ଭାରତୀୟ କ୍ରିକେଟର ଯୁଜବେନ୍ଦ୍ର ଚହଲ ଏବଂ ଟିଭି ହୋଷ୍ଟ ତଥା ଅଭିନେତ୍ରୀ ଶେଫାଳି ବଗ୍ଗା ଗତ କିଛି ଦିନ ହେବ ନିଜର ଡେଟିଂ ଗୁଜବକୁ ନେଇ ଚର୍ଚ୍ଚାରେ ଥିଲେ। ତେବେ ବର୍ତ୍ତମାନ ଏହି ଚର୍ଚ୍ଚା ଉପରେ ବିରାମ ଲାଗିଛି। ଉଭୟ ଏକ ନୂଆ ବିଜ୍ଞାପନରେ ଏକାଠି ନଜର ଆସିଛନ୍ତି, ଯାହା ସୋସିଆଲ ମିଡିଆ ଏବଂ ଟେଲିଭିଜନରେ ଖୁବ୍ ଭାଇରାଲ୍ ହେବାରେ ଲାଗିଛି। ସବୁଠାରୁ ଆକର୍ଷଣୀୟ କଥା ହେଉଛି, ଏହି ବିଜ୍ଞାପନ ମାଧ୍ୟମରେ ଚହଲ ତାଙ୍କ ପୂର୍ବତନ ପତ୍ନୀ ଧନଶ୍ରୀ ବର୍ମାଙ୍କ ଉପରେ ପରୋକ୍ଷରେ କଟାକ୍ଷ କରିଥିବା ଦେଖିବାକୁ ମିଳିଛି।

ବିଜ୍ଞାପନରେ କ'ଣ ରହିଛି ଖାସ୍?

ଭାଇରାଲ୍ ହେଉଥିବା ଏହି ଭିଡିଓରେ ଯୁଜବେନ୍ଦ୍ର ଚହଲ ଏକ ଷ୍ଟାଇଲିସ୍ ଅନ୍ଦାଜରେ ଏଣ୍ଟ୍ରି କରୁଛନ୍ତି। ସେ ଏକ ପ୍ରୋଜେକ୍ଟର ଚିଫ୍ ଏବଂ ଷ୍ଟୋରୀ ରାଇଟର ଭାବରେ ଅଭିନୟ କରୁଥିବା ବେଳେ ଶେଫାଳି ବଗ୍ଗା ଜଣେ ନୂଆ ଲିଡ୍ ଆକ୍ଟର ଭାବରେ ନଜର ଆସିଛନ୍ତି। ଉଭୟଙ୍କ ମଧ୍ୟରେ ଏକ ଆକର୍ଷଣୀୟ ବାର୍ତ୍ତାଳାପ ଦେଖିବାକୁ ମିଳିଛି। ଚହଲ ତାଙ୍କୁ ଏକ ସ୍କ୍ରିପ୍ଟ ବିଷୟରେ କହୁଛନ୍ତି ଯେଉଁଥିରେ 'ଏକ ବଲିଉଡ୍ ଡିଭା, ହାର୍ଟ ବ୍ରେକିଂ ଛାଡ଼ପତ୍ର ଏବଂ ଆଲିମୋନି (ଭରଣପୋଷଣ) ଲଢ଼େଇ' ସାମିଲ ରହିଛି। ସେ ଆହୁରି ମଧ୍ୟ କହୁଛନ୍ତି ଯେ "ଜଣେ ସଫଳ ବିଜନେସ୍ ଓମ୍ୟାନ୍, କିନ୍ତୁ ପିଲାଳିଆ ବୟଫ୍ରେଣ୍ଡର ଝମେଲା।" ଏହାର ଉତ୍ତରରେ ଶେଫାଳି କହୁଛନ୍ତି ଯେ ଏହି କାହାଣୀଟି ଶୁଣିଲା ଭଳି ଲାଗୁଛି। ଦର୍ଶକମାନେ ଏହି ସଂଳାପକୁ ଚହଲଙ୍କ ପୂର୍ବତନ ପତ୍ନୀ ଧନଶ୍ରୀ ବର୍ମାଙ୍କ ସହ ସିଧାସଳଖ ଯୋଡ଼ି ଦେଖୁଛନ୍ତି।

ଏଭଳି ଥିଲା ୟୁଜର୍ସଙ୍କ ପ୍ରତିକ୍ରିୟା

ଏହି ବିଜ୍ଞାପନରେ ଚହଲ ଏବଂ ଶେଫାଳିଙ୍କୁ ଏକାଠି ଦେଖି ଇଣ୍ଟରନେଟ୍‌ରେ ୟୁଜର୍ସମାନେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି। ଅନେକ ଲୋକ ଚହଲଙ୍କ ଅଭିନୟକୁ ପ୍ରଶଂସା କରି ଏହାକୁ ଏକ 'ମାଷ୍ଟରକ୍ଲାସ୍' ବୋଲି କହିଛନ୍ତି। କିଛି ୟୁଜର୍ସ ମତ ଦେଇଛନ୍ତି ଯେ ଏହି ଭିଡିଓ ଜରିଆରେ ସେ ନିଜ ଏକ୍ସ-ୱାଇଫ୍ ଧନଶ୍ରୀ ଏବଂ ତାଙ୍କର ପୂର୍ବତନ ଗର୍ଲଫ୍ରେଣ୍ଡ ବୋଲି କୁହାଯାଉଥିବା ଆରଜେ ମହବଶଙ୍କୁ କଡ଼ା ଜବାବ ଦେଇଛନ୍ତି। ଏହି ବିଜ୍ଞାପନଟି ଏବେ ଇଣ୍ଟରନେଟରେ ଟ୍ରେଣ୍ଡ୍ କରୁଛି।

ଡେଟିଂ ଗୁଜବରେ ଲାଗିଲା ବିରାମ

ଉଲ୍ଲେଖଯୋଗ୍ୟ ଯେ, ନିକଟରେ ଯୁଜବେନ୍ଦ୍ର ଚହଲ ଏବଂ ବିଗ୍ ବସ୍ ଫେମ୍ ଶେଫାଳି ବଗ୍ଗାଙ୍କୁ ମୁମ୍ବାଇରେ ଏକାଠି ଦେଖିବାକୁ ମିଳିଥିଲା। ଏହା ପରେ ଉଭୟଙ୍କ ମଧ୍ୟରେ ସମ୍ପର୍କ ଥିବା ନେଇ ବ୍ୟାପକ ଗୁଜବ ସୃଷ୍ଟି ହୋଇଥିଲା। ଏମିତିକି କିଛି AI ଦ୍ୱାରା ପ୍ରସ୍ତୁତ ଲଭ୍-ଟ୍ରାଏଙ୍ଗଲ୍ ପୋଷ୍ଟର ମଧ୍ୟ ଭାଇରାଲ୍ ହୋଇଥିଲା, ଯାହାକୁ ନେଇ ଶେଫାଳି ଅସନ୍ତୋଷ ବ୍ୟକ୍ତ କରିଥିଲେ ଏବଂ ଏହାକୁ 'ଅପମାନଜନକ' ବୋଲି କହିଥିଲେ। ତେବେ ଏହି ନୂଆ ବିଜ୍ଞାପନ ସାମ୍ନାକୁ ଆସିବା ପରେ ଏହା ସ୍ପଷ୍ଟ ହୋଇଯାଇଛି ଯେ ସେମାନଙ୍କର ସାକ୍ଷାତ କେବଳ ଏକ ବୃତ୍ତିଗତ ପ୍ରୋଜେକ୍ଟ ପାଇଁ ଥିଲା। ଏହା ସହିତ ସେମାନଙ୍କ ସମ୍ପର୍କ ଏବଂ ବିବାହକୁ ନେଇ ଉଠୁଥିବା ସମସ୍ତ ପ୍ରଶ୍ନର ଅନ୍ତ ଘଟିଛି।

ଆଜିକାଲି ସୋସିଆଲ ମିଡିଆରେ ଭାଇରାଲ ହେବା ପାଇଁ ଲୋକେ କଣ ନକରୁଛନ୍ତି! କେବେ ରାସ୍ତା ମଝିରେ ତ କେବେ ଟ୍ରେନ୍ ଭିତରେ ନାଚଗୀତ, ଆଉ କେବେ ବିପଜ୍ଜନକ ଷ୍ଟଣ୍ଟ କରି ନିଜ ଜୀବନକୁ ବିପଦରେ ପକାଉଛନ୍ତି। କିନ୍ତୁ ଏହାରି ଭିତରେ କିଛି ଏମିତି ଭିଡିଓ ସାମ୍ନାକୁ ଆସେ ଯାହା ମାନବିକତା ଉପରେ ପୁଣିଥରେ ବିଶ୍ୱାସ ଜନ୍ମାଏ। ବର୍ତ୍ତମାନ ସେମିତି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ କିଛି ଯୁବକ ରାସ୍ତା ସଫା କରି ଏମିତି ଏକ ମହତ କାମ କରିଛନ୍ତି, ଯାହାକୁ ଦେଖି ସମସ୍ତେ ପ୍ରଶଂସା କରୁଛନ୍ତି।

https://twitter.com/DineshRedBull/status/2015609861942452540

ଭିଡିଓରେ ଦେଖିବାକୁ ମିଳିଛି ଯେ, ଏକ ଗାଁ ରାସ୍ତା କଡ଼ରେ ଏକ ବଡ଼ ଗଛ ପଡ଼ିଯିବା କାରଣରୁ ଯାତାୟାତରେ ଘୋର ବାଧା ସୃଷ୍ଟି ହୋଇଥିଲା। ରାସ୍ତାଟି ବଙ୍କା ଥିବାରୁ ସେହି ସ୍ଥାନରେ ଦୁର୍ଘଟଣା ଘଟିବାର ଆଶଙ୍କା ମଧ୍ୟ ଅଧିକ ଥିଲା। ତେବେ ସେହି ବାଟ ଦେଇ ଯାଉଥିବା କିଛି ଯୁବକ ଏହାକୁ ଅଣଦେଖା ନକରି ନିଜେ ସଫା କରିବାକୁ ଆଗେଇ ଆସିଥିଲେ। ସେମାନେ କୁରାଢ଼ି ଏବଂ କୋଦାଳ ସାହାଯ୍ୟରେ ଗଛର ଡାଳ କାଟି ରାସ୍ତାକୁ ସମ୍ପୂର୍ଣ୍ଣ ସଫା କରିଦେଇଥିଲେ, ଯାହାଦ୍ୱାରା ଏକ ବଡ଼ ବିପଦ ଟଳି ଯାଇଥିଲା।

ଏହି ହୃଦୟସ୍ପର୍ଶୀ ଭିଡିଓଟିକୁ ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ' (ଟ୍ୱିଟର)ରେ @DineshRedBull ନାମକ ଆକାଉଣ୍ଟରୁ ସେୟାର କରାଯାଇଛି। କ୍ୟାପସନରେ ଲେଖାଯାଇଛି, "ଯେଉଁମାନେ ଅନ୍ୟମାନଙ୍କ ପାଇଁ ରାସ୍ତା ସଫା କରନ୍ତି, ସେମାନେ ହିଁ ପ୍ରକୃତ ମଣିଷ।" ଏହି ୧ ମିନିଟ୍ ୩୪ ସେକେଣ୍ଡର ଭିଡିଓକୁ ବର୍ତ୍ତମାନ ସୁଦ୍ଧା ୨ ଲକ୍ଷରୁ ଅଧିକ ଥର ଦେଖାସରିଲାଣି ଏବଂ ୯ ହଜାରରୁ ଅଧିକ ଲୋକ ଏହାକୁ ଲାଇକ୍ କରିଛନ୍ତି।

ଭିଡିଓ ଦେଖିବା ପରେ ୟୁଜର୍ସ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି। ଜଣେ ୟୁଜର ଲେଖିଛନ୍ତି, "ପରୋପକାର ହିଁ ମାନବିକତାର ପ୍ରକୃତ ରୂପ"। ଅନ୍ୟ କିଛି ଲୋକ ଏହାକୁ ସ୍କ୍ରିପ୍ଟେଡ୍ ଭିଡିଓ ବୋଲି କହୁଥିଲେ ମଧ୍ୟ ଏଥିରୁ ମିଳୁଥିବା ସାମାଜିକ ବାର୍ତ୍ତାକୁ ପ୍ରଶଂସା କରିଛନ୍ତି। ଯୁବକମାନଙ୍କର ଏହି 'ସିଭିକ୍ ସେନ୍ସ' ବା ନାଗରିକ ଦାୟିତ୍ୱବୋଧକୁ ସମସ୍ତେ ସାଲ୍ୟୁଟ କରୁଛନ୍ତି।

କଟକ: ବାଦାମବାଡି ସରକାରୀ ୟୁପି ସ୍କୁଲରେ ଶିଶୁ ଦିବସ ପାଳନ ହେଉଥାଏ। ଶିକ୍ଷକ,ଶିକ୍ଷୟିତ୍ରୀଙ୍କ ସମ୍ମୁଖରେ ନୃତ୍ୟ କରିବାକୁ କୁହାଯାଇଥିଲା ୫ମ ଶ୍ରେଣୀର ଛାତ୍ର ମିକୁନ ନାୟକଙ୍କୁ। ୧୦ବର୍ଷର ଶିଶୁ ମିକୁନ କୁନିକୁନି ପାଦରେ ବଲିଉଡ୍‌ ମିଶା ହିପ୍‌-ପପ୍‌ ନୃତ୍ୟ କରିଥିଲେ। ଜଣେ ଶିକ୍ଷକ ମିକୁନଙ୍କ ନାଚିବା ବେଳର ଭିଡିଓ କରି ସାମାଜିକ ଗଣମାଧ୍ୟମରେ ଅପଲୋଡ୍‌ କରିବା ପରେ ନିଆଁ ଭଳି ଭିଡିଓ ବ୍ୟାପି ଯାଇଥିଲା। ୬ ଦିନ ତଳର ଭିଡିଓକୁ ୬ଲକ୍ଷ ଦର୍ଶକ ସାମାଜିକ ଗଣମାଧ୍ୟମରେ ପସନ୍ଦ କରିଥିବା ବେଳେ ଏଥିରେ କମେଣ୍ଟ ଦେଇଛନ୍ତି ଦେଶର ଅନେକ ନାମିଦାମୀ କଳାକାର। ଖୋଦ୍ ବଲିଉଡ ଅଭିନେତା ହ୍ରିତିକ ରୋଶନ କମେଣ୍ଟ ଜରିଆରେ ମିକୁନଙ୍କ ନୃତ୍ୟକୁ ପ୍ରଶଂସା କରିଛନ୍ତି।

https://www.instagram.com/reel/DRE_aojidB6/?utm_source=ig_web_copy_link&igsh=MzRlODBiNWFlZA==

ଡ୍ୟାନ୍ସର ଧନଶ୍ରୀ ବର୍ମା, କାଏଡେନ ଶର୍ମା, ଆୱେଜ ଦରବାର ପ୍ରମୁଖ ପ୍ରଶଂସାର ବାର୍ତ୍ତା ଛାଡିଛନ୍ତି ଏହି ଭାଇରାଲ ଭିଡିଓରେ। ଶଙ୍କରପୁର ଡିହସାହି ଅଞ୍ଚଳର ଦିବାନି ନାୟକ ଏବଂ ଦେବକୀ ନାୟକଙ୍କ ପୁଅ ହେଉଛନ୍ତି ମିକୁନ୍‌। ବାପା ଜଣେ ଟ୍ରାକ୍ଟର ଡ୍ରାଇଭର। ଶଙ୍କରପୁର ବାରିକ ସାହି ଅଞ୍ଚଳରେ ଥିବା ଏସବି ଡ୍ୟାନ୍ସ ସେଭେନ୍‌ ନାମକ ଏକ ଅନୁଷ୍ଠାନରେ ମିକୁନ ନୃତ୍ୟ ଶିକ୍ଷା କରୁଛନ୍ତି। ପାଠପଢ଼ା ସହିତ ଜଣେ ଭଲ ନୃତ୍ୟ କରୁଥିବା ମିକୁନ ବିଦ୍ୟାଳୟ ପାଇଁ ଗୌରବ ଆଣିଛନ୍ତି ବୋଲି ପ୍ରଧାନଶିକ୍ଷକ ଅଜୟ କୁମାର ବାରିକ କହିଛନ୍ତି। 

ନୂଆଦିଲ୍ଲୀ : ଏବେ ଲୋକଙ୍କୁ କାର୍ଟୁନ ନିଶା ଘାରିଛି। ନିଜର ତଥା ସାଙ୍ଗସାଥି ଓ ସମ୍ପର୍କୀୟଙ୍କ କାର୍ଟୁନ ଫଟୋ ବନାଇ ସୋସିଆଲ ମିଡିଆରେ ଛାଡୁଛନ୍ତି। ଏହା ଏକ ଟ୍ରେଣ୍ଡ (ଧାରା)ରେ ପରିଣତ ହୋଇଯାଇଛି। ରାଜନେତାଙ୍କଠାରୁ ଆରମ୍ଭ କରି ରାଜମିସ୍ତ୍ରୀ ପର୍ଯ୍ୟନ୍ତ ସମସ୍ତେ ଘିବଲି ମୋହର ପଡିଛନ୍ତି। ସମସ୍ତେ ଏହାକୁ ସର୍ଚ୍ଚ କରିବାରୁ ଘିବଲି ପ୍ରସ୍ତୁତ କରୁଥିବା ଏଆଇ ଚାଟ ଜିପିଟି ଉପରେ ଚାପ ବଢ଼ିବାରେ ଲାଗିଛି। କମ୍ପାନୀର ଅଧିକାରୀ ଲୋକଙ୍କୁ ଏଥିରୁ କ୍ଷାନ୍ତ ରହିବାକୁ ଅନୁରୋଧ କରିଥିଲେ ମଧ୍ୟ କେହି ଶୁଣୁନାହାନ୍ତି।

ଏପରିସ୍ଥଳେ ଜିବିଲି ସର୍ଚ୍ଚକୁ ନେଇ ଗୁଗୁଲ ଟ୍ରେଣ୍ଡ ସ୍କେଲ ରିପୋର୍ଟ ସାମନାକୁ ଆସିଛି। ଏହି ଜିବିଲି ଟ୍ରେଣ୍ଡରେ ଓଡ଼ିଶା ଦେଶରେ ଦ୍ବିତୀୟ ସ୍ଥାନରେ ରହିଛି। ରାଜ୍ୟର ଏହାର ଲୋକପ୍ରିୟତା ୫୯ ପ୍ରତିଶତ ରହିଛି। ସେହିପରି ଲୋକପ୍ରିୟତାରେ ଗୁଜରାଟ ଶୀର୍ଷ (ଶତ ପ୍ରତିଶତ)ରେ ରହିଛି। ଓଡ଼ିଶା ପଛକୁ ମହାରାଷ୍ଟ୍ର (୫୬), ଉତ୍ତରାଖଣ୍ଡ (୫୩), ରାଜସ୍ଥାନରେ ଲୋକପ୍ରିୟତା ୪୮ ପ୍ରତିଶତ ରହିଛି। ଅନ୍ୟପକ୍ଷରେ ଜିବିଲି ଲାଗି ଲୋକଙ୍କ ଗୋପନୀୟତା ପ୍ରତି ବିପଦ ସୃଷ୍ଟି ହୋଇପାରେ ବୋଲି ବିଶେଷଜ୍ଞ ଚେତାଇ ଦେଇଛନ୍ତି।

କ’ଣ ଏହି ‘ଘିବଲି’ ଆର୍ଟ

ଘିବଲି ଏବେ ଲୋକଙ୍କ ପାଇଁ ନୂଆ ହେଲେ ବି ଏହାର ପ୍ରାରମ୍ଭ ୧୯୮୫ ମସିହାରେ ହୋଇଥିଲା। ଘିବଲିର ସମ୍ବନ୍ଧ ଜାପାନ ସହିତ ଅଛି। ଏହାର ଶ୍ରେୟ ହାୟାଓ ମିୟାଜାକି ଏବଂ ତାଙ୍କ ଷ୍ଟୁଡିଓ ଘିବଲିକୁ ଯାଏ। ମିୟାଜାକି ହେଲେ ଘିବଲି ଷ୍ଟୁଡିଓର ପ୍ରତିଷ୍ଠାତା। ତେବେ ତାଙ୍କୁ ଜାପାନୀ ଆନିମେସନ ଦୁନିଆର ବାଦଶାହ ବୋଲି କୁହାଯାଏ। ସେ ୨୫ରୁ ଅଧିକ ଆନିମେଟେଡ୍‌ ଫିଲ୍ମ ଏବଂ ଟିଭି ସିରିଜ୍ ପ୍ରସ୍ତୁତ କରିଛନ୍ତି। ତେବେ ତାଙ୍କର ସବୁଠୁ ଅଧିକ ଅର୍ଥ ଉପାର୍ଜନ କରିଥିବା ଫିଲ୍ମ ହେଉଛି ‘ସ୍ପିରିଟେଡ୍‌ ଆୱେ।’ ଏହା ୨୩ କୋଟି ଟଙ୍କା ଆୟ କରିଥିଲା।

ଷ୍ଟୁଡିଓ ଘିବଲି ସୁନ୍ଦର ଆନିମେସନ ଫିଲ୍ମ ଦ୍ବାରା ବହୁ ଅର୍ଥ କମାଇଛି। ଏହି କାରଣ ଯୋଗୁଁ ଏହା ହେଉଛି ବିଶ୍ବର ସବୁଠୁ ବଡ଼ ଆନିମେଶନ ଷ୍ଟୁଡିଓ। ତେବେ ଷ୍ଟୁଡିଓ ଘିବଲି କେବଳ ଆନିମେସନ ଦ୍ବାରା ନୁହେଁ, ବରଂ ସେ ତା’ର ଉତ୍ପାଦ (ଖେଳଣା, କପଡ଼ା), ଡିଭିଡିର ବିକ୍ରି ଏବଂ ଅନ୍‌ଲାଇନ୍‌ ଷ୍ଟ୍ରିମିଂ ରାଇଟ୍‌ ଦ୍ବାରା ମଧ୍ୟ ଖୁବ୍ ଆୟ କରେ। ସେହିପରି ମିୟାଜାକିଙ୍କ ମୋଟ ସମ୍ପତ୍ତି ସଠିକ୍‌ ଅନୁମାନ କରାଯିବା ସମ୍ଭବ ନୁହେଁ। କୁହାଯାଏ, ତାଙ୍କର ସମୁଦାୟ ସମ୍ପତ୍ତି ୪୨୮ କୋଟି ଟଙ୍କା।

ତେବେ ଏବେ ଚାଟ୍‌ଜିପିଟି ପ୍ଲାଟ୍‌ଫର୍ମ ବ୍ୟବହାରକାରୀଙ୍କ ପାଇଁ ଘିବଲି ଆନିମେସନ ତିଆରି କରୁଛି। ସାମାଜିକ ଗଣମାଧ୍ୟମରେ ଏଭଳି ଫଟୋ ଓ ଭିଡିଓ ଖୁବ୍ ଭାଇରାଲ ହେଉଛି। ଏହା ମାଧ୍ୟମରେ ଲୋକେ ନିଜ ସ୍ମୃତିକୁ ଘିବଲି ଷ୍ଟାଇଲରେ ଦେଖୁଛନ୍ତି। ଆଗାମୀ ଦିନରେ ଏଆଇର ଅନ୍ୟ ଟୁଲ୍ ମଧ୍ୟ ଏ ପ୍ରକାର ଇମେଜ୍‌ ଓ ଭିଡିଓ ତିଆରି କରିବେ। ତେଣୁ କୁହାଯାଉଛି, ଏହା ଦ୍ବାରା ମିୟାଜାକି ଏବଂ ଘିବଲି ଷ୍ଟୁଡିଓ ଉପରେ ପ୍ରଭାବ ପଡ଼ିପାରେ। ଏଆଇ ପ୍ଲାଟଫର୍ମ ଦ୍ବାରା ତିଆରି ଘିବ୍‌ଲି ଷ୍ଟାଇଲକୁ ଲୋକେ ଖୁବ୍ ପସନ୍ଦ କରୁଛନ୍ତି। ହେଲେ ଏହାକୁ ନେଇ ମିୟାଜାକି ଆଦୌ ଖୁସି ନାହାନ୍ତି। ମିୟାଜାକି ଏହାକୁ ଜୀବନ ପ୍ରତି ଅପମାନ ବୋଲି କହିଛନ୍ତି। ତାଙ୍କ କହିବା କଥା, ଏଆଇ ମଣିଷର ଭାବନାକୁ ବୁଝିପାରି ନ ଥାଏ। ଏଥିରେ ମଣିଷଙ୍କ ଭଳି ସୃଜନଶୀଳତାର ଅଭାବ ଦେଖିବାକୁ ମିଳେ।

‘ମନି ହାଇଷ୍ଟ୍’ ଏକ ଲୋକପ୍ରିୟ ୱେବସିରିଜ, ଏହାର କ୍ରେଜ ସାରା ବିଶ୍ୱରେ ରହିଛି | ସେପ୍ଟେମ୍ବର ୩ରେ ରିଲିଜ ହେବାକୁ ଯାଉଛି ମନି ହାଇଷ୍ଟର ଶେଷ ସିଜିନ। ଏହି ଲୋକପ୍ରିୟ ୱେବସିରିଜର ଶେଷ ସିଜିନ ପାଇଁ ଲୋକେ ଦୀଘଁଦିନ ଧରି ଅପେକ୍ଷା କରି ରହିଥିବା ବେଳେ ଏହା ଆସନ୍ତା ୩ ତାରିଖରେ ରିଲିଜ ହେବାକୁ ଯାଉଛି। ଏହି ୱେବସିରିଜ କ୍ରେଜ ଦେଖି ଗୋଟେ ରାଜସ୍ଥାନ ଜୟପୁରର ଏକ କମ୍ପାନି ତା କର୍ମଚାରୀଙ୍କୁ ସେପ୍ଟେମ୍ବର ୩ ଦିନ ଛୁଟି ଘୋଷଣା କରିଛି।

 

View this post on Instagram

 

A post shared by VerveLogic (@vervelogicin)

ଆସନ୍ତା ୩ ତାରିଖ ଦିନ ଏହି କମ୍ପାନି ତାର କର୍ମଚାରୀଙ୍କ ପାଇଁ ନେଟ ଫ୍ଲିକ୍ସ ଏବଂ ଚିଲ ହଲି ଡେ ଛୁଟି ରୂପେ ଘୋଷଣା କରିଛି। କମ୍ପାନିର ସିଇଓ ଅଭିଷେକ ସୋସିଆଲ ମିଡିଆରେ ଏକ ପୋଷ୍ଟ କରି କର୍ମଚାରୀଙ୍କ ପାଇଁ ଦିନଟିଏ ଛୁଟି ଘୋଷଣା କରିଥିବା କହିଛନ୍ତି।

‘ମନି ହାଇଷ୍ଟ୍’ ଶେଷ ସିଜିନର ଦୁଇଟି ପାର୍ଟ ଓଟିଟି ଫ୍ଲାଟପର୍ମ ନେଟଫ୍ଲିକ୍ସରେ ଉପଲବ୍ଧ ହେବ। ପ୍ରଥମଟି ସେପ୍ଟେମ୍ବର ୩ରେ ରିଲିଜ ହେବାକୁ ଥିବା ବେଳେ, ଦ୍ୱିତୀୟଟି ଡିସେମ୍ବର ୩ରେ ଆସିବ। ମନି ହାଇଷ୍ଟ ୱେବ ସିରିଜର କ୍ରେଜ କେବେଳ ଭାରତରେ ନୁହେଁ ସାରା ବିଶ୍ୱରେ ଦେଖିବାକୁ ମିଳିଛି । ୱେବ ସିରିଜଟି ଡକାୟତି କାହାଣୀ ଉପରେ ଆଧାରିତ।

ପ୍ରଫେସର ଓ ତାଙ୍କ ଗ୍ୟାଙ୍ଗ କିଭଳି ଡକାୟତି କରୁଛନ୍ତି ତାକୁ ନେଇ ତିଆରି ହୋଇଛି ଏହି ୱେବସିରିଜ୍ । ପ୍ରଫେସର ଓ ବର୍ଲିନଙ୍କ ଅଭିନୟକୁ ବେଶ ପସନ୍ଦ କରୁଥିଲେ । ପୂର୍ବରୁ ଏହାର ୪ଟି ସିଜିନ ଆସିସାରିଥିବା ବେଳେ ଏହା ହେବ ଶେଷ ସିଜିନ।