ନୂଆଦିଲ୍ଲୀ: ଓଡ଼ିଶାରେ ପୁଣି ଖେଳାଯାଇପାରେ ଆଇପିଏଲ । ବାରବାଟୀ ଷ୍ଟାଡିୟମରେ ପୁଣି ଥରେ ଦର୍ଶକ ଆଇପିଏଲର ମଜା ଉଠାଇ ପାରିବେ। ଦିଲ୍ଲୀ କ୍ୟାପିଟାଲ୍ସ ବାରବାଟୀରେ ଖେଳିପାରେ ମ୍ୟାଚ୍‌। ଦିଲ୍ଲୀ ତା’ର ପ୍ରଥମ ୨ଟି ମ୍ୟାଚ୍‌ ପୁଣେ ଓ କଟକରେ ଖେଳିପାରେ ବୋଲି ଜାତୀୟ ଗଣମାଧ୍ୟମରୁ ସୂଚନା ମିଳିଛି।

IPL team Delhi Capitals is likely to play their first two IPL matches in Pune and Cuttack as Delhi’s Arun Jaitley Cricket Stadium will not be ready to host the tournament just days after hosting the Women’s Premier League final match. IPL schedule is expected later today;…

— ANI (@ANI) February 22, 2024

ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମ ପ୍ରସ୍ତୁତ ନ ଥିବାରୁ ପ୍ରଥମ ଦୁଇଟି ମ୍ୟାଚ୍‌ ଅନ୍ୟ ଷ୍ଟାଡିୟମରେ ଖେଳାଯିବାର ସମ୍ଭାବନା ରହିଛି। ମହିଳା ପ୍ରିମିୟର୍‌ ଲିଗ୍‌ର ଫାଇନାଲ ମ୍ୟାଚ୍‌ ଆୟୋଜନର ଗୋଟିଏ ଦିନ ପରେ ଆଇପିଏଲ ମ୍ୟାଚ୍‌ ଆୟୋଜନ କରିବାକୁ ଷ୍ଟାଡିୟମ ପ୍ରସ୍ତୁତ ନ ଥିବାରୁ ପ୍ରଥମ ଦୁଇଟି ମ୍ୟାଚ୍‌ ଅନ୍ୟତ୍ର ଖେଳାଯିବ। ଏନେଇ ନ୍ୟୁଜ୍‌ ଏଜେନ୍ସି ANI ସୂତ୍ରରୁ ସୂଚନା ମିଳୁଛି ।

ଏହାସହ ଆଜି ଇଣ୍ଡିଆନ ପ୍ରିମିୟର ଲିଗ ୨୦୨୪ ସଂସ୍କରଣର ପ୍ରଥମ ପର୍ଯ୍ୟାୟ କାର୍ଯ୍ୟସୂଚୀ ଘୋଷଣା କରାଯାଇଛି । ଉଦଘାଟନୀ ମ୍ୟାଚ୍ ଚେନ୍ନାଇ-ବାଙ୍ଗାଲୋର ମଧ୍ୟରେ ଖେଳାଯିବ। ମାର୍ଚ୍ଚ ୨୨ରୁ ଏପ୍ରିଲ ୭ ପର୍ଯ୍ୟନ୍ତ ଏହି କାର୍ଯ୍ୟସୂଚୀ ଘୋଷଣା କରାଯାଇଛି । ମାର୍ଚ୍ଚ ୨୨ରେ ଚେନ୍ନାଇର ଚେପକରେ ଖେଳାଯିବ ଉଦଘାଟନୀ ମ୍ୟାଚ୍‌। ଉଦଘାଟନୀ ମ୍ୟାଚରେ ମୁହାଁମୁହିଁ ହେବେ ଡିଫେଣ୍ଡିଂ ଚାମ୍ପିଅନ ଚେନ୍ନାଇ ସୁପର କିଙ୍ଗସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର। ପ୍ରଥମ ୨୧ଟି ମ୍ୟାଚ୍ ପାଇଁ କ୍ରୀଡ଼ା ସୂଚୀ ଜାରି କରାଯାଇଛି। ଲୋକସଭା ନିର୍ବାଚନ ତାରିଖ ଘୋଷଣା ହେବା ପରେ ଦ୍ୱିତୀୟ ପର୍ଯ୍ୟାୟ କାର୍ୟ୍ୟସୂଚୀ ଘୋଷଣା କରାଯିବ ବୋଲି ଜଣାପଡ଼ିଛି।

🚨 𝗦𝗧𝗢𝗣 𝗧𝗛𝗘 𝗣𝗥𝗘𝗦𝗦 – TATA #IPL2024 Schedule is HERE! 🤩

Get ready for the thrill, excitement and fun to begin! Save this post so you don’t have to search for it again 🔍

It’s #CSKvRCB, @msdhoni 🆚 @imVkohli in the opener! Who’s your pick ? 👀#IPLSchedule #IPLonStar pic.twitter.com/oNLx116Uzi

— Star Sports (@StarSportsIndia) February 22, 2024

ନୂଆଦିଲ୍ଲୀ : ମଙ୍ଗଳବାର ଆଇପିଏଲର ୩୯ତମ ଲିଗ୍‌ ମୁକାବିଲାରେ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ରାଜସ୍ଥାନ ରୟାଲ୍ସ ମୁହାଁମୁହିଁ ହୋଇଛନ୍ତି। ଏହି ମୁକାବିଲାରେ ଟସ୍ ଜିତି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଫଳରେ ରାଜସ୍ଥାନ ପ୍ରଥମେ ବ୍ଯାଟିଂ କରି ୧୪୪ ରନ କରିଛି। ଏହି ମ୍ଯାଚକୁ ଜିତିବାକୁ ହେଲେ ବାଙ୍ଗାଲୋରକୁ ୧୪୫ ରନର ଆବଶ୍ଯକତା ରହିଛି।

ରାଜସ୍ଥାନ ରୟାଲ୍ସ ପକ୍ଷରୁ ଜୋସ୍ ବଟଲର୍ ( ୮) ରନ୍‌ , ଦେବଦତ୍ତ ପାଡିକଲ ( ୭) ରନ୍ , ସଞ୍ଜୁ ସାମସନ୍ ( ୨୭) ରନ, ରବିଚନ୍ଦ୍ରନ୍ ଅଶ୍ୱିନ (୧୭ ) ରନ , ଡାରିଲ୍ ମିଚେଲ୍ (  ୧୬) ରନ କରି ଆଉଟ ହୋଇଥିଲେ । ସିମରନ ହେଟମାୟର ମଧ୍ଯ ଆଜି ଫେଲ ମିରିଥିଲେ। ୭ ବଲରେ ୩ ରନ କରି ହେଟମାୟର ଆଉଟ ହୋଇଥିଲେ। ପ୍ରସିଦ୍ଧ କୃଷ୍ଣ ୫ ବଲରେ ୨ ରନ କରି ରନଆଉଟ୍ ହୋଇଥିଲେ। ରିୟାନ୍ ପରାଗ ଗୋଟିଏ ପଟେ ଇଂନିସକୁ ଶେଷ ପର୍ଯ୍ଯନ୍ତ ସମ୍ଭାଳିଥିଲେ। ୩୧ ବଲରେ ୫୬ ରନ କରି ରିୟାନ୍ ଅପରାଜିତ ରହିଥିଲେ।

ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପକ୍ଷରୁ ୱାନିନ୍ଦୁ ହସରଙ୍ଗା, ଜୋଶ ହେଜଲେଉଡ ଓ ମହମ୍ମଦ ସିରାଜ ୨ଟି ଲେଖାଏଁ ୱିକେଟ ନେଇଥିବା ବେଳେ ହର୍ଷଲ ପଟେଲ ଗୋଟିଏ ୱିକେଟ  ଅକ୍ତିଆର କରିଥିଲେ।

ମୁମ୍ବାଇ: ଚଳିତ ଆଇପିଏଲ୍‌ର ୩୮ତମ ଲିଗ୍‌ ମୁକାବିଲାରେ ପଞ୍ଜାବ କିଙ୍ଗ୍ସ ଓ ଚେନ୍ନାଇ ସୁପରକିଙ୍ଗ୍ସ ପରସ୍ପର ମୁହାଁମୁହିଁ ହୋଇଛନ୍ତି। ଆଜିର ମ୍ୟାଚରେ ଟସ୍ ଜିତି ଚେନ୍ନାଇ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଫଳରେ ପଞ୍ଜାବ କିଙ୍ଗ୍ସ ପ୍ରଥମେ ବ୍ଯଟିଂ କରି ୧୮୭ ରନ କରିଛି। ଏହି ମ୍ଯାଚକୁ ଚେନ୍ନାଇ ସୁପରକିଙ୍ଗ୍ସ ଜିତିବାକୁ ହେଲେ ୧୮୮ ରନର ଆବଶ୍ଯକତା ରହିଛି।

ପଞ୍ଜାବ ପକ୍ଷକୁ ମୟଙ୍କ୍‌ ଅଗ୍ରୱାଲ ୨୧ ବଲରେ ୨୮ ରନ କରି ଆଉଟ ହୋଇଥିଲେ। ପରେ ପାରିକୁ ଶିଖର ଧାୱନ ଓ ଭାନୁକା ରାଜପକ୍ଷେ ସମ୍ଭାଳିଥିଲେ। ଭାନୁକା ରାଜପକ୍ଷେ ୩୨ ବଲରେ ୪୨ ରନ କରି ଆଉଟ ହୋଇଥିଲେ। ଏହାପରେ ପାରିକୁ ସମ୍ଭାଳିବା ପାଇଁ ଲାଏମ୍‌ ଲିଭିଙ୍ଗ୍‌ଷ୍ଟୋନ୍‌ ଅସିଥିଲେ। ଲାଏମ୍‌ ଲିଭିଙ୍ଗ୍‌ଷ୍ଟୋନ୍‌ ୬ ବଲରେ ୧୯ ରନ କରି ଆଉଟ ହୋଇଥିଲେ। ଶିଖର ଧାୱନ ୮୮ ରନ କରି ଅପରାଜିତ ରହିଥିବା ବେଳ ଜନି ବେୟାରଷ୍ଟୋ  ୬ରନ କରି ୨୦ ଓଭରର ଶେଷ ବଲରେ ରନ ଆଉଟ ହୋଇଥିଲେ।

ଚେନ୍ନାଇ ସୁପର କିଙ୍ଗ୍ସ ପକ୍ଷରୁ  ବ୍ରାଭୋ ୨ଟି ୱିକେଟ ନେଇଥିବା ବେଳେ ମିଚେଲ୍ ସାଣ୍ଟନର୍ ଗୋଟିଏ ୱିକେଟ ନେଇଥିଲେ।

ନୂଆଦିଲ୍ଲୀ: ଭାରତରେ ଘରୋଇ ଟୁର୍ନାମେଣ୍ଟ ଆରମ୍ଭ ହୋଇଛି ଏବଂ ସମସ୍ତ ସୁରକ୍ଷା ବ୍ୟବସ୍ଥା ସହିତ ବର୍ତ୍ତମାନ ଦ୍ୱିତୀୟ ସିରିଜ୍ ଖେଳାଯାଉଛି। କେବଳ ଏତିକି ନୁହେଁ ଦେଶରେ ଆନ୍ତର୍ଜାତୀୟ କ୍ରିକେଟ୍ ମଧ୍ୟ ଆୟୋଜିତ ହେଉଛି। ଏଭଳି ପରିସ୍ଥିତିରେ ଦେଶର ପ୍ରସିଦ୍ଧ ଟି -୨୦ ଲିଗ୍ ’ଆଇପିଏଲ୍’ ମଧ୍ୟ ଭାରତରେ ଅନୁଷ୍ଠିତ ହେବାର କାର୍ଯ୍ଯକ୍ରମ ରହିଛି। ହେଲେ ପୁଣି କରୋନା ସକ୍ରମଣ ବୃଦ୍ଧି ଘଟିଥିବାରୁ ବିିସିସିଆଇ ପାଇଁ ମୁଣ୍ଡ ବ୍ୟଥା ପାଲଟିଛି।

ଲିଗ୍‌ର ୧୪ ତମ ସିଜନ୍ ପାଇଁ ଚେନ୍ନାଇରେ ନିଲାମ ପ୍ରକ୍ରିୟା ଶେଷ ହୋଇଛି ଏବଂ ଟୁର୍ଣ୍ଣାମେଣ୍ଟର ସ୍ଥାନ ଏବଂ କାର୍ଯ୍ଯସୂଚୀ ପାଇଁ ପ୍ରସ୍ତୁତି ଚାଲିଛି। ବର୍ତ୍ତମାନର ସବୁଠାରୁ ବଡ ପ୍ରଶ୍ନ ହେଉଛି ଟି -୨୦ ଲିଗ୍ ପାଇଁ ସ୍ଥାନ ଚୟନ। ପୂର୍ବରୁ ଖବର ଆସିଥିଲା ​​ଯେ ମହାରାଷ୍ଟ୍ରର ଚାରୋଟି ଷ୍ଟାଡିୟମରେ ସମସ୍ତ ଆଇପିଏଲ୍ ମ୍ୟାଚ୍ ଅନୁଷ୍ଠିତ ହୋଇପାରେ। କିନ୍ତୁ ମହାରାଷ୍ଟ୍ରରେ କରୋନା ବୃଦ୍ଧି ବିସିସିଆଇର ମୁଣ୍ଡ ବ୍ୟଥା ପାଲଟିଛି। ଏବେ ବିସିସିଆଇ ଦ୍ୱିତୀୟ ବିକଳ୍ପ ବିଷୟରେ ଚିନ୍ତା କରୁଥିବା ଜଣାପଡ଼ିଛି।

ଗଣମାଧ୍ୟମର ରିପୋର୍ଟ ଅନୁଯାୟୀ, କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ ନୂତନ ଯୋଜନା ଅନ୍ତର୍ଗତ ଦେଶର ଚାରି-ପାଞ୍ଚଟି ସ୍ଥାନରେ ଆଇପିଏଲ୍ ୨୦୨୧ ମ୍ୟାଚ୍ ଆୟୋଜନ କରିପାରିବ। ଯଦି କରୋନାର ଦ୍ୱିତୀୟ ଲହରୀ ଜାରି ରୁହେ ତେବେ ଆୟୋଜକମାନଙ୍କ ପାଇଁ ମହାରାଷ୍ଟ୍ରରେ ଲିଗ୍ ଆୟୋଜନ କରିବା କଷ୍ଟସାଧ୍ୟ ହେବ। ଏଭଳି ପରିସ୍ଥିତିରେ କଲକାତା, ବାଙ୍ଗାଲୋର, ଚେନ୍ନାଇ ଏବଂ ହାଇଦ୍ରାବାଦରେ ସମସ୍ତ ମ୍ୟଚ ଖେଳିବା ପାଇଁ ବିକଳ୍ପ ଦେଖିବାକୁ ମିଳିପାରେ।

ପ୍ଲାନ୍-ବି ଅନୁଯାୟୀ, ଲିଗ୍ ମ୍ୟାଚ୍ ପାଇଁ ଉପରୋକ୍ତ ଚାରିଟି ସହରରେ ଏବଂ ଅହମ୍ମଦାବାଦର ନୂତନ ନରେନ୍ଦ୍ର ମୋଦୀ ଷ୍ଟାଡିୟମରେ ନକ୍ଆଉଟ୍ ମ୍ୟାଚ୍ ଅନୁଷ୍ଠିତ ହୋଇପାରିବ। ଏଥିରେ ବିସିସିଆଇ ମନୋନୀତ ସ୍ଥାନଗୁଡିକୁ ବାୟୋ ବବୁଲରେ ପରିଣତ କରିପାରିବ।

ସୂଚନା ଅନୁଯାୟୀ, ଆଇପିଏଲର ୧୩ ତମ ସିଜିନ୍ ମହାମାରୀ ଏବଂ ଲକଡାଉନ୍ କାରଣରୁ ୟୁଏଇରେ ଖେଳାଯାଇଥିଲା । କିନ୍ତୁ ବର୍ତ୍ତମାନ ପରିସ୍ଥିତିରେ ସୁଧାର ଆସିଛି ଏବଂ ଟୀକାକରଣ ମଧ୍ୟ ଆରମ୍ଭ ହୋଇଛି। ଏହି ଲିଗ୍ ଏବେ ଭାରତେ ଆୟୋଜିତ ହେବ। ଆଇପିଏଲ୍ ନୂତନ ନିଲାମୀରେ ଦଳଗୁଡିକ ୧୪୫ କୋଟି ଟଙ୍କା ଖର୍ଚ୍ଚ କରି ୫୭ଟିଖେଳାଳି ଚୟନ କରିଛନ୍ତି।