ନେଟଫ୍ଲିକ୍ସ (Netflix) ଇତିହାସରେ ସବୁଠାରୁ ସଫଳ ତଥା ଲୋକପ୍ରିୟ ନନ୍-ଇଂଲିଶ୍ କ୍ରାଇମ୍-ଥ୍ରିଲର୍ ସିରିଜ୍ 'ମନି ହାଇଷ୍ଟ' (Money Heist) ପୁଣି ଥରେ ଫେରୁଥିବା ନେଇ ଚର୍ଚ୍ଚା ଜୋର ଧରିଛି। ଓଟିଟି ପ୍ଲାଟଫର୍ମ ପକ୍ଷରୁ ଏକ ନୂଆ ଭିଡିଓ ଜାରି କରାଯାଇଛି, ଯେଉଁଥିରେ 'କାହାଣୀ ଏପର୍ଯ୍ୟନ୍ତ ଶେଷ ହୋଇନାହିଁ' ବୋଲି ଉଲ୍ଲେଖ ରହିଛି। ଏହା ସିରିଜର ନୂଆ ସିଜନ୍ ଆସିବା ନେଇ ବଡ଼ ସଙ୍କେତ ଦେଇଛି।

ଟିଜରରୁ ମିଳିଲା ନୂଆ ସିଜନର ସଙ୍କେତ

ମନି ହାଇଷ୍ଟର ସ୍ପିନ୍-ଅଫ୍ ସିରିଜ୍ ବର୍ଲିନ୍ ସିଜନ୍ ୨ (Berlin Season 2) ଖୁବଶୀଘ୍ର ଷ୍ଟ୍ରିମ୍ ହେବାକୁ ଯାଉଛି। ଏହି ଅବସରରେ ନିର୍ମାତାମାନେ 'ମନି ହାଇଷ୍ଟ'ର ପୂର୍ବ ୫ଟି ସିଜନକୁ ମିଶାଇ ଏକ ଫ୍ଲାସବ୍ୟାକ୍ ଭିଡିଓ ସେୟାର କରିଛନ୍ତି। ଏହି ଭିଡିଓରେ ସିରିଜର ପୂରା ଯାତ୍ରା ପ୍ରଦର୍ଶିତ ହୋଇଛି, ଯେଉଁଥିରେ ବ୍ୟାଙ୍କ୍ ଲୁଟ୍ ଠାରୁ ଆରମ୍ଭ କରି ସୁନା ଚୋରି, ସିରିଜର ଲୋକପ୍ରିୟ ଥିମ୍ ସଙ୍ଗୀତ 'ବେଲା ଚାଓ' (Bella Ciao) ଏବଂ ସେମାନଙ୍କର ସ୍ୱତନ୍ତ୍ର ମାସ୍କ ଅବତାର ଦେଖିବାକୁ ମିଳିଛି। ତେବେ ଭିଡିଓର ଶେଷରେ ନେଟଫ୍ଲିକ୍ସ ଲେଖିଛି ଯେ, ପରବର୍ତ୍ତୀ ଚୋରି ପାଇଁ ପ୍ରସ୍ତୁତି ଆରମ୍ଭ ହୋଇସାରିଛି। ଏହି ବାର୍ତ୍ତା ପରେ ମନି ହାଇଷ୍ଟ ସିଜନ୍ ୬ (Money Heist Season 6) ର ପ୍ରଡକ୍ସନ୍ ଆରମ୍ଭ ହୋଇଯାଇଥିବା ନେଇ ଦର୍ଶକଙ୍କ ମଧ୍ୟରେ ଉତ୍ସାହ ବୃଦ୍ଧି ପାଇଛି।

'ବର୍ଲିନ୍ ସିଜନ୍ ୨' ଉପରେ ରହିଛି ନଜର

ନେଟଫ୍ଲିକ୍ସ ଏପର୍ଯ୍ୟନ୍ତ ସ୍ପଷ୍ଟ କରିନାହିଁ ଯେ ଏହା 'ମନି ହାଇଷ୍ଟ'ର ଏକ ନୂଆ ସିଜନ୍ ହେବ ନା ବର୍ଲିନ୍ ଭଳି ଅନ୍ୟ କୌଣସି ନୂଆ ୟୁନିଭର୍ସ ନିର୍ମାଣ କରାଯିବ। କିନ୍ତୁ ଆସନ୍ତା ମେ ୧୫, ୨୦୨୬ ରୁ ନେଟଫ୍ଲିକ୍ସ (Netflix) ରେ ବର୍ଲିନ୍ ସିଜନ୍ ୨ ଗ୍ଲୋବାଲ୍ ସ୍ତରରେ ଷ୍ଟ୍ରିମ୍ ହେବାକୁ ଯାଉଥିବାରୁ ପ୍ରଶଂସକମାନେ ଏହାକୁ ନେଇ ବେଶ୍ ଉତ୍ସାହିତ ଅଛନ୍ତି।

ବିଶ୍ୱସ୍ତରରେ 'ମନି ହାଇଷ୍ଟ'ର ଅନେକ ରେକର୍ଡ

ସ୍ପେନୀୟ ଭାଷାରେ ନିର୍ମିତ ଏହି ସିରିଜ୍ ବିଶ୍ୱର ସବୁଠାରୁ ଅଧିକ ଦେଖାଯାଇଥିବା ନନ୍-ଇଂଲିଶ୍ ସିରିଜ୍ ଭାବରେ ପରିଚିତ। ପ୍ରଥମେ ଏହା ଦର୍ଶକଙ୍କର ସେତେଟା ଦୃଷ୍ଟି ଆକର୍ଷଣ କରିପାରିନଥିଲା, କିନ୍ତୁ ୨୦୧୭ ମସିହାରେ ନେଟଫ୍ଲିକ୍ସ ଏହାର ରାଇଟ୍ସ କିଣିବା ପରେ ଏହା ବିଶ୍ୱସ୍ତରରେ ଏକ ବ୍ଲକବଷ୍ଟର ସାବ୍ୟସ୍ତ ହୋଇଥିଲା। ଏହି ସିରିଜ୍ ଅନେକ ଭ୍ୟୁଅରସିପ୍ ରେକର୍ଡ ଭାଙ୍ଗିଛି। ଏହାର ଚତୁର୍ଥ ସିଜନ୍ ରିଲିଜ୍ ହେବାର ଗୋଟିଏ ମାସ ମଧ୍ୟରେ ୬୫ ମିଲିୟନରୁ ଅଧିକ ଭ୍ୟୁଜ୍ ହାସଲ କରିଥିଲା। ସେହିପରି ତୃତୀୟ ସିଜନକୁ ୩୪.୩ ମିଲିୟନ୍ ଲୋକ ଦେଖିଥିଲେ, ଯାହାକି କୌଣସି ନନ୍-ଇଂଲିଶ୍ ସିରିଜ୍ ପାଇଁ ଏକ ବହୁତ ବଡ଼ ଉପଲବ୍ଧି।

ବଲିଉଡ୍ ଅଭିନେତ୍ରୀ ତାପସୀ ପନ୍ନୁ ନିଜର ଆଗାମୀ ନେଟଫ୍ଲିକ୍ସ ଫିଲ୍ମ 'ଗାନ୍ଧାରୀ' କୁ ନେଇ ଖୁବ୍‌ ଚର୍ଚ୍ଚାରେ ଅଛନ୍ତି। ଏହି ମିଷ୍ଟ୍ରି ତଥା ଆକ୍ସନ୍ ଥ୍ରିଲର ଫିଲ୍ମରେ ସେ ଏଭଳି କିଛି ଆକ୍ସନ୍ ଦୃଶ୍ୟ କରିବାକୁ ଯାଉଛନ୍ତି, ଯାହା ସେ ପୂର୍ବରୁ କେବେ କରିନଥିଲେ। ମିଳିଥିବା ସୂଚନା ଅନୁଯାୟୀ, ଏହି ଫିଲ୍ମରେ ତାପସୀ ଆଖିରେ ପଟି ବାନ୍ଧି ଜବରଦସ୍ତ ଆକ୍ସନ୍ ସିକ୍ୱେନ୍ସ କରୁଥିବାର ନଜର ଆସିବେ।

ସୁଟିଂ ଶେଷ ହେବା ନେଇ ସୂଚନା

ନିକଟରେ ତାପସୀ ନିଜର ଏହି ଆଗାମୀ ଫିଲ୍ମର ସୁଟିଂ ଶେଷ କରିଛନ୍ତି। ସେ ସୋସିଆଲ୍ ମିଡିଆରେ ବିହାଇଣ୍ଡ-ଦ-ସିନ୍ (BTS) ଫଟୋ ସେୟାର୍ କରି ନିଜର ଅନୁଭୂତି ବଖାଣିଛନ୍ତି। ଏହି ଫିଲ୍ମଟି ତାଙ୍କ ପାଇଁ କେତେ ଆହ୍ୱାନପୂର୍ଣ୍ଣ ଥିଲା ସେ ବିଷୟରେ ଉଲ୍ଲେଖ କରି ସେ କହିଛନ୍ତି ଯେ, 'ଯଦି ମଣିଷ ଶରୀରରେ କୌଣସି NOS ମୋଡ୍ ଥାଏ, ତେବେ ମୁଁ ଏହି ଫିଲ୍ମରେ ତାହା ଅନୁଭବ କରିଛି।' ଦୃଢ଼ ଇଚ୍ଛାଶକ୍ତି ଏବଂ ସଂକଳ୍ପ ବଳରେ ସେ ଏହି କଠିନ ଆକ୍ସନ୍ ଦୃଶ୍ୟଗୁଡ଼ିକୁ ସମ୍ପୂର୍ଣ୍ଣ କରିଥିବା ପ୍ରକାଶ କରିଛନ୍ତି। ସୁଟିଂ ବେଳେ ଲାଗିଥିବା ଆଘାତ ତାଙ୍କୁ କେବଳ ଯନ୍ତ୍ରଣା ଦେଇନାହିଁ, ବରଂ ଏକ ନିଆରା ଆତ୍ମସନ୍ତୋଷ ମଧ୍ୟ ଦେଇଛି ବୋଲି ସେ କହିଛନ୍ତି। ସେୟାର କରାଯାଇଥିବା ଏକ ଫଟୋରେ ତାପସୀ ଆଖିରେ ପଟି ବାନ୍ଧି କିଛି ପିଲାଙ୍କ ଗହଣରେ ଥିବା ଦେଖିବାକୁ ମିଳିଛି।

ନିର୍ଦ୍ଦେଶନା ଏବଂ ପ୍ରଯୋଜନା

ଦେବାଶିଷ ମଖିଜାଙ୍କ ନିର୍ଦ୍ଦେଶନାରେ ନିର୍ମିତ ହେଉଥିବା ଏହି ନେଟଫ୍ଲିକ୍ସ ଫିଲ୍ମର କାହାଣୀ ଲେଖିଛନ୍ତି ଲୋକପ୍ରିୟ ଲେଖିକା କନିକା ଢିଲୋଁ। କଥା ପିକ୍ଚର୍ସ ବ୍ୟାନର୍‌ରେ କନିକା ଏହାର ପ୍ରଯୋଜନା ମଧ୍ୟ କରୁଛନ୍ତି। ଉଲ୍ଲେଖଯୋଗ୍ୟ ଯେ, ପୂର୍ବରୁ ତାପସୀ ଏବଂ କନିକାଙ୍କ ଯୋଡ଼ି 'ହସିନ୍ ଦିଲରୁବା' ଏବଂ 'ଫିର୍ ଆୟୀ ହସିନ୍ ଦିଲରୁବା' ଭଳି ହିଟ୍ ଫିଲ୍ମରେ ଏକାଠି କାମ କରି ଦର୍ଶକଙ୍କ ମନ ଜିଣିସାରିଛନ୍ତି। ଏହି ଫିଲ୍ମରେ ଇଶ୍ୱାକ୍ ସିଂହ ମଧ୍ୟ ଏକ ପ୍ରମୁଖ ଭୂମିକାରେ ନଜର ଆସିବେ।

ଫିଲ୍ମର କାହାଣୀ ଏବଂ ଆଗାମୀ ପ୍ରୋଜେକ୍ଟ

ଫିଲ୍ମର ଟାଇଟଲ୍ 'ଗାନ୍ଧାରୀ'ରୁ ଅନୁମାନ କରାଯାଉଛି ଯେ, ଏହାର କାହାଣୀ ମଣିଷର ଅନ୍ତର୍ନିହିତ ଶକ୍ତିର ଜାଗରଣ ଏବଂ ଅନ୍ୟାୟ ଉପରେ ନ୍ୟାୟର ବିଜୟ ଉପରେ ଆଧାରିତ। ନେଟଫ୍ଲିକ୍ସ ପକ୍ଷରୁ ଏଯାଏଁ ଏହାର ରିଲିଜ୍ ତାରିଖ ଘୋଷଣା କରାଯାଇନାହିଁ। କାମ କଥା କହିବାକୁ ଗଲେ, ତାପସୀଙ୍କୁ ଶେଷ ଥର ପାଇଁ ଅକ୍ଷୟ କୁମାରଙ୍କ ସହ କମେଡି ଫିଲ୍ମ 'ଖେଲ୍ ଖେଲ୍ ମେଁ'ରେ ଦେଖିବାକୁ ମିଳିଥିଲା। ଆଗାମୀ ଦିନରେ ସେ ଭରତ ନୀଳକଣ୍ଠନ୍‌ଙ୍କ ସାଇ-ଫାଇ ପ୍ରୋଜେକ୍ଟ 'ଏଲିୟନ୍' ରେ ମଧ୍ୟ ଅଭିନୟ କରୁଥିବାର ନଜର ଆସିବେ।

ବଲିଉଡ ଅଭିନେତା ମନୋଜ ବାଜପେୟୀଙ୍କ ଆଗାମୀ ଫିଲ୍ମ ‘ଘୁଷଖୋର ପଣ୍ଡତ’ (Ghooskhor Pandat)ର ଟିଜର ରିଲିଜ୍ ହେବା ମାତ୍ରେ ଏହାକୁ ନେଇ ବଡ଼ ଧରଣର ବିବାଦ ଆରମ୍ଭ ହୋଇଯାଇଛି। ଫିଲ୍ମର ଶୀର୍ଷକକୁ ନେଇ ବିରୋଧ ଏତେ ମାତ୍ରାରେ ବଢିଯାଇଥିଲା ଯେ, ନିକଟରେ ଲକ୍ଷ୍ନୌରେ ଏନେଇ ଏକ ଏଫଆଇଆର (FIR) ମଧ୍ୟ ରୁଜୁ ହୋଇଥିଲା। ବିବାଦକୁ ଦୃଷ୍ଟିରେ ରଖି ଏବେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସ (Netflix) ଏକ ବଡ଼ ପଦକ୍ଷେପ ନେଇଛି। ନେଟଫ୍ଲିକ୍ସ ନିଜର ସମସ୍ତ ସୋସିଆଲ ମିଡିଆ ପ୍ଲାଟଫର୍ମରୁ ଫିଲ୍ମର ଟିଜର ଏବଂ ଅନ୍ୟାନ୍ୟ ପ୍ରମୋସନାଲ କଣ୍ଟେଣ୍ଟକୁ ହଟାଇ ଦେଇଛି।

କାହିଁକି ହେଉଛି ବିବାଦ?

ଫିଲ୍ମର ନାମ ‘ଘୁଷଖୋର ପଣ୍ଡତ’ ରଖାଯାଇଥିବାରୁ ବ୍ରାହ୍ମଣ ସମାଜ ସମେତ ବିଭିନ୍ନ ସାମାଜିକ ସଙ୍ଗଠନ ଏହାକୁ ଦୃଢ ବିରୋଧ କରିଛନ୍ତି। ଅଭିଯୋଗ ହୋଇଛି ଯେ, ‘ପଣ୍ଡତ’ ବା ପଣ୍ଡିତ ଶବ୍ଦ ସହ ‘ଘୁଷଖୋର’ ଭଳି ଶବ୍ଦ ଯୋଡିବା ଦ୍ୱାରା ଏକ ନିର୍ଦ୍ଦିଷ୍ଟ ସମ୍ପ୍ରଦାୟର ଭାବନାକୁ ଆଘାତ ଲାଗିଛି ଏବଂ ଏହା ଅପମାନଜନକ ଅଟେ। ଏହି ମାମଲାରେ ଲକ୍ଷ୍ନୌର ହଜରତଗଞ୍ଜ ଥାନାରେ ଅଭିଯୋଗ ହେବା ପରେ ନିର୍ମାତା ଓ ଡିଷ୍ଟ୍ରିବ୍ୟୁଟରମାନେ ତୁରନ୍ତ ଏହି ନିଷ୍ପତ୍ତି ନେଇଛନ୍ତି।

I respect the emotions and concerns people have shared, and I take them seriously. When something you are part of causes hurt to some people, it makes you pause and listen.

As an actor, I come to a film through the character and the story I am playing. For me, this was about… https://t.co/IGlQtLQeNs

— manoj bajpayee (@BajpayeeManoj) February 6, 2026

ନିର୍ମାତା ନୀରଜ ପାଣ୍ଡେଙ୍କ ସ୍ପଷ୍ଟୀକରଣ

ଏହି ବିବାଦ ଉପରେ ପ୍ରତିକ୍ରିୟା ଦେଇ ଫିଲ୍ମର ଲେଖକ ତଥା ନିର୍ମାତା ନୀରଜ ପାଣ୍ଡେ ନିଜର ସ୍ପଷ୍ଟୀକରଣ ଦେଇଛନ୍ତି। ସେ କହିଛନ୍ତି, “ଏହା ସମ୍ପୂର୍ଣ୍ଣ ରୂପେ ଏକ କାଳ୍ପନିକ କପ୍ ଡ୍ରାମା। ଏଥିରେ ବ୍ୟବହୃତ ‘ପଣ୍ଡତ’ ଶବ୍ଦ କୌଣସି ଜାତିକୁ ଆକ୍ଷେପ କରିବା ଉଦ୍ଦେଶ୍ୟରେ ନିଆଯାଇ ନାହିଁ, ବରଂ ଏକ କାଳ୍ପନିକ ଚରିତ୍ର ପାଇଁ ବ୍ୟବହାର କରାଯାଇଛି। ଜଣେ ଚଳଚ୍ଚିତ୍ର ନିର୍ମାତା ଭାବରେ ମୁଁ ଦାୟିତ୍ୱବାନ ଏବଂ କାହାର ଭାବନାକୁ ଆଘାତ ଦେବା ମୋର ଉଦ୍ଦେଶ୍ୟ ନୁହେଁ। ତେବେ ଲୋକଙ୍କ ଭାବନାକୁ ସମ୍ମାନ ଜଣାଇ ଆମେ ଏହି ପଦକ୍ଷେପ ନେଇଛୁ।”

ମନୋଜ ବାଜପେୟୀ କ’ଣ କହିଲେ?

ମୁଖ୍ୟ ଅଭିନେତା ମନୋଜ ବାଜପେୟୀ ମଧ୍ୟ ସୋସିଆଲ ମିଡିଆରେ ଏକ ପୋଷ୍ଟ ଜରିଆରେ ନିଜର ମତ ରଖିଛନ୍ତି। ସେ କହିଛନ୍ତି ଯେ, ସେ ସର୍ବସାଧାରଣଙ୍କ ଭାବନା ଓ ଚିନ୍ତାଧାରାକୁ ସମ୍ମାନ କରନ୍ତି। ଯଦି କୌଣସି ବିଷୟବସ୍ତୁ କାହାକୁ ଆଘାତ ଦେଉଛି, ତେବେ ତାହା ବିଚାରଯୋଗ୍ୟ। ଏହା କେବଳ ଜଣେ ଭୁଲ୍ ବ୍ୟକ୍ତିର ଆତ୍ମ-ଉପଲବ୍ଧିର ଯାତ୍ରା ଥିଲା, କୌଣସି ସମ୍ପ୍ରଦାୟ ଉପରେ ଟିପ୍ପଣୀ ନୁହେଁ ବୋଲି ସେ ସ୍ପଷ୍ଟ କରିଛନ୍ତି।

ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଜୀବନରେ ଆସିଥିବା ଝଡ଼ ଶେଷରେ ଶାନ୍ତ ପଡ଼ିଛି। ଦୀର୍ଘ ୭ ବର୍ଷର ବନବାସ ପରେ ସେ ପୁଣିଥରେ ଅଭିନୟ ଜଗତକୁ ଫେରୁଛନ୍ତି। ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବିବାଦ ଘେରରେ ଥିବା ରିୟା ଏବେ ନିଜର ଦ୍ୱିତୀୟ ଇନିଂସ ଆରମ୍ଭ କରିବାକୁ ଯାଉଛନ୍ତି।

ନେଟଫ୍ଲିକ୍ସ ସିରିଜରେ ନଜର ଆସିବେ ରିୟା

ମଙ୍ଗଳବାର ମୁମ୍ବାଇରେ ଆୟୋଜିତ 'ନେକ୍ସଟ ଅନ୍ ନେଟଫ୍ଲିକ୍ସ' କାର୍ଯ୍ୟକ୍ରମରେ ଏହି ଘୋଷଣା କରାଯାଇଛି। ରିୟା ନେଟଫ୍ଲିକ୍ସର ଆଗାମୀ ୱେବ୍ ସିରିଜ୍ 'ଫ୍ୟାମିଲି ବିଜନେସ' (Family Business) ଜରିଆରେ କମବ୍ୟାକ୍ କରୁଛନ୍ତି। ଏହି ସିରିଜରେ ତାଙ୍କ ସହ ବରିଷ୍ଠ ଅଭିନେତା ଅନିଲ କପୁର ଏବଂ ବିଜୟ ବର୍ମା ମୁଖ୍ୟ ଭୂମିକାରେ ନଜର ଆସିବେ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

ରିୟା ନିଜ ଇନଷ୍ଟାଗ୍ରାମରେ ଏହି ସୋ’ର ଟିଜର ସେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, "୭ ବର୍ଷ ପରେ"। ଏହା ସହିତ ସେ ହାତ ଯୋଡିଥିବା ଏକ ଇମୋଜି ମଧ୍ୟ ଦେଇଛନ୍ତି, ଯାହା ଦର୍ଶାଉଛି ଯେ ସେ ଏହି ସୁଯୋଗ ପାଇଁ କେତେ କୃତଜ୍ଞ। ତାଙ୍କର ଏହି କମବ୍ୟାକ୍ ଖବର ଶୁଣି ପ୍ରଶଂସକମାନେ ବେଶ୍ ଖୁସି ବ୍ୟକ୍ତ କରିଛନ୍ତି।

୨୦୨୦ ମସିହାରେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ରିୟାଙ୍କୁ ଅନେକ ଆଇନଗତ ଲଢେଇ ଲଢିବାକୁ ପଡିଥିଲା। ଡ୍ରଗ୍ସ ମାମଲାରେ ତାଙ୍କୁ ଜେଲ ମଧ୍ୟ ଯିବାକୁ ପଡିଥିଲା। ତେବେ ୨୦୨୫ରେ ସେଣ୍ଟ୍ରାଲ ବ୍ୟୁରୋ ଅଫ୍ ଇନଭେଷ୍ଟିଗେସନ୍ (CBI) ନିଜର କ୍ଲୋଜର ରିପୋର୍ଟରେ ରିୟାଙ୍କୁ ସମସ୍ତ ଅଭିଯୋଗରୁ ମୁକ୍ତ କରିବା ସହ କ୍ଲିନ୍ ଚିଟ୍ ଦେଇଥିଲା। ଏବେ ସବୁ ଅତୀତକୁ ପଛରେ ପକାଇ ସେ ଆଗକୁ ବଢିବାକୁ ପ୍ରସ୍ତୁତ।

ବଲିଉଡର ସୁପରହିଟ୍ ଆକ୍ସନ୍ ଥ୍ରୀଲର ଫିଲ୍ମ ‘ଧୁରନ୍ଧର’ (Dhurandhar) ବକ୍ସ ଅଫିସରେ ଧମାଲ୍ କରିବା ପରେ ଏବେ ଓଟିଟି ପ୍ଲାଟଫର୍ମକୁ ଆସିଯାଇଛି। ୩୦ ଜାନୁଆରୀ, ୨୦୨୬ ଅର୍ଥାତ୍ ଆଜିଠାରୁ ଏହା ନେଟଫ୍ଲିକ୍ସ (Netflix) ରେ ଷ୍ଟ୍ରିମ୍ ହେଉଛି। କିନ୍ତୁ ଏହାର ଡିଜିଟାଲ୍ ରିଲିଜ୍ ଦର୍ଶକଙ୍କୁ ଖୁସି କରିବା ବଦଳରେ ନିରାଶ କରିଛି। ଦର୍ଶକଙ୍କ ଅଭିଯୋଗ ଯେ ଓଟିଟି ଭର୍ଜନରେ ଫିଲ୍ମର ଅନେକ ଗୁରୁତ୍ୱପୂର୍ଣ୍ଣ ଦୃଶ୍ୟ କାଟି ଦିଆଯାଇଛି, ଯାହା ଫଳରେ ସିନେମାର ମଜା ଫିକା ପଡିଯାଇଛି।

ସିନେମା ହଲରେ ଫିଲ୍ମର ଅବଧି ୩ ଘଣ୍ଟା ୩୪ ମିନିଟ୍ ଥିବାବେଳେ ନେଟଫ୍ଲିକ୍ସରେ ଏହା ମାତ୍ର ୩ ଘଣ୍ଟା ୨୫ ମିନିଟ୍ ରହିଛି। ଅର୍ଥାତ୍ ପ୍ରାୟ ୯ରୁ ୧୦ ମିନିଟର ସିନ୍ କାଟି ଦିଆଯାଇଛି। କେବଳ ସେତିକି ନୁହେଁ, ଅନେକ ଡାଏଲଗକୁ ମ୍ୟୁଟ୍ କରାଯାଇଛି ଏବଂ କିଛି ଆପତ୍ତିଜନକ ଶବ୍ଦକୁ ମଧ୍ୟ ହଟାଇ ଦିଆଯାଇଛି। ସିନେମା ହଲରେ ଧମାଲ୍ କରିଥିବା ଏହି ଫିଲ୍ମର ଓଟିଟି ଭର୍ଜନ ଦେଖି ଦର୍ଶକମାନେ ନିର୍ମାତାଙ୍କ ଉପରେ ଅସନ୍ତୋଷ ପ୍ରକାଶ କରିଛନ୍ତି।

ସୋସିଆଲ ମିଡିଆରେ ବର୍ଷିଲେ ଦର୍ଶକ

ଫ୍ୟାନ୍ସ ଆଶା କରିଥିଲେ ଯେ ଓଟିଟିରେ ସେମାନେ ଫିଲ୍ମର ଅନକଟ୍ (Uncut) ଭର୍ଜନ ଦେଖିବାକୁ ପାଇବେ, କିନ୍ତୁ ତାହା ହେଲା ନାହିଁ। ଜଣେ ୟୁଜର ସୋସିଆଲ ମିଡିଆରେ ଲେଖିଛନ୍ତି ଯେ, "ଯଦି ଫିଲ୍ମକୁ 'ଏ' ସାର୍ଟିଫିକେଟ୍ ମିଳିଛି ଏବଂ ଦର୍ଶକ ୧୮ ବର୍ଷରୁ ଊର୍ଦ୍ଧ୍ୱ, ତେବେ ଓଟିଟିରେ ସେନସର କରିବାର ଆବଶ୍ୟକତା କଣ? ଆମେ କଣ ୫ ବର୍ଷର ପିଲା?" ଅନ୍ୟ କିଛି ଦର୍ଶକ ଏହାକୁ ‘ଏନିମଲ’ ଏବଂ ‘କବୀର ସିଂ’ ଭଳି ଫିଲ୍ମ ସହ ତୁଳନା କରି ନିଜର ରାଗ ପ୍ରକାଶ କରିଛନ୍ତି।

୧୩୦୦ କୋଟିର ବ୍ୟବସାୟ ଓ ଷ୍ଟାରକାଷ୍ଟ

ଆଦିତ୍ୟ ଧରଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ୫ ଡିସେମ୍ବର, ୨୦୨୫ରେ ରିଲିଜ୍ ହୋଇଥିଲା ଏବଂ ବକ୍ସ ଅଫିସରେ ପ୍ରାୟ ୧୩୦୦ କୋଟି ଟଙ୍କାର ଗ୍ରସ୍ କଲେକ୍ସନ୍ କରି ରେକର୍ଡ ସୃଷ୍ଟି କରିଥିଲା। ଏଥିରେ ରଣବୀର ସିଂ, ଅକ୍ଷୟ ଖାନ୍ନା, ଅର୍ଜୁନ ରାମପାଲ, ସଞ୍ଜୟ ଦତ୍ତ ଏବଂ ଆର. ମାଧବନଙ୍କ ଭଳି ଷ୍ଟାର୍ ଅଭିନୟ କରିଛନ୍ତି। ଆସନ୍ତା ମାର୍ଚ୍ଚ ମାସରେ ଫିଲ୍ମର ସିକ୍ୱେଲ୍ ମଧ୍ୟ ଆସିବାକୁ ଯାଉଛି।

ନୂଆଦିଲ୍ଲୀ: ଆମେରିକାର ଷ୍ଟ୍ରିମିଂ କମ୍ପାନୀ ତଥା ଓଟିଟି ପ୍ଲାଟଫର୍ମ ନେଟଫ୍ଲିକ୍ସ ଇଣ୍ଡିଆ ଭାରତରେ ଅଡୁଆରେ ଫସିଛି। କମ୍ପାନୀର ସ୍ଥାନୀୟ କାର୍ଯ୍ୟର ବ୍ୟବସାୟିକ କାର୍ଯ୍ୟକଳାପ ଉପରେ ଭାରତ ସରକାର ତଦନ୍ତ ଆରମ୍ଭ କରିଛନ୍ତି। ଏଥିରେ ଭିସା ଆଇନର ଉଲ୍ଲଂଘନ ଏବଂ ଜାତିଗତ ଭେଦଭାବ ଭଳି ସଙ୍ଗୀନ୍‌ ଅଭିଯୋଗ ରହିଛି। ଏହି ସୂଚନା ଏକ ସରକାରୀ ଇ-ମେଲରେ ଦିଆଯାଇଛି, ଯାହା ୨୦୨୦ରେ କମ୍ପାନୀ ଛାଡିଥିବା ପୂର୍ବତନ ନେଟଫ୍ଲିକ୍ସ କାର୍ଯ୍ୟନିର୍ବାହୀ ନନ୍ଦିନୀ ମେହେଟ୍ଟାଙ୍କୁ ପଠାଯାଇଥିଲା।

ଜୁଲାଇ ୨୦ରେ ପଠାଯାଇଥିବା ଏହି ଇ-ମେଲରେ ଗୃହ ମନ୍ତ୍ରଣାଳୟର ବୈଦେଶିକ ଆଞ୍ଚଳିକ ପଞ୍ଜୀକରଣ କାର୍ଯ୍ୟାଳୟ (ଏଫ୍‌ଆର୍‌ଆର୍‌ଓ) ଅଧିକାରୀ ଦୀପକ ଯାଦବ ଲେଖିଛନ୍ତି ଯେ ଭାରତରେ ନେଟଫ୍ଲିକ୍ସର ବ୍ୟବସାୟିକ ଆଚରଣ ସହ ଭିସା ଏବଂ ଟିକସ ଆଇନ ଉଲ୍ଲଂଘନ ଚିନ୍ତାର ବିଷୟ। ଶ୍ରୀ ମେହେଟ୍ଟା ଏକ ଇ-ମେଲ ବିବୃତ୍ତିରେ କହିଛନ୍ତି ଯେ ଭିସା ଉଲ୍ଲଂଘନ, ବେଆଇନ କାର୍ଯ୍ୟବ୍ୟବସ୍ଥା, ଟିକସ ଫାଙ୍କି ଏବଂ ଏବଂ ଜାତିଗତ ଭେଦଭାବ ଭଳି ଅନ୍ୟାନ୍ୟ ଅନିୟମିତତା ସମେତ କମ୍ପାନୀର ଆଚରଣ ସମ୍ପର୍କରେ ଆମେ କିଛି ତଥ୍ୟ ପାଇଛୁ, ଯାହା କମ୍ପାନୀ ଭାରତରେ ଏହାର ବ୍ୟବସାୟ ଚଳାଇବା ସହ ଜଡିତ। ତେବେ କମ୍ପାନୀ ଏହି ଅଭିଯୋଗକୁ ଅସ୍ୱୀକାର କରିଛି। ନେଟଫ୍ଲିକ୍ସର ମୁଖପାତ୍ର କହିଛନ୍ତି ଯେ ଭାରତ ସରକାରଙ୍କ ଦ୍ବାରା କୌଣସି ଅନୁସନ୍ଧାନ ବିଷୟରେ କମ୍ପାନୀ ପାଖରେ ସେପରି କିଛି ତଥ୍ୟ ନାହିଁ।

ନନ୍ଦିନୀ ମେହେଟ୍ଟା ୨୦୨୦ରେ ନେଟଫ୍ଲିକ୍ସ ଛାଡିଥିଲେ। ଏହାପରେ ସେ ଆମେରିକାରେ ନେଟଫ୍ଲିକ୍ସ ବିେରାଧରେ ଅନୁଚିତ ଭାବେ ଚାକିରୀରୁ ବହିଷ୍କାର କରିବା ଏବଂ ଜାତିଗତ ଏବଂ ଲିଙ୍ଗଗତ ଭେଦଭାବ ଅଭିଯୋଗ କରି ଏକ ମାମଲା ଦାଏର କରିଥିଲେ। ତେବେ ନେଟଫ୍ଲିକ୍ସ ଏହି ଅଭିଯୋଗକୁ ଅସ୍ୱୀକାର କରିଛି। ମେହେଟ୍ଟା ଭାରତ ସରକାରଙ୍କ ତଦନ୍ତକୁ ସ୍ୱାଗତ କରିବା ସହ ଅନୁସନ୍ଧାନର ଫଳାଫଳ ସାର୍ବଜନୀନ ହେବ ବୋଲି ଆଶା ପ୍ରକଟ କରିଛନ୍ତି। ତେବେ ଅନେକ ଅଭିଯୋଗ ସମ୍ପର୍କରେ ସେ ଅଧିକ ବିବରଣୀ ଦେବାକୁ ମନା କରିଦେଇଛନ୍ତି। ଏଠାରେ ସୂଚନାଯୋଗ୍ୟ ଯେ, ନେଟଫ୍ଲିକ୍ସ ବିରୋଧରେ ଭାରତରେ ପୂର୍ବରୁ ଅନେକ ଅନୁସନ୍ଧାନ ଚାଲିଛି। ନେଟଫ୍ଲିକ୍ସର ଭାରତରେ ପ୍ରାୟ ୧୦ ମିଲିୟନ୍ ଅର୍ଥାତ୍ ୧ କୋଟି ଗ୍ରାହକ ଅଛନ୍ତି। ବର୍ଷ ବର୍ଷ ଧରି ନେଟଫ୍ଲିକ୍ସ ବଲିଉଡ ଅଭିନେତାମାନଙ୍କ ସହିତ ଅଧିକ ସ୍ଥାନୀୟ ବିଷୟବସ୍ତୁର ବିକାଶ କରିଛି। ତେବେ କିଛି ଦର୍ଶକ ଏବଂ ସରକାରୀ କର୍ମଚାରୀଙ୍କ ଦ୍ବାରା ସମ୍ବେଦନଶୀଳ ବିବେଚନା କରାଯାଉଥିବା ବିଷୟବସ୍ତୁ ଉପରେ ନେଟଫ୍ଲିକ୍ସ ମଧ୍ୟ ବିବାଦର ସମ୍ମୁଖୀନ ହୋଇଛି। ବର୍ତ୍ତମାନର ତଦନ୍ତବ୍ୟତୀତ, ନେଟଫ୍ଲିକ୍ସ ୨୦୨୩ରୁ ଭାରତ ସରକାରଙ୍କ ଆଡୁ ଟିକସ ପ୍ରସଙ୍ଗରେ ଆହ୍ବାନର ସମ୍ମୁଖୀନ ହେଉଛି। ସୂଚନାଯୋଗ୍ୟ ଯେ, ନନ୍ଦିନୀ ମେହେଟ୍ଟା ୨୦୧୮ ରୁ ୨୦୨୦ ପର୍ଯ୍ୟନ୍ତ ନେଟଫ୍ଲିକ୍ସର ଲସ୍ ଆଞ୍ଜେଲସ୍ ଏବଂ ମୁମ୍ବାଇ କାର୍ଯ୍ୟାଳୟରେ କାର୍ଯ୍ୟ କରିଥିଲେ। ଭାରତ ସରକାରଙ୍କ ଇ-ମେଲରେ ତାଙ୍କୁ କମ୍ପାନୀରେ ଆଇନଗତ କାର୍ଯ୍ୟନିର୍ବାହୀ ଭାବରେ ତାଙ୍କର ପୂର୍ବତନ ଭୂମିକା ଥିବାରୁ ଅନୁସନ୍ଧାନ ସହ ଜଡିତ ଡକ୍ୟୁମେଣ୍ଟ ଏବଂ ବିବରଣୀ ପ୍ରଦାନ କରିବାକୁ ଅନୁରୋଧ କରାଯାଇଥିଲା।

‘ମନି ହାଇଷ୍ଟ୍’ ଏକ ଲୋକପ୍ରିୟ ୱେବସିରିଜ, ଏହାର କ୍ରେଜ ସାରା ବିଶ୍ୱରେ ରହିଛି | ସେପ୍ଟେମ୍ବର ୩ରେ ରିଲିଜ ହେବାକୁ ଯାଉଛି ମନି ହାଇଷ୍ଟର ଶେଷ ସିଜିନ। ଏହି ଲୋକପ୍ରିୟ ୱେବସିରିଜର ଶେଷ ସିଜିନ ପାଇଁ ଲୋକେ ଦୀଘଁଦିନ ଧରି ଅପେକ୍ଷା କରି ରହିଥିବା ବେଳେ ଏହା ଆସନ୍ତା ୩ ତାରିଖରେ ରିଲିଜ ହେବାକୁ ଯାଉଛି। ଏହି ୱେବସିରିଜ କ୍ରେଜ ଦେଖି ଗୋଟେ ରାଜସ୍ଥାନ ଜୟପୁରର ଏକ କମ୍ପାନି ତା କର୍ମଚାରୀଙ୍କୁ ସେପ୍ଟେମ୍ବର ୩ ଦିନ ଛୁଟି ଘୋଷଣା କରିଛି।

 

View this post on Instagram

 

A post shared by VerveLogic (@vervelogicin)

ଆସନ୍ତା ୩ ତାରିଖ ଦିନ ଏହି କମ୍ପାନି ତାର କର୍ମଚାରୀଙ୍କ ପାଇଁ ନେଟ ଫ୍ଲିକ୍ସ ଏବଂ ଚିଲ ହଲି ଡେ ଛୁଟି ରୂପେ ଘୋଷଣା କରିଛି। କମ୍ପାନିର ସିଇଓ ଅଭିଷେକ ସୋସିଆଲ ମିଡିଆରେ ଏକ ପୋଷ୍ଟ କରି କର୍ମଚାରୀଙ୍କ ପାଇଁ ଦିନଟିଏ ଛୁଟି ଘୋଷଣା କରିଥିବା କହିଛନ୍ତି।

‘ମନି ହାଇଷ୍ଟ୍’ ଶେଷ ସିଜିନର ଦୁଇଟି ପାର୍ଟ ଓଟିଟି ଫ୍ଲାଟପର୍ମ ନେଟଫ୍ଲିକ୍ସରେ ଉପଲବ୍ଧ ହେବ। ପ୍ରଥମଟି ସେପ୍ଟେମ୍ବର ୩ରେ ରିଲିଜ ହେବାକୁ ଥିବା ବେଳେ, ଦ୍ୱିତୀୟଟି ଡିସେମ୍ବର ୩ରେ ଆସିବ। ମନି ହାଇଷ୍ଟ ୱେବ ସିରିଜର କ୍ରେଜ କେବେଳ ଭାରତରେ ନୁହେଁ ସାରା ବିଶ୍ୱରେ ଦେଖିବାକୁ ମିଳିଛି । ୱେବ ସିରିଜଟି ଡକାୟତି କାହାଣୀ ଉପରେ ଆଧାରିତ।

ପ୍ରଫେସର ଓ ତାଙ୍କ ଗ୍ୟାଙ୍ଗ କିଭଳି ଡକାୟତି କରୁଛନ୍ତି ତାକୁ ନେଇ ତିଆରି ହୋଇଛି ଏହି ୱେବସିରିଜ୍ । ପ୍ରଫେସର ଓ ବର୍ଲିନଙ୍କ ଅଭିନୟକୁ ବେଶ ପସନ୍ଦ କରୁଥିଲେ । ପୂର୍ବରୁ ଏହାର ୪ଟି ସିଜିନ ଆସିସାରିଥିବା ବେଳେ ଏହା ହେବ ଶେଷ ସିଜିନ।