ଦକ୍ଷିଣ ଆଫ୍ରିକାର ସନ୍ ସିଟି ଠାରେ ଆୟୋଜିତ ୨୦୨୬ ଆଇପିଏଫ୍ ବିଶ୍ୱ ସବ୍-ଜୁନିୟର ଏବଂ ଜୁନିୟର କ୍ଲାସିକ୍ ପାୱାରଲିଫ୍ଟିଂ ଚାମ୍ପିୟନସିପ୍ ରେ ଭାରତୀୟ ପାୱାରଲିଫ୍ଟର କିୟା କୁନାଲ ବାନାର୍ଜୀ ଇତିହାସ ରଚିଛନ୍ତି। ମାତ୍ର ୨୧ ବର୍ଷ ବୟସ୍କା ଏହି ଖେଳାଳି ନିଜ ଶରୀରର ଓଜନ ଠାରୁ ପ୍ରାୟ ତିନି ଗୁଣା ଅଧିକ ଭାର ଉଠାଇ ଦେଶ ପାଇଁ ରୌପ୍ୟ ପଦକ ଜିତିଛନ୍ତି। ତାଙ୍କର ଏହି ବିଶାଳ ସଫଳତା ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି।

ପ୍ରତିଯୋଗିତାର ଜୁନିୟର ମହିଳା ୪୭ କିଲୋଗ୍ରାମ ବର୍ଗରେ ଭାଗ ନେଇ କିୟା ମାତ୍ର ୪୫.୭୦ କିଲୋଗ୍ରାମ ଓଜନ ସହିତ ୧୪୦ କିଲୋଗ୍ରାମର ଡେଡଲିଫ୍ଟ କରି ଏହି ଅସାଧାରଣ କୃତିତ୍ୱ ହାସଲ କରିଛନ୍ତି। ଏହି ପ୍ରଦର୍ଶନ ତାଙ୍କୁ ଡେଡଲିଫ୍ଟ ଇଭେଣ୍ଟରେ ଦ୍ୱିତୀୟ ସ୍ଥାନ ଦେଇଥିଲା ଏବଂ ସେ ଭାରତ ପାଇଁ ଏକ ଗର୍ବର ମୁହୂର୍ତ୍ତ ଆଣିଦେଇଥିଲେ।

ଚମତ୍କାର ପ୍ରଦର୍ଶନ ଓ ପଦକ ବିଜୟ

ସମଗ୍ର ପ୍ରତିଯୋଗିତାରେ କିୟାଙ୍କ ସାମଗ୍ରିକ ପ୍ରଦର୍ଶନ ବେଶ୍ ଚମତ୍କାର ଥିଲା। ସେ ମୋଟ ୨୮୦ କିଲୋଗ୍ରାମ ଓଜନ ଉଠାଇଥିଲେ, ଯେଉଁଥିରେ ୯୦ କିଲୋଗ୍ରାମ ସ୍କ୍ୱାଟ୍, ୫୦ କିଲୋଗ୍ରାମ ବେଞ୍ଚ ପ୍ରେସ୍ ଏବଂ ବିଜୟୀ ୧୪୦ କିଲୋଗ୍ରାମ ଡେଡଲିଫ୍ଟ ସାମିଲ ଥିଲା। ଏହି ବର୍ଗରେ ସାମଗ୍ରିକ ଭାବେ ସେ ପଞ୍ଚମ ସ୍ଥାନରେ ରହିଥିଲେ ମଧ୍ୟ ବ୍ୟକ୍ତିଗତ ଡେଡଲିଫ୍ଟ ଇଭେଣ୍ଟରେ ସେ ରୌପ୍ୟ ପଦକ କବଜା କରିଛନ୍ତି।

ଏହି ଇଭେଣ୍ଟରେ ଫ୍ରାନ୍ସର ଖେଳାଳି ଇନେସ୍ ହର୍ବାକ୍ସ ୧୬୫ କିଲୋଗ୍ରାମ ଉଠାଇ ସ୍ୱର୍ଣ୍ଣ ପଦକ ଜିତିଥିବା ବେଳେ, ଆୟର୍ଲାଣ୍ଡର ବ୍ଲାଥନାଇଡ୍ ଓଡ୍ୱାୟାର ମଧ୍ୟ ୧୪୦ କିଲୋଗ୍ରାମ ଉଠାଇଥିଲେ। କିନ୍ତୁ ପ୍ରତିଯୋଗିତାର ମାପଦଣ୍ଡ ଓ ନିୟମ ଅନୁଯାୟୀ କିୟାଙ୍କୁ ରୌପ୍ୟ ପଦକ ବିଜେତା ଘୋଷଣା କରାଯାଇଥିଲା।

ନିରନ୍ତର ପରିଶ୍ରମର ଫଳ

କିୟାଙ୍କର ଏହି ସଫଳତା ପଛରେ ତାଙ୍କର କଠିନ ପରିଶ୍ରମ ଓ ଦୃଢ଼ ଇଚ୍ଛାଶକ୍ତି ଲୁଚି ରହିଛି। ଗତ ବର୍ଷ ଅର୍ଥାତ ୨୦୨୫ ମସିହାରେ ସେହି ସମାନ ୪୭ କିଲୋଗ୍ରାମ ବର୍ଗରେ ସେ ମୋଟ ୨୫୭.୫ କିଲୋଗ୍ରାମ ଓଜନ (ଯେଉଁଥିରେ ୧୨୭.୫ କିଲୋଗ୍ରାମ ଡେଡଲିଫ୍ଟ ଥିଲା) ଉଠାଇଥିଲେ। ଚଳିତ ବର୍ଷ ତାଙ୍କର ମୋଟ ଓଜନ ଉଠାଇବା କ୍ଷମତାରେ ୨୨.୫ କିଲୋଗ୍ରାମ ଏବଂ କେବଳ ଡେଡଲିଫ୍ଟରେ ୧୩ କିଲୋଗ୍ରାମ ବୃଦ୍ଧି ଘଟିଛି, ଯାହା ତାଙ୍କ ଖେଳ ପ୍ରତି ଥିବା ଉତ୍ସର୍ଗୀକୃତ ମନୋଭାବକୁ ଦର୍ଶାଉଛି। କିୟା ବାନାର୍ଜୀଙ୍କ ଏହି ଐତିହାସିକ ଉପଲବ୍ଧି ଆଗାମୀ ପିଢ଼ିର କ୍ରୀଡ଼ାବିତ୍‌ମାନଙ୍କ ପାଇଁ ଏକ ବଡ଼ ପ୍ରେରଣା ସାଜିବ।

ପ୍ୟାରିସ: ପ୍ୟାରିସ୍‌ ଅଲିମ୍ପିକ୍ସରେ ଚମତ୍କାର ପ୍ରଦର୍ଶନ ଦେଖାଇ ରୌପ୍ୟ ପଦକ ହାସଲ କରିଛନ୍ତି ଭାରତର ନୀରଜ ଚୋପ୍ରା। ଗୁରୁବାର ଅନୁଷ୍ଠିତ ପୁରୁଷ ଜାଭେଲିନ୍‌ ଥ୍ରୋ ଇଭେଣ୍ଟରେ ସେ ଯଦିଓ ନିଜର ଟୋକିଓ ଅଲିମ୍ପିକ୍ସ ସ୍ବର୍ଣ୍ଣ ପଦକ ବଜାୟ ରଖିବାରେ ସକ୍ଷମ ହୋଇ ନାହାନ୍ତି ତେବେ ରୌପ୍ୟ ପଦକ ଜିତି ଦେଶକୁ ଗର୍ବିତ କରିଛନ୍ତି। ପ୍ରଥମ ଉଦ୍ୟମରେ ଫାଉଲ କରି ବସିଥିବା ନୀରଜ ଦ୍ୱିତୀୟ ଉଦ୍ୟମରେ ସିଜନ ଶ୍ରେଷ୍ଠ ୮୯.୪୫ ମିଟର ଥ୍ରୋ କରିଥିଲେ। ମାତ୍ର ପରବର୍ତ୍ତୀ ୪ ରାଉଣ୍ଡ ତାଙ୍କର ଫାଉଲ ହୋଇଥିଲା। ଅନ୍ୟପକ୍ଷେ ପାକିସ୍ତାନର ଅର୍ଶଦ ନଦିମ ପ୍ରଥମ ସ୍ଥାନ ହାସଲ କରି ସ୍ୱର୍ଣ୍ଣ ଜିତିଛନ୍ତି ।

ଏହା ପୂର୍ବରୁ ଯୋଗ୍ୟତା ପର୍ଯ୍ୟାୟରେ ସେ ୮୯.୩୪ ମିଟର ଥ୍ରୋ କରି ଫାଇନାଲରେ ପ୍ରବେଶ କରିଥିଲେ। ଏହା ସେତେବେଳେ ଥିଲା ତାଙ୍କର ସିଜନ ଶ୍ରେଷ୍ଠ। ମନୁ ଭାକର ୨ଟି ବ୍ରୋଞ୍ଜ, ସ୍ବପ୍ନିଲ କୁଶାଲେ ଓ ଭାରତୀୟ ହକି ଦଳ ବ୍ରୋଞ୍ଜ ପଦକ ଜିତିବାପରେ ରୌପ୍ୟ ପଦକ ଜିତି ଦେଶକୁ ଗର୍ବିତ କରିଛନ୍ତି ଏହି ଜାଭେଲିନ ଷ୍ଟାର। ପାକିସ୍ତାନର ଅର୍ଶଦ ନଦିମ ପ୍ରଥମେ ଫାଉଲ କରିଥିଲେ ହେଁ ଦ୍ୱିତୀୟ ଉଦ୍ୟମରେ ଅଲିମ୍ପିକ୍‌ ରେକର୍ଡ ୯୨.୯୭ ମିଟର ଥ୍ରୋ କରି ସମସ୍ତଙ୍କୁ ପଛରେ ପକାଇ ଦେଇଥିଲେ। ପୂର୍ବରୁ ତାଙ୍କର ଅଲିମ୍ପିକ୍‌ ରେକର୍ଡ ଥିଲା ୯୦.୫୭ ମିଟର।

ଦେଶ ପାଇଁ ପ୍ରଥମ ରୌପ୍ୟ ଜିତିଥିବାରୁ ନୀରଜଙ୍କୁ ସବୁଆଡୁ ପ୍ରଶଂସାର ସୁଅ ଛୁଟୁଛି । ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ମଧ୍ୟ ଏକ୍ସ ଜରିଆରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଅଲିମ୍ପିକ୍ସରେ ବ୍ୟାକ୍ ଟୁ ବ୍ୟାକ୍ ପଦକ ଜିତିବାର ଐତିହାସିକ କୀତ୍ତିମାନ ଦେଶର ବିଭିନ୍ନ  କ୍ରୀଡ଼ାବିତ୍ତ ମାନଙ୍କୁ ପ୍ରେରଣା ଯୋଗାଇବ ବୋଲି ସେ କହିଛନ୍ତି । ତୁମ ଭବିଷ୍ୟତ ଆହୁରି ଉଜ୍ଜ୍ୱଳ ହେଉ ଏବଂ ଦେଶ ପାଇଁ ଆହୁରି ଗୌରବ ଆଣନ୍ତୁ ବୋଲି ନବୀନ ଲେଖିଛନ୍ତି  ।

ଟୋକିଓ ପାରାଲିମ୍ପିକ୍ସରେ ଶୁକ୍ରବାର ଭାରତକୁ ଆଉ ଏକ ପଦକ ମିଳିଛି। ପୁରୁଷ ହାଇ ଜମ୍ପରେ ପ୍ରବୀଣ କୁମାର ରୌପ୍ୟ ପଦକ ଜିତିଛନ୍ତି। ଏଥିସହିତ ଭାରତର ମୋଟ ପଦକ ସଂଖ୍ଯା ୧୧କୁ ବୃଦ୍ଧି ପାଇଛି। ମୋଟ ପଦକ ମଧ୍ଯରେ ୨ଟି ଗୋଲ୍ଡ, ୬ଟି ରୌପ୍ଯ ଓ ୩ଟି ବ୍ରୋଞ୍ଜ ପଦକ ରହିଛି।

ଟୋକିଓ ଅଲିମ୍ପିକ୍ସରେ ଭାରତକୁ ପ୍ରଥମ ପଦକ । ଭାରଉତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ । ସେ ୪୯ କେ.ଜି ମହିଳା ବର୍ଗରେ ରୌପ୍ୟ ପଦକ ହାସଲ କରିଛନ୍ତି । ସେ ପ୍ରଥମ ପ୍ରୟାସରେ ୮୪ ଓ ଦ୍ୱିତୀୟ ପ୍ରୟାସରେ ୮୭ କେ.ଜି ସଫଳତାର ଉଠାଇଥିବା ବେଳେ ୮୯ କେ.ଜି ଉଠାଇବାରେ ଅସଫଳ ହୋଇଥିଲେ । ଏବଂ ରୌପ୍ୟ ପଦକ ହାସଲ କରିଛନ୍ତି । ଅପରପକ୍ଷରେ ତାଙ୍କ ପ୍ରତିଦ୍ୱନ୍ଦ୍ୱି ଚୀନର ହଉ ଜିହୁ ୯୪ କିଲୋ ଉଠାଇ ଅଲିମ୍ପିକ୍ସ ରେକର୍ଡ ସ୍ଥାପନ କରିବା ସହ ସ୍ୱର୍ଣ୍ଣ ପଦକ ହାସଲ କରିଛନ୍ତି । ଏଥିସହିତ କ୍ଳିନ୍ ଆଣ୍ଡ ଜର୍କ ବର୍ଗରେ ଚାନୁ ୧୧୦ କିଲୋ ଉଠାଇବାରେ ସଫଳ ହୋଇଛନ୍ତି ।

Could not have asked for a happier start to @Tokyo2020! India is elated by @mirabai_chanu’s stupendous performance. Congratulations to her for winning the Silver medal in weightlifting. Her success motivates every Indian. #Cheer4India #Tokyo2020 pic.twitter.com/B6uJtDlaJo

— Narendra Modi (@narendramodi) July 24, 2021