ନୂଆଦିଲ୍ଲୀ: ଶୁକ୍ରବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ ( ଇଡି ) ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ପୁଅ ଚୈତନ୍ୟ ବାଘେଲଙ୍କୁ ଗିରଫ କରିଛି। ପୂର୍ବରୁ ଇଡି ଭୋର ସକାଳୁ ଭିଲାଇରେ ତାଙ୍କ ବାସଭବନରେ ଚଢାଉ କରିଥିଲା ।

ସୂଚନା ଅନୁଯାୟୀ, ମଦ ଦୁର୍ନୀତି ମାମଲା ସହିତ ଜଡିତ ଇଡି ଏହି କାର୍ଯ୍ୟାନୁଷ୍ଠାନ ନିଆଯାଇଛି । ଇଡି ଦଳ ଭିଲାଇରେ ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ବାସଭବନରେ ପହଞ୍ଚିଥିଲା। ଇଡି ଦଳ ୩ ଟି ଗାଡ଼ିରେ ପହଞ୍ଚିଥିଲା ଏବଂ ସିଆରପିଏଫ କର୍ମଚାରୀମାନେ ମଧ୍ୟ ଘଟଣାସ୍ଥଳରେ ଉପସ୍ଥିତ ଥିଲେ। ବର୍ତ୍ତମାନ ତାଙ୍କ ଘରେ ଇଡି ତଦନ୍ତ ଚାଲିଛି । ତେବେ ଆଜି ଭୂପେଶ ବାଘେଲଙ୍କ ପୁଅ ଚୈତନ୍ୟ ବାଘେଲଙ୍କ ଜନ୍ମଦିନ ।

ରାୟପୁର: ଛତିଶଗଡର ମୁଖ୍ୟମନ୍ତ୍ରୀ ଭୁପେଶ ବାଘେଲଙ୍କ ବାପା ନନ୍ଦ କୁମାର ବାଘେଲଙ୍କୁ ଗିରଫ କରିଛି ପୁଲିସ । ବ୍ରାହ୍ମଣ ସମାଜ ବିରୋଧରେ ବିବାଦୀୟ ମନ୍ତବ୍ୟ ଦେଇଥିବା ଅଭିଯୋଗରେ ପୁଲିସ ତାଙ୍କୁ ଗିରଫ କରିଥିବା ସୂଚନା ମିଳିଛି । ରାୟପୁର ଡିଡି ନଗର ପୋଲିସ ଥାନାରେ ବାଘେଲଙ୍କ ବିରୋଧରେ ଅଭିଯୋଗ ହୋଇଥିଲା । ଗିରଫ ପରେ ତାଙ୍କୁ ରାୟପୁର କୋର୍ଟରେ ହାଜର କରାଯାଇଥିଲା। କୋର୍ଟ ତାଙ୍କୁ ୧୫ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇଛନ୍ତି ।

Chhattisgarh CM Bhupesh Baghel’s father Nand Kumar Baghel who has been arrested over his alleged derogatory remarks against Brahmins is being produced before a court in Raipur. pic.twitter.com/i2GAJaF066

— ANI (@ANI) September 7, 2021

‘ସର୍ବ ବ୍ରାହ୍ମଣ ସମାଜ’ ନାମକ ଏକ ସଂଗଠନର ଅଭିଯୋଗ ପରେ ରାୟପୁରର ଡିଡି ନଗର ପୋଲିସ ଶନିବାର ବିଳମ୍ବିତ ରାତିରେ ୭୫ ବର୍ଷୀୟ ନନ୍ଦ କୁମାର ବାଘେଲଙ୍କ ବିରୋଧରେ ଏଫଆଇଆର ରୁଜୁ କରିଥିଲା। ଜଣେ ପୋଲିସ ଅଧିକାରୀଙ୍କ କହିବାନୁସାରେ, ସଂଗଠନ ଅଭିଯୋଗ କରିଛି ଯେ ନିକଟରେ ମୁଖ୍ୟମନ୍ତ୍ରୀଙ୍କ ବାପା ସେମାନଙ୍କୁ ବିଦେଶୀ ବୋଲି କହି ବ୍ରାହ୍ମଣମାନଙ୍କୁ ବାସନ୍ଦ କରିବାକୁ ଲୋକଙ୍କୁ କହିଥିଲେ। ଏହାଛଡ଼ା ବ୍ରାହ୍ମଣମାନଙ୍କୁ ଗାଁରେ ପ୍ରବେଶ ନ କରାଇବା ପାଇଁ ମଧ୍ୟ ଲୋକଙ୍କୁ ଆହ୍ବାନ କରିଥିଲେ।