ପଞ୍ଜାବୀ ସଙ୍ଗୀତ ଜଗତର ଲୋକପ୍ରିୟ ଗାୟକ ଜସ୍ ମାନକ (Jass Manak) ନିଜ ପ୍ରଶଂସକମାନଙ୍କୁ ଏକ ବଡ଼ ଖୁସି ଖବର ଦେଇଛନ୍ତି। ଦୀର୍ଘ ଦିନ ଧରି ପ୍ରେମ ସମ୍ପର୍କରେ ରହିବା ପରେ ସେ ନିଜ ପ୍ରେମିକା କୋମଲ ତନୱର (Komal Tanwar)ଙ୍କ ସହ ନିର୍ବନ୍ଧ (Engagement) କରିଛନ୍ତି। ସୋସିଆଲ୍ ମିଡିଆରେ ନିଜ ନିର୍ବନ୍ଧର କିଛି ସୁନ୍ଦର ତଥା ରୋମାଣ୍ଟିକ୍ ଫଟୋ ସେୟାର କରି ଜସ୍ ଏହି ଖୁସି ଖବର ପ୍ରଶଂସକଙ୍କୁ ଜଣାଇଛନ୍ତି।

ସୋସିଆଲ୍ ମିଡିଆରେ ଫଟୋ ଭାଇରାଲ୍

ମିଳିଥିବା ସୂଚନା ଅନୁଯାୟୀ, ଏହି ନିର୍ବନ୍ଧ ଉତ୍ସବରେ କେବଳ ପରିବାର ସଦସ୍ୟ ଏବଂ ଖୁବ୍ ନିକଟତର ବନ୍ଧୁମାନେ ସାମିଲ ହୋଇଥିଲେ। ଏହି ଖାସ୍ ସମାରୋହରେ ଉଭୟ ଏକାଠି ହୋଇ ପରସ୍ପରକୁ ମୁଦି ପିନ୍ଧାଇଥିଲେ। ସେୟାର ହୋଇଥିବା ଫଟୋଗୁଡ଼ିକରେ ଜସ୍ ଏବଂ କୋମଲଙ୍କ ଦୁଇଟି ଭିନ୍ନ ଭିନ୍ନ ଲୁକ୍ ଦେଖିବାକୁ ମିଳିଛି। ପାରମ୍ପରିକ ପୋଷାକ ଏବଂ ସୁନା ଅଳଙ୍କାରରେ ସଜ୍ଜିତ କୋମଲ ବେଶ୍ ସୁନ୍ଦର ଲାଗୁଥିବା ବେଳେ ଜସ୍ ମଧ୍ୟ ବହୁତ ଆକର୍ଷଣୀୟ ଦେଖାଯାଉଛନ୍ତି। ଗୋଟିଏ ଫଟୋରେ ଜସ୍ ନିଜ ଭାବୀ ପତ୍ନୀଙ୍କୁ ପାଉଁଜି ପିନ୍ଧାଉଥିବାର ଦୃଶ୍ୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।

ପ୍ରଶଂସକ ଓ ସେଲିବ୍ରିଟିଙ୍କ ଶୁଭେଚ୍ଛା

ସୋସିଆଲ୍ ମିଡିଆରେ ଏହି ଫଟୋଗୁଡ଼ିକ ପୋଷ୍ଟ ହେବା ମାତ୍ରେ ତାହା ଖୁବ୍ କମ୍ ସମୟ ମଧ୍ୟରେ ଭାଇରାଲ୍ ହୋଇଯାଇଛି। ଫିଲ୍ମ ଓ ସଙ୍ଗୀତ ଜଗତର ଅନେକ ସେଲିବ୍ରିଟି ଏବଂ ଲକ୍ଷ ଲକ୍ଷ ପ୍ରଶଂସକ କମେଣ୍ଟ ବକ୍ସରେ ନୂଆ ଯୋଡ଼ିଙ୍କୁ ଅଭିନନ୍ଦନ ଓ ଶୁଭକାମନା ଜଣାଉଛନ୍ତି। ହିଟ୍ ଗୀତ ଗାଇ ଦର୍ଶକଙ୍କ ହୃଦୟରେ ରାଜ୍ କରୁଥିବା ଜସ୍ ମାନକ ଏବେ ନିଜ ଜୀବନର ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଥିବାରୁ, ଏବେ ତାଙ୍କର ବିବାହକୁ ଉତ୍ସାହର ସହ ଅପେକ୍ଷା କରିଛନ୍ତି ପ୍ରଶଂସକ।

 

 

 

 

 

View this post on Instagram

 

 

 

 

 

 

 

 

 

 

 

A post shared by 𝐊𝐨𝐦𝐚𝐥𝐥 𝐓 ❀ (@whattanwardoes)

ପଞ୍ଜାବୀ ମ୍ୟୁଜିକ୍ ଇଣ୍ଡଷ୍ଟ୍ରିରୁ ଏକ ଦୁଃଖଦ ଖବର ସାମ୍ନାକୁ ଆସିଛି। ପ୍ରସିଦ୍ଧ ପଞ୍ଜାବୀ ଗାୟିକା ତଥା ମେକଅପ୍ ଆର୍ଟିଷ୍ଟ ଇନ୍ଦର କୌର (ଯାହାଙ୍କୁ ଯଶବିନ୍ଦର କୌର ବୋଲି ମଧ୍ୟ କୁହାଯାଏ)ଙ୍କର ମୃତଦେହ ମଙ୍ଗଳବାର ଏକ କେନାଲରୁ ଉଦ୍ଧାର କରାଯାଇଛି। ଗତ ୬ ଦିନ ହେବ ୨୯ ବର୍ଷୀୟା ଏହି ଗାୟିକା ନିଖୋଜ ଥିଲେ ଏବଂ ତାଙ୍କୁ ବନ୍ଧୁକ ମୁନରେ ଅପହରଣ କରାଯାଇଥିବା ନେଇ ପରିବାର ଲୋକେ ପୂର୍ବରୁ ଅଭିଯୋଗ କରିଥିଲେ। ମଙ୍ଗଳବାର ସକାଳେ ଲୁଧିଆନା ନିକଟସ୍ଥ ନୀଲୋ କେନାଲରୁ ତାଙ୍କ ମୃତଦେହ ଉଦ୍ଧାର ହେବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି।

ବିବାହ ପ୍ରସ୍ତାବ ପ୍ରତ୍ୟାଖ୍ୟାନରୁ ହତ୍ୟା!

ପରିବାର ଲୋକଙ୍କ ଅଭିଯୋଗ ଅନୁଯାୟୀ, ଗତ ମେ ୧୩ ତାରିଖ ସନ୍ଧ୍ୟା ପ୍ରାୟ ୬:୩୦ ସମୟରେ ଇନ୍ଦର ନିଜର ଧଳା ରଙ୍ଗର ଫୋର୍ଡ ଫିଗୋ କାରରେ କିଛି ଘରୋଇ ସାମଗ୍ରୀ ଆଣିବାକୁ ବାହାରିଥିଲେ। କିନ୍ତୁ ସେ ଆଉ ଘରକୁ ଫେରିନଥିଲେ। ତାଙ୍କ ଭାଇ ଜୋତିନ୍ଦର ସିଂହଙ୍କ କହିବା ଅନୁସାରେ, କାନାଡାରେ ରହୁଥିବା ମୋଗା ଅଞ୍ଚଳର ସୁଖବିନ୍ଦର ସିଂହ ଓରଫ ସୁଖା ନାମକ ଜଣେ ଯୁବକ ତାଙ୍କ ଭଉଣୀଙ୍କୁ ବିବାହ କରିବାକୁ ବାଧ୍ୟ କରୁଥିଲା। ସୁଖବିନ୍ଦର ପୂର୍ବରୁ ବିବାହିତ ଏବଂ ତାଙ୍କର ପିଲାମାନେ ଥିବା କଥା ଜାଣିବା ପରେ ଇନ୍ଦର ତାଙ୍କୁ ବିବାହ କରିବାକୁ ମନା କରିଦେଇଥିଲେ। ଏହି କାରଣରୁ ଉତକ୍ଷିପ୍ତ ହୋଇ ସୁଖବିନ୍ଦର ତାଙ୍କୁ ଅପହରଣ କରିବା ସହ ହତ୍ୟା କରିଥିବା ପରିବାର ଅଭିଯୋଗ କରିଛନ୍ତି।

କାନାଡାରୁ ଆସିଥିଲା ଅଭିଯୁକ୍ତ

ଅଭିଯୋଗ ଅନୁଯାୟୀ, ମୁଖ୍ୟ ଅଭିଯୁକ୍ତ ସୁଖବିନ୍ଦର କେବଳ ଏହି ହତ୍ୟାକାଣ୍ଡ ଘଟାଇବା ପାଇଁ ନେପାଳ ଦେଇ କାନାଡାରୁ ପଞ୍ଜାବ ଆସିଥିଲା। ଘଟଣା ଦିନ ନିଜ ବାପା ପ୍ରୀତମ ସିଂହ, ସାଙ୍ଗ କରମଜିତ୍ ସିଂହ ଏବଂ ଅନ୍ୟ କିଛି ଅଜ୍ଞାତ ବ୍ୟକ୍ତିଙ୍କ ସହ ମିଶି ସେ ଇନ୍ଦରଙ୍କୁ ବନ୍ଧୁକ ମୁନରେ ଅପହରଣ କରିଥିଲା। ପୋଲିସର ପ୍ରାଥମିକ ତଦନ୍ତ ମୁତାବକ, ହତ୍ୟାକାଣ୍ଡ ଘଟାଇବା ପରେ ସୁଖବିନ୍ଦର ପୁଣିଥରେ କାନାଡା ଫେରିଯାଇଛି।

ପୋଲିସର କାର୍ଯ୍ୟାନୁଷ୍ଠାନ

ଏହି ମାମଲାରେ ପୋଲିସ ପୂର୍ବରୁ ଏକ ଅପହରଣ ମାମଲା ରୁଜୁ କରିଥିଲା। ବର୍ତ୍ତମାନ ମୃତଦେହ ମିଳିବା ପରେ ଶବକୁ ବ୍ୟବଚ୍ଛେଦ ପାଇଁ ସମରାଲା ସିଭିଲ୍ ହସ୍ପିଟାଲକୁ ପଠାଯାଇଛି। କେନାଲ ନିକଟରୁ ରକ୍ତଭିଜା ଅବସ୍ଥାରେ ଗାୟିକାଙ୍କ କାର୍ ମଧ୍ୟ ଜବତ ହୋଇଛି। ପୋଲିସ ଏବେ ଅଭିଯୁକ୍ତର ବାପା ଏବଂ ସାଙ୍ଗଙ୍କୁ ଗିରଫ କରିଥିବା ବେଳେ ଫେରାର୍ ଥିବା ମୁଖ୍ୟ ଅଭିଯୁକ୍ତ ସୁଖବିନ୍ଦରକୁ ଧରିବା ପାଇଁ ତଦନ୍ତ ପ୍ରକ୍ରିୟାକୁ ଜୋରଦାର କରିଛି।