ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନରେ ଶୋଚନୀୟ ପରାଜୟ ପରେ କଂଗ୍ରେସର ରାଜନୈତିକ ସମୀକରଣ ବଦଳିବା ନେଇ ଚର୍ଚ୍ଚା ହେଉଛି। ଏହାକୁ ଖୋରାକ ଯୋଗାଇଛନ୍ତି ନିର୍ବାଚନ ରଣନୀତିକାର ତଥା ଜନ ସୁରାଜ ପାର୍ଟିର ପ୍ରତିଷ୍ଠାତା ପ୍ରଶାନ୍ତ କିଶୋର। ସେ ଗତ ସପ୍ତାହରେ କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ୧୦-ଜନପଥ ସ୍ଥିତ ବାସଭବନକୁ ଯାଇଥିଲେ। ଏଠାରେ ସୋନିଆଙ୍କ ଝିଅ ତଥା ସାଂସଦ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଉପସ୍ଥିତ ଥିଲେ। ପ୍ରଶାନ୍ତ ଏବଂ ପ୍ରିୟାଙ୍କାଙ୍କ ମଧ୍ୟରେ ଏଠାରେ ପ୍ରାୟ ଦୁଇ ଘଣ୍ଟା ପର୍ଯ୍ୟନ୍ତ ରୁଦ୍ଧ ଦ୍ବାର ବୈଠକ ହୋଇଥିଲା। ତେବେ ଉଭୟଙ୍କ ମଧ୍ୟରେ କି ଆଲୋଚନା ହୋଇଥିଲା ତାହା ଏ ପର୍ଯ୍ୟନ୍ତ ଜଣାପଡ଼ି ନାହିଁ। ମାତ୍ର ଏହି ସାକ୍ଷାତକୁ ନେଇ ରାଜନୈତିକ ମହଲରେ ଚର୍ଚ୍ଚା ସରଗରମ ହୋଇ ଉଠିଛି। 

ଏହି ସାକ୍ଷାତକୁ ନେଇ ଉଭୟେ ପ୍ରିୟଙ୍କା ଏବଂ ପ୍ରଶାନ୍ତ ଚୁପ୍‌ ରହିଛନ୍ତି। କୌଣସି ବୈଠକ ହୋଇ ନଥିବା ପ୍ରଶାନ୍ତ କହିଥିବାବେଳେ ମୁଁ କାହା ସହ ମିଶୁଛି ତାହା ଜାଣିବା ପାଇଁ କେହି ଚାହାନ୍ତି ନାହିଁ ବୋଲି ପ୍ରିୟଙ୍କା କହିଥିଲେ। ମାତ୍ର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବିହାର ଏବଂ ଦେଶରେ ବିରୋଧୀଙ୍କ ରାଜନୀତି ଉପରେ ଉଭୟେ ଚର୍ଚ୍ଚା କରିଥିଲେ। ଅନ୍ୟ ପ୍ରସଙ୍ଗରେ ମଧ୍ୟ ଆଲୋଚନା କରାଯାଉଛି। ଉତ୍ତର ପ୍ରଦେଶ ରାଜନୀତି ମଧ୍ୟ ଏହି ଚର୍ଚ୍ଚାର ଏଜେଣ୍ଡାରେ ଥିଲା ବୋଲି କୁହାଯାଉଛି। ୨୦୨୬ ଏବଂ ୨୦୨୭ରେ ୧୨ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି। ଏହା ପୂର୍ବରୁ କଂଗ୍ରେସକୁ ସବୁ ରାଜ୍ୟରେ ମଝବୁତ କରିବାର ରଣନୀତି ନେଇ ଚର୍ଚ୍ଚା କରିଥିଲେ।  ଜାତୀୟସ୍ତରରେ ପ୍ରଶାନ୍ତଙ୍କ ପ୍ରଦର୍ଶନ ଭଲ ରହିଛି ବୋଲି କଂଗ୍ରେସର ଏକ ଗୋଷ୍ଠୀ ଭାବୁଛନ୍ତି। ସେମାନେ ପ୍ରଶାନ୍ତଙ୍କୁ ରଣନୀତିରେ ସାମିଲ କରିବାକୁ ଚାହୁଁଛନ୍ତି। କଂଗ୍ରେସକୁ ନିଜ ସାମର୍ଥ୍ୟରେ ମଝବୁତ ହେବାକୁ ପଡ଼ିବ। ଏଥିପାଇଁ ବଡ଼ ରାଜ୍ୟ ପାଇଁ ମଝବୁତ ରଣନୀତିକାରର ଆବଶ୍ୟକତା ରହିଛି। ସେହିପରି କଂଗ୍ରେସ ଏଥର ବିଭିନ୍ନ ରାଜ୍ୟରେ ନିଜ ଦମରେ ଲଢ଼ିବା ପାଇଁ ଚାହୁଁଥିବା କୁହାଯାଉଛି। 

ପାଟନା: ଆରମ୍ଭରୁ ଅସ୍ତ ହୋଇଗଲା ପ୍ରଶାନ୍ତଙ୍କ ଜନ ସୂରାଜ ପାର୍ଟିର ଭବିଷ୍ୟତ। ବିହାର ରଣକ୍ଷେତ୍ରରେ ଚିତପଟାଙ୍ଗ ମାରିଛନ୍ତି ରାଜନୈତିକ ରଣନୀତିଜ୍ଞରୁ ରାଜନେତା ପାଲଟିଥିବା ପ୍ରଶାନ୍ତ କିଶୋର। ବିହାର ବିଧାନସଭା ନିର୍ବାଚନର ଫଳାଫଳ ପିକେଙ୍କୁ ଏକ ଶକ୍ତ ଝଟକା ଦେଇଛି। ପିକେଙ୍କ ଦଳ ଜନ ସୁରାଜ ପାର୍ଟି ବିହାରରେ କୌଣସି ଆସନ ଜିତିବାରେ ସଫଳ ହୋଇ ନାହିଁ। ଦଳର ଖାତା ଶୂନ ରହିଛି।

ପିକେ ନିଜେ ପୂର୍ବରୁ କହିଥିଲେ ଯେ ତାଙ୍କ ଦଳ "ଅର୍ଶ ପର୍‌ ୟା ଫର୍ଶ ପର୍‌" (ଆକାଶରେ କିମ୍ବା ମାଟିରେ) ରହିବ। ଆଉ ସେଇୟା ହିଁ ହୋଇଛି, ଫଳାଫଳ ଦର୍ଶାଇଛି ଯେ, ଜନ ସୂରାଜ ଦଳ ମାଟିରେ ପଡିଛି। ପ୍ରଶାନ୍ତ ଜେଏସପିକୁ ରାଜ୍ୟ ରାଜନୀତିରେ ତୃତୀୟ ବିକଳ୍ପ ଭାବରେ ଉପସ୍ଥାନ କରିଥିଲେ, କିନ୍ତୁ ବିହାରର ଜାତିଗତ ଭୋଟିଂ ଢାଂଚାକୁ ଭେଦ କରିବାରେ ଦଳ ସଫଳ ହୋଇପାରିଲା ନାହିଁ। ରାଜନୈତିକ ବିଶ୍ଳେଷକଙ୍କ ମତରେ, ପ୍ରଶାନ୍ତ କିଶୋର ଏବଂ ଆସାଦୁଦ୍ଦିନ୍‌ ଓୱେସୀଙ୍କ ଇଓଗଓଗ ଦଳ ମହାଗଠବନ୍ଧନରୁ ବଡ଼ ସଂଖ୍ୟକ ଭୋଟ୍‌ କାଟିବାରେ ସଫଳ ହୋଇଛନ୍ତି। ୨୩୮ ଆସନରେ ପିକେଙ୍କ ଜନ ସୂରାଜ ପାର୍ଟି ପ୍ରାର୍ଥୀ ଦେଇଥିଲେ ସୁଦ୍ଧା କୌଣସି ଆସନରେ ଦଳ ଜିତିପାରିନାହିଁ। 

ହେଲେ ବିହାରରେ କ୍ଷମତାସୀନ ମେଣ୍ଟ ଏନଡିଏ ଏଥର ନିର୍ବାଚନରେ ରେକର୍ଡ ବିଜୟ ହାସଲ କରିଛି। ୨୦୨ସିଟ ଆଗରେ ରହିଛି ଏନଡିଏ। ଏକାକି ବିଜେପି ୯୧ ଆସନ ଆସନରେ ଆଗରେ ରହିଥିବା ବେଳେ ଜେଡିୟୁକୁ ୮୩ ସିଟରେ ଆଗରେ ରହିଛି। ଏଲଜେପି ୧୯ଆସନରେ ଆଗରେ ରହିଛି। ଅନ୍ୟପଟେ ମହାଗଠବନ୍ଧନକୁ ମାତ୍ର ୩୫ ସିଟ ଆଗରେ ରହିଛି। ଆରଜେଡି ୨୭ଟି ଆସନରେ ଆଗରେ ରହିଥିବା ବେଳେ କଂଗ୍ରେସକୁ ମାତ୍ର ୫ଟି ଆସନରେ ଆଗରେ ରହିଛି। ହେଲେ ନୂଆ କରି ଆରମ୍ଭ ହୋଇଥିବା ପିକେଙ୍କ ଦଳ ନିଜ ସତ୍ତା ରଖିବାରେ ବି ସଫଳ ହୋଇପାରିନି।

ନୂଆଦିଲ୍ଲୀ : ନିର୍ବାଚନ ରଣନୀତିକାର ପ୍ରଶାନ୍ତ କିଶୋର ପ୍ଲାନରେ ନୂଆ ଟ୍ବିଷ୍ଟ। ନୂଆ ରାଜନୈତିକ ଦଳ ଗଢିବା ନେଇ ଲାଗିରହିଥିବା ଚର୍ଚ୍ଚାରେ ପୂର୍ଣ୍ଣଛେଦ ପକାଇଲେ ନିର୍ବାଚନ ରଣନୀତିକାର ପ୍ରଶାନ୍ତ କିଶୋର। ନିକଟରେ ସେ ନିଜର ଏକ ନୂଆ ରାଜନୈତିକ ଦଳ ଗଢ଼ିବେ ବୋଲି ଚର୍ଚ୍ଚା ହେଉଥିଲା। କିନ୍ତୁ ଏହାକୁ ଏବେ ସେ ଖାରଜ କରିଛନ୍ତି। ସେ କୌଣସି ନୂଆ ଦଳ ଗଢ଼ିବେ ନାହିଁ ବୋଲି ସଫା ସଫା ମନା କରିଦେଇଛନ୍ତି।

ବିହାର ରାଜଧାନୀ ପାଟନାର ଜ୍ଞାନ ଭବନରେ ଏକ ସାମ୍ବାଦିକ ସମ୍ମିଳନୀରେ ଏଭଳି କିଛି ନୂଆ ରାଜନୈତିକ ରଣନୀତି ବାବଦରେ ଖୁଲାସା କରିଛନ୍ତି ପ୍ରଶାନ୍ତ କିଶୋର।ରାଜନୈତିକ ରଣନୀତିକାର ପ୍ରଶାନ୍ତ କିଶୋର ଗୁରୁବାର କହିଛନ୍ତି ‌କି ସେ ଏବେ ନୂଆ ରାଜନୈତିକ ଦଳ କିମ୍ବା ପ୍ଲାଟ୍‌ଫର୍ମ ଚାହାନ୍ତିନି, ସେ କେବଳ ବିହାର ପରିବର୍ତ୍ତନ ଚାହାନ୍ତି। ଗଣମାଧ୍ୟମରେ ନିଜ ମତ ରଖିବା ବେଳେ ସେ କହିଛନ୍ତି କି ‘ମୁଁ କେବଳ ବିହାରର ସମସ୍ୟା ସଂପର୍କରେ ଅବଗତ ଥିବା ସେ ସମସ୍ତ ଲୋକଙ୍କୁ ଗୋଟାଏ ପ୍ଲାଟ୍‌ଫର୍ମକୁ ଆଣିବାକୁ ଚାହୁଁଛି। ଅଗଷ୍ଟରୁ ସେପ୍ଟମ୍ବର ମାସ ସୁଦ୍ଧା ଆମେ ଆମର ଏହି ପ୍ରକ୍ରିୟା ପୂରା କରି ସାରିଥିବୁ। ମୁଁ ଦଳ ଚାହ‌େଁନି, ବିହାର ପାଇଁ କାମ କରିବାକୁ ଚାହେଁ।’

ପ୍ରଶାନ୍ତ କିଶୋର ଆହୁରି ମଧ୍ୟ କହିଛନ୍ତି  ନୂତନ ଚିନ୍ତାଧାରା ସହିତ ବିହାରକୁ ପରିବର୍ତ୍ତନ କରିବାକୁ ପଡିବ। ବିହାର ବିକାଶ ପାଇଁ ନୂଆ ନୀତି ଆବଶ୍ୟକ। ଯଦି ଆବଶ୍ୟକ ପଡେ ତେବେ ରାଜନୈତିକ ଦଳ ଗଠନ କରାଯିବ। ଏହା କେବଳ ମୋର ନୁହେଁ ସମସ୍ତଙ୍କ ଦଳ ହେବ ବୋଲି ପ୍ରଶାନ୍ତ କିଶୋର ଘୋଷଣା କରିଛନ୍ତି। ଜନ ସୁରଜ ପାଇଁ ଗାଁରୁ ଗ୍ରାମାଞ୍ଚଳକୁ ଯିବେ। ପ୍ରଶାନ୍ତ କିଶୋର ୩ ହଜାର କିଲୋମିଟର ପଦଯାତ୍ରା କରିବେ ବୋଲି ଘୋଷଣା କରିଛନ୍ତି। ଏହା ଅକ୍ଟୋବର ୨ରୁ ପଶ୍ଚିମ ଚମ୍ପାରଣରୁ ଆରମ୍ଭ ହେବ।ଯେଉଁମାନେ ବିହାରରେ ସାମାଜିକ ତଥା ରାଜନୈତିକ କ୍ଷେତ୍ର ସହ ଜଡିତ ଅଛନ୍ତି, ସେମାନଙ୍କୁ ଏକ ପ୍ଲାଟଫର୍ମରେ ଯୋଗାଇ ଦିଆଯିବ। ୪ରୁ ୫ ମାସ ଭିତରେ ଏପରି ୧୭ ହଜାରରୁ ଅଧିକ ଲୋକଙ୍କୁ ଚିହ୍ନଟ କରାଯାଇଛି।’

ନୀତିଶ କୁମାର ଓ ଲାଲୁ ପ୍ରସାଦ ଯାଦବଙ୍କ ଗତ ୩୦ ବର୍ଷର ଶାସନ କାଳ ମଧ୍ୟରେ ପରିସ୍ଥିତି ପୂରା ବିଗିଡ଼ି ଯାଇଛି। ବିହାର ଏବେ ଦେଶର ଏକ ପଛୁଆ ରାଜ୍ୟ। ବିକାଶର ଅନେକ ପାରାମିଟର ଉପରେ ବିହାର ଆଜିବି ଦେଶର ସର୍ବନିମ୍ନ ସ୍ତରରେ ରହିଛି। ଯଦି ବିହାରକୁ ଆଗକୁ ନେବାର ଅଛି ତେବେ ସେହି ପୁରୁଣା ପଥରେ ଗଲେ ହେବ ନାହିଁ। ଆମକୁ ନୂଆ ଦିଗ ଖୋଜିବାକୁ ପଡ଼ିବ।’ଯଦି ବିହାର ଆଗାମୀ ସମୟରେ ଅଗ୍ରଣୀ ରାଜ୍ୟ ତାଲିକାରେ ଆସିବାକୁ ଚାହୁଁଛି, ତେବେ ଏଥିପାଇଁ ନୂତନ ଚିନ୍ତାଧାରା ଏବଂ ନୂତନ ପ୍ରୟାସ ଆବଶ୍ୟକ । ଆଉ ଏଥିପାଇଁ ସମସ୍ତଙ୍କ ମିଳିତ ପ୍ରୟାସ ଦରକାର। କେହି ଜଣଙ୍କର ଚେଷ୍ଟାରେ ପରିବର୍ତ୍ତନ ହୋଇଯିବନି। ବିହାରର ସ୍ବାସ୍ଥ୍ୟ ଓ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି। ସମସ୍ତେ ଏକତ୍ରିତ ହେଲେ ହିଁ ପରିସ୍ଥିତି ସୁଧୁରିବ ବୋଲି ପ୍ରଶାନ୍ତ କିଶୋର ମତ ରଖିଛନ୍ତି।

ନୂଆଦିଲ୍ଲୀ:କଂଗ୍ରେସରେ ମିଶିବେନି ପ୍ରଶାନ୍ତ କିଶୋର । ଦୀର୍ଘ ଦିନର ଚର୍ଚ୍ଚାରେ ପୂର୍ଣ୍ଣଛେଦ ଟାଣିଲେ ରାଜନୈତିକ ରଣନିତୀକାର ପ୍ରଶାନ୍ତ କିଶୋର।  କଂଗ୍ରେସର ବରିଷ୍ଠ ନେତା ଋଣଦୀପ ସୁରଜୱାଲା ଏନେଇ ଟ୍ବିଟ କରି ସୂଚନା ଦେଇଛନ୍ତି । ୨୦୨୪ ସାଧାରଣ ନିର୍ବାଚନ ପାଇଁ କଂଗ୍ରେସକୁ ମଜଭୁତ କରିବାକୁ ପ୍ରୟାସ କରିଛନ୍ତି ପ୍ରଶାନ୍ତ କିଶୋର। ପ୍ରଶାନ୍ତ କିଶୋରଙ୍କ ପ୍ଲାନରେ ଦଳ ଏକ ନୂତନ କମିଟି ଗଠନ କରିଛି । ୟେଉଁ କମିଟି ଆଗାମୀ ନିର୍ବାଚନରେ କଂଗ୍ରେସ ପାଇଁ ସଞ୍ଜୀବନି ସଦୃଶ୍ୟ ହେବା ନେଇ ଚର୍ଚ୍ଚା ହେଉଛି ।

Following a presentation & discussions with Sh. Prashant Kishor, Congress President has constituted a Empowered Action Group 2024 & invited him to join the party as part of the group with defined responsibility. He declined. We appreciate his efforts & suggestion given to party.

— Randeep Singh Surjewala (@rssurjewala) April 26, 2022

ସୂଚନା ଅନୁଯାୟୀ, ରାଜନୈତିକ ରଣନିତୀକାର ପ୍ରଶାନ୍ତ କିଶୋରଙ୍କ ସହ କଂଗ୍ରେସର ଶୀର୍ଷ ନେତାଙ୍କ ବୈଠକ ଅନୁଷ୍ଠିତ ହୋଇଥିଲା । ୨୦୨୪ ନିର୍ବାଚନ ପାଇଁ ପିକେଙ୍କ ପ୍ରସ୍ତାବ ମୁତାବକ ଏକ କମିଟି ଗଠନ କରାଯାଇଛି । ଏହା କମିଟିରେ ଖୋଦ ପିକେଙ୍କୁ ସଦସ୍ୟ ରଖିବା ପାଇଁ ଇଛୁକ ଥିଲେ କଂଗ୍ରେସ କମାଣ୍ଡ । ଏବଂ ଦଳରେ ଯୋଗ ଦେଇ କମିଟିରେ ସଦସ୍ୟ ରହିବାକୁ ପ୍ରସ୍ତାବ ଦେଇଥିଲେ ଦଳର ସଭାପତି । କିନ୍ତୁ ପ୍ରଶାନ୍ତ କିଶୋର ଏହି ପ୍ରସ୍ତାବକୁ ଖାରଜ କରିଦେଇଥିବା ସୂଚନା ଦେଇଛନ୍ତି ରଣଦୀପ ସୁରଜୱାଲା ।

ପ୍ରଶାନ୍ତ କିଶୋର ମଧ୍ୟ ଟୁଇଟ୍ କରି କହିଛନ୍ତି, କଂଗ୍ରେସ ପାର୍ଟି ମୋତେ ଏମ୍ପପାଓ୍ଵାର୍ଡ ଆକ୍ସନ ଗ୍ରୁପରେ ସାମିଲ୍ ହେବା ଏବଂ ନିର୍ବାଚନୀ ଦାୟିତ୍ଵ ସମ୍ଭାଳିବାକୁ ଅଫର ଦେଇଥିଲା। ତେବେ ମୁଁ ସାମିଲ୍ ହେବାକୁ ମନା କରି ଦେଇଛି। ମୋ ଅପେକ୍ଷା ସଂପ୍ରତି ପାର୍ଟିକୁ ସମ୍ମିଳିତ ପ୍ରୟାସ ଏବଂ ଭଲ ନେତୃତ୍ଵର ଆବଶ୍ୟକତା ରହିଛି। ଯଦ୍ଵାରା କଂଗ୍ରେସର ମୂଳ ସମସ୍ୟା ସମାପ୍ତ ହୋଇ ପାରିବ।

I declined the generous offer of #congress to join the party as part of the EAG & take responsibility for the elections.

In my humble opinion, more than me the party needs leadership and collective will to fix the deep rooted structural problems through transformational reforms.

— Prashant Kishor (@PrashantKishor) April 26, 2022

ଚଣ୍ଡୀଗଡ଼: ବଙ୍ଗଳାରେ ମମତା ଦିଦିଙ୍କୁ ପରାମର୍ଶ ଦେବା ପରେ ପ୍ରଶାନ୍ତ କିଶୋରଙ୍କୁ ବର୍ତ୍ତମାନ ପଞ୍ଜାବର ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଭାବରେ ଦେଖିବାକୁ ମିଳିବ। ଏ ସମ୍ପର୍କରେ ଖୋଦ୍‌ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହ ଟ୍ବିଟ୍‌ କରି ସୂଚନା ଦେଇଛନ୍ତି। ପି.କେ. ତାଙ୍କର ପ୍ରମୁଖ ପରାମର୍ଶଦାତା ଭାବେ ନିଯୁକ୍ତ ହୋଇଥିବାରୁ ସେ ଅତ୍ୟନ୍ତ ଖୁସି ବୋଲି ଅମରିନ୍ଦର ଟ୍ବିଟ୍‌ କରି କହିଛନ୍ତି।

Happy to share that @PrashantKishor has joined me as my Principal Advisor. Look forward to working together for the betterment of the people of Punjab!

— Capt.Amarinder Singh (@capt_amarinder) March 1, 2021

ସୂଚନାଯୋଗ୍ୟ, କଂଗ୍ରେସ ୨୦୧୭ରେ ତାଙ୍କୁ ୫ଟି ରାଜ୍ୟର ନିର୍ବାଚନ ପ୍ରଚାର ରଣନୀତି ପ୍ରସ୍ତୁତ କରିବାକୁ ଦାୟିତ୍ଵ ଦେଇଥିଲା। ସେଥିରେ ପଞ୍ଜାବ ଏକମାତ୍ର ରାଜ୍ୟ ଥିଲା, ଯେଉଁଠି ଦଳକୁ ବହୁମତ ମିଳିବାରେ ସଫଳ ହୋଇଥିଲା। ମାତ୍ର ଉତ୍ତରାଖଣ୍ଡ ଏବଂ ଉତ୍ତର ପ୍ରଦେଶରେ ଦଳକୁ ପରାଜୟ ସାମ୍ନା କରିବାକୁ ପଡ଼ିଥିଲା। ଏହା ସତ୍ବେ ଦଳ ପି.କେ.ଙ୍କ ପ୍ରଶଂସା କରିଥିଲା।

#PunjabCabinet clears the appointment of Shri @PrashantKishor as Principal Advisor to the Chief Minister @capt_amarinder Singh in the rank and status of a Cabinet Minister. pic.twitter.com/h7bTK9qKdD

— CMO Punjab (@CMOPb) March 1, 2021

୨୦୧୪ ଲୋକ ସଭା ନିର୍ବାଚନରେ ବିଜେପି ପ୍ରଶାନ୍ତ କିଶୋରଙ୍କ ଦ୍ବାରା ପ୍ରସ୍ତୁତ ନୀତିକୁ ଅନୁସରଣ କରି କ୍ଷମତା ହାସଲ କରିଥିଲା। ଏହା ପରେ ବିହାରରେ ଜେଡିୟୁ ସହିତ କାମ କରିଥିଲେ। ନୀତିଶ କୁମାର, ଲାଲୁ ପ୍ରସାଦ ଯାଦବ ଏବଂ କଂଗ୍ରେସକୁ ଏକତ୍ର କରି ରାଜ୍ୟରେ କ୍ଷମତା ଦେବାରେ ସଫଳ ହୋଇଥିଲେ। ଏହା ବଦଳରେ ଜେଡିୟୁ ତାଙ୍କୁ ରାଷ୍ଟ୍ରୀୟ ଉପାଧ୍ୟକ୍ଷ ପଦବୀ ଦେଇଥିଲା। ତେବେ ଜେଡିୟୁରେ ଅସନ୍ତୋଷ ବୃଦ୍ଧି ପାଇବାରୁ ପି.କେ. ଦଳରୁ ଅଲଗା ହୋଇଯାଇଥିଲେ