ଉତ୍ତରାଖଣ୍ଡ: ହାରିଲେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି। ହେଲେ ତାଙ୍କ ଦଳ ଅର୍ଥାତ ବିଜେପି ବିଜୟ ଆଡକୁ ଗତି କରୁଛି। ଖଟିମା ଆସନରେ କଂଗ୍ରେସର ଭୁବନ ତାପଡିଙ୍କଠୁ ହାରିଛନ୍ତି ବିଜେପରି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ।

ସୂଚନା ଅନୁଯାୟୀ, ଉତ୍ତରାଖଣ୍ଡ ବିଜେପି ସରକାର ଗଠନ କରିବ । ବର୍ତ୍ତମାନ ୭୦ ଆସନରୁ ୪୮ଟି ସିଟରେ ଆଗରେ ରହିଛି ବିଜେପି।

ଡେରାଡୁନ/ଉତ୍ତରାଖଣ୍ଡ : ଉତ୍ତରାଖଣ୍ଡର ନୂଆ ମୁଖ୍ୟମନ୍ତ୍ରୀ ଭାବେ ଆଜି ଶପଥ ନେବେ ପୁଷ୍କର ସିଂ ଧାମି । ସେ ରାଜ୍ୟର ୧୧ତମ ଏବଂ ଗତ ୪ ମାସରେ ୪ର୍ଥ ମୁଖ୍ୟମନ୍ତ୍ରୀ ଭାବେ ଦାୟିତ୍ବ ନେବାକୁ ଯାଉଛନ୍ତି। ତୀରଥ ସିଂହ ରାୱତ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ଶନିବାର ବିଜେପି ବିଧାୟକ ଦଳ ବୈଠକର ନିଷ୍ପତ୍ତି କ୍ରମେ ପୁଷ୍କରଙ୍କୁ ନେତା ଭାବେ ନିର୍ବାଚିତ କରାଯାଇଛି। ପ୍ରାୟ ୧ ଘଣ୍ଟା ଧରି ଚାଲିଥିବା ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀ ପଦବୀ ପାଇଁ ବିଭିନ୍ନ ନେତାଙ୍କ ନାମ ଆଲୋଚନାକୁ ଆସିଥିଲେ ହେଁ ଶେଷରେ ପୁଷ୍କରଙ୍କ ନାମରେ ହିଁ ମୋହର ବାଜିଥିଲା।

ହେଲେ ୪୫ ବର୍ଷରେ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଥିବା ଧାମି ଏକ ନୂଆ ଇତିହାସ ସୃଷ୍ଟି କରିଛନ୍ତି। କାରଣ ଧାମି ଦୁଇଥର ବିଧାୟକ ଭାବେ ନିର୍ବାଚିତ ହୋଇଥିଲେ ହେଁ କେବେ ମନ୍ତ୍ରୀ ପଦ ମଧ୍ୟ ପାଇ ନଥିଲେ। କିନ୍ତୁ ଏବେ ସେ ଉତ୍ତରାଖଣ୍ଡର ସର୍ବକନିଷ୍ଠ ମୁଖ୍ୟମନ୍ତ୍ରୀ ଭାବେ ଶାସନକ୍ଷମତାର ସର୍ବୋଚ୍ଚ ସ୍ଥାନରେ ଅଥିଷ୍ଠିତ ହେବାର ସୌଭାଗ୍ୟ ଅର୍ଜନ କରିଛନ୍ତି। ତାଙ୍କର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସହ ସମ୍ପର୍କ ବେଶ ନିବିଡ଼ ବୋଲି କୁହାଯାଉଛି। ସେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଭଗତ ସିଂହ କୋଶିୟାରୀଙ୍କ ଓଏସ୍‌ଡି ଭାବେ ମଧ୍ୟ କାର୍ଯ୍ୟ କରିଥିଲେ। ଶନବିାର ଦଳୀୟ ମୁଖ୍ୟାଳୟରେ ଅନୁଷ୍ଠିତ ବୈଠକରେ ୫୭ ଜଣ ବିଧାୟକ ଧାମିଙ୍କୁ ମୁଖ୍ୟମନ୍ତ୍ରୀ ଭାବେ ବାଛିଛନ୍ତି। ଆସନ୍ତାବର୍ଷ ଉତ୍ତରାଖଣ୍ଡରେ ବିଧାନସଭା ନିର୍ବାଚନ ହେବ। ତେଣୁ ପ୍ରାୟ ୮ ମାସ ଧରି ଧାମି ଏହି ପଦରେ କାମ କାର୍ଯ୍ୟ କରିବାର ଅବସର ପାଇବେ।

ତେବେ ମୁଖ୍ୟମନ୍ତ୍ରୀ ଭାବେ ପୁଷ୍କରଙ୍କ ପାଇଁ ବିଭିନ୍ନ ଚ୍ୟାଲେଞ୍ଜ ରହିବ। ଦେବଭୂମି ଉତ୍ତରାଖଣ୍ଡରେ ବିଜେପିର ପ୍ରତିଛବି ସଜାଡିବା ରହିବ ମୁଖ୍ୟ କାମ । ଏମିତିରେ ତୀରଥଙ୍କ ପାଇଁ ରାଜ୍ୟ ସରକାର ସାମ୍ନା କରିଥିବା ନିନ୍ଦାକୁ ପ୍ରଶଂସାରେ ପରିଣତ କରିବା ପାଇଁ ହାଇକମାଣ୍ଡ ପୁଷ୍କରଙ୍କୁ ଦାୟିତ୍ବ ଦେଇଛନ୍ତି । ରାଜ୍ୟ ରାଜନୀତିରେ ଅସ୍ଥିରତା ପାଇଁ ବିରୋଧୀ କଂଗ୍ରେସ ବାରମ୍ବାର ଟାର୍ଗେଟ କରୁଥିବା ବେଳେ ବିଜେପି ପାଇଁ ଚିନ୍ତା ପାଲଟିଛି । ଏହି ବର୍ଷେ ଭିତରେ ଯେମିତି ହେଉ ରାଜ୍ୟବାସୀଙ୍କୁ ନିଜ ଆଡକୁ ଢଳେଇବା ପାଇଁ ପୁଷ୍କର ପ୍ଲାନ କରିବେ।

ଉଲ୍ଲେଖଯୋଗ୍ୟ ଯେ, ଗତ ମାର୍ଚ୍ଚ ମାସରେ ତୀରଥ ସିଂହ ରାୱତ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ। ଏହି ସମୟରେ ସେ ସାଂସଦ ଥିବାରୁ ତାଙ୍କୁ ମୁଖ୍ୟମନ୍ତ୍ରୀ ପଦ ସୁରକ୍ଷିତ ରଖିବାକୁ ହେଲେ ସେପ୍ଟେମ୍ବର ୧୦ ସୁଦ୍ଧା ବିଧାନସଭାକୁ ନିର୍ବାଚିତ ହେବାର ଥିଲା। କିନ୍ତୁ ମହାମାରୀ କରୋନା ଯୋଗୁ କୌଣସି ଉପ ନିର୍ବାଚନ ଅନୁଷ୍ଠିତ ହୋଇ ପାରିବ ନାହିଁ ବୋଲି ତୀରଥ ଜାଣିବା ପରେ ଗତକାଲି ବିଳମ୍ବିତ ରାତିରେ ନିଜ ପଦରୁ ଇସ୍ତଫା ଦେଇଥିଲେ।

ଉତ୍ତରାଖଣ୍ଡ: ପୁଷ୍କର ସିଂହ ଧାମି ହେବେ ଉତ୍ତରାଖଣ୍ଡର ନୂଆ ମୁଖ୍ୟମନ୍ତ୍ରୀ। ଏ ନେଇ ଆଜି ବିଜେପି ବିଧାୟକ ଦଳର ବୈଠକରେ ନିଷ୍ପତ୍ତି ହୋଇଛି। ଉତ୍ତରାଖଣ୍ଡର ୧୧ତମ ମୁଖ୍ୟମନ୍ତ୍ରୀ ଭାବେ ଶପଥ ନେବେ ପୁଷ୍କର ସିଂହ ଧାମି। ଗତକାଲି ଇସ୍ତଫା ଦେଇଥିଲେ ମୁଖ୍ୟମନ୍ତ୍ରୀ ତୀରଥ ସିଂହ ରାୱତ । ଏବେ ତୀରଥ ସିଂହ ରାୱତଙ୍କ ସ୍ଥାନ ନେବେ ପୁଷ୍କର ସିଂହ।  ୨ଥର ବିଧାୟକ ଥିବା ଧାମି ପୂର୍ବରୁ କେବେ ମନ୍ତ୍ରୀ ମଧ୍ୟ ହୋଇ ନାହାନ୍ତି ।

୪୫ ବର୍ଷ ବୟସ୍କ ଧାମି ଉତ୍ତରାଖଣ୍ଡର ସର୍ବକନିଷ୍ଠ ମୁଖ୍ୟମନ୍ତ୍ରୀ ହେବାର ଗୌରବ ଅର୍ଜନ କରିବେ। ବିଜେପି ଉତ୍ତରାଖଣ୍ଡର ଯୁବ ଚେହେରାକୁ ଆଗକୁ ଆଣିଛି। ଖଟିମା ଆସନରୁ ବିଧାୟକ ଅଛନ୍ତି ପୁଷ୍କର ସିଂହ ଧାମି। 

ସୂଚନା ଅନୁଯାୟୀ, ଗତକାଲି ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ତୀରଥ ସିଂ ରାଓ୍ୱତ। ରାଜ୍ୟପାଳଙ୍କୁ ଭେଟି ଇସ୍ତଫା ପତ୍ର ଦେଇଥିଲେ ତୀରଥ। ଆଜି ଅପରାହ୍ନରେ ଡେରାଡୁନରେ ବିଜେପି ବିଧାୟକ ଦଳର ବୈଠକ ଅନୁଷ୍ଠିତ ହୋଇଥିଲା। ବୈଠକର ପର୍ଯ୍ୟବେକ୍ଷକ ଭାବେ ଦାୟିତ୍ୱ ନେଇଥେଲେ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର। ବୈଠକରେ ନୂଆ ମୁଖ୍ୟମନ୍ତ୍ରୀ କିଏ ହେବ ସେ ନେଇ ଆଲୋଚନା ହୋଇଥିଲା। ଦଳର ବରିଷ୍ଠ ନେତା ସତପାଲ୍ ମହାରାଜ, ଧନ ସିଂହଙ୍କ ସହ ୪ ଜଣ ନେତା ମୁଖ୍ୟମନ୍ତ୍ରୀ ରେସରେ ଥିଲେ। ହେଲେ ସବୁ ଚର୍ଚ୍ଚାର ଅନ୍ତ ଘଟାଇ ବିଧାୟକ ଦଳର ବୈଠକରେ ପୁଷ୍କର ସିଂହ ଧାମି ଉପରେ ଦଳ ମୋହର ମାରିଛି।

ସାମ୍ବିଧାନିକ କାରଣ ପାଇଁ ତୀରଥ ସିଂ ରାଓ୍ୱତ ଇସ୍ତଫା ଦେଇଥିବା କୁହାଯାଉଛି। ମୁଖ୍ୟମନ୍ତ୍ରୀ ହେବା ପରେ ୬ ମାସ ମଧ୍ୟରେ ବିଧାୟକ ହେବାର ନିୟମ ରହିଛି। ତେବେ ଧାରା ୧୫୧ ଅନୁସାରେ ଯଦି କୌଣସି ରାଜ୍ୟରେ ବିଧାନସଭା ନିର୍ବାଚନ ପାଇଁ ଏକ ବର୍ଷରୁ କମ ସମୟ ଥାଏ ସେହି ରାଜ୍ୟରେ ଆଉ ଉପନିର୍ବାଚନ ହୋଇପାରିବ ନାହିଁ। ଏଣୁ ତୀରଥ ଇସ୍ତଫା ଦେଇଥିବା କୁହାଯାଉଛି।