ନୂଆଦିଲ୍ଲୀ : ଭାରତର ଭୁଲ୍ ମାନଚିତ୍ର ପ୍ରଦର୍ଶନ କଲା ଟ୍ୱିଟର । ସାତ ମାସରେ ଦ୍ୱିତୀୟ ଥର । ଏହା ପରେ ଟ୍ୱିଟରକୁ ଭାରତରେ ବ୍ୟାନ ପାଇଁ ଚାରି ଆଡ଼ୁ ଦାବି ହୋଇଛି । ପ୍ରବଳ ବିରୋଧ ପରେ ୱେବସାଇଟ୍ ବିବାଦୀୟ ନକ୍ସାକୁ ହଟାଇ ଦେଇଛି ଟ୍ୱିଟର । ଏହାରି ଭିତରେ ଉତ୍ତରପ୍ରଦେଶର ବୁଲନ୍ଦସହରରେ ଟ୍ୱିଟରର ଏମଡି ମନୀଷ ମାହେଶ୍ୱରୀଙ୍କ ବିରୋଧରେ ମାମଲା ରୁଜୁ ହୋଇଛି ମିଳିଥିବା ସୂଚନା ଅନୁସାରେ, ବୁଲନ୍ଦସହରରେ ବଜରଙ୍ଗ ଦଳ ପକ୍ଷରୁ ଏହି ମାମଲା ହୋଇଛି । ଟ୍ୱିଟରର ଏମଡି ମାହେଶ୍ୱରୀଙ୍କ ବିରୋଧରେ ଆଇପିସି ଧାରା ୫୦୫ (୨) ଓ ଆଇଟି (ସଂଶୋଧିତ) ଆଇନ୍ ୨୦୦୮ର ଧାରା ୭୪ ଅନୁସାରେ ମାମଲା ରୁଜୁ କରାଯାଇଛି । ନୂଆ ଆଇଟି ନିୟମ ଅନୁପାଳନ ନେଇ ଟ୍ୱିଟର ସହ ଭାରତ ସରକାରଙ୍କ ସହ ତିକ୍ତତା ଲାଗି ରହିଛି । ଏହାରି ଭିତରେ ଟ୍ୱିଟର ଭାରତର ଭୁଲ୍ ମାନଚିତ୍ର ଦେଖାଇ ପୁଣି ବିବାଦ ଘେରକୁ ଆସିଛି । ଯେଉଁଥିରେ ଟ୍ୱିଟର ଜମ୍ମୁ-କାଶ୍ମୀରକୁ ଅଲଗା ଦେଶ ଦର୍ଶାଇଥିବା ବେଳେ ଲଦାଖକୁ ଅଲଗା ଦେଶ ଭାବେ ଚିତ୍ରଣ କରିଛି । ଟ୍ୱିଟର ୱେବସାଇଟର କ୍ୟାରିଅର ସେକ୍ସନରେ ଟ୍ୱିପ୍ ଲାଇଫରେ ବିକୃତ ମାନଚିତ୍ର ଦିଆଯାଇଥିଲା । ଏହା ପୂର୍ବରୁ ଲେହକୁ ଚୀନର ଅଂଶ ବୋଲି ଦର୍ଶାଇଥିଲା ଟ୍ୱିଟର ।

ପୁଣି ବିବାଦ ଘେରକୁ ଆସିଲା ମାଇକ୍ରୋ ବ୍ଲଗିଂଗ ସାଇଟ୍ ଟ୍ୱିଟର । ଟ୍ୱିଟର ତା’ର ୱେବସାଇଟ୍‌ ରେ ଭାରତର ଭୁଲ ନକ୍ସା ଦର୍ଶାଇଛି । ନିଜ ୱେବସାଇଟ୍‌ରେ ଜାମ୍ମୁ କାଶ୍ମୀର ଏବଂ ଲଦ୍ଦାଖକୁ ଅଲଗା ଦେଶ ବୋଲି ଦର୍ଶାଇଛି ଟ୍ଵିଟର। ଟ୍ୱିଟରର କ୍ୟାରିଅର ସେକ୍ସନରେ ଏଭଳି ମ୍ୟାପ ଦେଇଛି । ଯାହାକୁ ନେଇ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି । ଏହା ପୂର୍ବରୁ ଗତ ବର୍ଷ ମଧ୍ୟ ଟ୍ଵିଟର ଜାମ୍ମୁ କାଶ୍ମୀରକୁ ଭାରତର ଅଂଶ ନୁହେଁ ବୋଲି ଦର୍ଶାଇଥିଲା। ତେବେ ଟ୍ଵିଟରର ଏଭଳି ଧ୍ରୁଷ୍ଟତା ପରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସରକାର କହିଛନ୍ତି।

ଟ୍ୱିଟରର ୱେବସାଇଟ୍ ଟ୍ୱିପ୍ ଲାଇଫରେ ଏଭଳି ବିକୃତ ମାନଚିତ୍ର ପ୍ରଦର୍ଶିତ କରାଯାଇଛି । ଜାମ୍ମୁ-କାଶ୍ମୀରକୁ ଅଲଗା ଦେଶ ଭାବେ ଚିତ୍ରଣ କରାଯାଇଥିବା ବେଳେ ଲେହକୁ ଚୀନର ଅଂଶ ବୋଲି ଦର୍ଶାଇଛି ଟ୍ୱିଟର । ତେବେ, ଟ୍ୱିଟର ଏଭଳି ଭୂଲ୍ ପ୍ରଥମଥର କରି ନାହିଁ । ଏହା ପୂର୍ବରୁ ୨୦୨୦ ଅକ୍ଟୋବରରେ ଟ୍ୱିଟର ଲେହକୁ ଚୀନର ବୋଲି ଦର୍ଶାଇଥିଲା । ଯେଉଁଥିପାଇଁ ଟ୍ୱିଟରକୁ କେନ୍ଦ୍ର ସରକାର ଚେତାବନୀ ମଧ୍ୟ ଦେଇଥିଲେ ।

ତେବେ ଯଦି ଟ୍ଵିଟର ଭାରତର ନକ୍ସାକୁ ସଂଶୋଧିତ କରି ନଦର୍ଶାଇବ ତାହା ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଆଇଟି ଅଧିନିୟମ ଧାରା ୬୯ ଏ ଆଧାରରେ କାର୍ଯ୍ୟାନୁଷ୍ଠାନ ନିଆଯାଇ ପାରେ।