ଭୁବନେଶ୍ୱର: ଏଥର ନିଜ ଜନ୍ମ ଦିନକୁ ସ୍ମରଣୀୟ କରିବେ ଶତାୟୁ ସ୍ତ୍ରୀ ଓ ପ୍ରସୂତି ବିଶେଷଜ୍ଞ ପ୍ରଫେସର ଲକ୍ଷ୍ମୀ ବାଇ। ଶହେ ବର୍ଷରେ ସେ ପଦାର୍ପଣ କରିବେ। ଆସନ୍ତା ୫ ତାରିଖରେ ପ୍ରଫେସର ଲକ୍ଷ୍ମୀ ବାଇଙ୍କୁ ଛୁଇଁବ ଶହେ ବର୍ଷ। ଶହେତମ ଜନ୍ମ ଦିନକୁ ସ୍ମରଣୀୟ କରିବାକୁ ଜୀବନ ବ୍ୟାପି ସଞ୍ଚିତ ପୁଞ୍ଜି ସ୍ବାସ୍ଥ୍ୟ ସେବା ବିକାଶରେ ବିନିଯୋଗ କରିଛନ୍ତି । ଶତବାର୍ଷିକୀ ପାଳନ ଅବସରେ ଭୁବନେଶ୍ୱର ଏମ୍‌ସକୁ ୩ କୋଟି ୪୦ ଲକ୍ଷ ଟଙ୍କା ପ୍ରଦାନ କରିବେ। ଏଥିପାଇଁ ହସ୍‌ପିଟାଲ୍ ସହ ତାଙ୍କର ସମସ୍ତ ଆଲୋଚନା ସରିବା ପରେ କାଗଜପତ୍ର ମଧ୍ୟ ହୋଇସାରିଛି। ପ୍ରଫେସର ଲକ୍ଷ୍ମୀ ବାଇ କଟକ ମେଡିକାଲ କଲେଜ ଓ ହସ୍‌ପିଟାଲର ପ୍ରଥମ ବ୍ୟାଚ୍ MBBS ଛାତ୍ରୀ । ଏମ୍‌କେସିଜି ମେଡିକାଲ କଲେଜ ଓ ହସ୍‌ପିଟାଲରୁ ଅବସର ପରେ ବ୍ରହ୍ମପୁର ଭାବାନଗର ସ୍ଥିତ ଘରେ ରହୁଛନ୍ତି।

ତାଙ୍କ ଦ୍ବାରା ପ୍ରଦତ୍ତ ଅର୍ଥରେ ମହିଳା କର୍କଟ ରୋଗ ଚିକିତ୍ସା ଓ ଯତ୍ନ କ୍ଷେତ୍ରରେ ବିନିଯୋଗ ହେବ ବୋଲି ସେ ଅତ୍ଯନ୍ତ ଖୁସି ଅଛନ୍ତି। ମହିଳା କର୍କଟ ରୋଗ ଚିକିତ୍ସା ଓ ଯତ୍ନ କେନ୍ଦ୍ର କରିବାକୁ ଏହି ଟଙ୍କା ସେ ଭୁବନେଶ୍ୱର ଏମ୍‌ସକୁ ଦାନ କରିଥିବା କହିଛନ୍ତି। ବହୁ ପୁରୁଣା ଛାତ୍ରୀ ତଥା ଜଣାଶୁଣା ପ୍ରସୂତି ଓ ସ୍ତ୍ରୀ ରୋଗ ବିଭାଗ ପ୍ରଫେସର ପି. ଭାରତୀ ଓ ଡାକ୍ତର ଭାରତୀ ମିଶ୍ର ଏହି ଅର୍ଥ କିପରି ରୋଗୀ ଚିକିତ୍ସାରେ ଲାଗିବ ସେ ନେଇ ତଦାରଖ କରୁଛନ୍ତି। ୧୯୨୬ ଡିସେମ୍ବର ୫ ତାରିଖରେ ପ୍ରଫେସର ଲକ୍ଷ୍ମୀ ବାଈଙ୍କ ଜନ୍ମ। ୧୯୪୫ରୁ ୧୯୫୦ରେ କଟକ ଏସ୍‌ସିବି ମେଡିକାଲ କଲେଜ‌ରେ MBBS ପାଠପଢ଼ା ସରିବା ପରେ ୧୯୫୮ରେ ମାଡ୍ରାସ୍‌ ମେଡିକାଲ କଲେଜ ‘ଓ ଏଣ୍ଡ୍ ଜି’ ବିଶେଷଜ୍ଞ ଭାବେ ପୋଷ୍ଟ ଗ୍ରାଜୁଏଟ କରିଥିଲେ। ୧୯୫୦ରେ ସୁନ୍ଦରଗଡ଼ ଜିଲ୍ଲା ହସ୍‌ପିଟାଲରୁ ଚାକରି ଜୀବନ ଆରମ୍ଭ କରି ୧୯୮୬ରେ ଏମ୍‌କେସିଜିରେ ଅବସର ନେଇଥିଲେ। ସ୍ବାସ୍ଥ୍ୟସେବାରେ ଉଲ୍ଲେଖନୀୟ କାର୍ଯ୍ୟ ପାଇଁ ଭାରତ ଜ୍ୟୋତି ଆଓ୍ବାର୍ଡ, ଇଣ୍ଟରନ୍ୟାସ୍‌ନାଲ ଫ୍ରେଣ୍ଡସିପ୍ ସୋସାଇଟି ଆୱାର୍ଡ ଏବଂ ବେଷ୍ଟ୍ ସିଟିଜେନ୍ ଅଫ୍ ଇଣ୍ଡିଆ ଆଓ୍ବାର୍ଡ ପାଇଛନ୍ତି।

ପୁରୀ: ପୁରୀ ଜିଲ୍ଲା ନିମାପଡ଼ା ବଳଙ୍ଗା ଅଞ୍ଚଳରେ ନାବାଳିକା ପୋଡ଼ି ଘଟଣାରେ ବିରୋଧୀ ଦଳ ନେତା ନବୀନ ପଟ୍ଟନାୟକ କ୍ଷୋଭ ପ୍ରକାଶ କରିଛନ୍ତି। ସ୍ପଷ୍ଟ ଦିବାଲୋକରେ ପୀଡ଼ିତାଙ୍କୁ ହତ୍ୟା ଉଦ୍ୟମ ହୋଇଛି। ଏଫ୍‌ଏମ୍‌ କଲେଜରେ ଜଣେ ଯୁବତୀ ନ୍ୟାୟ ନ ପାଇ ସମସ୍ତ ଦ୍ୱାରରେ ଦ୍ୱାରସ୍ଥ ହେବା ପରେ ନିଜକୁ ନିଆଁ ଲଗାଇ ଆତ୍ମହତ୍ୟା କରିଥିବା ଭୟାବହ ଘଟଣାର ଏକ ସପ୍ତାହ ମଧ୍ୟରେ ଏବଂ ଗୋପାଳପୁରରେ ଘଟିଥିବା ଭୟଙ୍କର ଘଟଣାର ଏକ ମାସ ପରେ ଘଟିଛି। ପ୍ରତିଦିନ ଅକଳ୍ପନୀୟ ଘଟଣା ମହିଳାଙ୍କ ବିରୋଧରେ ଘଟୁଛି। ବର୍ତ୍ତମାନର ସରକାରରେ ଅପରାଧୀ ଭୟ କରୁ ନାହାନ୍ତି। ସରକାରଙ୍କ ଛତ୍ରଛାୟା ତଳେ ରହିଛନ୍ତି ଅପରାଧୀ।

Deeply anguished to know that a young girl was set on fire in Balanga area of Puri District. This attempt to kill her happened in broad daylight. I strongly condemn this horrible act.

It has happened just within a week of the terrible incident of a young girl setting herself…

— Naveen Patnaik (@Naveen_Odisha) July 19, 2025

ଓଡ଼ିଶା ସରକାର ଗଭୀର ନିଦରୁ ଜାଗି ଅପରାଧୀମାନଙ୍କୁ ଗିରଫ କରିବା ପାଇଁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଏଭଳି ଘଟଣା ପୁନରାବୃତ୍ତି ନ ହେବ ସେ ନେଇ ସରକାର ପ୍ରୟାସ କରିବେ କି ବୋଲି ନବୀନ ପ୍ରଶ୍ନ କରିଛନ୍ତି।

ଭୁବନେଶ୍ୱର: ଭୁବନେଶ୍ଵର ଏମ୍‌ସ ଭିତରେ ଜରୁରୀକାଳୀନ ପରିସ୍ଥିତି ପାଇଁ ଥିବା ଔଷଧ ଦୋକାନ ଦୁଇ ସପ୍ତାହ ହେଲା ବନ୍ଦ ହୋଇଯାଇଛି। ଫଳରେ ଅସ୍ତ୍ରୋପଚାର ହେଉ ଅବା ଅନ୍ୟ ଜରୁରୀ ସମୟରେ ରୋଗୀ ସମ୍ପର୍କୀୟ ଔଷଧ କିଣିବା ପାଇଁ ଡ଼ାକ୍ତରଖାନା ବାହାରେ ଥିବା ଘରୋଇ ଔଷଧ ଦୋକାନକୁ ଦୌଡ଼ି ଅଧିକ ଖର୍ଚ୍ଚାନ୍ତ ହେଉଥିବା ଅଭିଯୋଗ ହୋଇଛି। ସୂଚନା ଅନୁସାରେ ଏମ୍ସ ପ୍ରତିଷ୍ଠା ହେବା ପରଠାରୁ ଏହାର ଅସ୍ତ୍ରୋପଚାର ଗୃହ ନିକଟରେ ଏକ ଔଷଧ ଦୋକାନ ଖୋଲା ଯାଇଥିଲା । ଅସ୍ତ୍ରୋପଚାର ଗୃହରେ ଥିବା ରୋଗୀ ଅବା ଆଡମିଟ୍ ହୋଇଥିବା ରୋଗୀ ତୁରନ୍ତ ଔଷଧ ପାଇବାକୁ ସମର୍ଥ ହେଉଥିଲେ। ଗୁରୁତ୍ବପୂର୍ଣ୍ଣ କଥା ହେଲା ଏଠାରେ ଔଷଧ ଉପରେ ୬୩.୫ ପ୍ରତିଶତ ରିହାତି ମିଳିଥାଏ। ସ୍ଵଳ୍ପ ମୂଲ୍ୟରେ ଏବଂ ତୁରନ୍ତ ରୋଗୀଙ୍କୁ ଔଷଧ ଯୋଗାଇବା ପାଇଁ ସରକାର ଏହି କାଉଣ୍ଟର ଖୋଲିଥିଲେ। ୧୫ ଦିନ ହେଲା ଏହି ଦୋକାନ ବନ୍ଦ ହୋଇଯାଇଛି। ଫଳରେ କ୍ୟାମ୍ପସ୍ ପରିସରରେ ଥିବା ଆଉ ଏକ ଔଷଧ ଦୋକାନ ‘ଅମୃତ’ ଆଗରେ ଶହ ଶହ ରୋଗୀ ସମ୍ପର୍କୀୟଧାଡ଼ିରେ ଦୀର୍ଘ ସମୟ ଛିଡ଼ା ହେବା ପରେ ଯାଇ ଔଷଧ ପାଉଛନ୍ତି। ଅନେକ ସମୟରେ ରୋଗୀମାନେ ନିଜେ ଘଣ୍ଟା ଘଣ୍ଟା ଖରା ବର୍ଷରେ ଧାଡ଼ିରେ ଛିଡ଼ା ହେବାକୁ ବାଧ୍ୟ ହେଉଛନ୍ତି।

ଏତେ ଝାମେଲାରେ ପଡ଼ିବା ଅପେକ୍ଷା ବାହାରେ ଥିବା ଘରୋଇ ଔଷଧ ଦୋକାନରୁ ଚଢ଼ା ଦରରେ ଔଷଧ କିଣିବା ସାର ହେଉଛି। ରାତି ଅଧରେ ଦରକାର  ପଡ଼ିଲେ ବାହାରକୁ ଧାଉଁଛନ୍ତି। ଏପରିକି ଗଜ୍ କପଡ଼ା, ସିରିଞ୍ଜ ଭଳି ସାମଗ୍ରୀ ଆଦି ମାଗଣାରେ ଯୋଗାଣ ନିୟମ ଥିବା ସତ୍ତ୍ବେ ଅନେକ ସମୟରେ ରୋଗୀ ସମ୍ପର୍କୀୟ ବାହାରେ ଥିବା ଦୋକାନରୁ କିଣିବା ପାଇଁ ବାଧ୍ୟ ହେଉଥିବା ଅଭିଯୋଗ ହୋଇଛି।

ଜଣା ପଡ଼ିଛି ଯେ ଟେଣ୍ଡର ଅବଧି ଶେଷ ହୋଇଯିବାରୁ ଅସ୍ତ୍ରୋପଚାର ଗୃହ ନିକଟରେ ଥିବା ଔଷଧ ଦୋକାନ ବନ୍ଦ ହୋଇଯାଇଛି। କିନ୍ତୁ ଅବଧି ଶେଷ ହେବା ପୂର୍ବରୁ ଟେଣ୍ଡର ପ୍ରକ୍ରିୟା ଆରମ୍ଭ କରି କାହାକୁ ଦାୟିତ୍ବ ଦେବା ପାଇଁ ଏମ୍‌ସ କର୍ତ୍ତୃପକ୍ଷ ଉଚିତ ମଣିଲେ ନାହିଁ ।ପ୍ରତ୍ୟେକ୍ଷ ଓ ପରୋକ୍ଷ ଭାବେ ଏମ୍‌ସ ସ୍ବାସ୍ଥ୍ୟ ସେବାକୁ ଏହା ଗୁରୁତର ଭାବେ ପ୍ରଭାବିତ କରୁଛି। ଏହାକୁ ନେଇ ରୋଗୀ ଓ ସମ୍ପର୍କୀୟଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି।

ଭୁବନେଶ୍ବର : ଗରିବ ଲୋକଙ୍କୁ ଭୁବନେଶ୍ୱର ଏମସ୍‌ରେ  ଏଣିକି ମାଗଣା ଇକମୋ ଚିକିତ୍ସା ମାଗଣା ଦିଆଯିବ । ଏହି ପରିପ୍ରେକ୍ଷୀରେ ରାସନ କାର୍ଡ ଧାରୀ ଏବଂ ଗରିବ ଲୋକମାନଙ୍କୁ ମାଗଣାରେ ଯୋଗାଇ ଦିଆଯିବ ଏହି ଚିକିତ୍ସା । ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଏମସ୍‌ ଅଧିକ୍ଷକ ଡାକ୍ତର ସଚ୍ଚିଦାନନ୍ଦ ମହାନ୍ତି । ଏମ୍‌ସ ଅଧୀକ୍ଷକଙ୍କ କହିବା ଅନୁସାରେ କୌଣସି ଗରିବ ଲୋକ ପାଇଁ ଇକମୋ ଚିକିତ୍ସା ଦରକାର ହେଲେ ଆବଶ୍ୟକ କାଗଜପତ୍ର ଦେଖାଇଲେ ସମ୍ପୂର୍ଣ୍ଣ ମାଗଣା ଚିକି କରାଯିବ। ତେବେ ଗତ ଜୁଲାଇ ୧୫ ତାରିଖରୁ ଇକମୋ ମେସିନ୍ କାର୍ଯ୍ୟକ୍ଷମ କରାଯାଇଛି ।

ସୂଚନାଯୋଗ୍ୟ ରାଜ୍ୟରେ କରୋନାର ଦ୍ବିତୀୟ ଲହର ସମୟରେ ଗୁରୁତର ହେଉଥିବା ରୋଗୀଙ୍କ ପାଇଁ ବ୍ୟୟବହୁଳ ଇକ୍‌ମୋ ଚିକିତ୍ସା ଆବଶ୍ୟକ ହେଉଥିଲା। ଯେଉଁଥିପାଇଁ ଓଡ଼ିଶାରୁ ବହୁ ଗୁରୁତର ରୋଗୀ କୋଲକାତା, ଚେନ୍ନାଇ ପରି ସହରରେ ଥିବା ମେଡିକାଲ୍‌କୁ ଏୟାଲିଫ୍ଟି ହୋଇଥିଲେ। ରାଜ୍ୟରେ ଆବଶ୍ୟକତା ଦେଖି ସରକାର ଏସ୍‌ସିବି ବଡ଼ ମେଡିକାଲ୍‌, କ୍ୟାପିଟାଲ ମେଡିକାଲ୍‌ରେ ଇକ୍‌ମୋ ମେସିନ୍‌ ଇନ୍‌ଷ୍ଟଲ କରିଥିଲେ। ସେହିପରି ଏମ୍‌ସରେ ମଧ୍ୟ ଇକ୍‌ମୋ ମେସିନ୍‌ ଲାଗିଥିଲା। ଏହାଦ୍ୱାରା ଲାଇଫ୍‌ ସପୋଟ୍‌ ଆବଶ୍ୟକ ହେଉଥିବା ରୋଗୀଙ୍କୁ ଆଉ ବ୍ୟୟବହୁ ଏୟାଏଫ୍ଟି କରିବାକୁ ପଡ଼ିବ ନାହିଁ ।

ସୂଚନା ଅନୁସାରେ ଏସ୍‌ସିବିରେ ୯ଟି ଇକ୍‌ମୋ ମେସିନ ଇନଷ୍ଟଲ ହୋଇଛି। ଆବଶ୍ୟକ ମାନବ ସମ୍ବଳ ମଧ୍ୟ ନିଯୁକ୍ତ ହୋଇସାରିଛନ୍ତି । ଗୋଟିଏ ବ୍ୟାଚ୍ କୋଲକାତାରୁ ପ୍ରଶିକ୍ଷଣ ନେଇ ଫେରିଛନ୍ତି । ଇକ୍‌ମୋ ପାଇଁ ଏସ୍‌ସିବିରେ ୨ଟି ୟୁନିଟ୍ କରାଯାଇଛି । ପ୍ରଥମ ୟୁନିଟ୍‌ରେ ୬ଟି ଓ ଦ୍ୱିତୀୟ ୟୁନିଟ୍‌ରେ ୩ଟି ମେସିନ ରହିବ। ଦ୍ୱିତୀୟ ୟୁନିଟ୍‌ରେ ୩ଟି ମେସିନ କୋଭିଡ୍ ରୋଗୀଙ୍କୁ ସେବା ଦେବ। ତେବେ କୋଭିଡ୍ ପରବର୍ତ୍ତୀ ଜଟିଳତା ପାଇଁ ଅନ୍ୟ ୬ଟି ମେସିନ ରହିବ।

ଭୁବନେଶ୍ବର :  ଭୁବନେଶ୍ୱର ଏମ୍ସ ଡାକ୍ତରଙ୍କ ସଫଳ ଗବେଷଣା। ଚିହ୍ନଟ ହେଲା ଏକ ନୂଆ ତଥା ବିରଳ ଫଙ୍ଗସ। ମଧୁମେହ ରୋଗୀ, ଅଙ୍ଗ ପ୍ରତ୍ୟାରୋପଣ କରିଥିବା ବ୍ୟକ୍ତି, କୋଭିଡ-୧୯ ଗୁରୁତର ରୋଗୀଙ୍କ ଶରୀରରେ ଏହି ଫଙ୍ଗସ ହେବାର ଆଶଙ୍କା ରହିଥାଏ। ଏହି ନୂଆ ଫଙ୍ଗସ୍‌ର ନାଁ ‘ଅରୁଣାଲୋକେ’ ରଖାଯାଇଛି। ନୂଆ ଫଙ୍ଗସ୍ ‘ଅରୁଣାଲୋକେ’ ଗୁରୁତର ରୋଗୀଙ୍କ ଶରୀରରେ ଏହା ଦେଖା ଯାଇଥିବାରୁ ଏଥି ଜନିତ ମୃତ୍ୟୁ ହାର ବେଶ ଅଧିକ। ଏଭଳି ଫଙ୍ଗସ ବିଶ୍ୱରେ ପ୍ରଥମ। ଏହାର ରଙ୍ଗ ଧଳା। ଓଡିଶାରୁ ଜଣେ ଯୁବକଙ୍କ ଶରୀରରେ ମିଳିଛି। ଉକ୍ତ ଯୁବକଙ୍କ ଦେହାନ୍ତ ହୋଇଯାଇଛି। ଉକ୍ତ ଯୁବକ ଜଣକ ଚର୍ମରୋଗ ଓ ଅଧକପାଳି ରୋଗରେ ପୀଡିତ ଥିଲେ। ୨୦୧୮ମସିହାରେ ଚିକିତ୍ସା ପାଇଁ ଭୁବନେଶ୍ବର ଏମ୍ସରେ ଭର୍ତି ହୋଇଥିଲେ। ଗତବର୍ଷ ତାଙ୍କର ଦେହାନ୍ତ ହୋଇଥିଲା।

ଗବେଷଣା ପାଇଁ ଦୀର୍ଘ ୩ବର୍ଷ ସମୟ ଲାଗିଛି। ଏମ୍ସ ଭୁବନେଶ୍ବର ମାଇକ୍ରୋ ବାୟୋଲୋଜି ବିଭାଗର ଡାକ୍ତର ବିନୟ ହାଲୁରଙ୍କ ନେତୃତ୍ୱରେ ୬ଜଣିଆ ଟିମ ଏହି ଗବେଷଣା କରିଥିଲେ। ତେବେ ଏହି ଫଙ୍ଗସ ଆକ୍ରାନ୍ତ ରୋଗୀଙ୍କ ଚିକିତ୍ସା ସମ୍ଭବ ବୋଲି ଡାକ୍ତର ହାଲୁର କହିଛନ୍ତି।

ଭୁବନେଶ୍ୱର: ଭୁବନେଶ୍ୱର AIIMS ପରିସରରେ ଖୋଲିବ ଅଗ୍ନିଶମ ସେବା କେନ୍ଦ୍ର । ଆଜି ଏହି ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଞୁରୀ ଦେଇଛନ୍ତି । ଏହି ଅଗ୍ନିସେବା କେନ୍ଦ୍ରରେ ଜଣେ ଷ୍ଟେସନ ଅଫିସରଙ୍କ ସମେତ ଦଶ ଜଣ କର୍ମଚାରୀ ରହିବେ । ଏଥିପାଇଁ ରାଜ୍ୟ ସରକାର ଦଶଟି ନୂତନ ପଦବୀ ସୃଷ୍ଟି କରିଛନ୍ତି । AIIMS ପରି ଏକ ସର୍ଵଭାରତୀୟ ଚିକିତ୍ସା ପ୍ରତିଷ୍ଠାନର ଅଗ୍ନି ନିରାପତ୍ତାକୁ ସୁଦୃଢ କରିବାରେ ଏହା ବିଶେଷ ସହାୟକ ହେବ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି । ଏସସିବି ମେଡିକାଲ, ଏମକେସିଜି ମେଡିକାଲ, ଭିମସାର ବୁର୍ଲାରେ ଗୋଟିଏ ଗୋଟିଏ ଅଗ୍ନିଶମ କେନ୍ଦ୍ର ରହିଛି । ସାରା ରାଜ୍ୟରେ 338ଟି ଅଗ୍ନିଶମ ସେବା କେନ୍ଦ୍ର ଲୋକଙ୍କୁ ସେବା ଯୋଗାଉଛି ।

ଭୁବନେଶ୍ୱର: ଆସନ୍ତା ଜୁନ୍ ୨୮ ତାରିଖରୁ ରୋଗୀଙ୍କ ପାଇଁ ଖୋଲିବ ଭୁବନେଶ୍ୱର ଏମ୍ସର ଓପିଡ଼ି । କରୋନା ପାଇଁ ଏପ୍ରିଲ ୨୪ ତାରିଖରୁ ଏମ୍‌ସ ଓପିଡ଼ି ବନ୍ଦ ରହିଥିଲା । ବର୍ତମାନ ସମୟରେ ସବୁ ବିଭାଗର ଆଉଟଡୋର୍ ରୋଗୀ ଚିକିତ୍ସା ଖୋଲିଲେ ମଧ୍ୟ ଅଳ୍ପ ସଂଖ୍ୟକ ରୋଗୀଙ୍କୁ କରୋନା କଟକଣା ମଧ୍ୟରେ ଚିକିତ୍ସା କରାଯିବ ବୋଲି ଏମ୍ସ ଅଧୀକ୍ଷକ ଡାକ୍ତର ସଚିଦାନନ୍ଦ ମହାନ୍ତି ଜଣାଇଛନ୍ତି । ଧିରେ ଧିରେ ନିୟମିତ ଭାବେ ସବୁ ବିଭାଗରେ ଯେତେ ରୋଗୀ ଚିକିତ୍ସା ପାଇଁ ଆସିବେ, ସେମାନଙ୍କୁ ଆଟେଣ୍ଡ କରାଯିବ । ହେଲେ ଓପିଡ଼ି ସହିତ ଟେଲି ମେଡ଼ିସନ୍ ବ୍ୟବସ୍ଥା ପୂର୍ବ ପରି ଜାରି ରହିବ ।