ଦିଲ୍ଲୀ ଭଳି ଏକ ମହଙ୍ଗା ସହରରେ ବଞ୍ଚିବା ପାଇଁ ଲୋକଙ୍କୁ ବହୁତ ଟଙ୍କା ଖର୍ଚ୍ଚ କରିବାକୁ ପଡ଼ିଥାଏ। ତେବେ ଜଣେ ୨୮ ବର୍ଷୀୟା ସରକାରୀ କର୍ମଚାରୀ ନିଜର ମାସିକ ଖର୍ଚ୍ଚର ହିସାବ ସୋସିଆଲ ମିଡିଆରେ ସେୟାର କରିଛନ୍ତି, ଯାହା ଏବେ ବେଶ୍ ଚର୍ଚ୍ଚାର ବିଷୟ ପାଲଟିଛି। ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରି ସେ କହିଛନ୍ତି ଯେ, ତାଙ୍କର ମାସିକ ଦରମା ହାତକୁ ୯୦,୦୦୦ ଟଙ୍କା ଆସୁଥିବା ବେଳେ ସେ ଦିଲ୍ଲୀରେ ମାତ୍ର ୨୫,୦୦୦ ଟଙ୍କା ଖର୍ଚ୍ଚରେ ଚଳିଯାଆନ୍ତି।

ହିସାବ ଦେଲେ ସରକାରୀ କର୍ମଚାରୀ

ଏହି ମହିଳା କର୍ମଚାରୀ ଜଣକ ହେଉଛନ୍ତି କୃତିକା। ସେ ଭିଡିଓରେ ସ୍ୱୀକାର କରିଛନ୍ତି ଯେ ଏକ ଟିୟର-୧ (Tier-1) ସହରରେ ତାଙ୍କର ଖର୍ଚ୍ଚ ଟିକେ କମ୍ ବୋଲି ଲାଗିପାରେ। ଖାଦ୍ୟପେୟ ପାଇଁ ସେ ଏବଂ ତାଙ୍କ ରୁମ୍‌ମେଟ୍ ଜଣେ ସହାୟିକା (Maid) ରଖିଛନ୍ତି ଯିଏ ଦୈନିକ ଆସନ୍ତି ଏବଂ ମାସକୁ ୫,୦୦୦ ଟଙ୍କା ନିଅନ୍ତି। ଗ୍ରୋସରୀ ଏବଂ ଅନ୍ୟାନ୍ୟ ଜରୁରୀ ସାମଗ୍ରୀ ଯାହାକି ସେମାନେ ବ୍ଲିଙ୍କଇଟ୍ (Blinkit) କିମ୍ବା ଜେପ୍ଟୋ (Zepto) ଆଦିରୁ ଅର୍ଡର କରନ୍ତି, ସେଥିପାଇଁ ମାସିକ ୪,୦୦୦ ରୁ ୫,୦୦୦ ଟଙ୍କା ଖର୍ଚ୍ଚ ହୋଇଥାଏ।

ମହଙ୍ଗା କ୍ୟାବ୍ କିମ୍ବା ପବ୍ଲିକ୍ ଟ୍ରାନ୍ସପୋର୍ଟ ବଦଳରେ ସେ ନିଜର ଏକ ଦୁଇଚକିଆ ଯାନ ବ୍ୟବହାର କରି ଯାତାୟାତ ଖର୍ଚ୍ଚ ବଞ୍ଚାନ୍ତି। ୱାଇ-ଫାଇ, ଗ୍ୟାସ, ଏବଂ ଆରଓ (RO) ପାଇଁ ପାଖାପାଖି ୧,୦୦୦ ଟଙ୍କା ଖର୍ଚ୍ଚ ହୁଏ। ନେଟଫ୍ଲିକ୍ସ (Netflix) ଭଳି ଏଣ୍ଟରଟେନମେଣ୍ଟ ଆପ୍ ପାଇଁ ସେ ପରିବାର କିମ୍ବା ସାଙ୍ଗମାନଙ୍କ ଉପରେ ନିର୍ଭର କରୁଥିବାରୁ ଏ ବାବଦରେ ତାଙ୍କର ଖର୍ଚ୍ଚ ଶୂନ (୦)। ମିନ୍ତ୍ରା (Myntra) କିମ୍ବା ନାୟକା (Nykaa) ଆଦିରୁ ସପିଂ କରିବାରେ ସେ ମାସକୁ ୩,୦୦୦ ରୁ ୪,୦୦୦ ଟଙ୍କା ଖର୍ଚ୍ଚ କରନ୍ତି ବୋଲି କହିଛନ୍ତି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Kritika (@tweetikaa)

ସବୁଠାରୁ ଆକର୍ଷଣୀୟ କଥା ହେଲା, ସେ ବାହାରେ ଖାଇବା ପାଇଁ ସର୍ବାଧିକ ୨,୦୦୦ ଟଙ୍କା ଖର୍ଚ୍ଚ କରନ୍ତି। "କାରଣ ମୁଁ ଜଣେ ଭଲ ପିଲା, ମୁଁ ଘର ଖାଦ୍ୟ ଖାଏ," ବୋଲି ସେ ମଜାଳିଆ ଢଙ୍ଗରେ ବୁଝାଇଛନ୍ତି। ତେବେ ବୁଲିବାକୁ ଯିବା କିମ୍ବା ନୂଆ ଗଦି କିଣିବା ଭଳି କିଛି 'ୱାନ-ଟାଇମ୍' (One-time) ଖର୍ଚ୍ଚକୁ ସେ ନିଜର ଏହି ମାସିକ ବଜେଟ୍ ତାଲିକାରେ ସାମିଲ କରିନାହାନ୍ତି।

କିଏ ଏହି କୃତିକା?

କମେଣ୍ଟ ସେକ୍ସନରେ ଜଣାପଡିଛି ଯେ କୃତିକା ହେଉଛନ୍ତି ଜଣେ ଆସିଷ୍ଟାଣ୍ଟ ସେକ୍ସନ୍ ଅଫିସର (Assistant Section Officer)। ସେ ୨୦୨୨ ମସିହାରେ ଏସଏସସି ସିଜିଏଲ (SSC CGL) ପରୀକ୍ଷା ପାସ୍ କରିଥିଲେ ଏବଂ ବର୍ତ୍ତମାନ ସେ ଜଣେ ଲେଭେଲ୍-୭ (Level-7) ସରକାରୀ କର୍ମଚାରୀ ଅଟନ୍ତି। ମାସ ଶେଷରେ ସେ ତାଙ୍କର ଦରମା ୯୦,୦୦୦ ଟଙ୍କାରୁ ମାତ୍ର ୨୫,୦୦୦ ଟଙ୍କା ଖର୍ଚ୍ଚ କରି ବାକି ଟଙ୍କା ବେଶ୍ ଚତୁରତାର ସହ ସଞ୍ଚୟ କରିବାରେ ସଫଳ ହେଉଛନ୍ତି।

ନୂଆଦିଲ୍ଲୀ: ଗରିବ ଏବଂ ମଧ୍ୟବିତ୍ତଙ୍କ ପାଇଁ ଅପହଞ୍ଚ ହେଲାଣି ଦିଲ୍ଲୀ ଓ ମୁମ୍ବାଇ ଭଳି ମେଟ୍ରୋ ସହର । ଏହିସବୁ ସହରରେ ଜୀବନଧାରଣ ଖର୍ଚ୍ଚ (କଷ୍ଟ ଅଫ୍ ଲିଭିଂ) ବଢ଼ି ବଢ଼ି ଚାଲିଛି । ଦେଶର ବିଭିନ୍ନ ସହରରେ ‘ନୁମ୍ବେଓ’ ନାମକ ଏକ ସଂସ୍ଥା ସର୍ଭେ କରି ଯେଉଁ ତଥ୍ୟ ଦେଇଛି, ସେଥିରୁ ଜଣାପଡ଼ୁଛି ଯେ ବିଭିନ୍ନ ସହରରେ ଜୀବନଧାରଣ ଖର୍ଚ୍ଚ ଅଲଗା ଅଲଗା ରହିଛି ।  ତେବେ ବଡ଼ ବଡ଼ ମେଟ୍ରୋ ସହର ମହଙ୍ଗା ହେବାକୁ ଲାଗିଛି । ଅନ୍ୟପକ୍ଷରେ ଜୀବନଧାରଣ ଖର୍ଚ୍ଚ ଦୃଷ୍ଟିରୁ କୋଲକତା, ଚେନ୍ନାଇ ଏବଂ ଭୁବନେଶ୍ବର ମଧ୍ୟବିତ୍ତ ଓ ଗରିବଙ୍କ ପାଇଁ ବାସୋପଯୋଗୀ ବୋଲି କୁହାଯାଇଛି । ଦେଶରେ ହାରାହାରି ଜଣେ ବ୍ୟକ୍ତିର ମାସିକ ଖର୍ଚ୍ଚ ୨୭ ହଜାର ୩୦୦ ଟଙ୍କା ରହିଥିବା ବେଳେ ୪ ଜଣିଆ ପରିବାରର ମାସିକ ଖର୍ଚ୍ଚ ୯୮ ହଜାର ଟଙ୍କା ରହିଛି । ଏଥିରେ ଘରଭଡ଼ା ସାମିଲ କରାଯାଇ ନାହିଁ । ଏଥିରେ କେବଳ ଖାଇବା, ଯିବାଆସିବା, ମଉଜମସ୍ତି ଏବଂ ଆଉ କିଛି ଅତ୍ୟାବଶ୍ୟକ ଖର୍ଚ୍ଚ ରହିଛି । ଏଥିରେ ଘରଭଡ଼ା ଯୋଡ଼ିଲେ ଏହି ଖର୍ଚ୍ଚ ଯଥେଷ୍ଟ ଅଧିକ ରହିବ୤ କାରଣ ମେଟ୍ରୋ ସହରରେ ଘରଭଡ଼ା ଅପେକ୍ଷାକୃତ ଅଧିକ ରହିଛି । 

‘ନୁମ୍ବେଓ’ ରିପୋର୍ଟ ଅନୁଯାୟୀ ରହିବା ପାଇଁ ମୁମ୍ବାଇ ହେଉଛି ସବୁଠାରୁ ମହଙ୍ଗା ସହର । ଏଠାରେ ମାସିକ ଜୀବନଧାରଣ ଖର୍ଚ୍ଚ  ୩୦ ହଜାରରୁ ୬୦ ହଜାର ଟଙ୍କା ମଧ୍ୟରେ ରହିଛି । ସେହିଭଳି ଦିଲ୍ଲୀରେ ଏହି ଖର୍ଚ୍ଚ ୨୨ ହଜାରରୁ ୫୦ ହଜାର ଟଙ୍କା ଥିବା ବେଳେ ପୁନେରେ ୨୫ ହଜାରରୁ ୪୫ ହଜାର ଟଙ୍କା, ବେଙ୍ଗାଲୁରୁରେ ୨୦ ହଜାରରୁ ୫୦ ହଜାର ଟଙ୍କା, ହାଇଦ୍ରାବାଦରେ ୧୨ ହଜାରରୁ ୫୦ ହଜାର ଟଙ୍କା,ଚନ୍ନାଇରେ ୧୫ ହଜାରରୁ ୫୦ ହଜାର ଟଙ୍କା ଏବଂ କୋଲକାତାେର ୨୦ ହଜାରରୁ ୪୦ ହଜାର ଟଙ୍କା ରହିଛି । 

ସେହିଭଳି ଭୁବନେଶ୍ବର ସହରରେ ଜଣେ ବ୍ୟକ୍ତିର ଜୀବନଧାରଣ  ଖର୍ଚ୍ଚ ୧୬ ହଜାରରୁ ୩୦ ହଜାର ଟଙ୍କା ରହିଛି୤ ଏଥିରେ ଘରଭଡ଼ା ସାମିଲ କରାଯାଇ ନାହିଁ ।ତେବେ ୪ ଜଣିଆ ପରିବାରର ମାସିକ ଖର୍ଚ୍ଚ ୬୦ ହଜାରରୁ ଏକ ଲକ୍ଷ ୫ ହଜାର ଟଙ୍କା ରହିଛି୤ ଏଥିରେ ଘରଭଡ଼ା ସାମିଲ କରାଯାଇଛି । ଏତିକି ଖର୍ଚ୍ଚରେ ଗୋଟିଏ ମଧବିତ୍ତ ପରିବାର ଆରାମରେ ଚଳିପାରିବ ବୋଲି କୁହାଯାଉଛି । ତେବେ  ଲାଇଫଷ୍ଟାଇଲକୁ ନେଇ ଖର୍ଚ୍ଚ ଅଲଗା ହୋଇପାରେ। ଏହି ସଂସ୍ଥାର ରିପୋର୍ଟ ଅନୁଯାୟୀ ଦ୍ରୁତ ଗତିରେ ଭୁବନେଶ୍ବର ମହାନଗରର ସଂପ୍ରସାରଣ ହେଉଥିଲେ ମଧ୍ୟ ଦେଶର ଟାୟର-୨ ସହର ତୁଳନାରେ ଭୁବନେଶ୍ବର ବିିଭିନ୍ନ ଦୃଷ୍ଟିରୁ ଆରାମଦାୟକ୤ ଭୁବନେଶ୍ବରରେ ଘରଭଡ଼ା ଠାରୁ ଆରମ୍ଭ କରି ରେସ୍ତୁରାଁରେ ଖାଇବା ଖର୍ଚ୍ଚ, ମାର୍କେଟିଂ, ପରିବହନ, ସ୍କୁଲ ଫି ମେଟ୍ରା ସହର ତୁଳନାରେ ଖୁବ କମ୍ ରହିଛି ।  ଏପରିକି ମୋବାଇଲ ଏବଂ ଇଣ୍ଟରନେଟ୍ ଖର୍ଚ୍ଚ ମଧ୍ୟ କମ୍ ।  ସହରରେ ଜଣେ ବ୍ୟକ୍ତିର ହାରାହାରି ମାସିକ ଦରମା ୩୪ ହଜାରରୁ ଅଧିକ ଟଙ୍କା ବୋଲି ରିପୋର୍ଟରେ କୁହାଯାଇଛି ।

ଦିଲ୍ଲୀର ବ୍ୟସ୍ତବହୁଳ ରାସ୍ତାରେ କିଛି ଯୁବକଙ୍କ ବିପଜ୍ଜନକ ଷ୍ଟଣ୍ଟର ଏକ ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ଏହି ୧୨ ସେକେଣ୍ଡର ଭିଡିଓରେ ଦେଖିବାକୁ ମିଳିଛି ଯେ, କିଛି ବାଇକ୍ ଚାଳକ ଚଳନ୍ତା ବସ୍ ଏବଂ ଅଟୋ-ରିକ୍ସାର ମଝିରେ ଗାଡ଼ି ଚଳାଇବା ସହ ସେଗୁଡିକର ଦ୍ୱାର ଖୋଲି ଦେଇ ପଳାଉଛନ୍ତି। ଏହି ଘଟଣାକୁ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ସହ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପାଇଁ ଦାବି ହେଉଛି। 

Why don’t these guys roaming recklessly on the capital’s roads get noticed by @DelhiPolice ?

If an accident happens because of these reel-obsessed people, who will be held responsible? pic.twitter.com/mhvO39LdOt

— Deadly Kalesh (@Deadlykalesh) February 16, 2026

ସୋସିଆଲ ମିଡିଆରେ ଭିଡିଓ ଭାଇରାଲ ସୋମବାର ସକାଳେ 'ଡେଡଲି କଲେଶ' ନାମକ ଏକ ଆକାଉଣ୍ଟରୁ ଏହି ଭିଡିଓ ପୋଷ୍ଟ କରାଯାଇଛି। ଭିଡିଓରେ ସ୍ପଷ୍ଟ ଦେଖାଯାଉଛି ଯେ, ବାଇକ୍ ଚାଳକମାନେ ଟ୍ରାଫିକ ମଧ୍ୟରେ ଅତି ବିପଜ୍ଜନକ ଭାବେ ଗାଡ଼ି ଚଳାଉଛନ୍ତି। ସେମାନେ ନିଜ ଜୀବନ ସହ ରାସ୍ତାରେ ଯାଉଥିବା ଅନ୍ୟ ଯାତ୍ରୀଙ୍କ ଜୀବନକୁ ମଧ୍ୟ ବିପଦରେ ପକାଉଛନ୍ତି।

ଖବର ଅନୁଯାୟୀ, କେବଳ ଇନଷ୍ଟାଗ୍ରାମରେ ଲାଇକ୍ ଏବଂ ଭ୍ୟୁ ପାଇବା ପାଇଁ ଏହି ଯୁବକମାନେ ଏଭଳି କାଣ୍ଡ ଭିଆଉଛନ୍ତି। ପୋଲିସର କାର୍ଯ୍ୟାନୁଷ୍ଠାନ ପାଇଁ ଦାବି ଏହି ଭିଡିଓ ଭାଇରାଲ ହେବା ପରେ ହଜାର ହଜାର ଲୋକ ଏହାକୁ ସେୟାର କରିବା ସହ ନାପସନ୍ଦ କରିଛନ୍ତି। ଅନେକ ଉପଭୋକ୍ତା ଦିଲ୍ଲୀ ପୋଲିସକୁ ଟ୍ୟାଗ୍ କରି ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ଗାଡ଼ି ଜବତ କରିବାକୁ ଦାବି କରିଛନ୍ତି। ଏଥିସହ ସେମାନଙ୍କ ଡ୍ରାଇଭିଂ ଲାଇସେନ୍ସ ରଦ୍ଦ କରିବାକୁ ମଧ୍ୟ ସାଧାରଣରେ ମତ ପ୍ରକାଶ ପାଇଛି। ଯଦିଓ ଏପର୍ଯ୍ୟନ୍ତ ପୋଲିସ ପକ୍ଷରୁ କୌଣସି ଆଧିକାରିକ ପ୍ରତିକ୍ରିୟା ମିଳିନାହିଁ, ତଥାପି ଅତୀତରେ ଏଭଳି ଘଟଣାରେ ପୋଲିସ ତୁରନ୍ତ ପଦକ୍ଷେପ ନେଇଥିବାର ନଜିର ରହିଛି।

ଭୁବନେଶ୍ବର: ଆଗାମୀ ସାଧାରଣତନ୍ତ୍ର ଦିବସ ଅବସରରେ ନୂଆଦିଲ୍ଲୀର କର୍ତ୍ତବ୍ୟପଥରେ ଗଡ଼ିବ ଓଡ଼ିଶାର ପ୍ରଜ୍ଞାପନ ମେଢ଼। ‘ସମୃଦ୍ଧିର ମନ୍ତ୍ର ଆତ୍ମନିର୍ଭର ଭାରତ’ ବିଷୟବସ୍ତୁ ଆଧାରରେ ହେବାକୁ ଥିବା ଏହି ପ୍ରଜ୍ଞାପନ ମେଢ଼ରେ ଆତ୍ମନିର୍ଭର ଭାରତ ଗଠନ କ୍ଷେତ୍ର (କୃଷିରୁ ସେମିକଣ୍ଡକ୍ଟର୍‌ ପର୍ଯ୍ୟନ୍ତ)ରେ ଓଡ଼ିଶାର ଅବଦାନ ଦେଖିବାକୁ ମିଳିବ। ଓଡ଼ିଶାର କୃଷି ଓ ସାଂସ୍କୃତିକ ସମୃଦ୍ଧିରୁ ଆରମ୍ଭ କରି ଆଧୁନିକ ଶିଳ୍ପ, ଦକ୍ଷତା ବିକାଶ ଏବଂ ନବସୃଜନ ଓ ପ୍ରଯୁକ୍ତିର ଏକ ସମ୍ମିଳିତ ଦୃଶ୍ୟ ଏହି ପ୍ରଜ୍ଞାପନ ମେଢ଼ରେ ସ୍ଥାନ ପାଇବ।

ଜାତୀୟ ଦୃଷ୍ଟିକୋଣ ସହିତ ସମନ୍ୱୟ ରଖି ଓଡ଼ିଶା କିପରି ତାହାର ପ୍ରାକୃତିକ ସମ୍ପଦ, ସାଂସ୍କୃତିକ ଐତିହ୍ୟ, ମାନବସମ୍ବଳ ଏବଂ ପ୍ରଯୁକ୍ତିବିଦ୍ୟା ଉପଯୋଗରେ ଏକ ଆତ୍ମନିର୍ଭରଶୀଳ ଭାରତ ଗଠନକୁ ଇନ୍ଧନ ପ୍ରଦାନ କରୁଛି, ତାହା ପ୍ରଦର୍ଶିତ ହେବ। ମେଢ଼ର ବିଭିନ୍ନ ଅଂଶରେ କୋରାପୁଟ କଫିରୁ ଆରମ୍ଭ କରି ସିଲିକନ୍‌ ସେମିକଣ୍ଡକ୍ଟର୍‌ ପର୍ଯ୍ୟନ୍ତ ନିରନ୍ତର ଯାତ୍ରାକୁ ଉପସ୍ଥାପନ କରାଯିବ। ସମ୍ବଲପୁରୀ ବସ୍ତ୍ର ଦ୍ବାରା ଆଚ୍ଛାଦିତ ମେଢ଼ର ଉଭୟ ପାର୍ଶ୍ବରେ ପାରମ୍ପରିକ ଜନଜାତି ଚିତ୍ରକଳା ଉପରେ ରୁପା ତାରକସୀ କାରୁକାର୍ଯ୍ୟ, ଓଡ଼ିଶାର ଗଭୀର ସାଂସ୍କୃତିକ ପରିଚୟ ଏବଂ ଉତ୍କୃଷ୍ଟ ହସ୍ତଶିଳ୍ପ ପରମ୍ପରାକୁ ପ୍ରତିଫଳିତ କରାଯିବ। ଏହାର ଲାଇଭ ଡେମୋନଷ୍ଟ୍ରେସନ୍‌ ମଧ୍ୟ ଦେଖିବାକୁ ମିଳିବ।

ଉଲ୍ଲେଖଯୋଗ୍ୟ, ଓଡ଼ିଶାର ସମୃଦ୍ଧ ହସ୍ତଶିଳ୍ପ ଓ ହସ୍ତତନ୍ତ ମାଧ୍ୟମରେ ମହିଳା ସଶକ୍ତୀକରଣକୁ ନେଇ ଗତ ୨୦୨୪ରେ ପ୍ରଦର୍ଶିତ ଓଡ଼ିଶାର ପ୍ରଜ୍ଞାପନ ମେଢ଼ କର୍ତ୍ତବ୍ୟପଥରେ ପରାକାଷ୍ଠା ପ୍ରଦର୍ଶନ କରି ସମଗ୍ର ଦେଶରେ ପ୍ରଥମ ସ୍ଥାନ ହାସଲ କରିଥିଲା।

ନୂଆଦିଲ୍ଲୀ: ଲାଲ୍‌‌କିଲ୍ଲା ବିସ୍ଫୋରଣ ପରେ ହରିୟାଣାର ଫରିଦାବାଦ ସ୍ଥିତ ଅଲ ଫଲାହ ବିଶ୍ୱବିଦ୍ୟାଳୟ ସନ୍ଦେହ ପରିସରକୁ ଆସିଛି। ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ବିଶ୍ବିବଦ୍ୟାଳୟର କୋଠା ନମ୍ବର ୧୭ ଏବଂ ରୁମ୍ ନମ୍ବର ୩ରେ  ଦିଲ୍ଲୀ ବିସ୍ଫୋରଣ ପାଇଁ ଷଡ଼ଯନ୍ତ୍ର ରଚନା କରାଯାଇଥିଲା। ଏହି ବିଲ୍ଡିଂ ଓ ରୁମରେ ଅଭିଯୁକ୍ତ ଡାକ୍ତର ମୁଜାମ୍ମିଲ, ଡ. ଉମର, ଡ. ଆଦିଲ ଓ ଡ. ସୟିଦ ରହୁଥିଲେ।  ସେମାନେ ପାକିସ୍ତାନୀ ଆତଙ୍କବାଦୀ ସଂଗଠନ ଜୈସ-ଇ- ମହମ୍ମଦ ସହିତ ଯୋଗାଯୋଗ କରି ବିସ୍ଫୋରଣ ଷଡ଼ଯନ୍ତ୍ର କରିଥିଲେ॥  ଏହି କାରଣରୁ ବର୍ତ୍ତମାନ ଅଲ ଫଲାହ ବିଶ୍ବବିଦ୍ୟାଳୟ ଚର୍ଚ୍ଚାରେ ରହିଛି।  ତଦନ୍ତକାରୀ ସଂସ୍ଥା ଏବେ ଏହି ୪ ଡାକ୍ତରଙ୍କ ଉପରେ ଫୋକସ କରି ତଦନ୍ତ ଚଳାଇଛନ୍ତି। ବିସ୍ଫୋରଣରେ ଉମରର ମୃତ୍ୟୁ ଘଟିଥିବା ବେଳେ ଅନ୍ୟମାନେ ପୁଲିସ ହାଜତରେ ଅଛନ୍ତି୤  ଏହି ଘଟଣାରେ ସେମାନଙ୍କ ଠାରୁ ଅନେକ ଗୁରୁତ୍ବପୂର୍ଣ୍ଣ ତଥ୍ୟ ମିଳିବ ବୋଲି ଅନୁମାନ କରାଯାଉଛି॥

ଇତିମଧ୍ୟରେ ଏହି ବିଶ୍ୱବିଦ୍ୟାଳୟକୁ କାରଣ ଦର୍ଶାଅ ନୋଟିସ ଜାରି କରାଯାଇଛି। ନ୍ୟାସନାଲ ଆସେସମେଣ୍ଟ ଆଣ୍ଡ ଆକ୍ରିଡେସନ କାଉନସିଲ (ଏନ୍‌ଏସି) ଏହି ପଦକ୍ଷେପ ଗ୍ରହଣ କରିଛି। ଦିଲ୍ଲୀ ବିସ୍ଫୋରଣ ମାମଲାରେ ଫରିଦାବାଦ ଟେରର ମଡ୍ୟୁଲ୍‌‌ରେ ଗିରଫ ହୋଇଥିବା ଡାକ୍ତରମାନେ ଅଲ ଫଲ୍‌‌ହା ବିଶ୍ୱବିଦ୍ୟାଳୟ ସହ ଜଡିତ ଥିବାର ପ୍ରମାଣ ମଳିବା ପରେ ଏହି ନୋଟିସ ଜାରି କରାଯାଇଛି। ବିଶ୍ୱବିଦ୍ୟାଳୟର ୱେବ୍‌‌ସାଇଟ୍‌‌କୁ ମଧ୍ୟ ବନ୍ଦ କରିଦିଆଯାଇଛି। ଗୋଟିଏ ଦିନ ପୂର୍ବରୁ ଏହି ବିଶ୍ୱବିଦ୍ୟାଳୟର ୱେବ୍‌‌ସାଇଟ୍‌‌ ହ୍ୟାକ୍‌‌ ହୋଇଥିଲା। ଜାଲ୍ ସ୍ବୀକୃତି  ପାଇଥିବା ଅଭିଯୋଗରେ ନୋଟିସ ଜାରି କରାଯାଇଛି ବୋଲି କୁହାଯାଇଛି। ଏହି ବିଶ୍ୱବିଦ୍ୟାଳୟ ଏ ଆଣ୍ଡ ଏ ଓ ସାଇକଲ-୧ ପାଇଁ ମାନ୍ୟତା ହାସଲ କରିନାହିଁ। ନିଜ ୱେବସାଇଟ୍‌‌ରେ ଅଲ ଫଲାହ ବିଶ୍ୱବିଦ୍ୟାଳୟ ଅଲ ଫଲାହ ଚାରିଟେବୁଲ ଟ୍ରଷ୍ଟ ଅଧୀନରେ ଥିବା ବୋଲି ଉଲ୍ଲେଖ କରାଯାଇଛି। ଏହାର ପରିସରରେ ୩ଟି କଲେଜ ରହିଛି। ଏହା ପୂରାପୂରି ଭୁଲ ଓ ଜନତାଙ୍କୁ ଭ୍ରମିତ କରାଯାଇଛି ବୋଲି ଏନ୍‌ଏସି ତରଫରୁ କୁହାଯାଇଛି। ନୋଟିସର ଜବାବ ଦେବାକୁ ୭ ଦିନ ସମୟ ଦିଆଯାଇଛି। ଏହି ଅନୁଷ୍ଠାନ କେଉଁଠୁ ପାଣ୍ଠି ସଂଗ୍ରହ କରୁଥିଲା, ତାହାର ଯାଞ୍ଚ କରାଯିବ। ଏଥିପାଇଁ ଏହି ବିଶ୍ୱବିଦ୍ୟାଳୟରେ ଆଜି ଇଡି ଚଢ଼ାଉ କରିଛି। ଇତିମଧ୍ୟରେ କେନ୍ଦ୍ର ଗୃହମନ୍ତ୍ରଣାଳୟ ବିଶ୍ୱବିଦ୍ୟାଳୟର ସବୁ ରେକର୍ଡର ଫରେନସିକ୍‌‌ ଯାଞ୍ଚ୍‌‌ ପାଇଁ ଆଦେଶ ଦେଇଛି।

ଦିଲ୍ଲୀ ଲାଲକିଲ୍ଲା ବିସ୍ଫୋରଣ ଘଟଣାରେ ମୃତ୍ୟୁସଂଖ୍ୟା ୧୩କୁ ବୃଦ୍ଧି ପାଇଛି।  ଆଜି ଆଉ ଜଣେ ଆହତ ବ୍ୟକ୍ତିଙ୍କର ମେଡିକାଲରେ ମୃତ୍ୟୁ ଘଟିଛି୤ ମେଡିାକଲରେ ଏବେ ବି ଆଉ ୨୦ ଜଣ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି।

-୨୬ ଲକ୍ଷ ଟଙ୍କା ଯୋଗାଡ଼ କରିଥିଲେ ଅଭିଯୁକ୍ତ

-ଆଇଏସ୍‌‌ଆଇଏସ୍‌  ସହ ସନ୍ଦିଗ୍ଧ ସମ୍ପର୍କ

ବିଭିନ୍ନ ସ୍ଥାନରେ ବିସ୍ଫୋରଣ ପାଇଁ ସନ୍ଦିଗ୍ଧ ଡାକ୍ତରମାନେ ବିସ୍ଫୋରକ ଓ ଅନ୍ୟ ଜିନିଷ କିଣିବାକୁ ଟଙ୍କା ଯୋଗାଡ଼ କରୁଥିଲେ। ସେମାନେ  ୨୬ ଲକ୍ଷ ଟଙ୍କା ସଂଗ୍ରହ କରିସାରିଥିଲେ। ଏହି ଅର୍ଥକୁ ଡା. ଉମରକୁ ଦିଆଯାଇଥିଲା। ଏହି ଅର୍ଥରେ ଗୁରୁଗ୍ରାମ, ନୁହ ଓ ଆଖପାଖ ଅଞ୍ଚଳରୁ ପାଖାପାଖି ୩ ଲକ୍ଷ ଟଙ୍କାରେ ୨୦ କ୍ୱିଣ୍ଟାଲ ଏନ୍‌‌ପିକେ ଫର୍ଟିଲାଇଜର କିଣିବା ପାଇଁ ଖର୍ଚ୍ଚ କରାଯାଇଥିଲା। ନାଇଟ୍ରୋଜେନ, ଫସ୍‌‌ଫରସ ଓ ପଟାସିଅମର ମିଶ୍ରଣ ହେଉଛି ଏନ୍‌‌ପିକେ ଫର୍ଟିଲାଇଜର। ଏହାକୁ ବ୍ୟବହାର କରି ବିସ୍ଫୋରକ ପ୍ରସ୍ତୁତ କରାଯାଇଥାଏ।

 ଯାଞ୍ଚ ଏଜେନ୍ସି ଅନୁସାରେ ଡା ମୁଜାମ୍ମିଲ ୨୦୨୧ ଓ ୨୦୨୨ରେ ନିହତ ହୋଇଥିବା ଆତଙ୍କବାଦୀଙ୍କ ସହଯୋଗୀଙ୍କ ସମ୍ପର୍କ ସ୍ଥାପନ କରିବା ପରେ ଏହି ସଂଗଠନର ଏକ ଶାଖା ଅନସାର ଗଜବତ-ଊଲ-ହିନ୍ଦ୍‌‌ ଦ୍ବାରା ପ୍ରଭାବିତ ହୋଇଥିଲା। ଇର୍ଫାନ ଉରଫ ମୌଲବୀ ନାମକ ଜଣେ ବ୍ୟକ୍ତି ହିଁ ମୁଜାମ୍ମିଲକୁ ଏହି ନେଟ୍‌‌ୱର୍କ ସହ ପରିଚିତ କରାଇଥିଲା ବୋଲି କୁହାଯାଉଛି। ୨୦୨୩ ଓ ୨୦୨୪ରେ ଜବତ ହୋଇଥିବା ଅସ୍ତ୍ରଶସ୍ତ୍ରକୁ ନେଇ ଏକ ସ୍ୱତନ୍ତ୍ର ଆତଙ୍କବାଦୀ ସଂଗଠନ ସ୍ଥାପନ କରିବାକୁ ଯୋଜନା ଥିଲା। ଏହି ବ୍ୟାପକ ନେଟ୍‌‌ୱର୍କ ସମ୍ପର୍କରେ ସବିଶେଷ ତଥ୍ୟ ଜାଣିବା ପାଇଁ ଯାଞ୍ଚ ଏଜେନ୍ସିଗୁଡିକ ପ୍ରୟାସ ଜାରି ରଖିଛନ୍ତି। କାରଣ ଅଭିଯୁକ୍ତମାନେ ଭବିଷ୍ୟତରେ ଆହୁରି ବଡ଼ ଆକ୍ରମଣ କରିବାକୁ ଯୋଜନା କରିଥିଲେ ବୋଲି ଯାଞ୍ଚ ଏଜେନ୍ସିଗୁଡିକ ସନ୍ଦେହ କରୁଛନ୍ତି। ଦୁର୍ଦାନ୍ତ ଆତଙ୍କବାଦୀ ସଂଗଠନ ଆଇଏସଆଏସ୍ ସହିତ ସେମାନଙ୍କର ଥିବା ସନ୍ଦେହ କରାଯାଉଛି ।

ଲାଲ୍‌‌କିଲ୍ଲା ବୋମା ବିସ୍ଫୋରଣ ସହିତ ଜଡିତ ନିଖୋଜ କାର ଓ ଏହାର ଡ୍ରାଇଭରକୁ ଖୋଜା ଚାଲିଛି। ଗତ ସନ୍ଧ୍ୟାରେ ଗୋଟିଏ କାରକୁ ଜବତ କରିଛି ପୁଲସ। ଏହି ଗାଡ଼ିକୁ ପାର୍କ କରିଥିବା ସନ୍ଦିଗ୍ଧକୁ ମଧ୍ୟ ଗିରଫ କରାଯାଇଛି। ଦିଲ୍ଲୀ ପୁଲିସ ଏ ନେଇ ଆଲର୍ଟ ଜାରି କରିଥିଲା। ଏକ ଲାଲ ରଙ୍ଗର ଫର୍ଡ ଇକୋସ୍ପୋର୍ଟ୍ସ କାର ଫରିଦାବାଦ୍‌‌ରୁ ଡା ଉମରର କାର ସହିତ ବାହରିଥିଲା। ମାତ୍ର କିଛି ଘଣ୍ଟା ମଧ୍ୟରେ ଫରିଦାବାଦ୍‌‌ ପୁଲିସ ଖଣ୍ଡାବଲି ଗାଁରୁ ଏହି କାର୍‌‌କୁ ଖୋଜି ପାଇବାରେ ସକ୍ଷମ ହୋଇଛି। ଏହି କାରକୁ ସେଠାରେ ପାର୍କ କରିଥିବା ବ୍ୟକ୍ତି ଫହିମକୁ ଗିରଫ କରାଯାଇଛି। ଫହିମ ବିସ୍ଫୋରଣରେ ମୃତ୍ୟୁବରଣ କରିଥିବା ଉମରର ସମ୍ପର୍କୀୟ ହୋଇପାରେ ବୋଲି ପୁଲିସ ଆଶଙ୍କା କରୁଛି। ଦୁଇଟି କାର ସାଥି ହୋଇ ବାହାରିଥିଲେ। ଉମର କାର୍‌‌ରେ ବିସ୍ଫୋରଣ ହୋଇଥିଲେ ମଧ୍ୟ ଏହି କାର୍‌‌ର ଖୋଜ ଖବର ନଥିଲା। ଏହି କାରଣରୁ ଦିଲ୍ଲୀ ପୁଲିସ ଆଲର୍ଟ ଜାରି କରିଥିଲା।

ଇଣ୍ଟରପୋଲ୍‌ର ସହାୟତା ଲୋଡ଼ିଲା ପୁଲିସ

କାଶ୍ମୀର ଡାକ୍ତରଙ୍କ ବିରୋଧରେ ଜାରି ହେବ ରେଡ୍‌‌ କର୍ଣ୍ଣର ନୋଟିସ୍‌‌ 
କାନପୁର ମେଡିକାଲ ଛାତ୍ରଙ୍କୁ ଗିରଫ କଲା ୟୁପି ଏଟିଏସ୍‌‌

ଲାଲକିଲ୍ଲା ବିସ୍ଫୋରଣର ସଂଦିଗ୍ଧ ଅଭିଯୁକ୍ତ ଜଣେ କାଶ୍ମୀର ଡାକ୍ତର ବିରୋଧରେ ରେଡ କର୍ଣ୍ଣର ନୋଟିସ ଜାରି କରିବାକୁ ଜମ୍ମୁ-କଶ୍ମୀର ପୁଲିସ ଇଣ୍ଟରପୋଲ ସହିତ ଯୋଗାଯୋଗ କରିଛି। ଏହି ଡାକ୍ତର ହେଉଛନ୍ତି ଡା ମୁଜାଫର। ମୁଜାଫର ଜୈଶ-ଇ-ମହମ୍ମଦ ସହିତ ଜଡିତ ଏକ ବଡ଼ ଆତଙ୍କବାଦୀ ନେଟ୍‌‌ୱର୍କର ଅଂଶ ବୋଲି ଜଣା ପଡ଼ିଛି। ସେ ଦେଶ ବାହାରେ ଥିବାରୁ ରେଡ କର୍ଣ୍ଣର ନୋଟିସ ଦ୍ୱାରା ତାକୁ ଟ୍ରାକ କରାଯିବ। ମୁଜାଫର ହେଉଛି ଡା ଆଦିଲର ଭାଇ। ଆଦିଲ ଅନନ୍ତନାଗ ମେଡିକାଲ କଲେଜରେ କାର୍ଯ୍ୟରତ। ତେବେ ତା’ର ଲକରରୁ ଏକ ଏକେ-୪୭ ରାଇଫଲ ଜବତ ହେବା ପରେ ତାକୁ ଗିରଫ କରାଯାଇଥିଲା। ଗିରଫ୍‌‌ ହୋଇଥିବା ଅଭିଯୁକ୍ତଙ୍କୁ ପଚରାଉଚରା କରାଯିବା ପରେ ମୁଜାଫରର ନାମ ସାମ୍ନାକୁ ଆସିଥିଲା। ମୁଜାଫର ୨୦୨୧ରେ ଅଭିଯୁକ୍ତ ମୁଜାମିଲ ଗନାଇ ଓ ଉମର ନବୀ ସହ ତୁର୍କୀ ଯାଇଥିଲା। ଗତ ଅଗଷ୍ଟରେ ସେ ଦୁବାଇରୁ ଭାରତ ଆସିଥିଲା ଓ ଏବେ ସେ ଆଫଗାନିସ୍ତାନରେ ଅଛି ବୋଲି କୁହାଯାଉଛି। ଏହି ୩ ଜଣ ୨୧ ଦିନ ତୁର୍କୀରେ ଥିଲେ ବୋଲି ପୁଲିସ କହିଛି। କିନ୍ତୁ ତୁର୍କୀ କର୍ତ୍ତୁପକ୍ଷ ଏହାକୁ ଖଣ୍ଡନ କରିଛନ୍ତି। 

ଉତ୍ତର ପ୍ରଦେଶର ଆଣ୍ଟି ଟେରରିଷ୍ଟ ସ୍କାଡ୍‌‌ (ଏଟିଏସ୍‌‌) ଲାଲ୍‌‌କିଲ୍ଳା ବିସ୍ଫୋରଣ ମାମାଲାରେ କାନପୁରର ମେଡିକାଲ କଲେଜର କାର୍ଡିଲୋଜିଷ୍ଟ ଇନ୍‌‌ଷ୍ଟିଚ୍ୟୁଟର ଅଧ୍ୟୟନରତ ଜମ୍ମୁ-କଶ୍ମୀରର ଜଣେ ଛାତ୍ରଙ୍କୁ ଗିରଫ କରିଛି। ଏହି ଛାତ୍ର ହେଉଛନ୍ତି ଡା ମହମ୍ମଦ ଆରିଫ। ଗିରଫ ହୋଇଥିବା ମହିଳା ଡାକ୍ତର ଶାହିନ ସଇଦ୍‌‌ଙ୍କ ଫୋନ୍‌‌ ରେକର୍ଡ ଯାଞ୍ଚ୍‌‌ କରାଯିବା ବେଳେ ଆରିଫ୍‌‌ଙ୍କ ନାମ ସାମ୍ନାକୁ ଆସିଥିଲା। ଦୀର୍ଘଦିନ ଧରି ଦୁଇଜଣଙ୍କ ମଧ୍ୟ ସମ୍ପର୍କ ଥିଲା ବୋଲି ଏଟିଏସ୍‌‌ କହିଛି। ଆରିଫ୍‌‌ କାଶ୍ମୀରର ବାସିନ୍ଦା ଓ ସେ କାନପୁରର ଆଶୋକ ନଗର ଅଞ୍ଚଳ ଭଡ଼ାରେ ଏକ ଫ୍ଲାଟ୍‌‌ରେ ରହୁଥିଲା। ବୁଧବାର ରାତିରେ ଏଟିଏସ୍‌‌ ତା ଘରେ ଚଢ଼ାଉ କରି ଗିରଫ୍‌‌ କରିଥିଲା। ଜଣେ ପ୍ରତିଭାଶାଳୀ ଡାକ୍ତରରୁ ସେ ଏବେ ଆତଙ୍କବାଦୀରେ ପରିଣତ ହୋଇଛି। ପିଲାଟି ବେଳୁ ସେ ଡାକ୍ତର ହେବାକୁ ଚାହୁଁଥିଲା ବୋଲି ତାର ପରିବାର ଲୋକେ କହିଛନ୍ତି। ତେବେ ତାକୁ ପଚରାଉଚରା ପରେ  ଏହି ଆତଙ୍କବାଦୀ ନେଟୱର୍କ ସଂପର୍କରେ ଅନେକ ତଥ୍ୟ ମିଳିବ ବୋଲି କୁହାଯାଉଛି।

ନୂଆଦିଲ୍ଲୀ: ଦିଲ୍ଲୀରେ ଏନ୍‌କାଉଣ୍ଟର। ଏନ୍‌କାଉଣ୍ଟରରେ ବିହାରର ୪ ମୋଷ୍ଟ ୱାଣ୍ଟେଡ ଗ୍ୟାଙ୍ଗଷ୍ଟରକ ତଥା ସିଗମା ଗ୍ୟାଙ୍ଗର ୪ଜଣ ଅପରାଧୀ ନିହତ ହୋଇଛନ୍ତି।ଅଭିଯୁକ୍ତମାନେ ପୁଲିସ ଉପରକୁ ଫାୟାରିଂ ବେଳେ ଦିଲ୍ଲୀର ବାହାଦୁର ଶାହ ମାର୍ଗରେ ପୋଲିସ ପକ୍ଷରୁ ପାଲଟା ଜବାବ ଦିଆଯାଇଛି। ଫଳରେ ପୁଲିସ ଗୁଳିରେ ୪ ଜଣ ଅପରାଧୀଙ୍କ ମୃତ୍ୟୁ ଘଟିଛି।

ପୁଲିସ ସୂଚନା ଅନୁଯାୟୀ, ଦିଲ୍ଲୀ ପୁଲିସ କ୍ରାଇମବ୍ରାଞ୍ଚ ଏବଂ ବିହାର ପୁଲିସ ମିଳିତ ଭାବେ ଅପରେଶନକୁ ସଫଳ କରିଛନ୍ତି। 

ନୂଆଦିଲ୍ଲୀ: ୟୁନାଇଟେଡ ଆରବ ଏମିରେଟ୍ସ (ୟୁଏଇ) ଏବଂ ଚୀନ୍‌ ପରେ ଭାରତରେ ୨୦୨୮ ସୁଦ୍ଧା ଏୟାର ଟ୍ୟାକ୍ସି ଆରମ୍ଭ ହୋଇପାରେ। ଏହା ମାଧ୍ୟମରେ ଯେକୌଣସି ସ୍ଥାନରୁ ସିଧାସଳକ ଉଡ଼ାଣ କରି ହେବ। ଇଚ୍ଛା ମୁତାବକ ସ୍ଥାନରେ ମଧ୍ୟ ଅବତରଣର ସୁବିଧା ମିଳିବ। ଏଥିପାଇଁ ପଞ୍ଜାବର ମୋହାଲି ସ୍ଥିତ ଷ୍ଟାର୍ଟଅପ୍‌ ନଲୱା ଏରୋ ଏଭଳି ଏକ ସ୍ବଦେଶୀ ଏୟାର ଟ୍ୟାକ୍ସି ବିକଶିତ କରିଛି। ଏହାର ନାମ ଇଭିଟଲ ତଥା ଇଲେକ୍‌ଟ୍ରିକ ଭର୍ଟିକାଲ ଟେକ-ଅଫ୍‌ ଆଣ୍ଡ ଲ୍ୟାଣ୍ଡିଂ ରହିଛି। ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ ଏହାକୁ ଡିଜାଇନ ଅର୍ଗାନେଇଜେସନ ଆପ୍ରୁଭାଲ (ଡିଓଏ) ପ୍ରମାଣପତ୍ର ପ୍ରଦାନ କରିଛି। ନଲୱା ଏରୋର ସିଇଓ କୁଲଜିତ ସିଂହ ସାନ୍ଧୁ କହିଛନ୍ତି ଯେ କରୋନା ସମୟରେ ତାଙ୍କର ଜଣେ ବନ୍ଧୁ ଏମର୍ଜେନ୍ସି ମେଡିକାଲ ଇଭାକ୍ୟୁସନ (ଇଏମଇ) ଆବଶ୍ୟକ ଥିବା କହିଥିଲେ। ତାଙ୍କ ଘର ପାଖରେ କୌଣସି ଏୟାର ଆମ୍ବୁଲାନ୍ସ କିମ୍ବା ହେଲିପ୍ୟାଡ ନ ଥିଲା। ଏହା ହିଁ ତାଙ୍କୁ ଭର୍ଟିକାଲ ଉଡ଼ାଣ ଏବଂ ଅବତରଣ କରିପାରୁଥିବା ମେସିନ ପ୍ରସ୍ତୁତ କରିବାକୁ ଅନୁପ୍ରାଣୀତ କରିଥିଲା। ଏହାର ଡିଜାଇନ ପ୍ରକ୍ରିୟା ଶେଷ ହୋଇଯାଇଛି। ମାସେ ଭିତରେ ଏହାର ପ୍ରସ୍ତୁତ ହୋଇଯିବ। ମଧ୍ୟବିତ୍ତ ଏବଂ ନିମ୍ନ ମଧ୍ୟବିତ୍ତ ବର୍ଗଙ୍କୁ ଦୃଷ୍ଟିରେ ରଖି ଏହାକୁ ପ୍ରସ୍ତୁତ କରାଯାଉଛି। ପ୍ରଥମେ ଦିଲ୍ଲୀ-ଏନ୍‌ସିଆରରେ ଏହି ଏୟାର ଟ୍ୟାକ୍ସି ସେବା ଆରମ୍ଭ କରାଯିବ। 

ଆଇଜିଆଇ ବିମାନବନ୍ଦରରୁ ଆନନ୍ଦ ବିହାର, ନୋଏଡ଼ା, ଗାଜିଆବାଦ ଏବଂ ପାନିପତ ଭଳି ସ୍ଥାନକୁ ଯିବା ପାଇଁ ଘଣ୍ଟାଏରୁ ତିନି ଘଣ୍ଟା ଲାଗୁଛି। ଇଭିଟଲ୍‌ ଏୟାର ଟ୍ୟାକ୍ସି ଏହି ସ୍ଥାନକୁ ମାତ୍ର ୧୦ରୁ ୧୨ ମିନିଟ ମଧ୍ୟରେ ପହଞ୍ଚାଇ ଦେବ। ଆଇଜିଆଇ ବିମାନବନ୍ଦରରୁ ଆନନ୍ଦ ବିହାର ଯିବା ପାଇଁ ବ୍ୟକ୍ତି ପିଛା ମାତ୍ର ୫୦୦ ଟଙ୍କା ଭଡ଼ା ଲାଗିବ ବୋଲି ଅନୁମାନ କରାଯାଉଛି। ଦିଲ୍ଲୀ ପରେ ମୁମ୍ବଇ, କୋଲକାତା, ବେଙ୍ଗାଲୁରୁ ସହିତ ଅନ୍ୟ ମେଟ୍ରୋ ସହରରେ ଏହି ସେବା ଆରମ୍ଭ ହେବ। ସାନ୍ଧୁଙ୍କ ଅନୁଯାୟୀ, ଇଭିଟଲ୍‌ରେ ୮ଟି ରୋଷ୍ଟର ସିଷ୍ଟମ ରହିଛି। ତିନୋଟି ଅକାମୀ ହୋଇଗଲେ ବି ବିମାନ ଦୁର୍ଘଟଣାଗ୍ରସ୍ତ ହେବନାହିଁ। ଏହା ସୁରକ୍ଷିତ ଭାବେ ଅବତରଣ କରିବ। ଏହା ହେଲିକପ୍ଟରଠାରୁ ଅଧିକ ସୁରକ୍ଷିତ। ହେଲିକପ୍ଟର ତୁଳନାରେ ଇଭିଟଲ୍‌ ୧୦ ଗୁଣା ଶବ୍ଦ କମ୍‌ କରିବ। ଏହାର ପରିଚାଳନା ଖର୍ଚ୍ଚ ମଧ୍ୟ ୯୦ ପ୍ରତିଶତରୁ ଅଧିକ ଶସ୍ତା। ହେଲିକପ୍ଟରେ ଘଣ୍ଟାଏ ପାଇଁ ୫ ଲକ୍ଷ ଟଙ୍କା ଖର୍ଚ୍ଚ ହୋଇଥାଏ। କିନ୍ତୁ ଇଭିଟଲ୍‌ରେ ଏହାର ୧୦ ପ୍ରତିଶତରୁ ବି କମ୍‌ ଖର୍ଚ୍ଚ ହେବ। ଏହା ଥରେ ଚାର୍ଜ କଲେ ୯୦ ମିନିଟ୍‌ କିମ୍ବା ୩୦୦ କିମି ପର୍ଯ୍ୟନ୍ତ ଉଡ଼ାଣ କରିବାରେ ସକ୍ଷମ। ଏଥିରେ ଲିଥିୟମ ଆଇନ ବ୍ୟାଟେରୀ ବ୍ୟବହାର କରାଯାଉଛି। ସେହିପରି ହାଇଡ୍ରୋଜନ ଫୁଏଲରେ ପରିଚାଳତ ଏହାର ଅନ୍ୟ ମଡେଲଟି ୫୦ ମିନିଟରେ ଫୁଲ ଚାର୍ଜ ହେବ ଏବଂ ୮୦୦ କିମି ପର୍ଯ୍ୟନ୍ତ ଉଡ଼ିପାରିବ। କମ୍ପାନୀ ଏହାର ତିନୋଟି ମଡେଲ ପ୍ରସ୍ତୁତ କରିଛି। ୨ ଷ୍ଟ୍ରେଚର ବିଶିଷ୍ଟ ଆମ୍ବୁଲାନ୍ସ ଭର୍ସନ, ୫ରୁ ୭ ଆସନ ବିଶିଷ୍ଟ ଯାତ୍ରୀ ଏୟାର ଟ୍ୟାକ୍ସି ଏବଂ କାର୍ଗୋ ମଡେଲ ରହିଛି। ଏହା ଘଣ୍ଟା ପ୍ରତି ୩୫୦ରୁ ୪୦୦ କିମି ବେଗରେ ଗତି କରିପାରିବ। 

ନୂଆଦିଲ୍ଲୀ: ଗତକାଲି ଦିପାବଳୀ ପରେ ପରେ ପୂରା ଧୂଆଁମୟ ହୋଇଯାଇଛି ରାଜଧାନୀ ଦିଲ୍ଲୀର ଆକାଶ। ଦୀପାବଳିର ଗୋଟିଏ ଦିନ ପରେ ମଙ୍ଗଳବାର ଦିଲ୍ଲୀକୁ ବିଷାକ୍ତ କୁହୁଡ଼ି ଘୋଡ଼ାଇ ରଖିଥିବାର ଦେଖିବାକୁ ମିଳିଛି।   ନିର୍ଦ୍ଧାରିତ ସମୟ ସୀମାକୁ ଉଲ୍ଲଂଘନ କରି ଲଗାତର ଭାବେ ବାଣ ମାରି ଚାଲିଥିଲେ ଦିଲ୍ଲୀ ବାସିନ୍ଦା। ଯାହାଫଳରେ ରାତି ଅଧରେ ଆକାଶ ଦିଶୁଥିଲା ବେଶ୍‌ ଧୂଆଁଳିଆ। ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) 'ଗମ୍ଭୀର' ବର୍ଗକୁ ଖସିଯାଇଛି। 

ଖବର ଅନୁଯାୟୀ, ଉତ୍ସବ ପାଳନ ମଧ୍ୟରେ ପ୍ରଦୂଷଣ ସ୍ତର ଖରାପ ହେବା ସହିତ ସକାଳ ୭ଟାରେ ହାରାହାରି ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ୪୫୧ ରହିଥିଲା। ଯାହାକି ଜାତୀୟ ହାରାହାରିଠାରୁ ୧.୮ ଗୁଣ ଅଧିକ।

ଦୀପାବଳି ରାତିରେ ଏକ୍ୟୁଆଇ "ଅତ୍ୟନ୍ତ ଖରାପ" ବର୍ଗକୁ ଖସିଗଲା। ନୋଇଡା ଏବଂ ଗୁରୁଗ୍ରାମ ଭଳି ସାଟେଲାଇଟ୍ ସହରଗୁଡ଼ିକର ସ୍ଥିତି ମଧ୍ୟ ଭଲ ନଥିଲା, ମଙ୍ଗଳବାର ସକାଳେ ଏକ୍ୟୁଆଇ ଯଥାକ୍ରମେ ୪୦୭ ଏବଂ ୪୦୨ ଥିଲା। ଗତବର୍ଷ ଦୀପାବଳି ପରେ ଦିଲ୍ଲୀର ସାମଗ୍ରିକ ବାୟୁ ଗୁଣବତ୍ତା 'ଅତ୍ୟନ୍ତ ଖରାପ' ବର୍ଗରେ ରେକର୍ଡ କରାଯାଇଥିଲା। ଏକ୍ୟୁଆଇ ଥିଲା ୩୫୯।

ଉଳ୍ଲେଖଯୋଗ୍ୟ, ଚଳିତବର୍ଷ ସୁପ୍ରିମକୋର୍ଟ ୧୮ ରୁ ୨୦ ଅକ୍ଟୋବର ପର୍ୟ୍ୟନ୍ତ ଦିଲ୍ଲୀ-ଏନସିଆର ଅଞ୍ଚଳରେ ସବୁଜ ବାଣକୁ ଅନୁମତି ଦେଇଥିଲେ, କେବଳ ଦୁଇଟି ସମୟ ସ୍ଲଟ୍ ମଧ୍ୟରେ, ସକାଳ ୬ ରୁ ୭ ଏବଂ ସନ୍ଧ୍ୟା ୮ ରୁ ରାତି ୧୦ ପର୍ଯ୍ୟନ୍ତ। ତଥାପି, କେହି ନିୟମ ପାଳନ କରି ନ ଥିଲେ।  

ନୂଆଦିଲ୍ଲୀ: ଭାରତରେ ପହଞ୍ଚିଲା ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ତହବୁର ରାଣା । କଡ଼ା ସୁରକ୍ଷା ବଳୟରେ ଭାରତରୁ ଆମେରିକାକୁ ଅଣାଯାଇଛି । ରାଣାଙ୍କୁ ଆଣିଥିବା ସ୍ୱତନ୍ତ୍ର ବିମାନଟି ଦିଲ୍ଲୀର ପାଲମ ବିମାନବନ୍ଦରରେ ଅବତରଣ କରିଛି । ଏହି ହାଇପ୍ରୋଫାଇଲ୍ ଆତଙ୍କବାଦୀଙ୍କୁ ଦୃଷ୍ଟିରେ ରଖି, ବିମାନବନ୍ଦରରେ ସୁରକ୍ଷା ବ୍ୟବସ୍ଥା ଆହୁରି ବଢାଇ ଦିଆଯାଇଛି । ଲ୍ଲୀର ପାଲମ ବିମାନବନ୍ଦରରେ ପହଞ୍ଚିବାପରେ ତାକୁ ସିଧାସଳଖ ଜାତୀୟ ତଦନ୍ତକାରୀ ସଂସ୍ଥା(ଏନଆଇଏ) ମୁଖ୍ୟାଳୟକୁ ନିଆଯାଇଛି। ସେଠାରେ ତଦନ୍ତକାରୀ ସଂସ୍ଥାର ଟିମ୍‌ ତାକୁ ପଚରାଉଚରା କରିବେ। ଏହାପରେ ତହବୁର ରାଣାକୁ ତିହାର ଜେଲ୍‌ରେ ରଖାଯିବ, ଯେଉଁଠାରେ ତା’ର ସୁରକ୍ଷାକୁ ନେଇ ସ୍ଵତନ୍ତ୍ର ବ୍ୟବସ୍ଥା କରାଯାଇଛି।

ଖବର ଅନୁଯାୟୀ, ତହବୁର ରାଣାର ଭାରତ ପ୍ରତ୍ୟାର୍ପଣ ଉପରେ ରୋକ ଲଗାଇବାକୁ ଆମେରିକା ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା ତହବୁର। ହେଲେ ଆମେରିକା ସୁପ୍ରିମକୋର୍ଟ ଆବେଦନକୁ ଖାରଜ କରିବା ପରେ ପ୍ରତ୍ୟାର୍ପଣର ବାଟ ଫିଟିଥିଲା । ଆଉ ତାକୁ ସ୍ୱତନ୍ତ୍ର ବିମାନ ଜରିଆରେ ଭାରତ ଆଣିବାର ବ୍ୟବସ୍ଥା କରାଯାଇଥିଲା ।

ନୂଆଦିଲ୍ଲୀ: ବିଜେପି ନେତ୍ରୀ ରେଖା ଗୁପ୍ତା ହେବେ ଦିଲ୍ଲୀର ନୂଆ ମୁଖ୍ୟମନ୍ତ୍ରୀ। ଦିଲ୍ଲୀ ବିଧାନସଭା ନିର୍ବାଚନରେ ବିଜେପିର ଉଲ୍ଲେଖନୀୟ ସଫଳତା ପରେ ମୁଖ୍ୟମନ୍ତ୍ରୀ ପଦ ଲାଗି ଅନେକ ନେତା ଆଶାୟୀ ଥିଲେ। ବିଭିନ୍ନ ନାମକୁ ନେଇ ମଧ୍ୟ ଚର୍ଚ୍ଚା ଚାଲିଥିଲା। ଶେଷରେ ସବୁ କଳ୍ପନାଜଳ୍ପନାର ଅବସାନ ଘଟାଇ ହାଇକମାଣ୍ଡ ରେଖା ଗୁପ୍ତାଙ୍କ ନାମ ଉପରେ ମୋହର ଲଗାଇଛନ୍ତି। ୪୧ ବର୍ଷୀୟା ରେଖା ହେବେ ଦିଲ୍ଲୀର ଚତୁର୍ଥ ମହିଳା ମୁଖ୍ୟମନ୍ତ୍ରୀ। ତାଙ୍କ ପୂର୍ବରୁ ସୁଷମା ସ୍ବରାଜ, ଶୀଲା ଦୀକ୍ଷିତ ଏବଂ ଆତିଶୀ ମୁଖ୍ୟମନ୍ତ୍ରୀ ହୋଇଥିଲେ। ପ୍ରଥମ ଥର ଲାଗି ବିଧାନସଭାକୁ ନିର୍ବାଚତ ହୋଇଥିବା ରେଖା ଆଜି ଏକ ବର୍ଣ୍ଣାଢ଼୍ୟ ସମାରୋହରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଐତିହାସିକ ରାମଲିଲା ମୈଦାନରେ ହୋବକୁ ଥିବା ଏହି ଶପଥପାଠ ଉତ୍ସବରେ ୫୦ ହଜାର ଲୋକ ଯୋଦେବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅମିତ ଶାହଙ୍କ ସମେତ ଅନେକ କେନ୍ଦ୍ର ମନ୍ତ୍ରୀ ଓ ବରିଷ୍ଠ ଦଳୀୟ ନେତା ମଧ୍ୟ ଉପସ୍ଥିତ ରହିବେ। ପରବେଶ ବର୍ମା ଉପମୁଖ୍ୟମନ୍ତ୍ରୀ ହୋଇପାରନ୍ତି ବୋଲି କୁହାଯାଉଛି।

ଗତ ୫ ତାରିଖରେ ଅନୁଷ୍ଠିତ ୭୦ ସଭ୍ୟ ବିଶିଷ୍ଟ ଦିଲ୍ଲୀ ବିଧାନସଭା ନିର୍ବାଚନରେ ବିଜେପିକୁ ୪୮ଟି ଆସନ ମିଳିଥିବା ବେଳେ ଆପ୍‌କୁ ମିଳିଥିଲା ୨୨ଟି ଆସନ। ଦୀର୍ଘ ୨୬ ବର୍ଷ ପରେ ବିଜେପି କ୍ଷମତାକୁ ଫେରିଛି। ଏହାସହିତ ୧୦ ବର୍ଷ ଧରି ଦିଲ୍ଲୀରେ ଚାଲିଥିବା କେଜ୍ରିୱାଲ ଶାସନର ଅବସାନ ଘଟିଥିଲା।

ନୂଆଦିଲ୍ଲୀ: ଫେବ୍ରୁଆରୀ ୫ରେ ପଡ଼ିବ ଦିଲ୍ଲୀ ବିଧାନସଭା ନିର୍ବାଚନ ପାଇଁ ଭୋଟ। ଏ ନେଇ ଆଜି ତାରିଖ ଘୋଷଣା ହୋଇଛି। ପ୍ରେସ୍‌ କନଫରେନ୍ସ କରି ତାରିଖ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନର ରାଜୀବ କୁମାର। ଭୋଟ ଗଣନା ଫେବ୍ରୁଆରୀ ୮ରେ ଅନୁଷ୍ଠିତ ହେବ। ଏ ନେଇ ଜାନୁଆରୀ ୧୦ରେ ପ୍ରକାଶ ପାଇବ ବିଧିବଦ୍ଧ ବିଜ୍ଞପ୍ତି। ଗୋଟିଏ ପର୍ଯ୍ୟାୟରେ ଦିଲ୍ଲୀର ସମସ୍ତ ୭୦ ବିଧାନସଭା ଆସନା ପାଇଁ ମତଦାନ ଅନୁଷ୍ଠିତ ହେବ।

ନିର୍ବାଚନ ଆୟୋଗଙ୍କ କହିବା ଅନୁଯାୟୀ, ଏଥର ଦିଲ୍ଲୀ ନିର୍ବାଚନରେ ମୋଟ ୧.୫୫ କୋଟିରୁ ଅଧିକ ଭୋଟର ଭୋଟ ଦେବେ। ସେଥିମଧ୍ୟରୁ ପୁରୁଷ ଭୋଟରଙ୍କ ସଂଖ୍ୟା ୮୩,୪୯,୬୪୫ ଥିବାବେଳେ ମହିଳା ଭୋଟରଙ୍କ ସଂଖ୍ୟା ୭୧,୭୩,୯୫୨ ରହିଛି। ସେହିପରି ତୃତୀୟ ଲିଙ୍ଗର ସଂଖ୍ୟା ୧,୨୬୧ ରହିଛି। ସେହିପରି ଯୁବ ଭୋଟରଙ୍କ ସଂଖ୍ଯା ୨୫ ଲକ୍ଷ ୮୯ ହଜାର । ପ୍ରଥମ ଥର ଭୋଟ ଦେବେ ୨ ଲକ୍ଷ ୮ ହଜାର ଭୋଟର।

ଦିଲ୍ଲୀର ୭୦ ବିଧାନସଭା ଆସନା ପାଇଁ ଆସନ୍ତା ଫେବ୍ରୁଆରୀ ମାସରେ ନିର୍ବାଚନ ଅନୁଷ୍ଠିତ ହୋଇପାରେ। ଏଥର ମଧ୍ୟ ଆମ୍ ଆଦମୀ ପାର୍ଟି, ବିଜେପି ଏବଂ କଂଗ୍ରେସ ମଧ୍ୟରେ ଦିଲ୍ଲୀରେ ଏକ ତ୍ରିକୋଣୀୟ ଲଢ଼େଇ ଦେଖିବାକୁ ମିଳିବ। ସମସ୍ତ ୭୦ଟି ଯାକ ଆସନ ପାଇଁ ଆପ୍‌ ଆଗୁଆ ପ୍ରାର୍ଥୀ ଘୋଷଣା କରିସାରିଛି। ସେହିପରି ବିଜେପି ଓ କଂଗ୍ରେସ ମଧ୍ୟ କିଛି କିଛି ଆସନ ପାଇଁ ପ୍ରାର୍ଥ ଘୋଷଣା କରିସାରିଛନ୍ତି। ଫେବ୍ରୁଆରୀ ୨୩ରେ ସରୁଛି ଦିଲ୍ଲୀ ବିଧାନସଭା କାର୍ଯ୍ୟକାଳ ।

ନୂଆଦିଲ୍ଲୀ: ସତୈନ୍ଦ୍ର ଜୈନଙ୍କୁ ବଡ଼ ଆଶ୍ୱସ୍ତି । ଦୀର୍ଘ ୧୮ ମାସ ପରେ ଦିଲ୍ଲୀର ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ତଥା ଆମ୍‌ ଆଦ୍‌ମୀ ପାର୍ଟିର ବରିଷ୍ଠ ନେତା ସତୈନ୍ଦ୍ର ଜୈନଙ୍କୁ ମିଳିଲା ଜାମିନ୍‌ । ଦିଲ୍ଲୀର ରାଉଜ ଆଭିନ୍ୟୁ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି। ମନି ଲଣ୍ଡରିଂ ମାମଲାରେ ମାମଲାରେ ତାଙ୍କୁ ଗିରଫ କରି ଜେଲ ପଠାଇଥିଲା ଇଡି । ଆଜି କୋର୍ଟ ତାଙ୍କ ଜାମିନ ଆବେଦନକୁ ମଞ୍ଜୁର କରିଛନ୍ତି ।

କୋର୍ଟ ସର୍ତ୍ତ ରଖି କହିଛନ୍ତି କି, ସେ ସାକ୍ଷୀଙ୍କ ସହ ଯୋଗାଯୋଗ କରିବେ ନାହିଁ । ମକଦ୍ଦମାକୁ ପ୍ରଭାବିତ କରିବେ ନାହିଁ ଏବଂ ଭାରତ ବାହାରକୁ ଯାତ୍ରା କରିବେ ନାହିଁ । କୋର୍ଟ ସତୈନ୍ଦ୍ର ଜୈନଙ୍କୁ ୩ଟି ସର୍ତ୍ତରେ ଜାମିନ ଦେଇଛନ୍ତି ।

ରାଉସ୍‌ ଆଭେନ୍ୟୁ କୋର୍ଟ କହିଛନ୍ତି ଯେ ସତୈନ୍ଦ୍ର ଜୈନ ଦୀର୍ଘ ଦିନ ଧରି କାରାଦଣ୍ଡ ଭୋଗିଛନ୍ତି । ବର୍ତ୍ତମାନ ଶୁଣାଣି ଶେଷ ହେବାର କୌଣସି ସମ୍ଭାବନା ନାହିଁ । ୫୦ ହଜାର ଟଙ୍କା ବ୍ୟକ୍ତିଗତ ବଣ୍ଡରେ ତାଙ୍କୁ ଜାମିନ ଦିଆଯାଇଛି । ତେବେ କୋର୍ଟ ନିଜର ନିଷ୍ପତ୍ତି ଶୁଣାଇବା ସମୟରେ ତାଙ୍କ ପତ୍ନୀ ଭାବପ୍ରବଣ ହୋଇ କାନ୍ଦି ପକାଇଥିଲେ ।