ଭୁବନେଶ୍ୱର: ତେଲ ପାଇଁ ହାହାକାର । ପେଟ୍ରୋଲ ଟାଙ୍କି ମାଲିକ କହୁଛନ୍ତି, କିଛି ସଙ୍କଟ ନାହିଁ । ହେଲେ ପେଟ୍ରୋଲ, ଡିଜେଲ ମିଳୁନାହିଁ । ରାଜ୍ୟର ଅନେକ ପେଟ୍ରୋଲ ପମ୍ପରେ ତୈଳ ସଙ୍କଟ ଦେଖାଦେଇଥିବାବେଳେ କିଛି ବନ୍ଦ ମଧ୍ୟ ରହିଛି । ଯେଉଁ ଟାଙ୍କିରେ ଅଛି ସେଠି ପେଟ୍ରୋଲ ଓ ଡିଜେଲ୍ ପକାଇବା ପାଇଁ ଗାଡି ଚାଳକମାନେ ଲମ୍ବା ଧାଡ଼ିରେ ଅପେକ୍ଷା କରି ରହୁଥିଵା ଦେଖାଯାଉଛି । ଗାଡ଼ିରେ ତେଲ ପକେଇବା ପାଇଁ ଲୋକେ ଘଣ୍ଟା ଘଣ୍ଟା ଧରି ଅପେକ୍ଷା କରିଥିବାବେଳେ କିଛି ସ୍ଥାନରେ ବଡ଼ ବଡ଼ ଟିଣ ଡବା ଧରି ମଧ୍ୟ ଧାଡ଼ିରେ ରହୁଛନ୍ତି । ଯାହାଫଳରେ କୁତ୍ରିମ ଅଭାବ ଦେଖିବାକୁ ମିଳୁଛି । ଉଚ୍ଚ ସ୍ତରରେ ସମସ୍ତେ କହୁଛନ୍ତି, ଅଛି...ଅଛି । ତା’ହେଲେ ଏ କୃତ୍ରିମ ଅଭାବ କାହିଁକି? ଏହା ପଛରେ କିଏ? ତେଲ କମ୍ପାନି ନା ଟାଙ୍କି ମାଲିକ ନା ଅଚାନକ ଅସ୍ୱାଭାବିକ ଚାହିଦା ବୃଦ୍ଧି।