କୃଷ୍ଣପ୍ରସାଦ: ଖୋର୍ଦ୍ଧା ଜିଲ୍ଲା ବାଲୁଗାଁ ଠାରୁ ପୁରୀ ଜିଲ୍ଲା କୃଷ୍ଣପ୍ରସାଦକୁ ରାଜ୍ଯ ସରକାରଙ୍କ ଜଳପଥ ପରିବହନ ବିଭାଗ ତରଫରୁ ଏକ ଯାତ୍ରୀବାହି ଲଞ୍ଚ ଚଳାଚଳ କରେ। ହେଲେ ଚିଲିକାରେ ଦଳ ବୃଦ୍ଧି ଯୋଗୁଁ  କିଛି ମାସ ହେବ ଲଞ୍ଚ ଚଳାଚଳ ବାଧାପ୍ରାପ୍ତ ଘଟିଛି। ଯହା ଦ୍ବାରା ଯାତ୍ରୀମାନେ  ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।

କୃଷ୍ଣପ୍ରସାଦ ଜେଟିରେ ମାତ୍ରାଧିକ ଦଳ ବୃଦ୍ଧି ଯୋଗୁଁ ଲଞ୍ଚ କୂଳକୁ ଆସି ପାରୁନାହିଁ। ଉକ୍ତ ଦଳରେ ଲଞ୍ଚ ଲାଗି ଯନ୍ତ୍ରାଂଶ ନଷ୍ଟ ହେବା ଯୋଗୁଁ ୧୫ ଦିନ ହେବ ଲଞ୍ଚ ଚଳାଚଳ ହୋଇ ପାରୁନଥିଲା। ଏହା ପରେ କୃଷ୍ଣପ୍ରସାଦ ସରପଞ୍ଚ ଏବଂ ବାଉରୀ ବନ୍ଧୁ ଦଳବେହାରଙ୍କ ନେତୃତ୍ବରେ ସେଚ୍ଛାସେବୀମାନେ କିଛି ଦଳ ଉଦ୍ଧାର କରିବାପରେ ଲଞ୍ଚ ଗୋଟିଏ ଦିନ ଚାଲିବା ପରେ ପୁଣି ପୂନର୍ବାର ଚଳାଚଳ ବନ୍ଦ ରହିଛି।

ଏ ନେଇ ଅଞ୍ଚଳବାସୀ ବିଭାଗୀୟ କର୍ମଚାରୀଙ୍କ ନିକଟରେ ଅଭିଯୋଗ କରିବାରୁ ଜଳ ପଥ ପରିବହନ ବିଭାଗ ଓ ଚିଲିକି ଉନ୍ନୟନ କତ୍ତୃପକ୍ଷଙ୍କ ମଧ୍ଯରେ କାଦୁଆ ଫିଙ୍ଗାଫିଙ୍ଗି ଚାଲିଛି। ଚିଲିକା ଉନ୍ନୟନ ପାଇଁ କୋଟିକୋଟି ଟଙ୍କା ଆସୁଥିଲେ ମଧ୍ଯ ଚିଲିକାରୁ ସାଧାରଣ ଦଳ ଉଦ୍ଧାର ହୋଇ ପାରୁନାହିଁ। ଯାହା ଦ୍ବାରା ବାଲୁଗାଁ ଠାରୁ ବ୍ଯବସାୟୀକ କାରାବାର ବନ୍ଦ ହୋଇଛି। ଅତ୍ଯାବଶକୀୟ ସଉଦାର କୃତିମ ଅଭାବ ଦେଖା ଦେଇଛି। ସରକାର ଏଥିପ୍ରତି ଦୃଷ୍ଟିଦେବାକୁ ସାଧାରଣରେ ଦାବି ହୋଇଛି।

ଖୋର୍ଦ୍ଧା/ଟାଙ୍ଗୀ: ଲଘୁଚାପ ଜନିତ ପ୍ରବଳ ବର୍ଷା ର ପ୍ରଭାବରେ ଟାଙ୍ଗୀ ଓ ଚିଲିକା ବ୍ଲକ ବିଭିନ୍ନ ଅଞ୍ଚଳ ଜଳମଗ୍ନ ଥିବା ବେଳେ କୁସୁମି ନଦୀ ବନ୍ଧର ଜରିପଡା ପଞ୍ଚାୟତ ଦେଇ ଯାଇଥିବା କଣ୍ଟାବଣିଆ ନଇ ମୁହାଣ ଭାଙ୍ଗି ଜରିପଡା ପଞ୍ଚାୟତ ସମ୍ପୂର୍ଣ ପାଣି ଘେରରେ ଥିବା ଜଣାପଡିଛିା। ଗତକାଲି ଠାରୁ ଲଗାଣ ଲଘୁଚାପ ଜନିତ ବର୍ଷା ଯୋଗୁ ଜନଜୀବନ ସମ୍ପୂର୍ଣ ଅସ୍ଥବ୍ୟସ୍ଥ ହୋଇପଡିଛି। ଟାଙ୍ଗୀ ଥାନା ଚିଲିକା ବ୍ଲକ ଅଧିନସ୍ଥ ଜରିପଡା ପଞ୍ଚାୟତ କଣ୍ଟା ବଣିଆ ନଇଁ ମୁହାଣ ପ୍ରବଳ ବର୍ଷା ଜଳ ଚାପରେ ଭାଙ୍ଗି ଯିବା ଫଳରେ ଏହି ପଞ୍ଚାୟ ର ୧ ନମ୍ବର ଓ୍ବାର୍ଡ ର ବାସିନ୍ଦା ଜଳବନ୍ଦୀ ରେ ଥିବା ବେଳେ ବର୍ଷା ଜଳ ସମେତ ଭାଙ୍ଗି ଯାଇଥବା ମୂହାଣ ପାଣି ପ୍ରବେଶ ଯୋଗୁ ଏହି ପଞ୍ଚାୟତର ପାଣିଦୁଆର, ଜରିପଡା, ଦଧିବାବନପୁର, ରାଧାମୋହନପୁର, ନାଳିଗାଡିଆ, ଜଟିଆପାଟଣା, ବାଉଁଶମୂଳ ସମେତ ୧୫ ଟି ଓ୍ବାର୍ଡ ଜଳମଗ୍ନ ଥିବା ଜଣାପଡିଛିା।

କୌଣସି ପ୍ରକାର ଆକସ୍ମିକ ଆବଶ୍ୟକତାକୁ ଦୃଷ୍ଟିରେ ରଖି ଆଜି ଦିନ ୧୨ ଟାରୁ ଟାଙ୍ଗୀ ଅଗ୍ନିଶମ ବିଭାଗ ଘଟଣା ସ୍ଥଳରେ ସଜାଗ ଥିବା ଜଣାପଡିଛିା। ସେହିପରି କଳକଳେସ୍ବର ପଞ୍ଚାୟତର ପଞ୍ଚୁପାଟିଆ,ବାଲିନାସି,ତାରିମୀ ଗାଁ ଦାଣ୍ଡ ରେ ପ୍ରବଳ ଉପର ମୁଣ୍ଡର ବର୍ଷା ଜଳ ପ୍ରବେଶ କରିଥିବା ବେଳେ ଘରେ ଘରେ ମଧ୍ୟ ପାଣି ପଶିଯାଇଥିବା ଦେଖିବାକୁ ମିଳିଛି। ଟାଙ୍ଗୀ ବ୍ଲକ ଅଧିନସ୍ଥ ଟାଙ୍ଗୀରୁ ବଡପାରି ମୂଖ୍ୟ ରାସ୍ତା ଦେଇ ଯାଇଥିବା କାଦବୋହି ଶଂଖ ଉପରେ ତିନି ଫୁଟ ଉଚତାରେ ବର୍ଷା ଜଳ ଚାଲି ଥିବାରୁ ଗତକାଲି ମଧ୍ୟ ରାତ୍ରରୁ ଯୋଗାଯୋଗ ବିଛିନ୍ନ ହୋଇଛି। ଏହା ଫଳରେ ବଡପାରି ପଞ୍ଚାୟତ ରାମଚନ୍ଦ୍ରପୁର ପଞ୍ଚାୟତ ଓ ଏହାର ଆଖପାଖ ପଞ୍ଚାୟତର ଜନସାଧାରଣଙ୍କୁ ଲଘୁଚାପ ବର୍ଷା ଜଳ ରାସ୍ତା ଉପରେ ଚାଲିଥିବାରୁ ଟାଙ୍ଗୀକୁ ଯୋଗାଯୋଗ ବିଛିନ୍ନ ହୋଇଥିବା ଜଣାପଡିଛିା ଟାଙ୍ଗୀରେ ଥିବା ଗୋଷ୍ଟି ସ୍ବାସ୍ଥ୍ୟକେନ୍ଦ୍ର କୁ ଗର୍ଭବତୀ ,ପ୍ରସୂତି ମହିଳା ଆସିପାରୁନଥିବାରୁ ପରିସ୍ଥିତି ଜଟିଳ ହୋଇଛି। ଟାଙ୍ଗୀ ବ୍ଲକ ଅଧିନସ୍ଥ ଚିଲିକା କୂଳିଆ ପଞ୍ଚାୟତ ଭୂଷଣ୍ଡପୁର ପଞ୍ଚାୟତ ର ବିଭିନ୍ନ ଅଞ୍ଚଳରେ ବର୍ଷା ଜଳ ପ୍ରବେଶ ଯୋଗୁ ସାଧାରଣ ଜୀବନଯାତ୍ରା ବ୍ୟାହତ ହୋଇଥିବା ଜଣାପଡିଛିା।

ବାଲିପାଟପୁର ରିଫ୍ୟୁଜି ହାଇସ୍କୁଲ ଜଳ ବନ୍ଦିରେ ଥିବା ବେଳେ ବାଲିପାଟପୁରରେ ଥିବା ଭୂଷଣ୍ଡପୁର ଫାଣ୍ଡି ପରିସରରେ ବ୍ୟାପକ ଜଳମଗ୍ନ ହୋଇଛି ଫଳରେ କେହି ଫାଣ୍ଡିକୁ ଯିବାଆସିବା କରିପାରୁନାହାନ୍ତି। କାଳୁପଡା ଅଳାଁ ଡିହ ଗ୍ରାମ ଚଢେଇ ଗୁଆଁ ତଳ ସାହିର ଶତାଧିକ ଲୋକେ ଭୟଭୀତରେ ଥିବା ଜଣାପଡିଛିା କୁସୁମି ନଦୀର ପ୍ରବଳ ବନ୍ୟାଜଳ ପ୍ରଭାବିତ ହୋଇ ଏହି ଗ୍ରାମକୁ ସଂଯୋଗ କରୁଥିବା ରାସ୍ତା ଶଂଖ ପାର୍ଶ୍ବ ଗାର୍ଡ ଓ୍ବାଲ ଭାଙ୍ଗି ଗ୍ରାମ ଭିତରକୁ ବନ୍ୟା ଜଳ ପଶି ଯିବାର ଯଥେଷ୍ଟ ଆଶଙ୍କା ଥିବାରୁ ଗ୍ରାମବାସୀ ବାଲି ବସ୍ତା, ବାଉଶଁ କିଳା ବାନ୍ଧି ବନ୍ଧ ତିଆରି କରୁଥିବା ଜଣାପଡିଛିା ତେବେ ଘଟଣା ସ୍ଥଳରେ ସ୍ଥାନୀୟ ସରପଞ୍ଚ ଚିଲିକା ତହସିଲଦାର ପହଞ୍ଚି ଘଟଣା ପ୍ରତି ଦୃଷ୍ଠି ରଖିଥିବା ଜଣାପଡିଛିା  ୧୬ ନମ୍ବର ଜାତୀୟ ରାଜପଥ ପାର୍ଶ୍ବରେ ଥିବା ବଡପାରି ପଞ୍ଚାୟତ ଅହିଅରା (ସାନ ବ୍ରାହ୍ମଣ୍ଡୀ) ଗ୍ରାମ ଚାରି ପାଖରେ ବର୍ଷା ଜଳ ପ୍ରବେଶ ଯୋଗୁ ସେ ଗ୍ରାମବାସୀ ବାହ୍ୟ ଜଗତରୁ ବିଛିନ୍ନ ଥିବା ଜଣାପଡିଛିା ଗତକାଲି ଦିନ ତଥା ରାତି ସାରା ଓ ଆଜି ଦିନ ତମାମ ଲଗାଣ ବର୍ଷା ର ପ୍ରଭାବ ରେ ବହୁ ଜାଗାରେ ଲୋକେ ଘରୁ ବାହାରକୁ ବାହାରି ପାରୁନଥିବା ତଥା କିଛି ମାଟିକାନ୍ଥ ଭୁଷୁଡି ଘର ଭାଙ୍ଗି ଥିବା ଖବର ମଧ୍ୟ ପହଞ୍ଚିଛି। ଉପର ମୁଣ୍ଡର ଜଳ ମାଡିଆସୁଥିବାରୁ ବିଭିନ୍ନ ସ୍ଥାନରେ ଆସନ୍ତା କାଲି ବିଭିନ୍ନ ଅଞ୍ଚଳ ବନ୍ୟା ପ୍ଲାବିତ ହେବାର ଆଶଙ୍କା ଦେଖାଯାଇଛି। ଶହଶହ ଏକର ଧାନ ଚାଷ ଜମି ଜଳମଗ୍ନ ଥିବାରୁ କ୍ଷୟକ୍ଷତିର ଯଥେଷ୍ଟ ଆଶଙ୍କା ଥିବା ଜଣାପଡିଛିା ରିପୋର୍ଟ ଲେଖାହେବା ବେଳକୁ କେବଳ ଏହି ବ୍ଲକ ଅଧିନସ୍ଥ ନୂଆଗଡ ପଞ୍ଚାୟତ ମୋରମୋରସିଂର ଜଣେ ଯୁବକ କମ୍ବେଶ୍ବର ପାଟଶାଣି ପାଣିରେ ଭାସିଯାଇ ମୃତ୍ୟୁ ବରଣ କରିଥିବା ଜଣାପଡିଛିା।

ଖୋର୍ଦ୍ଧା: ଦେଶ ୭୫ତମ ସ୍ବାଧୀନତା ଦିବସ ପାଳୁଛି। ଚାରିଆଡେ ଉତ୍ସାହ ମାହୋଲ ରହିଛି। ହେଲେ ଖୋର୍ଦ୍ଧାରେ ଏକ ଅଭାବନୀୟ ଘଟଣା ଘଟିଛି। ଜଙ୍କିଆ ଥାନା ସିକୋ ଫାଣ୍ଡିରେ ଜାତୀୟ ପତାକା ଉତ୍ତୋଳନ ବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଗ୍ରାମରକ୍ଷୀଙ୍କ ମୃତ୍ୟୁ ଘଟିଥିବା ବେଳେ କନେଷ୍ଟବଳ ବୀରକିଶୋର ଭୋଳ ଆହତ ହୋଇଛନ୍ତି। ମୃତକ ହେଲେ ଗ୍ରାମରକ୍ଷୀ ଧନେଶ୍ଵର ଦାସ ।

ସୂଚନା ଅନୁଯାୟୀ, ରବିବାର ସକାଳ ସାଢେ ୭ଟାରେ ଫାଣ୍ଡି ପରିସରରେ ଜାତୀୟ ପତାକା ଉତ୍ତୋଳନ କରୁଥିଲେ। ପତାକା ଉତ୍ତୋଳନ ଲାଗି ପୋତା ଯାଇଥିବା ଖୁଣ୍ଟ ବିଦ୍ୟୁତ ତାର ସଂସ୍ପର୍ଶରେ ଆସି ଉଭୟ ଗୁରୁତର ଆହତ ହୋଇଥିଲେ। ଉଭୟଙ୍କୁ ଖୋର୍ଦ୍ଧା ମେଡିକାଲକୁ ଆଣାଯାଇଥିଲା। ସେଠାରେ ଡାକ୍ତର ଗ୍ରାମରକ୍ଷୀଙ୍କୁ ମୃତ ଘୋଷଣା କରିଥିଲେ। କନେଷ୍ଟବଳଙ୍କୁ ଗୁରୁତର ଭାବେ ଏମ୍ସ ମେଡିକାଲକୁ ସ୍ଥାନାନ୍ତରିତ କରାଯାଇଛି।