ବିଦ୍ୟୁତ ବିଲ କାର୍ୟ୍ୟାଳୟରେ ପୈଠ ନ କରିବାରୁ ଟାଟା କମ୍ପାନୀ ପକ୍ଷରୁ ଗ୍ରାହକଙ୍କ ନିକଟକୁ ବିଦ୍ୟୁତ ବିଲ ବକେୟା ରହିଥିବା ନେଇ ନୋଟିସ ଜାରି କରାଯାଇଥିଲା। ପରେ ଏନେଇ କିଛି ଗ୍ରାମବାସୀ ସାଇ କମ୍ପ୍ୟୁଟର କମ୍ପାନୀର ସୁପରଭାଇଜର ପ୍ରଭାତ ସେଠୀଙ୍କ ନିକଟରେ ଅଭିଯୋଗ କରିଥିଲେ।

ଗ୍ରାମବାସୀଙ୍କ ଅଭିଯୋଗ ପରେ କିଛି ଉପାୟ ନ ପାଇ ସୁପରଭାଇଜର ସଙ୍ଗେ ସଙ୍ଗେ ଓରକେଲ ଥାନାରେ ଉକ୍ତ ଯୁବକ ବିରୁଦ୍ଧରେ ଏତଲା ଦେଇଥିଲେ। ଥାନାରେ ଏତଲା ଦେବା ପରେ ଚିତ୍ରକୋଣ୍ଡା ଏସ୍ଡିପିଓ ଅଂଶୁମାନ ଦ୍ବିବେଦୀ ଙ୍କ ନେତୃତ୍ୱରେ ଓରକେଲ ପୋଲିସର ଏକ ଟିମ ନବକୁ ୨୪ ଘଣ୍ଟା ମଧ୍ୟରେ ଗିରଫ କରିବାରେ ସଫଳ ହୋଇଥିଲା। ଗିରଫ ନବ କିଶୋର ବିଶ୍ୱାସ ଠାରୁ ଓରକେଲ ପୋଲିସ ଏକ ବିଲିଂ ମେସିନ, ୨ ଗୋଟି ମୋବାଇଲ ଏବଂ ୪୦ ହଜାର ନଗଦ ଟଙ୍କା ଜବତ କରିଥିବା ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ଚିତ୍ରକୋଣ୍ଡା ଏସଡିପିଓ ଅଂଶୁମାନ ଦ୍ବିବେଦୀ ଏବଂ ଥାନାଧିକାରୀ ଜହ୍ନ୍ କୁଜୁର ସୂଚନା ଦେଇଛନ୍ତି।