ଭୁବନେଶ୍ୱର: ରାଜ୍ୟର ବିଭିନ୍ନ ଆଦର୍ଶ ବିଦ୍ୟାଳୟରେ ଖାଲିଥିବା ୧୭୪୯ ଶିକ୍ଷକ ଓ ଅଣଶିକ୍ଷକ ପଦରେ ନିଯୁକ୍ତି ପାଇଁ ଆବେଦନ ପ୍ରକ୍ରିୟା ଆସନ୍ତା ଜାନୁଆରୀ ୨୧ରୁ ଆରମ୍ଭ ହେବ । ଜାନୁଆରୀ ୨୧ ତାରିଖରୁ ଅନଲାଇନ ପଞ୍ଜୀକରଣ ଆରମ୍ଭ ହେଉଥିବାବେଳେ ଫେବୃଆରୀ ୨୦ ପଞ୍ଜୀକରଣ ସରିବ। ଆଶାୟୀ ପ୍ରାର୍ଥୀ ଫେବୃଆରୀ ୨୨ ସୁଦ୍ଧା  ଫି’ ଦାଖଲ କରି ପାରିବେ ବୋଲି ଓଡ଼ିଶା ଆଦର୍ଶ ବିଦ୍ୟାଳୟ ସଂଗଠନ ଦର୍ଶାଇଛି।

ତେବେ ପୂର୍ବର ବିଜ୍ଞପ୍ତି ଅନୁଯାୟୀ, ଜାନୁଆରୀ ୬ରୁ ଆବେଦନ ଆରମ୍ଭ ହେଉଥିବା ନିର୍ଦ୍ଦେଶନାମାକୁ ସଂଗଠନ ପରିବର୍ତନ କରି ଜାନୁଆରୀ ୨୧ରୁ ଆବେଦନ ଗ୍ରହଣ କରିବ ବୋଲି ଦର୍ଶାଇଛି। ସେହିପରି ପୂର୍ବର ବିଜ୍ଞପ୍ତି ଅନୁଯାୟୀ ଅନ୍ୟ ସମସ୍ତ ମାନଦଣ୍ଡ ସମାନ ରଖାଯାଇଥିବା ସଂଗଠନ ଦର୍ଶାଇଛି।

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚ୍ଚୁଆଲ ମାଧ୍ୟମରେ ଓଡିଶା ଆଦର୍ଶ ବିଦ୍ୟାଳୟ ଉତ୍କର୍ଷ କେନ୍ଦ୍ରର ଆଜି ଭିତ୍ତି ପ୍ରସ୍ତର ସ୍ଥାପନ କରିଛନ୍ତି । ଏହି ଆଦର୍ଶ ବିଦ୍ୟାଳୟ ଭୁବନେଶ୍ୱର ଉପକଣ୍ଠରେ ଥିବା ଅନ୍ଧାରୁଆରେ 25 ଏକର ଜମିରେ ନିର୍ମାଣ ହେବାକୁ ଯାଉଛି । ଯେଉଁଥିରେ ୧୩ ଏକର ବିଦ୍ୟାଳୟ କ୍ୟାମ୍ପସ ହେଉଥିବା ବେଳେ ୧୦୦୦ ଶିକ୍ଷାର୍ଥୀଙ୍କ ପାଇଁ ୨୬ ଟି ଶ୍ରେଣୀଗୃହ ରହିବାର ବ୍ୟବସ୍ଥା କରାଯାଇଛି । ଏହି ବିଦ୍ୟାଲୟ ମଧ୍ୟରେ ୮ଟି ବିଜ୍ଞାନଗାର, ୨ଟି ଛାତ୍ର ଓ ଦୁଇଟି ଛାତ୍ରୀ ନିବାସ, 22 ଟି ଟିଚର କ୍ୱାଟର, 8ଟି ଅତିଥି କକ୍ଷ, 12 ଏକର୍ ଖେଳ ପଡିଆ ରହିବ । ମୁଖ୍ୟମନ୍ତ୍ରୀ ନବୀୱ ପଟ୍ଟନାୟକ ଏହି ଆଦର୍ଶ ବିଦ୍ୟାଳୟର ଭିତିପ୍ରସ୍ତରକୁ ଭର୍ଚ୍ଚୁଆଲ ମାଧ୍ୟମରେ ସ୍ଥାପନା କରିଥିବାବେଳେ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ଗଣଶିକ୍ଷା ମନ୍ତ୍ରୀ ସମୀର ଦାସ, ବିଧାୟକ ସୁରେଶ ରାଉତରାୟ , ପ୍ରେମଚନ୍ଦ ଚୌଧିୁରୀ, କ୍ରିସନ କୁମାର, ଉପେନ୍ଦ୍ର ତ୍ରିପାଠୀ ଓ ଅନ୍ୟାନ୍ୟ ଅଧିକାରୀ ।