ଭୁବନେଶ୍ୱର: କାର୍ତ୍ତିକ ମାସରେ ଅଧିକାଂଶ ଲୋକେ ଆମିଷ ଖାଇ ନ ଥାନ୍ତି। ମାସ ସାରା ଆମିଷ ନଖାଇ କାର୍ତ୍ତିକ ପୂର୍ଣ୍ଣିମା ପରଦିନ ଛାଡ଼ଖାଇ ପାଳନ କରିଥାନ୍ତି। ଏହି ଦିନରେ ଘରେ ଘରେ ଆମିଷ ସମେତ ଭୋଜିର ମଧ୍ୟ ଆୟୋଜନ ହୋଇଥାଏ। ତେବେ ଚଳିତବର୍ଷ ଗୁରୁବାର ଛାଡ଼ଖାଇ ପଡ଼ୁଥିବାରୁ ଶୁକ୍ରବାର ସହରର ପ୍ରତ୍ୟେକ ଆମିଷ ବଜାରରେ ଭିଡ଼ ହେବ ବୋଲି ବ୍ୟବସାୟୀମାନେ କହିଛନ୍ତି। ଏଥିପାଇଁ ମାଛ, ମାଛ, ଚିକେନ୍‌‌, ମଟନ୍‌‌ ଆଦି ବରାଦ ଦେଇଛନ୍ତି। ଚଳିତ ବର୍ଷ ଛାଡ଼ଖାଇ ପାଇଁ ପ୍ରାୟ ୫ହଜାର ଛେଳି, ଲକ୍ଷାଧିକ କୁକୁଡା ଆମଦାନୀ ପାଇଁ ବରାଦ ହୋଇଥିବା ଜଣାପଡ଼ିଛି।

ଧର୍ମର ମାସରେ ଅନେକ ଲୋକେ ଆମିଷ ବର୍ଜନ କରି ନିରାମିଷ ଖାଦ୍ୟ ଖାଇଥାନ୍ତି। କାର୍ତ୍ତିକ ପୂର୍ଣ୍ଣିମାରେ ଡଙ୍ଗା ଭସାଇ ପରଦିନ ଆମିଷ ଖାଇଥାନ୍ତି। ଚଳିତ ବର୍ଷ ବୁଧବାର କାର୍ତ୍ତିକ ପୂର୍ଣ୍ଣିମା ପଡ଼ିଥିବା ବେଳେ ପରଦିନ ଆମିଷ ଉପରେ ଚାହିଦା ରହିଥାଏ। ତେବେ ଶନିବାର ଅନେକ ଲୋକେ ଆମିଷ ଖାଇ ଛାଡ଼ଖାଇ ପାଳନ କରିଥାନ୍ତି ସମସ୍ତେ। ତେବେ ଏଥର ଗୁରୁବାର ଛାଡ଼ଖାଇ ପଡ଼ୁଥିବାରୁ ଅନେକଙ୍କ ଘରେ ଆମିଷ ରୋଷେଇ ତ ଦୂରର କଥା ମହିଳାମାନେ ଆମିଷ ଛୁଇଁ ନ ଥାନ୍ତି। ତେଣୁ ଏଥର ଛାଡ଼ଖାଇ ଶୁକ୍ରବାର ପାଳନ କରିବେ ବୋଲି ବ୍ୟବସାୟୀମାନେ କହିଛନ୍ତି। ଏଥିପାଇଁ ୧୦ଦିନ ଆଗରୁ ମାଛ, କୁକୁଡ଼ା, ଛେଳି୍‌‌ ପାଇଁ ବ୍ୟବସାୟୀମାନେ ବରାଦ ଦେଇଥିବା ଜଣାପଡ଼ିଛି। ଗ୍ରାହକଙ୍କ ଚାହିଦାକୁ ଲକ୍ଷ୍ୟ କରି ରାଜ୍ୟ ତଥା ରାଜ୍ୟ ବାହାରୁ ଛେଳି ଆମଦାନୀ ସହ ପୂର୍ବଭଳି ଆନ୍ଧ୍ରରୁ ମାଛ ବରାଦ ହୋଇଛି। ମାସ ସାରା ଆମିଷ ଛାଡ଼ି ଥିବା ଲୋକେ ପ୍ରଥମେ ମାଛ ଖାଇବା ପରେ ଅନ୍ୟାନ୍ୟ ଆମିଷ ଖାଇବା ଉପରେ ଅନେକ ବିଶ୍ୱାସ କରନ୍ତି। ତେଣୁ ଛାଡ଼ଖାଇରେ ମାଛ ଉପରେ ଅଧିକ ଗୁରୁତ୍ୱ ଦିଆଯାଉଥିବା ବ୍ୟବସାୟୀମାନେ ମତ ଦେଇଛନ୍ତି। ଆନ୍ଧ୍ରରୁ ରୋହି ମାଛ ସମେତ ବିଭିନ୍ନ ପ୍ରକାର ମାଛ ଆମଦାନୀ କରାଯିବା ସହ ଚିଲିକା, ବାଲେଶ୍ୱର, ଧାମରା, ପାରାଦୀପ ଆଦି ସ୍ଥାନରୁ କଙ୍କଡ଼ା, ଚିଙ୍ଗୁଡ଼ି ଆମଦାନୀ ପାଇଁ ବରାଦ ହୋଇଛି। ପୂର୍ବପେକ୍ଷା ୫ଗୁଣ ଅଧିକ ମାଛ ଆମଦାନୀ କରାଯାଇଥିବା ଜୟ ଯବାନ ମତ୍ସ୍ୟ ସଂଘର ସାଧାରଣ ସମ୍ପାଦକ ଏସ୍‌‌କେ ତସ୍‌‌ବୀର କହିଛନ୍ତି।

ସେହିପରି ପିପିଲି, ଖୋର୍ଦ୍ଧା, କଟକ ଆଦି ସ୍ଥାନରୁ ୫ଲକ୍ଷ କୁକୁଡ଼ା ଅଣାଯିବାର ଯୋଜନା ରହିଛି ବୋଲି ୟୁନିଟ୍‌‌-୪ ଚିକେନ୍‌‌ ଆସୋସିଏସନ୍‌‌ ପକ୍ଷରୁ କୁହାଯାଇଥିବା ବେଳେ ରାଜଧାନୀକୁ ୫ ହଜାରରୁ ଅଧିକ ଛେଳି ଆମଦାନୀ କରାଯିବାର ଯୋଜନା ରହିଥିବା ଖାସି ମାଂସ ବ୍ୟବସାୟୀ ସଂଘ ପକ୍ଷରୁ କୁହାଯାଇଛି। ତେବେ ଛାଡ଼ଖାଇ ଦିନ ଆମିଷ ଦରରେ କୌଣସି ପରିବର୍ତ୍ତନ ହେବନି କିମ୍ବା ଦର ବୃଦ୍ଧି କରାଯିବ ନାହିଁ ବୋଲି ଆସୋସିଏସନ୍‌‌ ପକ୍ଷରୁ କୁହାଯାଇଛି।

ଅନେକ ଲୋକ ନିଜ ସ୍ବାସ୍ଥ୍ୟକୁ ନେଇ ଖୁବ୍‌ ସଚେତନ ଥାଆନ୍ତି। ଏଥିପାଇଁ ସେମାନେ ପୁଷ୍ଟିକର ଖାଦ୍ୟ ଖାଇବା ଉପରେ ଗୁରୁତ୍ବ ଦିଅନ୍ତି। ତେବେ ପୁଷ୍ଟିକର ଓ ଅଧିକ ପୋଷକତତ୍ତ୍ବ ଥ଄ବା ଖାଦ୍ୟ ଖାଇବା ସତ୍ତ୍ବେ ମଧ୍ୟ କିଛି ଲୋକ ସୁସ୍ଥ ରହି ନ ଥାନ୍ତି। ଏହା ପଛରେ ଅନେକ କାରଣ ଥାଇପାରେ,କିନ୍ତୁ ବିଶେଷଜ୍ଞମାନଙ୍କ ମତରେ ଜଣେ ବ୍ୟକ୍ତି ଯଦି ନିଜର ବ୍ଲଡ୍‌ ଗ୍ରୁପ୍ ହିସାବରେ ଖାଦ୍ୟ ଖାଏ, ତେବେ ଏହା ତା’ର ସ୍ବାସ୍ଥ୍ୟ ପାଇଁ ଭଲ ହୋଇଥାଏ। ବ୍ଲଡ୍‌ ଗ୍ରୁପ୍ ଆଧାରରେ ଖାଦ୍ୟ ଖାଇଲେ ହଜମ ମଧ୍ୟ ଠିକ୍‌ ଭାବେ ହୋଇଥାଏ। ବ୍ଲଡ୍‌ ଗ୍ରୁପ୍‌ର ସାଧାରଣ ପ୍ରକାର ହେଉଛି ଓ, ଏ, ବି, ଏବି। ତେବେ କେଉଁ ବ୍ଲଡ୍‌ ଗ୍ରୁପର ଲୋକଙ୍କୁ ଚିକେନ୍ ଓ ମଟନ୍‌ଠାରୁ ଦୂରେଇ ରହିବା ଦରକାର ତାହା ଜାଣିବା ନିହାତି ଆବଶ୍ୟକ। ‘ଓ’ ବ୍ଲଡ୍‌ ଗ୍ରୁପ୍‌ର ଲୋକେ ହାଇପ୍ରୋଟିନ୍ ଯୁକ୍ତ ଖାଦ୍ୟ ଖାଇବା ଦରକାର।

ଯେପରିକି ଡାଲି, ମଟନ୍, ମାଛ, ଫଳ ଆଦିକୁ ‘ଓ’ ବ୍ଲଡ୍‌ ଗ୍ରୁପ୍‌ର ଲୋକେ ଡାଏଟ୍‌ରେ ସାମିଲ କରନ୍ତୁ। ଯେତେସମ୍ଭବ ଶସ୍ୟ ଜାତୀୟ ଖାଦ୍ୟ ଖାଇବାକୁ ଚେଷ୍ଟା କରନ୍ତୁ। ଏ’ ବ୍ଲଡ୍‌ ଗ୍ରୁପ୍ ଲୋକଙ୍କ ରୋଗପ୍ରତିରୋଧକ ଶକ୍ତି ବହୁତ ସମ୍ବେଦନଶୀଳ ହୋଇଥାଏ। ତେଣୁ ଏମାନଙ୍କୁ ନିଜର ଖାଦ୍ୟପେୟ ଉପରେ ଅଧିକ ଧ୍ୟାନ ଦେବାର ଆବଶ୍ୟକତା ରହିଛି। ଏହି ଶ୍ରେଣୀର ଲୋକେ ମାଂସ କମ୍ ଖାଇବା ଦରକାର। କାରଣ ଏହି ବ୍ଲଡ୍‌ ଗ୍ରୁପ୍‌ର ଲୋକଙ୍କ ପାଇଁ ଏହା ହଜମ ହେବା ପାଇଁ ଅଧିକ ସମୟ ଲାଗିଥାଏ। ତେଣୁ ‘ଏ’ ବ୍ଲଡ୍‌ ଗ୍ରୁପ୍‌ର ଲୋକମାନେ ଚିକେନ୍-ମଟନ କମ୍‌ ଖାଇବା ଉଚିତ୍‌। ଏହା ପରିବର୍ତ୍ତେ ଗାଜର, ସବୁଜ ପରିବା ପତ୍ର, ନାସପାତି ଆଦି ବିଭିନ୍ନ ଫଳ ସେବନ କରିବା ଦ୍ବାରା ଏହି ଗ୍ରୁପ୍‌ର ଲୋକଙ୍କ ସ୍ବାସ୍ଥ୍ୟ ପାଇଁ ଠିକ୍‌ ରହିଥାଏ।

‘ବି’ ବ୍ଲଡ୍‌ ଗ୍ରୁପର ଲୋକେ ସବୁଠାରୁ ସୁରକ୍ଷିତ ବୋଲି କୁହାଯାଏ। ଏହି ବର୍ଗର ଲୋକଙ୍କ ପାଇଁ ବିଶେଷ କିଛି ଖାଦ୍ୟ ବାରଣ ନାହିଁ। ଏମାନେ ସବୁଜ ପନିପରିବା, ଫଳ, ମାଛ, ମଟନ ଓ ଚିକେନ୍ ସବୁ କିଛି ଖାଇପାରିବେ। ‘ବି’ ବ୍ଲଡ୍‌ ଗ୍ରୁପ୍ ଲୋକ ଦୁଗ୍ଧ ଓ ଦୁଗ୍ଧ ଜାତୀୟ ଜିନିଷ, ଅଣ୍ଡା ଆଦି ପ୍ରଚୁର ମାତ୍ରାରେ ଖାଇ ପାରିବେ । ‘ଏବି’ ବ୍ଲଡ୍‌ ଗ୍ରୁପ୍ ଖୁବ୍ କମ୍ ଲୋକଙ୍କର ହୋଇଥାଏ। ଏମାନଙ୍କୁ ଫଳ ଓ ସବୁଜ ପନିପରିବା ଅଧିକ ମାତ୍ରାରେ ଖାଇବା ଉଚିତ। ଆମିଷ ଜିନିଷ ଖୁବ୍ କମ୍ ଖାଇବା ଆବଶ୍ୟକ। କ୍ଷୀରରେ ପ୍ରସ୍ତୁତ ଜିନିଷ ଖାଇବା ଭଲ।