ଲୋକପ୍ରିୟ ମେସେଜିଂ ଆପ୍ ଟେଲିଗ୍ରାମ୍ (Telegram) ଉପରେ କେନ୍ଦ୍ର ସରକାର କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ପ୍ଲାଟଫର୍ମରେ ଚାଲିଥିବା ବ୍ୟାପକ ଫିଲ୍ମ ଏବଂ ଓଟିଟି (OTT) କଣ୍ଟେଣ୍ଟର ପାଇରେସିକୁ ନେଇ ସରକାର ଟେଲିଗ୍ରାମ୍‌କୁ ଏକ ନୋଟିସ୍ ଜାରି କରିଛନ୍ତି। ଏହି ବେଆଇନ କାର୍ଯ୍ୟକୁ ତୁରନ୍ତ ରୋକିବା ପାଇଁ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ (I&B Ministry) ନିର୍ଦ୍ଦେଶ ଦେବା ସହ ଆସନ୍ତା ୧୫ ଦିନ ମଧ୍ୟରେ ଏକ ଆକ୍ସନ୍ ଟେକେନ୍ ରିପୋର୍ଟ (Action Taken Report) ପ୍ରଦାନ କରିବାକୁ କହିଛନ୍ତି।

କଣ ରହିଛି ସରକାରଙ୍କ ନିର୍ଦ୍ଦେଶ?

ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି ଯେ, ଟେଲିଗ୍ରାମ୍ କେବଳ ସରକାରଙ୍କ ଦ୍ୱାରା ଚିହ୍ନଟ କରାଯାଇଥିବା ଚ୍ୟାନେଲ୍ ଗୁଡ଼ିକୁ ବନ୍ଦ କରିବାକୁ ଅପେକ୍ଷା ନକରି ନିଜ ଆଡ଼ୁ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ। ପାଇରେଟେଡ୍ ଫିଲ୍ମ ଏବଂ ଅନ୍ୟାନ୍ୟ କଣ୍ଟେଣ୍ଟ ପ୍ରସାରଣ କରୁଥିବା ଆକାଉଣ୍ଟ, ଗ୍ରୁପ୍, ବଟ୍ ଏବଂ ଆଡମିନିଷ୍ଟ୍ରେଟରଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି। ଏହା ସହିତ ଫିଲ୍ମ ନିର୍ମାତା ଏବଂ ଓଟିଟି ପ୍ଲାଟଫର୍ମଗୁଡ଼ିକ ପାଇଁ ଏକ ଦୃଢ଼ ଅଭିଯୋଗ ସମାଧାନ ବ୍ୟବସ୍ଥା (Grievance Redressal System) ପ୍ରସ୍ତୁତ କରିବାକୁ ସରକାର କହିଛନ୍ତି।

୩ ହଜାରରୁ ଅଧିକ ଚ୍ୟାନେଲ୍ ଉପରେ ନଜର

ଓଟିଟି ପ୍ଲାଟଫର୍ମ ଏବଂ କଣ୍ଟେଣ୍ଟ ମାଲିକମାନଙ୍କ ଅଭିଯୋଗ ପରେ ସରକାର ଏହି ପଦକ୍ଷେପ ନେଇଛନ୍ତି। ରିପୋର୍ଟ ଅନୁଯାୟୀ, ଟେଲିଗ୍ରାମ୍‌ରେ ପ୍ରାୟ ୩,୧୪୨ଟି ଚ୍ୟାନେଲ୍ ବେଆଇନ ଭାବେ ଫିଲ୍ମ ଓ ୱେବ୍ ସିରିଜ୍ ସେୟାର କରୁଥିବା ଜଣାପଡ଼ିଛି। ଭାରତର କ୍ରିଏଟର୍ ଇକୋନୋମି, ଫିଲ୍ମ ଇଣ୍ଡଷ୍ଟ୍ରି, ପ୍ରଯୋଜକ ଏବଂ ବିତରକମାନଙ୍କୁ ଡିଜିଟାଲ୍ ପାଇରେସି ଯୋଗୁଁ ହେଉଥିବା ବିପୁଳ କ୍ଷତିରୁ ରକ୍ଷା କରିବା ହେଉଛି ସରକାରଙ୍କ ଏହି ପଦକ୍ଷେପର ମୂଳ ଲକ୍ଷ୍ୟ।

ଟେଲିଗ୍ରାମ୍ ପାଇଁ ବଢ଼ୁଛି ଅଡ଼ୁଆ

କେବଳ ପାଇରେସି ନୁହେଁ, ବରଂ ଅନ୍ୟାନ୍ୟ କାରଣରୁ ମଧ୍ୟ ଟେଲିଗ୍ରାମ୍ କ୍ରମାଗତ ଭାବେ ଭାରତ ସରକାରଙ୍କ ସ୍କାନରରେ ରହିଆସିଛି। ଦୁଇ ଦିନ ପୂର୍ବରୁ ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟ (MeitY) ମଧ୍ୟ ଆପ୍‌ର 'ୟୁଜରନେମ୍' ଫିଚରକୁ ନେଇ ଚିନ୍ତା ବ୍ୟକ୍ତ କରି ଟେଲିଗ୍ରାମ୍‌କୁ ଏକ ନୋଟିସ୍ ପଠାଇଥିଲା। ଏହା ପୂର୍ବରୁ ନିଟ୍ (NEET) ପରୀକ୍ଷା ପ୍ରଶ୍ନପତ୍ର ଲିକ୍ ଏବଂ ଅନ୍ୟାନ୍ୟ ଠକେଇ ମାମଲାରେ ପ୍ଲାଟଫର୍ମର ଅପବ୍ୟବହାରକୁ ନେଇ ମଧ୍ୟ ଟେଲିଗ୍ରାମ୍ ବିବାଦରେ ରହିଥିଲା।

ଇନଷ୍ଟାଣ୍ଟ ମେସେଜିଂ ଆପ୍ ଟେଲିଗ୍ରାମର ଲୋକପ୍ରିୟତା ଦିନକୁ ଦିନ ବଢ଼ିବାଲେ ଲାଗିଛି। ଏହାର ବିଭିନ୍ନ ବୈଶିଷ୍ଟ ଉପଭୋକ୍ତାଙ୍କୁ ଖୁବ୍‌ ପସନ୍ଦ ଆସିଛି। ସେଥÒମଧ୍ୟରୁ ଗୋଟିଏ ହେଉଛି ‘ସେଲ୍ଫ ଡେସ୍‌ଟ୍ରକ୍ଟ ଟାଇମର’। ଏହାଦ୍ବାରା ବାରମ୍ବାର ମେସେଜ୍‌ ଡିଲିଟ୍‌ କରିବାକୁ ପଡ଼ିନଥାଏ।

• ସର୍ବପ୍ରଥମେ ଆପଣଙ୍କ ଫୋନରେ ଟେଲିଗ୍ରାମ ଖୋଲନ୍ତୁ।
• ଏହାପରେ ଡାହାଣର ତଳ ଭାଗରେ ଏକ ପେନ୍ସିଲ୍ ଆଇକନ୍ ଦୃଶ୍ୟମାନ ହେବ। ଏହାଉପରେ କ୍ଲିକ୍‌ କରନ୍ତୁ।
• ଏବେ ଆପଣଙ୍କୁ ଅନେକ ବିକଳ୍ପ ମିଳିବ। ଏଥିମଧ୍ୟରୁ ଆପଣଙ୍କୁ ‘ନୂଆ ସିକ୍ରେଟ୍ ଚାଟ୍’ ଉପରେ କ୍ଲିକ୍ କରନ୍ତୁ।
• ଏହା ପରେ, ଆପଣ ଯାହାକୁ ମେସେଜ୍‌ ପଠାଇବାକୁ ଚାହୁଁଛନ୍ତି, ତାଙ୍କୁ ଆଡ୍‌ କରନ୍ତୁ। ବର୍ତ୍ତମାନ ଆପଣଙ୍କ ସିକ୍ରେଟ୍‌ ଚାଟ୍‌ ଅପ୍‌ସନ ସକ୍ରିୟ ହୋଇଯିବ।
• ଏହାପରେ ଚାଟ୍ ବକ୍ସର ଉପର ଡାହାଣରେ ଥିବା ତିନୋଟି ଡଟ୍‌ ଉପରେ କ୍ଲିକ୍ କରନ୍ତୁ। ଏଠାରେ ଆପଣ ‘ ସେଲ୍ଫ ଡେସ୍‌ଟ୍ରକ୍ଟ ଟାଇମର’ ଉପରେ କ୍ଲିକ୍‌ କରନ୍ତୁ।
• ଏହାକୁ କ୍ଲିକ୍ କରିବା ପରେ ଆପଣଙ୍କୁ ସମୟ ସୀମା ସେଟ୍ କରିବାକୁ ପଡ଼ିବ। ଯେଉଁ ସମୟ ମଧ୍ୟରେ ଆପଣଙ୍କ ମେସେଜ୍‌ ଅଟୋ ଡିଲିଟ୍‌ ହୋଇଯିବ। ଏହା ୧ ସେକେଣ୍ଡରୁ ୧ ସପ୍ତାହ ପର୍ଯ୍ୟନ୍ତ ହୋଇପାରେ।