ବର୍ମିଂହାମ: ୧୫  ବର୍ଷ ପରେ ଇଂଲଣ୍ଡରେ ଟେଷ୍ଟ ସିରିଜ୍ ଜିତିବାର ଭାରତର ସ୍ୱପ୍ନ ଅଧାରେ ରହିଲା । ବର୍ମିଂହାମ ଟେଷ୍ଟରେ ଇଂଲଣ୍ଡ ଟିମ ଭାରତକୁ ୭ ୱିକେଟରେ ପରାସ୍ତ କରିଛି। ଜୋ ରୁଟ୍ (୧୪୨ *) ଏବଂ ଜନି ବେୟାରଷ୍ଟୋ ୧୧୪ *) ଙ୍କ ମଧ୍ୟରେ ୨୬୯ ରନ୍ ଭାଗିଦାରୀ ହେତୁ ଇଂଲଣ୍ଡ ତିନି ୱିକେଟ୍ ହରାଇ ୩୭୮  ରନ୍ ଲକ୍ଷ୍ୟ ହାସଲ କରିଥିଲା। ଏହା ସହିତ ପାଞ୍ଚ ଟେଷ୍ଟ ସିରିଜ୍ ୨-୨ ରେ ବରାବାର ହେଇଛି।

ସୂଚନା ଅନୁଯାୟୀ, ଏହା ପ୍ରଥମ ଥର ପାଇଁ ଭାରତ ବିରୋଧୀ ଦଳକୁ ୩୫୦ ରୁ ଅଧିକ ରନ୍ ଟାର୍ଗେଟ୍ ଦେଇଛି ଏବଂ ତା’ପରେ ମ୍ୟାଚ୍ ହାରିଛି।

ଜୋ ରୁଟ୍ ପଞ୍ଚମ ଦିନରେ ତାଙ୍କ ଟେଷ୍ଟ କ୍ୟାରିୟରର ୨୮ତମ ଶତକ ମାରିଛନ୍ତି। ୨୦୨୧ ପରେ ଏହି ଇଂଲଣ୍ଡ ବ୍ୟାଟ୍ସମ୍ୟାନ୍ ୪୭ ଇନିଂସରେ ୧୧ଟି ଶତକ ହାସଲ କରିଛନ୍ତି। ରୁଟଙ୍କ ୯ମ ଶତକ ଭାରତ ବିପକ୍ଷରେ ଥିଲା। ଭାରତୀୟ ଟିମ୍ ଦ୍ୱିତୀୟ ଇନିଂସରେ ୨୪୫ ରନ୍ ଅଲଆଉଟ୍ ହୋଇଥିଲା। ଇଂଲଣ୍ଡକୁ ମଟ୍ ୩୭୮ ରନର ଟାର୍ଗେଟ ମିଳିଥିଲା।

ନଟ୍ଟିଂହାମ୍‍: ଘରୋଇ ଇଂଲଣ୍ଡ ଓ ଭାରତ ମଧ୍ୟରେ ଏଠାରେ ଅନୁଷ୍ଠିତ ପ୍ରଥମ ଟେଷ୍ଟ ଡ୍ର’ରେ ସମାପ୍ତ ହୋଇଛି। ଭାରତକୁ ଜିତିବା ଲାଗି ଅନ୍ତିମ ତଥା ୫ମ ଦିବସରେ ୯ ୱିକେଟ୍‍ ରେ ୧୫୭ ରନ ଆବଶ୍ୟକ ହେଉଥିଲା। କିନ୍ତୁ ରବିବାର ଲଗାଣ ବର୍ଷା ଯୋଗୁ ଗୋଟିଏ ମଧ୍ୟ ବଲ୍‍ ପକାଇବା ସମ୍ଭବପର ହୋଇପାରି ନ ଥିଲା। ଫଳରେ ଦୁଇ ଅମ୍ପାୟର ଚା’ପାନ ବିରତି ପରେ ଖେଳକୁ ବନ୍ଦ କରିବାକୁ ନିଷ୍ପତ୍ତି ନେଇଥିଲେ। ଭାରତ ବିଜୟରେ ବର୍ଷା ବାଧକ ସାଜିଥିବାବେଳେ ଇଂଲଣ୍ଡ ପରାଜୟରୁ ବର୍ତ୍ତି ଯାଇଥିଲା। ଶତକ ହାସଲକାରୀ ଜୋ ରୁଟ୍‍ ଶ୍ରେଷ୍ଠ ଖେଳାଳି ହୋଇଥିଲେ। ୧୯୮୬ ପରେ ଭାରତୀୟ ଦଳ ଇଂଲଣ୍ଡରେ ଏକ ଟେଷ୍ଟ ସିରିଜର ପ୍ରଥମ ମ୍ୟାଚ୍‍ ବିଜୟୀ ହେବାରୁ ବଞ୍ଚିତ ରହିଥିଲା। ଦୁଇ ଦେଶ ମଧ୍ୟରେ ଖେଳାଯିବାକୁ ଥିବା ୫ ମ୍ୟାଚ୍‍ବିଶିଷ୍ଟ ସିରିଜର ୨ୟ ମ୍ୟାଚ ଅଗଷ୍ଟ ୧୨ରୁ ଲର୍ଡ୍ସରେ ଆରମ୍ଭ ହେବ।

ଏହି ମ୍ୟାଚରେ ଇଂଲଣ୍ଡର ପ୍ରଥମ ଇନିଂସ ସ୍କୋର ୧୮୩ ରନ ଜବାବରେ ଭାରତ ଲୋକେଶ ରାହୁଲ (୮୪), ରବୀନ୍ଦ୍ର ଜାଡେଜା (୫୬) ଓ ରୋହିତ୍‍ ଶର୍ମା (୩୬)ଙ୍କ ଉପଯୋଗୀ ବ୍ୟାଟିଂ ବଳରେ ୨୭୮ ରନ କରିଥିଲା। ୯୫ ରନ ପଛରେ ରହି ଦ୍ୱିତୀୟ ଇନିଂସରେ ଇଂଲଣ୍ଡ ୩୦୩ ରନରେ ଅଲ୍‍ଆଉଟ୍‍ ହୋଇଯାଇଥିଲା। ଅଧିନାୟକ ରୁଟ୍‍ (୧୦୯) ଶତକୀୟ ଇନିଂସ ଖେଳିଥିବାବେଳେ ଭାରତ ପକ୍ଷରୁ ଯଶପ୍ରୀତ୍‍ ବୁମ୍‍ରା ୫ ୱିକେଟ୍‍ ସଫଳତା ପାଇଥିଲେ। ଏହାପରେ ୨୦୯ ରନର ଲକ୍ଷ୍ୟକୁ ପିଛା କରି ଭାରତ ଶନିବାର ୪ର୍ଥ ଦିବସ ଶେଷ ସୁଦ୍ଧା ରାହୁଲ (୨୬ ରନ) ୱିକେଟ୍‍ ହରାଇ ୫୨ ରନ କରିଥିଲା। ଅନ୍ତିମ ଦିବସରେ ଭାରତକୁ ବିଜୟ ଲାଗି ୯୦ ଓଭରରେ ଆଉ ୧୫୭ ରନ ଆବଶ୍ୟକ ହେଉଥିଲା।

ନୂଆଦିଲ୍ଲୀ: ଇଂଲଣ୍ଡ ବିପକ୍ଷରେ ଭାରତ ୫ ଟିକିଆ ଟେଷ୍ଟ ସିରିଜ ଖେଳିବ ।  ଏହି ସିରିଜ ପୂର୍ବରୁ ଟିମ୍ ଇଣ୍ଡିଆକୁ ଲଗିଛି ଝଟକା । କରୋନା ସଂକ୍ରମିତ ହୋଇଛନ୍ତି ଓ୍ୱିକେଟ କିପର ବ୍ୟାଟ୍ସମ୍ୟାନ୍ ରିଷଭ ପନ୍ଥ । ଏହା ପୂର୍ବରୁ ଦୁଇ ଜଣ ଖେଳାଳି କରୋନା ପଜିଟିଭ୍ ଚିହ୍ନଟ ହୋଇଥିବା ସୂଚନା ମିଳିଥିଲା । ସେମାନଙ୍କ ଭିତରେ ଜଣେ ସୁସ୍ଥ ହୋଇଥିବା ବେଳେ ଅନ୍ୟ ସଂକ୍ରମିତଙ୍କର ୧୮ ତାରିଖରେ ପୁଣି ଥରେ ଟେଷ୍ଟ କରାଯିବ ବୋଲି ଜଣାପଡ଼ିଥିଲା ।

ମିଳିଥିବା ସୂଚନା ଅନୁସାରେ ଏବେ ଆଇସୋଲେସନରେ ଥିବା କ୍ରିକେଟର ହେଉଛନ୍ତି ରିଷଭ ପନ୍ଥ । ତେଣୁ ସେ ଟିମ୍ ଇଣ୍ଡିଆ ସହ ଦରହାମ୍ ଯାଉ ନାହାନ୍ତି । ତାଙ୍କର କୋଭିଡ୍ ରିପୋର୍ଟ ନେଗେଟିଭ୍ ଆସିବା ପରେ ସେ ଟିମରେ ଯୋଗ ଦେବେ ।

ଅଗଷ୍ଟ ପ୍ରଥମ ସପ୍ତାହରୁ ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ ଆରମ୍ଭ କରିବ ଟିମ୍ ଇଣ୍ଡିଆ । ତାପୂର୍ବରୁ ଆସନ୍ତା ୨୦ ତାରିଖରୁ ତିନି ଦିନିଆ ପ୍ରାକ୍ଟିସ ମ୍ୟାଚ୍ ଖେଳାଯିବ । ଏହି ଟିମରେ ରିଷଭ ପନ୍ଥ ରହିବେ ନାହିଁ ।