ଗୁଜରାଟର ସୁରଟ ସହରରେ ଏକ ସାଂଘାତିକ ଅପରାଧ ସାମ୍ନାକୁ ଆସିଛି, ଯେଉଁଠାରେ ଜଣେ ନାବାଳିକାଙ୍କୁ ପ୍ରେମ ଜାଲରେ ଫସାଇ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ସୋସିଆଲ ମିଡିଆ ମାଧ୍ୟମରେ ନାବାଳିକାଙ୍କ ସହ ବନ୍ଧୁତା ସ୍ଥାପନ କରିବା ପରେ ଅଭିଯୁକ୍ତ ଜଣକ ତାଙ୍କ ସହ ଏହି ଘୃଣ୍ୟ କାଣ୍ଡ ଭିଆଇଥିବା ପୋଲିସ ସୂତ୍ରରୁ ଜଣାପଡ଼ିଛି।

ଆଧାର କାର୍ଡରେ ସାଜିଦ୍ ବନିଥିଲା 'ଅଭିଷେକ'

ଏହି ମାମଲାର ମୁଖ୍ୟ ଅଭିଯୁକ୍ତର ନାମ ସାଜିଦ୍ ବୋଲି ଜଣାପଡ଼ିଛି। ସବୁଠାରୁ ଆଶ୍ଚର୍ଯ୍ୟର କଥା ହେଉଛି, ହୋଟେଲରେ ରୁମ୍ ବୁକ୍ କରିବା ପାଇଁ ସାଜିଦ୍ ନିଜର ପ୍ରକୃତ ପରିଚୟ ଲୁଚାଇଥିଲା। ସେ ନିଜର ଆଧାର କାର୍ଡକୁ ଏଡିଟ୍ କରି ନାମକୁ ଅଭିଷେକ ରଖିଥିଲା। ଏହି ନକଲି ପରିଚୟପତ୍ର ଦେଖାଇ ସେ ନାବାଳିକାଙ୍କ ସହ ହୋଟେଲରେ ପ୍ରବେଶ କରିଥିଲା ଏବଂ ସେଠାରେ ଦୁଷ୍କର୍ମ କରିଥିଲା।

୫ ଜଣଙ୍କୁ ଗିରଫ କଲା ପୋଲିସ

ସୁରଟର ଇଚ୍ଛାପୋର ଅଞ୍ଚଳରେ ଘଟିଥିବା ଏହି ଘଟଣାରେ ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଟେକ୍ନିକାଲ୍ ପ୍ରମାଣ ଏବଂ ଅନ୍ୟାନ୍ୟ ସୁରାଗ ଆଧାରରେ ତଦନ୍ତ କରି ପୋଲିସ ମୁଖ୍ୟ ଅଭିଯୁକ୍ତ ସାଜିଦ୍ ସମେତ ସମୁଦାୟ ୫ ଜଣଙ୍କୁ ଗିରଫ କରିବାରେ ସଫଳ ହୋଇଛି। ଅନ୍ୟ ଅଭିଯୁକ୍ତମାନେ ସାଜିଦ୍‌କୁ ଏହି ଅପରାଧରେ ସହଯୋଗ କରିଥିବା ସନ୍ଦେହ କରାଯାଉଛି। ପୋଲିସ ବର୍ତ୍ତମାନ ସମସ୍ତ ଅଭିଯୁକ୍ତଙ୍କୁ ଜେରା କରିବା ସହ ଘଟଣାର ଅଧିକ ତଦନ୍ତ ଜାରି ରଖିଛି।

ନୂଆଦିଲ୍ଲୀ: ‘ମୋଦୀ ସାଙ୍ଗିଆ’ ମାମଲାରେ ରାହୁଲ ଗାନ୍ଧୀଙ୍କୁ ହୋଇଥିବା ଦଣ୍ଡାଦେଶ ଉପରେ ଆଜି ରାୟ ଶୁଣାଇ ପାରନ୍ତି ସୁରଟ ସେସନ୍ସ କୋର୍ଟ । ତଳ କୋର୍ଟ ଏହି ମାମଲାରେ ରାହୁଲଙ୍କୁ ୨ ବର୍ଷର ଜେଲ ଦଣ୍ଡାଦେଶ ଶୁଣାଇଛନ୍ତି । ଏହି ରାୟକୁ ସୁରଟ କୋର୍ଟରେ ଚ୍ୟାଲେଞ୍ଜ କରିଛନ୍ତି ରାହୁଲ ଗାନ୍ଧୀ ।

ସୂଚନାଯୋଗ୍ୟ, ୨୦୧୯ ଏପ୍ରିଲରେ କର୍ଣ୍ଣାଟକରେ ମୋଦି ସରନେମକୁ ନେଇ ବିବାଦୀୟ ବୟାନ ପରେ ରାହୁଲଙ୍କ ବିରୋଧରେ ଦାୟର ହୋଇଥିଲା ମାନହାନି ମାମଲା । ସୁରଟର ସିଜେଏମ କୋର୍ଟ ରାହୁଲଙ୍କୁ ୨ ବର୍ଷ ଜେଲ୍ ଦଣ୍ଡ ଶୁଣାଇଥିଲେ । ପରେ ରାହୁଲଙ୍କ ସାଂସଦ ସଦସ୍ୟତା ରଦ୍ଦ କରିଥିଲେ ଲୋକସଭା ବାଚସ୍ପତି ।ସିଜେଏମ କୋର୍ଟଙ୍କ ରାୟକୁ ସୁରଟର ସେସନ୍ସ କୋର୍ଟରେ ଚ୍ୟାଲେଞ୍ଜ କରିଥିଲେ ରାହୁଲ ଗାନ୍ଧୀ । ରାୟ ଉପରେ ରୋକ ଲଗାଇବାକୁ ଆବେଦନ କରିଛନ୍ତି ରାହୁଲ । ଉଭୟ ପକ୍ଷକୁ ଶୁଣିବା ପରେ କୋର୍ଟ ଆଜି ରାୟ ପ୍ରକାଶ କରିବାକୁ ଧାର୍ଯ୍ୟ କରିଛନ୍ତି ।

ସୁରଟ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚୋର କହିବା ଅଭିଯୋଗରେ ସୁରଟ କୋର୍ଟ ଗୁରୁବାର କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ‘ସବୁ ଚୋର କାହିଁକି ମୋଦୀ ସାଙ୍ଗିଆ ବହନ କରିଛନ୍ତି’ ସାଧାରଣ ନିର୍ବାଚନ ପୂର୍ବରୁ କର୍ନାଟକର କୋଲାର ଠାରେ ଅନୁଷ୍ଠିତ ଏକ ସାଧାରଣ ସଭାରେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦିଙ୍କ ଉପନାମ ଉପରେ ମନ୍ତବ୍ୟ ଦେଇଥିଲେ। ଯାହା ପରେ ତାଙ୍କ ବିରୋଧରେ ମାନହାନି ମକଦ୍ଦମା ଦାୟର କରାଯାଇଥିଲା। ବିଶେଷଜ୍ଞଙ୍କ ଅନୁଯାୟୀ ରାହୁଲ ଗାନ୍ଧୀଙ୍କ ସଦସ୍ୟତା ପ୍ରତି ଏକ ବିପଦ ସୃଷ୍ଟି ହୋଇଛି। ଏଥି ସହିତ ୨ ବର୍ଷର ଜେଲ ଦଣ୍ଡାଦେଣ ମଧ୍ୟ ଘୋଷଣା କରାଯାଇଛି।

ତେବେ ରାହୁଲ ଗାନ୍ଧୀ କୋର୍ଟରେ କହିଛନ୍ତି ଯେ ମୋର ବିବୃତ୍ତିରେ କାହାରି କିଛି କ୍ଷତି ହୋଇ ନାହିଁ। ଦଣ୍ଡ ହ୍ରାସ କରିବାକୁ ସେ କୋର୍ଟରେ ଆବେଦନ କରିଛନ୍ତି। ଆଇପିସିର ଧାରା ୪୯୯, ୫୦୦ ଅନୁଯାୟୀ ରାହୁଲ ଗାନ୍ଧୀଙ୍କ ବିରୋଧରେ ଏକ ଅପରାଧ ପଞ୍ଜିକୃତ ହୋଇଛି। ଏହି ମାମଲାରେ ସେ ତୃତୀୟ ଥର ପାଇଁ କୋର୍ଟରେ ହାଜର ହୋଇଛନ୍ତି। ଚିଫ ଜୁଡିସିଆଲ ମାଜିଷ୍ଟ୍ରେଟ ଏଚ ଏଚ ବର୍ମାଙ୍କ କୋର୍ଟ ଗତ ସପ୍ତାହରେ ଉଭୟ ପକ୍ଷର ଯୁକ୍ତି ଶୁଣାଣି କରି ମାର୍ଚ୍ଚ ୨୩ କୁ ରାୟ ଘୋଷଣା ତାରିଖ ଭାବରେ ସ୍ଥିର କରିଥିଲେ।

ବର୍ତ୍ତମାନ ସାମାଜିକ ଗଣମାଧ୍ୟମରେ ବିଭିନ୍ନ ରକମର ଖାଦ୍ୟକୁ ନେଇ ବିଭିନ୍ନ ଫଟୋ ତଥା ଭିଡିଓ ଭାଇରାଲ ହେଉଛି। ଏହି କ୍ରମରେ ୫ କେଜିର ଆଇସ୍ ଗୋଲା ବା ବରଫ ଗୋଲା ଚର୍ଚ୍ଚାର ପ୍ରସଙ୍ଗ ହୋଇଛି । ଗୁଜରାଟ ସୁରଟର ଅଞ୍ଚଳର ଜଣେ ଦୋକାନୀ ଏଭଳି ଏକ ଆଇସ୍‌ଗୋଲା ପ୍ରସ୍ତୁତ କରିଛନ୍ତି । ଏହା ଆକାର ଦୃଷ୍ଟିରୁ ଯେ, କେବଳ ବଡ଼ ତାହା ନୁହେଁ; ଏହାର ସ୍ଵାଦ ବି ଏକଦମ୍ ନିଆରା | କଞ୍ଚା ଆମ୍ବ ତଥା ଚକୋଲେଟ୍‌ ସିରପ୍‌ଠାରୁ ଆରମ୍ଭ କରି ବିଭିନ୍ନ ସ୍ବାଦର ଅନ୍ୟାନ୍ୟ ସିରପ୍ ଏଥିରେ ବ୍ୟବହାର କରାଯାଇଛି। ଏହା ସହ କେଶର ରାବିଡ଼ି, ଫ୍ରେସ୍ କ୍ରିମ୍, ଖୁଆ, ଆଇସ୍‌କ୍ରିମ ମଧ୍ୟ ଏହାର ପ୍ରସ୍ତୁତିରେ ଉପଯୋଗ କରାଯାଇଛି । ସେହିପରି ସଜାଇବା ଲାଗି ଚକୋଲେଟ୍ ଚିପ୍ସ, ସିରପ୍ ଓ ଚେରିର ବ୍ୟବହାର କରାଯାଇଛି | ଉକ୍ତ ଆଇସ୍ ଗୋଲାର ମୂଲ୍ୟ ୯୯୯ ଟଙ୍କା | ଫୁଡ୍ ବ୍ଲଗର ଅମର ସିରୋହି ୪.୪୦ ମିନିଟ୍‌ର ଏହାର ଏକ ଭିଡିଓ ଇନ୍‌ଷ୍ଟାଗ୍ରାମରେ ସେୟାର କରିବା ପରେ ତାହାକୁ ୧.୪ ମିଲିଅନରୁ ଅଧିକ ଲୋକ ଦେଖିସାରିଲେଣି।

ବ୍ୟକ୍ତି ଓ ପଶୁପକ୍ଷୀଙ୍କୁ ଅନେକ ଲୋକ ତାଙ୍କ ସାଧ୍ୟ ମତେ ସାହାଯ୍ୟ କରୁଥିବାର ଦେଖାଯାଇଛି। କରୋନା ସମୟରେ ପରୋପକାର ଓ ତଥା ସେବା ମନୋବୃତ୍ତି ବୃଦ୍ଧି ପାଇଛି। ପ୍ରତିଦିନ ଏହିପରି କିଛି ଖବର ସୋସିଆଲ ମିଡିଆ, ଟିଭି, ଖବରକାଗଜ ଆଦିରେ ଆମେ ଦେଖିବାକୁ ପାଉଛନ୍ତି। ଏହି ପରିପ୍ରେକ୍ଷୀରେ ସୁରଟର କିଛି ସ୍କୁଲ ପିଲା ପକ୍ଷୀଙ୍କ ମୁହଁରେ ଆହାର ଦେବା ପାଇଁ ନିଜ ପକେଟ୍‌ ମନିରୁ ଖାଦ୍ୟ କିଣୁଛନ୍ତି। ଏହି ପକ୍ଷୀପ୍ରେମୀ ପିଲାମାନେ ମକା କିଣି ଚଢ଼େଇମାନଙ୍କ ପାଇଁ ଗଛରେ ସେଗୁଡ଼ିକୁ ବାନ୍ଧି ଦିଅନ୍ତି। ପିଲାମାନଙ୍କର ଏହି ଭିଡିଓକୁ ଆଇଏଫ୍‌ଏସ୍‌ ଶ୍ବେତା ବୋଡୁ ସେୟାର କରିଛନ୍ତି।