ନୂଆଦିଲ୍ଲୀ: ଓଭାଲ ଟେଷ୍ଟରେ ଭାରତର ବଡ଼ ବିଜୟ। ଆଟକିନସନଙ୍କୁ ବୋଲ୍ଡ କରି ବିଜୟ ଆଣିଲେ ସିରାଜ। ମାତ୍ର ୬ ରନ୍‌ରେ ଭାରତର ରୋମାଞ୍ଚକର ବିଜୟ। ୫ ମ୍ୟାଚ ସିରିଜକୁ ୨-୨ରେ ବରାବର କଲା ଭାରତ।  ଓଭାଲ୍ ଟେଷ୍ଟର ଶେଷ ଦିନ ୪ଟି ୱିକେଟ୍ ନେଇ ୬ ରନ୍‌ରେ ମ୍ୟାଚ୍ ଜିତିଲା ଭାରତ। ଏହା ସହିତ ୫ ମ୍ୟାଚ୍‌ “ଆଣ୍ଡରସନ-ତେନ୍ଦୁଲକର ଟ୍ରଫି” ସିରିଜ୍‌କୁ ୨-୨ ରେ ବରାବର କରିଛି ଭାରତ। ମହମ୍ମଦ ସିରାଜ୍ ଦ୍ୱିତୀୟ ଇଂନିିସରେ ୫ ୱିକେଟ୍ ନେଇ ଭାରତକୁ ରୋମାଞ୍ଚକ ବିଜୟ ଦେଇଛନ୍ତି।

ଓଭାଲ୍‌ରେ ଗୁରିବାର ଇଂଲଣ୍ଡ ବୋଲିଂ ଚୟନ କରିଥିଲା। ପ୍ରଥମ ପାରିରେ ଭାରତ ୨୨୪ ଓ ଇଂଲଣ୍ଡ ୨୪୭ରନ୍‌ କରିଥିଲା। ୨୩ ରନ୍‌ରେ ପଛରେ ଥିବା ସ୍ଥିତିରୁ ଭାରତ ଦ୍ୱିତୀୟ ପାରିରେ ୩୯୬ ରନ୍‌ କରିଥିଲା। ଫଳରେ ମ୍ୟାଚକୁ ଜିତାବା ପାଇଁ ଇଂଲଣ୍ଡଙ୍କୁ ୩୭୪ ରନ୍‌ର ଆବଶ୍ୟକତା ରହିଥିଲା। ୩ ୱିକେଟ୍ ହରାଇ ଇଂଲଣ୍ଡ ସହଜରେ ୩୦୦ ରେ ପହଞ୍ଚି ଯାଇଥିଲା।  ହ୍ୟାରି ବ୍ରୁକ୍ ଶତକୀୟ ପାରି ଖେଳିଥିଲେ। ହ୍ୟାରି ବ୍ରୁକଙ୍କ ୱିକେଟ ପତନ ପରେ ଇଂଲଣ୍ଡ ଟିମର ୱିକେଟ ପତନ ଘଟିବା ଆରମ୍ଭ ହୋଇଯାଇଥିଲା। ୮ ୱିକେଟରେ ଇଂଲଣ୍ଡ ୩୫୪ ରନରେ ପହଞ୍ଚି ଯାଇଥିଲା।

ଆଟକିନସନ ଓ ଜୋସ୍ ଟଙ୍ଗ୍ ଟିମକୁ ଜିତାଇବାକୁ ଚେଷ୍ଟା କରିଥିଲେ। କିନ୍ତୁ ସିରାଜ୍ ଶେଷ ୱିକେଟ୍ ନେଇ ଭାରତକୁ ବିଜୟ ଦେଇଥିଲେ। ସିରିଜ୍‌ର ଦ୍ୱିତୀୟ ଓ ପଞ୍ଚମ ଟେଷ୍ଟ ଭାରତ ଜିତିଥିବାବେ ବେଳେ ପ୍ରଥମ ଓ ତୃତୀୟ ଟେଷ୍ଟ ଇଂଲଣ୍ଡ ବିଜୟ ଲାଭ କରିଥିଲା। ଚତୁର୍ଥ ଟେଷ୍ଟ ଡ୍ରଅ ହୋଇଥିଲା।

ଓଲ୍ଡ ଟ୍ରାଫୋର୍ଡ:ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ଆଣ୍ଡରସନ-ତେନ୍ଦୁଲକର ଟ୍ରଫିର ଚତୁର୍ଥ ମୁକାବିଲା ବୁଧବାରଠାରୁ ସ୍ଥାନୀୟ ଓଲ୍ଡ ଟ୍ରାଫୋର୍ଡ କ୍ରିକେଟ ଗ୍ରାଉଣ୍ଡରେ ଖେଳାଯିବ। ଏହା ପୂର୍ବରୁ ଖେଳାଯାଇଥିବା ୩ଟି ଟେଷ୍ଟ ମଧ୍ୟରୁ ଲିଡ୍ସ ଓ ଲର୍ଡ୍‌ସରେ ଇଂଲଣ୍ଡ ଓ ଏଜ୍‌ବାଷ୍ଟନରେ ଭାରତ ବିଜୟୀ ହୋଇଛି। ଏହା ଫଳରେ ଇଂଲଣ୍ଡ ୨-୧ରେ ସିରିଜ୍‌ ଆଗୁଆ ରହି ଓ ଭାରତ ୧-୨ରେ ପଛୁଆ ରହି ଚତୁର୍ଥ ଟେଷ୍ଟ ଖେଳିବାକୁ ଯାଉଛି। ଏହି ଟେଷ୍ଟର ଫଳାଫଳ ଭାରତ ସପକ୍ଷରେ ଗଲେ ସିରିଜ୍‌ ୨-୨ରେ ବରାବର ସ୍ଥିତିକୁ ଆସିବ। ଇଂଲଣ୍ଡ ଯଦି ବିଜୟୀ ହୁଏ ତେବେ ଆଉ ଗୋଟିଏ ଟେଷ୍ଟ ବାକିଥାଇ ଘରୋଇ ଦଳ ୩-୧ରେ ସିରିଜ୍‌ କବ୍‌ଜା କରିବ। ମ୍ୟାଚ୍‌ ଡ୍ର ରହିଲେ ୫ମ ଟେଷ୍ଟ ସିରିଜ୍‌ ନିର୍ଣ୍ଣାୟକ ହେବ। ଏଣୁ ଏଠାରେ ସିରିଜ୍‌ ବଞ୍ଚାଇବାକୁ ହେଲେ ଭାରତକୁ ଏହି ଟେଷ୍ଟ ଜିତିବାକୁ ହେବ। ଆହତ ଭାରତୀୟ ଦଳ ଏହି ମ୍ୟାଚ୍‌ରେ କର ଅବା ମର ସ୍ଥିତିରେ ରହିଛି। କିନ୍ତୁ ଏହି ଟେଷ୍ଟରେ ଅଧିକାଂଶ ସମୟ ବର୍ଷା ହେବାର ସମ୍ଭାବନା ରହିଛି। ଏଣୁ ବର୍ଷା ହେଲେ ମ୍ୟାଚ୍‌ର ଫଳାଫଳ ମିଳିବା କଷ୍ଟକର।

ଏଭଳି ଗୁରୁତ୍ୱପୂର୍ଣ୍ଣ ସ୍ଥିତିରେ ଭାରତର କିଛି ଖେଳାଳି ଆହତ ହେବାରୁ ଦଳର ସମୀକରଣ ବଦଳିଯାଇଛି। ଯେଉଁ ଯୋଜନା ନେଇ ଭାରତ ଏହି ଟେଷ୍ଟ ଖେଳିବାକୁ ଯାଉଥିଲା ତାହା ବଦଳିଯାଇଛି। ଦୁଇ ଫାଷ୍ଟ ବୋଲର ଆକାଶ ଦୀପ ଓ ଅର୍ଶଦୀପ ସିଂହ ଆହତ ହୋଇ ଏହି ଟେଷ୍ଟରୁ ବାଦ୍‌ ପଡ଼ିଛନ୍ତି। ସେହିପରି ପେସ୍‌ ବୋଲିଂ ଅଲରାଉଣ୍ଡର ନୀତୀଶ ରେଡ୍ଡିଙ୍କ ଆଣ୍ଠୁରେ ଆଘାତ ଲାଗିବାରୁ ସିରିଜ୍‌ରୁ ବାଦ୍‌ ପଡ଼ିଛନ୍ତି। ଏଣୁ ଭାରତକୁ ରଣନୀତିରେ ପରିବର୍ତ୍ତନ କରିବାକୁ ପଡ଼ିଛି ବୋଲି କହିଛନ୍ତି ଭାରତୀୟ ଅଧିନାୟକ ଶୁବମନ ଗିଲ୍‌। ପ୍ରତିପକ୍ଷ ଦଳର ୨୦ଟି ଯାକ ୱିକେଟ ନେବାକୁ ହେଲେ ଏହି ଅସୁବିଧା ଯୋଗୁଁ ବିଶ୍ରାମ ନେବାକୁ ଯାଉଥିବା ଯଶ୍‌ପ୍ରୀତ ବୁମ୍‌ରା ଏହି ଟେଷ୍ଟ ଖେଳିବେ। ଭାରତ ଏହି ମ୍ୟାଚ୍‌ରେ ୩ଜଣ ଫାଷ୍ଟ ବୋଲର ଓ ୨ଜଣ ସ୍ପିନ ବୋଲିଂ ଅଲରାଉଣ୍ଡରଙ୍କୁ ନେଇ ଖେଳିବ ବୋଲି ଗିଲ ସୂଚନା ଦେଇଛନ୍ତି। ‘ତୃତୀୟ ଟେଷ୍ଟ ଖେଳିଥିବା ଆମର ୯ କିମ୍ବା ୧୦ଜଣ ଖେଳାଳି ଚତୁର୍ଥ ମ୍ୟାଚ୍‌ରେ ଖେଳିବେ। ଆହତ ସମସ୍ୟା ଯୋଗୁଁ ଦୁଇ ଫାଷ୍ଟ ବୋଲର ବାଦ୍‌ ପଡ଼ିଛନ୍ତି। ତାଙ୍କ ସ୍ଥାନରେ ଅଂଶୁଲ କାମ୍ବୋଜ୍‌ ଏଠାରେ ଡେବ୍ୟୁ କରିବାର ଯଥେଷ୍ଟ ସମ୍ଭାବନା ରହିଛି। କରୁନ ନାୟାର ପୂର୍ବପରି ନଂ-୩ରେ ବ୍ୟାଟିଂ କରିବେ ଓ ଋଷଭ ପନ୍ତ୍‌ ୱିକେଟ କିପିଂ କରିବେ’ ବୋଲି ଆଜି ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ଅଧିନାୟକ ଗିଲ୍‌। ଏହି ସୂଚନାକୁ ଆଧାରକୁ ନେଲେ ଆକାଶ ଦୀପ୍‌ଙ୍କ ସ୍ଥାନରେ କାମ୍ବୋଜ ଡେବ୍ୟୁ କରିବେ। କିନ୍ତୁ ରେଡ୍ଡିଙ୍କ ସ୍ଥାନରେ କିଏ ଖେଳିବେ ତାହା ସ୍ଥିର ହୋଇନାହିଁ। ସମସ୍ତଙ୍କ ଆଖି ରହିଛି ଦଳର ଦ୍ୱିତୀୟ ୱିକେଟରକ୍ଷକ ତଥା ବିଦେଶରେ ଭଲ ବ୍ୟାଟିଂ କରୁଥିବା ଧ୍ରୁବ ଜୁରେଲଙ୍କ ଉପରେ। କିନ୍ତୁ ଗିଲ୍‌ଙ୍କ ମତରେ ଓଲ୍ଡ ଟ୍ରାଫୋର୍ଡ ପିଚ୍‌ ପେସ୍‌ ବୋଲରଙ୍କୁ ସୁହାଇବ। ଏଣୁ ଜୁରେଲଙ୍କ ସ୍ଥାନରେ ଫର୍ମରେ ନ ଥିବା ପେସ୍‌ ବୋଲିଂ ଅଲରାଉଣ୍ଡର ଶାର୍ଦ୍ଦୁଳ ଠାକୁରଙ୍କ ଖେଳିବା ନେଇ ସମ୍ଭାବନାକୁ ଏଡ଼ାଇ ଦେଇ ହେବ ନାହିଁ। ଏହି ଗୋଟିଏ ସ୍ଥାନକୁ ଛାଡ଼ିଦେଲେ ଅନ୍ୟ ୧୦ଜଣ ଖେଳାଳିଙ୍କ ନାମ ଏକ ପ୍ରକାର ଚୂଡାନ୍ତ ହୋଇସାରିଛି।

ଖେଳାଳି ଦଳ
ଭାରତର ସମ୍ଭାବ୍ୟ ଏକାଦଶ
ଯଶସ୍ୱୀ ଜୟସ୍ୱାଲ, ଲୋକେଶ ରାହୁଲ, କରୁନ ନାୟାର, ଶୁବମନ ଗିଲ୍‌ (ଅଧିନାୟକ), ଋଷଭ ପନ୍ତ୍‌ (ୱିକେଟରକ୍ଷକ/ ଉପଅଧିନାୟକ), ରବୀନ୍ଦ୍ର ଜାଡେଜା, ୱାଶିଂଟନ ସୁନ୍ଦର, ଯଶ୍‌ପ୍ରୀତ୍‌ ବୁମ୍‌ରା୍‌, ମହମ୍ମଦ୍‌ ସିରାଜ, ଅଂଶୁଲ କାମ୍ବୋଜ୍‌, ସାଇ ସୁଦର୍ଶନ/ ଧ୍ରୁବ ଜୁରେଲ/ଶାର୍ଦ୍ଦୁଳ ଠାକୁର।

ଇଂଲଣ୍ଡ ଏକାଦଶ : ଜ୍ୟାକ୍‌ କ୍ରଲୀ, ବେନ୍‌ ଡକେଟ, ଓଲି ପୋପ୍‌, ଜୋ ରୁଟ, ହ୍ୟାରୀ ବ୍ରୁକ୍‌, ବେନ୍‌ ଷ୍ଟୋକ୍ସ (ଅଧିନାୟକ), ଜେମି ସ୍ମିଥ୍‌ (ୱିକେଟରକ୍ଷକ), କ୍ରିସ୍‌ ୱକ୍ସ, ବ୍ରାଇଡନ କାର୍ସ, ଜୋଫ୍ରା ଆର୍ଚର ଓ ଲିଆମ ଡାୱସନ।

ପ୍ରଥମ ସେସନ : ଅପରାହ୍ଣ ୩ଟା ୩୦ରୁ ୫ଟା ୩୦
ଦ୍ୱିତୀୟ ସେସନ : ସନ୍ଧ୍ୟା ୫ଟା ୩୦ରୁ ରାତି ୭ଟା ୩୦
ତୃତୀୟ ସେସନ : ରାତି ୮ଟା ୧୦ରୁ ଖେଳ ଶେଷ ପର୍ଯ୍ୟନ୍ତ

ପ୍ରସାରଣ
ସୋନି ସ୍ପୋର୍ଟ୍ସ ନେଟ୍‌ୱର୍କ
ଜିଓ ହଟ୍‌ଷ୍ଟାର, ଡିଡି ସ୍ପୋର୍ଟ୍ସ

ଲର୍ଡ୍ସ,: ଘରୋଇ ଇଂଲଣ୍ଡ ଓ ଭାରତ ମଧ୍ୟରେ ଚାଲିଥିବା ଆଣ୍ଡରସନ୍‌-ତେନ୍ଦୁଲକର ଟ୍ରଫିର ୩ୟ ଟେଷ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। କ୍ରିକେଟ୍‌ର ମକ୍କା ଭାବେ ପରିଚିତ ଐତିହାସିକ ଲର୍ଡ୍ସ ଗ୍ରାଉଣ୍ଡରେ ଏହି ଗୁରୁତ୍ୱପୂର୍ଣ୍ଣ ୩ୟ ଟେଷ୍ଟ ମ୍ୟାଚ୍‌ ଖେଳାଯିବ। ବେନ୍‌ ଷ୍ଟୋକ୍ସଙ୍କ ନେତୃତ୍ୱାଧୀନ ଇଂଲଣ୍ଡ ହେଡିଂଲୀରେ ଅନୁଷ୍ଠିତ ପ୍ରଥମ ଟେଷ୍ଟକୁ ୫ ୱିକେଟ୍‌ରେ ଜିତିଥିଲା। ଏହାପରେ ଅଧିନାୟକ ଶୁବମନ ଗିଲ୍‌ଙ୍କ ଦମ୍‌ଦାର ବ୍ୟାଟିଂ ବଳରେ ଏଜ୍‌ବାଷ୍ଟନରେ ଖେଳାଯାଇଥିବା ୨ୟ ଟେଷ୍ଟକୁ ୩୩୬ ରନର ବୃହତ୍‌ ବ୍ୟବଧାନରେ ଜିତି ଭାରତ ଇତିହାସ ସୃଷ୍ଟି କରିଥିଲା। ସିରିଜ ଏବେ ୧-୧ରେ ବରାବର୍‌ ସ୍ଥିତିରେ ରହିଛି। ତେଣୁ ଏବେ ଉଭୟ ଦଳର ନଜର ଲର୍ଡ୍ସ ଲଢେ଼ଇ ଉପରେ ରହିଛି। ପାଞ୍ଚ ମ୍ୟାଚ୍‌ବିଶିଷ୍ଟ ଟେଷ୍ଟ ସିରିଜର ଏହି ୩ୟ ମୁକାବିଲାକୁ ଜିତି ଉଭୟ ଦଳ ସିରିଜରେ ଅଗ୍ରଣୀ ନେବା ଲକ୍ଷ୍ୟରେ ରହିଛନ୍ତି। ତେଣୁ ଏଠାରେ ଆଉ ଏକ ରୋମାଞ୍ଚକ ଲଢେ଼ଇ ଦେଖିବାକୁ ମିଳିବ ବୋଲି କ୍ରିକେଟ୍‌ ପଣ୍ଡିତ ଆକଳନ କରିଛନ୍ତି।

ଏହି ଟେଷ୍ଟ ସିରିଜର ପ୍ରଥମ ଦୁଇ ମ୍ୟାଚ୍‌ରେ ବ୍ୟାଟର୍‌ଙ୍କ ବେଶ୍‌ ପ୍ରଭାବ ଦେଖିବାକୁ ମିଳିଥିଲା। ପ୍ରଥମ ଟେଷ୍ଟରେ ୭ଟି ଶତକ ଦେଖିବାକୁ ମିଳିଥିବାବେଳେ ଦୁଇ ଦଳର ମୋଟ୍‌ ସ୍କୋର ୧୬୭୩ ରନ ହୋଇଥିଲା। ସେହିଭଳି ଦ୍ୱିତୀୟ ଟେଷ୍ଟରେ ୩ଟି ଶତକ ଓ ଗୋଟିଏ ଦ୍ୱିଶତକୀୟ ପାଳି ଦେଖିବାକୁ ମିଳିଥିଲା। ଏଜବାଷ୍ଟନ ଟେଷ୍ଟରେ ଉଭୟ ଦଳର ସ୍କୋର ମିଶି ୧୬୯୨ ରନ ଥିଲା। ଫଳରେ ଦୁଇଟି ଟେଷ୍ଟରେ ରେକର୍ଡ ୩୩୬୫ ରନ ହୋଇଛି। ପ୍ରଥମ ଦୁଇ ଟେଷ୍ଟର ପିଚ୍‌କୁ ନେଇ ସମାଲୋଚନାର ଶିକାର ହେବା ପରେ ଏଥର ଆୟୋଜକ ଇଂଲଣ୍ଡ ଲର୍ଡ୍ସରେ ସମ୍ପୂର୍ଣ୍ଣ ଦ୍ରୁତ ବୋଲିଂକୁ ସହାୟତା କରୁଥିବା ୱିକେଟ୍‌ ପ୍ରସ୍ତୁତ କରିଛି। ଫଳରେ ଇଂଲଣ୍ଡର ପାରମ୍ପରିକ ଫାଷ୍ଟ ବୋଲିଂ ଫ୍ରେଣ୍ଡଲୀ ୱିକେଟ୍‌ ଚଳିତ ସିରିଜରେ ପ୍ରଥମଥର ଦେଖିବାକୁ ମିଳିବ। ଏଭଳି କ୍ଷେତ୍ରରେ ଦୁଇ ଦଳର ଦ୍ରୁତ ବୋଲରଙ୍କ ମଧ୍ୟରେ ଲଢେ଼ଇ ଜୋର୍‌ଦାର ହେବ ବୋଲି ଅନୁମାନ କରାଯାଉଛି। ଉଭୟ ଦଳ ମଧ୍ୟ ସେମାନଙ୍କ ପ୍ରମୁଖ ବୋଲିଂ ଅସ୍ତ୍ର ଯଥାକ୍ରମେ ଯଶପ୍ରୀତ୍‌ ବୁମ୍‌ରା ଓ ଜୋଫ୍ରା ଆର୍ଚରଙ୍କୁ ଏହି ଟେଷ୍ଟ ଲାଗି ଦଳରେ ସାମିଲ କରିଛନ୍ତି। ଆର୍ଚର ୪ ବର୍ଷର ବ୍ୟବଧାନ ପରେ ଟେଷ୍ଟ ଫର୍ମାଟ୍‌କୁ ଫେରିଛନ୍ତି। ତାଙ୍କର ଦ୍ରୁତ ବୋଲିଂ ସହ ବାଉନ୍ସ ଭାରତୀୟ ବ୍ୟାଟର୍‌ଙ୍କ ପାଇଁ ନିଶ୍ଚୟ ଚ୍ୟାଲେଞ୍ଜ ସୃଷ୍ଟି କରିବ। ଅପରପକ୍ଷରେ ୨ୟ ଟେଷ୍ଟରେ ବିଶ୍ରାମ ଦେଇଥିବା ବୁମ୍‌ର ଏହି ଟେଷ୍ଟରେ ଖେଳିବା ଏକପ୍ରକାର ନିଶ୍ଚିତ ହୋଇଛି। ବୁମ୍‌ରାଙ୍କ ସମେତ ଏଜ୍‌ବାଷ୍ଟନ ହିରୋ ଆକାଶଦୀପ୍‌, ମହମ୍ମଦ ସିରାଜ ପେସ୍‌ ବୋଲିଂ ସମ୍ଭାଳିବେ। ଦୁଇ ସ୍ପିନ ଅଲ୍‌ରାଉଣ୍ଡର ରବୀନ୍ଦ୍ର ଜାଡେଜା ଓ ୱାଶିଂଟନ ସୁନ୍ଦରଙ୍କୁ ନେଇ ଭାରତ ପଡ଼ିଆକୁ ଓହ୍ଲାଇବା ନେଇ ଯୋଜନା କରୁଛି। ଏଜ୍‌ବାଷ୍ଟନରେ ଦ୍ୱିଶତକ ଓ ଶତକୀୟ ପାଳି ଖେଳିଥିବା ଅଧିନାୟକ ଗିଲ୍‌ଙ୍କ ଉପରେ ସମ୍ପୂର୍ଣ୍ଣ ବ୍ୟାଟିଂ ଭାର ନ୍ୟସ୍ତ ରହିବ। ତାଙ୍କୁ ଯଶସ୍ୱୀ ଜୟସ୍ୱାଲ, ଲୋକେଶ ରାହୁଲ, କରୁନ ନାୟର, ଋଷଭ ପନ୍ତ ପ୍ରମୁଖ ସହାୟତା କରିବେ।

ଐତିହାସିକ ଲର୍ଡ୍ସ ଗ୍ରାଉଣ୍ଡରେ ଭାରତ ୯୭ ବର୍ଷ ମଧ୍ୟରେ ୧୯ ଟେଷ୍ଟ ଇଂଲଣ୍ଡ ସହ ଖେଳି ୩ ବିଜୟ ଓ ୧୨ ପରାଜୟବରଣ କରିଛି। ୨୦୨୧ରେ ରାହୁଲଙ୍କ ଶତକ ବଳରେ ଭାରତ ଏଠାରେ ସ୍ମରଣୀୟ ବିଜୟ ହାସଲ କରିଥିଲା। ୪ ବର୍ଷ ପରେ ଗିଲ୍‌ ସେନା ଏହି ସଫଳତା ଦୋହରାଇପାରୁଛି କି ନାହିଁ ତାହା ଉପରେ ସମନ୍ତଙ୍କ ନଜର ରହିଛି।

ଇଂଲଣ୍ଡ ଚୂଡ଼ାନ୍ତ ଏକାଦଶ: ଜାକ୍‌ କ୍ରଲୀ, ବେନ୍‌ ଡକେଟ୍ଟ, ଓଲି ପୋପ୍‌, ଜୋ ରୁଟ୍‌, ହ୍ୟାରୀ ବ୍ରୁକ୍‌, ବେନ୍‌ ଷ୍ଟୋକ୍ସ (ଅଧିନାୟକ), ଜେମି ସ୍ମିଥ୍‌ (ୱିକେଟ୍‌କିପର), ଜୋଫ୍ରା ଆର୍ଚର, ସୋଏବ ବସିର, ବ୍ରାୟଡନ କ୍ରାସ, କ୍ରିସ୍‌ ୱକ୍ସ।

ସମ୍ଭାବ୍ୟ ଭାରତୀୟ ଦଳ: ଯଶସ୍ୱୀ ଜୟସ୍ୱାଲ, ଲୋକେଶ ରାହୁଲ, କରୁନ ନାୟାର, ଶୁବମନ ଗିଲ୍‌ (ଅଧିନାୟକ), ଋଷଭ ପନ୍ତ (ୱିକେଟ୍‌କିପର), ରବୀନ୍ଦ୍ର ଜାଡେଜା, ନୀତୀଶ ରେଡ୍ଡୀ, ୱାଶିଯଠନ ସୁନ୍ଦର, ଯଶପ୍ରୀତ୍‌ ବୁମ୍‌ରା, ଆକାଶଦୀପ୍‌ ଓ ମହମ୍ମଦ ସିରାଜ।

ମ୍ୟାଚ୍‌ ଆରମ୍ଭ

ଅପରାହ୍ଣ ୩:୩୦

ପ୍ରସାରଣ: ସୋନି ସ୍ପୋର୍ଟ୍ସ ନେଟ୍‌ୱର୍କ

୪ ବର୍ଷ ପରେ ଖେଳିବେ ଆର୍ଚର
ତୃତୀୟ ଟେଷ୍ଟ ଆରମ୍ଭ ହେବାର ଦିନକ ପୂର୍ବରୁ ଇଂଲଣ୍ଡ ଏହାର ଚୂଡ଼ାନ୍ତ ଏକାଦଶ ଘୋଷଣା କରିଛି। ଏଜ୍‌ବାଷ୍ଟନରେ ଦ୍ୱିତୀୟ ଟେଷ୍ଟ ଖେଳିଥିବା ଇଂଲଣ୍ଡ ଦଳରୁ ଏକମାତ୍ର ଖେଳାଳି ଭାବେ ଦ୍ରୁତ ବୋଲର୍‌ ଜୋଶ୍‌ ଟଙ୍ଗ୍‌ଙ୍କୁ ବାଦ୍‌ ଦିଆଯାଇଛି। ତାଙ୍କ ସ୍ଥାନରେ ଅଭିଜ୍ଞ ଜୋଫ୍ରା ଆର୍ଚରଙ୍କୁ ସାମିଲ କରାଯାଇଛି। ଟଙ୍ଗ୍‌ ଚଳିତ ସିରିଜରେ ୧୧ ୱିକେଟ୍‌ ନେଇ ସବୁଠୁ ସଫଳ ବୋଲର୍‌ ରହିଥିଲେ। ତାଙ୍କୁ ବାଦ୍‌ ଦେଇ ଟିମ୍‌ ମ୍ୟାନେଜମେଣ୍ଟ ଏକ ବଡ଼ ରିକ୍ସ ଉଠାଇଛି। ଅପରପକ୍ଷରେ ଆର୍ଚର ଦୀର୍ଘ ୪ ବର୍ଷର ବ୍ୟବଧାନ ପରେ ରେଡ୍‌ ବଲ୍‌ କ୍ରିକେଟ୍‌କୁ ଫେରିଛନ୍ତି। ଶେଷଥର ଲାଗି ସେ ୨୦୨୧ରେ ସମାନ ଭାରତୀୟ ଦଳ ବିପକ୍ଷରେ ନିଜର ଶେଷ ଟେଷ୍ଟ ମ୍ୟାଚ୍‌ ଖେଳିଥିଲେ। ୨୦୧୯ରେ ଏହି ଗ୍ରାଉଣ୍ଡରେ ଆସେସ୍‌ ସିରିଜରେ ଅଷ୍ଟ୍ରେଲିଆ ବିପକ୍ଷରେ ଖେଳି ଟେଷ୍ଟ ପଦାର୍ପଣ କରିଥିବା ୩୦ ବର୍ଷୀୟ ଆର୍ଚର କ୍ୟାରିୟରର ଅଧିକାଂଶ ସମୟ ଆଘାତଜନିତ ସମସ୍ୟା ଦେଇ ଗତି କରିଛନ୍ତି। ଫଳରେ ସେ ୬ ବର୍ଷ ମଧ୍ୟରେ ମାତ୍ର ୧୩ଟି ଟେଷ୍ଟ ଖେଳି ୪୨ ୱିକେଟ୍‌ ନେଇଛନ୍ତି। ଆର୍ଚରଙ୍କ ସାମିଲ ଫଳରେ ଇଂଲଣ୍ଡ ଦଳ ଲର୍ଡ୍ସର ଏହି ଫାଷ୍ଟ୍‌ ପିଚ୍‌ରେ ଆହୁରି ଶକ୍ତିଶାଳୀ ମନେ ହେଉଛି। ଦଳରେ କ୍ରିସ୍‌ ୱକ୍ସ, ବ୍ରାୟଡନ କ୍ରାସ୍‌ ଓ ବେନ୍‌ ଷ୍ଟୋକ୍ସଙ୍କ ଭାବେ ୩ଜଣ ଅଭିଜ୍ଞ ଦ୍ରୁତ ବୋଲର ରହିଛନ୍ତି।

ଲିଡ୍ସ,: ନୂଆ ଟିମ୍‌, ନୂଆ ଅଧିନାୟକ, ନୂଆ ଖେଳାଳିଙ୍କୁ ନେଇ ଭାରତ ଓ ଇଂଲଣ୍ଡ ମଧ୍ୟରେ ଏକ ନୂଆ ଟ୍ରଫି (ତେନ୍ଦୁଲକର-ଆଣ୍ଡରସନ) ଲାଗି ୫ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍‌ ଆଜି ଠାରୁ ଆରମ୍ଭ ହେବ। ଏହି ସିରିଜ୍‌ ଉଭୟ ଘରୋଇ ଇଂଲଣ୍ଡ ଓ ଭ୍ରମଣକାରୀ ଭାରତୀୟ ଦଳ ଲାଗି ବେଶ ଗୁରୁତ୍ୱପୂର୍ଣ୍ଣ। ୨୦୨୫-୨୭ ବିଶ୍ୱ ଟେଷ୍ଟ ଚାମ୍ପିଅନସିପ୍‌ ଲାଗି ଏହି ସିରିଜ୍‌ ସଫଳତାର ଖୋରାକ ଯୋଗାଇବ। ଭାରତୀୟ ଦଳର ନେତୃତ୍ୱରେ ନେବେ ଜଣେ ନୂଆ ଖେଳାଳି ଶୁବମନ ଗିଲ୍‌। ଇଂଲଣ୍ଡରେ ତାଙ୍କର ମାତ୍ର ୩ଟି ଟେଷ୍ଟ ଖେଳିବାର ଅଭିଜ୍ଞତା ରହିଛି। ତାଙ୍କୁ ପରାମର୍ଶ ଦେବାକୁ ମଧ୍ୟ ଦଳରେ ଅଭିଜ୍ଞ ଖେଳାଳି ନାହାନ୍ତି। ୭ ବର୍ଷ ପରେ ଟେଷ୍ଟ ଦଳକୁ ଫେରିଥିବା କରୁନ ନାୟାର ଇଂଲଣ୍ଡ ଲାୟନ୍ସର ଦୁର୍ବଳ ବୋଲିଂ ବିପକ୍ଷରେ ଶତକୀୟ ପାଳି ଖେଳିଛନ୍ତି। ଏହା ତାଙ୍କୁ ଇଂଲଣ୍ଡ ପରିବେଶ ଓ ଟପ୍‌ କ୍ଲାସ୍‌ ବୋଲିଂ ବିପକ୍ଷରେ କେତେ ସହାୟତା କରିବ ତାହା ଖେଳ ଆରମ୍ଭ ପରେ ଜଣାପଡ଼ିବ। ଏଭଳି ସମୟରେ ନୂଆ ଖେଳାଳିମାନେ ଆଗକୁ ଆସିବେ। ଇଂଲଣ୍ଡର ପିଚ୍‌ ଓ ପରିବେଶରେ ଖାପ୍‌ ଖୁଆଇବା ଭାରତୀୟଙ୍କ ଲାଗି କଷ୍ଟକର ହେବ। ଦଳ ମଧ୍ୟ ଏହି ପରିବେଶ ସମ୍ପର୍କରେ ବିଶେଷ ଅବଗତ ନୁହେଁ। କିଏ ଫର୍ମରେ ଅଛି ବା ନାହିଁ ତାହା ବଡ଼ କଥା ନୁହେଁ, ଏଭଳି ପରିବେଶରେ କିଏ ଖାପ୍‌ ଖୁଆଇ ଖେଳିବ ତାହା ଉପରେ ସବୁକିଛି ନିର୍ଭର କରେ। ଇଂଲଣ୍ଡରେ ଗିଲ୍‌ ମାତ୍ର ୩ଟି ଟେଷ୍ଟ ଖେଳି ୮୮ ରନ୍‌ କରିଛନ୍ତି। ଯଶସ୍ୱୀ ଜୟସ୍ୱାଲ, ଲୋକେଶ ରାହୁଲ, ଋଷଭ ପନ୍ତ୍‌ ଓ ରବୀନ୍ଦ୍ର ଜାଡେଜାଙ୍କ ଉପରେ ବ୍ୟାଟିଂ ନିର୍ଭର କରିବ। ଏମାନେ କିଛି ନ କିଛି ଟେଷ୍ଟରେ ପ୍ରଦର୍ଶନ କରିଛନ୍ତି।

ବୋଲିଂରେ ଭାରତର ପେସ୍‌ ବାହିନୀ ପ୍ରତିପକ୍ଷ ଇଂଲଣ୍ଡକୁ ଟକ୍କର ଦେବା ସ୍ଥିତିରେ ରହିଛି। ଇଂଲିଶ ବୋଲରଙ୍କ ଅପେକ୍ଷା ଯଶ୍‌ପ୍ରୀତ୍‌ ବୁମ୍‌ରାଙ୍କ ନେତୃତ୍ୱରେ ଗଠିତ ଭାରତୀୟ ପେସ୍‌ ବାହିନୀ ନିକଟରେ ଦକ୍ଷତା ରହିଛି। କିନ୍ତୁ ଇଂଲଣ୍ଡ ବ୍ୟାଟରଙ୍କ ତୁଳନାରେ ଭାରତୀୟ ବ୍ୟାଟରଙ୍କ ଅଭିଜ୍ଞତାର ଅଭାବ ରହିଛି। ଇଂଲଣ୍ଡ ପରିବେଶ କିପରି ଭାରତକୁ ସୁହାଇବ ତାହା ଉପରେ କେବଳ ଏହି ମ୍ୟାଚ୍‌ ନୁହେଁ ବରଂ ସିରିଜ୍‌ ନିର୍ଭର କରିବ।

ଅନ୍ୟ ପକ୍ଷରେ ଇଂଲଣ୍ଡ ଦଳରେ ରହିଛନ୍ତି ଅଭିଜ୍ଞ ବ୍ୟାଟର ଜୋ ରୁଟ୍‌ ଓ ବେନ୍‌ ଷ୍ଟୋକ୍ସ। ଏମାନେ ଏକା ଏକା ଟେଷ୍ଟର ମୋଡ ବଦଳାଇପାରିବାର ଦକ୍ଷତା ରଖିଛନ୍ତି। ଓପନର ଜ୍ୟାକ୍‌ କ୍ରଲୀ, ବେନ୍‌ ଡକେଟ ଓ ହ୍ୟାରୀ ବ୍ରୁକ୍‌ ମଧ୍ୟ ବେଶ ଦକ୍ଷ। ଏମାନେ ଭାରତୀୟ ବୋଲରଙ୍କ ଲାଗି ସମସ୍ୟା ସୃଷ୍ଟି କରିବେ। ସେ ଯାହା ହେଉ ଅଭିଜ୍ଞତା ଓ ପରିବେଶରେ ଇଂଲଣ୍ଡ ଭ୍ରମଣକାରୀ ଭାରତଠାରୁ ସାମାନ୍ୟ ଆଗୁଆ ରହିଛି।

ଦୁଇ ଦେଶ ମଧ୍ୟରେ ଟେଷ୍ଟ ରେକର୍ଡ ଯାହା ହେଉନା କାହିଁକି ଗତଥର ଏଠାରେ ଆୟୋଜିତ ଟେଷ୍ଟ ସିରିଜ୍‌ ବେଶ ରୋମାଞ୍ଚକ ମୁକାବିଲା ହୋଇଥିଲା। ଏହି ସିରିଜ୍‌ ଖେଳିଥିବା ରାହୁଲ, ବୁମ୍‌ରା ଓ ଜାଡେଜା ଦଳକୁ ଫାଇଦାରେ ରଖିବେ ବୋଲି ଆଶା କରାଯାଉଛି।

ଭାରତର ସମ୍ଭାବ୍ୟ ଏକାଦଶ: ଯଶସ୍ୱୀ ଜୟସ୍ୱାଲ, ଲୋକେଶ ରାହୁଲ, କରୁନ ନାୟାର, ଶୁବମନ ଗିଲ୍‌ (ଅଧିନାୟକ), ସାଇ ସୁଦର୍ଶନ, ଋଷଭ ପନ୍ତ୍‌ (ୱିକେଟ ରକ୍ଷକ/ ଉପଅଧିନାୟକ), ରବୀନ୍ଦ୍ର ଜାଡେଜା, ଶାର୍ଦ୍ଦୁଳ ଠାକୁର, ଯଶ୍‌ପ୍ରୀତ୍‌ ବୁମ୍‌ରା, ମହମ୍ମଦ୍‌ ସିରାଜ ଓ ପ୍ରସିଦ୍ଧ କ୍ରିଷ୍ଣା।

ଇଂଲଣ୍ଡ ଏକାଦଶ: ଜ୍ୟାକ୍‌ କ୍ରଲୀ, ବେନ୍‌ ଡକେଟ, ଓଲି ପୋପ୍‌, ଜୋ ରୁଟ, ହ୍ୟାରୀ ବ୍ରୁକ୍‌, ବେନ୍‌ ଷ୍ଟୋକ୍ସ (ଅଧିନାୟକ), ଜେମି ସ୍ମିଥ୍‌ (ୱିକେଟ ରକ୍ଷକ), କ୍ରିସ୍‌ ୱକ୍ସ, ବ୍ରାଇଡନ କାର୍ସ, ଜୋଶ ଟଙ୍ଗ୍‌, ସୋଏବ ବଶିର।

ଖେଳ ସମୟ
ପ୍ରଥମ ସେସନ : ଅପରାହ୍ଣ ୩ଟା ୩୦ରୁ ୫ଟା ୩୦
ଦ୍ୱିତୀୟ ସେସନ : ସନ୍ଧ୍ୟା ୫ଟା ୩୦ରୁ ରାତି ୭ଟା ୩୦
ତୃତୀୟ ସେସନ : ରାତି ୮ଟା ୧୦ରୁ ଖେଳ ଶେଷ ପର୍ଯ୍ୟନ୍ତ
ପ୍ରସାରଣ: ସୋନି ସ୍ପୋର୍ଟ୍ସ ନେଟ୍‌ୱର୍କ
ଜିଓ ହଟ୍‌ଷ୍ଟାର, ଡିଡି ସ୍ପୋର୍ଟ୍ସ

ଲର୍ଡ୍ସ: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ୩ ମ୍ୟାଚ୍‍ ବିଶିଷ୍ଟ ଦିନିକିଆ ସିରିଜ୍‍ର ଦ୍ୱିତୀୟ ମ୍ୟାଚ୍‍ ଖେଳାଯାଉଛି। କିଆ ଓଭାଲରେ ଖେଳାଯାଇଥିବା ପ୍ରଥମ ମୁକାବିଲାକୁ ୧୦ ୱିକେଟରେ ଜିତି ଭାରତ ୧-୦ରେ ଆଗୁଆ ରହିଛି। ଆଜିର ଦ୍ବିତୀୟ ଦିନିକିଆରେ ଟସ୍‌ ଜିିତ ଭାରତର ବୋଲିଂ ନିଷ୍ପତ୍ତି ନେଇଛି। ଶ୍ରେୟସ ଆୟାରଙ୍କ ସ୍ଥାନରେ ବିରାଟ କୋହଲି ସ୍ଥାନ ପାଇଛନ୍ତି । ପ୍ରଥମ ଇଂନିସରେ ଇଂଲଣ୍ଡ ଦଳ ବ୍ଯାଟିଂ କରି ୪୯ ଓଭରରେ ୨୪୬ରନ କରି ଅଲଆଉଟ ହୋଇଛନ୍ତି। ଏହି ମ୍ଯାଚକୁ ଜିତିବାକୁ ହେଲେ ଭାରତକୁ ୨୪୭ରନର ଆବଶ୍ଯକତା ରହିଛି।

ଇଂଲଣ୍ଡ ପକ୍ଷରୁ ଜେସନ ରୟ ୩୩ ବଲରେ ୨୩ ରନ କରି ଆଉଟ ହୋଇଥିଲେ। ଜୋନାଥନ ବେୟାରଷ୍ଟୋ ୩୮ ବଲରେ ୩୮ ରନ କରି ଆଉଟ ହୋଇଥିଲେ। ଜୋ ରୁ୍‍ଟ୍‍ ୨୧ ବଲରୋ ୧୧ ରନ କରି ଆଉଟ ହୋଇଥିବା ବେଳେ ବେନ୍‍ ଷ୍ଟୋକ୍ସ ୨୩ ବଲରେ ୨୧ ରନ କରି ଆଉଟ ହୋଇଥିଲେ।  ଅଧିନାୟକ ଜୋଶ ବଟ୍ଟଲର ମଧ୍ଯ ତାଙ୍କ ଦଳକୁ ନିରାଶ କରିଥିଲେ ୫ ବଲରେ ୪ ରନ କରି ମହମ୍ମଦ୍‍ ସାମିଙ୍କ ବଲରେ ଆଉଟ ହୋଇଥିଲେ। ଲିଆମ ଲିଭିଙ୍ଗଷ୍ଟୋନ୍‍ ୩୩ ବଲରେ ୩୩ ରନ କରି ଆଉଟ ହୋଇଥିଲେ। ପରେ ପାରିକୁ  ମୋଇନ୍‍ ଅଲ୍ଲୀ ଓ ଡେଭିଡ୍‍ ୱିଲୀ ସମ୍ଭାଳିଥିଲେ। ମୋଇନ୍‍ ଅଲ୍ଲୀ ୬୪ ବଲରେ ୪୭ ରନ କରି ଆଉଟ ହୋଇଥିବା ବେଳେ ଡେଭିଡ୍‍ ୱିଲୀ ୪୯ ବଲରେ ୪୧ ରନ କରି ଆଉଟ ହୋଇଥିଲେ। ବ୍ରାଇଡନ କାର୍ସେ ୪ ବଲରେ ୨ ରନ କରି ଆଉଟ ହୋଇଥିବା ବେଳେ ରିସି ଟୋପ୍‍ଲେ ୭ ବଲରେ ୩ରନ କରି ଆଉଟ ହୋଇଥିଲେ। କ୍ରେଗ୍‍ ଓଭରଟନ ୧୮ ବଲରେ ୧୦ ରନ କରି ଅପରାଜିତ ରହିଥିଲେ।

ଭାରତ ପକ୍ଷରୁ ଯୁଜବେନ୍ଦ୍ର ଚହଲ ସର୍ବାଧିକ ୪ଟି ୱିକେଟ ନେଇଥିଲେ। ସେହିପରି ହାର୍ଦ୍ଦିକ ପାଣ୍ଡ୍ୟା ଓ ଯଶପ୍ରୀତ୍‍ ବୁମ୍‍ରା ୨ଟି ୱିକେଟ ନେଇଥିବା ବେଳେ  ମହମ୍ମଦ୍‍ ସାମି ଓ ପ୍ରସିଦ୍ଧ କ୍ରିଷ୍ଣା ଗୋଟିଏ ଲେଖାଏଁ ୱିକେଟ ନେଇଥିଲେ।

ଲର୍ଡ୍ସ, ୧୩ା୭ (ଏଜେନ୍ସି): ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ୩ ମ୍ୟାଚ୍‍ ବିଶିଷ୍ଟ ଦିନିକିଆ ସିରିଜ୍‍ର ଦ୍ୱିତୀୟ ମ୍ୟାଚ୍‍ ଗୁରୁବାର ଏଠାରେ ଖେଳାଯିବ। କିଆ ଓଭାଲରେ ଖେଳାଯାଇଥିବା ପ୍ରଥମ ମୁକାବିଲାକୁ ୧୦ ୱିକେଟରେ ଜିତି ଭାରତ ୧-୦ରେ ଆଗୁଆ ରହିଛି। ଏହି କ୍ରମରେ ଲର୍ଡ୍‍ସରେ ଖେଳାଯିବାକୁ ଥିବା ଦ୍ୱିତୀୟ ମ୍ୟାଚ୍‍ ସହ ଆଉ ଏକ ସିରିଜ୍‍ ଜିତିବା ଲକ୍ଷ୍ୟରେ ରହିଛି ଭାରତ। ନିକଟରେ ଇଂଲଣ୍ଡ ମାଟିରେ ଇଂଲଣ୍ଡକୁ ୨-୧ରେ ପରାସ୍ତ କରି ଟି-୨୦ ସିରିଜ୍‍ ଭାରତ ଜିତିଥିଲା। ଏବେ ବିଶ୍ୱଚାମ୍ପିଅନ୍‍ ଇଂଲଣ୍ଡକୁ ସମାନ ପରିସ୍ଥିତିରେ ହରାଇ ଦିନିକିଆ ସିରିଜ୍‍ କବ୍‍ଜା ଲକ୍ଷ୍ୟରେ ରହିଛି ଭାରତ।

କିଆ ଓଭାଲରେ ଭାରତୀୟ ମିଡିୟମ୍‍ ପେସ୍‍ ବୋଲର ଯେମିତି ଚମତ୍କାର ବୋଲିଂ କରିଥିଲେ, ଠିକ୍‍ ସେହିପରିମାଣରେ ଇଂଲଣ୍ଡ ମୁକାବିଲା କରି ପାରି ନଥିଲା। ଏହି ମ୍ୟାଚ୍‍ଟି ଥିଲା ସମ୍ପୂର୍ଣ୍ଣ ଏକତରଫା। ଯାହା ଫଳରେ ଭାରତ ୧୮୮ଟି ବଲ ଓ ୧୦ ୱିକେଟ ବାକିଥାଇ ଏହି ମ୍ୟାଚ୍‍କୁ ଜିତିନେଇଥିଲା। ନିଜେ ଅଧିନାୟକ ରୋହିତ ଶର୍ମା ଆକ୍ରମଣାତ୍ମକ ବ୍ୟାଟିଂ କରି ଇଂଲଣ୍ଡକୁ ସମ୍ପୂର୍ଣ୍ଣ ନିରାଶ କରିଥିଲେ। ଏଭଳି ସ୍ଥିତିରେ ଲର୍ଡ୍ସ ପିଚ୍‍ ମଧ୍ୟ ସମାନ ପ୍ରଦର୍ଶନ କରିଥାଏ। ଭାରତ ଯଦି ଏଠାରେ ଟସ୍‍ ଜିତେ ତେବେ ଇଂଲଣ୍ଡକୁ ସମାନ ଦଶା ଭୋଗିବାକୁ ପଡ଼ିପାରେ। ଇଂଲଣ୍ଡ ଦଳରେ ଜୋ ରୁଟ, ଜନ୍ନି ବେୟାରଷ୍ଟୋ, ଜୋଶ ବଟ୍ଟଲର, ବେନ୍‍ ଷ୍ଟୋକ୍ସ ଓ ଜେସନ ରୟଙ୍କ ପରି ଷ୍ଟ୍ରୋକ୍‍ ମେକର ରହିଛନ୍ତି। ଏମାନେ ଫର୍ମରେ ଥିଲାବେଳେ ବିଶ୍ୱର ସମସ୍ତ ଶ୍ରେଷ୍ଠ ବୋଲର ମଧ୍ୟ ସେମାନଙ୍କ ଆକ୍ରମଣରୁ ରକ୍ଷା ପାଇପାରିବେ ନାହିଁ। କିନ୍ତୁ ଯଶ୍‍ପ୍ରୀତ୍‍ ବୁମ୍‍ରାଙ୍କ ଯୋଜନା ଭିନ୍ନ। ସେ ଇଂଲଣ୍ଡ ବ୍ୟାଟ୍ସମ୍ୟାନଙ୍କ ଦୁର୍ବଳତାକୁ ଜାଣିଯାଇଛନ୍ତି ଓ ଏଠାରେ ଖେଳିଥିବା ପ୍ରତ୍ୟେକ ମ୍ୟାଚ୍‍ରେ ଭାରତକୁ ବ୍ରେକ୍‍ ଥ୍ରୁ ଦେଇଛନ୍ତି। ଭାରତ ଟସ୍‍ ଜିତିଲେ ବୁମ୍‍ରାଙ୍କ ବୋଲିଂରେ ଯେ ଇଂଲଣ୍ଡ ବ୍ୟାଟର ନାଚିବେ ଏଥିରେ ସନ୍ଦେହ ନାହିଁ। ବୁମ୍‍ରାଙ୍କୁ ସହାୟତା ଦେବାକୁ ସର୍ବଦା ନିର୍ଭରଯୋଗ୍ୟ ମହମ୍ମଦ୍‍ ସାମି ରହିଛନ୍ତି। ଏଣୁ ଏହି ମ୍ୟାଚ୍‍ରେ ଇଂଲଣ୍ଡ ନିଶ୍ଚିତ୍‍ଭାବେ ଅଧିକ ରିସ୍କ ନେଇ ଖେଳିବ।

କୋହଲିଙ୍କ ଖେଳିବା ସନ୍ଦେହରେ
ଭାରତୀୟ ଦଳର ପ୍ରମୁଖ ବ୍ୟାଟର ବିରାଟ କୋହଲିଙ୍କ ସମ୍ପର୍କରେ କେହି କିଛି କହିବାକୁ ନାରାଜ। ମାଂସପେଶୀରେ ଆଘାତ ଲାଗିଥିବାରୁ ସେ ପ୍ରଥମ ଦିନିକିଆରେ ଖେଳି ନଥିଲେ। ଦ୍ୱିତୀୟ ମ୍ୟାଚ୍‍ ପୂର୍ବରୁ ତାଙ୍କ ଫିଟ୍‍ନେସ ସମ୍ପର୍କରେ ଅପ୍‍ଡେଟ ହୋଇନାହିଁ। ଏଣୁ କ୍ରମାଗତ ଦ୍ୱିତୀୟ ମ୍ୟାଚ୍‍ରେ ତାଙ୍କର ଖେଳିବା ନେଇ ସନ୍ଦେହ ରହିଛି। କୋହଲିଙ୍କ ଅନୁପସ୍ଥିତି ଭାରତକୁ ଅଡୁଆରେ ପକାଇନାହିଁ। ସୂର୍ଯ୍ୟକୁମାର ଯାଦବ ହୁଅନ୍ତୁ କିମ୍ବା ଦୀପକ ହୁଦା ତାଙ୍କ ସ୍ଥାନ ପୂରଣ କରିନେଇଛନ୍ତି। କିନ୍ତୁ ଭାରତର ଚିନ୍ତାର କାରଣ ହୋଇଛନ୍ତି ଶ୍ରେୟାସ ଆୟର। ଆୟର କ୍ରମାଗତ ଭାବେ ସର୍ଟ ବଲ୍‍କୁ ଖେଳି ପାରୁ ନାହାନ୍ତି। ବିଶ୍ୱର ସମସ୍ତ ଫାଷ୍ଟ ବୋଲର ଏହା ଜାଣିସାରିଲେଣି। ଅବଶ୍ୟ ପ୍ରଥମ ଦିନିକିଆରେ ଏହା ପ୍ରମାଣ କରିବାକୁ ସୁଯୋଗ ମିଳି ନଥିଲା। ଏହାର କାରଣ ଥିଲା ଭାରତ ଏହି ମ୍ୟାଚ୍‍ରେ କୌଣସି ୱିକେଟ ହରାଇ ନଥିଲା। କୋହଲି ନ ଖେଳିଲେ ଭାରତୀୟ ଦଳରେ କୌଣସି ପରିବର୍ତ୍ତନ ହେବାର ସମ୍ଭାବନା କମ୍‍।

ଲଢ଼େଇ କରିବ ଇଂଲଣ୍ଡ
ଟସ୍‍ ଜିତୁ କିମ୍ବା ହାରୁ, ପିଚ୍‍ ଫ୍ଲାଟ ହେଉ କିମ୍ବା ସୁଇଂ ଦ୍ୱିତୀୟ ଦିନିକିଆରେ ଭାରତ ସହ ଇଂଲଣ୍ଡ ଜୋରଦାର ମୁକାବିଲା କରିବ। ମୋଇନ୍‍ ଅଲ୍ଲୀଙ୍କ ମତରେ ବେଳେ ବେଳେ ପରାଜୟରୁ ଅଧିକ କିଛି ଶିଖିବାକୁ ମିଳିଥାଏ। ଦଳ ନିକଟରେ ଏତେ ଦକ୍ଷ ଖେଳାଳି ଥିଲାବେଳେ ଖୁବ୍‍ କମ୍‍ ମ୍ୟାଚ୍‍ରେ ଏପରି ବିପର୍ଯ୍ୟୟ ଦେଖିବାକୁ ମିଳିଥାଏ। ଏହା ସତ୍ତ୍ବେ ଆମେ ଦ୍ୱିତୀୟ ମ୍ୟାଚ୍‍ରେ ଲଢ଼ିବୁ ଓ ମ୍ୟାଚ୍‍ ଜିତିବୁ ବୋଲି ସେ କହିଛନ୍ତି। ଅଧିନାୟକ ଦାୟିତ୍ୱ ନେବା ପରେ ଜୋସ୍‍ ବଟ୍ଟଲର ଭଲ ପ୍ରଦର୍ଶନ କରିନାହାନ୍ତି। ଏଠାରେ ତାଙ୍କ ବ୍ୟାଟ୍‍ କଥା କହିବ ବୋଲି ଆଶା କରାଯାଉଛି। ଦଳର ଫାଷ୍ଟ ବୋଲର ରୋହିତ ଶର୍ମାଙ୍କୁ ଅଟକାଇବାକୁ ହେଲେ କିଛି ନୂଆ ଉପାୟ ଖୋଜିବାକୁ ହେବ।

ଲଣ୍ଡନ:  ଭାରତ ଓ ଇଂଲଣ୍ଡ ମଧ୍ୟରେ ୩ ମ୍ୟାଚ୍‍ ବିଶିଷ୍ଟ ଦିନିକିଆ ସିରିଜ୍‍ ଆରମ୍ଭ ହୋଇଛି। ପ୍ରଥମ ମ୍ଯାଚରେ ଭାରତର ସହଜ ବିଜୟ ହୋଇଛି। ଆଜିର ମ୍ଯାଚରେ ଭାରତ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ଭାରତର ବୋଲିଂ ବାହିନୀ ଆଗରେ ଇଂଲଣ୍ଡ ବ୍ଯଟ୍ସ ମ୍ଯାନ ମାନେ ଧରାଶୟୀ ହୋଇଥିଲେ। ଫଳରେ ଇଂଲଣ୍ଡର ବ୍ଯାଟିଂ ବିପର୍ଯ୍ଯୟ ଘଟିଥିଲା। ଇଂଲଣ୍ଡ ୨୫ ଓଭର ୨ଟି ବଲରେ ୧୦ ୱିକେଟ ହରାଇ ୧୧୦ରନ କରିଥିଲା। ଏହି ମ୍ଯାଚ ଜିତିବାକୁ ହେଲେ ଭାରତକୁ ୧୧୧ ରନ ଆବଶ୍ୟକ ରହିଥିଲା।

ଭାରତ ପକ୍ଷରୁ ରୋହିତ ଶର୍ମା ଓ ଶିଖର ଧାୱନ ଅପରାଜିତ ରହି ଏହି ମ୍ଯାଚକୁ  ୧୮ ଓଭର ୪ଟି ବଲରେ ଜିତାଇ ଦେଇଥିଲେ। ଫଳରେ ଭାରତ ୧୦ ୱିକଟରେ ଏହି ମ୍ଯାଚକୁ ଜିତି ନେଇଛି। ରୋହିତ ଶର୍ମା ୫୮ ବଲରେ ୭୬ ରନ କରିଥିବା ବେଳେ ଶିଖର ୫୪ ବଲରେ ୩୧ ରନ କରି ଅପରାଜିତ ରହିଥିଲେ।

ଲଣ୍ଡନ: ଭାରତ ଓ ଇଂଲଣ୍ଡ ମଧ୍ୟରେ ୩ ମ୍ୟାଚ୍‍ ବିଶିଷ୍ଟ ଟି-୨୦ ସିରିଜ୍‍ ରବିବାର ଶେଷ ହେବା ପରେ ଆଜି ଠାରୁ ଦୁଇ ପ୍ରତିଦ୍ୱନ୍ଦ୍ୱୀ ମଧ୍ୟରେ ୩ ମ୍ୟାଚ୍‍ ବିଶିଷ୍ଟ ଦିନିକିଆ ସିରିଜ୍‍ ଆରମ୍ଭ  ହୋଇଛି। ଆଜିର ମ୍ଯାଚରେ ଭାରତ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ଭାରତର ବୋଲିଂ ବାହିନୀ ଆଗରେ ଇଂଲଣ୍ଡ ବ୍ଯଟ୍ସ ମ୍ଯାନ ମାନେ ଧରାଶୟୀ ହୋଇଥିଲେ। ଫଳରେ ଇଂଲଣ୍ଡର ବ୍ଯାଟିଂ ବିପର୍ଯ୍ଯୟ ଘଟିଥିଲା। ଇଂଲଣ୍ଡ ୨୫ ଓଭର ୨ଟି ବଲରେ ୧୦ ୱିକେଟ ହରାଇ ୧୧୦ରନ କରିଛି। ଏହି ମ୍ଯାଚ ଜିତିବାକୁ ହେଲେ ଭାରତକୁ ୧୧୧ ରନ ଆବଶ୍ୟକ ରହିଛି।

ଇଂଲଣ୍ଡ ପକ୍ଷରୁ,  ଜେସନ ରୟ ୫ବଲ ଖେଳି କୌଣସି ରନ ନ କରି ଆଉଟ ହୋଇଥିଲେ। ଏହା ପରେ ବେୟାରଷ୍ଟୋ ୨୦ ବଲରେ ୭ ରନ କରି ଆଉଟ ହୋଇଥିଲେ। ଜୋ ରୁ୍‍ଟ୍‍ ଓ ବେନ୍‍ ଷ୍ଟୋକ୍ସ ଖାତା ଖୋଲି ପାରି ନ ଥିଲେ। ଅଧିନାୟକ ଜୋଶ ବଟ୍ଟଲର ୩୨ ବଲରେ ୩୦ ରନ କରି ଆଉଟ ହୋଇଥିଲେ। ଲିଆମ ଲିଭିଙ୍ଗଷ୍ଟୋନ୍‍ ମଧ୍ଯ କୌଣସି ରନ ନ କରି ଆଉଟ ହୋଇଥିଲେ। ମୋଇନ୍‍ ଅଲ୍ଲୀ ୧୮ ବଲରେ ୧୪ ରନ କରି ଆଉଟ ହୋଇଥିବା ବେଳେ କ୍ରେଗ୍‍ ଓଭରଟନ ୭ ବଲରେ ୮ ରନ କରି ଆଉଟ ହୋଇଥିଲେ। ଏହାପରେ ବ୍ରାଏଡନ କାରସେ ୧୫ ବଲରେ ୨୬ ରନ କରି ଆଉଟ ହୋଇଥିଲେ।  ଡେଭିଡ୍‍ ୱିଲୀ ୨୬ ବଲରୋ ୨୧ ରନ କରି ଆଉଟ ହୋଇଥିବା ବେଳେ ରିସି ଟୋପ୍‍ଲେ ୭ ବଲରେ ୬ରନ କରି ଅପରାଜିତ ରହିଥିଲେ।

ଭାରତ ପକ୍ଷରୁ ଯଶପ୍ରୀତ୍‍ ବୁମ୍‍ରା ସର୍ବାଧିକ ୬ ଟି ୱିକେଟ ନେଇଥିବା ବେଳେ ମହମ୍ମଦ୍‍ ସାମି ୩ଟି ୱିକେଟ ନେଇଥିଲେ। ସେହିପରି ପ୍ରସିଦ୍ଧ କ୍ରିଷ୍ଣା ଗୋଟିଏ ୱିକେଟ ନେଇଥିଲେ।

ଲଣ୍ଡନ: ଭାରତ ଓ ଇଂଲଣ୍ଡ ମଧ୍ୟରେ ୩ ମ୍ୟାଚ୍‍ ବିଶିଷ୍ଟ ଟି-୨୦ ସିରିଜ୍‍ ରବିବାର ଶେଷ ହେବା ପରେ ମଙ୍ଗଳବାରଠାରୁ ଦୁଇ ପ୍ରତିଦ୍ୱନ୍ଦ୍ୱୀ ମଧ୍ୟରେ ୩ ମ୍ୟାଚ୍‍ ବିଶିଷ୍ଟ ଦିନିକିଆ ସିରିଜ୍‍ ଆରମ୍ଭ ହେବ। ଟି-୨୦ ସିରିଜ୍‍ରେ ଭାରତୀୟ ଦଳ ସାହସିକ ଖେଳ ପ୍ରଦର୍ଶନ କରି ୨-୧ରେ ବିଜୟୀ ହୋଇଛି। ଏବେ ସୀମିତ ଓଭର ସିରିଜ୍‍ର ଅନ୍ୟ ଏକ ଫର୍ମାଟରେ ଭାରତକୁ ସମାନ ମନୋଭାବ ନେଇ ଖେଳିବାକୁ ହେବ। ନିକଟରେ ଭାରତୀୟ ଦଳ କୌଣସି ଦିନିକିଆ ଖେଳିନାହିଁ। ଇଂଲଣ୍ଡରେ ମଧ୍ୟ ଅଭ୍ୟାସ ମ୍ୟାଚ ଆୟୋଜିତ ହୋଇ ନାହିଁ। ତଥାପି ଦଳ ସମାନ ମନୋଭାବ ନେଇ ବିଶ୍ୱ ଚାମ୍ପିଅନ୍‍ ଇଂଲଣ୍ଡର ମୁକାବିଲା କରିବ ବୋଲି ଭାରତୀୟ ଅଧିନାୟକ ରୋହିତ ଶର୍ମା କହିଛନ୍ତି। ଟି-୨୦ ଅନେକ ଖେଳାଳି ସୁଯୋଗ ପାଇଥିଲେ ଓ ସେମାନେ ଦକ୍ଷତା ଅନୁଯାୟୀ ଖେଳିଥିଲେ। ଏବେ କିଛି ଖେଳାଳି ଦିନିକିଆ ସିରିଜ୍‍ରେ ସାମିଲ ହୋଇଛନ୍ତି। ଆଶା କରାଯାଉଛି ଏମାନଙ୍କ ମଧ୍ୟରୁ ବିରାଟ କୋହଲି ଫର୍ମକୁ ଫେରିବା ଓ ଶିଖର ଧାୱନ ଗୋଟିଏ ଫର୍ମାଟରେ ଖେଳୁଥିଲାବେଳେ ଫର୍ମ ବଜାୟ ରଖି ଖେଳିବେ ବୋଲି ଭାରତୀୟ ସମର୍ଥକ ଆଶା ରଖିଛନ୍ତି।

ଟି-୨୦ ହେଉ ଅବା ଦିନିକିଆ ଆମେ ପ୍ରତ୍ୟେକ ମ୍ୟାଚ୍‍କୁ ଗୁରୁତ୍ୱ ଦେଉଛୁ ଓ ସମସ୍ତ ମ୍ୟାଚ୍‍କୁ ସମାନ ମନୋଭାବ ନେଇ ଖେଳିବୁ। ଏଣୁ ଦିନିକିଆରେ ଯେ ଆମେ ରିସ୍କ ନେବୁ ନାହିଁ ଏହା ଭାବିବା ଠିକ୍‍ ନୁହେଁ। ହଁ ଏହା ଠିକ୍‍ ଯେ, ଟି-୨୦ ସିରିଜ୍‍ରେ ଆମ ଖେଳାଳିମାନେ ଅତିରିକ୍ତ ରିସ୍କ ନେଇ ଖେଳିଥିଲେ। ସେଥିରେ ସଫଳ ମଧ୍ୟ ହୋଇଥିଲେ। ଅବଶ୍ୟ ଦିନିକିଆରେ ଆମେ ଟିକେ କମ୍‍ ରିସ୍କ ନେଇ ଖେଳିବୁ। କିନ୍ତୁ ମ୍ୟାଚ୍‍ ପ୍ରତି ଆମର ସମାନ ମନୋଭାବ ରହିବ’ ବୋଲି ରୋହିତ ଶର୍ମା କହିଛନ୍ତି। ଏହି ସିରିଜ୍‍ ପୂର୍ବରୁ ଆମେ କୌଣସି ଅଭ୍ୟାସ ମ୍ୟାଚ୍‍ ଖେଳି ନଥିଲେ ମଧ୍ୟ ଗୋଟିଏ ଅଧିକ ସେସନ ଅଭ୍ୟାସ କରିଛୁ। ପ୍ରତ୍ୟେକ ଖେଳାଳିଙ୍କ ଲାଗି ଅଲଗା ଅଲଗା ଅଭ୍ୟାସ କରାଯାଇଛି। ଏଣୁ ସମସ୍ତ ଖେଳାଳି ମୁକାବିଲା ଲାଗି ବେଶ ପ୍ରସ୍ତୁତ ବୋଲି ସେ କହିଥିଲେ। ଏହି ସିରିଜ୍‍ରେ ଯେଉଁ ଦୁଇ ଜଣ ଖେଳାଳି ନଜରରେ ରହିବେ ସେମାନଙ୍କ ମଧ୍ୟରେ ଜଣେ ହେଉଛନ୍ତି କୋହଲି ଓ ଆଉ ଜଣେ ଧାୱନ। କୋହଲି ତୃତୀୟ ଟି-୨୦ରେ ଯେଉଁ ପ୍ରତିଭାର ଝଲକ ଦେଖାଇଛନ୍ତି ତାହାକୁ ଯଦି ଦିନିକିଆରେ ଲଗାଇବେ ତେବେ ସେ ନିଶ୍ଚିତ ଭାବେ ଫର୍ମକୁ ଫେରିବେ। ଏହି ଫର୍ମାଟରେ ତାଙ୍କୁ ଅଧିକ ସୁଯୋଗ ମିଳିବ ଓ ସେ ପୁଣିଥରେ ସଫଳତାର ଧାରାକୁ ଫେରିବେ ବୋଲି ଆଶା କରାଯାଉଛି। କିନ୍ତୁ ମାଂସପେଶୀରେ ଆଘାତ ପାଇଥିବାରୁ ସେ ପ୍ରଥମ ଦିନିକିଆରେ ଖେଳିବା ନେଇ ସନ୍ଦେହ ରହିଛି। ଅନ୍ୟ ପକ୍ଷରେ ୱେଷ୍ଟଇଣ୍ଡିଜ୍‍ ବିପକ୍ଷ ଦିନିକିଆ ସିରିଜ୍‍ ଲାଗି ଧାୱନଙ୍କୁ ଅଧିନାୟକ ମନୋନୀତ କରାଯାଇଛି। ଏଣୁ ସେ ତାଙ୍କ ଚମତ୍କାର ଫର୍ମ ବଜାୟ ରଖି ନିଜକୁ ପ୍ରସ୍ତୁତ ରଖିବେ ବୋଲି ଆଶା କରାଯାଉଛି। ମହମ୍ମଦ ସାମି, ପ୍ରସିଦ୍ଧ କ୍ରିଷ୍ଣାଙ୍କ ପରି ଖେଳାଳିମାନେ ମଧ୍ୟ ସାମିଲ ହୋଇଛନ୍ତି।

୨୦୧୯ ଦିନିକିଆ ବିଶ୍ୱକପ୍‍ ଚାମ୍ପିଅନ୍‍ ଇଂଲଣ୍ଡ ଏହି ଫର୍ମାଟରେ ଏକ ଅପରାଜେୟ ଟିମ୍‍ ଭାବେ ବିବେଚିତ। ଇଓନ ମୋର୍ଗାନଙ୍କ ଠାରୁ ସୀମିତ ଓଭର କ୍ରିକେଟ ଅଧିନାୟକ ଦାୟିତ୍ୱ ଗ୍ରହଣ କରିବା ପରେ ଜୋସ୍‍ ବଟ୍ଟଲରଙ୍କ ଏହା ଦ୍ୱିତୀୟ ପରୀକ୍ଷା। ସେ ଜଣେ ଭଲ ବ୍ୟାଟ୍ସମ୍ୟାନ୍‍ ଓ ବଡ଼ ସ୍କୋର କରିବାର ଦକ୍ଷତା ରଖିଛନ୍ତି। ଟି-୨୦ ସିରିଜ୍‍ରେ ସେ ଫେଲ ମାରିଥିଲେ। ଏଥର ଦିନିକିଆ ସିରିଜ୍‍ ତାଙ୍କୁ ସଫଳ ହେବାର ଆଉ ଏକ ସୁଯୋଗ ଦେଇଛି। ଦଳରେ ଯୁବ ଓ ଅଭିଜ୍ଞ ଖେଳାଳି ରହିଛନ୍ତି। କିନ୍ତୁ ଇଂଲଣ୍ଡର ୩ ବିଖ୍ୟାତ ଖେଳାଳି ଯଥା ପୂର୍ବତନ ଟେଷ୍ଟ ଅଧିନାୟକ ଜୋ ରୁଟ, ବର୍ତ୍ତମାନ ଟେଷ୍ଟ ଅଧିନାୟକ ବେନ୍‍ ଷ୍ଟୋକ୍ସ ଓ ଏଜ୍‍ବାଷ୍ଟନରେ ଇଂଲଣ୍ଡ ଐତିହାସିକ ବିଜୟରେ ହିରୋ ସାଜିଥିବା ଜନ୍ନି ବେୟାରଷ୍ଟୋ ଦଳକୁ ଫେରିବା ପରେ ଘରୋଇ ଦଳର ଅହେତୁକ ଶକ୍ତି ବୃଦ୍ଧି ଘଟିଛି। ଏଣୁ ନୂଆ ମନ ଓ ନୂଆ ଯୋଜନା ନେଇ ଇଂଲଣ୍ଡ ଏଥର ମୁକାବିଲା କରିବ ବୋଲି ଆଶା କରିବା ସ୍ୱାଭାବିକ୍‍।

ଭାରତ
ରୋହିତ ଶର୍ମା (ଅଧିନାୟକ), ଶିଖର ଧାୱନ, ଇଶାନ କିସାନ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଶ୍ରେୟସ ଆୟର, ଋଷଭ ପନ୍ତ (ୱିକେଟକିପର), ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ଶାର୍ଦ୍ଦୁଳ ଠାକୁର, ଯୁଜବେନ୍ଦ୍ର ଚହଲ, ଅକ୍ଷର ପଟେଲ, ଯଶପ୍ରୀତ୍‍ ବୁମ୍‍ରା, ପ୍ରସିଦ୍ଧ କ୍ରିଷ୍ଣା, ମହମ୍ମଦ୍‍ ସାମି, ମହମ୍ମଦ୍‍ ସିରାଜ, ଅର୍ଶଦୀପ ସିଂ।

ଇଂଲଣ୍ଡ
ଜୋଶ ବଟ୍ଟଲର (ଅଧିନାୟକ), ମୋଇନ୍‍ ଅଲ୍ଲୀ, ଜୋନାଥନ ବେୟାରଷ୍ଟୋ, ହ୍ୟାରୀ ବ୍ରୁକ୍‍, ବ୍ରାଇଡନ କାର୍ସେ, ସାମ କୁରାନ, ଲିଆମ ଲିଭିଙ୍ଗଷ୍ଟୋନ୍‍, କ୍ରେଗ୍‍ ଓଭରଟନ, ମାଥ୍ୟୁ ପାର୍କିନସନ, ଜୋ ରୁ୍‍ଟ୍‍, ଜେସନ ରୟ, ଫିଲ ସଲ୍ଟ, ବେନ୍‍ ଷ୍ଟୋକ୍ସ, ରିସି ଟୋପ୍‍ଲେ, ଡେଭିଡ୍‍ ୱିଲୀ।

ନୂଆଦିଲ୍ଲୀ: ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ଓ ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ୍ ପାଇଁ ଭାରତୀୟ ଦଳ ଘୋଷଣା ହୋଇଛି। ଟେଷ୍ଟ ସିରିଜକୁ ଚେତେଶ୍ୱର ପୂଜାରା ପୁଣି ଥରେ ଫେରିଛନ୍ତି । ଏହି ଟିମରେ ରୋହିତ ଶର୍ମା କ୍ୟାପଟେନ ଭାବେ ଦାୟିତ୍ୱ ନିଭାଇବାକୁ ରହିଥିବା ବେଳେ କେଏଲ ରାହୁଲ ରହିଛନ୍ତି ଉପ ଅଧିନାୟକ । ସେହିପରି ଶୁଭମନ୍ ଗିଲ, ଭିରାଟ କୋହଲି, ଶ୍ରେୟାସ ଆୟର, ହନିମାନ ବିହାରୀ, ଚେତେଶ୍ୱର ପୂଜାରା , ରିଷଭ ପନ୍ଥ ମଧ୍ୟ ରହିଛନ୍ତି । ଅନ୍ୟପଟେ ଦଳରେ କେଏସ ଭାରତ, ଜାଡେଜା, ଆର ଅଶ୍ବିନୀ, ସାର୍ଦ୍ଦୁଲ ଠାକୁର, ମହମ୍ମଦ ସାମୀ, ବୁମରା, ସିରାଜ, ଉମେଶ ଯାଦବ ଏବଂ ରିଷିଦ୍ଧ କ୍ରିଷ୍ଣାଙ୍କୁ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ଖେଳିବା ପାଇଁ ଚୟନ କରିଛି ବିସିସିଆଇ ।

ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟର ପ୍ରଥମ ଇଂନିସରେ ଭାରତର ବ୍ୟାଟିଂ ବିପର୍ଯ୍ଯୟ । ଟସ ଜିତି ଭାରତ ବ୍ଯାଟିଂ ନିଷ୍ପତ୍ତି ନେଇଥିଲା । ହେଲେ ବ୍ଯଟିଂରେ ସଫଳ ହୋଇପରିନି । ପ୍ରଥମ ଇଂନିସ୍‌ରେ ଇଂଲଣ୍ଡ ବୋଲରଙ୍କ ସାମ୍ନାରେ ଆତ୍ମସମର୍ପଣ କରିଛି ଟିମ୍‌ ଇଣ୍ଡିଆ ।୪୦.୪ ଓଭରରେ ମାତ୍ର ୭୮ ରନ କରି ଅଲଆଉଟ ହୋଇଯାଇଛି ଟିମ୍‌ ଇଣ୍ଡିଆ ।

ଓପନର ରୋହିତ ଶର୍ମା କିଛି ସମୟ ପଡିଆରେ ଜମି ରହିଥିଲେ ସୁଦ୍ଧା ବଡ ସ୍କୋର କରିବାକୁ ସକ୍ଷମ ହୋଇ ନ ଥିଲେ ମାତ୍ର ୧୯ କରି ଆଉଟ ହୋଇଥିଲେ । ସେପଟେ କେଏଲ ରାହୁଲ ଖାତା ଖୋଲିବା ପୂର୍ବରୁ ପ୍ରଥମ ଓଭରରେ ହିଁ ଆଉଟ୍ ହୋଇଥିଲେ । ଚେତେଶ୍ବର ୧ ରନ କରି ଆଉଟ ହୋଇଛନ୍ତି । ଅଧିନାୟକ ବିରାଟ କୋହଲି ମାତ୍ର ୭ ରନ କରି ଆଉଟ ହେବା ସହିତ ପୁଣି ନିରାଶ କରିଛନ୍ତି । ଅଜିଙ୍କ୍ୟ ରାହାଣେ କିଛି ସମୟ ପିଚ୍‌ରେ ରହିଥିଲେ ସୁଦ୍ଧା ମାତ୍ର ୧୮ ରନ କରି ଆଉଟ ହୋଇଛନ୍ତି । ସେହିଭଳି ଋଷଭ ପନ୍ତ- ୨, ଜାଡେଜା ମାତ୍ର ୪ ରନ କରି ଆଉଟ ହୋଇଛନ୍ତି । ମହମ୍ମଦ ସାମୀ ଏବଂ ଜଶପ୍ରୀତ ବୁମରାହ ଖାତା ଖୋଲିବା ପୂର୍ବରୁ ଆଉଟ ହୋଇଛନ୍ତି । ଇଶାନ୍ତ ଶର୍ମା ୮ ରନ କରି ନଟଆଉଟ ଥିବାବେଳେ ମହମ୍ମଦ ସିରାଜ ୩ ରନ କରି ଆଉଟ ହୋଇଛନ୍ତି ।

ଇଂଲଣ୍ଡ ପକ୍ଷରୁ ଜେମସ୍‌ ଆଣ୍ଡରସନ ୬ ରନ ଦେଇ ୩ଟି ଓ୍ବିକେଟ ନେଇଥିବା ବେଳ କ୍ରେଗ୍‌ ଓଭରଟନ୍‌  ୧୪ ରନ ଦେଇ ୩ଟି ଓ୍ବିକେଟ ନେଇଛନ୍ତି । ସେହିଭଳି ଓଲି ରବିନସନ୍‌ ଓ ସାମ କରନ ୨ଟି ଲେଖାଏଁ ଓ୍ବିକେଟ୍‌ ନେଇଥିଲେ।