ପାକିସ୍ତାନ ଅଧିକୃତ କାଶ୍ମୀର (PoK)ରେ ଚାଲିଥିବା ଜଏଣ୍ଟ ଆୱାମୀ ଆକ୍ସନ କମିଟି (JAAC) ଆନ୍ଦୋଳନକୁ ରୋକିବା ପାଇଁ ପାକିସ୍ତାନ ସରକାର ଏବଂ ଏହାର ଗୁଇନ୍ଦା ସଂସ୍ଥା ଇଣ୍ଟର-ସର୍ଭିସେସ୍ ଇଣ୍ଟେଲିଜେନ୍ସ (ISI) ପକ୍ଷରୁ ନୂଆ ଚାଲ ଖେଳାଯାଇଛି। ରାୱାଲାକୋଟ୍‌କୁ ପଠାଯାଇଥିବା ତଥାକଥିତ 'ଶାନ୍ତି କମିଟି' ପ୍ରତିନିଧିମଣ୍ଡଳୀରେ କୁଖ୍ୟାତ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ବରିଷ୍ଠ କମାଣ୍ଡର ଇଲିଆସ୍ କାଶ୍ମୀରୀ ସାମିଲ ଥିବା ଦାବି କରାଯାଇଛି। ଏକ ଭିଡିଓ ସାମ୍ନାକୁ ଆସିବା ପରେ ପାକିସ୍ତାନର ଶାନ୍ତି ପ୍ରତିଷ୍ଠା ନାମରେ ଚାଲିଥିବା ଡବଲ ଗେମ୍ ପଦାରେ ପଡ଼ିଛି।

'ଶାନ୍ତି କମିଟି'ରେ ଆତଙ୍କବାଦୀଙ୍କ ଏଣ୍ଟ୍ରି

ଏହି ପ୍ରତିନିଧିମଣ୍ଡଳୀକୁ ନେଇ ଏବେ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି। ସାମ୍ନାକୁ ଆସିଥିବା ଏକ ଭିଡିଓରେ ଆତଙ୍କବାଦୀ କମାଣ୍ଡର ଇଲିଆସ୍ କାଶ୍ମୀରୀ କ୍ୟାମେରାରୁ ବର୍ତ୍ତିବା ପାଇଁ ଲୁଚୁଥିବାର ଦେଖିବାକୁ ମିଳିଛି। ଯଦି ଏହି ଟିମ୍ କେବଳ ଶାନ୍ତି ବାର୍ତ୍ତାଳାପ ପାଇଁ ଗଠନ କରାଯାଇଥିଲା, ତେବେ ସେଥିରେ ଜଣେ ୱାଣ୍ଟେଡ୍ ଆତଙ୍କବାଦୀ କମାଣ୍ଡର କାହିଁକି ସାମିଲ ଅଛି ତାହା ସନ୍ଦେହ ଘେରରେ। ଏହା ପାକିସ୍ତାନ ସରକାର, ତାର ଗୁଇନ୍ଦା ସଂସ୍ଥା ISI ଏବଂ ଆତଙ୍କବାଦୀ ଗୋଷ୍ଠୀଙ୍କ ମଧ୍ୟରେ ଥିବା ଅପବିତ୍ର ସମ୍ପର୍କକୁ ପୁଣିଥରେ ପ୍ରମାଣିତ କରିଛି।

ଲସ୍କର-ଏ-ତୋଇବାର ଖୋଲା ଧମକ

ଅନ୍ୟପକ୍ଷରେ, ଆଉ ଏକ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବା ମଧ୍ୟ JAAC ଆନ୍ଦୋଳନ ବିରୋଧରେ ଖୋଲାଖୋଲି ଭାବେ ମୈଦାନକୁ ଓହ୍ଲାଇଛି। ଗୁଇନ୍ଦା ସୂଚନା ଅନୁଯାୟୀ, ଏହି ସଂଗଠନ ଲଗାତାର ଭାବେ JAAC ନେତାମାନଙ୍କୁ 'ଦେଶଦ୍ରୋହୀ' ଦର୍ଶାଇ ପ୍ରଚାର ଅଭିଯାନ ଚଳାଉଛି। ଏହି ଗଣତାନ୍ତ୍ରିକ ଆନ୍ଦୋଳନକୁ ବଦନାମ କରିବା ଏବଂ ସ୍ଥାନୀୟ ଲୋକଙ୍କ ସ୍ୱରକୁ ଚାପିଦେବା ପାଇଁ ହେଉଥିବା ଉଦ୍ୟମକୁ ଆତଙ୍କବାଦୀମାନେ ଖୋଲା ସମର୍ଥନ କରୁଛନ୍ତି।

କିଏ ଏହି ଇଲିଆସ୍ କାଶ୍ମୀରୀ?

ଇଲିଆସ୍ କାଶ୍ମୀରୀ ହେଉଛି ସେହି ବ୍ୟକ୍ତି, ଯିଏ 'ଅପରେସନ୍ ସିନ୍ଦୁର୍' ପରେ ଦାବି କରିଥିଲା କି ଭାରତୀୟ ସେନାର କାର୍ଯ୍ୟାନୁଷ୍ଠାନରେ ଆତଙ୍କୀ ମାଷ୍ଟରମାଇଣ୍ଡ ମାସୁଦ୍ ଆଝାରର ପରିବାର ଲୋକେ ଖଣ୍ଡ ବିଖଣ୍ଡିତ ହୋଇଯାଇଥିଲେ। ଏବେ ତା'ର ଏକ 'ଶାନ୍ତି କମିଟି' ସହ ନଜର ଆସିବା ଏହି ମାମଲାକୁ ଅଧିକ ସମ୍ବେଦନଶୀଳ କରିଦେଇଛି। ପିଓକେ (PoK)ରେ ସାଧାରଣ ନାଗରିକଙ୍କ ଆନ୍ଦୋଳନକୁ ଅତ୍ୟାଚାର ଏବଂ ରକ୍ତପାତ ମାଧ୍ୟମରେ ଦବାଇବାକୁ ଚେଷ୍ଟା କରାଯାଉଥିବା ବେଳେ ଆତଙ୍କବାଦୀଙ୍କ ମଧ୍ୟସ୍ଥତା ଘଟଣାର ଗମ୍ଭୀରତାକୁ ବୃଦ୍ଧି କରିଛି।

ନୂଆଦିଲ୍ଲୀ: ପାକିସ୍ତାନ ଇତିହାସରେ ପ୍ରଥମ ଘଟଣା । ପୂର୍ବତନ ISI ମୁଖ୍ୟଙ୍କୁ ଗିରଫ କଲା ପାକ୍ ସେନା ।ଗୁଇନ୍ଦା ସଂସ୍ଥା ଆଇଏସଆଇର ପୂର୍ବତନ ମୁଖ୍ୟ ଫୈଜ ହମୀଦଙ୍କୁ ନିଜ ହେପାଜତକୁ ନେଇଛି ପାକିସ୍ତାନ ସେନା । ଫୈଜ ହମିଦଙ୍କୁ ସାମରିକ ହେପାଜତକୁ ନେଇ ତାଙ୍କ ବିରୋଧରେ କୋର୍ଟ ମାର୍ଶାଲ ପ୍ରକ୍ରିୟା ଆରମ୍ଭ କରିଛି ସେନା । ପାକିସ୍ତାନ ସୁପ୍ରିମକୋର୍ଟଙ୍କ ଆଦେଶ ପାଳନ କରି ଏହି ପଦକ୍ଷେପ ଗ୍ରହଣ କରାଯାଇଥିବା କହିଛି ପାକିସ୍ତାନ ସେନା । ‘ଲେଫ୍ଟନାଣ୍ଟଙ୍କ ବିରୋଧରେ ରୁଜୁ ମାମଲାର ସତ୍ୟତା ଯାଞ୍ଚ କରାଯିବ । ବର୍ତ୍ତମାନ, ପାକିସ୍ତାନ ସେନା ଅଧିନିୟମର ପ୍ରାବଧାନ ଅନୁଯାୟୀ ଲେଫ୍ଟନାଣ୍ଟ ଜେନେରାଲ ଫୈଜ ହମୀଦ (ରିଟାୟର୍ଡ)ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରାଯାଇଛି ।’

ଟପ ସିଟି ପକ୍ଷରୁ ମଧ୍ୟ ଫୈଜଙ୍କ ବିରୋଧରେ ସାଂଘାତିକ ଅଭିଯୋଗ ଅଣାଯାଇଥିଲା। ଟପ ସିଟି ହେଉଛି ପାକିସ୍ତାନର ଗୋଟିଏ ଘରୋଇ ହାଉସିଂ ସ୍କିମ। ସଂସ୍ଥା ଅଭିଯୋଗ କରିଥିଲା ଯେ ଫୈଜ ପୂର୍ବାଗ୍ରହ ରଖି ଏହାର ଅଫିସ ଓ ମାଲିକ ମୋଇଜ ଖାନଙ୍କ ବାସଭବନରେ ରେଡ କରିଥିଲେ। ନିଜ କ୍ଷମତାର ଅପବ୍ୟବହାର ମଧ୍ୟ କରିଥିଲେ। ଅଭିଯୋଗ ପରେ ପାକିସ୍ତାନ ସେନା ପକ୍ଷରୁ ଏପ୍ରିଲ ମାସରେ ଗୋଟିଏ ତଦନ୍ତ କମିଟି ଗଠନ କରାଯାଇଥିଲା। ଫୈଜ କ୍ଷମତାର ଅପବ୍ୟବହାର କରିଛନ୍ତି କି ତା’ର ଯାଞ୍ଚ କମିଟି କରିଥିଲା। ଗତବର୍ଷ ନଭେମ୍ବର ମାସରେ ସୁପ୍ରିମକୋର୍ଟ ଦେଇଥିବା ନିର୍ଦ୍ଦେଶ ଆଧାରରେ କମିଟି ଗଠନ ହୋଇଥିଲା।

ଭୁବନେଶ୍ୱର: ଗୁଇନ୍ଦା ତଥ୍ୟ ହାସଲ ପାଇଁ ଆଇଏସ୍‌ଆଇ ଏଜେଣ୍ଟଙ୍କ ହନିଟ୍ରାପ ଘଟଣା। ଖୁବଶୀଘ୍ର STF ସହ ଏନେଇ କଥା ହେବ ଇଣ୍ଟେଲିଯେନ୍ସ ବ୍ୟୁରୋ। ଅଭିଯୁକ୍ତ ପଠାଣିସାମନ୍ତ ଲେଙ୍କା ବିରୋଧରେ ସିଲିଗୁଡି ଥାନାରେ ଅଛି ମାମଲା। ଅଫିସିଆଲ ଡାଟା ଲିକ ନେଇ ଅଭିଯୁକ୍ତକୁ ବିରୋଧରେ ହୋଇଥିଲା ସମନ। ହାଜର ନହେବାରୁ ଅଭିଯୁକ୍ତ ବିରୋଧରେ ଜାରି ହୋଇଥିଲା NBW । ଆଇଏସ୍‌ଆଇ ଏଜେଣ୍ଟ ଗୁଡୁ କୁମାର ସହ ଯୋଗାଯୋଗରେ ଥିଲେ ପଠାଣି। ଆଇଏସ୍‌ଆଇ ଏଜେଣ୍ଟ ଗୁଡୁ କୁମାରର ଘର ସିଲିଗୁଡି। ୩ ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେବା ପାଇଁ ଆବେଦନ କରିଛି STF । ମ୍ୟୁଲ ଆକାଉଣ୍ଟ କରି ଚଳାଇଥିଲେ ଦେଶଦ୍ରୋହୀ କାର୍ଯ୍ୟ।

ନୂଆଦିଲ୍ଲୀ: ସ୍ୱାଧୀନତା ଦିବସ ପୂର୍ବରୁ ଅଘଟଣ ଘଟାଇବାକୁ ହୀନ ଯୋଜନା କରୁଛି ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇ। ଜାମ୍ମୁ ଓ କାଶ୍ମୀରରେ ରକ୍ତପାତ ଘଟାଇବା ଲାଗି ଯୋଜନା ପ୍ରସ୍ତୁତ ହୋଇଥିବା ଆଶଙ୍କା କରାଯାଉଛି। ପାକ୍ ଅଧିକୃତ କାଶ୍ମୀର ଅଞ୍ଚଳରେ ନୂଆ ଆତଙ୍କବାଦୀ କଣ୍ଟ୍ରୋଲ ରୁମ୍ ଖୋଲିବାକୁ ଯୋଜନା କରିଛନ୍ତି ପାକିସ୍ତାନ ଓ ଗୁଇନ୍ଦା ସଂସ୍ଥା ଆଇଏସଆଇ। ଏହା ସହ ବିଭିନ୍ନ ଆତଙ୍କବାଦୀ ସଂଗଠନକୁ କ୍ରିୟାଶୀଳ କରିବା ଲାଗି ବି କରାଯାଇଛି ଯୋଜନା। ଏହି ଖବର ପ୍ରକାଶ ପାଇବା ପରେ ଜାମ୍ମୁ ଓ କାଶ୍ମୀର ସୀମାନ୍ତ ଅଞ୍ଚଳରେ ନିରାପତ୍ତା ବାହିନୀ ପକ୍ଷରୁ ସତର୍କତା ଅବଲମ୍ବନ କରାଯାଇଛି। ଗୁଇନ୍ଦା ଓ ନିରାପତ୍ତା ବିଭାଗ ରିପୋର୍ଟ ଅନୁସାରେ ଆତଙ୍କବାଦୀ କାର୍ଯ୍ୟକଳାପ ଲାଗି ଲସକର-ଏ-ତଏବା, ଜୈସ-ଏ-ମହମ୍ମଦ, ଚେଲାବନ୍ଦୀ ମୁଜାଫରବାଦ ଓ ଅଲ ବାଦର ସଂଗଠନର ବୈଠକ ହୋଇଛି। ସୀମାରେ ଅନୁପ୍ରବେଶ, ବିଭିନ୍ନ ସ୍ଥାନରେ ଆତଙ୍କବାଦୀ କାଣ୍ଡ ଘଟାଇବା, ଗୁରୁତ୍ୱପୂର୍ଣ୍ଣ ସ୍ଥାନରେ ବିସ୍ଫୋରଣ ଘଟାଇବା ଆଦି କାର୍ଯ୍ୟରେ ଆତଙ୍କବାଦୀ ସଂଗଠନ ନିୟୋଜିତ ହୋଇପାରନ୍ତି ବୋଲି ଆଶଙ୍କା କରାଯାଉଛି। ନିୟନ୍ତ୍ରଣ ରେଖାର ବିଭିନ୍ନ ନୂଆ ୮ଟି ରାସ୍ତାରେ ଅନୁପ୍ରବେଶ ଯୋଜନା କରାଯାଉଛି ବୋଲି ଗୁଇନ୍ଦା ସୂତ୍ରରୁ ପ୍ରକାଶ।