ନୂଆଦିଲ୍ଲୀ: ନୂତନ ଆର୍ଥିକବର୍ଷ ଏପ୍ରିଲ ପହିଲାରୁ ଆରମ୍ଭ ହେଉଛି, ଯାହା ସାଧାରଣ ଲୋକଙ୍କ ପକେଟ୍‌ ଉପରେ ବଡ଼ ପ୍ରଭାବ ପକାଇବ। ଏଥର, ସରକାର ଟିକଟଠାରୁ ଟିକସ ପର୍ଯ୍ୟନ୍ତ ୧୦ଟି ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିବାକୁ ଯାଉଛନ୍ତି। ଏହି ସମୟରେ, ଏପ୍ରିଲ ପହିଲାରୁ କାର୍ଯ୍ୟକାରୀ ହେବାକୁ ଥିବା ବ୍ୟାଙ୍କିଙ୍ଗ ଏବଂ ରେଳବାଇର ନିୟମ ସାଧାରଣ ଲୋକଙ୍କ ଚିନ୍ତାକୁ ବଢ଼ାଇଦେଇଛି।  କରିଛି। ଟ୍ରେନ୍ ଟିକଟ୍ ବାତିଲ୍ ପାଇଁ ରିଫଣ୍ଡ ନିୟମ ଆହୁରି କଠୋର ହେବ ଏବଂ ଏଟିଏମ୍‌ରୁ ଟଙ୍କା ଉଠାଇବା ମଧ୍ୟ ମହଙ୍ଗା ହୋଇପାରେ। ପାନ୍ କାର୍ଡ ପାଇଁ କଠୋର ଡକ୍ୟୁମେଣ୍ଟେସନ୍ ଆବଶ୍ୟକତା ଏବଂ ରନ୍ଧନ ଗ୍ୟାସ୍ ମୂଲ୍ୟରେ ସମ୍ଭାବ୍ୟ ପରିବର୍ତ୍ତନ ସିଧାସଳଖ ଆପଣଙ୍କ ପରିବାରର ବଜେଟ ଉପରେ ପ୍ରଭାବ ପକାଇବ। 

ନୂଆ ଆୟକର ଆଇନ କାର୍ଯ୍ୟକାରୀ
ପୁରୁଣା ଆୟକର ଆଇନ ୧୯୬୧ ଏବେ ଇତିହାସ ହୋଇଯିବ। ନୂତନ ଆୟକର ଆଇନ  ଏପ୍ରିଲ ପହିଲାରୁ କାର୍ଯ୍ୟକାରୀ ହେବ। ପୂର୍ବରୁ ବ୍ୟବହୃତ ମୂଲ୍ୟାୟନ ବର୍ଷ ଏବଂ ପୂର୍ବ ବର୍ଷ ଶବ୍ଦଗୁଡ଼ିକ ବର୍ତ୍ତମାନ ଗୋଟିଏ ଟିକସ ବର୍ଷ ଦ୍ୱାରା ବଦଳାଯିବ। ଏହା ଟିକସ ଦାଖଲ ଏବଂ ବୁଝାମଣାକୁ ସରଳ କରିବ। ଆଇନରେ ଆହୁରି ଅନେକ ପରିବର୍ତ୍ତନ ମଧ୍ୟ କରାଯାଇଛି ଯାହା କରଦାତାଙ୍କ ପାଇଁ ସହଜ ହେବ।

ଅଧିକ ଟିକସ ରିଆତିର ଲାଭ
ନୂତନ ଟିକସ ବ୍ୟବସ୍ଥା ଅଧୀନରେ ବାର୍ଷିକ ୧୨ ଲକ୍ଷ ପର୍ଯ୍ୟନ୍ତ ଆୟ କରୁଥିବା ବ୍ୟକ୍ତିମାନେ ଏବେ ଶୂନ୍ ଟିକସ ଦେବେ। ଧାରା ୮୭ଏ ଅଧୀନରେ ରିଆତିରେ ବୃଦ୍ଧି କରାଯାଇଛି, ଯାହା ମଧ୍ୟବିତ୍ତ ବର୍ଗକୁ ଗୁରୁତ୍ୱପୂର୍ଣ୍ଣ ଆଶ୍ୱସ୍ତି ପ୍ରଦାନ କରିବ। ପୂର୍ବରୁ, ଏହି ସୀମା କମ୍ ଥିଲା, କିନ୍ତୁ ବର୍ତ୍ତମାନ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟ କରମୁକ୍ତ ହେବ। 

ଟିଡିଏସ୍‌ ଫର୍ମରେ ପରିବର୍ତ୍ତନ
ଏପ୍ରିଲରୁ ଫର୍ମ ୧୬ ଏବଂ ଫର୍ମ ୧୬ଏ ବନ୍ଦ ହୋଇଯିବ। ଫର୍ମ ୧୩୦ ଏବଂ ଫର୍ମ ୧୩୧ ସେଗୁଡ଼ିକ ସ୍ଥାନ ନେବ। ଫର୍ମ ୧୩୦ ବେତନଭୋଗୀଙ୍କ ଟିଡିଏସ୍‌ ପ୍ରମାଣପତ୍ର ପାଇଁ ହେବ, ଯେତେବେଳେ କି ଫର୍ମ ୧୩୧ ଅଣ-ବେତନପ୍ରାପ୍ତ ପେମେଣ୍ଟ ପାଇଁ ହେବ। ଅନୁପାଳନକୁ ସରଳ କରିବା ଏବଂ ଟିକସ ଦାଖଲରେ ସ୍ପଷ୍ଟତା ବଜାୟ ରଖିବା ପାଇଁ ଜାରି ସମୟସୀମାରେ ମଧ୍ୟ ପରିବର୍ତ୍ତନ କରାଯିବ।

ଏଲ୍‌ପିଜି ସିଲିଣ୍ଡର ମୂଲ୍ୟ ସଂଶୋଧନ
ଘରୋଇ ଏଲ୍‌ପିଜି ସିଲିଣ୍ଡର ମୂଲ୍ୟ ଏପ୍ରିଲ ପହିଲାରେ ସଂଶୋଧନ କରାଯାଇପାରେ। ଆମେରିକା, ଇସ୍ରାଏଲ ଏବଂ ଇରାନ ମଧ୍ୟରେ ଚାଲିଥିବା ଯୁଦ୍ଧ ବିଶ୍ୱସ୍ତରୀୟ ଆହ୍ବାନକୁ ବୃଦ୍ଧି କରିଛି, ଯାହା ଯୋଗାଣକୁ ପ୍ରଭାବିତ କରୁଛି। ଏହି ମୂଲ୍ୟ ପରିବର୍ତ୍ତନ ସାଧାରଣ ପରିବାରର ରୋଷେଇ ଘର ଖର୍ଚ୍ଚକୁ ପ୍ରଭାବିତ କରିବ।

ସିଏନ୍‌ଜି, ପିଏନ୍‌ଜି, ଏଟିଏଫ୍‌ ମୂଲ୍ୟରେ ପରିବର୍ତ୍ତନ
ସିଏନ୍‌ଜି, ପିଏନ୍‌ଜି ଏବଂ ବିମାନ ଟର୍ବାଇନ୍ ଇନ୍ଧନ (ଏଟିଏଫ୍‌) ମୂଲ୍ୟ ମଧ୍ୟ ସଂଶୋଧନ ହେବ। ଏହା ବିମାନ ଭଡ଼ା ବୃଦ୍ଧି କରିପାରେ ଏବଂ ଦୈନନ୍ଦିନ ପରିବହନକୁ ପ୍ରଭାବିତ କରିପାରେ। 

ଏଟିଏମ୍‌ ଉଠାଣ ଶୁଳ୍କ ବଢ଼ିବ
ନୂଆ ମାସରୁ  ଏଚ୍‌ଡିଏଫ୍‌ସି ବ୍ୟାଙ୍କରୁ ୟୁପିଆଇ ଏଟିଏମ୍ ଉଠାଣ ମାଗଣା ସୀମାରେ ଅନ୍ତର୍ଭୁକ୍ତ ହେବ। ଯଦି ଆପଣ ପ୍ରତି ମାସରେ ୫ଟି କାରବାର ଅତିକ୍ରମ କରନ୍ତି, ତେବେ ପ୍ରତ୍ୟେକ ପରବର୍ତ୍ତୀ କାରବାର ପାଇଁ ୨୩ ଟଙ୍କା ଶୁଳ୍କ ଲାଗୁ ହେବ। 

ପାନ୍‌ କାର୍ଡ ନିୟମ କଡ଼ାକଡ଼ି
ପ୍ୟାନ୍ କାର୍ଡ ତିଆରି କିମ୍ବା ଅପଡେଟ୍ କରିବା ପାଇଁ ନିୟମ ଏବେ କଡ଼ାକଡ଼ି ହେବ। ଆୟକର ବିଭାଗ ଆଉ ଜନ୍ମ ତାରିଖର ଏକମାତ୍ର ପ୍ରମାଣ ଭାବରେ ଆଧାରକୁ ଗ୍ରହଣ କରିବ ନାହିଁ। ପାନ୍‌ କାର୍ଡ କ୍ଷେତ୍ରରେ ଏଣିକି ୧୦ମ ଶ୍ରେଣୀ ପ୍ରମାଣପତ୍ର, ପାସପୋର୍ଟ, ଜନ୍ମ ପ୍ରମାଣପତ୍ର ଏବଂ ଭୋଟର ପରିଚୟପତ୍ର ଭଳି ଡକ୍ୟୁମେଣ୍ଟ ଆବଶ୍ୟକ ହେବ। 

ଟ୍ରେନ ଟିକଟ ବାତିଲ ନିୟମ କଡ଼ାକଡ଼ି
ରେଳବାଇ ଏବେ ଟ୍ରେନ ଛାଡିବାର ୮ ଘଣ୍ଟା ମଧ୍ୟରେ ଟିକଟ ବାତିଲ ପାଇଁ ଶୂନ୍ୟ ରିଫଣ୍ଡ ପ୍ରଦାନ କରିବ। ପୂର୍ବରୁ, ଏହି ସମୟ ସୀମା ୪ ଘଣ୍ଟା ଥିଲା। ଶେଷ ମୁହୂର୍ତ୍ତରେ ବାତିଲ କରିବା ଦ୍ୱାରା ଆଉ କୌଣସି ରିଫଣ୍ଡ ମିଳିବ ନାହିଁ, ଯାହା ଫଳରେ ଯାତ୍ରୀମାନଙ୍କୁ ପୂର୍ବରୁ ଯୋଜନା କରିବାକୁ ପଡିବ।

ମାର୍ଚ୍ଚ ମାସ ଶେଷ ହେବାକୁ ଯାଉଛି ଏବଂ ଏପ୍ରିଲ୍ ୧, ୨୦୨୬ ରୁ ନୂତନ ଆର୍ଥିକ ବର୍ଷ ଆରମ୍ଭ ହେବ। ପ୍ରତ୍ୟେକ ମାସ ଭଳି ଏଥର ମଧ୍ୟ ଏପ୍ରିଲ୍ ପହିଲାରୁ ଦେଶରେ ଅନେକ ଗୁରୁତ୍ୱପୂର୍ଣ୍ଣ ଆର୍ଥିକ ପରିବର୍ତ୍ତନ ହେବାକୁ ଯାଉଛି। ଏଲପିଜି (LPG) ଦରଠାରୁ ଆରମ୍ଭ କରି ଆୟକର ନିୟମ, ପ୍ୟାନ୍ କାର୍ଡ, ଏବଂ ଏଟିଏମ୍ (ATM) ଟ୍ରାଞ୍ଜାକ୍ସନ୍ ନିୟମରେ ବଡ଼ ଧରଣର ପରିବର୍ତ୍ତନ ହେବ, ଯାହାର ସିଧାସଳଖ ପ୍ରଭାବ ସାଧାରଣ ଲୋକଙ୍କ ପକେଟ୍ ଉପରେ ପଡ଼ିବ। ଆସନ୍ତୁ ଜାଣିବା ସେହି ୫ଟି ବଡ଼ ପରିବର୍ତ୍ତନ ବିଷୟରେ।

୧. ଏଲପିଜି ଏବଂ ସିଏନଜି-ପିଏନଜି ଦରରେ ପରିବର୍ତ୍ତନ

ପ୍ରତ୍ୟେକ ମାସର ପହିଲା ଭଳି ଏପ୍ରିଲ୍ ୧, ୨୦୨୬ ରୁ ଏଲପିଜି ସିଲିଣ୍ଡର ଦରରେ ପରିବର୍ତ୍ତନ ଦେଖିବାକୁ ମିଳିବ। ମଧ୍ୟପ୍ରାଚ୍ୟରେ ଲାଗିରହିଥିବା ଯୁଦ୍ଧ ଏବଂ ତୈଳ ସଙ୍କଟ ଯୋଗୁଁ ତୈଳ କମ୍ପାନୀଗୁଡ଼ିକ ପୂର୍ବରୁ ହିଁ ଦର ବୃଦ୍ଧି କରିସାରିଛନ୍ତି। ଏହା ସହିତ ଏଟିଏଫ୍ (ATF), ସିଏନଜି (CNG) ଏବଂ ପିଏନଜି (PNG) ଗ୍ୟାସ୍‌ର ନୂତନ ଦର ମଧ୍ୟ ଘୋଷଣା କରାଯାଇପାରେ।

୨. ନୂଆ ଆୟକର ନିୟମ

ଏପ୍ରିଲ୍ ୧ରୁ ଦେଶରେ ସବୁଠାରୁ ବଡ଼ ପରିବର୍ତ୍ତନ ଆୟକର କ୍ଷେତ୍ରରେ ହେବାକୁ ଯାଉଛି। ୧୯୬୧ ମସିହାର ଆୟକର ଆଇନ ବଦଳରେ ନୂତନ ଆୟକର ଆଇନ, ୨୦୨୫ ଲାଗୁ ହେବ। ଏହି ନୂତନ ଆଇନ ଅନୁଯାୟୀ କରଦାତାଙ୍କ ପାଇଁ ଅନେକ ନିୟମ ସହଜ କରାଯାଇଛି। ଆଇଟିଆର୍ (ITR) ଦାଖଲ ପାଇଁ ବ୍ୟବହୃତ ହେଉଥିବା ଫର୍ମ-୧୬ (Form 16) ବଦଳରେ ଏବେ ଏକ ନୂତନ ଫର୍ମ ପ୍ରଦାନ କରାଯିବ। ସେହିପରି ନନ୍-ସାଲାରୀ (ଅଣ-ଦରମା) ଆୟ ପାଇଁ ଉଦ୍ଦିଷ୍ଟ ଫର୍ମ-୧୬ଏ (Form 16A) ର ନାମ ପରିବର୍ତ୍ତନ କରାଯାଇ ଫର୍ମ-୧୩୧ (Form 131) ରଖାଯିବ। ଟିଡିଏସ୍ (TDS) ବିବରଣୀ ପ୍ରଦାନ କରିବାର ୧୫ ଦିନ ମଧ୍ୟରେ ଏହାକୁ ଜାରି କରିବା ବାଧ୍ୟତାମୂଳକ ହେବ।

୩. ଏଚଡିଏଫସି, ପିଏନବି ଏବଂ ବନ୍ଧନ ବ୍ୟାଙ୍କର ନିୟମ

ଯଦି ଆପଣଙ୍କର ଆକାଉଣ୍ଟ୍ ଏଚଡିଏଫସି (HDFC), ପଞ୍ଜାବ ନ୍ୟାସନାଲ ବ୍ୟାଙ୍କ (PNB) କିମ୍ବା ବନ୍ଧନ ବ୍ୟାଙ୍କ (Bandhan Bank) ରେ ଅଛି, ତେବେ ବ୍ୟାଙ୍କିଙ୍ଗ୍ ସେବାରେ କିଛି ପରିବର୍ତ୍ତନ ହେବ। ଏହି ବ୍ୟାଙ୍କଗୁଡ଼ିକରେ ଏଟିଏମ୍ (ATM) ରୁ ଟଙ୍କା ଉଠାଣ, ସର୍ବନିମ୍ନ ବାଲାନ୍ସ (Minimum Balance) ରଖିବାର ନିୟମ ଏବଂ ଅନ୍ୟାନ୍ୟ ସର୍ଭିସ୍ ଚାର୍ଜରେ ନୂଆ ପରିବର୍ତ୍ତନ ଘଟିବାକୁ ଯାଉଛି।

୪. ପ୍ୟାନ୍ କାର୍ଡ ନିୟମ

ପ୍ୟାନ୍ କାର୍ଡ (PAN Card) ସହିତ ଜଡ଼ିତ ନିୟମରେ ମଧ୍ୟ ଏପ୍ରିଲ୍ ୧ରୁ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ହେବ। ଆଧାର ସହିତ ପ୍ୟାନ୍ କାର୍ଡ ଲିଙ୍କ୍ ହୋଇନଥିଲେ କିମ୍ବା ପ୍ୟାନ୍ କାର୍ଡ ନିଷ୍କ୍ରିୟ ଥିଲେ, ବ୍ୟାଙ୍କିଙ୍ଗ୍ କାରବାର ବେଳେ ଗ୍ରାହକଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡ଼ିବ। ଏହା ଉପରେ କିଛି ନୂଆ ଫାଇନ୍ କିମ୍ବା ଜରିମାନା ସମ୍ବନ୍ଧୀୟ ନିୟମ କଡ଼ାକଡ଼ି ହୋଇପାରେ।

୫. ରେଳ ଟିକେଟ୍ ନିୟମ

ଭାରତୀୟ ରେଳବାଇ (Indian Railways) ପକ୍ଷରୁ ଟିକେଟ୍ ବୁକିଂ ଏବଂ ବାତିଲ୍ ନିୟମରେ ମଧ୍ୟ କିଛି ଅପଡେଟ୍ ଲାଗୁ କରାଯାଇପାରେ। ଯାତ୍ରୀଙ୍କ ସୁବିଧା ଏବଂ ଟିକେଟ୍ କଳାବଜାରୀ ରୋକିବା ପାଇଁ ତତ୍କାଳ ଟିକେଟ୍ (Tatkal Ticket) ଏବଂ ରିଫଣ୍ଡ୍ ପଲିସିରେ କେତେକ ପରିବର୍ତ୍ତନ ଆସିବାର ସମ୍ଭାବନା ରହିଛି।

ନୂଆଦିଲ୍ଲୀ : ଅଗଷ୍ଟ ପହିଲାରୁ ସାରା ଦେଶରେ ଅନେକ ପରିବର୍ତ୍ତନ ଘଟି ଲାଗୁ ହେବାକୁ ଯାଉଛି କିଛି ନୂଆ ନିୟମ । ଏଗୁଡ଼ିକ ଆପଣଙ୍କ ପକେଟ ଏବଂ ଚଳଣି ଉପରେ ସିଧାସଳଖ ପ୍ରଭାବ ପକାଇବ। ଏଟିଏମ୍ ରୁ କେୱାଇସି ପର୍ଯ୍ୟନ୍ତ ଅଗଷ୍ଟ ପହିଲାରୁ ଅନେକ ଜରୁରୀ ପରିବର୍ତ୍ତନ ହେବାକୁ ଯାଉଛି। ଏଟିଏମରୁ ଟଙ୍କା କାଢିବା କେବଳ ମହଙ୍ଗା ହେବ ନାହିଁ ବରଂ ଯଦି ଆପଣ ସମୟ ପୂର୍ବରୁ ନିଜର କେୱାଇସି ଅପଡେଟ୍ କରିନାହାନ୍ତି ତେବେ ଆପଣଙ୍କ ଆକାଉଣ୍ଟ ବନ୍ଦ ହୋଇପାରେ। ଅଗଷ୍ଟ ପହିଲାଠାରୁ ବ୍ୟାଙ୍କରୁ କାରବାର ରବିବାର ଏବଂ ଛୁଟିଦିନରେ ମଧ୍ୟ ହୋଇପାରିବ। ଏହାବ୍ୟତୀତ ବର୍ତ୍ତମାନ ଆପଣଙ୍କୁ ଏଟିଏମରୁ ଟଙ୍କା ଉଠାଇବା ପାଇଁ ଅଧିକ ଦେୟ ଦେବାକୁ ପଡିବ ।

ଅଗଷ୍ଟ ପହିଲାଠାରୁ ଏଟିଏମ୍ ଇଣ୍ଟରଟେଣ୍ଟ୍‌ ଫି ୧୫ ରୁ ୧୭ ଟଙ୍କାକୁ ବୃଦ୍ଧି କରାଯିବ। ଅଣ- ଆର୍ଥିକ କାରବାର ଉପରେ ମଧ୍ୟ ଫି ୫ ରୁ ୬ ଟଙ୍କାକୁ ବୃଦ୍ଧି ହେବ। ଗ୍ରାହକଙ୍କ ସୁବିଧା ପାଇଁ ବ୍ୟାଙ୍କଗୁଡ଼ିକ ସବୁ ସ୍ଥାନରେ ଏଟିଏମ୍ ସ୍ଥାପନ କରିଥାନ୍ତି। ଅନ୍ୟ ବ୍ୟାଙ୍କର ଗ୍ରାହକମାନେ ମଧ୍ୟ ଏହି ମେସିନରୁ ଟଙ୍କା ଉଠାଣ କିମ୍ବା ସ୍ଥାନାନ୍ତର କରନ୍ତି। ପ୍ରତ୍ୟେକ ବ୍ୟାଙ୍କ ମାଗଣା କାରବାର ସୀମା ସ୍ଥିର କରିଛନ୍ତି । ତା’ଠାରୁ ଅଧିକ କାରବାର ପାଇଁ ଗ୍ରାହକଙ୍କଠାରୁ ଫି ଆଦାୟ କରାଯାଏ। ଏହାକୁ ଇଣ୍ଟରଚେଞ୍ଜ ଫି କୁହାଯାଏ। ଆଉ ଏକ ପରିବର୍ତ୍ତନ ସ୍ବରୂପ ଏଣିକି ବ୍ୟାଙ୍କ ଛୁଟି ଦିନରେ ବି କର୍ମଚାରୀଙ୍କ ବ୍ୟାଙ୍କ ଖାତାକୁ ଆସିବ ଦରମା ଓ ପେନ୍‌ସନ୍‌।

କେବଳ ଦରମା ନୁହେଁ ଅଗଷ୍ଟ ପହିଲାଠାରୁ ବ୍ୟାଙ୍କ ସହିତ ଜଡିତ ଆପଣଙ୍କର ଅନେକ କାରବାର ରବିବାର ଏବଂ ଛୁଟିଦିନରେ ମଧ୍ୟ ହୋଇପାରିବ। ନ୍ୟାସନାଲ ଅଟୋମେଟେଡ୍ କ୍ଲିଅରିଂ ହାଉସ୍ (ଏନ୍‌ଏସିଏଚ୍) ବ୍ୟବସ୍ଥାକୁ ସାତ ଦିନ ଯାକ କାର୍ଯ୍ୟକ୍ଷମ ରଖିବାକୁ ଆରବିଆଇ ନିଷ୍ପତି ନେଇଛି। ଯାହାଫଳରେ ଆଗାମୀ ଦିନରେ ଦରମା କିମ୍ବା ପେନସନ୍‌ ପାଇଁ ଶନିବାର ଏବଂ ରବିବାର ଅର୍ଥାତ୍ ସପ୍ତାହ ଶେଷ ଯାଏ ଅପେକ୍ଷା କରିବାକୁ ପଡ଼ିବନାହିଁ। ଏହାବ୍ୟତୀତ ଛୁଟିଦିନରେ ଆପଣଙ୍କ ଆକାଉଣ୍ଟରୁ ଇଏମ୍ଆଇ ବା କିସ୍ତି ମଧ୍ୟ କଟାଯିବ। ତାହା ହେଉଛି, ଅଗଷ୍ଟ କିଙ୍କି ପହିଲାଠାରୁ, ଆପଣଙ୍କୁ ଆଉ ଦରମା, ପେନ୍‌ସନ୍‌ ଏବଂ ଇଏମ୍ଆଇ ଦେୟ ଭଳି ଗୁରୁତ୍ଵପୂର୍ଣ୍ଣ କାରବାର ପାଇଁ କାର୍ଯ୍ୟ ଦିବସ ଯାଏ ଅପେକ୍ଷା କରିବାକୁ ପଡିବନାହିଁ । ଯଦି ଆପଣ ଆପଣଙ୍କର ବ୍ୟାଙ୍କ ଆକାଉଣ୍ଟରୁ କୌଣସି ଇଏମ୍ଆଇ କିମ୍ବା ବିଲ୍ କିମ୍ବା ଇସିଏସର ସ୍ଵୟଂଚାଳିତ ଦେୟର ସୁବିଧା ନେଇଛନ୍ତି, ତେବେ ଅଗଷ୍ଟ ପହିଲାରୁ ଆକାଉଣ୍ଟରେ ପର୍ଯ୍ୟାପ୍ତ ବାଲାନ୍ସ ବଜାୟ ରଖନ୍ତୁ। ଯଦି ଆପଣ ଏହା କରନ୍ତି ନାହିଁ ଏବଂ କମ୍ ବାଲାନ୍ସ ହେତୁ ପେମେଣ୍ଟ ବିଫଳ ହୁଏ, ତେବେ ବ୍ୟାଙ୍କ କିମ୍ବା ଅନ୍ୟାନ୍ୟ ଆର୍ଥିକ ପ୍ରତିଷ୍ଠାନ ଦ୍ବାରା ଆପଣଙ୍କ ଉପରେ ଏକ ଦଣ୍ଡବିଧାନ କରାଯାଇପାରେ। ପ୍ରଚଳିତ ବ୍ୟବସ୍ଥା ଅନୁଯାୟୀ ଯଦି ରବିବାରରେ ପର୍ଯ୍ୟାପ୍ତ ପରିମାଣର ବାଲାନ୍ସ ନ ଥାଏ ଏବଂ ସୋମବାର ଦିନ ଟଙ୍କା ଜମା ହୁଏ, ତେବେ ସୋମବାର କିସ୍ତି କିମ୍ବା ବିଲ୍ ପଇଠ କରାଯାଇଥାଏ।

ଯଦି ଆପଣ ସେୟାର ବଜାର ସହ ଜଡିତ ଏବଂ କ୍ରମାଗତ ବ୍ୟବସାୟ କରୁଛନ୍ତି ତେବେ ଆପଣଙ୍କୁ ନିଜର ଡିମାଟ୍‌ ଓ ଟ୍ରେନିଂ ଖାତାର କେଓବାଇସି । ଅପଡେଟ୍ କରାଇବା ଜରୁରୀ। ଯଦି ଆପଣ 1, ଏ ପର୍ଯ୍ୟନ୍ତ ତାହା କରିନାହାନ୍ତି ତେବେ ଶୀଘ୍ର କରାଇ ନିଅନ୍ତୁ ନଚେତ୍ ଆପଣଙ୍କ ଡିମାଟ୍‌ ଓ । ଟ୍ରେନିଂ ଆକାଉଣ୍ଟ ବନ୍ଦ ହୋଇଯାଇପାରେ। ନ୍ୟାସନାଲ ଲିମିଟେଡ୍ (ଏନଏସଡିଏଲ) ପକ୍ଷରୁ ଜାରି ସର୍କୁଲାରେ ଏହା ସ୍ପଷ୍ଟ ଭାବେ କୁହାଯାଇଛି ଯେ, ସମସ୍ତ ଡିମାଟ୍ ଓ ଟ୍ରେନିଂ ଖାତାର କେୱାଇସି କାମ ଜୁଲାଇ ୩୧ ସୁଦ୍ଧା ସାରିଦେବା ଉଚିତ୍। ଏହି ଖାତାଧାରୀଙ୍କୁ କେଓବାଇସି ଅପଡେଟ୍‌ରେ ନାମ, ଠିକଣା, ପାନ୍ ମୋବାଇଲ ନମ୍ବର, ଇ-ମେଲ୍ ଆଇଡି ଓ ବାର୍ଷିକ ଆୟ ସାମିଲ।