ବଲିଉଡ ଇଣ୍ଡଷ୍ଟ୍ରିରେ ଦୀର୍ଘ ଦିନ ଧରି ଚାଲିଆସୁଥିବା ବୟସଗତ ଭେଦଭାବକୁ ନେଇ କ୍ଷୋଭ ପ୍ରକାଶ କରିଛନ୍ତି ଅଭିନେତ୍ରୀ ଈଶା କୋପିକର। ଫିଲ୍ମଗୁଡ଼ିକରେ ପୁରୁଷ ଏବଂ ମହିଳା କଳାକାରଙ୍କ ପାଇଁ ଥିବା ଭିନ୍ନ ଭିନ୍ନ ମାନଦଣ୍ଡ ଉପରେ ସେ ପ୍ରଶ୍ନ ଉଠାଇଛନ୍ତି। ବିଶେଷକରି, ଅଧିକ ବୟସର ଅଭିନେତାମାନେ ନିଜଠାରୁ ଅଧା ବୟସର ଅଭିନେତ୍ରୀଙ୍କ ସହ ରୋମାନ୍ସ କରିବାକୁ କିପରି ସ୍ୱାଭାବିକ ବୋଲି ଧରିନିଆଯାଏ, ସେ ନେଇ ଈଶା କଡ଼ା ସମାଲୋଚନା କରିଛନ୍ତି।

ସୋସିଆଲ ମିଡିଆରେ ସେୟାର କଲେ ଭିଡିଓ

ନିଜର ଇନଷ୍ଟାଗ୍ରାମ୍ ଆକାଉଣ୍ଟରେ ଏକ ଭିଡିଓ ବାର୍ତ୍ତା ଜାରି କରି ଈଶା କୋପିକର କହିଛନ୍ତି ଯେ, "ଏହା ବହୁତ ଆଶ୍ଚର୍ଯ୍ୟଜନକ କଥା ନୁହେଁ କି? ଜଣେ ପୁରୁଷର ବୟସ ବଢ଼ିଲେ ତାହାକୁ ଅଭିଜ୍ଞତା ବୋଲି କୁହାଯାଏ, କିନ୍ତୁ ଜଣେ ମହିଳାର ବୟସ ବଢ଼ିଲେ ତାହାକୁ ଏକ ସମସ୍ୟା ଭାବେ ଦେଖାଯାଏ। ଫିଲ୍ମଗୁଡ଼ିକରେ ଆମେ ଦେଖୁ ଯେ, ହିରୋମାନେ ନିଜଠାରୁ ଅଧା ବୟସର ଝିଅମାନଙ୍କ ସହ ରୋମାନ୍ସ କରୁଛନ୍ତି ଏବଂ ଏହାକୁ ବହୁତ ସାଧାରଣ ବା ନର୍ମାଲ୍ ବୋଲି ଗ୍ରହଣ କରାଯାଉଛି।" ସେ ଆହୁରି ମଧ୍ୟ କହିଛନ୍ତି ଯେ ଫିଲ୍ମ ଇଣ୍ଡଷ୍ଟ୍ରିରେ ମହିଳାମାନଙ୍କୁ ସେମାନଙ୍କ ବୟସ ଏବଂ ରୂପକୁ ନେଇ ବାରମ୍ବାର ବିଚାର କରାଯାଇଥାଏ।

ବୟସ ବଢ଼ିବା କୌଣସି ଅପମାନ ନୁହେଁ

ମହିଳାମାନଙ୍କ ସମର୍ଥନରେ ଦୃଢ଼ ଯୁକ୍ତି ବାଢ଼ି ଈଶା କହିଛନ୍ତି ଯେ, ଯଦି ଜଣେ ମହିଳା ଷ୍ଟାଇଲିସ୍ ହୋଇଥାଏ ଏବଂ ନିଜର ବ୍ୟକ୍ତିତ୍ୱକୁ ଉଜାଗର କରେ, ତେବେ ତାଙ୍କୁ 'ନିଜ ବୟସ ହିସାବରେ ଆଚରଣ କରିବାକୁ' ଉପଦେଶ ଦିଆଯାଏ। "କିନ୍ତୁ ସତ କଥା ହେଉଛି, ସମୟ ସହିତ ମହିଳାମାନେ ଆହୁରି ଗଭୀର ହୁଅନ୍ତି। ସେମାନଙ୍କର ଆତ୍ମବିଶ୍ୱାସ ଆହୁରି ମଜବୁତ ହୁଏ। ସେମାନଙ୍କର ସୌନ୍ଦର୍ଯ୍ୟ କେବଳ ଚେହେରାରେ ନଥାଏ, ବରଂ ସେମାନଙ୍କ ଜୀବନ ଯାତ୍ରାରେ ପ୍ରତିଫଳିତ ହୁଏ। ମୁହଁର କୁଞ୍ଚନ କେବଳ ବୟସ ଦର୍ଶାଏ ନାହିଁ, ବରଂ ସେମାନଙ୍କର ସଂଘର୍ଷକୁ ମଧ୍ୟ ପ୍ରମାଣିତ କରେ" ବୋଲି ସେ କହିଛନ୍ତି।

ଶେଷରେ, ଦର୍ଶକ ଏବଂ ସମାଜକୁ ବାର୍ତ୍ତା ଦେଇ ଈଶା କୋପିକର ଅନୁରୋଧ କରିଛନ୍ତି ଯେ ବୟସ ବଢ଼ିବା ପ୍ରକ୍ରିୟାକୁ ଏକ ଅପମାନ ଭାବେ ନ ଦେଖି ପ୍ରତ୍ୟେକ ବୟସରେ ମହିଳାମାନଙ୍କୁ ସମ୍ମାନ ଦିଆଯିବା ଉଚିତ୍। ଜଣେ ମହିଳାର ରୂପ ଓ ଚର୍ମକୁ ନୁହେଁ ବରଂ ତାର ଆଭ୍ୟନ୍ତରୀଣ ଶକ୍ତିକୁ ଦେଖିବା ଦରକାର ବୋଲି ସେ ମତବ୍ୟକ୍ତ କରିଛନ୍ତି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Isha Koppikar (@isha_konnects)

ମଲାଇକା ଅରୋରା (Malaika Arora) ପୁଣି ଥରେ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି। ନିକଟରେ ୫୨ ବର୍ଷୀୟା ଏହି ବଲିଉଡ୍ ଅଭିନେତ୍ରୀ ନିଜ ରୁମର୍ଡ ବୟଫ୍ରେଣ୍ଡ (Rumoured Boyfriend) ତଥା ବ୍ୟବସାୟୀ ହର୍ଷ ମେହେଟ୍ଟା (Harsh Mehta) ଏବଂ ପୁଅ ଅରହାନ ଖାନ (Arhaan Khan) ଙ୍କ ସହ ନଜର ଆସିଛନ୍ତି। ନିଜଠାରୁ ୧୯ ବର୍ଷ ସାନ ହର୍ଷଙ୍କ ସହ ସମ୍ପର୍କକୁ ନେଇ ସୋସିଆଲ ମିଡିଆରେ ତାଙ୍କୁ ଟ୍ରୋଲର ଶିକାର ହେବାକୁ ପଡ଼ୁଥିଲେ ମଧ୍ୟ ମଲାଇକା ଏହାକୁ ନେଇ କୌଣସି ପ୍ରତିକ୍ରିୟା ରଖିନାହାଁନ୍ତି।

ହର୍ଷ ମେହେଟ୍ଟାଙ୍କ ସହ ନଜର ଆସିଲେ ମଲାଇକା

ରବିବାର ସନ୍ଧ୍ୟାରେ ମଲାଇକାଙ୍କୁ ତାଙ୍କ ମାଆ ଜଏସ୍ ପଲିକାର୍ପଙ୍କ ମୁମ୍ବାଇ ସ୍ଥିତ ବାସଭବନ ବାହାରେ ଦେଖିବାକୁ ମିଳିଥିଲା। ଏହି ସମୟରେ ଏକ କାରରେ ମଲାଇକାଙ୍କ ସହ ହର୍ଷ ମେହେଟ୍ଟା, ପୁଅ ଅରହାନ ଏବଂ ତାଙ୍କ ପୋଷା କୁକୁର କ୍ୟାସପର୍ ମଧ୍ୟ ଥିଲେ। ପାପାରାଜିମାନଙ୍କୁ (Paparazzi) ଦେଖିବା ମାତ୍ରେ ହର୍ଷ ନିଜ ହାତରେ ମୁହଁ ଲୁଚାଉଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଘଟଣା ପରେ ଉଭୟଙ୍କ ଡେଟିଂ ଗୁଜବ ଆହୁରି ଜୋର ଧରିଛି।

କିଏ ଏହି ହର୍ଷ ମେହେଟ୍ଟା?

ସୂଚନା ଅନୁଯାୟୀ, ୩୩ ବର୍ଷୀୟ ହର୍ଷ ମେହେଟ୍ଟା ଜଣେ ହୀରା ବ୍ୟବସାୟୀ (Diamond Merchant) ଏବଂ ସେ ସାଙ୍କସ୍ ମ୍ୟାନେଜମେଣ୍ଟର (Sancus Management) ପରିଚାଳନା ନିର୍ଦ୍ଦେଶକ ଭାବରେ ମଧ୍ୟ କାର୍ଯ୍ୟ କରୁଛନ୍ତି। ୨୦୨୫ ମସିହା ଅକ୍ଟୋବରରେ ଏନରିକ୍ ଇଗ୍ଲେସିଆସ୍‌ଙ୍କ ଏକ କନ୍ସର୍ଟରେ (Enrique Iglesias concert) ଉଭୟଙ୍କୁ ପ୍ରଥମେ ଏକାଠି ଦେଖିବାକୁ ମିଳିଥିଲା। ଏହା ପରେ ଇଟାଲୀରେ (Italy) ଭାଲେଣ୍ଟାଇନ୍ସ ସପ୍ତାହ ଏକାଠି ପାଳନ କରିବା ଏବଂ ବିଭିନ୍ନ ପାର୍ଟିରେ ଏକାଠି ନଜର ଆସିବା ପରେ ଦୁହିଁଙ୍କ ପ୍ରେମ ସମ୍ପର୍କକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା। ତେବେ ଉଭୟଙ୍କ ମଧ୍ୟରେ ଥିବା ୧୯ ବର୍ଷର ବୟସ ବ୍ୟବଧାନକୁ ନେଇ ଅନଲାଇନ୍‌ରେ ତୀବ୍ର ଟ୍ରୋଲିଂ (Online Trolling) କରାଯାଉଛି।

ପୂର୍ବ ସମ୍ପର୍କ ଓ ଟ୍ରୋଲିଂ

ମଲାଇକା ଅରୋରା ଅତୀତରେ ଅରବାଜ୍ ଖାନଙ୍କୁ (Arbaaz Khan) ବିବାହ କରିଥିଲେ। ୧୯ ବର୍ଷର ବୈବାହିକ ଜୀବନ ପରେ ୨୦୧୭ ମସିହାରେ ସେମାନଙ୍କର ଛାଡ଼ପତ୍ର (Divorce) ହୋଇଥିଲା। ସେମାନଙ୍କର ଏକମାତ୍ର ପୁଅ ହେଉଛନ୍ତି ଅରହାନ ଖାନ୍। ଏହାପରେ ମଲାଇକା ଅଭିନେତା ଅର୍ଜୁନ କପୁରଙ୍କ ସହ ରିଲେସନସିପ୍‌ରେ ଥିଲେ। ତେବେ ୨୦୨୪ ମସିହାରେ ଉଭୟ ଅଲଗା ହୋଇଯାଇଥିଲେ। ବର୍ତ୍ତମାନ ହର୍ଷ ମେହେଟ୍ଟାଙ୍କ ସହ ତାଙ୍କର ନିକଟତରତାକୁ ନେଇ ସେ ପୁଣିଥରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି।

ବଲିଉଡର ଜଣାଶୁଣା ନିର୍ଦ୍ଦେଶକ ଇମତିଆଜ୍ ଅଲୀ ନିଜର ଆଗାମୀ ଫିଲ୍ମର ପ୍ରମୋସନ ବେଳେ ଏକ ବଡ଼ ଖୁଲାସା କରିଛନ୍ତି। ୨୦୨୦ ମସିହାରେ ମୁକ୍ତିଲାଭ କରିଥିବା ତାଙ୍କ ନିର୍ଦ୍ଦେଶିତ ଫିଲ୍ମ 'ଲଭ୍ ଆଜ୍ କଲ୍ ୨' କୁ ସେ ଏକ "ବେକାର ପ୍ରୟୋଗ" ବୋଲି କହିଛନ୍ତି। ଏହି ଫିଲ୍ମରେ ବଲିଉଡ୍ ଷ୍ଟାର୍ କାର୍ତ୍ତିକ ଆର୍ଯ୍ୟନ୍ ଏବଂ ସାରା ଅଲୀ ଖାନ୍ ମୁଖ୍ୟ ଭୂମିକାରେ ଅଭିନୟ କରିଥିଲେ। ଫିଲ୍ମଟି ବକ୍ସ ଅଫିସରେ ଫ୍ଲପ୍ ହେବା ସହ ଦର୍ଶକଙ୍କ ମନ କିଣିବାରେ ମଧ୍ୟ ବିଫଳ ହୋଇଥିଲା।

ନାମକରଣ ଥିଲା ସବୁଠାରୁ ବଡ଼ ଭୁଲ୍

ଇମତିଆଜ୍ ପ୍ରକାଶ କରିଛନ୍ତି ଯେ, ଏହି ଫିଲ୍ମଟି ମୂଳତଃ କୌଣସି ସିକ୍ୱେଲ୍ ବା ଫ୍ରାଞ୍ଚାଇଜ୍ ର ଅଂଶ ନଥିଲା। ପ୍ରଥମେ ଏହାର ନାମ 'ରିଭର୍ସ' (Reverse) ରଖିବାକୁ ଚିନ୍ତା କରାଯାଇଥିଲା। କିନ୍ତୁ ପରେ କେବଳ ବ୍ୟବସାୟିକ ଉଦ୍ଦେଶ୍ୟ ରଖି ଏହାକୁ 'ଲଭ୍ ଆଜ୍ କଲ୍' ସହିତ ଯୋଡ଼ି ଦିଆଯାଇଥିଲା। ସେ କହିଛନ୍ତି ଯେ କେବଳ ବ୍ୟବସାୟିକ ଦୃଷ୍ଟିକୋଣରୁ ଗୋଟିଏ ଫିଲ୍ମ ତିଆରି କରିବା ଆଦୌ ଉତ୍ସାହଜନକ ନୁହେଁ। ଏହି ନାମକରଣ ହିଁ ଫିଲ୍ମର ସବୁଠାରୁ ବଡ଼ କ୍ଷତି କରିଥିଲା ବୋଲି ସେ ସ୍ୱୀକାର କରିଛନ୍ତି।

ବିଫଳତାର କାରଣ ଏବଂ ଆତ୍ମସମୀକ୍ଷା

ସୂଚନାଯୋଗ୍ୟ ଯେ, ୨୦୦୯ ମସିହାରେ ରିଲିଜ୍ ହୋଇଥିବା ଅରିଜିନାଲ୍ ଫିଲ୍ମ 'ଲଭ୍ ଆଜ୍ କଲ୍' ରେ ସୈଫ୍ ଅଲୀ ଖାନ୍ ଏବଂ ଦୀପିକା ପାଦୁକୋନ୍ ଅଭିନୟ କରିଥିଲେ। ଏହି ଫିଲ୍ମଟି ବକ୍ସ ଅଫିସରେ ପ୍ରାୟ ୧୨୦ କୋଟି ଟଙ୍କା ଆୟ କରି ଏକ ସୁପରହିଟ୍ ସାବ୍ୟସ୍ତ ହୋଇଥିଲା। କିନ୍ତୁ କାର୍ତ୍ତିକ ଓ ସାରାଙ୍କ ଅଭିନୀତ ସିକ୍ୱେଲରେ କାହାଣୀ ଅତ୍ୟନ୍ତ ଜଟିଳ ହୋଇଯାଇଥିଲା, ଯାହା ଦର୍ଶକଙ୍କୁ ସହଜରେ ବୁଝାପଡ଼ିନଥିଲା। ନିଜ କାମକୁ ନେଇ ଆତ୍ମସମୀକ୍ଷା କରି ଇମତିଆଜ୍ ଅଲୀ କହିଛନ୍ତି, "ଏହା ଏକ ଲାଭଦାୟକ ପ୍ରୋଜେକ୍ଟ ନଥିଲା, ବରଂ ଏକ ବେକାର ପରୀକ୍ଷଣ ଥିଲା।" ଏହି ଫିଲ୍ମରୁ ସେ ଏକ ବଡ଼ ଶିକ୍ଷା ଲାଭ କରିଛନ୍ତି ଯେ ବିନା ସୃଜନଶୀଳ ଆଗ୍ରହରେ କେବଳ ଟଙ୍କା ରୋଜଗାର ଉଦ୍ଦେଶ୍ୟରେ ଫିଲ୍ମ ନିର୍ମାଣ କରିବା ଉଚିତ୍ ନୁହେଁ |

ବଲିଉଡର ଯୁବ ଅଭିନେତା ବେଦାଙ୍ଗ ରୈନା ଏବେ ନିଜର ବ୍ୟକ୍ତିଗତ ଜୀବନକୁ ନେଇ ବେଶ୍ ଚର୍ଚ୍ଚାରେ ଅଛନ୍ତି। ନିକଟରେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ଦିବଂଗତ ସୁପରଷ୍ଟାର ରାଜେଶ ଖାନ୍ନାଙ୍କ ନାତୁଣୀ ନାଓମିକା ସରନଙ୍କ ସହ ନଜର ଆସିଛନ୍ତି। ଖୁସି କପୁରଙ୍କ ସହ ସମ୍ପର୍କ ଭାଙ୍ଗିବା ପରେ ଏବେ ବେଦାଙ୍ଗଙ୍କ ଜୀବନରେ ନୂଆ ପ୍ରେମର ଏଣ୍ଟ୍ରି ହୋଇଥିବା ନେଇ ବିଭିନ୍ନ ମହଲରେ ଆଲୋଚନା ଆରମ୍ଭ ହୋଇଛି।

ଥିଏଟର ବାହାରେ ସ୍ପଟ୍ ହେଲେ ଉଭୟ

ଗୁରୁବାର ସନ୍ଧ୍ୟାରେ ମୁମ୍ବାଇର ଏକ ଥିଏଟର ବାହାରେ ବେଦାଙ୍ଗ ଏବଂ ନାଓମିକାଙ୍କୁ ଏକାଠି ସ୍ପଟ୍ କରାଯାଇଥିଲା। ପାପାରାଜିଙ୍କ କ୍ୟାମେରା ଦେଖି ନାଓମିକା ଲାଜେଇ ଯାଇ ନିଜ ମୁହଁ ଲୁଚାଇବାକୁ ଚେଷ୍ଟା କରୁଥିବା ବେଳେ ବେଦାଙ୍ଗ ହସୁଥିବାର ନଜର ଆସିଥିଲେ। ଉଭୟ ଲିଫ୍ଟ ଭିତରେ ଖୁବ୍ ହସଖୁସିରେ କଥା ହେଉଥିବାର ଦୃଶ୍ୟ କ୍ୟାମେରାରେ କଏଦ ହୋଇଛି। ଏହି ଭିଡିଓ ସାମ୍ନାକୁ ଆସିବା ପରେ ଦୁହିଁଙ୍କ ଡେଟିଂକୁ ନେଇ ଚର୍ଚ୍ଚା ଜୋର ଧରିଛି।

କିଏ ଏହି ନାଓମିକା ସରନ?

ଭାଇରାଲ ଭିଡିଓରେ ଥିବା ନାଓମିକା ସରନ ହେଉଛନ୍ତି ବଲିଉଡର ପ୍ରସିଦ୍ଧ ପରିବାରର ଝିଅ। ସେ ହେଉଛନ୍ତି ବଲିଉଡର ପ୍ରଥମ ସୁପରଷ୍ଟାର ରାଜେଶ ଖାନ୍ନା ଏବଂ ଡିମ୍ପଲ କପାଡିଆଙ୍କ ସାନ ଝିଅ ରିଙ୍କି ଖାନ୍ନାଙ୍କ କନ୍ୟା। ସମ୍ପର୍କରେ ସେ ଅଭିନେତା ଅକ୍ଷୟ କୁମାରଙ୍କ ଶାଳୀଙ୍କ ଝିଅ। ମିଳିଥିବା ସୂଚନା ଅନୁଯାୟୀ, ଖୁବଶୀଘ୍ର ନାଓମିକା ମ୍ୟାଡକ୍ ଫିଲ୍ମସ୍ ବ୍ୟାନରରେ ନିର୍ମିତ ଏକ ଫିଲ୍ମ ମାଧ୍ୟମରେ ବେଦାଙ୍ଗଙ୍କ ସହ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି।

ଖୁସି କପୁରଙ୍କ ସହ ହୋଇଥିଲା ବ୍ରେକଅପ୍

ଏହି ନୂଆ ସମ୍ପର୍କ ପୂର୍ବରୁ ବେଦାଙ୍ଗଙ୍କ ନାମ ପ୍ରସିଦ୍ଧ ଅଭିନେତ୍ରୀ ତଥା ଶ୍ରୀଦେବୀଙ୍କ ଝିଅ ଖୁସି କପୁରଙ୍କ ସହ ଯୋଡା ଯାଉଥିଲା। ଉଭୟ 'ଦି ଆର୍ଚିଜ୍' ଫିଲ୍ମରେ ଏକାଠି କାମ କରିବା ପରେ ପରସ୍ପରକୁ ଡେଟ୍ କରୁଥିଲେ। ତେବେ ଦୁଇ ବର୍ଷର ସମ୍ପର୍କ ପରେ ନିକଟରେ ସେମାନଙ୍କର ବ୍ରେକଅପ୍ ହୋଇଥିବା ଖବର ସାମ୍ନାକୁ ଆସିଥିଲା। ବର୍ତ୍ତମାନ ବେଦାଙ୍ଗ ଓ ନାଓମିକାଙ୍କ ଅନ୍-ସ୍କ୍ରିନ୍ ଯୋଡିଙ୍କୁ ନେଇ ଯେତିକି ଚର୍ଚ୍ଚା ହେଉଛି, ତାଙ୍କ ଅଫ୍-ସ୍କ୍ରିନ୍ କେମେଷ୍ଟ୍ରୀ ମଧ୍ୟ ଦର୍ଶକଙ୍କ ମଧ୍ୟରେ ସେତିକି ଉତ୍କଣ୍ଠା ସୃଷ୍ଟି କରିଛି।

 

 

 

 

 

View this post on Instagram

 

 

 

 

 

 

 

 

 

 

 

A post shared by Tadka Bollywood (@tadka_bollywood_)

ବଲିଉଡର ପ୍ରସିଦ୍ଧ ଅଭିନେତ୍ରୀ ରବୀନା ଟଣ୍ଡନ ନିକଟରେ ନିଜ ଜୀବନର ଏକ ଭୟାନକ ତଥା ଆଶ୍ଚର୍ଯ୍ୟଜନକ ଘଟଣାକୁ ମନେ ପକାଇଛନ୍ତି। ୨୦୨୪ ମସିହାରେ ତାଙ୍କ ମୁମ୍ବାଇ ସ୍ଥିତ ବାସଭବନ ବାହାରେ ଏକ ଉନ୍ମତ୍ତ ଭିଡ଼ର ହଙ୍ଗାମା ବିଷୟରେ ସେ ଏକ ସାକ୍ଷାତକାରରେ ଖୁଲାସା କରିଛନ୍ତି। ଏହି ପରିସ୍ଥିତିରେ ନିଜ ସାହସର ପରିଚୟ ଦେଇ ସେ କିପରି ଜଣେ ଅନୁପ୍ରବେଶକାରୀଙ୍କୁ ତଡ଼ି ଦେଇଥିଲେ, ସେ ନେଇ ରୋମାଞ୍ଚକର ତଥ୍ୟ ରଖିଛନ୍ତି।

ଡ୍ରାଇଭରଙ୍କୁ ବଞ୍ଚାଇବାକୁ ଆଗେଇ ଆସିଥିଲେ ଅଭିନେତ୍ରୀ

ସୂଚନା ଅନୁଯାୟୀ, ୨୦୨୪ ମସିହାରେ ଜଣେ ମହିଳା ରବୀନାଙ୍କ ଡ୍ରାଇଭରଙ୍କ ନାମରେ ଦୁର୍ବ୍ୟବହାର ଓ ଆକ୍ରମଣ କରିଥିବାର ମିଥ୍ୟା ଅଭିଯୋଗ ଆଣିଥିଲେ। ଏହା ପରେ ତାଙ୍କ ଘର ବାହାରେ ହଠାତ୍ ପ୍ରାୟ ୩୦ ଜଣ ଲୋକଙ୍କର ଏକ ଭିଡ଼ ଜମା ହୋଇଯାଇଥିଲା। ଉଗ୍ର ରୂପ ଧାରଣ କରିଥିବା ଏହି ଲୋକମାନେ ରବୀନାଙ୍କ ଡ୍ରାଇଭରଙ୍କୁ ମାଡ଼ ମାରିବାକୁ ଲାଗିଥିଲେ। ସେହି ବିପଦଜ୍ଜନକ ସମୟରେ କୌଣସି ପରବାୟ ନକରି, ରବୀନା ନିଜେ ସେମାନଙ୍କ ମଝିରେ ପଶିଯାଇଥିଲେ ଏବଂ ନିଜ ଡ୍ରାଇଭରଙ୍କୁ ସୁରକ୍ଷିତ ଭାବରେ ଟାଣି ଆଣି ଘର ଭିତରକୁ ନେଇଯାଇଥିଲେ।

'ସାର୍ଟ କଲାର ଧରି ବାହାରକୁ ଫିଙ୍ଗି ଦେଇଥିଲି'

ଏହି ହାଇ-ଭୋଲଟେଜ୍ ଡ୍ରାମା ଓ ଭୟାନକ ପରିସ୍ଥିତି ବାବଦରେ ବର୍ଣ୍ଣନା କରି ରବୀନା କହିଛନ୍ତି ଯେ, "ଯେତେବେଳେ ଭିଡ଼ ଭିତରୁ ଜଣେ ବ୍ୟକ୍ତି ଆମ ଘର ଭିତରକୁ ଜବରଦସ୍ତ ପଶିବାକୁ ଚେଷ୍ଟା କଲା, ମୁଁ ତା'ର ସାର୍ଟ କଲାର ଧରି ତାକୁ ବାହାରକୁ ଫିଙ୍ଗି ଦେଇଥିଲି।" ପରେ ଅଭିନେତ୍ରୀ ସ୍ପଷ୍ଟ କରିଥିଲେ ଯେ, ତାଙ୍କ ଡ୍ରାଇଭରଙ୍କ ଉପରେ ଲଗାଯାଇଥିବା ସମସ୍ତ ଅଭିଯୋଗ ସମ୍ପୂର୍ଣ୍ଣ ରୂପେ ଭିତ୍ତିହୀନ ଥିଲା। ଏହା କେବଳ ଟଙ୍କା ଆଦାୟ ବା ବ୍ଲାକମେଲ୍ ଏବଂ ଏକ୍ସଟର୍ସନ କରିବାର ଏକ ସୁଚିନ୍ତିତ ଷଡ଼ଯନ୍ତ୍ର ଥିଲା। ଏହି ପୂରା ଘଟଣାର ସତ୍ୟତାକୁ ପ୍ରମାଣିତ କରିବାରେ ତାଙ୍କ ଘରେ ଲାଗିଥିବା ସିସିଟିଭି (CCTV) ଫୁଟେଜ୍ ବହୁତ ସାହାଯ୍ୟ କରିଥିଲା ବୋଲି ସେ ପ୍ରକାଶ କରିଛନ୍ତି।