ଏକବିଂଶ ଶତାବ୍ଦୀରେ ବି ସମାଜରେ ଅନ୍ଧବିଶ୍ୱାସର ଚେର କେତେ ଗଭୀର, ତାହାର ଏକ ଲଜ୍ଜାଜନକ ଉଦାହରଣ ଝାଡ଼ଖଣ୍ଡର ଲାତେହାର ଜିଲ୍ଲାରୁ ସାମ୍ନାକୁ ଆସିଛି। ଏଠାକାର ନେତରହାଟ ଥାନା ଅନ୍ତର୍ଗତ ଦୌନା ଗାଁରେ ଗୁଣିଗାରେଡ଼ି ବା ଯାଦୁଟୋଣା ସନ୍ଦେହରେ ଜଣେ ବୃଦ୍ଧଙ୍କୁ ଗ୍ରାମବାସୀମାନେ ଅମାନବୀୟ ନିର୍ଯାତନା ଦେଇଛନ୍ତି। ପଞ୍ଚାୟତର କଥିତ ନିଷ୍ପତ୍ତି ପରେ ବୃଦ୍ଧଙ୍କୁ ଜୋରଜବରଦସ୍ତ ପରିସ୍ରା ପିଆଇ ଦିଆଯାଇଛି। କେବଳ ସେତିକି ନୁହେଁ, ତାଙ୍କ ପତ୍ନୀଙ୍କ ସହ ମଧ୍ୟ ଦୁର୍ବ୍ୟବହାର କରାଯିବା ସହ ବଞ୍ଚାଇବାକୁ ଆସିଥିବା ଜଣେ ମହିଳା ସ୍ୱାସ୍ଥ୍ୟକର୍ମୀ (ସହିୟା)ଙ୍କୁ ମଧ୍ୟ ମାଡ଼ ମରାଯାଇଛି।

ମହିଳାଙ୍କ ମୃତ୍ୟୁ ପରେ ବଢ଼ିଥିଲା ବିବାଦ

ପୀଡ଼ିତଙ୍କ ପୁଅ ବ୍ରଜେଶ ମୁଣ୍ଡାଙ୍କ କହିବା ଅନୁଯାୟୀ, ଗାଁରେ କିଛି ଦିନ ପୂର୍ବେ ଏକ ସଡ଼କ ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ହୋଇଥିଲା। ଏହି ଘଟଣା ପାଇଁ କିଛି ଗ୍ରାମବାସୀ ତାଙ୍କ ବୃଦ୍ଧ ପିତାଙ୍କୁ ଦାୟୀ କରିଥିଲେ ଏବଂ ସେ ଡାହାଣୀ ବିଦ୍ୟା ବା ଗୁଣିଗାରେଡ଼ି କରି ମହିଳାଙ୍କ ଜୀବନ ନେଇଛନ୍ତି ବୋଲି ଅଭିଯୋଗ କରିଥିଲେ। ଏହାକୁ ନେଇ ଗାଁରେ ଏକ ପଞ୍ଚାୟତ ବସିଥିଲା, ଯେଉଁଥିରେ ବୃଦ୍ଧଙ୍କୁ ଦୋଷୀ ସାବ୍ୟସ୍ତ କରି ଅପମାନଜନକ ଦଣ୍ଡ ଦେବାକୁ ନିଷ୍ପତ୍ତି ନିଆଯାଇଥିଲା। ଏହା ପରେ ଉତ୍ତ୍ୟକ୍ତ ଲୋକେ ତାଙ୍କୁ ବଳପୂର୍ବକ ପରିସ୍ରା ପିଆଇଥିଲେ।

ପତ୍ନୀଙ୍କୁ ଦୁର୍ବ୍ୟବହାର ଓ ସ୍ୱାସ୍ଥ୍ୟକର୍ମୀଙ୍କୁ ମାଡ଼

ଗ୍ରାମବାସୀମାନେ କେବଳ ବୃଦ୍ଧଙ୍କ ଉପରେ ଅତ୍ୟାଚାର କରି ଅଟକି ନଥିଲେ, ବରଂ ତାଙ୍କ ପତ୍ନୀଙ୍କୁ ମଧ୍ୟ ସମାନ ଦଣ୍ଡ ଦେବାକୁ ପ୍ରୟାସ କରିଥିଲେ। ତେବେ ପୁଅ ବ୍ରଜେଶ ଏହାର କଡ଼ା ବିରୋଧ କରିବାରୁ ସେ ବର୍ତ୍ତି ଯାଇଥିଲେ। ଏହି ଅମାନବୀୟ କାଣ୍ଡ ଚାଲିଥିବା ବେଳେ ଗାଁର ସ୍ୱାସ୍ଥ୍ୟକର୍ମୀ ହୀନା ଦେବୀ ଘଟଣାସ୍ଥଳରେ ପହଞ୍ଚି ଏହାକୁ ବିରୋଧ କରିଥିଲେ। ମାତ୍ର ଉତ୍ତ୍ୟକ୍ତ ଲୋକେ ତାଙ୍କୁ ମଧ୍ୟ ଆକ୍ରମଣ କରିଥିଲେ ଏବଂ ସେଠାରୁ ତଡ଼ି ଦେଇଥିଲେ। ଏହି ଘଟଣା ପରେ ସମ୍ପୂର୍ଣ୍ଣ ପରିବାର ଏବେ ଆତଙ୍କିତ ଅବସ୍ଥାରେ ଅଛନ୍ତି।

ପୋଲିସ ଓ ପ୍ରଶାସନର କାର୍ଯ୍ୟାନୁଷ୍ଠାନ

ଏହି ସମ୍ବେଦନଶୀଳ ଘଟଣାକୁ ନେଇ ପ୍ରଶାସନ ତତ୍ପରତା ଦେଖାଇଛି। ଉପଜିଲ୍ଲାପାଳ (SDM) ବିପିନ କୁମାର ଦୁବେ ସ୍ଥାନୀୟ ଥାନା ଅଧିକାରୀଙ୍କୁ ଘଟଣାର ତଦନ୍ତ କରି ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି। ଅନ୍ୟପକ୍ଷରେ, ଲାତେହାର ଏସପି (SP) କୁମାର ଗୌରବ କହିଛନ୍ତି ଯେ, ଏହି ମାମଲା ପୋଲିସର ଦୃଷ୍ଟିଗୋଚର ହୋଇଛି ଏବଂ ଏକ ଟିମ୍ ଗାଁକୁ ପଠାଯାଇ ପଚରାଉଚରା କରାଯାଉଛି। ପୀଡ଼ିତ ପରିବାରର ଲିଖିତ ଅଭିଯୋଗ ମିଳିବା ପରେ ଆଇନ ଅନୁଯାୟୀ ଏଫଆଇଆର (FIR) ରୁଜୁ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ।

ବିହାରର ବୈଶାଳୀ ଜିଲ୍ଲାରେ ଏକ ପ୍ରେମ ପ୍ରସଙ୍ଗକୁ ନେଇ ତୁମୁଳ କାଣ୍ଡ ଘଟିଯାଇଛି। ପ୍ରେମିକାକୁ ବାଇକ୍‌ରେ ବସାଇ ଫେରାର ହେଉଥିବା ବେଳେ ଯୁବକଙ୍କୁ ସ୍ଥାନୀୟ ଲୋକେ ଏବଂ ଯୁବତୀଙ୍କ ପରିବାର ଲୋକେ କାବୁ କରି ନିସ୍ତୁକ ମାଡ଼ ମାରିଛନ୍ତି। ଘଟଣାସ୍ଥଳରେ ଉତ୍ତେଜନା ଦେଖାଦେବା ପରେ ପୋଲିସ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା।

ରାସ୍ତା ଉପରେ ହାଇଭୋଲଟେଜ୍ ଡ୍ରାମା

ଘଟଣାଟି ବୈଶାଳୀ ଜିଲ୍ଲାର ଗୋରୌଲ ଚୌକ ଅଞ୍ଚଳରେ ଘଟିଛି। ସୂଚନା ଅନୁଯାୟୀ, ଜଣେ ଯୁବକ ବିବାହ ଉଦ୍ଦେଶ୍ୟରେ ନିଜ ପ୍ରେମିକାକୁ ନେଇ ବାଇକ୍ ଯୋଗେ ପଳାଇ ଯାଉଥିଲେ। ଏହି ସମୟରେ ଯୁବତୀଙ୍କ ପରିବାର ଲୋକେ ଖବର ପାଇ ସେମାନଙ୍କୁ ପିଛା କରିଥିଲେ। ଗୋରୌଲ ଓଭରବ୍ରିଜ୍ ନିକଟରେ ପରିବାର ଲୋକେ ଉଭୟଙ୍କୁ ଧରିବାରେ ସଫଳ ହୋଇଥିଲେ। ଏହା ପରେ ସେଠାରେ ଉପସ୍ଥିତ ଥିବା ଉତ୍ତ୍ୟକ୍ତ ଲୋକେ ଯୁବକ ଜଣଙ୍କୁ ଘେରିଯାଇ ପ୍ରବଳ ମାଡ଼ ମାରିବା ଆରମ୍ଭ କରିଥିଲେ।

ପୋଲିସର ହସ୍ତକ୍ଷେପ ଓ ଉଦ୍ଧାର

ରାସ୍ତା ମଝିରେ ଏଭଳି ହଙ୍ଗାମା ହେଉଥିବା ଦେଖି ସ୍ଥାନୀୟ ଲୋକଙ୍କ ଭିଡ଼ ଜମି ଯାଇଥିଲା। ଖବର ପାଇ ପୋଲିସ ଅଧିକାରୀ ରାହୁଲ କୁମାର ଟିମ୍ ସହ ଘଟଣାସ୍ଥଳରେ ପହଞ୍ଚିଥିଲେ। ପୋଲିସ ବହୁ କଷ୍ଟରେ ଉତ୍ତ୍ୟକ୍ତ ଭିଡ଼ କବଳରୁ ପ୍ରେମିକ ଏବଂ ତାଙ୍କ ସାଙ୍ଗଙ୍କୁ ଉଦ୍ଧାର କରି ଥାନାକୁ ନେଇଥିଲା। ଅନ୍ୟପକ୍ଷରେ, ଯୁବତୀଙ୍କୁ ତାଙ୍କ ପରିବାର ଲୋକେ ବୁଝାସୁଝା କରି ଘରକୁ ନେଇଯାଇଛନ୍ତି।

କେମିତି ଗଢିଉଠିଥିଲା ସମ୍ପର୍କ?

ପୋଲିସ ସୂଚନା ମୁତାବକ, ମାଡ଼ ଖାଇଥିବା ଯୁବକଙ୍କ ପରିଚୟ ଅମିତ କୁମାର (ମହୁଆ ଥାନା ଅନ୍ତର୍ଗତ ଛତୱାରା ଗ୍ରାମ) ବୋଲି ଜଣାପଡିଛି। ଅମିତଙ୍କ ମାଉସୀ ଯୁବତୀଙ୍କ ଗାଁରେ ରୁହନ୍ତି, ଯେଉଁ କାରଣରୁ ଅମିତ ସେଠାକୁ ଯାଆସ କରୁଥିଲେ। ଏହି ସମୟରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା। ସୋମବାର ଦିନ ଅମିତ ନିଜ ସାଙ୍ଗ ରାହୁଲଙ୍କ ସହ ମିଶି ଯୁବତୀଙ୍କୁ ନେଇ ପଳାଉଥିବା ବେଳେ ଏହି ଘଟଣା ଘଟିଥିଲା।

ଭୁବନେଶ୍ୱର: ସାରା ଦେଶର ଅପରାଧୀଙ୍କ ନଜର ଏବେ ରାଜଧାନୀ ଉପରେ ପଡ଼ିଛି। ପଡ଼ୋଶୀ ରାଜ୍ୟଗୁଡ଼ିକରୁ ଅପରାଧୀମାନେ ଓଡ଼ିଶା ଆସି ଅପରାଧ ସାମ୍ରାଜ୍ୟକୁ ଅପରେଟ୍‌‌ କରୁଛନ୍ତି। ଅନେକ ସମୟରେ ରାଜଧାନୀରେ ଘଟୁଥିବା ହତ୍ୟା, ଚୋରି, ଡକାୟତି, ରାହାଜାନୀ ଭଳି ଘଟଣାରେ ରାଜ୍ୟ ବାହାର ଅଭିଯୁକ୍ତ ଗିରଫ ହେବାପରେ ଏହା ସ୍ପଷ୍ଟ ହୋଇଛି। ଏଥିସହିତ ଦେଶର ଯେ କୌଣସି ସ୍ଥାନରେ ବସି ରାଜଧାନୀରୁ ଲକ୍ଷ ଲକ୍ଷ ଟଙ୍କା ଠକି ନେଉଛନ୍ତି ସାଇବର ଅପରାଧୀ। ସାଇବର ଠକେଇ ଅଭିଯୋଗରେ ରାଜ୍ୟ ବାହାର ଅନେକ ଅଭିଯୁକ୍ତଙ୍କୁ ଗିରଫ କଲାଣି ସାଇବର ଥାନା ପୁଲିସ। ପଶ୍ଚିମବଙ୍ଗ, ରାଜସ୍ଥାନ, ଉତ୍ତରପ୍ରଦେଶ, ଝାଡ଼ଖଣ୍ଡ, ତେଲଙ୍ଗାନା, ବିହାର, ଛତିଶଗଡ଼, କେରଳ, ପଞ୍ଜାବ, ଆନ୍ଧ୍ରପ୍ରଦେଶ, ହିମାଚଳ ପ୍ରଦେଶ, ମହାରାଷ୍ଟ୍ର, ଆସାମ, ମଣିପୁର, ଦିଲ୍ଲୀ ଓ ଜମ୍ମୁ-କଶ୍କୀର ଭଳି ରାଜ୍ୟର ଅପରାଧୀ ଆସି ରାଜଧାନୀରେ ରାଜୁତି କରୁଛନ୍ତି। ସେପଟେ ରାଜଧାନୀରେ ଘଟୁଥିବା ବିଭିନ୍ନ ଅପରାଧରେ ବାଂଲାଦେଶ, ନେପାଳ ଓ ନାଇଜେରିଆନ୍‌‌ ନାଗରିକଙ୍କ ସମ୍ପୃକ୍ତି ମିଳିଛି। ଦିନକୁ ଦିନ ସ୍ଥିତି ବିଗିଡ଼ିବା ସହ ଆନ୍ତଃରାଜ୍ୟ ଅପରାଧୀଙ୍କ ସଂଖ୍ୟା ମଧ୍ୟ ବଢ଼଼ିଚାଲିଛି। ରାଜ୍ୟ ରାଜ୍ୟ ଭିତରେ ସମନ୍ୱୟ ଅଭାବ ଯୋଗୁଁଁ ରାଜଧାନୀରେ ରାଜ୍ୟ ବାହାର ଅପରାଧୀଙ୍କ ସଂଖ୍ୟା କ୍ରମଶଃ ବଢ଼଼ିବାରେ ଲାଗିଛି।

ସୂଚନାନୁସାରେ, ରାଜଧାନୀରେ ହେଉଥିବା ଚୋରି ଓ ଲୁଟ୍‌‌ ପଛରେ ବଙ୍ଗାଳୀ, ରାଜସ୍ଥାନୀ, ମହାରାଷ୍ଟ୍ର, ଉତ୍ତରପ୍ରଦେଶର ଚୋରମାନଙ୍କ ସମ୍ପୃକ୍ତି ଅନେକଥର ସାମ୍ନାକୁ ଆସିଛି। ଏଟିଏମ୍‌‌ ତାଡ଼ି ଲୁଟିବା ସହ ଏଟିଏମ୍‌‌କୁ ଅତ୍ୟାଧୁନିକ ଜ୍ଞାନକୌଶଳରେ ଭାଙ୍ଗି ବାଂଲାଦେଶୀ ଅପରାଧୀ ଗିରଫ ହୋଇଛନ୍ତି। ପୂର୍ବରୁ ତାମିଲନାଡୁର ‘ତ୍ରିଚି’ ଗ୍ୟାଙ୍ଗ ସହରରେ ଏବେ କାର୍‌‌ କାଚ ଭାଙ୍ଗି ଦାମୀ ଜିନିଷ ଲୁଟ୍‌‌ପାଟ୍‌‌ କରିଛନ୍ତି। ପାର୍କିଂସ୍ଥଳ ହେଉ କି ଜନଗହଳିପୂର୍ଣ୍ଣ ସ୍ଥାନରେ ପାର୍କିଂ କରାଯାଇଥିବା କାର୍‌‌ କାଚ ଭାଙ୍ଗି ଲୁଟ୍‌‌ କରିବାର ନଜିର ରହିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ରାଜଧାନୀରେ ଅପରାଧ ଘଟାଉଥିବା ଅଣଓଡ଼ିଆ ଅପରାଧୀମାନେ ନିଜ ରାଜ୍ୟ ପୁଲିସର ୱାଣ୍ଟେଡ୍‌‌ ତାଲିକାରେ ରହିଛନ୍ତି। ସୁନାଚେନ୍‌‌ ଝାମ୍ପିନେବା ବେଳେ ମହିଳାଙ୍କ ମୃତ୍ୟୁ ଘଟଣାରେ ଝାଡ଼ଖଣ୍ଡରୁ ରାଜୁ ନାଇଡୁକୁ ଗିରଫ କରିଥିଲା କମିସନରେଟ ପୁଲିସ। ରାଜୁ ଓ ତା’ର ସହଯୋଗୀ ଝାଡ଼ଖଣ୍ଡରେ ଅପରାଧ ଘଟାଉଥିବାବେଳେ ସେମାନଙ୍କୁ ଏନ୍‌‌କାଉଣ୍ଟର କରାଯାଇଥିଲା। ଏମିତିକି ରାଜୁର ସହଯୋଗୀ ମୋଷ୍ଟୱାଣ୍ଟେଡ୍‌‌ ଥିବାବେଳେ ତାକୁ ପଳାତକ ଘୋଷଣା କରାଯାଇଥିବା ଜଣାପଡ଼ିଥିଲା। କେବଳ ଏଇ ଗୋଟିଏ ଘଟଣା ନୁହଁ, ପୂର୍ବରୁ ଅନ୍ୟ ରାଜ୍ୟରେ ପଳାତକ ଘୋଷଣା ହୋଇଥିବା ଅପରାଧୀ ନାମ ଓ ଠିକଣା ପରିବର୍ତ୍ତନ କରି ଭୁବନେଶ୍ୱରରେ ଆତ୍ମଗୋପନ କରିଥିବାର ପ୍ରମାଣ ମଧ୍ୟ ମିଳିଛି। ହେଲେ ରାଜ୍ୟ ଓ ରାଜ୍ୟ ମଧ୍ୟରେ ସମନ୍ୱୟ ଅଭାବରୁ ଅନ୍ୟ ରାଜ୍ୟର ଅପରାଧୀମାନେ ଅତି ସହଜରେ ରାଜଧାନୀରେ ରହି ଅପରାଧ ଘଟାଉଛନ୍ତି।

ସାଇବର ଅପରାଧୀଙ୍କ ହଟ୍‌‌ସ୍ପଟ୍‌‌
ସାଇବର ଅପରାଧରେ ରାଜସ୍ଥାନର ଭରତପୁର, ଆଲିୱାର, ଉତ୍ତରପ୍ରଦେଶର ମଥୁରା, ହରିୟାଣାର, ଝାଡ଼ଖଣ୍ଡ, ଦିଲ୍ଲୀ ଓ ଗୁଜୁରାଟ ଆଦି ରାଜ୍ୟର ଅପରାଧୀଙ୍କ ସମ୍ପୃକ୍ତି ରହିଛି। କମିସନରେଟ ପୁଲିସ ସାଇବର ଠକେଇ ମାମଲାରେ ଉପରୋକ୍ତ ରାଜ୍ୟରୁ ଅନେକ ଅଭିଯୁକ୍ତଙ୍କୁ ଗିରଫ କରିବା ପରେ ଏଭଳି କଥା ପଦାକୁ ଆସିଛି। ଗାଁ ଯୁବପି?ିଠାରୁ ମହିଳା ଜଙ୍ଗଲ ଓ ପର୍ବତ ଭଳି ନିକାଞ୍ଚନ ଅଞ୍ଚଳରେ ମୋବାଇଲ୍‌‌ ବୁଥ୍‌‌ ସେଣ୍ଟର ଖୋଲି ପୂରା ନେଟ୍‌‌ୱର୍କ ଚଳାଇଛନ୍ତି। ଦୁର୍ଗମ ଜଙ୍ଗଲରେ ରହି ସାରା ଦେଶରେ ଲୁଟ୍‌‌ କରୁଛନ୍ତି। ସାଇବର ଠକେଇ ମାମଲାରେ ନାଇଜେରିଆନ୍‌‌ ନାଗରିକ ବି ଗିରଫ ହୋଇଛନ୍ତି।

‘ବାୱରିଆ’, ‘ଫୌଜୀ’ ଓ ‘ଏରୋଗଲା’
ଉତ୍ତର ଭାରତରେ ଏକ ଜନଜାତି ବାୱରିଆମାନେ ପାରମ୍ପରିକ ଭାବରେ ଶିକାର କରି ଚଳନ୍ତି। ୧୯୯୫ରୁ ୨୦୦୬ ଯାଏଁ ତାମିଲନାଡୁରେ ହତ୍ୟା, ଦୁଷ୍କର୍ମ, ଚୋରି, ଡକାୟତି କରୁଥିଲେ। ତାମିଲନାଡୁର ବାୱରିଆ ସମ୍ପ୍ରଦାୟର କୁଖ୍ୟାତ ଟ୍ରକ୍‌‌ ଚାଳକ ଭାବେ ବିଭିନ୍ନ ରାଜ୍ୟକୁ ଯାଇ ସେଠାରେ ଅପରାଧ ଘଟାନ୍ତି। ସେହିପରି ଜଣେ ଯବାନ ଗଢ଼ିଥିବା ଫୌଜୀ ନାମରେ ଗ୍ୟାଙ୍ଗ୍‌‌ ବି ସମାନ ଭାବେ ଅପରାଧ ଘଟାଇଥାନ୍ତି। ସେହିପରି ଆନ୍ଧ୍ରପ୍ରଦେଶର ଏରୋଗଲା ଗ୍ୟାଙ୍ଗ୍‌‌ ମଧ୍ୟ ରାଜଧାନୀରେ ବେଶ୍‌‌ ସକ୍ରିୟ। ଗାଡ଼ିରୁ ମୋବିଲ୍‌‌ ବାହାରୁଛି କହିବା ପରେ କାର୍‌‌ ଚାଳକ ଗାଡ଼ିରୁ ଓହ୍ଲାଇ ଦେଖିବା ସମୟରେ ସେମାନେ କାର୍‌‌ରେ ଥିବା ଦାମୀ ଜିନିଷ ଲୁଟି ନିଅନ୍ତି।

କାର୍‌‌ କାଚ ଭାଙ୍ଗି ଲୁଟ୍‌‌ ପଛରେ ‘ତ୍ରିଚି’ ଗ୍ୟାଙ୍ଗ
ରାଜଧାନୀରେ ତାମିଲନାଡ଼ୁର ତ୍ରିଚି ଗ୍ୟାଙ୍ଗ ସଦସ୍ୟ ମଧ୍ୟ ବେଶ୍‌‌ ସକ୍ରିୟ। ପୂର୍ବରୁ ମଧ୍ୟ ସେମାନେ ଅନେକ ଲୁଟ୍‌‌ କରିଛନ୍ତି। କୌଣସି ଲୁଟ୍‌‌ କରିବା ସମୟରେ ୪ ବା ଅଧିକ ସଦସ୍ୟ ଯାଇଥାନ୍ତି। ସହର ସାରା ଚାଲି ଚାଲି ବୁଲି ପାର୍କିଂ ହୋଇଥିବା କାରକୁ ଠାବ କରନ୍ତି। ପ୍ରଥମେ ଜଣେ କାର ନିକଟକୁ ଯାଇ କେଉଁ ପଟକୁ ଭ୍ୟାନିଟ୍‌‌, ବ୍ୟାଗ୍‌‌ କିମ୍ୱା ଅନ୍ୟ କୌଣସି ଜିନିଷ ରଖାଯାଇଛି ସେନେଇ ସୂଚନା ଦେଇ ଆଗକୁ ପଳାଇଯାଏ। ଦ୍ୱିତୀୟ ଜଣକ ସାଇକଲ ବେରିଂ ବଲ୍‌‌ (ଆଇରନ୍‌‌ ବଲ) ଓ ହାତ ତିଆରି ଫିତାରେ କାଚକୁ ଭାଙ୍ଗି ଚାଲିଯାଏ। ଏହାପରେ ତୃତୀୟ ଜଣକ କାର ପାଖ ଦେଇ ଯିବାବେଳେ କହୁଣି ଓ ଛିଟିକିଣି ମାରି କାଚକୁ ଭଲ ଭାବରେ ଭାଙ୍ଗି ଦେଉଥିଲା। ଚତୁର୍ଥ ଜଣକ କାରରେ ଥିବା ସବୁ ମୂଲ୍ୟବାନ ଜିନିଷ ଲୁଟି ନେଉଥିଲା। ଏହାପରେ ୪ ଅଭିଯୁକ୍ତ ମିଶି ଘଟଣାସ୍ଥଳରୁ ଫେରାର ହୋଇଯାଆନ୍ତି।

ଭୁବନେଶ୍ୱର: ରାଜଧାନୀରୁ ଚୋରି ହେଉଥିବା ମୋବାଇଲ୍‌‌ ଜବତ କରିବାରେ ବିଫଳ ପୁଲିସ । ପୁଲିସ କେବଳ ହାତ ଗଣତି ମୋବାଇଲ୍‌‌ ଜବତ କରି ବାଃ ବାଃ ନେଉଛି। କିନ୍ତୁ ବାସ୍ତବରେ ଚୋରି ହୋଇଥିବା ମୋବାଇଲ୍‌‌ର ଅଧା ବି ଜବତ କରିପାରୁନି। ଏହି ଚୋରି ମୋବାଇଲ୍‌‌ ରାତାରାତି ରାଜ୍ୟ ବାହାରକୁ ଚାଲାଣ ହେଉଛି। ଆଉ ସେଠାରେ ଏହି ଚୋରି ମୋବାଇଲ୍‌‌ ସାଇବର ଠକେଇ ଏବଂ ଅପରାଧରେ ବ୍ୟବହାର କରାଯାଉଛି। ପୁଲିସ ମୋବାଇଲର ଆଇଏମ୍‌‌ଆଇ ନମ୍ବର ଟ୍ରେସ୍‌‌ କରିବା ପୂର୍ବରୁ ଅପରାଧୀମାନେ ଏହାକୁ ଅପରାଧରେ ବ୍ୟବହାର କରି ଫିଙ୍ଗି ଦେଉଛନ୍ତି। ଫଳରେ ପୁଲିସ ଅପରାଧୀଙ୍କୁ ଧରିବା କାଠିକର ପାଠ ହେଉଛି। 

ବିଶେଷ କରି ରାଜ୍ୟ ବାହାରକୁ ଯେଉଁ ମୋବାଇଲ୍‌‌ ଯାଉଛି, ତାହାକୁ ଜବତ କରିବା ପାଇଁ ପୁଲିସ ଯାଉନାହିଁ। ଗୋଟିଏ ମୋବାଇଲ୍‌‌ ଜବତ ପାଇଁ ଅର୍ଥ ଖର୍ଚ୍ଚ କରି ରାଜ୍ୟ ବାହାରକୁ ଯିବାକୁ ଚାହୁଁନି ପୁଲିସ। ଗୋଟିଏ ରାଜ୍ୟରେ ଏକାଧିକ ମୋବାଇଲ୍‌‌ ଟ୍ରେସ୍‌‌ ହେବା ପରେ ଯାଇ ଜବତ କରିବାକୁ ଯିବ ବୋଲି କହି ଥାନାକୁ ବିଦା କରି ଦେଉଛନ୍ତି। ଏହିଭଳି ରାଜଧାନୀରୁ ୧୦ ହଜାରରୁ ଅଧିକ ମୋବାଇଲ ଏବେ ଗାଏବ ହୋଇଛି। ଏଥିରୁ ପ୍ରାୟ ୬ ହଜାର ମୋବାଇଲ୍‌‌ ଫୋନ୍‌‌ ରାଜ୍ୟ ବାହାରେ ଆକ୍ଟିଭ୍‌‌ ରହିଛି। ବିଶେଷକରି ଆନଃରାଜ୍ୟ ଲୁଟେରାଙ୍କ ସମନ୍ୱୟରେ ଚାଲୁଛି ମୋବାଇଲ୍‌‌ ଲୁଟ୍‌‌। ଦୁଇ ରାଜ୍ୟର ଲୁଟେରାଙ୍କ ମଧ୍ୟରେ ସମନ୍ୱୟ ରହି ଚାଲୁଛି ମୋବାଇଲ୍‌‌ ଲୁଟ୍‌‌। ଏହି ରାକେଟ୍‌‌ର ସଦସ୍ୟମାନେ ବିଭିନ୍ନ ରାଜ୍ୟରେ କାମ କରୁଛନ୍ତି। ସେମାନେ ଗୋଟିଏ ରାଜ୍ୟର ମୋବାଇଲ୍‌‌ ଅନ୍ୟ ରାଜ୍ୟକୁ ପଠାଉଛନ୍ତି। ସେଠାର ଚୋରି ମୋବାଇଲ୍‌‌କୁ ଭୁବନେଶ୍ୱର ଆଣି ଶସ୍ତାରେ ବିକ୍ରି କରୁଛନ୍ତି। ବିଶେଷ କରି ଷ୍ଟେସନ ଏବଂ ହସ୍ପିଟାଲରୁ ଚୋରି ହୋଉଥିବା ମୋବାଇଲ୍‌‌ ରାଜ୍ୟ ବାହାରକୁ ଚାଲିଯାଉଛି। ଏହାର କାରଣ ହେଲା ଅନେକ ଚୋରି ମୋବାଇଲ୍‌‌ ଭୁବନେଶ୍ୱର ଏକ ଏହାର ଆଖପାଖରେ ବ୍ୟବହାର କରାଗଲେ ପୁଲିସ ଚଢଉ କରି ଗିରଫ କରୁଛି। କିନ୍ତୁ ରାଜ୍ୟ ବାହାରେ ଚୋରି ମୋବାଇଲ୍‌‌ ବ୍ୟବହାର କରାଗଲେ ପୁଲିସ ଚଢଉ କରି ମୋବାଇଲ୍‌‌ ଜବତ କରିବା ସହ ଅଭିଯୁକ୍ତକୁ ଗିରଫ କରିବା ଅସମ୍ଭବ। କାରଣ ପୁଲିସ ନିଜ ହାତରୁ ଅର୍ଥ ଖର୍ଚ୍ଚ କରି ମୋବାଇଲ୍‌‌ ଜବତ ପାଇଁ ରାଜ୍ୟ ବାହାରକୁ ଯିବ ନାହିଁ। ତେଣୁ କମିଶନରେଟ୍‌‌ ପୁଲିସ ଚୋରି ମୋବାଇଲ୍‌‌ ରାଜ୍ୟ ବାହାରେ ଥିବା ହାତବାନ୍ଧି ବସିପଡୁଛି।

ବଡ଼ କଥା ହେଲା ରାଜ୍ୟରୁ ଚୋରି ମୋବାଇଲ୍‌‌ ବିକ୍ରି ପାଇଁ ରାଜ୍ୟ ବାହାରର ଏଜେଣ୍ଟ ଅଛନ୍ତି। ଏକାଥରେ ୨୦ରୁ ଅଧିକ ଚୋରା ମୋବାଇଲ୍‌‌ ଆସିବା ପରେ ଏହାକୁ ଅନ୍ୟ ଏକ ଏଜେଣ୍ଟ ମାଧ୍ୟମରେ ରାଜ୍ୟ ବାହାରକୁ ପଠାଇ ଦିଆଯାଉଛି। ଟ୍ରେନ୍‌‌ରେ ସପ୍ତାହରେ ଦୁଇ ଥର ମୋବାଇଲ୍‌‌ ରାଜ୍ୟ ବାହାରକୁ ପଳାଉଛି। ସେଠାରେ ଥିବା ଏଜେଣ୍ଟ ଏହାକୁ ବିଭିନ୍ନ ରାଜ୍ୟରେ ବିକ୍ରି କରି ଦେଉଛନ୍ତି। ସେହିପରି ଅନ୍ୟ ରାଜ୍ୟରେ ଚୋରି ହେଉଥିବା ମୋବାଇଲ୍‌‌ ଭୁବନେଶ୍ୱରକୁ ଆସୁଛି। ଏଠାରୁ ଚୋରି ମୋବାଇଲ୍‌‌ ନେଉଥିବା ଏଜେଣ୍ଟ ସେଠାରୁ ମଧ୍ୟ ଚୋରି ମୋବାଇଲ୍‌‌ ଆଣୁଛି। ଏଠାକୁ ଆସୁଥିବା ମୋବାଇଲ୍‌‌ ଉତ୍ତରାଖଣ୍ଡ, ବିହାର, ୟୁପି, ମହାରାଷ୍ଟ୍ର, ତାମିଲନାଡୁ ଭଳି ସହରରୁ ଚୋରି ହୋଇଥିବା ଜଣାପଡ଼ିଛି। ସେହିପରି ଭୁବନେଶ୍ୱର ଜିଆରପିରେ ୪ ବର୍ଷରେ ୫ହଜାର ମୋବାଇଲ୍‌‌ ଚୋରି ହୋଇଛି। ସେଥିରୁ ପ୍ରାୟଃ ଅଢେଇ ହଜାର ମୋବାଇଲ୍‌‌ ରାଜ୍ୟ ବାହାରେ ଏହାର ଲୋକେସନ ଦେଖାଉଛି। ଏହି ମୋବାଇଲ୍‌‌ ଚୋରି ପାଇଁ ରାଜଧାନୀରେ ଏକ ବଡ ଏଜେଣ୍ଟ କାମ କରୁଛି। ସେମାନେ ଜାଣିଛନ୍ତି କମିଶନରେଟ ପୁଲିସ ମୋବାଇଲ୍‌‌ ଚୋରି ପାଇଁ ରାଜ୍ୟ ବାହାରକୁ ଚଢଉ କରିବା ପାଇଁ ଯିବ ନାହିଁ। ତେଣୁ ସେମାନେ ଚୋରି ମୋବାଇଲ୍‌‌କୁ ନେଇ ୪ ମାସ ପର୍ଯ୍ୟନ୍ତ ବନ୍ଦ କରି ରଖି ଦେଉଛନ୍ତି। ଏହାପରେ ଫୋନ୍‌‌ ଅନ୍‌‌ ହେବା ପରେ ଲୋକେ୍‌‌ସନ୍‌‌ ରାଜ୍ୟ ବାହାରେ ଦେଖାଉଛି।

ଭୁବନେଶ୍ୱର : ବ୍ରାଉନ୍‌‌ସୁଗର ବେପାର ଜମୁଛି, କିନ୍ତୁ ଜବତ ପରିମାଣ କମୁଛି। ବ୍ରାଉନ୍‌‌ସୁଗର କାରବାର ଗୋଟିଏ ପରେ ଗୋଟିଏ ଜିଲ୍ଲାକୁ ମାଡ଼ିଯାଉଛି। ସାରାରାଜ୍ୟରେ ବ୍ରାଉନ୍‌‌ସୁଗର ସେବନକାରୀଙ୍କ ସଂଖ୍ୟା ବଢ଼଼ିବାରୁ ଚାହିଦା ବି ଚାରିଗୁଣା ହୋଇଛି। ଗାଁଠୁ ସହର, ଶିକ୍ଷାନୁଷ୍ଠାନରୁ ଦେବାଳୟ ସବୁଠି ଏବେ ବ୍ରାଉନ୍‌‌ସୁଗର କାୟା ବିସ୍ତାର କରୁଛି। କିନ୍ତୁ ଗତ କିଛିବର୍ଷ ହେବ ବ୍ରାଉନ୍‌‌ସୁଗର ଧରପଗଡ଼଼ ପ୍ରକ୍ରିୟାରେ ଶିଥିଳତା ପଡ଼ିଛି। ପୂର୍ବରୁ ଯେତିକି ଧରପଗଡ଼଼ କରାଯାଉଥିଲା, ସେଥିରୁ ଏକ ତୃତୀୟାଂଶ କମ୍‌‌ ହେଉଛି। ଫଳରେ ବ୍ରାଉନ୍‌‌ସୁଗର କାରବାର ବଢ଼ୁଥିଲେ ବି ଜବତ ହାର କମିବାରେ ଲାଗିଛି। ଗତ ୩ ବର୍ଷରେ ରାଜ୍ୟରୁ ୭୭.୩୩୪ କିଲୋଗ୍ରାମ୍‌‌ ବ୍ରାଉନ୍‌‌ସୁଗର ଜବତ କରାଯାଇଛି। ଏହାର ଦାମ୍‌‌ ପ୍ରାୟ ପାଖାପାଖି ୮୦ କୋଟିର ହେବ ବୋଲି ଅନୁମାନ କରାଯାଇଛି। ଏ ସଂକ୍ରାନ୍ତରେ ୫୯୨୦ ମାମଲାରେ ୭୨୮୯ ବ୍ୟକ୍ତିଙ୍କୁ ଗିରଫ କରାଯାଇଛି।

ମିଳିଥିବା ତଥ୍ୟ ଅନୁଯାୟୀ, ୨୦୨୨ରେ ୫୦ କିଲୋ ବ୍ରାଉନ୍‌‌ସୁଗର ଓ ୧୧୭୨ କ୍ୱିଣ୍ଟାଲ ଗଞ୍ଜେଇ, ୨୦୨୩ରେ ୧୭ କିଲୋ ବ୍ରାଉନ୍‌‌ସୁଗର ଓ ୧୮୧୧ କ୍ୱିଣ୍ଟାଲ ଗଞ୍ଜେଇ ଏବଂ ୨୦୨୪ରେ ୧୦ କିଲୋ ବ୍ରାଉନ୍‌‌ସୁଗର ଓ ୧୪୫୨ କ୍ୱିଣ୍ଟାଲ ଗଞ୍ଜେଇ ଜବତ ହୋଇଛି। ଅନୁରୂପ ଭାବେ ୨୦୨୨ରେ ନିଶା କାରବାର ଜନିତ ୧୮୯୨ଟି ମାମଲାରେ ୨୬୦୩ ଜଣ ବେପାରୀଙ୍କୁ ଗିରଫ କରାଯାଇଥିବାବେଳେ ୨୦୨୩ରେ ୧୮୬୮ ମାମଲାରେ ୨୪୧୦ ନିଶା ବେପାରୀ ଏବଂ ୨୦୨୪ରେ ୨୧୬୦ ମାମଲାରେ ୨୨୭୬ ଜଣଙ୍କୁ ଗିରଫ କରାଯାଇଛି। ରାଜ୍ୟରୁ ବିଭିନ୍ନ ଜିଲ୍ଲାରୁ ଯେତିକି ବ୍ରାଉନ୍‌‌ସୁଗର ମିଳିଛି, ଏହାର ଏକ ତୃତୀୟାଂଶ ଭୁବନେଶ୍ୱର, କଟକ, ଖୋର୍ଦ୍ଧା ଓ ବାଲେଶ୍ୱରରୁ ଜବତ ହୋଇଛି। ସେହିପରି ବ୍ରାଉନ୍‌‌ସୁଗର କାରବାର ରୋକିବା ଦିଗରେ ଧରପଗଡ଼଼ ବଢ଼଼ିବାରୁ ନିଶା ମାଫିଆ ନୂଆ ନକ୍ସା ପ୍ରସ୍ତୁତ କରିଛନ୍ତି। ରୁଟ୍‌‌ ବଦଳାଇବା ସହ ଚାଲାଣର ନୂଆ ତରିକା ଆପଣାଇଛନ୍ତି। ଭାରତ-ବାଂଲାଦେଶ ସୀମାରେ ଥିବା ପଶ୍ଚିମବଙ୍ଗର ମୁର୍ସିଦାବାଦ୍‌‌ ଜିଲ୍ଲା ଲାଲଗୋଲା, ନର୍ଦିିଆ ଓ ବର୍ଦ୍ଧମାନ ଏବଂ ମାଲ୍‌‌ଦା, ମ୍ୟାଁମାର, ମଣିପୁରରୁ ବ୍ରାଉନ୍‌‌ସୁଗର ଆସୁଛି। ଏହା ଉତ୍ତର ଓଡ଼ିଶାର ଜଳେଶ୍ୱର ଓ ବାଲେଶ୍ୱରରେ ପହଞ୍ଚିବା ପରେ ସେଠାରୁ ଭୁବନେଶ୍ୱର, ଖୋର୍ଦ୍ଧା ସହ ପୁରୀ, ନୟାଗଡ଼଼, କଟକ, ଯାଜପୁର ଓ କେନ୍ଦ୍ରାପଡ଼ା ଭଳି ସାରା ରାଜ୍ୟକୁ ପଠାଯାଉଛି।

ଜେଲ୍‌‌ରେ ସାମ୍ରାଜ୍ୟ ବଢ଼଼ାଉଛି ‘ଆଜାଦ୍‌‌ ପରଭେଜ’

ନବେ ଦଶକରୁ ବ୍ରାଉନ୍‌‌ସୁଗର କାରବାରରେ ସକ୍ରିୟ ରହିଥିବା ନିଶା ବାଦ୍‌‌ଶାହା ‘ଆଜାଦ୍‌‌ ପରଭେଜ’ ପୁଣି ସକ୍ରିୟ ହୋଇଛି। ସେ ଆସାମର ଏକ ଜେଲ୍‌‌ରେ ରହି ଓଡ଼ିଶାରୁ ବ୍ରାଉନ୍‌‌ସୁଗର ବେପାର ଅପରେଟ୍‌‌ କରୁଥିବାର ବଡ଼ ପ୍ରମାଣ ମିଳିଛି। ନିକଟରେ ଆସାମରୁ ନିଶାଦ୍ରବ୍ୟ ସହ ଜଣେ ବିଦେଶୀ ନାଗରିକ ଧରାପଡ଼ିବା ପରେ ଏହି ଖୁଲାସା ହୋଇଛି। ଉକ୍ତ ବିଦେଶୀ ନାଗରିକ ଦେଇଥିବା ବୟାନରେ ଆଜାଦ୍‌‌ ପରଭେଜର ସହଯୋଗୀର ସିଧାସଳଖ ସମ୍ପୃକ୍ତି ରହିଛି। ତେଣୁ ଆଜାଦ୍‌‌ ପରଭେଜ ଜେଲ୍‌‌ରେ ରହି ଏବେ ନିଶା କାରବାରକୁ ପୂରା ଅପରେଟ୍‌‌ କରୁଛି। ଓଡ଼ିଶା ସମେତ ବିଦେଶକୁ ବ୍ରାଉନ୍‌‌ସୁଗର ଚୋରା ଚାଲାଣ ମଙ୍ଗ ସମ୍ଭାଳୁଥିବା ଜଣାପଡ଼ିଛି। ସେ ପରଦା ପଛରେ ରହି ବ୍ରାଉନ୍‌‌ସୁଗର ନେଟ୍‌‌ୱର୍କକୁ ନିୟନ୍ତ୍ରଣ କରୁଛି। ତେଣୁ ଆଜାଦ୍‌‌ ପରଭେଜ ଉପରେ ବିଭିନ୍ନ ତଦନ୍ତକାରୀ ସଂସ୍ଥାଗୁଡ଼ିକ ନଜର ରଖିଛନ୍ତି। ୨୦୨୨ରେ ଆଜାଦ୍‌‌ ପରଭେଜକୁ ଆସାମର ଗୌହାଟୀରୁ ଠାବ କରିବା ସହ ୧ କିଲୋ ୪୫ ଗ୍ରାମ୍‌‌ର ବ୍ରାଉନ୍‌‌ସୁଗର ଜବତ କରିଥିଲା ଏନ୍‌‌ସିବି। ୧୯୮୭ରେ ବାଲେଶ୍ୱର ଟାଉନ୍‌‌ ଥାନାରେ ପରଭେଜ୍‌‌ ବିରୋଧରେ ପ୍ରଥମ ମାମଲା ରୁଜୁ ହୋଇଥିଲା। ସେବେଠାରୁ ୨୦୦୬ ମସିହା ଭିତରେ ତା’ ବିରୋଧରେ ୫ଟି ମାମଲା ରହିଛି। ଏପରିକି ନାର୍କୋଟିକ୍‌‌ କଣ୍ଟ୍ରୋଲ ବ୍ୟୁରୋ(ଏନ୍‌‌ସିବି) କୋଲକତା ଶାଖାରେ ଦୁଇଟି ମାମଲା ରହିଛି। ସେ ୧୦ ବର୍ଷ ଜେଲ୍‌‌ଦଣ୍ଡ ସାରି ୨୦୧୪ରେ ଜେଲ୍‌‌ରୁ ମୁକୁଳିଥିଲା। ୮ବର୍ଷ ଲୁଚି ସେ ନିଶା ଦୁନିଆରେ ଅଧିକ ସକ୍ରିୟ ହୋଇଯାଇଥିଲା।

୨୦ବର୍ଷ ଦଣ୍ଡବିଧାନରେ ଫସିଲେଣି ୬ ମାଫିଆ

ବ୍ରାଉନ୍‌‌ସୁଗର ମାମଲାରେ ଦଣ୍ଡବିଧାନ କମ୍‌‌ ରହୁଛି। ଯେତିକି ବି ମାମଲା ରୁଜୁ କରିଛି, ସେଥିରୁ କମ୍‌‌ ମାମଲାର ଅଭିଯୁକ୍ତଙ୍କୁ ଦୋଷୀସାବ୍ୟସ୍ତ କରାଯାଇଛି। ମାତ୍ର ୩ଟି ମାମଲାରେ ୬ଜଣ ନିଶା ବେପାରୀଙ୍କୁ ସର୍ବାଧିକ ୨୦ ବର୍ଷ ଜେଲ୍‌‌ଦଣ୍ଡରେ ଦଣ୍ଡିତ କରାଯାଇଛି। ସେମାନେ ହେଲେ ବିଭୂତିଭୂଷଣ ଜେନା, ଦେବାଶିଷ ବେହେରା, ପ୍ରବୀର କୁମାର ସିଂ, ସେକ୍‌‌ କୌସର ଅଲ୍ଲୀ, ଦୀପକ ନାୟକ ଓରଫ ରାଜା ଓ ଶ୍ୟାମ ବେହେରା। କିନ୍ତୁ ଅଧିକ ପରିମାଣ ଜବତ କରାଯାଇଥିବା ବ୍ରାଉନ୍‌‌ସୁଗର ମାମଲାରେ ଏବେ ବି ତଦନ୍ତ ସହ କୋର୍ଟରେ ଶୁଶାଣି ପ୍ରକ୍ରିୟା ଜାରି ରହିଛି। ଅନୁରୂପ ଭାବେ ବ୍ରାଉନ୍‌‌ସୁଗର କାରବାରକୁ ବ୍ୟାବସାୟିକ, ମଧ୍ୟମ ଓ ସ୍ୱଳ୍ପ ଭଳି ୩ଟି ଶ୍ରେଣୀରେ ବିଭକ୍ତ ହୋଇଛି। ବାଣିଜ୍ୟିକ କାରବାର କରୁଥିବା ନିଶା ବେପାରୀଙ୍କଠାରୁ ୨୫୦ ଗ୍ରାମ୍‌‌ରୁ ଅଧିକ ବ୍ରାଉନ୍‌‌ସୁଗର ଧରାପଡ଼ିଲେ ୧୦ରୁ ୨୦ ବର୍ଷ ପର୍ଯ୍ୟନ୍ତ କାରାଦଣ୍ଡ ସହ ଜରିମାନା, ମଧ୍ୟମ ଧରଣର ୫ରୁ ୨୫୦ ଗ୍ରାମ୍‌‌ର ବ୍ରାଉନ୍‌‌ସୁଗର ଧରାପଡ଼ିଲେ ୧୦ ବର୍ଷ ଓ ସ୍ୱଳ୍ପଧରଣ ବା ୫ ଗ୍ରାମରୁ କମ୍‌‌ ବ୍ରାଉନ୍‌‌ସୁଗର ଧରାପଡ଼ିଲେ ବର୍ଷେ ପର୍ଯ୍ୟନ୍ତ ଜେଲ୍‌‌ଦଣ୍ଡ ସହ ଜରିମାନା ବ୍ୟବସ୍ଥା ରହିଛି। ସେହିପରି ନିଶା ମାଫିଆ ଧରାପଡ଼ିଲେ, ପୂର୍ବ ୬ ବର୍ଷର କମାଇଥିବା କଳାଧନର ହିସାବ କରାଯାଉଛି। ଅଚଳାଚଳ ସମ୍ପତ୍ତିର ଖୋଳତାଡ଼ କରିବା ପରେ ସମ୍ପତ୍ତିକୁ ବାଜ୍ୟାପ୍ତି ଲାଗି ଏନ୍‌‌ଡିପିଏସ୍‌‌ର କୋଲକାତା କ୍ଷମତାପ୍ରାପ୍ତି ଅଧିକାରୀଙ୍କୁ ଚିଠି ବି ଲେଖାଯାଉଛି। କିନ୍ତୁ ଏହି ପ୍ରକ୍ରିୟାଗୁଡ଼ିକ ଧିମା ପଡ଼ିଯାଇଛି।

ଭୁବନେଶ୍ୱର: ରାଜଧାନୀରେ ଅପରେଟ୍‌‌ ହେଉଛି ନାବାଳକ ଲୁଟେରା ଗ୍ୟାଙ୍ଗ। ସେମାନେ ଝରକା, ଗ୍ରୀଲ୍‌‌ ଏବଂ ସ୍କାଏ ଲାଇଟ୍‌‌ ତାଡ଼ି ଘର ଭିତରେ ପଶି ଚୋରି କରୁଛନ୍ତି। ଏହି ଗ୍ୟାଙ୍ଗ ପଛର ମାଷ୍ଟର୍‌‌ମାଇଣ୍ଡ ସାଜିଛନ୍ତି ବରିଷ୍ଠ ଅପରାଧୀ। ବୟସ୍କଙ୍କ ପାଇଁ ଆଇନ୍‌‌ କଡ଼ା କାର୍ଯ୍ୟାନୁଷ୍ଠାର ବ୍ୟବସ୍ଥା ଥିବାରୁ ସେମାନେ ନାବାଳକ ମାଧ୍ୟମରେ ଅପରାଧ ଘଟାଉଛନ୍ତି। କିଭଳି ଘରେ ପଶି ଚୋରି କରିବା, କିଭଳି ଲୁଟ୍‌‌ କରିବା ସବୁ ବିଦ୍ୟା ତାଙ୍କୁ ଶିଖାଉଛନ୍ତି ଏହି ମାଷ୍ଟର୍‌‌ମାଇଣ୍ଡ। ସେ ଅପରାଧସ୍ଥଳକୁ ନ ଆସି ଗୋଟିଏ ସ୍ଥାନରେ ବସି ଅପରାଧ ଘଟାଇବା ପାଇଁ ବ୍ଲ୍ୟୁ-ପ୍ରିଣ୍ଟ ପ୍ରସ୍ତୁତ୍‌‌ କରୁଛନ୍ତି। ଆଉ ଏହାକୁ କାର୍ଯ୍ୟରେ ଲଗାଉଛନ୍ତି ଏହି ନାବାଳକ ଗ୍ୟାଙ୍ଗ।

ସହରରେ ହୋଇଥିବା ୮୦ ଚୋରିରୁ ୪୯ମାମଲାରେ ଏହି ନାବାଳକ ଗ୍ୟାଙ୍ଗ୍‌‌ ସମ୍ପୃକ୍ତ ରହୁଛନ୍ତି। ଅନେକ ବଡ଼ ବଡ଼ ମାମଲାରେ ସେମାନେ ଧରାପଡ଼ୁ ନ ଥିବା ବେଳେ ଛୋଟଛୋଟ ମାମଲାରେ ଧରାପଡ଼ି ସୁଧାର ଗୃହକୁ ଯାଉଛନ୍ତି। ସେଠାକୁ ଯାଇ ମଧ୍ୟ ସେମାନେ ସୁଧୁରୁୁନାହାନ୍ତି। ବରଂ ସଂଗଠିତ ହେଉଛନ୍ତି ବାଳ ଅପରାଧୀ। ଫେରିବା ପରେ ଅପରାଧ ଘଟାଉଛନ୍ତି। କିଭଳି ଚୋରି କରାଯିବ, କିପରି ମୋବାଇଲ୍‌‌ ଝାମ୍ପି ନେବେ, କିଭଳି ଲୁଟ୍‌‌ କରାଯିବ ସବୁ କିଛି କୌଶଳ ଶିଖାଉଛନ୍ତି ମାଷ୍ଟର୍‌‌ମାଇଣ୍ଡ। ମାଷ୍ଟରମାଇଣ୍ଡ ୫୦ ପ୍ରତିଶତ ଚୋରି ସାମଗ୍ରୀ ରଖୁଥିବା ବେଳେ ବାକି ନାବାଳକଙ୍କ ମଧ୍ୟରେ ବାଣ୍ଟି ଦେଉଛନ୍ତି। ଗତକାଲି ଗ୍ୟାରେଜ ଛକରୁ ହୋଇଥିବା ଚୋରି ମାମଲାରେ ଲିଙ୍ଗରାଜ ଥାନା ପୁଲିସ ଦୁଇ ନାବାଳକଙ୍କୁ ଧରି ଜୁଭେନାଇଲ୍‌‌ ଜଷ୍ଟିସ୍‌‌ ବୋର୍ଡରେ ହାଜର କରିବା ପରେ ସୁଦ୍ଧାର ଗୃହକୁ ପଠାଇ ଦେଇଛି। ସେମାନଙ୍କୁ ପଚରାଉଚରା କରିବା ପରେ ଏହି ନାବାଳକ ଗ୍ୟାଙ୍ଗ୍‌‌ ରାଜଧାନୀରେ କିଭଳି ଅପରେଟ୍‌‌ ହେଉଛି ତାହା ଜଣାପଡ଼ିଥିଲା। କେବଳ ଏହି ଗୋଟିଏ ନାବାଳକ ଗ୍ୟାଙ୍ଗ୍‌‌ ନୁହେଁ ଆହୁରି ମଧ୍ୟ ଗ୍ୟାଙ୍ଗ୍‌‌ ସହରରେ ଗଢ଼ି ଉଠିଥିବା ସେମାନେ କହୁଛନ୍ତି। ନିଶା ଏବଂ କିଛି ଟଙ୍କା ଦେଇ ମାଷ୍ଟର୍‌‌ମାଇଣ୍ଡ ସେମାନଙ୍କ ନିଜ ହାତ ମୁଠାରେ ରଖୁଛନ୍ତି। ଆଉ ସେମାନଙ୍କ ମାଧ୍ୟମରେ ବିଭିନ୍ନ ପ୍ରକାର ଅପରାଧ ଘଟାଉଛନ୍ତି। ଅଭ୍ୟାସଗତ ଅପରାଧୀଙ୍କୁ ପୁଲିସ ଟାର୍ଗେଟ କରୁଥିବା

ବେଳେ, ନାବାଳକ ଗ୍ୟାଙ୍ଗ୍‌‌ ଉପରେ ପୁଲିସର ନଜର ପଡୁନି। ପୂରା ଘଟଣା ପଛର ମାଷ୍ଟର୍‌‌ମାଇଣ୍ଡ ଏବେ ଆଉ ଚୋରି ପାଇଁ କ୍ରାଇମସିନକୁ ନ ଯାଇ ନିଜ ଏଜେଣ୍ଟ ପଠାଇ ଦେଉଛନ୍ତି। ଟଙ୍କା ରୋଜଗାରର ସର୍ଟକଟ୍‌‌ ନିଶା ଏବେ ଯୁବପିଢିଙ୍କୁ ଏତେ ଘାରିଛି ଯେ, ସେମାନେ କିଛି ବି ଘଟଣା ଘଟାଇବାକୁ ପଛଘୁଞ୍ଚା ଦେଉ ନାହାଁନ୍ତି। ଆଉ କିଛି ଚୋରଙ୍କ ସର୍ଦ୍ଦାର ଏହାର ଭରପୁର ଫାଇଦା ଉଠାଇ ନାବାଳକଙ୍କୁ ଗଳିକନ୍ଦିରେ ଲୁଟ କରିବାକୁ ପଠାଇ ପୁଲିସ ହାତରେ ବଳି ପକାଇ ଦେଉଛନ୍ତି। ନାବାଳକମାନଙ୍କ ପାଇଁ ଆଇନରେ କଡ଼ା କାର୍ଯ୍ୟାନୁଷ୍ଠାନ ପାଇଁ ନିୟମ ନ ଥିବାରୁ ଏହାର ଅପବ୍ୟବହାର ହେଉଥିବା ଆଇନଜୀବୀ ମତ ଦେଇଛନ୍ତି। ଚୋରିକରି ପୁଲିସ ହାତରେ ଧରାପଡ଼ିବା ପରେ ନାବାଳକଙ୍କୁ ଜୁଭେନାଲ କୋର୍ଟରେ ହାଜର କରାଯାଉଛି। କିନ୍ତୁ ସେମାନଙ୍କୁ ଗିରଫ କରିବାର ନିୟମ ନାହିଁ। ସେମାନଙ୍କୁ ଏନେଇ ବାଳ ସୁଧାର ଗୃହକୁ ପଠାଇ ଦେବାର ନିୟମ ରହିଛି। ଆଉ ସେମାନେ ବାଳ ସୁଧାର ଗୃହକୁ ଯାଉଛନ୍ତି, ସେଠାରେ ପୂର୍ବରୁ ଥିବା ଅନ୍ୟାମାନଙ୍କ ସହ ମିଶି ଗ୍ୟାଙ୍ଗ୍‌‌ ତିଆରି କରୁଛନ୍ତି।

ଭୁବନେଶ୍ୱର: ରୂପଜୀବୀ ପରେ ଏବେ ଅପରାଧୀଙ୍କ ଗାର୍ଲଫ୍ରେଣ୍ଡ ଗ୍ୟାଙ୍ଗ୍‍ ପଦାକୁ ଆସୁଛି। ମାୟାବିନୀମାନେ ରାଜଧାନୀରେ ବିଛାଇଛନ୍ତି ମାୟାଜାଲ। ଆଉ ଅପରାଧୀଙ୍କ ଗାର୍ଲଫ୍ରେଣ୍ଡ୍‍ଙ୍କ ମୋହରେ ପଡ଼ିଲେ ସର୍ବସ୍ୱ ଲୁଟିନେବେ ଲେଡି ଠକ। ଠକେଇର ଶିକାର ହୋଇ ଅନେକ ଲୋକ ସାମାଜିକ ଲଜ୍ଜା ଓ ଗିରଫ ଭୟରେ ଥାନାରେ ଅଭିଯୋଗ କରୁନାହାନ୍ତି।

ଦୁଇ ଦିନ ତଳେ ରାଜମହଲ ଅଞ୍ଚଳରେ ଜଣେ ଯୁବକ ଓ ଦୁଇ ଜଣ ଯୁବତୀଙ୍କ ଭିତରେ ହାଇଡ୍ରାମା ଚାଲୁଥିବାବେଳେ ସାଦା ପୋଷାକରେ ଆସି ଯୁବକକୁ ଉଠାଇ ନେଇଥିଲା କମିସନରେଟ୍‍ ପୁଲିସର ସ୍ପେଶାଲ ସ୍କ୍ୱାଡ୍‍। ଅଭିଯୁକ୍ତ ଗୋପୀକୁ ଧରି ଖୋଳତାଡ଼ବେଳେ ସାମ୍ନାକୁ ଆସିଥିଲା ସାଂଘାତିକ ସତ। ଅନ୍ଧାର ରାତି, ସୁନ୍ଦର ଚେହେରା ଦେଖାଉଛନ୍ତି ଅପରାଧୀଙ୍କ ଗାର୍ଲଫ୍ରେଣ୍ଡ୍‍ ଗ୍ୟାଙ୍ଗ୍‍। ରାତିରେ ସକ୍ରିୟ ରହିବା ସହ ସନ୍ଧ୍ୟା ହେଲେ ଲୁଟ୍‍ ଲାଗି ଏମାନେ ଟାର୍ଗେଟ୍‍ କରିଥାନ୍ତି। ଲୋକଙ୍କୁ ନିଜ ପାଲରେ ପକାଇବାକୁ ମାୟାବିନୀ ଦିଅନ୍ତି ଅନୈତିକ କାରବାର ଅଫର। ଏହି ଅପରାଧୀଙ୍କ ଗାର୍ଲଫ୍ରେଣ୍ଡ୍‍ ଗ୍ୟାଙ୍ଗ୍‍ର ଦୁଇଟି ଚିତ୍ର ଭୁବନେଶ୍ୱରରେ ଦେଖିବାକୁ ମିଳିଥିଲା। କିଛି ଦିନ ତଳେ ଚନ୍ଦ୍ରଶେଖରପୁର ପେଟ୍ରୋଲ୍‍ ପମ୍ପ ଛକରେ ଜଣେ ଯୁବକକୁ ମାଡ଼ମାରି ଜୋର୍‍ଜବରଦସ୍ତ ବାଇକ୍‍ରେ ଉଠାଇନେବାକୁ ଉଦ୍ୟମ କରି ବିଫଳ ହୋଇଥିଲା। ସେଭଳି ରାଜମହଲ ଛକରେ ଘଟିଥିବା ଘଟଣାରେ ଯୁବକ ଓ ଯୁବତୀ ସମାନ। ଏଥିରେ ଯୁବକ ଗୋପିନାଥ ନାଏକ ଓରଫ ଗୋପୀକୁ ପୁଲିସ ଗିରଫ କରିଥିବାବେଳେ ଯୁବତୀକୁ ଛାଡ଼ି ଦିଆଯାଇଛି।

ସେହିପରି ରାଜ୍ୟ ବାହାରୁ ଭୁବନେଶ୍ୱରକୁ ଆସୁଥିବା ଲୋକଙ୍କୁ ଲୁଟିବା ପାଇଁ ଏମାନେ ପ୍ରସ୍ତୁତ କରନ୍ତି ମାଷ୍ଟର ପ୍ଲାନ୍‍। ଗ୍ୟାଙ୍ଗ୍‍ର ଅପରେସନ ମାଷ୍ଟରକ୍ୟାଣ୍ଟିନ୍‍ରୁ ରାଜମହଲ ଛକ। ଲୋକଙ୍କୁ ସୁନ୍ଦରୀମାନେ ଇସାରା ଦିଅନ୍ତି। ଆଉ କେହି ପାଲରେ ପଡ଼ିଲା ପରେ ପୂର୍ବରୁ ଛକି ବସିଥିବା ଲୁଟେରା ଗ୍ୟାଙ୍ଗ୍‍ ହୋହଲ୍ଲା କରିବା ସହ ପୁଲିସକୁ ଜଣାଇବାକୁ କୁହନ୍ତି। ସମ୍ପୃକ୍ତି ଲୋକମାନେ ସାମାଜିକ ଲଜ୍ଜା ଓ ଗିରଫ ଭୟରେ ପାଟି ଚୁପ୍‍ କରି ସବୁ ଜିନିଷ ଦେଇ କାନମୁଣ୍ଡ ଆଉଁଷି ଚାଲିଯାଆନ୍ତି। ଆଉ ଯଦି କେହି ଖସିଯିବାକୁ ଚେଷ୍ଟା କରନ୍ତି ତାହେଲେ ଗ୍ୟାଙ୍ଗ୍‍ର ଅନ୍ୟ ସଦସ୍ୟ ଆକ୍ରମଣ କରି ଲୁଟ୍‍ପାଟ୍‍ କରୁଥିବା ଅଭିଯୋଗ ହୋଇଛି। ସେପଟେ ପୂଜା ପୂର୍ବରୁ ସକ୍ରିୟ ହୋଇଛନ୍ତି ଏହି ଗ୍ୟାଙ୍ଗ୍‍। ବିଭିନ୍ନ ଜିଲ୍ଲା ବାହାରୁ ଆସି ଭୁବନେଶ୍ୱରରେ ପକାଇଛନ୍ତି ଡେରା। ସହରରେ ଅପରାଧ ଘଟଣାରେ ସମ୍ପୃକ୍ତି ରହୁଥିବା ଅଭିଯୁକ୍ତଙ୍କ ସହ ମିଶି ଏହି କାର୍‍ସାଦି ଚଳାଇଛନ୍ତି। ବସ୍ତିଗୁଡ଼ିକରେ ରହିବା ସହ ସନ୍ଧ୍ୟା ହେଲେ ଅଭିଯୁକ୍ତଙ୍କ ସହ ଜନଗହଳିପୂର୍ଣ୍ଣ ସ୍ଥାନକୁ ଆସୁଛନ୍ତି। ସେଠାରେ ଗ୍ରାହକ ଯୋଗାଡ଼କରି ଚଳାଇଛନ୍ତି କଳାକାରନାମା। ଗ୍ୟାଙ୍ଗ୍‍ର ସମ୍ପୃକ୍ତ ଯୁବକମାନେ ସେମାନଙ୍କୁ ଏସ୍କର୍ଟ ଦେଉଥିବା ଅଭିଯୋଗ ହୋଇଛି।

ଭୁବନେଶ୍ୱର: ରାଜଧାନୀରେ ଥାନାଗୁଡ଼ିକର ପରିଚୟ ଏବେ ବଦଳିବାକୁ ଲାଗିଲାଣି। କମିସନରେଟ ପୁଲିସର ସହରାଞ୍ଚଳରେ ଥିବା ଥାନାଗୁଡ଼ିକ ଏବେ କିଛି ଘଟଣା ଲାଗି ପ୍ରସିଦ୍ଧ ହେବା ଆଡ଼କୁ ଅଗ୍ରସର ହେଉଛି। କେଉଁ ଥାନା ଠକେଇ ଲାଗି ପ୍ରସିଦ୍ଧ ତ ଆଉ କେଉଁ ଥାନା ନିଶା କାରବାର ଲାଗି ପ୍ରସିଦ୍ଧ ଲାଭ କଲାଣି। ଆଉ ଥାନା ନାଁ ନେଇ ଠକେଇ, ଚୋରି, ନିଶା କାରବାର, ହତ୍ୟା ଓ ଅପହରଣ କହିଲେ କମିସନରେଟ ପୁଲିସର ବଡ଼ବାବୁ ବୁଝିଗଲେଣି। କେଉଁ ଥାନା ଅଞ୍ଚଳରେ ଏହି ଘଟଣା ଘଟିଥିବ ତାହା ବରିଷ୍ଠ ଅଧିକାରୀ ଅନୁମାନ କରିଦେଲେଣି। କେଉଁ ଥାନା କ’ଣ ପାଇଁ ପରିଚୟ ଲାଭ କରିଛି, ନାମକରଣ ହେବ ବୋଲି ଚର୍ଚ୍ଚା ହେଉଛି।

କମିସନରେଟ ପୁଲିସର ଠକେଇ ଥାନା ଭାବେ ବଡ଼ଗଡ଼଼ ପ୍ରସିଦ୍ଧି ଲାଭ କରୁଛି। ବଡ଼ଗଡ଼଼ ଥାନାର ପ୍ରତିବର୍ଷର କ୍ରାଇମ୍‍ ରିପୋର୍ଟ ଦେଖିଲେ ପ୍ର୍‍ତିବର୍ଷ ୩୫୦ରୁ ୪୫୦ଟି ମାମଲା ରୁଜୁ ହେଉଛି। ସେଥିରୁ ୩୦ପ୍ରତିଶତ ଅଭିଯୋଗ ଠକେଇ ସମ୍ପର୍କିତ। ଉକ୍ତ ଥାନା ଅଞ୍ଚଳରେ ଜମି ରହୁଥିବାରୁ ବିଲ୍ଡର ଜମି ଦେବାକୁ କହି ଟଙ୍କା ନେଇ ଛୁ ହୋଇଯାଉଛନ୍ତି। ସେଭଳି କାର୍‍ ଦେବାକୁ କହି ହେଉ କିମ୍ବା ଫ୍ଲାଟ୍‍ ଦେବା ହେଉ କହି ଠକେଇ କରୁଛନ୍ତି ଠକ। ଗତବର୍ଷ ବଡ଼ଗଡ଼଼ ଥାନାରେ କେବଳ ୯୧ଟି ଠକେଇ ମାମଲା ରୁଜୁ କରାଯାଇ ୩୩ ଜଣଙ୍କୁ ଗିରଫ କରାଯାଇଛି। ବଡ଼ଗଡ଼଼ ପଛକୁ ମଞ୍ଚେଶ୍ୱରରେ ୭୯ ମାମଲା, ଚନ୍ଦ୍ରଶେଖରପୁର ଓ କ୍ୟାପିଟାଲ ଥାନା ଆଦି ରହିଛି। ସେହିପରି ସହରରୁ ଉପକଣ୍ଠ ବାଲିପାଟଣା, ସହିଦନଗର ଥାନା ଅଞ୍ଚଳରେ ଅଧିକ ବିଲ୍ଡର ସଂସ୍ଥା ରହିବା ସହ କିଛି ଜମିବାଡି ଓ ଫ୍ଲାଟ୍‍ ମଧ୍ୟ ରହିଛି। ତେଣୁ ବିଲ୍ଡରମାନେ ମଧ୍ୟ ଲୋକଙ୍କ ଠାରୁ ଟଙ୍କା ନେଇ ଫେରାର୍‍ ହୋଇଯାଉଛନ୍ତି।

ସେହିପରି କ୍ୟାପିଟାଲ ଚୋରି, ଲୁଟ୍‍ପାଟ୍‍ ପାଇଁ ପ୍ରସିଦ୍ଧି ଲାଭ କରୁଛି। ଉକ୍ତ ଥାନା ଅଞ୍ଚଳରେ ଅଧିକ ବସ୍ତିଗୁଡିକ ଗଢ଼ିଉଠିବାରୁ ଚୋରି ଓ ଛିନ୍‍ତାଇ ଅଧିକ ହେଉଛି। ଜନବସତି ବଢ଼଼ିବା ସହ ଲୋକ ସଂଖ୍ୟା ଅହେତୁକ ଭାବେ ବୃଦ୍ଧି ହେଉଛି। ତେଣୁ ଉକ୍ତ ଥାନାଗୁଡିକ ଅଞ୍ଚଳରେ ଅଧିକ ଚୋରି, ଛିନ୍‍ତାଇ ମାମଲା ରହୁଛି। କ୍ୟାପିଟାଲ ଥାନାରେ ବର୍ଷକୁ ୮୦୦ରୁ ୯୦୦ ମାମଲା ରୁଜୁ ହେଉଛି। ସେଥିର ଅଧିକ ଚୋରି ଓ ଲୁଟ୍‍ପାଟ୍‍ ସମ୍ପର୍କିତ। ଉକ୍ତ ଥାନା ଅଞ୍ଚଳରେ ୟୁନିଟ୍‍-୧ ଓ ୨ମାର୍କେଟ ଏବଂ ସରକାରୀ କ୍ୱାର୍ଟସ୍‍ ରହିଥିବାରୁ ଅଧିକ ଭିଡ଼ ହେଉଛି। ତେଣୁ ଲୁଟେରା ସକ୍ରିୟ ହେବାର ମୁଖ୍ୟ କାରଣ। ସେହିଭଳି କ୍ୟାପିଟାଲ ଥାନା ପଛକୁ ନୂଆପଲ୍ଲୀ ଓ ଚନ୍ଦ୍ରଶେଖରପୁର ଆଦି ଥାନା ରହିଛି। ତେବେ ଖାରବେଳନଗର ଥାନା ଅଞ୍ଚଳରେ ମାଳିସାହି ରହିଛି। ସେଠାରେ ବାଲାଂଦେଶୀ ଆଡ୍ଡା ଜମାଉଛନ୍ତି। ତେଣୁ ସେମାନେ ଆସି ଉକ୍ତ ଅଞ୍ଚଳରୁ ଲୁଟ୍‍ପାଟ୍‍ ଅଧିକ କରୁଛନ୍ତି। ସେପଟେ ଚନ୍ଦ୍ରଶେଖରପୁର ଅଞ୍ଚଳ ଏବେ ଅପେକ୍ଷାକୃତ ବଢ଼଼ୁଛି। ତେଣୁ ଉକ୍ତ ଅଞ୍ଚଳରେ ଲୁଟ୍‍ପାଟ୍‍, ଚୋରି, ଛିନ୍‍ତାଇ ଏବେ ଦିନକୁ ଦିନ ବୃଦ୍ଧି ହେଉଛି। ଉକ୍ତ ଥାନା ଅଞ୍ଚଳରେ ୬୦୦ର ୬୫୦ ମାମଲା ରୁଜୁ ହେଉଛି। ସେଥିରୁ ୫୫ ପ୍ରତିଶତ ଚୋରି ସମ୍ବନ୍ଧୀୟ।

ଅନ୍ୟପଟେ ନିଶା କାରବାର ଥାନା ଭାବେ ଭରତପୁର ପ୍ରସିଦ୍ଧ ଲାଭ କରିଛି। ଗୋଟିଏ ବର୍ଷ ଭିତରେ ଥାନାରେ ରୁଜୁ ହୋଇଥିବା ମାମଲାର ୬୦ ପ୍ରତିଶତ ନିଶା ଜନିତ। ବସ୍ତି ସଂଖ୍ୟା ଅଧିକ ଥିବା ସହିତ ସବୁ ବସ୍ତିରେ ଦେଶୀ ମଦ କାରବାର ବୃଦ୍ଧି ହୋଇଛି। ଭରତପୁର ପଛକୁ ଚନ୍ଦକା ଥାନା ରହିଛି। ଥାନାଟି ସହରର ଉପକଣ୍ଠରୁ ରହୁଥିବାରୁ ଦେଶୀ ମଦ କାରବାର ଅଧିକ ହେଉଛି। ଚନ୍ଦକା ଥାନା ଅଞ୍ଚଳରେ ପ୍ରତିବର୍ଷ ୨୦୦ରୁ ୨୫୦ ମାମଲା ରୁଜୁ ହେଉଛି। ସେଥିରୁ ୭୦ପ୍ରତିଶତ ମାମଲା ମଦ କାରବାର ଲାଗି ରୁଜୁ ହୋଇଛି। ଉପକଣ୍ଠରେ ପୁଲିସର ଢିଲା ଚଢ଼ଉ ଯୋଗୁ ଘରେ ଘରେ ଦେଶୀ ମଦ କାରବାର ହେଉଛି। ସେଠାରେ ଖୋର୍ଦ୍ଧା, ନୟାଗଡ଼଼ ଆଦି ଜିଲ୍ଲାରୁ ମଧ୍ୟ ଚାଲାଣ କରାଯାଉଛି। ସେପରି ହତ୍ୟାରେ ଜଟଣୀ ଆଗରେ ରହିଛି। ଗତବର୍ଷ ୪ଟି ହତ୍ୟା ମାମଲା ରୁଜୁ ହୋଇଛି। ଜଟଣୀ ପଛକୁ ଭରତପୁର, ମଞ୍ଚେଶ୍ୱର, ଚନ୍ଦ୍ରଶେଖରପୁର ଓ ଇନ୍‍ଫୋସିଟି ଥାନାରେ ୩ଟି ଲେଖାଏଁ ମାମଲା ରୁଜୁ ହୋଇଛି।

ସେହିପରି ଅପହରଣ ଥାନା ଭାବେ ଗଣା ହେଲା ନୂଆପଲ୍ଲୀ। ନୂଆପଲ୍ଲୀ ଥାନାରେ ୨୩ଟି ଅପହରଣ ମାମଲା ରୁଜୁ କରାଯିବା ସହ ଏଥର ପ୍ରସିଦ୍ଧ ଲାଭ କରିଛି। ନୂଆପଲ୍ଲୀ ପଛକୁ ମଞ୍ଚେଶ୍ୱର, ବଡ଼ଗଡ଼଼ ଆଦି ଥାନାକୁ ଅପହରଣ ଥାନା ଭାବେ ପରିଚିତ ଲାଭ କରିଛନ୍ତି।

ଭୁବନେଶ୍ୱର : ଭିନ୍ନଭିନ୍ନ ପ୍ରକାର ଅପରାଧକୁ ନେଇ ଥାନାଗୁଡ଼ିକର ପରିଚୟ ମଧ୍ୟ ସେଭଳି ହେଉଛି। କେଉଁ ଥାନାରେ ଅଧିକ ଠକେଇ ମାମଲା ରୁଜ୍ଜୁ ହେଉଛି ତ ଆଉ କେଉଁ ଥାନାରେ ନିଶା କାରବାର ନେଇ ଅଧିକ ଅଭିଯୋଗ ହେଉଛି ତଥା ପୁଲିସ ଅଧିକ ନିଶା ଦ୍ରବ୍ୟ ଜବତ କରୁଛି।
୪ ଥାନାରେ ନିଶା କାରବାର ଅଧିକ ଚନ୍ଦକା, ଭରତପୁର, ଲକ୍ଷ୍ମୀସାଗର, ନୂଆପଲ୍ଲୀ ଥାନା ନିଶା କାରବାର ପାଇଁ ଚର୍ଚ୍ଚାରେ ରହିଛି। ଚନ୍ଦକା ଥାନା ସହରର ଉପକଣ୍ଠରୁ ରହୁଥିବାରୁ ଦେଶୀ ମଦକାରବାର ଅଧିକ ହେଉଛି। ଏହି ଥାନା ଅଞ୍ଚଳରେ ପ୍ରତିବର୍ଷ ୨୦୦ରୁ ୨୫୦ ମାମଲା ରୁଜୁ ହେଉଛି। ସେଥିରୁ ୭୦ପ୍ରତିଶତ ମାମଲା ମଦ କାରବାର ଲାଗି ରୁଜୁ ହୋଇଛି। ଉପକଣ୍ଠରେ ପୁଲିସର ଢିଲା ଚଢ଼ଉ କରିବା ଲାଗି ଘରେଘରେ ଦେଶୀ ମଦ କାରବାର ହେଉଛି। ସେଠାରେ ଖୋର୍ଦ୍ଧା, ନୟାଗଡ଼଼ ଆଦି ଜିଲ୍ଲାରୁ ମଧ୍ୟ ଚାଲାଣ କରାଯାଉଛି।

ସେପଟେ ଭରତପୁର ଥାନା ହେବା ପରେ ୨୦୦ରୁ ଅଧିକ ମାମଲା ରୁଜୁ ହେଲାଣି। ସେଥିରେ ୫୦ପ୍ରତିଶତ ମଦ କାରବାର ସମ୍ପର୍କିତ ମାମଲା ରୁଜୁ ହୋଇଛି। ବସ୍ତି ସଂଖ୍ୟା ଅଧିକ ଥିବା ସହିତ ସବୁ ବସ୍ତିରେ ଦେଶୀ ମଦ କାରବାର ବୃଦ୍ଧି ହୋଇଛି। ସେଭଳି ଲକ୍ଷ୍ମୀସାଗର ଥାନା ଅଞ୍ଚଳର ବ୍ରାଉନସୁଗର କାରବାରରେ ଲାଗି ବେଶ୍‍ ପରିଚିତ ରହିଛି। ହଳଦୀପଡ଼ିଆ ବସ୍ତିରେ ବ୍ରାଉନସୁଗର କାରବାର ଓ ଦେଶୀ ମଦ ବେପାରରେ ନାଁ ରହିଛି। ବର୍ଷକୁ ଉକ୍ତ ଥାନାରେ ୩୫୦ରୁ ୪୫୦ ମାମଲା ରୁଜୁ ହେଉଛି। ସେଥିରୁ ୩୦ପ୍ରତିଶତ ମାମଲା କେବଳ ବ୍ରାଉନସୁଗର ଓ ଦେଶୀ ମଦ କାରବାରକୁ ନେଇ ହେଉଛି। ନୂଆପଲ୍ଲୀ ଥାନା ଅଞ୍ଚଳରେ ବାର୍ଷିକ ୫୫୦ରୁ ୬୫୦ଟି ମାମଲା ରୁଜୁ ହେଉଛି। ସାଲିଆସାହିରେ ଥିବାରୁ ୨୦ପ୍ରତିଶତ ମଦ କାରବାରକୁ ନେଇ ମାମଲା ରୁଜୁ କରାଯାଉଛି ବୋଲି ଥାନା ଅଧିକାରୀ କହିଛନ୍ତି।

ଠକେଇରେ ବରଗଡ଼, ବାଲିପାଟଣା ଓ ସହିଦନଗର ସେହିଭଳି ବଡ଼ଗଡ଼଼, ବାଲିପାଟଣା ଓ ସହିଦନଗର ଭଳି ଥାନାରେ ଏବେ ଠକେଇ ମାମଲା ଅଧିକ ରୁଜୁ ହୋଇଛି। ବଡ଼ଗଡ଼଼ ଥାନାର କ୍ରାଇମ୍‍ ରିପୋର୍ଟ ଦେଖିଲେ ପ୍ର୍‍ତିବର୍ଷ ୩୫୦ରୁ ୪୫୦ଟି ମାମଲା ରୁଜୁ ହେଉଛି। ସେଥିରୁ ୩୦ପ୍ରତିଶତ ଅଭିଯୋଗ ଠକେଇ ସମ୍ପର୍କିତ। ଉକ୍ତ ଥାନା ଅଞ୍ଚଳରେ ଜମି କାରବାର ହେଉଥିବାରୁ ବିଲ୍ଡର ଜମି ଦେବାକୁ କହି ଟଙ୍କା ଠକି ନେଉଥିବା ଅଭିଯୋଗ ହେଉଛି। ସେଭଳି କାର୍‍ ଦେବାକୁ କହି ହେଉ କିମ୍ବା ଫ୍ଲାଟ୍‍ ଦେବା ହେଉ କହି ଠକେଇ କରୁଛନ୍ତି ଠକ। ସେହିପରି ସହରରୁ ଉପକଣ୍ଠ ବାଲିପାଟଣାରେ ମଧ୍ୟ ଜମିଜମା ଠକେଇ ମାମଲା ଅଧିକ ରୁଜୁ ହେଉଛି। ବର୍ଷକୁ ୨୫୦ରୁ ୩୫୦ ଭିତରେ ମାମଲା ରୁଜୁ ହେଉଛି। ସେଥିରୁ ୫୦ ପ୍ରତିଶତ ଜମିଜମା ମାମଲା। ସେହିପରି ସହିଦନଗର ଥାନା ଅଞ୍ଚଳରେ ଅଧିକ ବିଲ୍ଡର ସଂସ୍ଥା ରହିବା ସହ କିଛି ଜମିବାଡ଼ି ଓ ଫ୍ଲାଟ୍‍ ମଧ୍ୟ ରହିଛି।

ତେଣୁ ବିଲ୍ଡରମାନେ ମଧ୍ୟ ଲୋକଙ୍କ ଠାରୁ ଟଙ୍କା ନେଇ ଫେରାର୍‍ ହୋଇଯାଉଛନ୍ତି। ସହିଦନଗର ଥାନାରେ ବାର୍ଷିକ ୫୦୦ରୁ ୭୦୦ ମାମଲା ରୁଜୁ ହେଉଛି। ସେଥିରୁ ୧୫ପ୍ରତିଶତ ଏଭଳି ଠକେଇ ସମ୍ପର୍କିତ ବୋଲି ଅପରାଧ ରେକର୍ଡରୁ ଜଣାପଡ଼ିଛି। ସେଭଳି ଏହି ୩ଟି ନୁହେଁ ବରଂ ମଞ୍ଚେଶ୍ୱର, ଇନ୍‍ଫୋସିଟି, ନନ୍ଦନକାନନ ଆଦି ଥାନା ଅଞ୍ଚଳରେ ଜମି ଓ ଘର ସଂଖ୍ୟା ଅଧିକ ଥିବାରୁ ଜମିବାଡ଼ି ଠକେଇ ସମ୍ପର୍କିତ ମାମଲା ମଧ୍ୟ ଅଧିକ ରୁଜୁ ହେଉଛି। ଚୋରି ଲୁଟପାଟରେ କ୍ୟାପିଟାଲ ଓ ଖାରବେଳନଗର ଆଗରେ ଅନ୍ୟପଟେ କ୍ୟାପିଟାଲ, ଖାରବେଳନଗର, ଚନ୍ଦ୍ରଶେଖରପୁର, ଖଣ୍ଡଗିରି ଆଦି ଥାନା ଅଞ୍ଚଳ ଚୋରି, ଲୁଟ୍‍ପାଟ୍‍ ପାଇଁ ପ୍ରସିଦ୍ଧି ଲାଭ କରୁଛି। ଉକ୍ତ ଥାନାଗୁଡିକ ଅଞ୍ଚଳରେ ଅଧିକ ବସ୍ତିଗୁଡ଼ିକ ଗଢ଼ିଉଠିବାରୁ ଚୋରି ଓ ଛିନ୍‍ତାଇ ଅଧିକ ହେଉଛି। ଜନବସତି ବଢ଼଼ିବା ସହ ଲୋକସଂଖ୍ୟା ଅହେତୁକ ଭାବେ ବୃଦ୍ଧି ହେଉଛି।

ତେଣୁ ଉକ୍ତ ଥାନାଗୁଡିକ ଅଞ୍ଚଳରେ ଅଧିକ ଚୋରି, ଛିନ୍‍ତାଇ ମାମଲା ରହୁଛି। କ୍ୟାପିଟାଲ ଥାନାରେ ବର୍ଷକୁ ୫୦୦ରୁ ୬୦୦ ମାମଲା ରୁଜୁ ହେଉଛି। ସେଥିର ଅଧିକ ଚୋରି ଓ ଲୁଟ୍‍ପାଟ୍‍ ସମ୍ପର୍କିତ। ଉକ୍ତ ଥାନା ଅଞ୍ଚଳରେ ୟୁନିଟ୍‍-୧ ଓ ୨ମାର୍କେଟ ଏବଂ ସରକାରୀ କ୍ୱାର୍ଟର୍ସ ରହିଥିବାରୁ ଅଧିକ ଭିଡ଼ ହେଉଛି। ତେଣୁ ଲୁଟେରା ସକ୍ରିୟ ହେବାର ମୁଖ୍ୟ କାରଣ। ସେହିଭଳି ଖାରବେଳନଗର ଥାନା ଅଞ୍ଚଳରେ ମାଳିସାହି ରହିଛି। ସେଠାରେ ବାଲାଂଦେଶୀ ଆଡ୍ଡା ଜମାଉଛନ୍ତି। ତେଣୁ ସେମାନେ ଆସି ଉକ୍ତ ଅଞ୍ଚଳରୁ ଲୁଟ୍‍ପାଟ୍‍ ଅଧିକ କରୁଛନ୍ତି। ସେପଟେ ଚନ୍ଦ୍ରଶେଖରପୁର ଅଞ୍ଚଳ ଏବେ ଅପେକ୍ଷାକୃତ ବଢ଼଼ୁଛି। ତେଣୁ ଉକ୍ତ ଅଞ୍ଚଳରେ ଲୁଟ୍‍ପାଟ୍‍, ଚୋରି, ଛିନ୍‍ତାଇ ଏବେ ଦିନକୁ ଦିନ ବୃଦ୍ଧି ହେଉଛି। ଉକ୍ତ ଥାନା ଅଞ୍ଚଳରେ ରୁଜ୍ଜୁ ହେଉଥିବା ବାର୍ଷିକ ୫୦୦ରୁ ୫୫୦ ମାମଲା ମଧ୍ୟରୁ ୫୫ ପ୍ରତିଶତ ଚୋରି ସମ୍ବନ୍ଧୀୟ। ଏତିସହିତ ଖଣ୍ଡଗିରି ଥାନା ରାସ୍ତାକଡ଼ ଏବଂ ସବୁଠାରୁ ଅଧିକ ପରିସୀମା ରହିଥିବାରୁ ଉକ୍ତ ଥାନା ସବୁଠାରୁ ଅଧିକ ମାମଲା ରୁଜୁ ହେଉଛି। ପ୍ରତିବର୍ଷ ୮୦୦ରୁ ୮୫୦ ମାମଲା ରୁଜୁ ହେଉଛି। ସେଥିରୁ ୩୫ପ୍ରତିଶତ ଚୋରି, ଲୁଟ୍‍ପାଟ୍‍ ଓ ଛିନ୍‍ତାଇ ଘଟଣା ଘଟୁଛି।

ଭୁବନେଶ୍ୱର: ପୁଲିସ ଯେତିକି ଚତୁର ହେଉଛି ହତ୍ୟାକାର ତା’ଠାରୁ ଅଧିକ ନୂଆନୂଆ କୌଶଳକୁ ଆପଣେଇ ନେଉଛି। ଫଳରେ ରାଜଧାନୀର ବିଭିନ୍ନ ହତ୍ୟାକାଣ୍ଡ ଘଟଣାରେ ହତ୍ୟାକାରୀକୁ ଧରିବା ପୁଲିସ ପାଇଁ କାଠିକର ପାଠ ହୋଇପଡ଼ୁଛି। ବିଶେଷକରି ୟୁଟ୍ୟୁବ୍‍ ଓ ବିଭିନ୍ନ ୱେବ୍‍ ସିରିଜ୍‍ରୁ ଅପରାଧୀମାନେ ଏଭଳି କୌଶଳ ଶିକ୍ଷାଲାଭ କରୁଥିବା ଲକ୍ଷ୍ୟ କରାଯାଉଛି। ରାଜଧାନୀରେ ବିଗତ ଦିନରେ ଘଟିଥିବା ବିଭିନ୍ନ ଅପରାଧ ଘଟଣାକୁ ଅନୁଧ୍ୟାନ କଲେ ଏହା ସ୍ପଷ୍ଟ ହେଉଛି।

୨୦୨୧ ଫେବୃଆରୀ ୪ରେ ଚନ୍ଦକା ଥାନା ଅଞ୍ଚଳ ପୁଷ୍ପଲତା ରାଉଳଙ୍କୁ ହତ୍ୟା ପରେ ତାଙ୍କ ମୁଣ୍ଡ ଓ ଗଣ୍ଡିକୁ ଅଲଗା କରିଥିଲେ ହତ୍ୟାକାରୀ। ମୁଣ୍ଡବିହୀନ ମୃତଦେହ ଓ କଟାମୁଣ୍ଡକୁ ଅନ୍ଧାରୁଆ-ଦାସପୁର ରାସ୍ତାର ଭିନ୍ନଭିନ୍ନ ସ୍ଥାନରେ ପକାଇ ଦେଇ ଫେରାର୍‍ ହୋଇଯାଇଥିଲେ। ଚନ୍ଦକା ପୁଲିସ ମହିଳାଙ୍କ ମୁଣ୍ଡବିହୀନ ମୃତଦେହ ଖୋଜିବା ପାଇଁ ନାକେଦମ୍‍ ହୋଇଥିଲା। ପରବର୍ତ୍ତୀ ସମୟରେ ପୁଷ୍ପଲତାର ଟାଟୁ ଆଧାରରେ ପରିଚୟ ଚିହ୍ନଟ କରାଯାଇଥିଲା। ଏଥିସହିତ ଚନ୍ଦକା ଥାନା ଏକ ଜଙ୍ଗଲରୁ ମଧ୍ୟ ଅନ୍ୟଜଣେ ମହିଳାଙ୍କୁ ଦୁର୍ବୃତ୍ତ ହତ୍ୟା କରିଥିଲେ। ଏହାପରେ ତାଙ୍କ ମୁହଁକୁ ପଥରରେ ଛେଚି ଦେଇଥିଲେ। ଫଳରେ ମହିଳାଙ୍କ ପରିଚୟ ମିଳୁନି କି ଅଭିଯୁକ୍ତ ଚିହ୍ନଟ ହୋଇପାରିନାହାନ୍ତି।
ସେଭଳି ନିକଟରେ ମଞ୍ଚେଶ୍ୱର ଥାନା ବରିମୁଣ୍ଡ ବାଲିଯାତ୍ରା ପଡ଼ିଆ କୁଆଖାଇ ନଦୀ ପଠାରୁ ଜଣେ ଯୁବକର ମୃତଦେହ ଜବତ କରାଯାଇଥିଲା। ଘଟଣାକୁ ସପ୍ତାହେ ବିତିଗଲାଣି; କିନ୍ତୁ ଯୁବକଙ୍କ ପରିଚୟ ଠାବ ହୋଇପାରିନି। ଏବେ ପୁଲିସ ଅନ୍ଧାରଘରେ ବାଡ଼ି ବୁଲାଇବା ଆରମ୍ଭ କରିଛି। ମୃତ୍ୟୁର କାରଣ ଖୋଜିବା ତ ଦୂରର କଥା ମୃତକଙ୍କ ପରିଚୟ ଠାବ କରିବାରେ ମଞ୍ଚେଶ୍ୱର ପୁଲିସ ନାକେଦମ୍‍ ହେଲାଣି।

ଗତ କିଛିଦିନ ତଳେ କ୍ୟାପିଟାଲ ଥାନା ଅଧୀନ ରାଜମହଲ ଛକରେ ଦୁଇ ଶ୍ରମିକଙ୍କ ମଧ୍ୟରେ ଗଣ୍ଡଗୋଳ ଘଟି ଜଣଙ୍କର ଜୀବନ ଯାଇଥିଲା। ଅଭିଯୁକ୍ତ ତ୍ରିନାଥ ନାମକ ଜଣେ ଶ୍ରମିକକୁ ପଥରରେ ଛେଚି ହତ୍ୟା କରିଥିଲା। ଫଳରେ ମୃତକ ନାମ ତ୍ରିନାଥରେ ହିଁ ସୀମିତ ରହିଯାଇଛି। କାରଣ ମୃତକଙ୍କ ମୁହଁ ନଷ୍ଟ ହୋଇଯାଇଥିଲା। ମୃତକଙ୍କ ପରିଚୟ ଏପର୍ଯ୍ୟନ୍ତ ପୁଲିସ ପାଇପାରିନାହିଁ।

ସେହିପରି କୁଆଖାଇ ବିଜ୍ର ତଳୁ ଏୟାରବ୍ୟାଗ୍‍ରୁ ଜଣେ ଯୁବତୀଙ୍କ ଉଲଗ୍ନ ମୃତଦେହ ଜବତ ହୋଇଥିଲା। ଯୁବତୀଙ୍କୁ ଗଣଦୁଷ୍କର୍ମ କରାଯିବା ପରେ ହତ୍ୟା କରାଯାଇଥିବା ଜଣାପଡ଼ିଥିଲା। ତେବେ ପରିଚୟ ମିଳିଯିବା ଭୟରେ ଯୁବତୀଙ୍କ ମୁହଁକୁ ଛେଚି ଦିଆଯାଇଥିଲା। ଯେଉଁ ଘଟଣାରେ ହତ୍ୟାକାରୀଙ୍କୁ ଚିହ୍ନଟ କରିବା ତ ପରର କଥା ମୃତ ଯୁବତୀଙ୍କ ପରିଚୟ ମଧ୍ୟ ଏପର୍ଯ୍ୟନ୍ତ ପୁଲିସ ପାଇପାରିନି।

ମଞ୍ଚେଶ୍ୱର ସୋଲାର ଇନ୍‍ ହୋଟେଲରେ ଜଣେ ମହିଳାଙ୍କୁ ହତ୍ୟା କରାଯାଇଥିଲା। ତେବେ ମହିଳାଙ୍କୁ ହତ୍ୟା ପରେ ଲୁହାରଡରେ ପିଟି ଅଭିଯୁକ୍ତ ନଷ୍ଟ କରିଦେଇଥିଲା। ଫଳରେ ବହୁ କଷ୍ଟରେ ମହିଳାଙ୍କ ପରିଚୟ ଚିହ୍ନଟ କରାଯାଇଥିଲା ସତ ମାତ୍ର ଅଭିଯୁକ୍ତ ନିକଟରେ ପହଞ୍ଚିପାରି ନାହିଁ ପୁଲିସ। ଚନ୍ଦ୍ରଶେଖରପୁର ଥାନା ଏକ ବସ୍ତିରେ ଦୁଇଜଣକୁ ହତ୍ୟା କରିବା ପରେ ମାଟିତଳେ ପୋତି ଦେଇଥିଲେ। କିଛିଦିନ ପରେ ଦୁର୍ଗନ୍ଧ ହେବାରୁ ପୁଲିସ ମୃତଦେହକୁ ଉଦ୍ଧାର କରିଥିଲା ସତ ମୃତକଙ୍କ ପରିଚୟ ପୁଲିସ ପାଇପାରିନାହିଁ। ଅପରପକ୍ଷେ ଏସବୁ ଘଟଣାରେ ହତ୍ୟାକାରୀ ଉଭାନ ହୋଇଯାଉଛି।

ଖାଲି ଏତିକି ନୁହେଁ, ଅନେକ ଘଟଣାରେ ପୁଲିସ ଯଦିବା ଅଭିଯୁକ୍ତଙ୍କୁ ବିଳମ୍ବରେ ଗିରଫ କରିଛି ତେବେ ହତ୍ୟାକାରୀରୁ ହତ୍ୟାର ଶୈଳୀ ପାଇଁ ପୁଲିସକୁ ନୟାନ୍ତ ହେବାକୁ ପଡ଼ିଛି। କିଛିବର୍ଷ ତଳେ ନୂଆପଲ୍ଲୀର ଅବସରପ୍ରାପ୍ତ ସେନା ଅଧିକାରୀ ସୋମନାଥ ପରିଡ଼ା ତାଙ୍କ ପତ୍ନୀ ଉଷାଶ୍ରୀଙ୍କୁ ହତ୍ୟା କରିବା ପରେ ୩୦୦ ଖଣ୍ଡ କରି ଏକ ବାକ୍ସ ଭିତରେ ପୂରାଇ ରଖିଥିଲେ। ଯାହାକୁ ଦୀର୍ଘଦିନ ପରେ ପୁଲିସ ଜାଣିବାକୁ ପାଇଥିଲା।

ଅନ୍ୟପଟେ ଗତ ଡିସେମ୍ବର ମାସରେ ରାଜଧାନୀର ଭରତପୁର ଥାନା ଅଞ୍ଚଳରେ ମାନସ ରଞ୍ଜନ ପାଇକରାୟ ଓ ସରୋଜିନୀ ସାହୁଙ୍କ ଘରେ ବାଲେଶ୍ୱରରେ ଜଣେ ଯୁବତୀ ଘରୋଇ ସହାୟିକା ଭାବେ କାର୍ଯ୍ୟ କରୁଥିଲେ। ତେବେ ଏହି ଦମ୍ପତି ଉକ୍ତ ଯୁବତୀଙ୍କୁ ମାନସିକ ଓ ଶାରୀରିକ ଭାବେ ନିର୍ଯାତନା ଦେଉଥିଲେ। ଏହାପରେ ଭରତପୁର ଭଡାଘରୁ ଯୁବତୀଙ୍କୁ ହତ୍ୟା କରିବା ପରେ ପ୍ରମାଣ ନଷ୍ଟ କରିବା ଲାଗି ଯୁବତୀଙ୍କ ମୁହଁକୁ ଏସ୍‍ଡ୍‍ ପକାଇ ଦେଇ ଗଞ୍ଜାମରେ ଫୋପାଡି ଦେଇଥିଲେ। ମାତ୍ର ଦେଢ଼ ମାସ ପରେ ଏକ ସୂଚନା ଆଧାରରେ ବ୍ରହ୍ମପୁର ପୁଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଥିଲା।